🟥 രവി നീലഗിരിയുടെ നോവൽ©️അധ്യായം പതിനഞ്ച് അഭിശപ്തമായ ജന്മങ്ങളുടെ നാരായം കൊണ്ടെഴുതിയ തലയിലെഴുത്തുകൾ. കൺമുന്നിൽ നേരിട്ട് വന്നുള്ള തിറയാട്ടങ്ങളെല്ലാം കാണാതെ വയ്യ. കാണാം. സോഫിയയുടെ ആയുസ്സിങ്ങനെ നീണ്ട് കിടപ്പുണ്ടല്ലൊ. ഒരമ്മയെ മകളറിയുന്നില്ല. അറിയണമെങ്കിൽ അതിന് മകൾ ഒരമ്മയാകേണ്ടിവരും. അഗ്നിയും പേറി നടക്കുന്നവളാണവൾ. സ്വയം കത്തുകയും മറ്റുള്ളവരെ കത്തിക്കുകയും ചെയ്യുന്ന അഗ്നി. പക്ഷെ ആദി അതൊന്നുമറിയുന്നില്ലല്ലൊ..! പ്രിൻസിപ്പൽ പറഞ്ഞത് എന്താണെന്ന് സോഫിയ ഓർത്തെടുക്കാൻ വെറുതെ ശ്രമിച്ചു. തൊട്ട് മുൻപ് നടന്നതെല്ലാം ഏതോ ഒരു പൂർവ്വജന്മത്ത
