ഇതേസമയം അദിതിയുടെ ഫോണിൽ വന്ന കോൾ അറ്റൻഡ് ചെയ്തതും ആ വിളിച്ച ആൾ പറഞ്ഞതുകേട്ട് അവൾ ഞെട്ടി ...

അദിതിയുടെ മുഖഭാവം മനസിലായതും അവൾ ടീവി വെച്ചു ... ന്യൂസ് ചാനലിൽ ബ്രേക്കിംഗ് ന്യൂസ് ആയി കാണിക്കുന്നത് കണ്ടതും ഇവരും ഞെട്ടിയിരുന്നു ....

തുടർന്ന് വായിക്കുക ..

\"  പ്രമുഖ ബിസിനസ് മാൻ ഋഷികേശ് ആദിത്യൻ വിവാഹിതൻ ആകുന്നു ... പ്രമുഖ ബിസിനസ് ഗ്രൂപ്പായ മിത്ര ഗ്രൂപ്പിന്റെ എംഡി മോഹൻ തമ്പിയുടെയും ഹൈ കോർട്ടിലെ ലീഡിങ് അഡ്വക്കേറ്റ് ആയ മാലതിയുടെയും മകളായ മിത്ര തമ്പി ആണ് .. ഋഷികേശ് ആദിത്യന്റെ വധു ...ഇന്നത്തെ ഋഷിയുടെ ബർത്ത്ഡേ പാർട്ടിയുടെയിടയിൽ ആണ് മാളിയേക്കൽ ഗ്രൂപ്പിന്റെ ഓണർ റാണിയും ജയ്ദീപും അറിയിച്ചത് ... ഋഷിയുടെയും മിത്രയുടെയും വിവാഹം ഈ മാസം അവസാനം നടത്താൻ ആണ്
തിരുമാനിച്ചിരിക്കുന്നുവെന്നാണ് ഇവരും അറിയിച്ചത് \"

ന്യൂസിൽ പറയുന്ന ഓരോ കാര്യങ്ങളും അദിതിയുടെ കാതിൽ പതിഞ്ഞില്ല ... അവൾ ഏതൊരു ലോകത്ത്  ആയിരുന്നു ...

\" ടീച്ചർ അമ്മേ \"

സീത വിളിച്ചതും അദിതി ഒരു കരച്ചിലൂടെ അദിതി അവളെ കെട്ടിപിടിച്ചു ..

\" സീതേ ... ഞാൻ വെറുമൊരു തോൽവി ആയി അല്ലേ .. ഋഷിയുടെ കാര്യത്തിൽ .. \"

\" എന്തിനാ എന്നെ വിധി പരീക്ഷിക്കുന്നത് .. ആദ്യം റാണി എന്നിൽ നിന്നും ആദിയിൽ നിന്നും പിന്നീട് ഋഷിയിൽ നിന്നും എന്നെ അകറ്റി ... എന്നെ ഇങ്ങനെ ദ്രോഹിക്കാൻ മാത്രം എന്ത് തെറ്റാണു റാണിയോട് ചെയ്ത് എന്ന് എത്ര ആലോചിട്ടും എനിക്ക് മനസിലാവുന്നില്ല . എനിക്ക് ഇനി ജീവിക്കണ്ട  ആർക്കുവേണ്ടിയാ ഞാൻ ജീവിക്കേണ്ടത് .  എന്നിൽ നിന്നും എനിക്ക് അർഹതപ്പെട്ടത് എല്ലാം റാണി തട്ടി എടുക്കാൻ അവൾക്ക് എന്തോ വല്ലാത്തൊരു ഉത്സാഹം ആയിരുന്നു ... അവൾക്ക്  വലുത് പണവും സ്റ്റാറ്റസും ആയിരുന്നു ... മിത്ര ഗ്രൂപ്പിന്  മാളിയേക്കൽ ഗ്രൂപ്പസിന്റെ സ്വത്തിനേക്കാൾ ഇരട്ടി സ്വത്തുണ്ട്...ആ സ്വത്തുക്കളിൽ ലക്‌ഷ്യം വെച്ചായിരിക്കും റാണിയും ജയ്ദീപും  ഇങ്ങനെയൊരു നീക്കം നടത്തിയത് പക്ഷേ
എന്റെ മകനെ ബലിയാടുക്കുന്നത് ഓർക്കുമ്പോ തന്നെ എനിക്ക് സഹിക്കാൻ കഴിയില്ല \"

\" ടീച്ചർ അമ്മ ഒന്നുകൊണ്ടും പേടിക്കണ്ട ... നമ്മൾ ഇപ്പോ തന്നെ മാളിയേക്കലിലേക്ക് പോകും ... \"

ഇവരുടെ അടുത്തേക്ക് ഇത് പറഞ്ഞുകൊണ്ട്‍ രുദ്രൻ വന്നു ...

\" രുദ്രാ അത് വേണോ \"

അദിതി അത് ചോദിച്ചതും രുദ്രൻ ദേഷ്യത്തോടെ നോക്കി .

\" സീതേ നിന്റെ ടീച്ചർ അമ്മയോട് ഡ്രസ്സ് മാറി വരാൻ പറ ..  എപ്പോളും ഇങ്ങനെ പ്രതികരിക്കാതെയിരിക്കുമ്പോ നക്ഷ്ടങ്ങൾ മാത്രമേ ഉണ്ടാവുള്ളൂ എന്ന് പറ ... പതിനഞ്ചു മിനിറ്റ് ഞാൻ നോക്കും അതിനുള്ളിൽ വന്നില്ലായെങ്കിൽ തൂക്കിയെടുത്തു പോകും എല്ലാവരെയും .. \"

ഇത് പറഞ്ഞ് രുദ്രൻ നാഥിനെ വിളിക്കാൻ പോയി ...

ഏകദേശം ഹാഫ് HOUR  കഴിഞ്ഞപ്പോളാണ് സീത അദിതിയെ കൂട്ടി വന്നത് ....

രുദ്രന്റെ നിർബദ്ധം കാരണം അദിതിയും നവീനും അദിതിയുടെ കാറിലും രുദ്രനും സീതയും രുദ്രന്റെ കാറിലും മാളിയേക്കൽ വീട്ടിലേക്ക് യാത്രയായി

ഇതേസമയം രുദ്രനോട് ദേഷ്യപെടുക ആയിരുന്നു സീത ..

\" നീ ഒന്ന് നിർത്തുന്നുണ്ടോ സീതേ ... നിനക്കറിയാലോ ഞാനൊന്നും കാണാതെ ഇങ്ങനെയൊരു തീരുമാനം എടുക്കുമെന്ന് \"

\" ഹമ് \"

\" സീതേ .. റാണി മാഡം ഇപ്പോ കാലെടുത്തു വെക്കാൻ പോകുന്നത് വലിയയൊരു അപകടത്തിലേക്ക് ആണ് .. ഒരുപക്ഷേ നമ്മൾക്ക് എന്തെങ്കിലും ചെയ്യാൻ പറ്റുന്നുണ്ടെങ്കിൽ ഇപ്പോ ചെയ്യണം ... \"

\" എനിക്കൊന്നും മനസിലാവുന്നില്ല \"

\" സീതേ .. തമ്പി വെറുമൊരു നിസാരകാരനല്ല.. മുമ്പ് എനിക്കും ഇന്ദ്രനും നേരെ ഒരു അറ്റാക്ക് ഉണ്ടായത് നിനക്ക് അറിയാലോ ... ആ അറ്റാക്ക് ഉണ്ടായത് തമ്പിയുടെ ഒത്താശയോടെയാണ് ആ അറ്റാക്ക് നടന്നത് \"

അവൻ പറഞ്ഞ് നിർത്തിയതും സീതയുടെ കണ്ണുകൾ നിറഞ്ഞിരുന്നു ...

\" ഇപ്പോ ഇന്ദ്രേട്ടൻ എവിടെയാ രുദ്ര് \"

\" സീതേ .. ഇന്ദ്രനെ കാണാൻ പോകണോ \"

\" എന്തിനു \"

രുദ്രനോട് അങ്ങനെ പറഞ്ഞുവെങ്കിലും അവളുടെ ഉപബോധമനസിൽ ഇന്ദ്രനെ കാണണമെന്ന് ഉണ്ടെങ്കിലും അവളുടെ ബോധമനസ് അതിനു തയാർ അല്ലായിരുന്നു ... അവളുടെ മനസ് മനസിലാക്കിയപ്പോലെ രുദ്രന്റെ മുഖത്തൊരു പുഞ്ചിരി സ്ഥാനം പിടിച്ചു.. അതേ പുഞ്ചിരിയോടെ അവൻ ഡ്രൈവിങ്ങിൽ ശ്രദ്ധിച്ചു ... ഏറെ സമയത്തിനുശേഷം രുദ്രന്റെയും നവീന്റെയും വണ്ടികൾ ഒരേസമയത്ത് തന്നെ മാളിയേക്കൽ വീടിന്റെ മുന്നിലെത്തി ..

കാറിൽ നിന്നും ഇറങ്ങിയതും അദിതിയും നവീനും മാളിയേക്കൽ തറവാടിനെ നോക്കി നിന്നു...

\" എന്താണ് അമ്മേ \"

\" ഒന്നില്ലടോ ഒരുപാട് മാറ്റങ്ങൾ സംഭവിച്ചു.. ഈ കഴിഞ്ഞ വർഷങ്ങൾക്കുള്ളിൽ ... \"

\" അമ്മ ഇന്നിവിടെ എന്ത് നടന്നാലും അമ്മ പതറാതെ തന്നെ നിൽക്കണം.. അമ്മ പ്രതികരിക്കാതെ നിന്നാൽ അമ്മയെ അപമാനിക്കാൻ മാത്രം ശ്രമിക്കുള്ളൂ.. അതുകൊണ്ട് അമ്മ പറയാൻ പറ്റുന്ന എല്ലാകാര്യങ്ങളും തുറന്ന് പറയണം...ഇന്നിവിടെ അമ്മ തോൽവി ഏറ്റു വാങ്ങിയാൽ അത് നമ്മളിൽ നിന്നും ഋഷിയെ എന്നേക്കുമായി 
നമ്മൾക്ക് നക്ഷ്ടമാകും.. ഇപ്പോളെങ്കിലും അമ്മ പ്രതികരിക്കണം.. കൈകരുത്ത് ആയാലും വാക്കുകൾ കൊണ്ടായാലും... \"

നവീൻ പറഞ്ഞതും ആദിതി ഞെട്ടലോടെ 
അവനെ നോക്കി... കാരണം അവന്റെ ഇങ്ങനെയുള്ള ഭാവം അവൾ ആദ്യമായി കാണുന്നത്...

\" നീ പറഞ്ഞത് നേരാ.. എന്റെ മൗനം കാരണമാണ് എനിക്ക് നക്ഷ്ടങ്ങൾ മാത്രം ഉണ്ടായുള്ളൂ..ഇനിയും ആ മൗനം കാരണം എന്റെ ജീവിതം താറുമാക്കാൻ ആരെയും സമ്മതിക്കില്ല ഞാൻ... നീ പറഞ്ഞത് ശരിയാ.. ഞാനിനി പ്രതീകരിക്കാതെയിരുന്നാൽ എനിക്ക് എന്നിലെ ഭാര്യയും അമ്മയും നക്ഷ്ടമാകും.\"

ഇത്രയും പറഞ്ഞ് ആദിതി വർഷങ്ങൾക്കുശേഷം മാളിയേക്കൽ വീടിന്റെ മുറ്റത്ത് കാല് കുത്തി...

ഉറച്ച മനസോടെ , അവൾ മാളിയേക്കൽ വീടിന്റെ അകത്തേക്ക് വലതുകാൽ വെച്ച് കേറി.. തൊട്ട് പിന്നാലെ നവീനും...

ആദിതിയെയും നവീനെയും കണ്ടതും ആദി വിശ്വാസം വരാതെ നോക്കി..

\" എന്താ ആദി എന്നെയിവിടെ പ്രതീക്ഷിച്ചില്ലയല്ലേ.. \"

ആദിതി ചോദിച്ചതും ആദി തലയാട്ടുക മാത്രം
ചെയ്തു...

ആദിയെ നോക്കിയശേഷം ആദിതി നേരെ 
ചെന്ന് നിന്നത് റാണിയുടെ അടുത്തേക്കാണ്..
അവളുടെ മുന്നിൽ കൈകെട്ടി നിന്നുകൊണ്ട് ഓരോന്നും പറഞ്ഞ് തുടങ്ങി...

\" റാണി.. ഞാനിവിടേക്ക് വന്നത്. എന്റെ മകനും ഭർത്താവിനും വേണ്ടിയാണ്.. എനിക്കിനിയും വയ്യ എന്റെ ഭർത്താവിനെയും മകനെയും പിരിഞ്ഞ് ജീവിക്കാൻ.. ഇനി അങ്ങോട്ടുള്ള ജീവിതത്തിൽ എനിക്ക് എന്റെ ഭർത്താവിന്റെയും മകന്റെയും സ്നേഹവും കരുതലും വേണം.. \"

അദിതി പറഞ്ഞതും റാണി പുച്ഛത്തോടെ നോക്കി...

\" അദിതി നീ എന്താ എന്നോട് പ്രതികാരം ചെയ്യാൻ വന്നത് ആണോ... \"

\" എനിക്കെന്തിന് നിന്നോട് പ്രതികാരം ചെയ്യണം.. ഇപ്പോ വന്നത് ഒരു കാര്യം പറഞ്ഞിട്ട് പോകാനാണ്...\"

അദിതി പറഞ്ഞതും അവിടെയുള്ളവർ അവളെ നോക്കി...

\" എന്റെ മകൻ ഋഷിയുടെ കല്യാണം ആരോട് 
ചോദിച്ചിട്ടാ നടത്താൻ തീരുമാനിച്ചത്??? അവന്റെ അമ്മ ജീവിച്ചിരിക്കുമ്പോ തന്നെ...എന്നോട് ചോദിക്കണ്ട അവന്റെ അച്ഛനോട് നീ ചോദിച്ചിരുന്നോ ഋഷിയുടെ വിഹാഹത്തിന്റെ കാര്യം...അവന്റെ കാര്യത്തിൽ ആദിക്കും എനിക്കും കുറച്ചു ഉത്തരവാദിത്തങ്ങൾ ഉണ്ട്... അതുകൊണ്ട് ഈ നിമിഷം തന്നെ നീയും ദീപുവും എടുത്ത തീരുമാനം മാറ്റണം...\"

ഇത് പറഞ്ഞ് പൂർത്തിയാക്കുന്നതിന് മുമ്പ് തന്നെ അവളെ കൈയുർത്തി തടഞ്ഞിരുന്നു 
റാണി...

\" ഋഷിയുടെ കാര്യത്തിൽ തീരുമാനം എടുക്കാൻ എനിക്കും എന്റെ ഭർത്താവിനും ആണ് അവകാശം ഉള്ളത് അല്ലാതെ നിന്നെപ്പോലെ ഒരു *** ഉള്ളതല്ല... ഋഷിക്ക് നിന്നെ കാണുന്നതേ തന്നെ വെറുപ്പാ.. അവന്റെ 
കാര്യത്തിൽ നിനക്ക് ഇടപ്പെടാൻ ഒരു അവകാശവും ഇല്ല.. അതുകൊണ്ട് നീയിപ്പോ 
ഇവിടെനിന്നും പോകുന്നതാണ് നല്ലത്... \"

റാണി പറഞ്ഞ് തീർന്നതും അവിടെയുണ്ടായിരുന്ന ഫ്ലവർവേസ് നിലത്ത് വീണു പൊട്ടിയതും ഒന്നിച്ചാണ്...

അപ്പോളാണ് സംഹാരരുദ്രനെ പോലെ നിൽക്കുന്നവരെ കണ്ടതും ആദിതി ഉൾപ്പെടെ 
എല്ലാവരും ഞെട്ടി...

തുടരും......