💞പ്രണയിനി💞11
ശ്രീലക്ഷ്മി.



ഹായ് ഫ്രണ്ട്സ്.. ഞാൻ വിക്കി.. വിക്രം സത്യ... കൊല്ലം പട്ടതാനത്ത്  ആണ് വീട്. വീട്ടിൽ അച്ഛൻ അമ്മ ചേച്ചി....അച്ഛൻ 'സത്യദാസ്'  IOB  യിൽ മാനേജർ ആണ്. അമ്മ 'വിമല ' അവിടെ തന്നെ അക്കൗണ്ടന്റ് ആണ്. ചേച്ചി 'വേദ  ' ലെച്ചർ ആണ്..  ഇപ്പോ മൂന്നു മാസമായി ഇവിടെ  എംജി കോളേജിലാണ്.

വിക്കി അത് പറഞ്ഞപ്പോൾ ശ്രദ്ധയുടെ മുഖം തിളങ്ങി.

ഇവൻ വേദ ചേച്ചിയുടെ അനിയൻ ആണോ....ശ്രദ്ധ ഒരു ചിരിയോടെ അവനെ നോക്കി.

"നേരത്തെ പഠിച്ച കോളേജിൽ നിന്ന് എന്താ മാറിയേ..."ശിവ ചോദിച്ചു.

"അത് പിന്നെ... എനിക്ക് ആ കോളേജ് ഇഷ്ടായില്ല.. അപ്പൊ ചേച്ചി ഇങ്ങോട്ട് മാറ്റം വാങ്ങി തന്നു". വിക്കി പറഞ്ഞു.

ശ്രദ്ധ ചിരി പുറത്ത് വരാതിരിക്കാൻ പെട്ടന്ന് തന്നെ വാ പൊത്തിപിടിച്ചു.

"ആഹ്.. ഇഷ്ടായില്ലെന്നോ അതെന്താ ...."ശിവ തെല്ലൊരു ചിരിയോടെ ചോദിച്ചു.

കോപ്പ് ഇങ്ങേര് വിടാനുള്ള ഉദ്ദേശം ഇല്ലല്ലോ.. വിക്കി മനസിലോർത്തു...

"അത് അവിടെ.. അതൊരു കൊച്ചു കോളേജ് ആയിരുന്നു. എനിക്ക് വലിയ കോളേജിൽ പഠിക്കാനാണ് ഇഷ്ട്ടം."വിക്കി പറഞ്ഞൊപ്പിച്ചു..

ശ്രദ്ധ ചിരി കടിച്ചു പിടിച്ചിരുന്ന് അവളുടെ കണ്ണിൽ നിന്ന് വെള്ളം വരാൻ തുടങ്ങി.

ഫറക്കും ദിവ്യക്കും കാര്യം അറിയാത്തത് കൊണ്ട് ഇവളെന്തിനാ ചിരിക്കുന്നെ എന്ന രീതിയിൽ അവളെ നോക്കിയിരുന്നു.

"കോളേജിന്റെ വലിപ്പം നോക്കിയാണോ പഠിക്കുന്നെ..."

കോപ്പ് ഇത് ശ്രദ്ധ പറഞ്ഞ മാതിരി ഈ കാട്ടുമാക്കാൻ എന്റെ കൈയിൽ നിന്ന് വല്ലതും വാങ്ങും.ആ കോളേജ് എന്നെ കടിച്ചു. എന്തെ.....

"എനിക്ക് വലിയ കോളേജിൽ പഠിക്കാൻ ചെറുപ്പം തൊട്ട് ആഗ്രഹം ആയിരുന്നു". വിക്കി ചിരിക്കാൻ ശ്രമിച്ചുകൊണ്ട് പറഞ്ഞു.

അത്രയും നേരം പിടിച്ചു വെച്ചിരുന്ന ചിരി ശ്രദ്ധയുടെ കണ്ട്രോൾ വിട്ടു പോയി. അവളുടെ ചിരി ക്ലാസ്സ്‌ മുഴുക്കെ കേട്ടു. പെട്ടന്ന് തന്നെ അവൾ ഡെസ്കിൽ മുഖം പൊത്തി ചിരി അടക്കാൻ ശ്രമിച്ചു. എങ്കിലും അവളുടെ കുറുങ്ങലുകൾ ഏറിയും താഴ്ന്നും കേട്ടുകൊണ്ടിരുന്നു.

ചിരി കേട്ട് ശിവയും കൂട്ടുകളും തിരിഞ്ഞു നോക്കി. ശ്രദ്ധ ഡെസ്കിൽ തലപൊത്തി കിടന്ന് ചിരിക്കുന്നു.

നീ അവിടെ കിടന്ന് ചിരിക്ക്.. നിനക്ക് ഉള്ളത് ഞാൻ പിന്നെ തരാം.. വിക്കി മനസിൽ ഓർത്തു.

ശ്രദ്ധ... അവന്റെ വിളി വന്നു.
അവൾ ചിരി അടക്കാൻ പാടുപെട്ട് എഴുന്നേറ്റ് നിന്നു.

ചിരിച്ചു കരഞ്ഞു അവളുടെ കണ്ണ് രണ്ടും  നിറഞ്ഞിരുന്നു. അപ്പോഴും അവൾ ചിരി നിർത്തിയില്ല. വാ പൊത്തി പിടിച്ചു അവൾ ശിവയെ നോക്കി.

എന്താ അവിടെ ഇതിനും മാത്രം ചിരിക്കാൻ..

അവൻ അത് ചോദിച്ചതും ശ്രദ്ധ ഉറക്കെ ചിരിക്കാൻ തുടങ്ങി.അവൾ പെട്ടന്ന് തന്നെ വിരൽ കടിച്ചു ചിരി നിർത്താൻ നോക്കി. കണ്ണ് നിറഞ്ഞു ഒരു വശമായി..

താൻ ചിരിക്കുവാനോ കരയുവാണോ...

അവൾ ഒന്നും മിണ്ടാതെ ചിരി അടക്കി പിടിച്ചു നിന്നു.

ശിവ കുറച്ച് നേരം അവളെ ദയനീയമായി നോക്കി. അവൾ ചിരി നിർത്താനുള്ള പാടിലാണ്.

ഗെറ്റ് ഔട്ട്‌.... സ്ഥിരം ഡയലോഗ് വന്നു. അവൾ വാ പൊത്തി പിടിച്ചു ഇറങ്ങി പോയി.

വെളിയിൽ തൂണിന്റെ അവിടെ പോയി ശ്രദ്ധ അറഞ്ഞു ചിരിച്ചു.

പിന്നെ ശിവയും അവിടെ നിന്നില്ല ക്ലാസ്സിൽ നിന്ന് കലിപ്പിൽ ഇറങ്ങിപ്പോയി .

ശിവ പോയിക്കഴിഞ്ഞ വെളിയിൽ ഇറങ്ങിയ വിക്കി കാണുന്നത് വയറിൽ കൈ വെച്ച് ചിരിച്ചു തളർന്നിരിക്കുന്ന ശ്രദ്ധയെ ആണ്.

"ഡി നിന്റെ കോപ്പിലെ ഒരുചിരി.."അവൻ മുഖം വീർപ്പിച്ചു അവൾക്കരുകിൽ വന്നു.

എന്റെ മോനെ ഓർമപ്പിക്കല്ലേ.. ഇപ്പൊ ചിരി ഒന്ന് നിന്നതെ ഉള്ളു..

അത് വെറും കാട്ടുമാക്കാൻ അല്ല. കാട്ട് കുരങ്ങിന് വരുത്തുപോക്കിൽ ഉണ്ടായ ചിമ്പാൻസി..വിക്കി പിറുപിറുത്തു..

നിർത്തിയ ചിരി അതുകേട്ടു ശ്രദ്ധ വീണ്ടും തുടങ്ങി.

"ഇതിനെ ഓക്കെ കെട്ടുന്നതിന്റെ കഷ്ടകാലം.."അവൻ പറഞ്ഞുകൊണ്ട് ചാടി എഴുന്നേറ്റു പോയി.

പെട്ടന്ന് സ്വിച്ച് ഇട്ടപോലെ ശ്രദ്ധയുടെ ചിരി നിന്നു.

അപ്പൊ ഇവനൊന്നും അറിയില്ലേ... ശ്രദ്ധ ആലോചനയിൽ മുഴുകി. ഇനി എന്നെ കാണിക്കാൻ പറഞ്ഞതാണോ.... ഏയ്.. ആവില്ല. വെറുതെ എന്തിനാ തല  പുകക്കുന്നത് വിളിച്ചു നോക്കിയാൽ പോരെ... അവൾ എഴുന്നേറ്റ് ബാത്റൂമിന്റെ അവിടേക്ക് നടന്നു. ക്ലാസ്സ്‌ ടൈമിൽ ഫോൺ യൂസ് ചെയ്യാൻ പറ്റില്ലായിരുന്നു. അവൾ ബാത്റൂമിന്റെ പുറകിൽ പോയി ഫോൺ വിളിച്ചു.

ഹലോ...

ആ ഹലോ... നിന്റെ വിളി ഞാൻ പ്രതീക്ഷിച്ചതാണ്... വിക്കി അല്ലേ കാര്യം...

ആ അതെ... അവനൊന്നും അറിയില്ലേ..

ഇല്ലാ അറിയില്ല തല്ക്കാലം നീ ഒന്നും പറയാൻ പോകണ്ട.. അത് ഗുലുമാൽ ആകുകയേ ഉള്ളു...

മ്മ് പറയുന്നില്ല...പിന്നെ ആ കാട്ടുമക്കാനേ ഞാൻ മിക്കവാറും കൊല്ലും ഒള്ള കാര്യം പറഞ്ഞേക്കാം...

അപ്പുറത്തുനിന്നും ചിരി കേട്ടു...

ചിരിക്കേണ്ട ഞാൻ കാര്യായിട്ട് പറഞ്ഞെയ..

മ്മ് ആയിക്കോട്ടെ...

എല്ലും പല്ലും ബാക്കി വേണേൽ അയാളോട് നന്നാവാൻ പറ..

നീ നന്നായാലും മതി....

ഓ... ഞാൻ വെക്കുവാ ക്ലാസ്സ്‌ ടൈം ആണ്.

മ്മ് ശരി.

ശ്രദ്ധ ചിരിയോടെ ഫോൺ പാന്റിന്റെ പോക്കറ്റിലേക്ക് ഇട്ടു ക്ലാസ്സിലേക്ക് നടന്നു.

ശിവ സ്റ്റാഫ്‌ റൂമിൽ ചെന്ന് തലക്കും കൈകൊടുത്ത് ഇരുന്നു. ഉള്ളിലെ ദേഷ്യം നന്നായി തന്നെ മുഖത്ത് അറിയാൻ ഉണ്ടായിരുന്നു.

അവൻ അവിടുന്ന് എഴുന്നേറ്റ് ലൈബ്രറിയിലേക്ക് നടന്നു. അവിടെ ഉണ്ടായിരുന്ന പത്രവും നോക്കി ഇരുന്നു.


വൈകിട്ട് കോളേജ് വിട്ട് ശിവ വണ്ടി എടുത്ത് മുൻപോട്ട് പോയി ശ്രദ്ധ അപ്പോൾ തന്നെ ഫോൺ എടുത്ത് ആരെയോ വിളിച്ചു പറഞ്ഞു. ഒരു ചിരിയോടെ തിരിഞ്ഞു നടന്നു. പക്ഷെ ഇതെല്ലാം ശിവ മിററിൽ കൂടെ കാണുന്നത് അവൾ അറിഞ്ഞില്ല. അവൾ തിരിഞ്ഞു നടന്നതും ശിവ വണ്ടി നിർത്തി അവളെ തിരിഞ്ഞു നോക്കി.

അവൾ എന്തൊക്കെയോ ഒളിക്കുന്നതായി മുൻപും അവനു തോന്നിയിരുന്നു. അവൻ ഓരോന്ന് ആലോചിച്ചു വണ്ടി എടുത്ത് പോയി.

-------------------

ദിവസങ്ങൾ പലതും കഴിഞ്ഞു പോയി.. പ്രണയിനിയുടെ കത്തുകൾ ശിവയെ കൂടുതൽ സ്വാധീനിക്കാൻ തുടങ്ങി. അവൻ അതിനായി കാത്തിരുപ്പ് ആയി എന്ന് തന്നെ പറയാം. പ്രണയിനിയെ കണ്ട് പിടിക്കാൻ ഒരുപാട് വഴികൾ ആലോചിക്കുകയും എല്ലാം തരുകയും ചെയ്തുകൊണ്ടിരുന്നു. ലെച്ചുവും അജുവും കോളേജിലെ ലൈസൻസുള്ള കമിതാക്കൾ ആയി. ശിഖക്ക് മഹിയുടെ ശല്യം തുടർന്നു കൊണ്ടേ ഇരുന്നു...

ഒരുദിവസം വൈകിട്ട് കോളേജ് വിട്ടപ്പോൾ ഫറയുടെയും ദിവ്യയുടെയും   കൂടെ വിക്കിയും നിൽക്കുന്നത് ശ്രദ്ധ കണ്ടു.

എന്താടാ നീയും ഞങ്ങളുടെ കൂടെ ഗേൾസ് ഹോസ്റ്റലിൽ ആണോ..ശ്രദ്ധ ചിരിയോടെ ചോദിച്ചു.

ഹേയ്... അതല്ല.. ഒരു കാര്യം ചോദിക്കാൻ നിന്നതാണ്. ഇവരോട് ചോദിച്ചപ്പോ ഇവർക്ക് താൽപ്പര്യം ഇല്ല..

മ്മ് എന്താ കാര്യം....

വൈകിട്ട് സിനിമക്ക് വരുന്നോ...

ഹ്... ഹോസ്റ്റലിൽ ഉള്ള ഞങ്ങൾ എങ്ങനെ സിനിമക്ക് വരാനാ....

മതിൽ ചാടാൻ അറിയാമെങ്കിൽ വരാം... അവൻ മേലോട്ടും നോക്കി പറഞ്ഞു.

ചെറുക്കൻ ബാക്കി ഉള്ളവനെ കൂടെ വഴി തെറ്റിക്കാൻ നടക്കുവാ... ഞങ്ങൾ ഇല്ലാ.. ശ്രദ്ധ പറഞ്ഞു.

ഹേയ് ചുമ്മാ വാടി ഇതൊക്കെ ഒരു രസം അല്ലേ...

പിന്നെ... രസം... ചൈന വന്മത്തിൽ പോലെ ഉള്ള മതിലൊക്കെ ചാടി കടക്കാൻ ഞാൻ ആരാ ഡിങ്കനോ..

ഓ അപ്പൊ ആഗ്രഹം ഓക്കെ ഉണ്ട്..

പിന്നില്ലാതെ... അതൊക്കെ ഉണ്ട്. അല്ല സെക്കന്റ്‌ ഷോയിക്ക്  ആണോ..

വേണേൽ പോവാം. നിന്റെ ടൈം പറഞ്ഞാൽ മതി.

മ്മ് നോക്കട്ടെ.. ഷെയ്ട്  വഴി ചാടാൻ പറ്റുമെങ്കിൽ വരാം.

അപ്പൊ നിനക്ക് ഡിങ്കൻ ആവാനും അറിയാം അല്ലേ.. അവൻ കളിയാക്കും പോലെ ചോദിച്ചു.

പോടാ പോടാ...

മ്മ് മിസ്സ്‌ അടിച്ചാൽ മതി.

Okk സെറ്റ്.. ഇവരും ഉണ്ടേ...

ഞങ്ങൾ ഇല്ലാ.. ശ്രദ്ധ പറയുകയും അവർ ഒരുമിച്ച് പറഞ്ഞു.

നിങ്ങളും വരും. ശ്രദ്ധ തറപ്പിച്ചു പറഞ്ഞു.

ഇല്ലാ.. എങ്ങാനും പെട്ടാൽ തീർന്നു. ദിവ്യ തിരിഞ്ഞു നടന്നു.

ഓ.. അവൾ ഇതൊക്കെ എന്ത് എന്ന രീതിയിൽ മുഖം കോട്ടി..

രാത്രിയിൽ. മുകളിലത്തെ നിളയുടെ കൊറിഡോറിന്റെ ഷെയ്ഡിൽ ചവിട്ടി മതിലിൽ കേറി ഇരുന്നുകൊണ്ട് ശ്രദ്ധ വിക്കിയെ വിളിച്ചു.

ഡി ഒരു 2മിനുട്ട് ഞാൻ എത്തി.

മ്മ്.. അവൾ മതിൽ ചാടി വെളിയിൽ വന്നു.

2മിനിറ്റിനുള്ളിൽ വിക്കി വന്നു.

---------------------

കുട്ടികൾ തന്ന അസ്സയിന്മെന്റ് പേപ്പർ നോക്കിക്കഴിഞ്ഞു ഉറങ്ങാൻ  ഇരിക്കുമ്പോഴാണ് ശിവയുടെ ഫോൺ ബെല്ലടിച്ചത്.

ഇത് ഗേൾസ് ഹോസ്റ്റൽ വാർഡൻ ദേവി ടീച്ചർ ആണല്ലോ.. അവൻ ഓർത്തുകൊണ്ട് ഫോൺ എടുത്തു.

എന്താ ടീച്ചറേ രാത്രിയിൽ..

മാഷേ മാഷ് ഒന്നിവിടം വരെ വരുവോ..

എന്താ ടീച്ചറെ എന്താ കാര്യം.

അതെ മാഷിന്റെ ക്ലാസ്സിലെ ശ്രദ്ധ ഇല്ലേ.. ആ കുട്ടിയെ കാണാനില്ല.. പ്രിൻസിപ്പൽ ഓക്കെ വന്നിട്ടുണ്ട്.

മ്മ് ഞാൻ ദാ വന്നു.അവൻ അൽപ്പം ഞെട്ടലോടെ പറഞ്ഞു.

അമ്മയോടും ലെച്ചുവിനോടും പറഞ്ഞു അവൻ പെട്ടന്ന് തന്നെ കോളജിലേക്ക് ചെന്നു.

എല്ലാവരും ഉണ്ട് പ്രിൻസിപ്പലും അഭിയും തെക്ക് വടക്ക് നടന്നു എന്തോ ആലോചിക്കുന്നു  ഫറയും ദിവ്യയും അവിടെ കുറ്റവാളികളെ പോലെ തല കുനിച്ചു നിൽപ്പുണ്ട്.

എന്താ.. അഭി അവൻ അബിയുടെ അടുത്ത് വന്നു ചോദിച്ചു.

എടാ.. വൈകിട്ട് മെസ്സിൽ ശ്രദ്ധേ കാണാഞ്ഞത് കൊണ്ട് ടീച്ചർ ഇവരുടെ റൂമിൽ ചെന്നു. ഇവർ വിചാരിച്ചിരുന്നത് അവൾ അവൾ ബാത്‌റൂമിൽ ആണെന്ന.. അവിടെ ചെന്നപ്പോ അവിടെയും ഇല്ലാ... പിന്നെ ഹോസ്റ്റൽ ഫുൾ നോക്കി എങ്ങും ഇല്ലാ..

നീ വന്നിട്ട് അവളുടെ വീട്ടിൽ വിളിക്കാൻ ആയിരുന്നു.


മ്മ് നിക്ക്.

അവൻ ദിവ്യക്കും ഫറക്കും അടുത്തേക്ക് വന്നു. അവളെവിടെ പോയതാ...

അറിയില്ല. സാർ.. ഫറ ശബ്ദം താഴ്ത്തി പറഞ്ഞു.

നിങ്ങളോട് പറയാതെ അവൾ എങ്ങും പോകില്ലല്ലോ... സത്യം പറ..

ഇല്ലാ സാർ സത്യം അറിയില്ല..

അവളെ എപ്പോഴാ ലാസ്റ്റ് കണ്ടത്..

മേട്രിൻ  വരുന്നതിനു മുൻപ് ബാത്‌റൂമിൽ പോകുവാ എന്ന് പറഞ്ഞു.

അവളുടെ ഫോണിൽ വിളിച്ചില്ലേ..

മ്മ് വിളിച്ചു റേഞ്ച് കട്ടാകുവായിരുന്നു.

ശിവ പോലീസിൽ വിളിക്കണ്ടേ... അഭി വന്നു ചോദിച്ചു.


സിനിമയും കണ്ട് അടിച്ചു പൊളിച്ചു തിരിച് വന്നു ശ്രദ്ധ മതിൽ ചാടി അപ്പുറത്തു കടന്നപ്പോൾ തന്നെ ഫ്രോന്റിൽ ഇരിക്കുന്ന ശിവയുടെ ബൈക്ക് കണ്ടു.

ഇയാളെന്താ ഇവിടെ.... അവൾ ആലോചിച്ചുകൊണ്ട് ഷെയ്ഡിൽ കൂടെ നടന്നു പോയപ്പോൾ ആണ് മുൻപിൽ കൂട്ടം കൂടി നിന്ന് സംസാരിക്കുന്ന എല്ലാവരെയും കണ്ടത്. അവൾക്ക് എന്തോ പന്തികേട് തോന്നി..

അവൾ ഫോൺ എടുത്ത് ഫറയ്ക്കു വിളിച്ചു.

ഫോൺ സൈലന്റിൽ ഇട്ടിരിക്കുകയിരുന്നു ഫറ വൈബ്രേറ്റിങ് സൗണ്ട് കേട്ട് കൈയ്യിൽ പിടിച്ച ഫോൺ അവൾ തിരിച് നോക്കി.

ശ്രദ്ധ എന്ന് കണ്ടതും അവൾ അറ്റൻഡ് ചെയ്ത് മിണ്ടാതെ നിന്നു.

"പോലീസ് കേസ് ഓക്കെ ആയാൽ കോളേജിനെ ആണ് അത് ബാധിക്കുന്നത്. ആദ്യം കുട്ടിയുടെ വീട്ടിൽ വിളിക്ക് പേരെന്റ്സ് തീരുമാനിക്കട്ടെ...."

"മ്മ്.. ഇവിടെ എങ്ങും ഇല്ലാ എന്ന് ഉറപ്പാണോ ടീച്ചറെ..". ശിവ ഉറപ്പിന് ചോദിച്ചു..

"അതെ മാഷേ.."


ശ്രദ്ധ എല്ലാം കേട്ട് ഞെട്ടി പണ്ടാരമടങ്ങി. അവൾ ഒറ്റയടിക്ക് വിക്കിയുടെ പിതാമഹാന്മാരെ ഓർത്തു.

പട്ടി...ഓ അവനെ കുറ്റം പറഞ്ഞിട്ടെന്തിനാ... കൂടെ പോയ എന്നെ വേണം തല്ലാൻ ...അവൾ സ്വയം തലക്ക് ഒരു കൊട്ട് കൊടുത്തു.

ഇപ്പൊ അങ്ങോട്ട്  ചെന്ന് കേറി കൊടുത്താൽ എന്നെ പൊടി പോലും കിട്ടില്ല.. ഇപ്പൊ എന്താ ചെയ്യാ...

കുറെ ആലോചിച്ചു അവൾ ഫോൺ കാൾ കട്ടാക്കി. പിന്നെ അവൾക്ക് മെസ്സേജ് അയച്ചു.

ഡീ ഇങ്ങോട്ട് വിളിക്ക് എന്ന്.

ഫറ മെസ്സേജ് കണ്ട്.ഒന്നും അറിയാത്ത പോലെ വിളിച്ചു.

അപ്പോഴേക്കും ശ്രദ്ധ ഓടി ബാത്റൂമിന്റെ പുറകിലെ സ്റ്റോറൂമിന്റെ അടുത്ത് ചെന്ന് ഫോൺ നിലത്തേക്ക് ഇട്ട് ബോധം പോയപോലെ കിടന്നു.

സാർ ഇപ്പോൾ റേഞ്ച് ഉണ്ടെന്ന് തോനുന്നു. റിങ് പോകുന്നുണ്ട്.. ഫറ കുറച്ച് സന്തോഷം ഓക്കെ മുഖത്ത് ഫിറ്റ്‌ ചെയ്ത് പറഞ്ഞു.

ശിവ വന്നു അവളുടെ കൈയിൽ നിന്ന് ഫോൺ വാങ്ങി വിളിച്ചുകൊണ്ടിരുന്നു.

ഇടക്ക് എവിടെയോ ശബ്ദം കേൾക്കുന്ന പോലെ തോന്നിയതും അവൻ അവിടേക്ക് നടന്നു. പിറകെ തന്നെ എല്ലാരും. ബാത്റൂമിന്റെ പിറകിൽ ചെന്നപ്പോ കുറച്ചുകൂടെ ശബ്ദം കേട്ടു അവൻ സ്റ്റോറൂമിന്റെ അവിടേക്ക് നടന്നു.

അവിടെ ശ്രദ്ധ ബോധം കേട്ട് കിടക്കുന്നത് കണ്ട് അവൻ അവിടേക്ക് ഓടി..

പിന്നാലെ എത്തിയവരെല്ലാം അവളുടെ അടുത്തേക്ക് ചെന്നു.

എന്റെ ശ്രദ്ധ... നിന്നെ ഞാൻ സമ്മതിച്ചു.. ഹോ.. ഫറ മനസ്സിൽ ഓർത്തു.

തട്ടിവിളിച്ചിട്ടും ശ്രദ്ധ ഉണർന്നില്ല.. അതെങ്ങനാ ഉറങ്ങുന്നവനെ അല്ലേ ഉണർത്താൻ പറ്റു... ഉറക്കം നടിക്കുന്നവനെ പറ്റില്ലല്ലോ.. ദിവ്യ  മനസ്സിൽ പറഞ്ഞു.


വെള്ളം കുടഞ്ഞു ശ്രദ്ധ പതിയെ കണ്ണ് തുറന്നു.

ഞാൻ ഇതെവിടെയാ .. അവൾ മെല്ലെ എഴുന്നേറ്റ് കൊണ്ട് പറഞ്ഞു

ആഫ്രിക്കയിൽ.. എന്റെ മോളെ.. നിനക്ക് ഓസ്കാർ കിട്ടും ദിവ്യയും ഫറയും തമ്മിൽ പറഞ്ഞു.

നീ എന്താ ഇവിടെ.. നീയെങ്ങനെ ഇവിടെ വന്നു.. ശിവ അല്പം ദേഷ്യത്തിൽ ചോദിച്ചു.

അത് ബാത്രൂംമിൽ വന്നപ്പോൾ ഇവിടെ ഒരു ശബ്ദം കേട്ടു ഇങ്ങോട്ട് വന്നപ്പോ പെട്ടന്ന് തലകറങ്ങി ബാക്കി എന്താ നടന്നതെന്ന് ഓർമയില്ല..

കണ്ട സിനിമ ഓർമ്മ ഉണ്ടോ.. ഫറ പതിയെ പറഞ്ഞു ചിരിച്ചു.

മ്മ് എഴുന്നേൽക്ക്.. ശിവ പറഞ്ഞതും അവൾ മെല്ലെ വയ്യായ്ക നടിച്ചു എഴുന്നേറ്റു...

ഇവിടെ റേഞ്ച് കിട്ടാറില്ല സാറെ അതാകും നേരത്തെ വിളിച്ചിട്ട് കിട്ടാതെ ദിവ്യ ആ സംശയവും മെല്ലെ തീർത്തു.


മ്മ് ഫറയും ദിവ്യയും കൂടെ അവളെ റൂമിലോട്ട് കൊണ്ട് പോയി

ശിവ ഒഴികെ എല്ലാരും അവളുടെ തലകറങ്ങൽ നാടകം വിശ്വസിച്ചു.ശിവ അപ്പോഴും അവളെ സംശയത്തോടെ നോക്കി.
റൂമിൽ വന്നു ശ്രദ്ധ അവരുടെ കൈവിട്ട് ബെഡിലേക്ക് മറിഞ്ഞു.ഫറയും ദിവ്യയും കൂടെ അറ്റാക്കിങ് മോഡ് ഓൺ ആക്കി.

ഡി പുല്ലേ ഇനി മേലാൽ ഈ കാര്യത്തിന് ഞങ്ങളെ കൂട്ട് വിളിച്ചേക്കരുത്. ഇതെങ്ങാനും പോലീസ് കേസ് ആയിരുന്നലത്തെ അവസ്ഥ നീ ആലോചിച്ചു നോക്കിയേ.. ആകെ നാറി  കോളേജിൽ നിന്ന് ടിസി യും കിട്ടി ഹോ.. നെ സിനിമക്ക് പോകാൻ മതിൽ ചാടിയതാണ് എന്ന് പറയാൻ തുടങ്ങിയതാ.. പിന്നെ വേണ്ടന്ന് വെച്ചു..

മക്കളെ പറയാതിരിക്കാൻ പറ്റില്ല അടാർ പടം. നമ്മുടെ ലാലേട്ടൻ പൊളിച്ചു ആ മുണ്ടൊക്കെ മടക്കി കുത്തി വരുന്ന വരവൊക്കെ ഒന്ന് കാണണം. ഫൈറ്റ് മോളെ...... ഇമ വെട്ടാതെ നോക്കിയിരുന്നു പോകും. മഞ്ജു ചേച്ചി തകർത്തില്ലേ... പൊളി.. ആ ഹിന്ദി നടന്റെ വില്ലൻ വേഷം പറയാതെ പറ്റില്ല... ലാലേട്ടന്റെ ഓരോ മാസ്സ് എൻട്രിയിലും തിയറ്റർ ഇളകി മറിയുവാരുന്നു. അമ്മാതിരി സിനിമ ഉഫ് എജ്ജാതി... ശ്രദ്ധ നെഞ്ചത് കൈ വെച്ച് മേലോട്ട് നോക്കി പറഞ്ഞു.

ഫറക്കും ദിവ്യക്കും ശരിക്കും ദേഷ്യം വന്നു.

ജീവൻ എങ്ങനെ കിട്ടി എന്ന കാര്യം പറയുമ്പോഴാണ് അവളുടെ ഒരു ലൂസിഫർ...അവളെ പിടിച്ചു തള്ളിക്കൊണ്ട് ഫറ പറഞ്ഞു.

ഇതൊക്കെ അല്ലേ മോളെ ലൈഫിലെ ഒരു ത്രിൽ..അവൾ കട്ടിലിലേക്ക് വീണ്..

പറഞ്ഞിട്ട് കാര്യം ഇല്ലാന്ന് തോന്നിയത് കൊണ്ട് അവരും ഒന്നും പറയാൻ പോയില്ല.


ശിവ ശ്രദ്ധയെ പറ്റി, അവളുടെ കള്ളത്തരത്തെ തന്നെ ചിന്തിച്ചു കിടന്നുറങ്ങി.


പിറ്റേന്ന് കോളേജ് ആർട്സ് ഡേ ആയിരുന്നു. എല്ലാരും ഓടി നടക്കുന്നു.

ശ്രദ്ധയും വിക്കിയും മറ്റും മരത്തിന്റെ ചോട്ടിൽ ഇരുന്നു കാര്യം പറഞ്ഞും. വേദിയുടെ ലാസ്റ്റിൽ പോയി നിന്ന് കൂവി തകർത്തും അടിച്ചു പൊളിച്ചു.

"വിക്കി ഞാൻ ഒരു പാട്ട് പാടുന്നതിനെ പറ്റി നിന്റെ അഭിപ്രായം എന്താണ്"..ശ്രദ്ധ ഒരു ചിരിയോടെ ചോദിച്ചു.

"നീ പൊളിക്ക് മുത്തേ നമ്മളുണ്ട് കൂടെ..".

"എന്ന സെറ്റ്.". അവര് വേദി 3ലേക്ക് പോയി അവിടെയാണ് കവിത പാരായണം.

ഇപ്പുറത്ത് വേദി 7ൽ ഒപ്പന കണ്ടുകൊണ്ട് നിൽക്കുകയാണ് ശിവയും അഭിയും.

നമുക്ക്‌ ഒരു ചായ കുടിച്ചിട്ട് വരാം.. അഭി പറഞ്ഞു.

ആ... അവർ നേരെ ക്യാന്റീനിലേക്ക് പോയി. അവിടിരുന്നു ചായ കുടിച്ചുകൊണ്ടിരിക്കുമ്പോഴാണ് അവൻ മൈക്കിലൂടെ കേൾക്കുന്നതൊക്കെ ഒന്ന് ശ്രദ്ധിച്ചത് ഒരിടത്ത് ഒപ്പന പാട്ട് ഒരിടത്ത് ഭാരതനാട്ട്യം ഒരിടത്ത് മോണോ ആക്ട്. വേറൊരിടത്തു കവിത.. അവൻ ഒന്നുകൂടി ശ്രദ്ധിച്ചപ്പോഴാണ് കവിതയുടെ ഭാഗത്തുനിന്ന് വരുന്ന ലിറിക്‌സ് ക്ലിയർ ആയി കേൾക്കാം.അവൻ അതിനു കാതോർത്തു.


"...... കാത്തിരിക്കുന്നു നിൻ താലിക്ക് അവകാശിയായ് ഒരു മൽഹാർ രാഗമായി നിന്നിൽ പെയ്തൊന്നിറങ്ങുവാൻ........


..... കാത്തിരിക്കുന്നു നിൻ താലിക്കവകാശിയായി നിൻ പൈതങ്ങളെ പെറ്റു പോറ്റി പാലൂട്ടുവാൻ......."

ശിവയുടെ മുഖത്തെ ഭവമാറ്റം കണ്ട്
അതെ സമയം അഭിയും അത് ശ്രദ്ധിച്ചു അവന്റെ മുഖത്തും അമ്പരപ്പ് തെളിഞ്ഞു

ശിവ ചായക്കപ്പ് തട്ടി എറിഞ്ഞുകൊണ്ട് കവിതയുടെ വേദിയിലേക്ക് ഓടി. പിന്നാലെ അഭിയും. ഇരുവരുടെയും ഓട്ടം കുട്ടികളും എല്ലാവരും അതിശയത്തോടെ നോക്കി ചിരിച്ചു..

പിന്നെയും കവിത തുടർന്നുകൊണ്ടിരുന്നു..



തുടരുന്നു....


©sreelekshmysaksha