അപ്പോളാണ് എല്ലാം കേട്ട് നിൽക്കുന്ന സീതയിലേക്ക് ഇവരുടെയും ശ്രദ്ധ പോയത്..ഇവരുടെയും നോട്ടത്തിന്റെ അർത്ഥം മനസിലാക്കിയതുപോലെ സീത പറയാൻ തുടങ്ങി..എല്ലാം പറഞ്ഞ് കഴിഞ്ഞതും സീതയെ ചേർത്തുപിടിച്ചു ഗായത്രിയും വിനുവും... മൂവരുടെ സ്നേഹപ്രകടനം കണ്ടതും വരുൺ ചാരുവിനെ ചേർത്തുപിടിച്ചു മൂവരുടെയിടയിലേക്ക് കടന്നുകൂടി... 

ഇവരെ നോക്കി നിന്ന ഒരാളുടെ കണ്ണുകൾ നിറഞ്ഞു... ആ കണ്ണീർ തുടച്ചുകൊണ്ട് അയാൾ അവിടെ നിന്നും പോയി....


തുടർന്ന് വായിക്കുക...

അമ്പലത്തിൽ നിന്നും തിരികെ എത്തുമ്പോ കണ്ടു എന്തോ പറഞ്ഞിരിക്കുന്ന ശ്രീധരനെയും നളിനിയെയും...സീതയെയും വരുണിനെയും കണ്ടതും ശ്രീധരനും നളിനിയും സംസാരിക്കുന്നത് നിർത്തി...

അച്ചാച്ചനെയും അമ്മമ്മയെയും കണ്ടതും ചാരു ഇവരുടെ അടുത്തേക്ക് ഓടിച്ചെന്നു... തൊട്ട് പിന്നാലെ വരുണും സീതയും അച്ഛന്റെയും അമ്മയുടെയും അടുത്തേക്ക് ചെന്നു...ചാരു അകത്തേക്ക് ഓടിച്ചെന്ന് അവളുടെ കളിപ്പാട്ടങ്ങൾ എടുത്ത് കളിക്കാൻ തുടങ്ങി..ഇത് കണ്ടുകൊണ്ടാണ് സീതയും വരുണും അകത്തേക്ക് കേറിയത് തൊട്ട് പിന്നാലെ അർച്ചനയും ഗിരിയും അകത്തേക്ക് കേറിയതും റൂമിൽ നിന്നും ഗിരിയും അർച്ചനയും വന്നു....

ബ്രേക്ഫാസ്റ് കഴിക്കാൻ വന്നതും ശ്രീധരന്റെ മുഖത്തൊരു വരണ്ട പുഞ്ചിരി സ്ഥാനം പിടിച്ചു...

\" സീത.. നീ എന്ന  പോകുന്നത്... മാർത്തോമ കോളേജിലേക്ക്... \"

\"രണ്ടുമൂന്നു ആഴ്ച കഴിയുമ്പോ പോകാനാണ് തീരുമാനിച്ചിരിക്കുന്നത് \"

\"ഹ്മ്മ്  \"

സീത പറഞ്ഞതും അയാളൊന്ന് തലയാട്ടുക മാത്രം ചെയ്തു...

\" വരുൺ.. നീ എന്ന ലീവ് കഴിഞ്ഞ് പോകുന്നത് കോളേജിലേക്ക് \"

\"  ഞാൻ അടുത്തയാഴ്ച്ച പോകാനാണ് 
തീരുമാനിച്ചിരിക്കുന്നത്... \"

\" ഹ്മ്മ്. \"

\" ഞാനും നളിനിയും കൂടി ഇവിടെ നിന്നും പോകുകയാണ്‌ ഇവളുടെ വീട്ടിലേക്ക്.. അവിടെ എന്തൊക്കെയോ പ്രശ്നമുണ്ടെന്നു ഇവളുടെ ആങ്ങള വിളിച്ചു പറഞ്ഞു. അവനു ഒറ്റക്ക് ആ പ്രശ്നങ്ങളൊന്നും 
നേരിടാൻ കഴിയില്ലായെന്ന ഇവളുടെ ആങ്ങള പറഞ്ഞതുമുതൽ ഇവൾക്ക് സമാദാനം ഇല്ല...\"

\" അച്ഛാ... \" 

സീത എന്തെങ്കിലും പറയുന്നതിനുമുമ്പ് ശ്രീധരൻ അവളെ തടഞ്ഞു...

\" സീതമോൾ പറയാൻ വന്നത് എന്തെന്ന് മനസിലായി ചാരുവിന്റെ കാര്യമല്ലേ \"

\" അതേ അച്ഛാ.... \"

\" അച്ഛാ ഞാനൊരു കാര്യം പറഞ്ഞോട്ടെ ... \"

വരുണിന്റെ സ്വരം കേട്ടതും എന്തെന്ന ഭാവത്തിൽ ശ്രീധരൻ ഒന്ന് നോക്കി ..

\" ചാരുവിനെ സീതേച്ചി കൊണ്ടുപോയികൊട്ടെ ... പിന്നെ ഗായത്രിയേച്ചിയും മാർത്തോമ കോളേജിൽ അല്ലേ പഠിപ്പിക്കുന്നത് ... ഇവർ താമസിക്കുന്നത് നവീനിന്റെ വീട്ടിലാണ് ..  \"

വരുൺ പറയാൻ വന്നത് പൂർത്തിയാക്കുന്നതിനു മുമ്പ് ദേഷ്യത്തോടെയുള്ള ഗിരിയുടെ വരുൺ എന്ന വിളി കേട്ടതും വരുൺ പറയാൻ വന്നത് മനസിൽ വെച്ചു

\" വരുൺ പറഞ്ഞ് വന്നത് മനസിലായി എനിക്കും അവൾക്കും പിന്നെ സീതമോൾക്കും ... എനിക്കും വരുണിന്റെ  അഭിപ്രായം ആണ് .. \"

\" പക്ഷെ അച്ഛാ .. \"

\" സീതേച്ചി ... ചേച്ചി ചോദിക്കാൻ വന്നത് എനിക്ക്  മനസിലായി .. ചേച്ചി ആ കാര്യത്തെ കുറച്ചു ചിന്തിച്ചു ടെൻഷൻ ആവണ്ട .. ഒരു കാര്യം ഇപ്പോ തന്നെ പറയാം സീതേച്ചി ഇവിടെ നിന്നും പോകുമ്പോ ചാരുമോളും ചേച്ചിന്റെ കൂടെ ഉണ്ടാകും \"

\" എന്താ നിങ്ങളുടെ പ്ലാൻ \" ഗിരിയെയും അർച്ചനയെയും നോക്കികൊണ്ടാണ് ശ്രീധരൻ ചോദിച്ചത് 

  \" കുറേനാളായി ഇവൾ പറയുന്നു വീട്ടിലേക്ക് പോകാമെന്ന് .. അപ്പോ പിന്നെ നിങ്ങൾ പോയതിനു പിന്നാലെ ഞങ്ങൾ അർച്ചനയുടെ വീട്ടിലേക്ക് പോകാനാണ് തീരുമാനിച്ചിരിക്കുന്നത് ... \"

ഗിരി പറഞ്ഞതും ശ്രീധരന്റെ മുഖത്തൊരു പുഞ്ചിരി തെളിഞ്ഞു  ... ആയാളും ആഗ്രഹിച്ചിരുന്നു തന്റെ മകൻ , തന്റെ പെങ്ങളുടെ വീട്ടിലേക്ക് പോകണമെന്നത് .. അയാളൊന്ന് തന്റെ അരികിലിരിക്കുന്ന ഭാര്യയെ നോക്കി ... തന്റെ പ്രിയപെട്ടവളുടെ മുഖത്തെ പുഞ്ചിരി കണ്ടതും അയാൾ മനസിലാക്കി തന്റെ ഭാര്യക്കും ഇതേ അഭിപ്രായം ആണെന്ന് ..

പിന്നെയും ഇവർ ഒരുപാട് കാര്യങ്ങളെല്ലാം സംസാരിച്ചുകൊണ്ടിരുന്നു ,, 

ബ്രേക്ഫാസ്റ് കഴിച്ചു കഴിഞ്ഞതും വരുൺ ചാരുവിന്റെ അടുത്തേക്ക് പോയി ... തൊട്ട് പിന്നാലെ അവൾക്കുള്ള ഭക്ഷണം ആയിട്ട് സീതയും ചെല്ലുമ്പോ കണ്ടത് കമിഴ്ന്നു കിടക്കുന്ന വരുണിനെയും അവന്റെ പുറത്തു കിടക്കുന്ന ചരുവിനെയും ആണ് .. ചാരു വീഴാതെയിരിക്കാൻ വേണ്ടി വരുൺ അവളെ രണ്ടുകൈകൊണ്ട് പിടിച്ചിട്ടുണ്ട് .. 

\" ചാരുമോളെ ... \"  എന്ന സ്വരം കേട്ടതും ചാരു തിരിഞ്ഞു നോക്കി... തനിക്കുള്ള ഭക്ഷണം ആയി നിൽക്കുന്ന സീതയെ കണ്ടതും സീതമ്മേ എന്ന് വിളിച്ചുകൊണ്ട് അവൾക്കുനേരെ കൈ നീട്ടി .. അവിടെയുണ്ടായിരുന്ന ടേബിളിൽ ഭക്ഷണം വെച്ചശേഷം സീത ചാരുവിനെ എടുത്തു .. അമ്മ ചൂടിൽ പറ്റി ചേർന്ന് കിടന്നു അവൾ ..

ഓരോന്നും പറഞ്ഞ് ചാരുവിനു ഭക്ഷണം കൊടുക്കുന്ന സീതയെയും അതിനു മറുപടി പറഞ്ഞ് ഭക്ഷണം കഴിക്കുന്ന ചാരുവിനെയും നോക്കിയിരുന്നു എന്തോ ഓർത്തതുപോലെ അവന്റെ ഫോണിൽ ആ മനോഹരമായ ചിത്രം എടുക്കാനും മറന്നില്ല അവൻ ..  ഫോട്ടോ എടുത്ത് കഴിഞ്ഞതും അവനൊരു  നമ്പറിലേക്ക് ആ ഫോട്ടോ അയക്കാനും മറന്നില്ല ...

ചാരു ജനിച്ചതുമുതൽ വരുണിനു കിട്ടിയ പുതിയ ശീലം ആയിരുന്നു ചാരുവിന്റെ കുഞ്ഞുനാൾ മുതലുള്ള ഫോട്ടോസ് എടുക്കുക എന്നത് ...  വരുൺ ഇല്ലാത്തപ്പോ ചാരുവിന്റെ ഫോട്ടോസ് എടുക്കുക രുദ്രൻ ആയിരിക്കും ... രുദ്രൻ ഇല്ലെങ്കിൽ നാഥ്‌ ആയിരിക്കും സീതയും ചാരുവും അറിയാതെ ഫോട്ടോസ് എടുക്കുക ... നാഥും രുദ്രനും എടുത്ത ഫോട്ടോസ് അപ്പോ തന്നെ വരുണിന്  അയച്ചുകൊടുക്കും ... വരുൺ ഒട്ടും താമസിപ്പിക്കാതെ ആ നമ്പറിലേക്ക് അയച്ചുകൊടുക്കും ..  ഇടക്ക് സീത എടുക്കാറുണ്ട് ചാരുവിന്റെ ഫോട്ടോസ് .. അതിൽ ചില ഫോട്ടോസ് വരുണിന് അയച്ചു കൊടുക്കാറുണ്ട് .. അവളെടുത്ത ഫോട്ടോസ് എല്ലാം തന്റെ ലാപ്പിൽ സേവ് ചെയ്യാനും അവൾ മറക്കാറില്ല ... 

ചാരു എന്ന ലോകത്ത് കറങ്ങിക്കൊണ്ടിരിക്കുന്നവർ ആയിരുന്നു രുദ്രനും വരുണും സീതയും നാഥും ... അദൃശ്യനായി അവനും....

____________________

ഇതേസമയം ..... 

ശ്രീദേവിക്കും വാസുദേവനും തന്റെ മകൾ വീട്ടിലേക്ക് വരുന്നുവെന്നറിഞ്ഞതുമുതൽ വളരെയധികം സന്തോഷത്തിൽ ആയിരുന്നു ...ഇടക്ക് ഇടക്ക് അർച്ചനയും ഗിരിയും പോകാറുണ്ടെങ്കിലും ഇവരും വീട്ടിൽ നിൽക്കാറില്ല .. വന്ന കുറച്ചു കഴിയുമ്പോൾ തന്നെ ഇവരും മടങ്ങി പോകാറുണ്ട് ... പക്ഷെ ഈ വരവിൽ കുറച്ചുദിവസം നിൽക്കുമെന്ന്  അറിഞ്ഞതു മുതൽ വല്ലാത്തൊരു മനസികാവസ്ഥയിലായിരുന്നു ഇരുവരും ... കാരണം വിവാഹത്തിനുശേഷം അർച്ചനയുടെയും ഗിരിയുടെയും സ്വഭാവത്തിൽ വന്ന മാറ്റമായിരുന്നു ... തങ്ങളുടെ മാറ്റം അച്ഛനും അമ്മയും മനസിലാക്കിയതിനുശേഷം ഒരിക്കൽ പോലും ഗിരിയോ അർച്ചനയോ ഇവരുടെ അടുത്തേക്ക് വന്നിരുന്നില്ല .. ശ്രീദേവിക്കും വാസുദേവനും അറിയാമായിരുന്നു തങ്ങളുടെ മകൾ ഏറെ മാറിയെന്ന് ... ശ്രീധരന്റെ വീട്ടിലേക്ക് പോയതിന്റെ പ്രധാന ഉദ്ദേശം തന്റെ മകളെ ഒരു നോക്ക് കാണുവാൻ വേണ്ടിയായിരുന്നു , പക്ഷെ തങ്ങൾ വന്നിട്ടും ഒരുവാക്ക് പോലും മിണ്ടാതെ നിൽക്കുന്നവളെ കണ്ടതും ഹൃദയത്തിൽ നിന്നും രക്തം പൊടിഞ്ഞു ...

തന്റെ മകളെ വളർത്തിയതിൽ എവിടെയോ പിഴവ് പറ്റിയെന്ന് ആ മാതാപിതാക്കൾ മനസിലാക്കുക ആയിരുന്നു ...തങ്ങളുടെ ആ പഴയ ആർച്ചുവിനെ ആഗ്രഹിച്ചു തുടങ്ങുകയായിരുന്നു ഇരു മനസുകളും ..  

റൂമിൽ നിന്നും നാഥും രുദ്രനും ഇറങ്ങി വരുമ്പോ കണ്ടത് എങ്ങോട്ടോ നോക്കിയിരിക്കുന്നവരെ ആണ് .. അവരുടെ ഇരിപ്പിൽ നിന്നും മൂവർക്കും മനസ്സിലായിരുന്നു ഇവരും ഇവിടെ അല്ലയെന്ന് ... ഇവരും ഓക്കെ ആവാൻ സമയം എടുക്കുമെന്നറിഞ്ഞതും മൂവരും കൂടി അടുക്കളയിലേക്ക് ചെന്നു...അമ്മയ്ക്കും അച്ഛനും ഇഷ്ടമുള്ള ഭക്ഷണം ഉണ്ടാക്കി തുടങ്ങുമ്പോ മൂവരും ആ ഭക്ഷണത്തിൽ തങ്ങളുടെ സ്നേഹവും ചാലിച്ചിരുന്നു

എന്തോ പറഞ്ഞ് നാഥ്‌  തിരിഞ്ഞപ്പോ കാണുന്നത് അടുക്കള വാതിലിലിനോട് ചാരി നിൽക്കുന്ന അച്ഛനെയും അമ്മയെയും ആണ് .. നാഥിന്റെ സ്വരം കേൾക്കാതെ വന്നപ്പോ രുദ്രനും തിരിഞ്ഞു നോക്കി ... തങ്ങളുടെ മാതാപിതാക്കൾ ഓക്കെ ആണെന്ന് മനസ്സിലായതും നാഥ്‌ കറിയിൽ നിന്നും  കുറച്ചെടുത്ത് അച്ഛന്റെയും അമ്മയുടെയും അടുത്തേക്ക് ചെന്ന് തന്റെ കൈയിലെ  കറിയിൽ നിന്നും അച്ഛനും അമ്മയ്ക്കും കൊടുത്തു .. പിന്നെ അച്ഛന്റെയും അമ്മയുടെയും ഇഷ്ടപെട്ട ഭക്ഷണം കൊടുക്കാനും ഇവരും മറന്നില്ല ..

തങ്ങളുടെ മക്കളുടെ കൈയിൽ  നിന്നും കിട്ടിയ ഭക്ഷണം കഴിച്ചു കഴിഞ്ഞതും മക്കൾക്കായി പുഞ്ചിരി നൽകി ...

ഉറങ്ങുന്നവരെ അച്ഛനും അമ്മയ്ക്കും അർച്ചനയെയും ഗിരിയെയും  പറ്റി ചിന്തിക്കാനുള്ള സമയം കൊടുത്തില്ല .. തന്റെ സഹോദരി കാരണം അച്ഛനും അമ്മയും എത്രത്തോളം വേദനിക്കുന്നുണ്ടെന്ന്  നിമിഷം നേരം കൊണ്ട് നാഥും രുദ്രനും മനസിലായി ..  ഇവരും അമ്മയുടെയും അച്ഛന്റെയും അമ്മയുടെയും നെറ്റിയിൽ ചുംബിച്ചശേഷം കിടക്കാനായി പോയി ..........

അപ്പോളും ആ മാതാപിതാക്കൾ അറിഞ്ഞില്ല ... തങ്ങളുടെ മകൾ ഇതുവരെ ഉള്ളിൽ മറച്ചുവെച്ച സ്നേഹവും കരുതലും പുറത്തക്ക് വരുമെന്ന് ...

തുടരും...............