\" ഗായു നീ വീട്ടിൽ നിന്നും പോയതിനു പിന്നാലെ എനിക്ക് നിനക്കൊന്നും ഉണ്ടാക്കി തരാൻ പറ്റില്ലല്ലോ .. ഇനി ഇവിടെ നിൽക്കുന്നകാലം വരേയ്ക്കും എന്റെ മോൾക്കും മോനും എന്തെങ്കിലും ഉണ്ടാക്കി തരാമെന്ന് വെച്ചു \"  ഗായത്രിക്ക് ചായ കൊടുത്തുകൊണ്ടാണ് ശാരദ പറഞ്ഞത് ... 

ഇതേസമയത്താണ് വിനുവും ഇവരുടെ അടുത്തേക്ക് വന്നത് ... ഗായത്രിയുടെ കൈയിലെ ചായകപ്പ് കണ്ടതും അവൾ എന്തെങ്കിലും പറയുന്നതിനു മുമ്പ് അവനാ ചായ കുടിച്ചു കഴിഞ്ഞിരുന്നു ... 

താൻ ഉണ്ടാക്കിയ ഭക്ഷണം ആസ്വാദിച്ചു കഴിക്കുന്ന തന്റെ മകളെയെയും മരുമകനെയും കണ്ടതും അവരുടെ മുഖത്തു ചെറുപുഞ്ചിരി സ്ഥാനം പിടിച്ചു .. അതേ പുഞ്ചിരിയോടെ അവരെ നോക്കികൊണ്ട് ഭക്ഷണം കഴിക്കുന്നത് തുടർന്നു ...

എന്തോ ഓർത്തപ്പോലെ ശാരദ വിനുവിന്റെ നേർക്ക് അവരുടെ കൈ നീട്ടി ...

തന്റെ മുമ്പിൽ ആരുടെയോ കൈയുള്ളതുപോലെ തോന്നിയപ്പോളാണ് അവൻ ഭക്ഷണം കഴിക്കുന്നത് നിർത്തി മുന്നിലേക്ക് നോക്കിയതും അവന്റെ കണ്ണുകൾ നിറഞ്ഞു ..........

തുടർന്ന് വായിക്കുക ....

ഒരിക്കലും വിചാരിച്ചിരുന്നില്ല ഇങ്ങനെയൊരു നിമിഷം .. അവനാ കണ്ണീർ തുടച്ചശേഷം ശാരദ അമ്മയിൽ നിന്നുമാ ഭക്ഷണം കഴിച്ചു .. എന്തോ ഓർത്തപോലെ വിനുവും ശാരദ അമ്മയുടെ നേർക്ക് ഭക്ഷണം നേടിയതും ശാരദ അവന്റെ കൈയിൽ നിന്നും ഭക്ഷണം വാങ്ങി ... 

ഇവരുടെ സ്നേഹപ്രകടനം കണ്ട് ഗായത്രിക്ക് വളരെ സന്തോഷമായി .. ആ സന്തോഷത്തോടെ ഭക്ഷണം കഴിക്കാൻ തുടങ്ങുമ്പോളാണ് ഗായത്രിക്ക് നേരെ ഇവരും ഭക്ഷണം അവളുടെ നേർക്ക് നീട്ടിയതും അവൾ സന്തോഷത്തോടെ തന്നെ അത് വാങ്ങി കഴിച്ചു ..

പരസ്പരം വാരിക്കൊടുത്താണ് മൂവരും ഭക്ഷണം കഴിച്ചത് ...

ഭക്ഷണം കഴിച്ച്‌ കഴിഞ്ഞതും മൂവരും സംസാരിക്കാൻ ഇരുന്നു ... മൂവരുടെയും സംസാരവിഷയം സീത ചാരു ദേവൻ ഇന്ദ്രൻ എന്നിവരെ പറ്റിയായിരുന്നു .. 

കുറച്ചുനേരം കഴിഞ്ഞതും ശാരദ അവരുടെ റൂമിലേക്ക് ചെന്നു ... ഗായത്രി അവളുടെ റൂമിലേക്കും വിനു പുറത്തേക്കും ഇറങ്ങി ...

വിനുവിന്റെ വണ്ടി ചെന്ന്  നിന്നത് രുദ്രന്റെ ഗസ്റ്ഹൗസിൽ ആണ് .. കാറിൽ നിന്നുമിറങ്ങുമ്പോ കണ്ടു തന്നെ കാത്തു നിൽക്കുന്ന നാഥിനെയും
രുദ്രനെയും ..

മൂവരും അകത്തേക്ക് കേറി അവിടെയുണ്ടായിരുന്ന സെറ്റിയിൽ ഇരുന്നു ...

\" രുദ്രാ .. ഇന്ദ്രൻ എവിടെ ആണെന്ന് നിനക്കറിയോ .. ഇന്ദ്രൻ ഇവിടെ നിൽക്കാതെ മറ്റൊരു സ്ഥലത്തു നിൽക്കുന്നത് ശരിയല്ല അവൻ ഇങ്ങനെ മാറി നിൽക്കുന്നത് എന്തിനാ ... \" ചെറു ദേഷ്യത്തോടെയാണ് വിനു ചോദിച്ചത് 

\" വിനുവേട്ടൻ പറയുന്നത് ഞങ്ങൾക്ക് മനസിലാവും ... പല തവണ ഞാനും ഇവനും മാറി വിളിക്കാറുണ്ട് അവനോട് ഇങ്ങോട്ട് വരണമെന്ന് പറഞ്ഞ് .. ഞങ്ങൾ അവനോട് ഇങ്ങോട്ട് വരണമെന്ന് പറയുമ്പോളൊക്കെ അവൻ കോൾ കട്ട് ആക്കുക അല്ലെങ്കിൽ ഞങ്ങളോട് ദേഷ്യപ്പെട്ടു സംസാരിക്കുക ആണ് ചെയ്യാറ് .. പിന്നീട് ഞങ്ങൾ അവനെ വിളിക്കുമ്പോൾ ഒക്കെ സീതയുടെ കാര്യം അവനോട്  സംസാരിക്കാൻ  ശ്രമിക്കാറില്ല ... \" 

രുദ്രൻ പറഞ്ഞതും വിനു നോക്കിയത് നാഥിനെയാണ് ..

\" രുദ്രേട്ടൻ പറഞ്ഞത് നേരാണ് .. ഇന്ദ്രനോട് ഇവിടേക്ക് വരണമെന്ന് പറഞ്ഞാൽ ഓരോന്നും പറഞ്ഞ് ഒഴിഞ്ഞു മാറിക്കൊണ്ടിരിക്കും .. അടുത്ത ആഴ്ച അച്ഛന്റെയും അമ്മയുടെയും വിവാഹവാർഷികം ആണ് .. അതിനു വരണമെന്ന് പറഞ്ഞപ്പോ തന്നെ ഒന്നും മിണ്ടാതെ കോൾ കട്ടാക്കുക മാത്രം ചെയ്തു ...  \"

നാഥ്‌ പറഞ്ഞു നിർത്തിയതും നാഥിന്റെ ഫോണിലേക്ക് ഒരു കോൾ വന്നു ... ഡിസ്‌പ്ലേയിൽ തെളിഞ്ഞ പേര് കണ്ടതും രുദ്രനും വിനുവും കാണിച്ചശേഷം കോൾ അറ്റൻഡ് ചെയ്ത് ലൗണ്ട് സ്‌പീക്കറിൽ ഇട്ടു കോൾ ...മറുതലക്കൽ നിന്നും പറയുന്ന കാര്യങ്ങൾ കേട്ടതും മൂവർക്കും ദേഷ്യം തോന്നിയെങ്കിലും അവസാനം പറഞ്ഞ കാര്യങ്ങൾ കേട്ടതും ചെറു സന്തോഷം തോന്നി ... ഇതേ സന്തോഷത്തോടെ ആണ് മൂവരും പിരിഞ്ഞത് ....

------------------

തിരികെ വീട്ടിലെത്തിയതും വിനു എന്തൊക്കെയോ തീരുമാനിച്ചശേഷം ശാരദയെയും ഗായത്രിയെയും വിളിച്ചു ...

\"  ഞാൻ വിളിച്ചത് , ഞാൻ ദേവന്റെ അടുത്തേക്ക് പോയാലോ എന്ന് ആലോചിക്കുന്നു ഒരു ആഴ്ച ആയില്ലേ  അവൻ ഇവിടെ നിന്നും പോയിട്ട് 
അവനു സുഖം ആണോ എന്നറിയണം എനിക്ക് ..  പിന്നെ എന്റെ കൂടെ വരുന്നുണ്ടെങ്കിൽ ഇവിടേക്ക് കൈയോടെ കൂടെ വരാലോ അവനെ ... \"

\" വേണ്ട മോനെ .. അവനു ഇഷ്ടമുള്ളപ്പോ വരട്ടെ .. എന്തായാലും മോൻ പോകുമ്പോ ഈ അമ്മയും വരാം ... അവനെ കാണാതെ ഒരു ആഴ്ച എങ്ങനെയാ കഴിച്ചുകൂട്ടിയത് എനിക്കറിയില്ല \" അവസാനം ആകുമ്പോളേക്കും അവരുടെ ശബ്‍ദം ഇടറിയിരുന്നു .. അമ്മ മനസ് അറിഞ്ഞപ്പോലെ ഗായത്രി അവരെ ചേർത്തുപിടിച്ചു .

\" ഗായത്രി നാളെ ഞങ്ങൾ ഇവിടെ നിന്നും പോകും ... നിന്നെ ഞാൻ സീതയുടെ വീട്ടിലേക്ക് ആക്കം ... ഞങ്ങൾ വരുന്നതുവരെ നീ അവളുടെ അടുത്ത് നിന്ന മതി .. \"

വിനു പറഞ്ഞതുകേട്ടതും ഗായത്രിയുടെ മനസിൽ തന്റെ ലക്ഷ്യത്തിലേക്കുള്ള ആദ്യവഴി തെളിഞ്ഞതിന്റെ സന്തോഷത്തിലായിരുന്നു ... 

വിനു അവളുടെ കൈയിൽ പിച്ചിപ്പോളാണ് അവൾ ചിന്തകളിൽ നിന്നും മുക്തയായത് ...

\" ഞാൻ പറഞ്ഞത് വല്ലതും കേട്ടോ നീ \"

\" എന്താ വിനുവേട്ടൻ പറഞ്ഞത് \" 

\" നീ ആരോടാ മോനെ ചോദിക്കുന്നത് ....ഓരോ നിമിഷവും സ്വപ്‍നം കണ്ടുകൊണ്ടിരിക്കുന്ന ഇവളോടോ \" ശാരദ ഇതും പറഞ്ഞ് ചിരിക്കാൻ തുടങ്ങി

\" ഞാനങ്ങ് അത് മറന്നു നീയൊരു സ്വപ്നജീവി ആണെന്ന കാര്യം ... \" ഇത് പറഞ്ഞ് വിനു  ശാരദാമ്മക്കൊപ്പം ചിരിക്കാൻ തുടങ്ങി ...

ഇവരെയും ഒന്ന് പുച്ഛത്തോടെ നോക്കിയശേഷം അവിടെയുണ്ടായിരുന്ന സെറ്റിയിൽ മുഖം വീർപ്പിച്ചിരുന്നു ... ഗായു പിണങ്ങി എന്ന് മനസിലായതും ഇവരും അടുത്ത് ചെന്ന് അവളെ ഇക്കിളിയാക്കാൻ തുടങ്ങിയതും അവൾ പൊട്ടിചിരിക്കാൻ തുടങ്ങി ..

തുടരും..............