\"എന്താ സീതേ ദേവനെ ആത്മാർത്ഥമായി പ്രണയിച്ചത് തെറ്റ് ആണെന്ന് തോന്നുന്നുണ്ടോ...?\"  

രുദ്രന്റെ ചോദ്യം കേട്ടതും സീത അവനെ നോക്കി  

\"രുദ്രേട്ടാ രുദ്രേട്ടൻ ഊഹിച്ചത് തെറ്റാണ് ഇന്ദ്രേട്ടനോടുള്ള വാശിക്കാണ് ദേവേട്ടൻ എന്നെ പ്രണയിച്ചത് പക്ഷേ എപ്പോഴോ ദേവേട്ടനെ ഞാൻ ആത്മാർത്ഥമായി പ്രണയിച്ചു, ആ പ്രണയത്തിന് ഒരുവിലയുമില്ലായെന്ന് എനിക്ക് പിന്നിടാണ് മനസിലായത് ഇന്ദ്രേട്ടനോടുള്ള വാശിക്ക് വിവാഹത്തിന് മുന്നേ എന്നെ സ്വന്തമാകുകയെന്നുള്ളതായിരുന്നു ദേവേട്ടന്റെ ഉദ്ദേശം പക്ഷേ അത് നേരത്തെ മനസിലാക്കി അതിൽ നിന്നും എങ്ങനെയോ രക്ഷപ്പെട്ടു.
ഇനി ദേവേട്ടൻ തിരിച്ചു വന്നാലും എനിക്ക് ദേവേട്ടനെ സ്വീകരിക്കാൻ കഴിയില്ല ദേവേട്ടൻ എന്നെ വേണ്ടായെന്ന് പറഞ്ഞ അന്ന് എന്റെ മനസ്സിൽ ദേവനോടുള്ള പ്രണയവും ഇല്ലാതായി ദേവന് മുന്നിൽ ഇനി ഒരിക്കലും സീത നിന്നു കൊടുക്കില്ല കാരണം അവന് അങ്ങോട്ടും ഇങ്ങോട്ടും തട്ടി കളിക്കാനുള്ള ഒരു കളിപ്പാട്ടമല്ല ഈ സീത.

അൽപസമയം ഇരുവരുടെയുമിടയിൽ മൗനം സ്ഥാനം പിടിച്ചു സീത വീണ്ടും ആ മൗനം വിട്ടു സംസാരിച്ചു തുടങ്ങി

\"രുദ്രേട്ടാ ഏട്ടൻ വിചാരിക്കുന്നത് പോലെ ഇന്ദ്രേട്ടനെ ഞാൻ വെറുത്തിട്ടില്ല എനിക്ക് എന്റെ ഇന്ദ്രേട്ടനെ ഒരിക്കലും വെറുക്കാൻ കഴിയില്ല ഇന്ദ്രേട്ടൻ വേദനിക്കുന്നതിന്റെ കൂടെ തന്നെ എനിക്കും വേദനിക്കുന്നുണ്ടായിരുന്നു ഇന്ദ്രേട്ടൻ കരഞ്ഞതിന്റെ ഇരട്ടി  ഈ സീതയും കരഞ്ഞിരുന്നു, രുദ്രേട്ടനും നാഥും നിങ്ങൾ ചാരുവിനെക്കൊണ്ട് ഇന്ദ്രേട്ടന്റെ അടുത്തേക്കാണ് പോകുന്നതെന്ന് എനിക്കറിയാമായിരുന്നു\" 

സീത പറഞ്ഞ് നിർത്തിയതും അത് എങ്ങനെയെന്നുള്ളൊരു ചോദ്യം അവന്റെ നോട്ടത്തിൽ ഉണ്ടായിരുന്നു 

\"അതിന് എനിക്കൊരു ഉത്തരം കഴിയില്ല രുദ്രേട്ടാ പക്ഷേ ഒന്നുറപ്പാണ് ചാരുമോൾ അറിയാതെയാണെങ്കിലും ഇന്ദ്രേട്ടനെ അവളുടെ അച്ഛനായി സ്വീകരിച്ചുവെന്ന്\"

അത് കേട്ടതും രുദ്രന്റെ മുഖത്തൊരു പുഞ്ചിരി സ്ഥാനപിടിച്ചു അത് സീത കാണാതെയിരിക്കാൻ അവൻ ശ്രമിച്ചുവെങ്കിലും അവന്റെ മുഖത്തെ പുഞ്ചിരി സീത അത് കണ്ടിരുന്നു അവളുടെ മനസിലെ ഒരു ചോദ്യത്തിന് ഉത്തരം കിട്ടിയെന്നുള്ള കാര്യം സീത തിരിച്ചറിഞ്ഞു

\"സീതേ..\"

രുദ്രന്റെ ശബ്ദം കേട്ടു സീത അവനെ നോക്കി 

\"ഇന്ദ്രനോട് ഇനി എന്നാണ് നിന്റെയുള്ളിലെ പ്രണയം തുറന്നു പറയാൻ പോകുന്നത്?\" 

പ്രതീക്ഷിക്കാതെ രുദ്രനിൽ നിന്നും അങ്ങനെയൊരു ചോദ്യം കേട്ടതും അവളൊന്ന് ഞെട്ടിയശേഷം പറഞ്ഞു \"രുദ്രേട്ടാ എനിക്ക് ഇന്ദ്രേട്ടനോടുള്ള പ്രണയം അതിന് ഇനിയും സമയമുണ്ട് സമയമാകുമ്പോൾ എന്റെ പ്രണയം ഞാൻ ഇന്ദ്രേട്ടനോട് പറയും\"

അത് കേട്ടതും രുദ്രൻ നിരാശയോടെ മറു സൈഡിലേക്ക് നോക്കി.. രുദ്രൻ ആ സമയം അവിടെനിൽക്കുന്നവന്റെ ഫോട്ടോ ഫോണിൽ പകർത്താനും മറന്നില്ല..

സീത കാറിലേക്ക് കേറുന്നതിനുമുമ്പ് രുദ്രൻ വിളിച്ചത് കേട്ട് അവൾ ഞെട്ടി..

തുടർന്ന് വായിക്കുക...

ആ പേര് കേട്ടതും സീതായൊന്ന് ഞെട്ടി തിരിഞ്ഞു രുദ്രനെ നോക്കി 

\"എന്ത് പറ്റി സീതേ?\"

\"അതിനവൾ ഒന്നുമില്ലെന്ന് തലയനാക്കി..

\"അല്ല രുദ്രേട്ടൻ എന്നെ ഇപ്പോൾ എന്താ വിളിച്ചത്?\"

അവൻ എന്താ എന്നർത്ഥത്തിൽ അവളെ നോക്കി പിന്നെ പറഞ്ഞു \" ഞാൻ നിന്നെ എന്ത് വിളിക്കാൻ?\"

\"ഹേയ് ഒന്നുമില്ല എനിക്ക് ചിലപ്പോൾ തോന്നിയതാവും\" അങ്ങനെ പറഞ്ഞവൾ എന്തോ ആലോചിച്ചു നിന്നു 

അത് കേട്ടതും രുദ്രൻ ഒന്നു ചിരിച്ചു 

\"എന്താടി നീ ഈ ആലോചിച്ചു നിൽക്കുന്നത്?\" രുദ്രൻ ചെറുദേഷ്യത്തോടെ അവളോട് ചോദിച്ചു 

അതിനൊന്ന് സീത രുദ്രനെ ദേഷ്യത്തോടെ നോക്കി 

\"എന്താ പെണ്ണെ?\" 

എന്ന് ചോദിച്ചു രുദ്രൻ അവളെ ചേർത്തുപിടിച്ചു

ആ ഹൃദയതാളം അറിഞ്ഞപ്പോലെ അവൾ അവനിലേക്ക് കൂടുതൽ ചേർന്ന് നിന്നു... 

\"എനിക്ക് നിന്റെയുള്ളിലെ ചിന്ത എന്താണെന്ന് നീ പറയാതെ തന്നെ എനിക്ക് മനസിലാവും
സീതേ നിന്നെ കാണാൻ തുടങ്ങിയത് ഇന്നലയോ ഇന്നൊന്നുമല്ലലോ വർഷങ്ങളായില്ലേ അത് കൊണ്ട് നിന്റെ മനസ്സ് മനസിലാക്കാൻ ഈ രുദ്രന് കഴിയും..\"

\"സീതേ നമുക്ക് വീട്ടിലേക്ക് തിരിച്ചു പോയല്ലോ?\"

\"അത് രുദ്രേട്ടാ നമുക്ക് ആദ്യം കോളേജിൽ പോയല്ലോ\"

അതിന് രുദ്രൻ ഒന്നു തലയാട്ടി വണ്ടിയെടുത്തു 

തിരിച്ചു വീട്ടിലേക്കുള്ള യാത്രയിൽ മുഴുവൻ സീത ആലോചിച്ചത് ഇന്ദ്രനെ കുറിച്ചായിരുന്നു കാരണം ഇപ്പോൾ ഇന്ദ്രനോടുള്ള വെറുപ്പ്‌ മാറുന്നത് അവൾക്ക് മനസിലായി തുടങ്ങിയിരുന്നു 

\"സീതേ എന്താ പെട്ടെന്ന് ഇങ്ങനെയൊരു തീരുമാനമെടുക്കാൻ കാരണം?\"

രുദ്രന്റെ സ്വരം കേട്ടു സീത ഞെട്ടി 

\"നീ എന്തിനാ ഇങ്ങനെ ഞെട്ടുന്നത്  അല്ല ഞെട്ടാൻ മാത്രം എന്തെങ്കിലും പറഞ്ഞോ.. വല്ലതും ചോദിക്കുമ്പോൾ നീ ഞെട്ടി എന്നെ നോക്കുന്നത് എന്തിനാണ്? നീ ഇങ്ങനെ ഓരോന്നും ചിന്തിച്ചു കൂട്ടല്ലേ\"

രുദ്രൻ ആദ്യകാര്യമായിട്ടും തമാശയായിട്ടുമാണ് പറഞ്ഞത് അത് കേട്ടവൾ മുഖം തിരിച്ചു...

\"സീതേ\"

\"സീതേ\"

അവൻ വിളിച്ചിട്ടും അവൾ കേൾക്കാതെ മുഖം വീർപ്പിച്ചു തന്നെയിരുന്നു 

\"ഡീ നന്ദു\"

രുദ്രൻ അങ്ങനെ വിളിച്ചതും സീത ദേഷ്യത്തോടെ അവനെ നോക്കി...

\"രുദ്രേട്ടാ ഞാൻ പലതവണ പറഞ്ഞിട്ടുണ്ട് എന്നെ നന്ദുയെന്ന് വിളിക്കല്ലെന്ന് ഏട്ടനോട് പറഞ്ഞാലും മനസിലാവില്ലേ അതെന്റെ ജിത്തേട്ടൻ മാത്രം വിളിക്കുന്നതാണ്\"

അവൾ അത്രയും പറഞ്ഞ് രുദ്രന്റെ കവിളിൽ കടിച്ചു .. 

അവർ പിന്നെയും ഓരോന്ന് പറഞ്ഞും പരസ്പരം വഴക്കിട്ടും യാത്ര തുടർന്നു..

വീടെത്തിയതും സീത കണ്ടത് ചാരുവിനെയെടുത്തു അങ്ങോട്ടും ഇങ്ങോട്ടും നടക്കുന്ന വരുണിനെയാണ് അവൾ വേഗം അവന്റെ അടുത്തേക്ക് ചെന്നു ചാരുവിനെ വാങ്ങി അവൾ റൂമിലേക്ക് പോയി 

\"എന്താ  അളിയാ .. സീതേച്ചിയായിട്ട് പിണങ്ങിയോ \" രുദ്രന്റെ തോളിൽ കൈയിട്ട് വരുൺ ചോദിച്ചു 

അത് കേട്ടതും രുദ്രാനൊന്ന്‌ പുഞ്ചിരിക്കുക മാത്രം ചെയ്തു ..

\"എന്താ ഈ പിണക്കത്തിന്റെ കാരണം?\"
അവർ അകത്തേക്ക് കയറുമ്പോൾ വരുൺ ചോദിച്ചു 

വരുണിനോട് നടന്ന കാര്യങ്ങളെല്ലാം പറഞ്ഞു കഴിഞ്ഞതും രുദ്രൻ കേട്ടത് വരുണിന്റെ നിർത്തതേയുള്ള ചിരിയാണ്.

\"എന്നാലും അളിയാ അളിയനല്ലാതെ അവളെ നന്ദുയെന്ന് വിളിക്കുമോ നന്ദുയെന്ന്  വിളിക്കാൻ ഇന്ദ്രേട്ടന് മാത്രമേ അവകാശമുള്ളൂ എന്നകാര്യം ഏട്ടൻ മറന്നോ\"

അതിന് രുദ്രാനൊന്ന്‌ ചിരിക്കുകമാത്രം ചെയ്തു.

\"നിന്റെ ചേച്ചിയെ വെറുതെദേഷ്യം പിടിപ്പിച്ചതാണ് ഇന്ന് ഞങ്ങൾ വിനയ്നെയും ഗായുവിനെയും കാണാൻ പോയിരുന്നു. അവർ ദേവനെ കുറച്ചു കാര്യങ്ങൾ പറയാൻ വിളിച്ചതാണ് അവർ ദേവനെ പറ്റി പറഞ്ഞു കഴിഞ്ഞതും അവൾ ഭയങ്കര മൂഡോഫ് ആയിരുന്നു പിന്നെ അതൊന്ന് മാറ്റാൻ ഓരോന്ന് പറഞ്ഞു അവളെ ചോടിപ്പിച്ചു പിന്നെ വെറുതെ അവളെ നന്ദുയെന്ന് വിളിച്ചു അതിനാണ് അവൾ പിണങ്ങിയത്\"

രുദ്രൻ പറഞ്ഞ് നിർത്തിയതും എന്തോ ഓർത്തപ്പോലെ വരുൺ അവനെ നോക്കി ... 

ഇതേസമയം രുദ്രന്റെ ഫോണിലേക്ക് ഒരു കോൾ വന്നതും അവന്റെ മുഖം ദേഷ്യത്താൽ ചുവന്നു രുദ്രന്റെ മുഖഭാവം കണ്ടതും വരുൺ അവന്റെ തോളിൽ കൈവച്ചു.

രുദ്രന്റെ മൈൻഡ് ശരിയല്ലാത്തത് കൊണ്ട് അവൻ വരുണിന്റെ കൈ തട്ടി മാറ്റി രുദ്രൻ സീതയുടെ മുറിയിലേക്ക് ചെന്നു.

മുറിയിലെത്തി നോക്കുമ്പോൾ രുദ്രൻ കാണുന്നത് ചാരുവിനെ തട്ടിയുറക്കാൻ ശ്രമിക്കുന്ന സീതയെയാണ്.

അവനെ കണ്ടതും സീത എഴുന്നേറ്റു.

\"എന്താ രുദ്ര്?\"

\"ഡീ ..\" 

\" എന്താ രുദ്ര് \"

\"സീതേ നീ മാളിയേക്കൽ ഗ്രൂപ്പസിന്റെ കീഴിലുള്ള ആദികേശവാകോളജിൽ പഠിപ്പിച്ചിട്ടുണ്ടോ?\"

\"ഹ്മ്മ് ഉണ്ട്\"

\"പിന്നെ നീയെങ്ങനെ മാർത്തോമാകോളേജിലെത്തി?\"

\"ഞാൻ രുദ്രേട്ടന് ഉത്തരം മാർത്തോമാ കോളേജിലേക്ക് പോകുമ്പോൾ പറഞ്ഞ് തരാം ഇനിയും എന്റെ മനസിലുള്ള കാര്യങ്ങൾ പറയാതെയിരുന്നില്ലെങ്കിൽ അത് ആർക്കും നല്ലതിനല്ല ഇനിയെങ്കിലും എനിക്ക് എന്റെ മനസിലെ ഭാരമിറക്കി വെക്കണം\"

സീത പറഞ്ഞതും അവളുടെയുള്ളിൽ എന്തോ രഹസ്യങ്ങളുണ്ടെന്ന് അവളുടെ മുഖത്തുനിന്നും അവൻ വായിച്ചുയെടുത്തു  പിന്നെ അവനൊന്നും മിണ്ടാതെ അവന്റെ മുറിയിലേക്ക് പോയി..

----------------

ഇതേസമയം ഋഷി ആലോചിച്ചത് മുഴുവനും സീതയെ പറ്റിയായിരുന്നു..

\"ഡിഗ്രിക്ക് പഠിക്കുമ്പോഴാണ് ഋഷി അവളെ ആദ്യമായി കാണുന്നത് അത് തെറ്റാണെങ്കിലും അല്ലെങ്കിലും അത് ആരുടെ മുഖത്ത് നോക്കി പറയുന്നൊരാൾ അതല്ലാതെ കോളേജിൽ നടക്കുന്ന പരിപാടികളിലെല്ലാം മുന്നിൽ നിൽക്കുന്നവൾ എല്ലാവരുടെയും ടീച്ചേഴ്സിന്റെയും പ്രിൻസിപ്പളിന്റെയുമെല്ലാം പ്രിയപ്പെട്ടവൾ. 

എപ്പോഴോ അവളോട്‌ തോന്നിയ ദേഷ്യവും വാശിയും അസൂയയും കാരണം അവളോടൊപ്പം അല്ലെങ്കിൽ അവളെക്കാൾ കൂടുതൽ ഉയരണമെനൊരു ചിന്ത വന്നതോതുക്കൂടി രാത്രിയെന്നോ, പകലെന്നോ ഇല്ലാതെ പഠിക്കാൻ തുടങ്ങി അതുപോലെ അവളെ പോലെതന്നെ പരിപാടികളിളെല്ലാംവിജയികണമെന്നൊരു ചിന്തയോടെ പങ്കെടുത്തു പക്ഷേ എല്ലായിടങ്ങളിലും അവന് പരാജയമാണ് നേരിടേണ്ടി വന്നത് അങ്ങനെ വന്നതും അവൻ ആകെ തകർന്നു പോയി. 

ഒട്ടും പ്രതീക്ഷിക്കാതെ അവനെയപ്പോൾ ആശ്വസിപ്പിക്കാൻ അവനൊരു സ്വാന്തനാമാവാൻ വന്നവളായിരുന്നു സീതാലക്ഷ്മിനന്ദന എന്ന സീത അവിടെ നിന്നും തുടങ്ങുകയായിരുന്നു അവരുടെ സൗഹൃദം കുറച്ചു നിമിഷം കൊണ്ട് തന്നെ ഋഷിക്ക് അവളൊരു കൂട്ടുകാരിയെന്നതിലുപരി ഒരു സഹോദരിയായി മാറിയിരുന്നു പക്ഷേ ദൈവത്തിന് അസൂയ തോന്നിയത് കൊണ്ടാവാം അവരുടെ ആ സൗഹൃദം ഇല്ലാതാക്കാൻ ദേവൻ വന്നത്.

അന്ന് അവളുടെ മുന്നിൽവച്ചു താനെ അപമാനിച്ചപ്പോൾ എന്തോ അവന് അവളെ നേരിടാൻ കഴിഞ്ഞില്ല പിന്നീട് അവളിൽ നിന്നൊരു ഒളിച്ചോട്ടമായിരുന്നു.
അവളെ കുറിച്ചുയെല്ലാം രുദ്രേട്ടനിൽ നിന്നും ഇന്ദ്രേട്ടനിൽ നിന്നും അറിയുന്നുണ്ടായിരുന്നു 

ദേവൻ കാരണം ആറ് വർഷങ്ങളാണ് താൻ അവളെ തന്നിൽ നിന്നും അകറ്റിയത്   
ഇടക്ക് രുദ്രനും ഇന്ദ്രനും അവളെ കാണണമെന്ന് പറയുമ്പോഴേല്ലാം അവരോട് ഓരോ കാരണങ്ങൾ പറഞ്ഞു ഒഴിഞ്ഞു മാറിയിരുന്നു 

ഇന്നലെ രുദ്രൻ വിളിച്ച് കാണണമെന്ന് പറഞ്ഞപ്പോൾ ഋഷിക്ക് എന്തോ അത് തള്ളികളയാൻ തോന്നിയില്ല 

രുദ്രൻ അമ്പലത്തിലുണ്ടെന്ന് അറിഞ്ഞു ഋഷി കാണാൻ പോയി പക്ഷേ അവൻ ഒട്ടും പ്രതീക്ഷിച്ചില്ല സീതയും അവന്റെ കൂടെ കാണുമെന്നുള്ളത് അവളെ കണ്ടതും ഋഷിക്ക് സീതയോട് കുറെ കാര്യങ്ങൾ ചോദിക്കാനും പറയാനും അവളോട് കുറെ സംസാരിക്കണമെന്നുണ്ടായിരുന്നു എങ്കിലും എന്തോ കൊണ്ടോ ഋഷിക്ക് അതിന് കഴിഞ്ഞില്ല. \"

ഫോൺ റിങ് ചെയ്യുന്ന ശബ്ദം കേട്ടു ഋഷി സീതയുടെ ഓർമകളിൽ നിന്നും മുക്തനായത് ഡിസ്‌പ്ലേയിൽ തെളിഞ്ഞ പേര് കണ്ടതും അവനൊരു പുഞ്ചിരിയോടെ കോളേടുത്തു സംസാരിക്കാൻ തുടങ്ങി.

കോൾ കട്ട് ആയതും ഋഷിയുടെ മുഖത്തൊരു പുഞ്ചിരി സ്ഥാനം പിടിച്ചു

ഇതേ സമയം നവീൻ ഋഷിയുടെ അടുത്തേക്ക് വന്നു 

രണ്ടു തവണ നവീൻ വിളിച്ചിട്ടും ഋഷി കേൾക്കാത്തവനെ പോലെയിരുന്നു 

നവീൻ അവനെ കടുവ എന്ന് വിളിച്ചതും ഋഷി അവനെ നോക്കി ആ നോട്ടത്തിന്റെ അർത്ഥം മനസ്സിലായതും നവീൻ ഋഷിയുടെ  റൂമിൽ നിന്നും പുറത്തേക്കൊടി തൊട്ട് പിന്നാലെ ടാ..... എന്നും വിളിച്ചു ഋഷിയും. 

തുടരും..................

NB  : ശ്രീധരനും നളിനിക്കും അഞ്ചു മക്കൾ : സീത ഗിരി വരുൺ കാവേരി {ഒരാൾ കൂടിയുണ്ടായിരുന്നു പണ്ട് എങ്ങനെയോ അവനെ കാണാതായി. പക്ഷേ ഇപ്പോഴും ശ്രീധരനും നളിനിയും കാത്തിരിക്കുന്നത് അവന് വേണ്ടിയാണ്.
{കാവേരി ദീപക് അവരുടെ മകളാണ് അൻവിക എന്ന  എല്ലാവരുടെയും ചാരു}

ശ്രീദേവിക്കും വാസുദേവനും നാലു മക്കൾ : രുദ്രൻ ഇന്ദ്രൻ {ഇവർ ഇരട്ടകളാണ്} പിന്നെ ഗോകുൽനാഥ്‌ എന്ന നാഥും  അർച്ചനയും 

കൃഷ്‌ണനും ശാരദക്കും രണ്ട് മക്കൾ ശ്രീദേവനാരായണ എന്ന ദേവും ഗായത്രി എന്ന ഗായുവും {പണ്ട് ഒരു അപകടത്തിൽ കൃഷ്ണ മരിച്ചു } {ഗായത്രി അവളുടെ ഭർത്താവ് വിനയ് എന്ന വിനു}

അദിതിക്കും ആദിത്യനും രണ്ടു മക്കൾ ഋഷികേശ് എന്ന ഋഷിയും നവീൻകേശ് എന്ന നവീനും {ആദിത്യന്റെ അച്ഛൻ പേര് ആദികേശവൻ എന്നായതുകൊണ്ട് ആദികേശവൻ എന്നതിൽ നിന്നും കേശ് എടുത്തു മക്കളുടെ പേരിനോട് ചേർത്തു}

ആദിത്യൻ അടുത്ത പാർട്ടിൽ വരുന്നതായിരിക്കും