💖*SOULMATE*💖

Part-- 2️

✍അർച്ചന
 

© Copyright work-This work protected in accordance with section 45 of the copyright act 1957 (14 of 1957) and should not  used in full or part without the creators (Archana)prior permission..

______________________________________

 

"""ഹ്മ്മ്.... ആലീസ്....തന്നെ ഇവിടെ അപ്പോയിന്റ് ചെയ്യുന്നത് MD യുടെ PA ആയിട്ട് ആണ്.... തനിക്ക് ഇതിൽ ഒന്നും എക്സ്പീരിയൻസ് ഇല്ലന്ന് അറിയാം.... അതുകൊണ്ട് എല്ലാം മനസിലാക്കുന്നത് വരെ ഇവളെ കൂട്ടിക്കോ...."""

സച്ചു പറഞ്ഞതും അവൾ തലയാട്ടി അവന് അടുത്തായി നിൽക്കുന്ന നീരുവിനെ നോക്കി ചിരിയോടെ തലയാട്ടി....

"""തന്റെ താമസം ഒക്കെ.... """

സച്ചു സംശയത്തോടെ ചോദിച്ചു....

""അത്.... പേയിങ് ഗസ്റ്റ്‌ ആയിട്ട് ആണ്..."

"""ഇവിടെ അടുത്താണോ.... """

""അല്ല.... കുറച്ചു ദൂരം ഉണ്ട്... ""

അവൾ പറഞ്ഞതും സച്ചു ഒന്ന് ആലോചിച്ചു...

പിന്നെ ഫോൺ എടുത്തു കൈലാസിനെ വിളിച്ചു.....

എന്തൊക്കെയോ സംസാരിച്ച ശേഷം അവൻ കാൾ കട്ട് ചെയ്തു അവളുടെ അടുത്തേക്ക് വന്നു....

""ഇവിടെ കമ്പനി വക അപർട്ട്മെന്റ് ഉണ്ട്... ഇവിടത്തെ മോഡൽസ് ഒക്കെ അവിടെയാ താമസിക്കാറ്.... ASK ബിൽഡിങ്ങിനടുത്തു തന്നെയാണ്.... തന്നെ MD യുടെ PA ആയാണ് നിയമിക്കുന്നത്... അതുകൊണ്ട് തന്നെ എന്ത് ആവശ്യത്തിനും പെട്ടെന്ന് കമ്പനിയിൽ എത്തണം..... തനിക്ക് ബുദ്ധിമുട്ട് ഇല്ലെങ്കിൽ അവിടെ നിൽക്കാം... """"

അവൻ പറഞ്ഞത് കേട്ടതും എമി സന്തോഷത്തോടെ തലയാട്ടി....

"""എങ്കിൽ എമി എന്റെ കൂടെ നിന്നോട്ടെ...""

നീരു ചാടിക്കേറി പറഞ്ഞതും സച്ചു അവളെ കൂർപ്പിച്ചു നോക്കി.... അവന്റെ നോട്ടം കണ്ടതും അവൾ റൂഫിലേക്ക് നോക്കി മൂളിപ്പാട്ട് പാടാൻ തുടങ്ങി....

"""എങ്കിൽ ഇന്ന് തന്നെ അവിടേക്ക് മാറിക്കോ.... പിന്നെ കമ്പനിയിലേക്ക് നാളെ ജോയിൻ ചെയ്‌താൽ മതി.... MD യെ നാളെ പരിചയപ്പെടാം.... """"

സച്ചു ചിരിയോടെ പറഞ്ഞു.... അവൾ തലയാട്ടി....

"""ഡീ.... അവളുടെ കൂടെ പോയി റൂം ഒക്കെ കാണിച്ചു കൊടുക്കണം.... പിന്നെ ഇന്ന് ഇനി നീ ഇങ്ങോട്ട് വരണം എന്നില്ല... മനസിലായല്ലോ.... """

സച്ചു നീരുവിനോടായി പറഞ്ഞു.... അവൾ ഇളിച്ചു കൊടുത്തു....

നീരു അവളെയും കൂട്ടി പുറത്തേക്ക് നടക്കാൻ ഒരുങ്ങി....

"""ആലീസ്... """

അവൻ വിളിച്ചതും അവൾ തിരിഞ്ഞു നോക്കി....

"""Iam സാത്വിക് ശ്രീനാഥ്...designing organizer ആണ്.... ബാക്കി ഒക്കെ വഴിയേ പരിചയപ്പെടാം.... """"

അവൾ തലയാട്ടി കാണിച്ചു....

"""എമി.... നിന്റെ ഡ്രെസ് ഒക്കെ എടുക്കണ്ടേ... നമുക്ക് അങ്ങോട്ട് പോയാലോ.... """"

ലിഫ്റ്റ് ഇറങ്ങി നടക്കുമ്പോൾ ആണ് നീരു ചോദിച്ചത്.....

"""അത്.... ഞാൻ... ഞാൻ ഒറ്റക്ക് പൊയ്ക്കോളാം.... ഡ്രസ്സ്‌ ഒക്കെ എടുത്തിട്ട് ഇങ്ങോട്ട് വന്നാൽ പോരെ.... ""

ഡെയ്സിമ്മ ഉണ്ടെങ്കിൽ എന്താ പറയുക എന്നൊന്നും പറയാൻ പറ്റില്ല.... ഇപ്പൊ തന്നെ പെയിങ് ഗസ്റ്റ്‌ ആയിട്ട് ആണ് താമസം എന്നാണ് പറഞ്ഞത്... പക്ഷേ ഇനി അത് തന്റെ മമ്മയുടെ അനിയത്തി ആണെന്ന് ഒക്കെ അറിഞ്ഞാൽ ഇവർ എങ്ങനെ പ്രതികരിക്കും.... അവർ എന്തെങ്കിലും പറഞ്ഞു ഉടക്കാൻ വന്നാൽ അതിലും ഭീകരമായിട്ട് ആയിരിക്കും തന്റെ പ്രതികരണം... അതൊക്കെ കണ്ടു നീരു ഇവിടെ വന്നു പറഞ്ഞാൽ കിട്ടിയ ജോലിയും പോകും.....

ഒക്കെ ഓർത്ത് കൊണ്ട് അവൾ ഒരു നെടുവീർപ്പ് ഇട്ടു....

"""ഞാൻ ഇവിടെ ഇനി നിന്നിട്ടും കാര്യമില്ല.... എന്നെ പറഞ്ഞു വിട്ടത് കണ്ടില്ലേ... ബാ നമുക്ക് ഒന്നിച്ചു പോയി ഡ്രസ്സ്‌ ഒക്കെ എടുത്തു വരാം.... എന്റെ വണ്ടി ഉണ്ട്.... നീ ഇവിടെ നിൽക്ക്ട്ടോ...""""

അത്രയും പറഞ്ഞു നീരു പാർക്കിംഗ് ഏരിയയിലേക്ക് നടന്നു.... അവൾ പോയതും ചെറിയ പേടി വന്നു... ഇനി അവൾ വന്നു ഡേയ്സിമ്മ അവളെ എന്തെങ്കിലും പറയുവോ....

ടെൻഷനോടെ കയ്യിലെ വിരലുകളുടെ ഞെട്ട് പൊട്ടിച്ചു കൊണ്ടിരിക്കുമ്പോൾ ആണ് തന്നെ നോക്കി ചിരിക്കുന്ന അവനെ കണ്ടത്....

അത് കണ്ടതും അവൾ ചുറ്റും ഒന്ന് നോക്കി.... തന്നെ തന്നെയാണ് അവൻ നോക്കുന്നതെന്ന് കണ്ടതും ഒന്ന് ഇളിച്ചു കൊടുത്തു.... അവൻ അവളുടെ അടുത്തേക്ക് നടന്നു....

"""Your tension is not gone yet...??"""

അവൻ അടുത്തേക്ക് വന്നു ചോദിച്ചതും അവൾ തലയനക്കി ഇല്ലെന്ന് തലയാട്ടി...

"""Hmm.... Okey....Are you waiting for someone?"""

അവൻ വീണ്ടും ചോദിച്ചതും അവൾ ആണെന്ന് തലയനക്കി.... അപ്പോഴേക്കും അവന്റെ ഫോൺ ബെൽ അടിച്ചു.... അവൻ അവളെ നോക്കി ഒന്ന് കണ്ണ് ചിമ്മി കാണിച്ചു കാൾ അറ്റന്റ് ചെയ്തു കൊണ്ട് ഹോട്ടലിലേക്ക് കയറി പോയി....

അവൾ അവനെ തിരിഞ്ഞു നോക്കി.... പിന്നെ നീരുവിനെ കാത്തു നിന്നു....

അല്പം കഴിഞ്ഞതും അവൾ സ്കൂട്ടിയും ആയി വന്നു....

പിറകിൽ കയറി ഇരിക്കുമ്പോഴും ഉള്ളിൽ വല്ലാത്ത ടെൻഷൻ ആയിരുന്നു....

"""എമി..... Any problem....????""'

അവളുടെ നേർവസ് ആയ മുഖം കണ്ണാടിയിലൂടെ  കണ്ടതും നീരു വണ്ടി സ്ലോ ആക്കി റോഡരികിൽ ഒതുക്കി കൊണ്ട് ചോദിച്ചു....

എമി അവളെ നോക്കി ചിരിച്ചു....

"""അത്.... വീട്ടിൽ ഉള്ളവർ കുറച്ചു ഹർഷ് ആയി പെരുമാറും.... തനിക്ക് അത് വിഷമം ആകും...."""'

എമി അവളെ നോക്കാതെ പറഞ്ഞു....

"""അത്രേ ഉള്ളൂ..... എന്നെ പറഞ്ഞാലും നിന്നെ പറഞ്ഞാലും അതിന്റെ ഇരട്ടിക്ക് ഞാൻ തിരിച്ചു പറഞ്ഞോളാം മുത്തേ.... കുറേ നാൾ ആയി ഒരാളെ മുഖത്തു നോക്കി ചീത്തവിളിച്ചിട്ട്.... ഇന്ന് ഞാൻ കലക്കും..... നീ വേഗം കയറ്....""""

കൂൾ ആയി മറുപടി പറയുന്ന നീരുവിനെ അവൾ ഒന്ന് നോക്കി...

ഡെയ്‌സിമ്മ എന്ത് പറഞ്ഞാലും നീരുവിനെ അത് ബാധിക്കാൻ പാടില്ലെന്ന് മാത്രമേ ചിന്തിച്ചുള്ളൂ.... അവൾക്ക് പ്രശ്നം ഇല്ലെങ്കിൽ പിന്നേ തനിക്ക് എന്ത് പ്രശ്നം....

ചെറു ചിരിയോടെ എമി വണ്ടിയിൽ കയറി.... അവൾ പറഞ്ഞു കൊടുത്ത വഴിയിലൂടെ നീരു വണ്ടി ഓടിച്ചു....

വില്ലയിലേക്ക് വണ്ടി കയറി... വീടിനു മുന്നിൽ എത്തിയതും അവൾ നീട്ടി ഹോൺ അടിച്ചു....

വേണ്ടെന്ന് ഒരുപാട് തവണ പറഞ്ഞിട്ടും അവൾ കേട്ടില്ല....

""""എന്റെ പൊന്ന് നീരൂ.... ഞാൻ പോയി എന്റെ ബാഗ് ഒക്കെ എടുത്തു വന്നോളാം... നീ ഇവിടെ നിന്നാൽ മതി... ഇനി ഹോൺ അടിച്ചു ആ പെണ്ണുംപിള്ളയെ ഇങ്ങോട്ട് കൊണ്ട് വരരുത് പ്ലീസ്...... """"

എമി തൊഴുതു കൊണ്ട് പറഞ്ഞതും നീരു അതൊന്നും കേൾക്കാത്ത ഭാവത്തിൽ ഹോൺ അടിച്ചു.....

അല്പം കഴിഞ്ഞതും ഡെയ്‌സി പുറത്തേക്ക് വന്നു....

""ഡീ ഇവർക്ക് മലയാളം അറിയില്ലേ.. """

നീരു ചോദിച്ചതും അറിയാമെന്നു പതിയെ മൂളി....

"""ദേ.... ഒന്ന് ഈ ഗേറ്റ് തുറന്നെ.... """

നീരു വിളിച്ചു പറഞ്ഞതും ഡെയ്‌സി അവളെ കൂർപ്പിച്ചു നോക്കി കൊണ്ട് ഗേറ്റിനരുകിലേക്ക് വന്നു.....

"""നീ ആരാ.... """

അവർ അവളെ നോക്കി ചോദിച്ചു...

പിന്നീടാണ് പുറകിൽ ഇരിക്കുന്ന എമിയെ കണ്ടത്....

"""ഹോ.... ഇവളും ഉണ്ടോ... എന്തിനാടി ഇങ്ങോട്ട് കെട്ടിയെടുത്തെ.... എവിടെയെങ്കിലും പോയി കിടന്നൂടെ.... ഇതാരാ... നിന്റെ കൂടെ ഉള്ളതാണോ... രണ്ടാളും കൂടെ ഒരുമിച്ചാണോ ഈ പരിപാടിക്ക് ഒക്കെ ഇറങ്ങുന്നത്..
ആയിരിക്കും...കുറച്ചു തൊലിവെളുപ്പ് ഉണ്ടായാൽ മതിയല്ലോ..... """"

"""അതേ.... അതേ.... അതേ....എങ്ങോട്ടാ ഈ പറഞ്ഞു പറഞ്ഞു പോകുന്നെ.... ഇനി ഒരക്ഷരം നിങ്ങടെ വായിൽ നിന്ന് വീണാൽ അടിച്ചു നിങ്ങളെ പല്ല് ഞാൻ തെറിപ്പിക്കും.... കേട്ടല്ലോ.... പിന്നെ ഇവൾ ഇവിടെ നിങ്ങളെ കൂടെ താമസിക്കാൻ ഒന്നും അല്ല വന്നത്.... ഇവളുടെ കുറച്ചു ഡ്രസ്സ്‌ ഉണ്ട് ഇവിടെ... അത് എടുക്കും പോകും..... അതിൽ നിങ്ങൾക്ക് എന്തെങ്കിലും കുഴപ്പം ഉണ്ടെങ്കിൽ അങ്ങ് എന്നോട് പറഞ്ഞാൽ മതി.... ഞാൻ തീർത്തു തരാം..... """"

നീരു പറയുന്നത് കെട്ട് ഡെയ്‌സി അവളെ അമർത്തി നോക്കി....

"""നിങ്ങൾ ഗേറ്റ് തുറക്കുന്നോ അതോ ഞാൻ തുറക്കണോ.... """

നീരു പുച്ഛചിരിയോടെ ചോദിക്കുന്നത് കെട്ട് ഡെയ്‌സി ഒന്ന് പതറി.... വേഗം ഗേറ്റ് തുറന്നു....

"""നീ പോയി ഡ്രസ്സ്‌ ഒക്കെ എടുത്തു വാ... ഞാൻ ഇവരെ ഒന്ന് വിശദമായി പരിചയപ്പെടട്ടെ.... """"

എമി ചിരിയോടെ തലയാട്ടി അകത്തേക്ക് കയറി....

"""ഡീ.... നീ ആരാണെന്ന നിന്റെ വിചാരം.... എന്റെ വീട്ടിൽ കയറി വന്നു എന്നെ ഭരിക്കാൻ നോക്കുന്നോ.... നിനക്കൊന്നും അറിയില്ല എന്നെ..... """"

ഡെയ്‌സി കത്തുന്ന കണ്ണുകളോടെ അവളെ നോക്കി പറഞ്ഞു....

"""എന്റെ പൊന്ന് അമ്മച്ചീ.... നിങ്ങളെ എനിക്ക് അറിയാംന്ന് ഞാൻ പറഞ്ഞോ.... ഇല്ലല്ലോ... പിന്നെ എന്ത് തേങ്ങയാ ഈ പറയുന്നേ.... """"

നീരു ഇളിച്ചു കാണിച്ചതും ഡെയ്‌സി പല്ല് കടിച്ചു....

""""അല്ല അമ്മച്ചീ.... അമ്മച്ചീടെ പേര് എന്താ.... """"

"""ഞാൻ ഏത് വകയിൽ ആടി നിന്റെ അമ്മച്ചി ആയത്.... """"

"""പിന്നെ.... പ്രായം ആയവരെ ഒക്കെ ഞാൻ അങ്ങനെയെ വിളിക്കൂ.... അരക്കിലോ പുട്ടി വാരി മുഖത്തു തേച്ചിട്ടുണ്ടെന്ന് വച്ചു നിങ്ങൾക്ക് പ്രായം ആയില്ലെന്ന് പറയാൻ കഴിയില്ലല്ലോ.... എനിക്ക് ഭയങ്കര ബഹുമാനം ആണ് അമ്മച്ചീ...... """

നീരു നിഷ്കളങ്കമായി പറഞ്ഞതും പുറകിൽ നിന്നും എമി പൊട്ടിച്ചിരിച്ചു.... അത് കണ്ടു ഡെയ്‌സി രണ്ടുപേരെയും മാറി മാറി നോക്കി....

തന്റെ ഡ്രെസ്സും മറ്റ് സാധനങ്ങൾ ഒക്കെ എടുത്തു വച്ച രണ്ടു ബാഗും ആയി വന്നു വാതിൽ ചാരി ചിരിയോടെ നിൽക്കുകയാണ് എമി....

""അപ്പൊ ഞങ്ങൾ ഇറങ്ങട്ടെ അമ്മച്ചീ.... വീണ്ടും കാണാം... അല്ല.... കാണണം... ""

നീരു വണ്ടി തിരിച്ചു കൊണ്ട് പറഞ്ഞതും എമി തന്റെ ബാഗും എടുത്തു മുറ്റത്തേക്ക് ഇറങ്ങി.....

"""അങ്ങനെ അങ്ങ് പോയാലോ... ഈ മാസത്തെ വാടക ഇവിടെ വച്ചിട്ട് നീ എങ്ങോട്ടാണെന്ന് വച്ചാൽ ഇറങ്ങിക്കോ.... """

ഡെയ്‌സി എമിയുടെ മുന്നിലേക്ക് കയറി നിന്ന് കൊണ്ട് പറഞ്ഞതും എമി അവരെയും അവളെ നോക്കി നിൽക്കുന്ന നീരുവിനെയും ഒന്ന് നോക്കി...

പിന്നേ ചിരിയോടെ ഡെയ്‌സിയെ നോക്കി....

"""ഞാൻ ഇന്ന് രാവിലെ ഇവിടുന്ന് ഇറങ്ങുമ്പോൾ ഒരു കാര്യം പറഞ്ഞിരുന്നു.... എന്റെ കാര്യത്തിൽ ഇടപെടാൻ വന്നാൽ നിങ്ങളെ ഞാൻ അങ്ങ് തട്ടും എന്ന്.... എന്താ മറന്നു പോയോ... """

എമി അതേ ചിരിയോടെ ചോദിച്ചതും ഡെയ്‌സി ഞെട്ടി കൊണ്ട് അവളെ നോക്കി....

"""രണ്ട് ദിവസം മുന്നേ ആണ് ഞാൻ പതിനായിരം രൂപ എണ്ണി നിങ്ങളുടെ കയ്യിലേക്ക് വച്ചു തന്നത്.... ആ കാശ് അവിടെ തന്നെ ഇല്ലേ.... ഇനിയും വാടക അത് ഇത് എന്നൊക്കെ പറഞ്ഞു എന്റെ മുന്നിലേക്ക് വന്നാൽ...... """

അവളുടെ കണ്ണുകൾ ചുവന്നിരുന്നു....

"""നിങ്ങളുടെ ഈ വൃത്തികെട്ട സ്വഭാവം സഹിച്ചു ഞാൻ ഇവിടെ നിന്നത് കൈ നീട്ടി അടിക്കാൻ എനിക്ക് അറിയാഞ്ഞിട്ടല്ല.... എന്റെ മമ്മയുടെ അനിയത്തി എന്നൊരു ബന്ധത്തിനെ ഞാൻ ബഹുമാനിക്കുന്നത് കൊണ്ട് മാത്രം ആണ്.... ഇപ്പൊ എനിക്ക് ഒരു ജോലി ഉണ്ട്.... ഇനി എനിക്ക് ജീവിക്കാനും അറിയാം.... എന്റെ ജീവിതത്തിൽ ഇനി നിങ്ങൾ എവിടെയും ഉണ്ടാകാൻ പാടില്ല.... ഉണ്ടായാൽ ആ ബന്ധത്തിന് കൊടുത്ത ബഹുമാനം ഞാൻ അങ്ങ് മറക്കും..... മനസിലായല്ലോ..... """""

അത്രയും പറഞ്ഞു എമി വണ്ടിയിൽ കയറി....

നീരു അവൾ പറഞ്ഞ വാക്കുകളിൽ കുരുങ്ങി കിടക്കുവായിരുന്നു....

"""വണ്ടി എടുക്ക് നീരു.... """

എമി പറഞ്ഞതും അവൾ തലയാട്ടി വണ്ടി എടുത്തു....

നേരെ പോയത് ASK ഡിസൈൻസിന്റെ തന്നെ അപ്പാർട്മെന്റിലേക്ക് ആണ്....

"""വാ.... """

വണ്ടി പാർക്ക്‌ ചെയ്തു വന്ന ശേഷം അവളുടെ കയ്യിൽ നിന്നും ഒരു ബാഗ് വാങ്ങി നീരു മുന്നിൽ നടന്നു....

ലിഫ്റ്റിൽ കയറി.... അഞ്ചാം നിലയിൽ ആണ് റൂം...

"""താഴെ ഒക്കെ മോഡൽസ് ആണ് താമസം.... """

നീരു പറഞ്ഞതിന് ഒന്ന് മൂളി....

"""ദേ ഇതാണ് എന്റെ റൂം....ഇനി നമ്മുടെ റൂം.... പിന്നെ ഇത് ആരുടെ റൂം. ആണെന്ന് അറിയോ.... """

തൊട്ട് അടുത്ത അടഞ്ഞു കിടക്കുന്ന റൂമിലേക്ക് കൈ ചൂണ്ടി അവൾ ചോദിച്ചതും അറിയില്ലെന്ന് തലയാട്ടി..

"""അതാണ് എന്റെ സച്ചൂട്ടന്റെ റൂം... ""'

ഇളിച്ചു കൊണ്ട് നീരു പറഞ്ഞു....

""സച്ചൂട്ടനോ....??"""

മനസിലാക്കാതെ അവളെ നോക്കി....

"""ഹ്മ്മ്.... ഇന്ന് കണ്ടില്ലേ.... സാത്വിക് ശ്രീനാഥ്.... അതാണ് എന്റെ സച്ചൂട്ടൻ.. """

കണ്ണിറുക്കി ചിരിച്ചു കൊണ്ട് നീരു പറഞ്ഞു....

ആക്കിയ രീതിയിൽ ഒന്ന് തലയാട്ടിയതും അവൾ ചിരിയോടെ റൂമിന്റെ ഡോർ തുറന്നു.....

ആദ്യം തന്നെ വല്യ ഹാൾ ആണ്.... അതിന്റെ ഒരു ഭാഗത്തു ഒരു ബെഡ്‌റൂം... മറുഭാഗത് കിച്ചണും....

എല്ലാം നോക്കി നിൽക്കുന്നതിനിടയിൽ നീരു വിളിച്ചു....

""'അത് നിന്റെ മമ്മയുടെ അനിയത്തി ആണോ... ""''

സംശയത്തോടെ നീരു നോക്കി നിൽക്കുന്നുണ്ട്....

ഒന്ന് ചിരിച്ചു കൊടുത്തു.... റൂമിലേക്ക് കയറി ബാഗ് അടുക്കി വച്ചു.... റൂമിൽ നിന്നും തുറക്കുന്ന ബാൽക്കണിയിലേക്ക് നടന്നു.... മുംബൈ സിറ്റി മുഴുവനും കാണാൻ കഴിയുന്നുണ്ട്.... തിരക്കാണ് എങ്ങും.... എവിടെയും.... എന്തൊക്കെയോ ഓർമ്മകൾ.... കണ്ണ് നിറയുന്നു..... എവിടെ നിന്നോ വീശിയ കാറ്റിൽ അവളുടെ ചെമ്പൻ മുടികൾ പാറിപറന്നു......









 

(തുടരും)


 

സംശയങ്ങൾ ഒക്കെ വരും പാർട്ടുകളിൽ തീർക്കാം.... അഭിപ്രായം പറയൂ....