🟥 രവി നീലഗിരിയുടെ നോവൽ©️അധ്യായം പത്തൊൻപത് സോളമൻ ഡ്രൈവിങ്ങ് സീറ്റിലേക്ക് കയറിയിരുന്നു. അയാൾ വണ്ടി പുറകോട്ടെടുത്തു. എലിസബേത്ത് ഇരിക്കുന്ന ഇടതു വശത്തെ ഡോറിന്റെ ഗ്ലാസ്സ് അയാൾ താഴ്ത്തി വെച്ചു. അയാൾ അവളുടെ മുഖത്തേക്ക് നോക്കിയില്ല. കലങ്ങിയ കണ്ണുകൾ കാറിൽ കയറാൻ നേരം കണ്ടതാണ്. ഇനി വേണ്ട. അവൾ പുറത്തേക്ക് നോക്കിയിരുന്നു. ദൂരെ ഒരു നിഴൽ. നീണ്ട മുടിയിഴകൾ വീണ് പാതി മറഞ്ഞ ഒരു മുഖം. ഇല്ല.. കളിക്കൂട്ടുകാരോ കളിക്കളങ്ങളോ നഷ്ടപ്പെട്ട് ഒറ്റയ്ക്കായ ഒരു മനസ്സ് ബദാമിന്റെ ചുവട്ടിൽ വീണു കിടക്കുന്ന മഞ്ഞ നിറമുള്ള ഒരിലയിൽ അവൾ കണ