രാവിലെ നയന ഉണർന്ന് ഫ്രഷായി പുറത്തേക്ക് വരുമ്പോൾ കണ്ടത് ബ്രേക്ക്‌ഫാസ്റ്റ് എടുത്ത് ടേബിളിൽ വെയ്ക്കുന്ന നവനീതിനെയാണ്..

നവി...... നീ നേരുത്തേ എഴുന്നേറ്റോ???

എഴുന്നേൽക്കാതെ പിന്നെ ?
കൂടെയുള്ളതൊരു ഉറക്കപ്രാന്തിയല്ലേ...
നേരത്തിനും കാലത്തിനും വല്ലതും വയറ്റിലോട്ട് പോകണ്ടേ....

ചിരിയോടവാൻ പറഞ്ഞവസാനിപ്പിച്ചപ്പോൾ നയനയുടെ മുഖം മങ്ങി, അത് നവി കാണുകയും ചെയ്തു....

ഏയ്‌ നയന....
ഞാൻ ചുമ്മാ പറഞ്ഞതാ.
വന്നിരുന്നു കഴിക്ക്.....

അവനൊരു വാടിയ ചിരി സമ്മാനിച്ചു അവൾ ഭക്ഷണം കഴിക്കാൻ തുടങ്ങി....

ഇന്നലെ കിടന്നിട്ടുറക്കം വന്നില്ല.....
നവിയുടെ മുറിയിൽ ചെന്ന് ഏറെ നേരം അവനെ നോക്കി ഇരുന്നു.....
ആ മുഖമോർത്തു തിരിച്ചു വന്നു കിടന്നപ്പോൾ പുലർച്ചെ ആയിരുന്നു.....
അതാണ് അലാറം കേൾക്കാതിരുന്നത്....
അവനെന്തെങ്കിലും ഉണ്ടാക്കി നൽകണമെന്ന് ഒത്തിരി ആഗ്രഹിച്ചതാണ്.......
അത് നടക്കാഞ്ഞതിലെ നിരാശ അവളിലുണ്ടായിരുന്നു.


നയന റെഡി ആവ്...
ഒൺലി ടെൻ മിനുട്സ്...
അതിനുള്ളിൽ വന്നില്ലെങ്കിൽ ഞാൻ പോകും പറഞ്ഞേക്കാം .


എങ്ങോട്ടാ നവി?????

എന്റെ കൂടെ വരാൻ പറയുമ്പോൾ വന്നാൽ മതി. നൊ മോർ കൊസ്റ്റ്യൻസ്..... Ok....

അവന്റെയാ അധികാരഭാവം അവളിൽ സന്തോഷമാണുണ്ടാക്കിയത്.....


ഇപ്പൊ വരാമേ....
വേഗത്തിൽ ചേഞ്ച്‌ ചെയ്ത് വന്നു അവനോടൊപ്പം പോകുമ്പോൾ അവളുടെ മുഖത്തെ സന്തോഷം അവനും ആസ്വദിക്കുകയായിരുന്നു.


--------------------------------


കാന്റീനിലൂടെ നടക്കുമ്പോഴാണ് മിഥുൻ
ഒരു കോർണറിൽ ഇരിക്കുന്ന നയനയെ കാണുന്നത്..
കോഫി മുന്നിലിരുന്ന് ആറിതണുത്തു പോയി. ആളിതൊന്നും അറിയുന്നില്ല.... എന്തോ ആലോചനയിലാണ്.

എന്താണ് മാഡം????
ഒരാലോചന???
നവിക്കെന്ത് പണി കൊടുക്കുമെന്നാണോ??
എങ്കിലിനി അതിനെ പറ്റി ചിന്തിക്കേണ്ട..
നിന്നെക്കാൾ വല്യ പണിയൊന്നും അവന് കിട്ടാനില്ല മോളെ...

മിഥുവേട്ടാ.... എനിക്ക് ദേഷ്യം വരുന്നോണ്ട് കേട്ടാ......

അയ്യോ sorry sorry ഏട്ടന്റെ മോൾ പിണങ്ങണ്ട..... നീയവന് ഒന്നോ രണ്ടോ പണി കൊടുത്തോ......പോരെ...

അതെ.... എനിക്ക് ചില കാര്യങ്ങളിൽ ഇനിയും വ്യക്തത വരാനുണ്ട്.....

എന്താ ചോദിച്ചോ. അറിയുന്നതാണേൽ പറയാം....


ശെരിക്കും ഈ കമ്പനി ആരുടേതാ???

എന്താ സംശയം നിന്റെ കെട്ടിയോന്റെ....

But........

നോക്ക് നയന.... നീയറിഞ്ഞതും കേട്ടതുമല്ല യഥാർത്ഥ നവി......അതിതിനോടകം നിനക്ക് മനസിലായി കാണും...
ഈ കമ്പനി , നിങ്ങൾ താമസിക്കുന്ന ഫ്ലാറ്റ് എല്ലാമവന്റെതാ....
നാടുതെണ്ടിയെന്ന് അവന്റെ അച്ഛൻ വിശേഷിപ്പിച്ച സമയത്ത് രാപകലില്ലാതെ അവനീ സംരംഭംത്തിനായി പരിശ്രെമിക്കുകയായിരുന്നു.....
നീയറിയാൻ ഇനിയുമൊണ്ട് ഒത്തിരി.... പക്ഷെ അതവനിൽ നിന്നാണ് നീയറിയേണ്ടത് .......

ഒരപേക്ഷ ഉണ്ട്. ഒരിക്കലും അവനെ നീ ഒറ്റക്കാക്കരുത്.....

അതൊക്കെ ok.
ഈ കോഫിടെ ബില്ല് പേ ചെയ്തോളു കേട്ടോ. പിന്നെ ആങ്ങളക്ക് പെങ്ങളുടെ കാര്യത്തിൽ തീരെ ഉത്തരവാദിത്തം പോരാ....

നവിയുടെ കാര്യമാണെങ്കിൽ....... അത് സോൾവ് ചെയ്യേണ്ടത് നീയാണ്....
അവന് നിനെയിഷ്ടമാ.... തുറന്നു സമ്മതിക്കുന്നില്ല.... അത് പറയിക്കേണ്ടത് നീയാ.... എന്തിനും ഞാനുണ്ട് കൂടെ.... പോരെ????

ചിരിയോടെ തലയാട്ടി തിരിഞ്ഞു നടക്കുമ്പോൾ നവിയെ കാണാനുള്ള വെപ്രാളമായിരുന്നാ പെണ്ണിൽ....

കുറച്ചു നിമിഷം മുൻപ് കാറിൽ വന്നിവിടെയിറങ്ങുമ്പോൾ അത്ഭുതമോ സന്തോഷമോ കൂടിക്കലർന്ന സമ്മിശ്ര ഭാവമായിരുന്നവളിൽ...

അത് നവിയുടെ സ്വന്തം സ്ഥാപനം ആണെന്ന തിരിച്ചറിവിൽ പകച്ചു നിന്നുപോയി.........

സ്റ്റാഫുകൾ അവനെ ആദരവോടെ നോക്കുമ്പോൾ ഒരു ചിരി നൽകി അവരെ മറികടന്നു പോകുന്നവൻ അവൾക്കും അത്ഭുതമായിരുന്നു.
ഇത്രയും വലിയൊരു കമ്പനിയുടെ ഓണർ ആണെന്ന യാതൊരു ഭാവവും അവനിലില്ലെന്ന് അവളൊരുവേള ഓർത്തു....

ഇതാരാ സർ?????
ആകാംഷയോടെ ഒരു പെൺകുട്ടി അത് ചോദിച്ചപ്പോൾ നയനയുടെ കണ്ണുകൾ നവിയിലായിരുന്നു....
അവനെന്താണ് പറയുന്നതെന്നറിയാൻ അവളുടെ ഉള്ളം വെമ്പി......

എന്റെ സിസ്റ്റർ ആണ് ജുവൽ...
നയന.....
നയന ഇത് ജുവൽ നവിയുടെ PA.
മിഥുൻ അങ്ങനെ പറഞ്ഞപ്പോൾ ആ പെൺകുട്ടിയിലുണ്ടായ ആശ്വാസം നയന വ്യക്തമായി കണ്ടു......

തന്നെ നവിയുടെ ഭാര്യയായി പരിചയപ്പെടുത്താത്തതിൽ ഒരു പരിഭവം തോന്നി......

കേബിനിലേക്കു കയറിയ അവന്റെ മുന്നിൽ ചെന്നവൾ വട്ടം നിന്നു...

നവി.....

മ്മ്മ്

എന്തിനാ ഞാൻ മിഥുവേട്ടന്റെ പെങ്ങളാന്ന് പറയിപ്പിച്ചേ????

എന്താ നീയവന്റെ അനിയത്തി അല്ലെ.....
എന്റെ ഏട്ടനാണെന്ന് പറഞ്ഞു നടക്കുന്ന കാണാല്ലോ....

അല്ലെന്ന് പറഞ്ഞില്ല.... പക്ഷെ നിന്റെ ഭാര്യ കൂടിയല്ലേ.....


അല്ലെന്ന് ഞാനും പറഞ്ഞില്ലാലോ.... അതെ എനിക്കിവിടെ കുറച്ചു ഫാൻസ്‌ ഉണ്ടെടി....
കെട്ടിയതാന്ന് അറിയുമ്പോ.... അതൊക്കെ പോവില്ലേ.... അതാ....
അവന്റെ മുഖത്തു കുസൃതി കലർന്ന ചിരി വിരിഞ്ഞു....

അവളുടെ മുഖം കടന്നാലു കുത്തിയ പോലെ വീർത്തു.....
""കാലൻ ""
പതിയെ പറഞ്ഞതാണെങ്കിലും അവൻ വ്യക്തമായി കേട്ടു....

എന്തേലും പറഞ്ഞോ?

എന്നെയെന്തിനാ ഇങ്ങോട്ട് കൊണ്ടുവന്നെ??
എനിക്കി ഓഫീസ് വർക്ക്‌ ഒന്നുമറിയില്ല....

അതൊക്കെ ഞാൻ പഠിപ്പിച്ചു തന്നോളം.
അത് വരെ നീയിവിടെ വെറുതെ ഇരുന്നോ....
അവന്റെ ക്യാബിന്റെ ഉള്ളിൽ അറേഞ്ച് ചെയ്തിരിക്കുന്ന ടേബിൾ ചൂണ്ടി നവി പറഞ്ഞു.

എനിക്കെങ്ങും വയ്യ. എന്നെ ഫ്ലാറ്റിലാക്കിക്കോ.......

ശെരി.... എന്നാൽ മിഥുനോട് പറയാം.. എന്നിട്ട് ജുവലിനെ ഇവിടെയിരുത്താം...
ഞാനവനെ നോക്കട്ടെ......

അത്രയും പറഞ്ഞവൻ പുറത്തേക് പോയി....


ദൈവമേ.... ഇനിയെന്നെ പറഞ്ഞു വിടുമോ???
ഇവനൊന്നു നിർബന്ധിച്ചാലെന്താ.....
ഹും ഒരു ചുവൽ.......
ഇവിടെ നിൽക്കുന്നതിനി പന്തിയല്ല...
അവനെന്നെ തൂക്കി ഫ്ലാറ്റിലാക്കും...

കുറച്ചു മുന്നോട്ട് നടന്നപ്പോഴാണ് കാന്റീൻ കണ്ടത്...
രാവിലെ കുറെ ഞെട്ടിയതിനാൽ തിന്നതൊക്കെ ദഹിച്ചിരുന്നു....
കോഫി ഓർഡർ ചെയ്ത് അവിടെയിരുന്നു.

കയ്യിൽ കാശില്ലല്ലോ ദൈവമേ???
ഓ കെട്ടിയോന്റെ അല്ലെ.... പിന്നെന്തിനാ
പക്ഷെ അതിവർക്കു അറിയില്ലല്ലോ ഞാൻ അങ്ങേരുടെ ഭാര്യയാണെന്ന്..
ഐഡിയ!!!!!!!
മിഥുവേട്ടന്റെ പറ്റിൽ കഴിക്കാം 
 കൂൾ നയന....കൂൾ......

പിന്നെയും എന്തൊക്കെയോ ചിന്തകൾ മനസ്സിൽ നിറഞ്ഞു.....

അപ്പോഴാണ് മിഥുവേട്ടൻ വന്നത്...
ആളിൽ നിന്നറിഞ്ഞ കാര്യങ്ങൾ നാവിയോടുണ്ടായ കുഞ്ഞു പരിഭവം മായ്ച്ചു കളഞ്ഞു.....

 ഒരിക്കലും തിരികെ കിട്ടില്ലെന്ന്‌ കരുതിയ കളഞ്ഞു പോയ കളിപ്പാട്ടം കിട്ടിയ അനുഭൂതിയായിരുന്നവളിൽ തന്റെ നവിയോട് ചേർന്നിരിക്കുമ്പോൾ...🍁



(തുടരും)


അഭിപ്രായം പറഞ്ഞോളൂ മക്കളെ.....😌
Waiting for ur comments 🤗
---------------------------------------