\" ഇനിയെങ്കിലും മതിയാക്കികൂടെ ഇന്ദ്രനെ അവഗണിക്കുന്നതും അകറ്റി നിർത്തുന്നതും...നിന്റെ അവഗണന അവനെ വല്ലാതെ  തളർത്തി കളയുന്നുണ്ട്... നിനക്ക് ചാരുവിനെ ഓർത്ത് എങ്കിലും ഇന്ദ്രനെ സ്വീകരിച്ചൂടെ... ഇനി നിന്റെ പ്രശ്‌നം ചിലങ്ക ആണോ..\"

രുദ്രൻ അവസാനം പറഞ്ഞത് കേട്ടതും സീതയല്ലയെന്ന രീതിയിൽ തലയാട്ടി....

\" സീതേ... അന്നും ഇന്നും എന്നും ഇന്ദ്രൻ സ്നേഹിക്കുന്നത് നിന്നെയാണ്... പിന്നെ ചിലങ്കയെ പ്രണയിക്കുന്നുവെന്ന് പറഞ്ഞത് 
വെറുതെയാ... നിന്നെ കളിപ്പിക്കാൻ വേണ്ടി പറഞ്ഞതാ അവൻ... \"

രുദ്രൻ പറഞ്ഞതും സീത വിശ്വാസം വരാതെ അവനെ നോക്കി...

\" ഞാൻ പറഞ്ഞതാ നേരാ..നിന്നോട് ഇത്രനാളും പറയണ്ട എന്ന് പറഞ്ഞത് ഇന്ദ്രൻ തന്നെയാണ്..പലതവണ  നിന്നോട് എല്ലാം തുറന്ന് പറയാൻ ഒരുങ്ങിയതാ ഞാൻ പക്ഷേ അവനാണ് എന്നെ 
തടഞ്ഞത്...ഇനിയും നിന്നോട് തുറന്ന് പറഞ്ഞില്ലയെങ്കിൽ എനിക്ക് ഇന്ദ്രനെ പൂർണമായും അകറ്റുമെന്ന് ഉറപ്പായതുകൊണ്ടാണ് ഞാനിപ്പോ നിന്നോട് തുറന്ന് പറഞ്ഞത്... ഇനി നിനക്ക് തീരുമാനിക്കാം എന്ത് വേണമെന്ന്...\"

\" രുദ്രാ...ഇന്ദ്രൻ എനിക്ക് ആരെന്ന് നിങ്ങളാരും മനസിലാക്കാൻ ശ്രമിച്ചിട്ടില്ല...ഇന്ദ്രൻ ഇവിടെനിന്നും പോയിട്ട് രണ്ടു വർഷമായിയില്ലേ... ഇടക്ക് വരുന്നുണ്ടെങ്കിലും എപ്പോളെങ്കിലും എന്നെങ്കിലും എന്റെയുള്ളം ഇന്ദ്രൻ കാണാൻ ശ്രമിച്ചിട്ടുണ്ടോ.. അതോ മനസ് മനസിലാക്കിയിട്ടും മനസിലാക്കാത്തപോലെ അഭിനയിക്കുക ആണോ...എപ്പോളെങ്കിലും എന്നെങ്കിലും എന്നെ ഒന്ന് ചേർത്ത് പിടിക്കണമെന്ന് ഞാൻ ആഗ്രഹിച്ചിരുന്നു... പക്ഷേ വിധി അവിടെയും തോൽപ്പിച്ചു... ദേവനിൽ നിന്നും ഞാൻ ആഗ്രഹിച്ച കരുതലും സ്നേഹവും കിട്ടിയപ്പോ അവനിലേക്ക് ചാഞ്ഞുവെന്ന് നേരാ... ഇന്ദ്രട്ടനെ പ്രണയിച്ച ഒരു സീതയുണ്ടായിരുന്നു ദേവനെ കണ്ടുമുട്ടുന്നതുവരെ... \"

അവൾ പറഞ്ഞ് നിർത്തി നോക്കിയത് രുദ്രന്റെ മുഖത്തേക്കാണ് അവന്റെ നിറഞ്ഞ കണ്ണുകളിൽ നിന്നും അവൾക്കുള്ള ഉത്തരം ഉണ്ടായിരുന്നു...

\" സീതേ ഒരുകാര്യം ചോദിച്ചോട്ടെ..
ദേവൻ നിന്നെ തേടി വരുന്നതിന് മുമ്പ് അല്ലെങ്കിൽ അവന്റെ മനസ് അവൻ എടുത്ത തീരുമാനത്തിൽ നിന്നും മാറ്റമില്ലയെന്നറിയുമ്പോ നീ ഇന്ദ്രനെ
സ്വീകരിക്കുമോ ? അതോ അവനെ നീ
എന്നേക്കുമായി വെറുക്കുമോ  ? അതോ
എന്നേക്കുമായി നീ അവനെ അകറ്റി നിർത്തുമോ ? \"

\" ഇങ്ങനെയൊരു ചോദ്യം പ്രതീക്ഷിച്ചിരുന്നു... പക്ഷേ അത് ഇന്ദ്രനിൽ നിന്നായിരുന്നു...\"

അവൾ പറഞ്ഞതും അവൻ അവളുടെ കണ്ണുകളിലേക്ക് നോക്കി....രുദ്രന്റെ കണ്ണുകൾ തന്റെ കണ്ണുകളിലേക്ക് അന്നെന്ന് മനസിലായതും അവൾ അവന്റെ കണ്ണുകളിലേക്ക് നോക്കി നിന്നു.. 

അവന്റെ കണ്ണിൽ നോക്കികൊണ്ട് തന്നെ അവൾ പറയാൻ തുടങ്ങി....

\" ഞാൻ എന്നും സ്നേഹിച്ചതും ഒരുമിച്ചു ജീവിക്കാൻ തീരുമാനിച്ചത് എന്റെ ദേവേട്ടന്റെ കൂടെ ആണ് .. പക്ഷേ എന്നെയും മോളെയും ഒരേപോലെ സ്നേഹിക്കാനും നെഞ്ചോട് ചേർത്ത് നിർത്താനും കഴിയുന്ന ആരെങ്കിലും വന്നാൽ ഞാൻ സ്വീകരിക്കും ... പക്ഷേ അതിനു മുമ്പ് എനിക്കറിയണം എന്റെ മോളെ എന്തിനു വേണ്ടിയാ അപമാനിച്ചത് എന്ന് .. എന്റെ സൃഹുത്ത് ഋഷിയെ എന്തിനാണ് എന്നിൽ നിന്നും അകറ്റി എന്ന് ... ദേവൻ എന്നിൽ നിന്നും അകലാൻ തുടങ്ങിയെന്ന് കുറച്ചുനാൾ മുമ്പ് തന്നെ ഞാൻ തിരിച്ചറിഞ്ഞിരുന്നു ... അവൻ ഇനി തിരിച്ചു വന്നാലും ഇല്ലെങ്കിലും ഞാനവനെ സ്വീകരിക്കില്ല ...  ഒരിക്കലും ഞാനെന്റെ ഇന്ദ്രനെ , അകറ്റി നിർത്തണോ വെറുക്കണോ എനിക്ക് കഴിയില്ല .. \"

\" ഇന്ദ്രനിൽ നിന്നും മോചനം ഇല്ല എന്ന് അറിയുന്ന നിമിഷം ഞാനവന്റെ പെണ്ണായി മാറും ....  \"

ഇത്ര പറഞ്ഞ് അവന്റെ മറുപടി കേൾക്കാൻ നിൽക്കാതെ അവൾ റൂമിലേക്ക് പോയതും രുദ്രന്റെ മുഖത്ത് വശ്യമായ പുഞ്ചിരി  സ്ഥാനം പിടിച്ചു ... 

പിന്നെ എന്തോ ഓർത്തപ്പോലെ അവനൊരു നമ്പറിലേക്ക് കോൾ ചെയ്തു ... ആ കോൾ കട്ട് ആയതും രുദ്രന്റെ  കണ്ണുകളിൽ എന്നോ മാഞ്ഞു പോയ തിളക്കം തിരികെ വന്നിരുന്നു ..

ചില കാര്യങ്ങൾ ആലോചിച്ചു തീരുമാനിച്ചശേഷമാണ് രുദ്രൻ കിടക്കാൻ പോയത് 

ഇതേസമയം ...

സീത തന്റെ റൂമിലെ പ്രൈവറ്റ് റൂമിലേക്ക് പോയി ... അവിടുത്തെ ചുമരുകളിൽ സ്ഥാനം പിടിച്ച ചിത്രങ്ങളെ കുറച്ചുനേരം നോക്കി നിന്നു

അവളുടെ മനസ് അവളോട് മന്ത്രിച്ചു ....

\" എന്നെങ്കിലും എപ്പോളെങ്കിലും വിട്ടുപോവുന്ന പ്രാണനല്ല നീ .. ഏത് ആപത്ത് വന്നാലും വിട്ടുപോവാത്ത വെളിച്ചമാണ് നീ .. എനിക്കറിയാം എന്റെ നിഴലായി , എന്റെ കൂടെ നീ ഉണ്ടെന്ന് ... മതിയാക്കികൂടെ ഈ ഒളിച്ചുകളി .. നിന്റെ വരവിനായി ഞാൻ കാത്തിരിക്കുകയാണ് ... \"

ഇതേ സമയം അവന്റെ മനസ് അവൾക്കുള്ള മറുപടി മന്ത്രിച്ചു 

\" ചില ഇഷ്ടങ്ങൾ  അങ്ങനെയാണ് പെണ്ണെ ...  ഇഷ്ടം തോന്നിയിട്ടും ആ ഇഷ്ടം പ്രകടിപ്പിക്കാൻ കഴിയാത്തത് .. പെണ്ണെ നിന്റെ അടുത്തേക്ക് വരാൻ അധികം നാൾ കാത്തിരിക്കാൻ ഞാൻ നിന്നെ അനുവദിക്കില്ല .. ഒരുവിധിക്കും ഒരു ദേവനും നിന്നെ ഞാൻ വിട്ടുകൊടുക്കില്ല ... നിന്റെ ജീവിതത്തിലേക്ക് ഞാൻ വന്നാൽ എന്നിൽ നിന്നും മോചനം നിനക്കുണ്ടാവില്ല .. എന്റെ ആത്മാവിൽ അലിഞ്ഞവളാണ് നീ ... \"

ഇതേസമയം തന്റെ ഫോണിലെ നോട്ടിഫിക്കേഷൻ ശബ്ദം കേട്ടപ്പോളാണ് അവൾ ആ ഫോട്ടോയിൽ  നിന്നും ശ്രദ്ധ തിരിച്ചത് ..

ആ മെസ്സേജ് വായിക്കുംതോറും അവളുടെ മുഖത്ത് ആയിരം പൂർണചന്ദ്രനെപ്പോലെ തെളിഞ്ഞു ... അവനുള്ള മറുപടി അയച്ചു കഴിഞ്ഞതും അവൾ കിടക്കാനായി പോയി ...
ചാരുവിനെ നെഞ്ചോട് ചേർത്തുപിടിച്ചു കിടന്നു ... 

പിറ്റേന്ന് രാവിലെ തന്നെ ചാരുവിനെ കൂട്ടി അമ്പലത്തിലേക്ക് പോയി സീതയും രുദ്രനും ...

അമ്പലത്തിൽ പ്രാർത്ഥിച്ചത് ഒരേയൊരു കാര്യത്തെപ്പറ്റിയാണ് ..

എന്ന രുദ്രന്റെ മനസിൽ ഉണ്ടായിരുന്നത് അവന്റെ പെണ്ണിനെ തന്നെ ജീവിത പങ്കാളിയായി കിട്ടണമെന്നാണ് .. കാരണം അവന്റെ ലോകം അവളായിരുന്നു ...

അമ്പലത്തിൽ നിന്നും മടങ്ങി വരുമ്പോളാണ് അവളുടെ മുമ്പിലേക്ക് ഒരു വൈറ്റ് ബെൻസ് വന്ന് നിന്നത് .. അതിൽ നിന്നും ഇറങ്ങുന്നവനെ കണ്ടതും സീത അവനെ കെട്ടിപിടിച്ചു ...തോളിൽ ഒരു നനവ്  അറിഞ്ഞപ്പോളാണ് അവൻ സീതയെ തന്റെ നേർക്ക് നിർത്തി 

\" എന്താ പെണ്ണെ ഇങ്ങനെ കരയുന്നത് .. ഇനിയൊരു കൂടിക്കാഴ്ച്ച പ്രതീക്ഷിച്ചില്ല അല്ലേ \" 

അവൻ ചോദിച്ചതും സീത നോക്കിയത് രുദ്രന്റെ മുഖത്തേക്കാണ് .. അവന്റെ മുഖത്തെ പുഞ്ചിരിയിൽ നിന്നും മനസിലാക്കാൻ സാധിച്ചു അവൾക്കുള്ള ഉത്തരം 

\" കണ്ട ഋഷി ഞാൻ പറഞ്ഞതല്ലേ നിന്നെ കാണുമ്പോ ഇവൾ ഞെട്ടുമെന്ന് \" സീതയെ ചേർത്തുപിടിച്ചുകൊണ്ടാണ് രുദ്രൻ ചോദിച്ചത് 

\" എന്തായാലും നമ്മൾക്ക് ഒരു ചായ കുടിച്ചുകൊണ്ട് സംസാരിക്കാം \"  രുദ്രൻ പറഞ്ഞതും സീത അതിനെ അനുകൂലിച്ചു ...

\" ഒരു കാര്യം ചെയ്യാം നാളെ അവധിയല്ലേ .. നാളെ നമ്മൾക്ക് കാണാം \"  ഋഷി പറഞ്ഞ് തീർന്നതും അവന്റെ ഫോൺ റിങ്  ചെയ്യലും ഒരുമിച്ചായിരുന്നു..ഡിസ്‌പ്ലേയിൽ തെളിഞ്ഞ പേര് കണ്ടതും ഒരു ചെറുചിരിയോടെ തന്നെ കോൾ അറ്റൻഡ് ചെയ്യ്ത് സംസാരിക്കുന്നതിനൊപ്പം തന്നെ രുദ്രനെയും സീതയും നോക്കി രണ്ട് മിനിറ്റു എന്ന് കാണിച്ചു ഫോണിൽ സംസാരിച്ചു .. കോൾ കട്ട് ആയതും രുദ്രന്റെയും സീതയുടെയും അടുത്തേക്ക് ഋഷി ചെന്നു

ചായ കുടി കഴിഞ്ഞതും മൂവരും പല വഴിക്ക് പിരിഞ്ഞു ... 

കാറിൽ യാത്ര ചെയ്യുമ്പോളും സീത ഋഷിയെ വാചാലയായിരുന്നു രുദ്രന്റെ അടുത്ത് .. കാർ ഡ്രൈവ് ചെയ്യുന്നുണ്ടെങ്കിലും രുദ്രൻ നല്ലൊരു കേൾവിക്കാരൻ ആയിരുന്നു ...

അവൾ ഋഷിയെ പറ്റി പറയുന്ന നിമിഷങ്ങൾ സീതയുടെ മുഖത്തെ സന്തോഷം നോക്കി കാണുകയായിരുന്നു .. ആ നിമിഷങ്ങൾ ഋഷി അവൾക്ക് എത്രത്തോളം പ്രിയപ്പെട്ടത് ആണെന്ന് തിരിച്ചറിഞ്ഞ നിമിഷങ്ങൾ കൂടി ആയിരുന്നു ....  ആ നിമിഷം തന്റെ ഫോണിലേക്ക് പകർത്താനും മറന്നില്ല രുദ്രൻ ...

തുടരും ..........................