\" ഋഷിയുടെ കാര്യത്തിൽ തീരുമാനം എടുക്കാൻ എനിക്കും എന്റെ ഭർത്താവിനും ആണ് അവകാശം ഉള്ളത് അല്ലാതെ നിന്നെപ്പോലെ ഒരു *** ഉള്ളതല്ല... ഋഷിക്ക് നിന്നെ കാണുന്നതേ തന്നെ വെറുപ്പാ.. അവന്റെ 
കാര്യത്തിൽ നിനക്ക് ഇടപ്പെടാൻ ഒരു അവകാശവും ഇല്ല.. അതുകൊണ്ട് നീയിപ്പോ 
ഇവിടെനിന്നും പോകുന്നതാണ് നല്ലത്... \"

റാണി പറഞ്ഞ് തീർന്നതും അവിടെയുണ്ടായിരുന്ന ഫ്ലവർവേസ് നിലത്ത് വീണു പൊട്ടിയതും ഒന്നിച്ചാണ്...

അപ്പോളാണ് സംഹാരരുദ്രനെ പോലെ നിൽക്കുന്നവരെ കണ്ടതും ആദി ഉൾപ്പെടെ 
എല്ലാവരും ഞെട്ടി...

തുടർന്ന് വായിക്കുക...

\" ദേ എന്റെ ഭാര്യയെ പറ്റി എന്തെങ്കിലും പറഞ്ഞാൽ ഞാൻ വെറുതെയിരിക്കില്ല..
ഇപ്പോ തന്നെ റാണി അതിര് കടക്കുന്നുണ്ട് ഇനി എന്തെങ്കിലും എന്റെ ഭാര്യയും മകനെയും പറ്റി അനാവശ്യം പറഞ്ഞാൽ ഈ ആദിത്യന്റെ യഥാർത്ഥ മുഖം നീ അറിയും.. വെറുതെ എന്നെ ദേഷ്യം പിടിപ്പിക്കരുത്.. അത് നിനക്കായിരിക്കും ദോഷം... \"

ആദി വർദ്ധിച്ച ദേഷ്യത്തോടെയാണ് റാണിയോട് പറഞ്ഞത്.. എന്നാൽ ചിലർ ആകട്ടെ ആദിയുടെ ദേഷ്യത്തോടെയുള്ള മുഖം കണ്ട് ഞെട്ടി നിൽക്കുകയായിരുന്നു...

\" പിന്നെ നീ എന്നോടും ഇവളോടും ചെയ്ത ചതിയുടെ കാര്യം എനിക്കറിയാം.. ഞാനൊന്നുമറിയാതെ അറിയാതെയാണ് നിങ്ങളുടെ കൂടെ ജീവിച്ചെന്ന് കരുതണ്ട... ഇനി വീട്ടിൽ ആദിത്യൻ നിൽക്കില്ല.. ഇനി അങ്ങോട്ട് ഞാൻ ജീവിക്കാൻ പോകുന്നത് എന്റെ പെണ്ണിന്റെ എന്റെ ഭാര്യയുടെ കൂടെയാണ്.. ഇനിയാരും എന്തൊക്കെ പറഞ്ഞാലും 
എന്റെ തീരുമാനത്തിൽ മാറ്റം ഉണ്ടാവില്ല... നിങ്ങൾ കാരണം നക്ഷ്ടപ്പെട്ട 24 വർഷങ്ങൾ 
ഞാൻ അനുഭവിച്ച വേദന ഇനിയെങ്കിലും മാറണം.. അതുകൊണ്ട് ഇനി അങ്ങോട്ട് അദിതിയും എന്റെ മകൻ നവീനും ഈ വീട്ടിൽ തന്നെ താമസിക്കും... ആരൊക്കെ എന്ത് പറഞ്ഞാലും... \"

ആദിത്യൻ അദിതിയെ നോക്കിയാണ് പറഞ്ഞത്...

അവൻ പറഞ്ഞതും റാണിയുടെ മുഖം ദേഷ്യം കൊണ്ട് ചുവന്നു 

പക്ഷേ അതിനുമുൻപ് തന്നെ ഋഷിയുടെ ശബ്‍ദം അവിടെ ഉയർന്നു...

\" ഒന്ന് നിർത്തുന്നുണ്ടോ... \"

ഇത്രയും പറഞ്ഞ് അവൻ അദിതിയുടെ മുന്നിൽ ചെന്ന് നിന്നു...

\" അദിതി പദ്മനാഭൻ എന്ന അദിതി ആദിത്യന് എന്താ വേണ്ടത്... \"

അവൻ പറഞ്ഞതുകേട്ട്  അദിതിയുടെ കണ്ണുകൾ നിറഞ്ഞിരുന്നു...

\" ഞാൻ നിന്റെ അമ്മയാണ്.. ഒരു തവണയെങ്കിലും നിനക്ക് എന്നെ
മനസിലാക്കാൻ കഴിയുമെന്ന് ഞാൻ
വിശ്വസിച്ചു.. പക്ഷേ നീ എന്നെ ഒരിക്കലും മനസിലാക്കില്ല മനസിലാക്കില്ല എന്ന് തെളിയിച്ചു...\"

ഇത് പറഞ്ഞതും ഋഷി പുച്ഛത്തോടെ അവരെ നോക്കി...

\" ഓഹ് ആരുടെ അമ്മ.. ദി ഗ്രേറ്റ്‌ അദിതി ടീച്ചർക്ക് ഇങ്ങനെയുള്ള സെന്റിമെന്റ്സ് ഒക്കെയുണ്ടോ.. ഞാൻ കരുതി നിങ്ങൾക്ക് സെന്റിമെന്റ്സ് & ഇമോഷൻസ് ഒന്നും ഉണ്ടാവില്ലയെന്ന് ഞാൻ കരുതി...റാണിയമ്മ നിങ്ങളെ പറഞ്ഞത് എന്തുകൊണ്ടും സത്യമാണെന്ന് തോന്നുന്നു... അല്ലായിരുന്നുവെങ്കിൽ ഇവനെ പോലെ ഒരു സഹോദരൻ എന്നിട്ട് കിട്ടില്ലയായിരുന്നു...
ഇനി റാണിയമ്മ പറഞ്ഞത് സത്യം ആണോ മിസ്സ്‌. ആദിതി ആദിത്യൻ \"

അവൻ പറഞ്ഞ് തുടങ്ങിയത് അദിതിയെ നോക്കിയാണെങ്കിലും അവസാനിച്ചത് അദിതിയേയും നവീനെയും നോക്കിയാണ് 
ഋഷി അത് അവസാനിപ്പിച്ചതും അവന്റെ കരണത്ത് ആദിയുടെ കൈപ്പതിഞ്ഞു...

\" ഡാ.. ഋഷി.. ഇനിയും എന്റെ അമ്മുവിനെ പറ്റി എന്തെങ്കിലും പറഞ്ഞാൽ നിന്റെ മറുകരണത്ത് കൂടി എന്റെ കൈവിരലുകൾ പതിയും...എന്റെ രക്തത്തിൽ പിറന്ന മകൻ ആണ് ഈ നിൽക്കുന്ന നവീൻ...നിനക്ക് മൂന്ന് വയസ് ആയപ്പോളാണ് നിന്റെ അമ്മ ഗർഭിണി ആയത്.. പക്ഷേ ആ ദിവസം തന്നെ അദിതി എന്നെ വിട്ടു എങ്ങോട്ടോ പോയി.. ഞാൻ തിരികെ വന്നപ്പോ ആദ്യം തിരക്കിയത് നിന്റെ അമ്മയെ പറ്റിയാണ്. പക്ഷേ അന്ന് എന്നോട് റാണി പറഞ്ഞത് എന്തായിരുന്നുവെന്ന് അറിയോ..എന്റെ ഭാര്യ നിന്റെ അമ്മ മരിച്ചു പോയി എന്ന്..ഞാനും അത് മൂന്ന് വർഷങ്ങൾക്കുമുമ്പ് വരെ അതാണ് വിശ്വസിച്ചിരുന്നത്.. പക്ഷേ വിധി എന്തൊകൊണ്ടോ നിന്റെ അമ്മയെ എന്റെ അരികിൽ തന്നെ എത്തിച്ചു
അല്ലായിരുന്നുവെങ്കിൽ എന്റെ മരണം വരെ ഞാനത് വിശ്വസിച്ച് ജീവിച്ചനെ.. പക്ഷേ ദൈവം എന്റെ കൂടെയാ.. അല്ലെങ്കിൽ മാർത്തോമ കോളേജിലേക്ക് ഒരു ക്ലാസ്സ്‌ എടുക്കാൻ വേണ്ടി പോകേണ്ടിവരില്ലായിരുന്നു..ഇപ്പോ ഞാൻ ഇത് പറഞ്ഞത് നീ പൂർണമായും വിശ്വസിക്കുന്നില്ലയെന്ന് നിന്റെ മുഖത്ത് നിന്നും വായിച്ചെടുക്കാൻ പറ്റുന്നുണ്ട്...ഇനി നീ എന്ന് ആണോ അദിതിയെ അമ്മയായി സ്വീകരിക്കുന്നതുവരെ അദിതി നിന്റെ മുന്നിലേക്ക് വരില്ല... \"

അദി പറഞ്ഞു നിർത്തിയതും അവൻ നോക്കിയത് റാണിയെ ആണ്..റാണിയുടെ മുഖത്തെ ഭാവം അദിക്കും അദിതിയും തിരിച്ചറിഞ്ഞിരുന്നു..

\" അമ്മേ.. ഈ പറഞ്ഞത് സത്യമാണോ.. \"
റാണിയുടെ മുമ്പിൽ വേദ് നിന്നുകൊണ്ടാണ് 
ചോദിച്ചത്...

\" മോനെ... \" ജയ്ദീപ് വേദിനെ വിളിച്ചതും 
അവനത് കേട്ടില്ല...അവൻ റാണിയെ തന്നെ 
നോക്കിനിൽക്കുകയായിരുന്നു.. മറുകൈകൊണ്ട് ജയ്ദീപിനെ തടഞ്ഞു...

\" അമ്മയുടെ മൗനം തന്നെ സമ്മതിക്കുന്നുണ്ട് 
ആദിയച്ചൻ പറഞ്ഞത് സത്യം ആണെന്ന്..
അമ്മയുടെയുള്ളിൽ ഇങ്ങനെയൊരു ചിന്തയുണ്ടായിരുന്നുവെന്ന് വിശ്വസിക്കാൻ പറ്റുന്നില്ല...അമ്മക്ക് ആരെയും മനസിലാക്കാൻ കഴിയില്ലയെന്ന് ഇന്നെനിക്ക്
മനസിലായി..അതുകൊണ്ടാണല്ലോ...
എനിക്കൊരു അനിയത്തി ജനിച്ചിട്ടും എന്നെയൊന്ന് കാണിക്കാതെ എന്റെ അനിയത്തികൊച്ചിനെ നിങ്ങൾ എവിടെയോ പോയി കളഞ്ഞത്... \"

വേദിന്റെ വാക്കുകൾ അദിതി ഒഴികെ മറ്റുയുള്ളവരെ ഞെട്ടിച്ചു കളഞ്ഞു..

വീണ്ടും വേദ് പറഞ്ഞ് തുടങ്ങി...

\" ഈ സത്യങ്ങളെല്ലാം അദിതിയമ്മ തിരിച്ചറിഞ്ഞത് കൊണ്ടല്ലേ..അദിതിയമ്മയെ 
ഇവിടെനിന്നും ഇറക്കിവിട്ടത്...\"

വേദ് പറഞ്ഞതും റാണി വിളറി വെളുത്തു 
നിന്നു...

അവൻ പറഞ്ഞ് നിർത്തുമ്പോളേക്കും റാണിക്കും ജയ്ദീപിനും സപ്പോർട്ട് ആയി ഋഷിയുടെ സ്വരം അവിടെ ഉയർന്നു...

\" വേദ്.. ഇനി നീ എന്റെ റാണിയമ്മേയെയും ജയ് അച്ഛനെയും പറ്റി എന്തെങ്കിലും പറഞ്ഞാൽ എന്റെ സ്വഭാവം അറിയും...
അതുകൊണ്ട് ഈ നിമിഷം തന്നെ അദിതിക്കും 
നവീനും ഈ വീട്ടിൽ നിന്നും ഇറങ്ങാം
ഒരിക്കൽപോലും ഈ വീടിന്റെ പടി നിങ്ങൾ ചവിട്ടി പോകരുത്... \"

ഋഷി പറഞ്ഞ് നിർത്തിയതും അവന്റെ 
കരണത്ത് അടി കിട്ടിയിരുന്നു...അവൻ തലയുർത്തി നോക്കിയതും തന്റെ മുമ്പിൽ 
നിൽക്കുന്നവളെ കണ്ടതും ഋഷി ഞെട്ടി... എന്തിനു റാണിപോലും ആ വൃക്തിയെ കണ്ട് ഞെട്ടി.. 

തുടരും....