💞പ്രണയിനി💞.10


ശ്രീലക്ഷ്മി.



ശ്രദ്ധാ........ ശിവ അലറി.അവൾ ഞെട്ടി ചാടി എഴുന്നേറ്റു.


"എന്താ അവിടെ... ശിവ ദേഷ്യത്തിൽ ചോദിച്ചു."


"അത്.. നീല.. കറുപ്പ്... താടി..., പാറ്റ..." അവള് നിന്ന് വിക്കാൻ തുടങ്ങി..

"പാറ്റയോ..". ശിവ ഉറക്കെ ചോദിച്ചതും ക്ലാസ്സിലെ പെണ്പിള്ളേരെല്ലാം കൂടി പാറ്റ എന്ന് കൂവിക്കൊണ്ട് ചാടി.

"സൈലെൻസ്...". ശിവ അലറി...

"എന്താ പിള്ളേരെ നിങ്ങൾ പാറ്റായെന്ന് കേട്ടിട്ടില്ലേ."..അവൻ ദേഷ്യത്തിൽ ചോദിച്ചതും ക്ലാസ് പെട്ടന്ന് നിശബ്ദമായി..

"എന്താ ശ്രദ്ധ താനും പാറ്റയെ കണ്ടിട്ടില്ലേ.. വെളിയിൽ ഇത്രയും നേരം കിടന്ന് നോക്കാൻ മാത്രം അത്ര വലിയ പാറ്റയോ.."

ഓ.. ഇങ്ങേരെന്താ ഏത് നേരവും ഞാൻ എന്തെടുക്കുവാണെന്നു നോക്കി ഇരിക്കുവാണോ..കാട്ടുമാക്കാൻ...


"അത് മാഷേ.. പാറ്റ അല്ല പക്കി... ഒരു കൊച്ചു പക്കി.. പക്കി"

"എന്തെ.. നീ പാക്കിയെയും കണ്ടിട്ടില്ലേ.."


ഇല്ലാന്ന് പറഞ്ഞ ഇങ്ങേര് കാണിച്ചു തരുവോ..

"അതല്ല.. നീല പക്കി.. "

അവളുടെ വട്ട് കേട്ട് ശിവ കുറച്ച് നേരം ഒന്നും മിണ്ടാതെ അവളെ നോക്കി നിന്നു.

സോറി.. ശ്രദ്ധ തലകുനിച്ചു പറഞ്ഞു.


"നിനക്ക് ഞാൻ ചെയ്ത തെറ്റ് എന്താന്ന് അറിയോ... "ശിവ അവളെ നോക്കി ചോദിച്ചു


ഇങ്ങേര് ചെയ്യുന്ന തെറ്റിന്റെ ലിസ്റ്റ് എടുക്കലല്ല എന്റെ പണി. കുറെ കാണുമല്ലോ.. ലിസ്റ്റ് എടുത്താൽ തന്നെ..

അവൾ ഇല്ലാ എന്ന് ചുമൽ കൂച്ചി കാണിച്ചു.

"നിന്നെ ക്ലാസ്സിൽ കേറാൻ അനുവദിച്ചത്. അല്പമെങ്കിലും വാക്കിന് വില കൽപ്പിക്കുന്നവൾ ആയിരുന്നു നീയെങ്കിൽ ഇപ്പൊ ക്ലാസ്സിൽ ഇങ്ങനെ ഇരിക്കുമായിരുന്നോ... ഒന്ന് രണ്ട് ദിവസം മര്യധക്ക് ഇരുന്നപ്പോൾ ഞാൻ കരുതി നന്നായെന്ന്... എങ്ങനെ.. നന്നാവില്ല എന്ന് ഉറച്ച തീരുമാനം എടുത്താൽ ആര് നോക്കിയാലും നന്നാവില്ല.... എന്നും എന്റെ സമയം കുറച്ച് കളയാം അത്ര തന്നെ... ഞാൻ വന്നപ്പോൾ തന്നെ നീ അവിടെ വരച്ചോണ്ട് ഇരിക്കുവല്ലായിരുന്നോ.."

ശ്രദ്ധ പെട്ടന്ന് ബുക്ക് അടച്ചു.
"അത് ഞാൻ പോട്ടേ എന്ന് വെച്ചു... ഇപ്പോഴോ ഒരു ക്ലാസ്സിൽ ആണെന്ന മാനേഴ്സ് പോലും കാണിക്കാതെ സർക്കസ് കാണിച് വായിനോക്കി ഇരിക്കുന്നു...കുട്ടികൾ കണ്ട് ചിരിച്ചില്ലായിരുന്നെങ്കിൽ ഞാൻ ഒന്നും പറയില്ലായിരുന്നു. കാരണം എന്താന്ന് അറിയോ.. പറഞ്ഞിട്ട് ഒരു കാര്യവും ഇല്ലാ എന്ന് എനിക്ക് പണ്ടേ മനസിലായതാണ്.. വെറുതെ എന്റെ സമയം കളയാം അത്ര തന്നെ.. ദയവായി ക്ലാസ്സിൽ ശ്രദ്ധിച്ചില്ലെങ്കിലും ശല്യം ഉണ്ടാക്കരുത്. താൻ ഒറ്റരാൾ കാരണം ബാക്കി ഉള്ള 72കുട്ടികളുടെ സമയം ആണ് കളയുന്നത്....."

ശ്രദ്ധ തല കുനിച്ചു നിന്നതല്ലാതെ ഒന്നും ചെയ്തില്ല.

ഇതെല്ലാം കേട്ടുകൊണ്ടാണ് കുറച്ച് മുൻപ്  ശ്രദ്ധ വായിനോക്കിയ ചെക്കനും അഭിയും കൂടെ അവിടേക്ക് വന്നത്.


മാഷേ....അഭി വിളിച്ചു. മറ്റുള്ളവരുടെ മുൻപിൽ അവർ പരസ്പരം ബഹുമാനിച്ചിരുന്നു.

ആ.. എന്താ മാഷേ..ശിവ വാതിലിനടുത്തേക്ക് ചെന്നു കൊണ്ട് ചോദിച്ചു. അപ്പോഴേക്കും ക്ലാസ്സിലെ പെൺപട മുഴുവൻ മാഷിന്റെ കൂടെയുള്ള ചെക്കനെ നോക്കാൻ തുടങ്ങി. അവനാണേൽ പുറത്തേ തെങ്ങിന്റെ എണ്ണം എടുക്കുന്ന തിരക്കിൽ ആയിരുന്നു. പാവം ഇതൊന്നും അറിയുന്നില്ല.

ശ്രദ്ധ നിൽക്കുന്നിടത്തു നിന്ന് നോക്കിയാൽ വാതിലിന്റെ അവിടെ നിൽക്കുന്ന ആരെയും കാണാൻ പറ്റില്ല. പക്ഷെ അവൾ അവളുടെ കഴിവിന്റെ പരമാവധി  വളഞ്ഞും ഒടിഞ്ഞും നോക്കുന്നുണ്ട്.

ശിവ അഭിയോട് എന്തൊക്കെയോ പറഞ്ഞു ആ ചെക്കന്റെ തോളത്ത് ചിരിച്ചു കൊണ്ട് രണ്ട് തട്ട് കൊടുത്ത് അകത്തേക്ക് വിളിച്ചു.

ശിവയും അവനും അകത്തേക്ക് വന്നപ്പോൾ തന്നെ പെണ്പിള്ളാരുടെ എല്ലാം കണ്ണ് താഴെ വീണ്.. ശ്രദ്ധ അത് കണ്ട് പുച്ഛത്തോടെ മുഖം കോട്ടി..

കാണാൻ ഓക്കെ കൊള്ളാം.. പറഞ്ഞിട്ടെന്താ.. ഇവന്റെ മുൻപിലിട്ട് അല്ലേ ആ കിളവൻ കാട്ടുമാക്കാൻ എന്നെ നാറ്റിച്ചത്.. ഉള്ള ഇമ്മ്പ്രെഷൻ കൂടെ പോയി കാണും. ശ്രദ്ധ നെടുവീർപ്പോടെ ആലോചിച്ചു..


"സ്റ്റുഡന്റസ്.. നമുക്ക്‌ പുതിയ ഒരാളെ കൂടെ കിട്ടിയിരിക്കുകയാണ്..
ഇത് വിക്രം സത്യ. ... കൊല്ലത്തു നിന്ന് വരുന്നു . അവിടുന്ന് മാറ്റം കിട്ടി വന്നതാണ്.  ആള് ഇവിടെ തന്നെ ഉണ്ടല്ലോ.. നമുക്ക്‌ കൂടുതലായി പിന്നെ പരിചയ പെടാം..

വിക്രം ടേക്ക് യുവർ സീറ്റ്.

താങ്ക്യൂ sir...

അവൻ അവിടെ അടുത്ത ബെഞ്ചിൽ പോയിരുന്നു.

അവൻ വീണ്ടും ക്ലാസ്സിലേക്ക് പഠിപ്പിക്കാൻ തുടങ്ങിയപ്പോൾ ആണ് ശ്രദ്ധയുടെ കാര്യം ഓർത്തത്. അവൻ ശ്രദ്ധയെ നോക്കി.

അവന്റെ നോട്ടം കണ്ട് അവളൊന്നു പരുങ്ങി...

ഡോ കാട്ടുമക്കാനേ... മതി ഇന്നത്തെ കോട്ട കഴിഞ്ഞു ഇനി നാളെ.. പുതിയ ആള് വന്ന കൺസിഡറേഷൻ എങ്കിലും താ.... ഇനി കേൾക്കാൻ ഉള്ള ത്രാണി ഇല്ലാ.. നാളെ വന്നു കേൾക്കാം പ്ലീസ്.

അവളുടെ മനസ് വായിച്ച പോലെ അവൻ പറഞ്ഞു.

പുതിയ ഒരാൾ വന്ന സ്ഥിതിക്ക് ഇനി നിന്ന് വിയർക്കേണ്ട... ഗെറ്റ് ഔട്ട്‌...

ങേ... അവൻ പറഞ്ഞത് മനസിലാവാത്തത് കൊണ്ട് അവൾ അവനെ നോക്കി.

ചെവി കേൾക്കില്ല... ഗെറ്റ് ഔട്ട്‌  എന്ന്.ഇനി പുറത്ത് പോയി പക്കിയോ പാറ്റയോ എന്തിനെയെന്നുവെച്ച നോക്കിക്കോ...
മ്മ് ഗെറ്റ് ഔട്ട്‌......ശിവ അലറി..

ക്ലാസ്സ്‌ ഒന്നടങ്കം ചിരിച്ചു..

അവൾ തല താഴ്ത്തി ഇറങ്ങി പോയി..

വിക്രം അവൾ പോകുന്നതും നോക്കി നിന്നു.


കാട്ടുമാക്കാൻ..... ഇങ്ങേരുടെ അന്ത്യം എന്റെ കൈകൊണ്ട് ആവും. കാട്ടുമാക്കാൻ കലിപ്പൻ.. ജാഡ... ഓ.. ദൈവമേ ഇങ്ങേരെ ട്രാൻസ്ഫർ ആക്കി വല്ല ലടാക്കിലും കൊണ്ട് കള... പഠിപ്പിക്കുന്ന മാഷ് ആയിപ്പോയി അല്ലേ ഇന്ന് ഞാൻ ഇങ്ങേരെ കൊന്നേനെ.... ഇന്ത്യൻ പ്രദാനമന്ത്രി ആണെന്ന വിചാരം. കാട്ടുമാക്കാൻ.. ഡോ. തനിക്കറിയോ.. ഈ ലോകത്ത് ഉഴപ്പന്മാരെ ചരിത്രം സൃഷ്ടിച്ചിട്ടുള്ളു... ഐൻസ്റ്റീനും.. ന്യൂട്ടനും ഓക്കെ ഈ ബുദ്ധി ജീവി ആകുന്നതിനു മുൻപ് ആരായിരുന്നു എന്ന് ഒന്ന് അന്വേഷിച് നോക്കി... അവരും കണ്ട മാവിലേറിഞ്ഞും മറ്റുമാ വളർന്നെ... അതെങ്ങനെ ചരിത്രം അറിയണ്ടേ... ദൈവമേ... അടുത്ത ജന്മത്തിൽ ഇങ്ങേരെ എന്റെ ശിഷ്യനാക്കി തരണേ.... ഇങ്ങേരെ പഠിപ്പിച് പീഡിപ്പിച്ചു ഞാൻ കൊല്ലും.. കാട്ട് മാക്കാൻ.....മരത്തവള.....
അവൾ മനസിൽ അവനെ ചീത്ത വിളിച്ചുകൊണ്ടു വെളിയിലെ കാഴ്ചകളിൽ കണ്ണും നട്ടിരുന്നു...

സ്ഥിരം കേട്ട് മരവിച്ച കാര്യങ്ങൾ ആയതിനാൽ സാദാരണ അവൾക്ക് ഇതൊന്നും ഏൽക്കുന്നതല്ലായിരുന്നു. പക്ഷെ ഇന്ന്അ വൾക്ക് പെട്ടന്ന് അത് ഫീൽ ആയി.

ബെൽ അടിച്ചപ്പോൾ അവൾക്ക് നേരെ ഒരു പുച്ഛവും വാരി വിതറി ശിവ ക്ലാസ്സിൽ നിന്ന് ഇറങ്ങി പോയി.

ശ്രദ്ധ ക്ലാസ്സിൽ കേറാൻ നിന്നില്ല.. ക്യാന്റീനിലേക്ക് നടന്നു...

ക്ലാസ്സിൽ എല്ലാരും പുതിയ ആളെ പരിചയ പെടുന്ന തിരക്കിൽ ആയിരുന്നു.ഫറയും ദിവ്യയും അവനെ പരിചയപ്പെട്ടു വെളിയിലേക്ക് വന്നു..

ഫറ... ശ്രദ്ധ ഇതെവിടെ പോയി.. സാധരണ മാഷ് പോയാൽ അവൾ കേറി വരേണ്ടത് അല്ലേ.. ദിവ്യ ഫറയോട് ചോദിച്ചുകൊണ്ട് ക്ലാസിനു വെളിയിലേക്ക് ഇറങ്ങി.

ഈ സമയം തന്നെ വിക്രം വെളിയിലേക്ക് വന്നു.

അതെ.. മാഷ് മുൻപേ ഇറക്കി വിട്ട കുട്ടി ഏതാണ്... അവൻ ഫറയോട്  ചോദിച്ചു.

അത് ശ്രദ്ധ... എന്താ വിക്രം.

ഹേയ് ഒന്നുമില്ല പിന്നെ എന്നെ വിക്കി എന്ന് വിളിച്ചാൽ മതി എനിക്കും അതാണ് ഇഷ്ട്ടം. എല്ലാരും അങ്ങനെയാണ് വിളിക്കാറ്..

ഓ.. ഓക്കെ.. ഫറയും ദിവ്യയും ചിരിച്ചു.

ആ.. ശ്രദ്ധ എന്തെ...

ആ.. അറിയില്ല സാദാരണ മാഷ് പോയാൽ അവൾ ക്ലാസ്സിൽ കേറേണ്ടതാണ്.. ദിവ്യ പറഞ്ഞു .

അപ്പൊ അയാൾ എന്നും ഇങ്ങനെ ആണോ..

എങ്ങനെ...

അല്ല ടീച്ചേർസ് ക്ലാസ്സിൽ നിന്ന് പുറത്താക്കുവോ..

ഫറക്കും ദിവ്യക്കും ആ ചോദ്യം ഇഷ്ടപ്പെട്ടില്ല എന്ന് അവനു അവരുടെ മുഖം കണ്ടപ്പോൾ മനസിലായി..

ഹേയ്.. കൂൾ... ഞാൻ ജസ്റ്റ്‌ ചോദിച്ചെന്നെ ഉള്ളു.. അതും പറഞ്ഞു അവൻ അവിടുന്ന് തടി തപ്പി.

ശ്രദ്ധ അറിഞ്ഞു തന്നെ വിളിച്ചതാണ് എന്ന് തോനുന്നു. പക്കി... ഒരു വിക്കി...
ഫറ ചിരിയോടെ പറഞ്ഞു.

മ്മ് നീ വാ അവളെ തപ്പാം..

ശ്രദ്ധ ക്യാന്റീനിൽ ഇരുന്നു ദിവാസ്വപ്നം കാണുകയായിരുന്നു.


ക്ലാസ്സ്‌ ടൈമിൽ അവൾ ക്യാന്റീനിൽ ഇരിക്കുന്നത് കണ്ടാണ് ശിവ അങ്ങോട്ട് കേറിയത്. അവൻ വരുന്നത് പോലും ശ്രദ്ധ കണ്ടിരുന്നില്ല.

ഇവൾക്ക് ക്ലാസ്സിലും കേറണ്ടേ... എപ്പോ നോക്കിയാലും ഇതിന്റെ പരിസരത്തു ഓക്കെ ആണല്ലോ..

ശ്രദ്ധ.. അവൾ ഇരുന്ന ടേബിളിൽ കൊട്ടിക്കൊണ്ട് അവൻ വിളിച്ചതും ശ്രദ്ധ ഞെട്ടി..

ഇതേത് ലോകത്താണ്... ഈ അവർ എന്താണ് ക്ലാസ്സിൽ കേറഞ്ഞത്.. അതോ ടീച്ചർ ഇറക്കി വിട്ടതാണോ..അവൻ ചെറിയൊരു പരിഹാസത്തോടെ ചോദിച്ചു.

ഓ.. ഒരിടത്തും സ്വസ്ഥത തരില്ലല്ലോ ദൈവമേ ഈ കാട്ടുമാക്കാൻ..


അവൾ അവനെ വെറുതെ നോക്കിയതല്ലാതെ ഒന്നും പറഞ്ഞില്ല..


എന്തെ.. വല്ല ബുദ്ധിമുട്ടും ഉണ്ടോ..ഒന്നും മിണ്ടാഞ്ഞത് കൊണ്ട് അവൻ ചോദിച്ചു.

ഒന്നുവില്ല മാഷേ തലവേദന എടുത്തപ്പോൾ ചായ കുടിക്കാൻ ഇറങ്ങിയതാണ്.. തിരിച് ക്ലാസ്സിൽ കേറിക്കോളാം.. അവൾ വേറെ എവിടെയോ നോക്കിക്കൊണ്ട് പറഞ്ഞു

മ്മ്.. അവൻ ഒന്ന് നീട്ടി മൂളിക്കൊണ്ട് അവളെ കടന്നുപോയി..

ഓ ദൈവമേ ഇങ്ങേരെന്തിനാ ഉപഗ്രഹം പോലെ എപ്പോഴും എനിക്ക് ചുറ്റും കിടന്ന് കറങ്ങുന്നത്. ഈ കോളേജിൽ ഞാൻ മാത്രമേ പഠിക്കാനുള്ളോ...

അവൾ ചാടിത്തുള്ളി ക്ലാസ്സിലേക്ക് പോയി.

ആ അവർ ഫ്രീ ആയിരുന്നു.

ഓ ഇവിടെ വന്നു പോസ്റ്റ്‌ ആവനാണോ  കാട്ടുമാക്കാൻ എന്നെ ഇത്രയും ദൃതി വെച്ച് പറഞ്ഞുവിട്ടത്. അവൾ പിറുപിറുത്തു കൊണ്ട് ക്ലാസ്സിലേക്ക് കയറി.

ക്ലാസ്സിൽ ഫറയും ദിവ്യയും ഉണ്ടായിരുന്നില്ല. അവർ അവളെ തപ്പി പോയതാകും എന്ന് അവൾക്ക് മനസിലായി..

ശ്രെദ്ധ അവളുടെ സീറ്റിൽ പോയി ഡെസ്കിൽ തല വെച്ച് കിടന്നു.

അവൾ ക്ലാസ്സിൽ ഇരിക്കുന്നത് കണ്ട് വിക്കി അവൾക്ക് അരികിലേക്ക് പോയി.

ഹലോ.. ഡെസ്കിൽ തട്ടിക്കൊണ്ടു അവൻ വിളിച്ചു.

അവൾക്ക് മുൻപിലായുള്ള ബെഞ്ചിൽ ഇരുന്നു.

ശ്രദ്ധ തലപൊക്കി അവനെ നോക്കി.

ഹായ് ഞാൻ വിക്കി... വിക്രം സത്യ.. അവൻ അവൾക്ക് നേരെ കൈകൊടുത്തുകൊണ്ട് പറഞ്ഞു.

ചുണ്ട് ഒരു വശത്തേക്ക് കോട്ടി വെറുതെ ഒന്ന് ചിരിച്ചുകൊണ്ട് അവളും കൈ കൊടുത്തു.

ശ്രദ്ധ കൃഷ്ണകുമാർ.. അവൾ പറഞ്ഞു.

ശ്രദ്ധ ഒരു വെറൈറ്റി പേരാണല്ലോ..

അവൾ വെറുതെ ഒന്ന് ചിരിച്ചു.

ആദ്യമായിട്ട് ആണോ മാഷ് ക്ലാസ്സ്‌നു പുറത്ത് ആക്കുന്നത്..

അവൾ പുരികം പൊക്കി എന്തെന്ന് രീതിയിൽ അവനെ നോക്കി.

അല്ല ഫുൾ ഡെസ്പ് ആയി ഇരിക്കുന്നു അതുകൊണ്ട് ചോദിച്ചതാ..

ഹേയ്.. ഇവിടെ പുതുതായത് കൊണ്ടാണ്.. ആരോടേലും ചോദിച്ചാൽ മതി. മിക്ക ദിവസവും ആ കാട്ടുമാക്കാന്റെ ക്ലാസ്സിൽ ഞാൻ പുറത്താണ്..

കാട്ടുമാക്കാനോ...

ആഹ് ഞാൻ ശിവ മാഷിനെ അങ്ങനെയാ വിളിക്കാ... അങ്ങേർക്ക് എന്നെ കണ്ണിനു പിടിച്ചൂട..

അവൻ ചിരിച്ചു.

അപ്പൊ നമുക്ക്‌ പറ്റിയ ആളാണ് അല്ലേ...

എന്തെ.. അവൾ സംശയത്തോടെ ചോദിച്ചു.


ശ്രദ്ധക്ക് ഒരു കാര്യം അറിയോ.. എനിക്ക് മാറ്റം കിട്ടി വന്നതല്ല.. എന്നെ അവിടുന്ന് പറഞ്ഞു വിട്ടതാ..

ങേ.. എന്തിന്..

നമുക്ക്‌ ഈ ക്ലാസും പഠിപ്പും ഒന്നും സെറ്റ് ആവില്ലെന്നേ... അവടെ അവർക്ക് പിള്ളേരെ അല്ല വേണ്ടേ റോബോട്ടുകളെയാ.. അവിടുത്തേ പ്രിൻസിപ്പലിന് എന്നെ കണ്ണെടുത്താൽ കണ്ടുകൂടാ..

ഒരു ദിവസം ഞാൻ സഹികെട്ടു വായിൽ വന്നതെല്ലാം വിളിച്ചു പറഞ്ഞു.. അതോടെ ടിസി അടിച്ചു കൈതന്നിട്ട് പറഞ്ഞു. മോൻ പൊക്കോളാൻ.. അവൻ ഒരു ചിരിയോടെ പറഞ്ഞു.

അത് കേട്ട് ശ്രദ്ധ ചിരിക്കാനും തുടങ്ങി.

ഇയാളുടെ ലുക്ക് കണ്ടപ്പോ ഞാൻ കരുതി ഒരു പഠിപ്പി ആന്ന്..

ഹേ.. ലൂക്ക് മാത്രമേ ഉള്ളു...ഇവിടെ തന്നെ ചേച്ചീടെ ഒരു ഫ്രണ്ടിന്റെ കെയ്റോഫിൽ കേറിയതാ...

ആഹാ..വെള്ളപ്പാറ്റയുടെ ആണോ..

വെള്ളപ്പാറ്റയോ അതാരാ..

വിക്കിയെ ഇവിടെ കൊണ്ടുവിട്ട മാഷില്ലേ.. അഭി..

ഓ ആ മാഷിനെ അങ്ങനെയാ വിളിക്കാ..

മ്മ്..

ആഹാ.. അതെ ആ സാറിന്റെ തന്നെ..

ഇവരുടെ ചിരിയും കളിയും കണ്ടുകൊണ്ടാണ് ഫറയും ദിവ്യയും ക്ലാസ്സിലേക്ക് കയറിയത്.

അവർ പരസ്പരം കണ്ണിൽ നോക്കി.ഇതെന്താ കഥ എന്നാ രീതിയിൽ.

ശ്രദ്ധ അവരെ കണ്ടപ്പോൾ തന്നെ അടുത്തേക്ക് വിളിച്ചു.

വിക്കി ഇതെന്റെ ക്രൈം പാർട്ണർസ്.. ഫറ ആൻഡ് ദിവ്യ..

മ്മ് ഞങ്ങൾ നേരത്തെ പരിചയപ്പെട്ടതാണ്..വിക്കി ഒരു വളിച്ച ചിരിയോടെ പറഞ്ഞു.

ദിവ്യയും ഫറയും അവനെ നോക്കി ചിരിച്ചു.

അവർ പെട്ടന്ന് കൂട്ടായി.. വിക്കിയുടെയും ശ്രദ്ധയുടെയും സ്വഭാവം എകദേശം ഒരുപോലെ ആണ്. അവൻ പഴയ കോളേജിൽ കാണിച്ച തല്ലുകൊള്ളിത്തരങ്ങൾ ഇങ്ങോട്ടും. ശ്രദ്ധ കാണിച്ച തല്ലുകൊള്ളിത്തരം അങ്ങോട്ടും പറഞ്ഞു രണ്ട് പേരും ചിരിയായി.

അടുത്ത അവരും ഫ്രീ ആയിരുന്നു.  പക്ഷെ ശിവ ക്ലാസ്സിലേക്ക് കയറി വന്നു.

അവൻ വരുന്നത് കണ്ട് മുഴുവൻ കുട്ടികളും അവനെ ഒന്ന് പ്രാകി..

പാവം തുമ്മി തുമ്മി ചാകാഞ്ഞത് കാര്യം.

ശ്രദ്ധയുടെ മുൻപിലെ ബെഞ്ചിലാണ് വിക്കി ഇരിക്കുന്നത്.



ശിവ ക്ലാസ്സിൽ കേറിയപ്പോൾ തന്നെ വിക്കിയെ വിളിച്ചു.

വിക്രം വരൂ ഒന്ന് സ്വയം പരിചയപ്പെടുത്ത്  എന്ന് പറഞ്ഞു.

അവൻ ശ്രദ്ധയെ ഒന്ന് നോക്കി.

വിക്കി ഒരു ചിരിയോടെ എഴുന്നേറ്റ് മുൻപിലേക്ക് പോയി..

ഹായ് ഫ്രണ്ട്സ്.. ഞാൻ വിക്കി.. വിക്രം സത്യ... കൊല്ലം പട്ടതാനത്ത്  ആണ് വീട്. വീട്ടിൽ അച്ഛൻ അമ്മ ചേച്ചി....അച്ഛൻ 'സത്യദാസ്'  IOB  യിൽ മാനേജർ ആണ്. അമ്മ 'വിമല ' അവിടെ തന്നെ അക്കൗണ്ടന്റ് ആണ്. ചേച്ചി 'വേദ  ' ലെച്ചർ ആണ്..  ഇപ്പോ മൂന്നു മാസമായി ഇവിടെ  എംജി കോളേജിലാണ്.

വിക്കി അത് പറഞ്ഞപ്പോൾ ശ്രദ്ധയുടെ മുഖം തിളങ്ങി.

ഇവൻ വേദ ചേച്ചിയുടെ അനിയൻ ആണോ....

തുടരുന്നു.


©sreelekshmysaksha