Part--16


അവളുടെ ടീച്ചർ കാർ കൊണ്ട് നിർത്തിയത് ഒരു ഹോസ്പിറ്റലിനു മുന്നിൽ ആയിരുന്നു..

അത് കണ്ടതും എന്തകൊണ്ടോ എന്നിൽ ഒരു പേടി വന്നു നിറഞ്ഞു..

ഞാൻ പോലും അറിയാതെ കണ്ണുകൾ നിറഞ്ഞു, കൈകൾ മദറിന്റെ കയ്യിൽ മുറുകി..

മദറിന്റെ മുഖത്തും ഒരു പേടി ഉണ്ട്,എങ്കിലും എന്നെ സമാധാനിക്കാൻ എന്നത് പോലെ ഒന്നുമില്ല എന്ന് പറഞ്ഞു എന്നെ ചേർത്ത് പിടിച്ചു..

ഹോസ്പിറ്റലിലേക്ക് കയറുമ്പോൾ മുഴുവൻ എന്നിൽ ഇച്ചയനെയും അല്ലുവിനെയും അവസാനമായി ഹോസ്പിറ്റലിൽ വെച്ച് കണ്ടത് ആണ് എനിക്ക് ഓർമ വരുന്നേ..

അതൊക്കെ ആലോചിക്കുംതോറും കാലടി ഇടറികൊണ്ടിരുന്നു..

ടീച്ചർ ഞങ്ങളെയും കൊണ്ട് ഒരു ഡോക്ടറിന്റെ കേബിനിലേക്ക് ആണ് പോയത്..

ഡോക്ടർ ഞങ്ങളെ കണ്ടതും ഇരിക്കാൻ പറഞ്ഞു.

Sera യുടെ അമ്മ ആണല്ലേ..--ഡോക്ടർ

അതെ.

ഹാം, കാര്യങ്ങൾ അറിഞ്ഞോ --ഡോക്ടർ

ഇല്ല.. ഞാൻ ഒന്നും പറഞ്ഞിട്ടില്ല -*ടീച്ചർ

എന്താ പ്രശ്നം, എന്റെ മോൾ എവിടെ.. എനിക്ക് അവളെ ഒന്ന് കാണണം..

ലുക്ക്‌ മിസ് ആന്മാറിയ, ഞാൻ പറയാൻ പോകുന്നത് നിങ്ങൾ ക്ഷമയോടെ കേൾക്കണം..

സെറ ക്കു ഒരു ആസിഡന്റ് സംഭവിചു ഇന്നലെയാണ് ഇവിടെ അഡ്മിറ്റ്‌ ചെയ്തത്..
ആൾക്ക് കുറച്ചു ക്രിട്ടിക്കൽ ആണ്.. തലയോട്ടിക്ക് നല്ല പൊട്ടൽ ഉണ്ട്, വയറിലേക്ക് മൂർച്ചയുള്ള എന്തോ കുത്തികയറിയിട്ടുണ്ട്.. രണ്ട് കാലിനും ഫ്രാക്ചർ ഉണ്ട്..ഒരു പക്ഷെ ഇനി അവൾക്ക് നടക്കാൻ കഴിയുവോ എന്നത് സംശയം ആണ്..--ഡോക്ടർ 

ഇതെല്ലാം കേട്ട് ഞാൻ മരവിച്ച അവസ്ഥയിൽ ഇരുന്നു പോയി..

ഇവൾ (ടീച്ചറെ ചൂണ്ടി )എന്റെ വൈഫ്‌ ആണ്.. സെറയുടെ മിസ്സിംഗ്‌ ഇവൾ എന്നോട് പറഞ്ഞിരുന്നു..അങ്ങനെ സെറയെ കണ്ടപ്പോ തന്നെ എനിക്ക് മനസ്സിലായി..അതോണ്ട് തന്നെ സ്വന്തം റിസ്കിൽ ഇന്നലെ തന്നെ ഞാൻ ഒരു സർജറി ചെയ്തു..ആൾ ഇപ്പൊ iccu വിൽ ആണ്..--ഡോക്ടർ

എനിക്ക് ഒന്നും തിരിച്ചു പറയാൻ കഴിയുന്നില്ലാരുന്നു.. നെഞ്ച് മുഴുവൻ ഒരു വേദന.. മനസ്സിൽ ഇരുന്നു ആരൊക്കെയോ എന്തൊക്കെയോ പറയുന്ന പോലെ..

അവിടെ തന്നെ ഞങ്ങൾക്ക് ഒരു റൂം ആ ഡോക്ടർ ഏർപ്പാടാക്കി തന്നു..

രണ്ട് ആഴ്ച കഴിഞ്ഞിട്ടും അവളെ കാര്യത്തിൽ ഒരു ഇമ്പ്രൂവ് ഇല്ലായിരുന്നു..

ഒരു ദിവസം iccu വിന്ന് പുറത്തിരിക്കുമ്പോൾ ആണ് ഒരു നേഴ്സ് പുറത്തെക്ക് പാഞ്ഞത്..

കുറച്ചു കഴിഞ്ഞപ്പോൾ ഡോക്ടറും കൂടെ ആ നഴ്സും ഉള്ളിലേക്ക് കയറി പോകുന്നത് വർധിച്ച ഹൃദയമിടിപ്പോടെ ഞാൻ നോക്കി നിന്നു ..

ഡോക്ടർ പുറത്തേക്കിറങ്ങിയപ്പോൾ എന്നോട് വന്നു പറഞ്ഞു, അവൾക്ക് എന്നെ കാണണം എന്ന് പറഞ്ഞൂന്ന്..

അത് വരെ അനുഭവിച്ച ഭാരം എല്ലാം ഒരുനിമിഷം കൊണ്ട് എന്നിൽ നിന്ന് വീട്ടകന്നു..

നേഴ്സ് തന്ന ഹോസ്പിറ്റൽ ഗൗണും ധരിച്ചു ഞാൻ ഉള്ളിലേക്ക് കയറി..

അവിടെ കിടക്കുന്ന മോളെ കണ്ട് ഒരു നിമിഷം എന്റെ സമനിലതെറ്റിപ്പോയി..

എന്റെ കുഞ്ഞു, ഒരുപാട് യന്ത്രങ്ങളുടെ നടുവിൽ കിടക്കുന്നു.. മുഖത്തു മുഴുവൻ മുറിവുകളുടെ പാട് ആണ്.. തലയിലും കാലിലും മുഴുവൻ കെട്ടുകൾ ഉണ്ട്...

അവളെ അവിടെ നിന്ന് ഞാൻ നോക്കി കണ്ടു.. അവൾ ഒരുപാട് ക്ഷീണിച്ചിരുന്നു..

ഞാൻ കരച്ചിൽ അടക്കി പിടിച്ചു അവളുടെ അടുത്തേക്ക് നടന്നു.. ആ നെറ്റി തടത്തിൽ അമർത്തി മുത്തി..

അവളുടെ മുഖം ചുളിയുന്നത് ഞാൻ കണ്ടു.. കഷ്ടപ്പെട്ട് അവൾ പതിയെ കണ്ണുകൾ തുറന്നു..

എന്നെ നോക്കി ഒന്ന് പുഞ്ചിരിച്ചു..

ഇതിനാണോ.. നീ തിരക്കിട്ട ഇങ്ങോട്ട് പോന്നത്.. ആണോന്ന് പറ, പറയാൻ..

അതിന്ന് അവൾ ഒന്ന് ചിരിച്ചു..

പറഞ്ഞതല്ലേ ഞാൻ അമ്മയ്ക്ക് നീ കൂടെ ഉള്ളൂന്ന്.. പിന്നെ എന്തിനാടാ..

അവൾ കണ്ണുകൾ ഒന്ന് മുറുക്കെ അടച്ചു, പിന്നെ പതിയെ തുറന്നു..

അമ്മ.. ഞാൻ ഒരു കാര്യം ചോദിച്ചാൽ അമ്മ സത്യം പറയുവോ..

എന്റെ ചോദ്യങ്ങളെ പാടെ അവഗണിച്ചു അവൾ ക്ഷീണം നിറഞ്ഞ സ്വരത്തോടെ ചോദിച്ചു..

എന്താടാ..

അപ്പ നമ്മളെ വിട്ട് പോയത് ഒരു ആക്സിഡന്റിലൂടെ ആണോ.. അതോ..

അവളുടെ ആ ചോദ്യം ഞാൻ പ്രതീക്ഷിക്കാത്തത് കൊണ്ട് തന്നെ എന്നിൽ ഒരു ഞെട്ടൽ പ്രതിഫലിച്ചു..

അത് മറച്ചു പിടിച്ചു, ഞാൻ പറഞ്ഞു.

ആ.. ആക്‌സിഡന്റ് തന്നെ ആണ്..

വെറുതെ കളവ് പറയണ്ട അമ്മ.. ഞാൻ പപ്പയുടെ ഡയറി കണ്ടിരുന്നു,,അവൻ AJ ആണല്ലേ പപ്പയെ ഇല്ലാണ്ടാക്കിയത്.. അവൻ തന്നെ ആയിരിക്കും, അവൻ അല്ലെ എന്റെ അല്ലുവിനെയും..

അതും പറഞ്ഞു അവൾ കണ്ണുകൾ ഇറുക്കെ പൂട്ടി..

നീ.. നീ.. എന്താ മോളെ പറഞ്ഞത്.. അവൻ.. അവൻ ആണോ.. എന്റെ അല്ലുവിനെ.

അവൾ എന്നെ ഒന്ന് നോക്കി, ശേഷം പറയാൻ തുടങ്ങി..

അവളുടെ ഓർമകൾ മാസങ്ങൾക്ക് പിറകിലേക്ക് സഞ്ചരിച്ചു..

സെക്കന്റ്‌ ഇയറിലേക്ക് കടന്നു കുറച്ചു കഴിഞ്ഞപ്പോൾ ആണ് കോളേജ് മാനേജ്മെന്റിന്റെ മുക്കാൽ ഭാഗം ഷെയറും AJ എന്നാ ബിസ്സിനെസ്സ് മാൻ വാങ്ങിയ വാർത്ത ഞങ്ങൾ അറിഞ്ഞത്..

അത് ഞങ്ങളെ ബാധിക്കാത്ത കാര്യം ആയതിനാൽ അതിൽ ഞങ്ങൾ കൂടുതൽ ശ്രദ്ധ കൊടുത്തിരുന്നില്ല..

അങ്ങനെ ഇരിക്കെയാണ് ഒരുദിവസം കോളേജ് പ്രാക്ടിക്കൽ ന്റെ ഭാഗം ആയി ഞങ്ങൾ ഒരു പത്തുപേർ ഹോസ്പിറ്റൽ വാർഡിലേക്ക് പോയത്..

പെട്ടന്ന് ഒരാൾക്ക് B+ve ബ്ലഡ്‌ വേണെമെന്ന് പറഞ്ഞു..മെഡിക്കൽ കോളേജ് ആയത് കൊണ്ട് അവിടെ പഠിക്കുന്ന സ്റ്റുഡന്റസിനെയാണ് ഇങ്ങനെയുള്ള കാര്യങ്ങൾക്ക് ആശ്രയിക്കാർ...

ഞങ്ങൾ വാർഡിൽ ഉള്ളവരെ ചെക്ക് ചെയ്യുകയായിരുന്നു..

മിസിന്റെ കയ്യിൽ ഞങ്ങളെ സംബന്ധിച്ച എല്ലാം രേഖകളും ഉള്ളത് കൊണ്ട് തന്നെ അതിൽ നോക്കിയിട്ട് മിസ്സ്‌ വിളിച്ചത് അല്ലുവിനെ ആയിരുന്നു.. ഞങ്ങൾ വന്നവരിൽ അല്ലുവിന്ന് മാത്രമേ B+ve ബ്ലഡ്‌ ഉണ്ടായിരുന്നുള്ളൂ..

കോളേജിൽ പ്രിൻസിപ്പാലിനും എനിക്കും ഒഴികെ ആർക്കും അവൾ ഒരു എയ്ഡ്‌സ് പേഷ്യന്റ്ആണെന്ന കാര്യം അറിയില്ലായിരുന്നു..

അവളുടെ പേര് വിളിച്ചതും അവൾ ആകെ പേടിച്ചു എന്നെ ഒന്ന് നോക്കി..


(തുടരും)


daily 2 parts venel cmnts tharanam.. Allel njn ini onnaradam postulloo