💖*SOULMATE*💖

Part--1️

✍അർച്ചന

© Copyright work-This work protected in accordance with section 45 of the copyright act 1957 (14 of 1957) and should not  used in full or part without the creators (Archana)prior permission..

______________________________________


 

""""എവിടെക്കാ ഇന്ന് ഒരുങ്ങിക്കെട്ടി ഇറങ്ങിയേക്കുന്നെ..... ആരുടെ കൂടെ കിടക്കാനാ ഈ പോക്ക്.... """"

"""ദെ തള്ളേ.... നിങ്ങടെ സ്വഭാവം ആണ് എല്ലാർക്കും എന്ന് വിചാരിക്കുന്നുണ്ടെങ്കിൽ അത് അങ്ങ് മാറ്റിയെക്ക്..... പിന്നെ ഞാൻ എവിടെ പോകുന്നു.... എന്തിന് പോകുന്നു ആരുടെ കൂടെ പോകുന്നു എന്നൊക്കെ നിങ്ങൾ അന്വേഷിക്കണ്ട.... മനസിലായല്ലോ..."""'

"""പിന്നെ ഞാൻ അല്ലാതെ ആരാടി ഒരുമ്പട്ടവളെ അന്വേഷിക്കണ്ടത്.... എന്റെ ചേച്ചിയുടെ മോൾ അല്ലേ നീ.... ആ നീ എങ്ങനെ പോകുന്നു എവിടേക്ക് പോകുന്നു എന്നൊക്കെ അന്വേഷിച്ചില്ലെങ്കിൽ കുടുംബത്തിന്റെ മാനം കളഞ്ഞു കുളിക്കും നീ..... അസത്ത്...""""

"""ഞാൻ നിങ്ങടെ ചേച്ചിയുടെ മോൾ ആണല്ലേ.... എനിക്ക് അത് അറിയില്ലായിരുന്നു... അതുകൊണ്ട് ആയിരിക്കും അല്ലേ നിങ്ങൾ മാസമാസം കൃത്യം ആയി എന്നോട് വാടക വാങ്ങിക്കുന്നത്..... പിന്നെ കുടുബത്തിന്റെ മാനം...അതിനെക്കുറിച് ഒക്കെ എന്നെക്കൊണ്ട് പറയിപ്പിക്കണം അല്ലേ..... നിങ്ങളെ അല്ലേ തള്ളേ കഴിഞ്ഞ ആഴ്ച ഏതോ ഹോട്ടലിൽ റെയ്ഡ് നടന്നപ്പോൾ പിടിച്ചു കൊണ്ട് പോയത്..... ഏതോ കൊമ്പൻ സ്രാവിന്റെ മകൻ ആയത് കൊണ്ട് കേസ് ആവാതെ ഇറങ്ങി വന്നതല്ലേ..... എന്താ ഇതൊന്നും ഞാൻ അറിയില്ലെന്ന് കരുതിയോ.....""""

ഡെയ്‌സി വിളറി വെളുത്തു..... പകപ്പോടെ അവളെ നോക്കി....അവൾ പുച്ഛചിരിയോടെ അവരെ തന്നെ നോക്കി.....

"""മേലിൽ എന്റെ കാര്യത്തിൽ ഇടപെടാൻ വന്നാൽ.... """

അത്രയും പറഞ്ഞു ചൂണ്ടുവിരൽ കൊണ്ട് കഴുത്തിൽ ഒന്ന് വരയുന്നത് പോലെ കാണിച്ചു കൊണ്ട് അവൾ പുറത്തേക്ക് ഇറങ്ങി......

ഒരു ഇന്റർവ്യൂന് പോകാൻ ഇറങ്ങിയതാണ്.... ആ തള്ള കാണാതെ ഇറങ്ങാം എന്ന് കരുതി എങ്കിലും മുന്നിൽ തന്നെ വന്നു പെട്ടു....

ഒരു ജോലി കിട്ടിയിട്ട് വേണം ആദ്യം ആ വീട്ടിൽ നിന്നും ഇറങ്ങാൻ.... ഇന്നത്തെ ദിവസവും കൊളമായി.... പണ്ടാരം....ഏത് നേരത്താണോ എന്തോ ഇവരുടെ കൂടെ വരാൻ തോന്നിയത്....

അവൾ സ്വയം പിറുപിറുത്തു....

""ടാക്സി.... """

റോഡിലേക്ക് ഇറങ്ങിയതും കൈ കാട്ടി വിളിച്ചെങ്കിലും ഒറ്റ ഒരു വണ്ടിയും നിർത്തിയില്ല....

ഇന്നത്തെ ഇന്റർവ്യൂവും കൊളമായ്....

അവൾ മുന്നോട്ടു നടന്നു.....

വില്ലയിൽ നിന്നും കുറച്ചു ദൂരെയായുള്ള ടാക്സി സ്റ്റാന്റിലേക്ക് അവൾ നടന്നു....

""""ഭയ്യാ..ഹോട്ടൽ ബ്ലു മൂൺ.... """

അവൾ ടാക്സിയിൽ കയറി ഇരുന്നുകൊണ്ട് പറഞ്ഞു....

വണ്ടി മുന്നോട്ട് എടുത്തു..... മുംബൈ നഗരത്തിന്റെ തിരക്കുകളിലൂടെ തലഉയർത്തി ആകാശംമുട്ടെ നിൽക്കുന്ന ഹോട്ടൽ ബ്ലൂ മൂണിന് മുന്നിൽ വണ്ടി നിർത്തി....

കഴിഞ്ഞ കാലത്തിന്റെ ഏതോ ഒരു ഓർമയിൽ ആയിരുന്നു അവൾ....

ഡ്രൈവർ വിളിച്ചപ്പോൾ ആണ് കണ്ണ് തുറന്നത്...

ഡ്രൈവർക്ക് കാശ് കൊടുത്തു കാറിൽ നിന്നും ഇറങ്ങി.....

ചുറ്റും ഒന്ന് നോക്കി....

എല്ലാവരും അവരുടേതായ തിരക്കിൽ ആണ്.... പതിയെ മുന്നോട്ട് നടന്നു.... നെഞ്ചിടിപ്പ് ഉയർന്നു കേട്ടു....

അവൾ നടത്തം നിർത്തി നെഞ്ചിൽ കൈവച്ചു....

"""All is well..... All is well...""""

പതിയെ മന്ത്രിച്ചു..... ഏത് ഇന്റർവ്യൂന് പോകുമ്പോഴും ഉള്ളതാണ് ഈ ടെൻഷൻ...... ഇന്ന് ഡെയ്‌സിമ്മ മുന്നിൽ വന്നു നിന്നത് കൊണ്ട് ആ ദിവസം തന്നെ പോയെന്ന് കരുതുന്നത് കൊണ്ട് ടെൻഷൻ കുറച്ചു കൂടെ കൂടി എന്ന് മാത്രം.....

"""Excuse me .... """

""Yes... ""

"Where the ASK company interview is taking place""

""3rd floor.... Room nbr A4""

റിസപ്‌ഷനിൽ ഉണ്ടായിരുന്ന പെൺകുട്ടി വേഗം മറുപടി പറഞ്ഞു.... അവളെ നോക്കി ഒന്ന് ചിരിച്ചു കാണിച്ചു വേഗം ലിഫ്റ്റിനടുത്തേക്ക് പോയി....

അത് ഓപ്പൺ ആയതും വേഗം അതിൽ കയറി... മുംബൈയിലെ തന്നെ നമ്പർ വൺ ഫാഷൻ ഡിസൈൻ കമ്പനി ആയ ASK ഡിസിൻസിലേക്ക് ആണ് ഇന്റർവ്യൂ... അവിടെ പറഞ്ഞ ക്വാളിഫിക്കേഷൻ ഒന്നും ഇല്ലെങ്കിലും ഇവിടെ ജോബ് കിട്ടും എന്നൊരു വിശ്വാസം ഉണ്ട്..... ഇങ്ങനെ വിശ്വാസം കൊണ്ട് പോയിട്ടാ ഒരുവിധം ഉള്ള കമ്പനികൾ ഒക്കെ ചവിട്ടി പുറത്താക്കിയതെന്നുള്ളത് വേറെ കാര്യം.....

ലിഫ്റ്റ് ക്ലോസ് ചെയ്യാൻ ആയതും ഒരു ചെറുപ്പക്കാരൻ ഓടി വന്നു...വേഗം അത് തുറന്നു കൊടുത്തതും അവൻ അകത്തേക്ക് കയറി.... അവളെ നോക്കി ഒന്ന് ചിരിച്ചു.... എങ്കിലും അവൾ മൈൻഡ് ചെയ്തില്ല.....

ലിഫ്റ്റ് മുകളിലേക്ക് ഉയരുന്തോറും ഇതുവരെ ഇല്ലാതിരുന്ന ഒരുതരം ഭയം അവളിൽ നിറഞ്ഞു.....

ചെന്നിയിലൂടെ വിയർപ്പ് ചാലിട്ട് ഒഴുകാൻ തുടങ്ങി....

"""എസ്ക്യൂസ്‌മി.... ""

ശബ്ദം കെട്ട് അവൾ സൈഡിലേക്ക് നോക്കി....

ചെറു ചിരിയോടെ അവൻ അവിടെ നിൽക്കുന്നുണ്ട്...

അവൾ എന്താണെന്ന രീതിയിൽ പുരികം പൊക്കി....

അവൻ പോക്കറ്റിൽ നിന്നും ഒരു കർച്ചീഫ് എടുത്തു അവൾക്ക് കൊടുത്തു... അവൾ സംശയത്തോടെ അവനെ നോക്കി....

""You are sweating well""

അവൻ അതേ ചിരിയോടെ പറഞ്ഞു....

അവൾ മുഖം ആകെ ഒന്ന് തൊട്ട് നോക്കി.... ശെരിയാണ്.... നന്നായി വിയർക്കുന്നുണ്ട്..... ഹാൻഡ് ബാഗ് എടുത്തു നോക്കി.... കർച്ചീഫ് എടുത്തിട്ടില്ല..... അവൻ ഇപ്പോഴും അത് നീട്ടി നിൽക്കുകയാണ്.... അവൾ അവന്റെ മുഖത്തേക്ക് നോക്കി.... പിന്നീട് മടിയോടെ അത് വാങ്ങി മുഖം ഒപ്പി....

"""ഇനി ഇത് തിരിച്ചു കൊടുക്കണോ....""'

അവൾ ചിന്തിച്ചു.... അപ്പോഴേക്കും ലൈഫ് നിർത്തി... അവൻ പുറത്തേക്ക് ഇറങ്ങി പോയി....

അവൾ വീണ്ടും അവിടെ തന്നെ നിന്നു....ലിഫ്റ്റ് മുകളിലേക്ക് ഉയർന്നു.... 3rd ഫ്ലോറിൽ ഇറങ്ങി മുന്നോട്ടു നടന്നു...

റൂം A4 ന് മുന്നിൽ എത്തി.... അവിടെയാകെ മൂന്ന് നാല് ആൾക്കാർ നിൽക്കുന്നുണ്ട്...

അവളും അവരുടെ കൂടെ നിന്നു....

ആരോ വന്നു പേര് എഴുതി വാങ്ങി... കുറച്ചു നേരം കൂടി വെയിറ്റ് ചെയ്തു...

*Alice Emma Mariam*

പേര് വിളിച്ചതും അവൾ അകത്തേക്ക് കയറി....

വലിയ ഹാൾ ആണ് ആദ്യം തന്നെ.... അവൾ ചുറ്റും നോക്കി ഒരു പെൺകുട്ടി കുറച്ചു ഫയൽസും പിടിച്ചു സൈഡിൽ മാറി നിൽക്കുന്നുണ്ട്.... അവളുടെ അടുത്തേക്ക് നടന്നു.....

""""ഇന്റർവ്യൂ...."""

സംശയത്തോടെ പതുക്കെ ചോദിച്ചു.... ഒരു റൂമിലേക്ക് അവൾ വിരൽ ചൂണ്ടി.... അവൾ കയ്യിലെ ഫയൽസ് അടുക്കി പിടിച്ചു അങ്ങോട്ട് നടന്നു.....

"""കർത്താവേ.... കാത്തോളണേ.... ""

ഒന്ന് കുരിശ് വരച്ചു റൂമിന്റെ ഡോർ തുറന്നതും അവൾ അവിടെ തറഞ്ഞു നിന്നു......

""ലിപ്‌ലോക്ക്... ""

സിനിമയിൽ ഒക്കെ കണ്ടിട്ടുണ്ടെന്നല്ലാതെ ആദ്യായിട്ടാ നേരിട്ട്....കർത്താവേ.....

അവൾ ഒന്ന് നീട്ടി വിളിച്ചു.... താൻ വന്നത് അവർ ഇരുവരും അറിഞ്ഞിട്ടില്ലെന്ന് മനസിലായതും ഡോറിൽ കൈ കൊണ്ട് ഒന്ന് കൊട്ടി തിരിഞ്ഞു നിന്നു.....

കുറച്ചു കഴിഞ്ഞതും കാറ്റ് പോലെ എന്തോ ഒന്ന് തനിക്ക് അടുത്തൂടെ പോകുന്നത് അറിഞ്ഞു അവൾ മുഖം ഉയർത്തി നോക്കി....അവിടെ ആ പെണ്ണിന്റെ കൂടെ ഉണ്ടായവൻ ആണ്.... അവൾക്ക് ചിരി വന്നു.... പിന്നെ തിരിഞ്ഞു റൂമിലേക്ക് നോക്കി.... ഇളിച്ചു കൊണ്ട് നിൽക്കുന്ന ആ പെണ്ണിനെ കണ്ടതും അവളുടെ ചുണ്ടിലും ചിരി വിരിഞ്ഞു....

ആ റൂം മുഴുവൻ ഒന്ന് നോക്കിയ ശേഷം അവൾ അകത്തേക്ക് നടന്നു....

"""Hay.... Iam *Niranjana*..."""

ആ പെണ്ണ് കൈ തന്നതും അവളും കൈ കൊടുത്തു....

""Alice Emma Mariam"""

"""മലയാളി ആണോ... """

ഉടനെ തന്നെ അടുത്ത ചോദ്യം വന്നു..... അവൾ ആണെന്ന് തലയാട്ടി.....

""""ഉഫ്.... ഇപ്പോഴാ സമാധാനം ആയത്.... എന്നെ നീരുന്ന് വിളിച്ചോ... തന്റെത്  വല്യ പേര് അല്ലേ..... ആലീസ് എന്ന് വിളിക്കണോ മറിയം എന്ന് വിളിക്കണോ അതോ എമ്മാന്ന് വിളിക്കണോ.... എന്തായാലും നല്ല പേര് ആണ്... എനിക്ക് ഇഷ്ടായി.... """"

നോൺ സ്റ്റോപ്പ്‌ ആയി പറയുന്ന നീരുവിനെ അവൾ നോക്കി...

"""എമിന്ന് വിളിച്ചോ.... """

""വൗ.... എമി.... ഷോർട് ആൻഡ് ക്യൂട്ട്...""

നീരു ചിരിയോടെ പറഞ്ഞു....

""അല്ല.... ഇന്റർവ്യൂ.... ഇന്റർവ്യൂ ഇല്ലേ... ""

അവൾ പറഞ്ഞതും നീരു നാവ് കടിച്ചു ഒന്ന് ചിരിച്ചു കാണിച്ചു....

"""ഇന്റർവ്യൂ ചെയ്യേണ്ട മുതലാ ഇപ്പൊ റോക്കറ്റ് വിട്ടത് പോലെ പോയത്....
*Mr. Sathwik Sreenaadh*....ഞാൻ പോയി വിളിച്ചു കൊണ്ട് വരാം.... താൻ അവിടെ ഇരുന്നോ.... """"

നീരു പറഞ്ഞതും എമി കള്ളച്ചിരിയോടെ ഒന്ന് തലയാട്ടി.....

"""കണ്ടായിരുന്നു അല്ലേ.... """

അവളുടെ ചിരി കണ്ടതും നീരു ചുണ്ട് ചുളുക്കി ചോദിച്ചു....

എമി ചിരിയോടെ തലയാട്ടി.....

ഒന്ന് കണ്ണിറുക്കി കാണിച്ചു നീരു വേഗം റൂമിൽ നിന്നും പുറത്ത് ഇറങ്ങി....

നീരു പോയതും അവൾ ആ റൂം മുഴുവൻ ഒന്ന് നോക്കി..... ഒരു വലിയ ടേബിളും അതിന് ചുറ്റും കുറച്ചു ചെയേഴ്‌സും ഉണ്ട്... അതിന്റെ മുകളിൽ കുറേ ഫയൽസും.... ചുറ്റും വെള്ളനിറത്തിലുള്ള കർട്ടൻ പാറി കളിക്കുന്നുണ്ട്.... ഏസിയുടെ ചെറിയ തണുപ്പ് കൂടെ ആയതും എന്തോ വല്ലാത്ത ഒരു സുഖം തോന്നി അവൾക്ക്.... ഇതുവരെ ഉണ്ടായിരുന്ന പേടി  ഒക്കെ പോയത് പോലെ..

                          ******************

""""നീ ആയിട്ട് അവളെ പറഞ്ഞു വിടുന്നോ അതോ ഞാൻ അതിനെ പെറുക്കി എടുത്തു കളയണോ....."""

സച്ചു ദേഷ്യത്തിൽ അങ്ങോട്ടും ഇങ്ങോട്ടും നടക്കുകയാണ്.... തന്നെ ചിരിയോടെ നോക്കി നിൽക്കുന്നവനെ കണ്ടതും അവൻ കലിപ്പോടെ ടേബിളിൽ രണ്ടു കയ്യും കുത്തി നിന്ന് അവനെ തുറിച്ചു നോക്കി.....

"""ഇന്നും കിട്ടി അല്ലേ.... """

ചിരി കടിച്ചു പിടിച്ചുള്ള അവന്റെ ചോദ്യത്തിൽ സച്ചു പല്ല് കടിച്ചു....

""""അവൾ പാവം അല്ലേടാ.... """

"""പാവം.... എന്നെക്കൊണ്ട് ഒന്നും പറയിപ്പിക്കണ്ട.... നീയാ അവളെ തലയിൽ കയറ്റി വച്ചിരിക്കുന്നത്....അതിന്റെ എല്ലാ കുരുത്തക്കേടും ഉണ്ട് അതിന്.... അത് എങ്ങനെയാ..... കിച്ചേട്ടാന്ന് നീട്ടി ഉള്ള വിളി കേൾക്കുമ്പോൾ മൂക്കും കുത്തി വീഴുവല്ലോ..... തെണ്ടി പട്ടി കൊരങ്ങൻ...."""

സച്ചു കലിയിളകി വീണ്ടും പറയാൻ തുടങ്ങിയതും അവൻ ചെയറിൽ നിന്ന് എഴുന്നേറ്റു....

""""നീ ഇത് എങ്ങോട്ടാ... """"

ഡോറിനടുത്തേക്ക് നടക്കുന്ന അവനെ നോക്കി സച്ചു ചോദിച്ചു.... അതിന് മറുപടി കൊടുക്കാതെ അവൻ ഡോർ തുറന്നു.....ഗ്ലാസ് ഡോറിൽ മുഖം അമർത്തി ഉള്ളിൽ നടക്കുന്ന കാര്യങ്ങൾ ഒളിഞ്ഞു നോക്കിയിരുന്ന നീരു അതോടെ മൂക്കും കുത്തി അവന്റെ നെഞ്ചത്തേക്ക് വീണു.....

""""അത്.... ഞാൻ.... ഇതിലെ പോയപ്പോൾ.... """"

അവന്റെ കൂർപ്പിച്ചുള്ള നോട്ടം കണ്ടതും അവൾ പരുങ്ങി കളിച്ചു....

""""കിച്ചേട്ടാ..... സോറി.... """

നാവ് കടിച്ചു കണ്ണ് ചുരുക്കി അവൾ പറഞ്ഞതും അവൻ ചിരിയോടെ അവളെ ചേർത്ത് പിടിച്ചു അകത്തേക്ക് കയറി...

അവളെ കണ്ടതും സച്ചു മുഖം വീർപ്പിച്ചു തിരിഞ്ഞു നിന്നു....

"""നിന്നോട് ഞാൻ പറഞ്ഞതല്ലേ പെണ്ണെ.... """

അവൻ പതിയെ പറഞ്ഞതും നീരു ചുണ്ട് ചുളുക്കി....

""""സാരില്ല.... പോട്ടെ.... ഇപ്പൊ എന്തിനാ ഇങ്ങോട്ട് വന്നത്.... ഇത് പതിവില്ലാത്തത് ആണല്ലോ..... """"

""""അത്....ആഹ്.... അവിടെ ഒരു കൊച്ചിനെ കൂടെ ഇന്റർവ്യൂ ചെയ്യാൻ ബാക്കി ഉണ്ട്.... അത് പറയാൻ വന്നതാ.... """"

നീരു പതിയെ പറഞ്ഞു....

""ഡാ.... ഇന്റർവ്യൂ കംപ്ലീറ്റ് ആക്കിയില്ലേ..""

തിരിഞ്ഞു നിൽക്കുന്ന സച്ചുവിനെ നോക്കി അവൻ ചോദിച്ചു....

'""അത്.... ആഹ് ഒരു കുട്ടി കൂടി ഉണ്ട്.... അതിന്റെ ഇടക്കാ ഈ കുരിശ് വന്നു.... ""

ബാക്കി പറയാതെ അവൻ നീരുവിനെ നോക്കി.....

അവൾ കണ്ണിറുക്കി ചിരിച്ചു.....

"""നീ പോയി ഇന്റർവ്യൂ ചെയ്യ്.... """

""ഹ്മ്മ്.... പിന്നെ.... മോനേ
*കൈലാസ് റോഹൻ*.... ഇത് ലാസ്റ്റ് ആൻഡ് ഫൈനൽ ആണ്.... നിന്റെ സ്ട്രിക്ട് ഡിമാൻഡ് ഒന്നും ഞാൻ ഇതിൽ നോക്കില്ല..... ആ കുട്ടി ഓക്കേ ആണെന്ന് തോന്നിയാൽ അപ്പോയിന്റ് ചെയ്യും... മനസിലായല്ലോ....""""

""ഹാ.... ""

അവൻ മൂളി..... സച്ചു തിരിഞ്ഞു നടന്നു.....

""കിച്ചേട്ടാ..... ബെയ്... """

നീരുവും അവന് പിന്നാലെ പോയി....

കിച്ചു സീറ്റിലേക്ക് ഇരുന്നു.... ടേബിളിലേക്ക് മുഖം വച്ചു കിടന്നു.... ഫോൺ ഓൺ ചെയ്തു...കിലുക്കാംപെട്ടി പോലെ പൊട്ടിച്ചിരിക്കുന്ന ഒരു പെണ്ണിന്റെ ഫോട്ടോ വാൾപേപ്പറിൽ തെളിഞ്ഞു.... അവൻ ചിരിയോടെ അതിലേക്ക് മുഖം അമർത്തി.........



 

(തുടരും)