💖*SOULMATE*💖

Part-- 4️

✍അർച്ചന

© Copyright work-This work protected in accordance with section 45 of the copyright act 1957 (14 of 1957) and should not  used in full or part without the creators (Archana)prior permission..

______________________________________

"""എമി.... ഇറങ്ങാം.... ""

ഡോറിൽ കൊട്ടിക്കൊണ്ട് നീരു വിളിച്ചതും വേഗം ഒരുങ്ങി ഇറങ്ങി പുറത്തേക്ക് നടന്നു.....

""ഇത്ര നേരത്തെ അവിടെ എത്തണോ...""

എമി സംശയത്തോടെ നീരുവിനെ നോക്കി.... അവൾ കണ്ണിറുക്കി ചിരിച്ചു പുറത്തേക്ക് ഇറങ്ങി....നീരുവിനെ ഒന്ന് കൂർപ്പിച്ചു നോക്കി കൊണ്ട് അവളും പുറകെ ചെന്നു....

അടഞ്ഞു കിടക്കുന്ന അടുത്ത റൂമിലേക്ക് നോക്കി നിൽക്കുന്നുണ്ട് അവൾ...

"""ഇതിനാണോ നീ എന്നേം വലിച്ചു വന്നത്... """

നീരു ചുണ്ട് ചുളുക്കി....

"""ഇപ്പൊ വരും.... ഒന്ന് കണ്ടിട്ട് പോകാംന്ന് കരുതി... """

ചെറു ചിരിയോടെ അവളെ നോക്കി തലയാട്ടി... അവൾ കാളിംഗ് ബെൽ അടിച്ചു.... കുറച്ചു കഴിഞ്ഞതും ആരോ ഡോർ തുറന്നു.... എമി തിരിഞ്ഞു നോക്കി....

"""ഇയാളോ... "'"

അവൾ സംശയത്തോടെ അവനെ നോക്കി....

"""കിച്ചേട്ടാ.... ഗുഡ് മോർണിംഗ്... """

നീരു അവനെ കെട്ടിപിടിച്ചു.... അവൻ ചിരിയോടെ അവളെ ചേർത്ത് പിടിച്ചു..

"""മോർണിംഗ്.. ""

അവനും പറഞ്ഞു.... പിന്നെ സംശയത്തോടെ നിൽക്കുന്ന എമിക്ക് നേരെ തിരിഞ്ഞു....

""""ഹേയ്.... ആലീസ്... ഞാൻ തന്റെ ബോസ് അല്ലേ.... കുറച്ചു ബഹുമാനം ഒക്കെ തരാം.... At least ഒരു മോർണിംഗ് വിഷ് എങ്കിലും ചെയ്യാം..... """"

അവൻ ചിരിയോടെ പറഞ്ഞു....

അവൾ ഞെട്ടലോടെ അവനെ നോക്കി....

""""മോർണിംഗ്.... """

അവൾ പതിഞ്ഞ ശബ്ദത്തിൽ പറഞ്ഞു....

"""താൻ മലയാളി ആണെന്ന് കരുതിയിരുന്നില്ല........Anyway iam Kailas.."""

അവൻ അവൾക്ക് നേരെ കൈനീട്ടി.... അവൾ അവനിലേക്ക് കൈ ചേർത്തു...

"""Alice Emma Mariam... ""

""ഹ്മ്മ്.... ഞാൻ ബയോഡാറ്റ കണ്ടിരുന്നു...."""

അവൾ ചിരിച്ചു... അവനും....

"""അല്ല.... നിങ്ങൾ എന്താ ഇത്ര നേരത്തെ... """

അകത്തേക്ക് എത്തി നോക്കുന്ന നീരുവിന്റെ തലയിൽ ഒന്ന് കൊട്ടി കൊണ്ട് അവൻ ചോദിച്ചു...

"""ചുമ്മാ... """

അവൾ തല ഉഴിഞ്ഞു കൊണ്ട് കണ്ണിറുക്കി ചിരിച്ചു മറുപടി പറഞ്ഞു....

""""അവൻ പാർക്കിങ്ങിലേക്ക് പോയി.... നോക്കിയിട്ട് കാര്യം ഇല്ല.... """"

വീണ്ടും അകത്തേക്ക് തലയിട്ട് നോക്കുന്ന നീരുവിനോടായി അവൻ പറഞ്ഞു....

"""പോയല്ലേ... """

അവൾ ചമ്മലോടെ ചോദിച്ചു.... എമിയും കൈസിയും ചിരിച്ചു....

"""ഞാൻ ഇറങ്ങാൻ നിൽക്കുവാ...."""

""""എങ്കിൽ ഞങ്ങളും വന്നോട്ടെ.... """

അവൻ പറഞ്ഞു തീരലും അവളുടെ ചോദ്യം വന്നിരുന്നു...

"""ഓഹോ... അപ്പൊ നേരത്തെ റെഡി ആയി വന്നതിന്റെ ഉദ്ദേശം ഇതായിരുന്നല്ലേ.... എനിക്ക് തോന്നി.... """

അവൻ കൃത്രിമ ദേഷ്യത്തോടെ അവളെ നോക്കി....

"""ഇന്നലെ രാവിലെ കണ്ടതിൽപിന്നെ ഞാൻ ഒന്ന് കണ്ടിട്ട് പോലും ഇല്ല.... അതോണ്ടല്ലേ.... പ്ലീസ്.... """"

അവൾ ചുണ്ട് കൂർപ്പിച്ചു കൊണ്ട് അവനോട് കെഞ്ചി....

""""നോ വേ.... അവന്റെ സ്വഭാവം നിനക്ക് അറിയില്ലേ മോളൂസേ... ഇന്ന് മുഴുവൻ മുഖവും വീർപ്പിച്ചു നിൽക്കാൻ ഈ ഒരൊറ്റ കാരണം മതി.... """""

അതോടെ നീരുവിന്റെ മുഖം വാടി.... അവൾ അവനെ ഒന്ന് നോക്കി തലയാട്ടി തിരിഞ്ഞു നടന്നു.... എമി അവളുടെ പുറകെ കൂടി...

""""ആലീസ്...... """

പിറകിൽ നിന്നും അവന്റെ വിളി വന്നതും അവൾ തിരിഞ്ഞു നോക്കി....

""""പാർക്കിങ്ങിൽ വെയ്റ്റ് ചെയ്തോ.... ഞാൻ വരാം.... ഒന്നിച്ചു പോകാം...""""

അവൾ നീരുവിനെ നോക്കി..... നീരു ചിരി കടിച്ചു പിടിച്ചാണ് നടപ്പ്....

"""എന്താടാ.... """

"""എമി അവളെ തട്ടി.... """"

""എന്റെ കിച്ചേട്ടൻ അല്ലേ ആള്.... ഇങ്ങനെയേ പറയൂന്ന് എനിക്ക് അറിയാം..... ചുമ്മാ ഒന്ന് സെന്റി ആയാൽ മതി... അപ്പൊ തന്നെ എന്ത് റിസ്ക്കും എടുക്കും.... ഇപ്പൊ കണ്ടില്ലേ.... എനിക്ക് വേണ്ടി ഇന്ന് സച്ചുഏട്ടനും ആയി വഴക്ക് ആയിരിക്കും.... അത് അറിയാമായിരുന്നിട്ടും എന്നോട് ഒന്നിച്ചു വന്നൊന്ന് പറഞ്ഞില്ലേ.... അതാണ് എന്റെ കിച്ചേട്ടൻ....."""""

അവളുടെ സംസാരം കെട്ട് എമി മനസ്സറിഞ്ഞു ചിരിച്ചു....

""ഈ കിച്ചേട്ടന്റെ PA ആണ് നീ.... അതോണ്ട് പേടിക്കുകയൊന്നും വേണ്ട.... അത്ര പെട്ടെന്ന് ദേഷ്യം ഒന്നും വരില്ല.... പക്ഷേ വന്നാൽ..... അത് ഒന്നൊന്നര ദേഷ്യം ആയിരിക്കും.... മാക്സിമം എല്ലാം ആള് അഡ്ജസ്റ്റ് ചെയ്യും..... പക്ഷേ കിച്ചേട്ടന് ഇഷ്ട്ടുള്ളവർക്ക് എന്തേലും പറ്റിയാൽ അത് സഹിക്കാൻ കഴിയില്ല....""

""""നീ എങ്ങനെയാ കൈലാസ് സാറും ആയി ഇത്രേം ക്ലോസ്.... നിന്റെ ശെരിക്കും ബ്രദർ ആണോ ആള്.... """"

എമി മനസ്സിൽ ഉള്ള സംശയം ചോദിച്ചു....

"""ഞാൻ ഇവിടെ ജോയിൻ ചെയ്തിട്ട് രണ്ട് വർഷം ആയി....സച്ചുന്റെ കീഴിൽ ആണ് എന്റെ ജോലി.... അതുകൊണ്ട് തന്നെ ഏത് നേരവും ആ മുഖം കാണണം.... കിച്ചേട്ടനെ പോലെ ഒന്നും അല്ല ആള്.... ഭയങ്കര ദേഷ്യം ആണ്.... ഉഫ്.... ഇതുവരെ മറ്റൊരിടത്തും എക്സ്പീരിയൻസ് ഇല്ലാത്തത് കൊണ്ട് ഞാൻ എന്ത് വർക് ചെയ്താലും അതിൽ ചെറിയ തോതിൽ എങ്കിലും മിസ്റ്റേക്ക് ഉണ്ടാവുമായിരുന്നു.....അതിനൊക്കെ വയറു നിറയെ ചീത്തയും കിട്ടി ബോധിച്ചിരുന്നു.... പക്ഷേ ഒരു ദിവസം ഒരു മിസ്റ്റേക്ക് പോലും ഇല്ലാതിരുന്നിട്ടും ആ കോന്തൻ എന്നെ ചീത്ത പറഞ്ഞു.... അതും ഞാൻ ഇന്നേവരെ കെട്ടിട്ടില്ലാത്ത വെറൈറ്റി തെറികൾ ഹിന്ദിയും ഇംഗ്ലീഷും മലയാളവും ഒക്കെ മിക്സ് ആയിട്ട്....

ആ സ്പോട്ടിൽ തന്നെ ഞാൻ കരയാൻ തുടങ്ങി.... എന്റെ കരച്ചിൽ കണ്ടു ബാക്കിയുള്ള എംപ്ലോയീസ് ഒക്കെ ഞങ്ങളെ നോക്കാൻ തുടങ്ങിയതും ആള് ടെൻഷൻ ആയി... അപ്പൊ തന്നെ കിച്ചേട്ടനെ വിളിച്ചു വരാൻ പറഞ്ഞു....

കിച്ചേട്ടൻ വന്നു എന്നെ സമാധാനിപ്പിച്ചു സച്ചുനെ കുറേ വഴക്ക് പറഞ്ഞു..... അതോടെ ഞാൻ ഹാപ്പി....

പിന്നീട് എന്നെ കാണുമ്പോൾ ഒക്കെ വെളിച്ചപ്പാടിനെ പോലെ ഉറഞ്ഞു തുള്ളും ആള്.... അതിന്റെ ഇടയിൽ കിച്ചേട്ടനും ആയി കൂട്ടായി.... ആളുടെ അനിയത്തി ആയി ഞാൻ സ്വയം പ്രഖ്യാപിച്ചു.... കിച്ചേട്ടനും അങ്ങനെയേ കണ്ടിട്ടുള്ളൂ....

ആദ്യം ആയിട്ട് ആ കോന്തനോട് ഒരു ഇഷ്ടം തോന്നിയപ്പോൾ പോയി പറഞ്ഞതും കിച്ചേട്ടനോട് ആണ്.... ആള് അവനോട് നേരിൽ പോയി കാര്യം പറയാൻ പറഞ്ഞു.... പോയി പറഞ്ഞു.... നല്ല അസ്സൽ ഒരു അടി കിട്ടി.... ഉഫ്ഫ്...."""

ആ ഒരു ഓർമയിൽ നീരു കവിളിലേക്ക് കൈ വച്ചു.... എന്നിട്ട് തലകുടഞ്ഞു എമിയെ നോക്കി.... അവൾ ചിരിക്കുകയാണ്.... നീരുവും ഒന്ന് ചിരിച്ചു കൊടുത്തു....

""""എന്നിട്ട്.... """"""

എമി ആകാംക്ഷയോടെ ചോദിച്ചു...

""""എന്നിട്ട്..... """

ബാക്കി പറയാൻ ഒരുങ്ങുമ്പോഴേക്കും കൈസി വരുന്നത് കണ്ടു....

"""നിങ്ങൾ ഇതുവരെ പോയില്ലേ... """

പാർക്കിങ്ങിനു മുന്നിൽ നിൽക്കുന്ന അവരെ നോക്കി അവൻ ചോദിച്ചു....

"""കിച്ചേട്ടൻ ആദ്യം പൊക്കോ.... എന്നിട്ട് ഞങ്ങൾ വരാം.... """

നീരു കള്ളച്ചിരിയോടെ പറഞ്ഞു.... അവൻ മുന്നിൽ നടന്നു....

"""" എന്നിട്ട് എന്തായി... ""'

എമി വീണ്ടും ചോദിച്ചു....

""""എന്റെ പൊന്നെ.... എന്തൊരു ആക്രാന്തം..... ബാക്കി അവിടെ എത്തിയിട്ട് പറയാം... അല്ലെങ്കിൽ നമ്മളെ കൂട്ടാതെ പോകും അവർ..."""'

അവൾ അതും പറഞ്ഞു എമിയുടെ കയ്യും പിടിച്ചു വലിച്ചു കൈസിയുടെ പിന്നാലെ നടന്നു....

""""നീ എങ്ങോട്ടാടി ഇടിച്ചു കയറി വരുന്നേ..."""

എമിയുടെ കയ്യും പിടിച്ചു കൈസിയുടെ പിന്നിൽ നിൽക്കുന്ന നീരുവിനെ നോക്കി സച്ചു ചോദിക്കുന്നത് കെട്ട് അവൾ അവനെ നോക്കി കോട്ടി ചിരിച്ചു കൊണ്ട് കാറിന്റെ ബാക്ക്സീറ്റ് തുറന്നു ഇരുന്നു....

"""""ഡാ.... ""'

""'എന്താടാ....."''

കൈസി പതിയെ വിളി കേട്ടു....

""അവളെ പറഞ്ഞു വിട്.... അവൾക്ക് വണ്ടി ഇല്ലേ.... അതിൽ പോകാൻ പറ...""

"""നിന്റെ കാർ അല്ലേ നീ പറഞ്ഞോ... ""'

കള്ളച്ചിരിയോടെ കൈസി പറഞ്ഞതും സച്ചു അവനെ കൂർപ്പിച്ചു നോക്കി...

""ഞാൻ ഡ്രൈവ് ചെയ്യാം... നീ കയറ്..."""

കൈസി അവനെ നോക്കാതെ പറഞ്ഞു കാറിൽ കയറി.... വേറെ വഴി ഇല്ലാത്തത് കൊണ്ട് അവനും കോ ഡ്രൈവർ സീറ്റിൽ കയറി ഇരുന്നു.....
ഡോർ ശക്തിയിൽ വലിച്ചടച്ചു....

പുറകിൽ നിന്നും നീരു വായ പൊത്തി ചിരിച്ചതും എമി അവളുടെ കാലിൽ പതിയെ തല്ലി....

നീരു അവളെ നോക്കി കണ്ണുചിമ്മി....

"""കിച്ചേട്ടാ.... ഞാൻ ഒരു പാട്ട് പാടട്ടെ...."""

നീരു മുന്നോട്ട് ചാഞ്ഞിരുന്നു സച്ചുവിന്റെ ചവിയരുകിലേക്ക് മുഖം ചേർത്ത് കൊണ്ട് ചോദിച്ചു.... സച്ചു മുഖം തിരിക്കാതെ ഒരു കൈ കൊണ്ട് അവളുടെ മുഖം തിരിച്ചു....

അവൾ മുഖം ചുളിച്ചു....

""""നീ പാട് നീരൂട്ടി.... """

സച്ചുവിനെ ഒന്ന് ഇടം കണ്ണിട്ട് നോക്കി കൊണ്ട് കൈസി പറഞ്ഞു....

അവൾ അപ്പൊ തന്നെ തൊണ്ട ഒക്കെ ശെരിയാക്കി പാടാൻ റെഡി ആയി....

"""നീ പാടുവോ.... ""'

എമി അവളെ സംശയത്തോടെ നോക്കി....

"""""ഹ്മ്മ്... പാടും.... എരുമ ഗാനം എന്ന് കെട്ടിട്ടില്ലേ ആലീസേ നീ..... അതാ ഇപ്പൊ കേൾക്കാൻ പോകുന്നത്.... ചെവി പൊത്തിപ്പിടിച്ചു ഇരുന്നോ.... അടിച്ചു പോകാൻ ചാൻസ് ഉണ്ട്....."""''

അവളെ നോക്കാതെ തന്നെ സച്ചു പറഞ്ഞതും എമി ചിരിച്ചു.... നീരു അവളെ കൂർപ്പിച്ചു നോക്കി....അതോടെ എമി വാ പൊത്തി.... അപ്പോഴും അവൾ ചിരിക്കുന്നുണ്ടായിരുന്നു.....

""""നീ പാട് നീരൂ.... തളർത്താൻ ഒരുപാട് പേര് ഉണ്ടാകും.... നിന്നെ സപ്പോർട്ട് ചെയ്യാൻ ഞാൻ ഇല്ലേ... നീ ധൈര്യം ആയി പാടിക്കോ...""""

കൈസി പെണ്ണിന് കോൺഫിഡൻസ് കൊടുത്തതും എമിയെയും സച്ചുവിനെയും പുച്ഛിച്ചു തള്ളി അവൾ വീണ്ടും തൊണ്ട ശെരിയാക്കി....

🎶കാറ്റേ നീ വീശരുതിപ്പോള്‍
കാറേ നീ പെയ്യരുതിപ്പോള്‍
ആരോമല്‍ തോണിയിലെന്റെ
ജീവന്റെ ജീവനിരിപ്പൂ(2)

നീലത്തിരമാലകള്‍ മേലേനീന്തുന്നൊരു നീര്‍ക്കിളിപോലേ
കാണാമത്തോണി പതുക്കെആലോലം പോകുന്നകലേമാരാ നിന്‍ പുഞ്ചിരിനല്‍കിയരോമാഞ്ചം മായുംമുമ്പേ🎶

""""മോളെ.... മതി... മതി... മതി.... ""'

അവളെ പാടി പൂർത്തിയാക്കാൻ വിടാതെ കൈസി ഇടയിൽ കയറി പറഞ്ഞു....

എമിയും സച്ചുവും ചിരി കടിച്ചു പിടിച്ചു ഇരിക്കുകയാണ്...

"""എന്താ കിച്ചേട്ടാ.... പാട്ട് കൊള്ളൂലേ...""

സങ്കടത്തോടെ അവൾ ചോദിക്കുന്നത് അവൻ മിററിലൂടെ കണ്ടു....

"""പാട്ട് അടിപൊളി ആയിരുന്നല്ലോ.... ഇപ്പൊ ഇവിടെ എത്തിയില്ലേ.... അതുകൊണ്ട് പറഞ്ഞതാ.... ബാക്കി നമുക്ക് പിന്നെ എപ്പോഴെങ്കിലും പാടാംട്ടോ.... ""''

ദയനീയതയോടെ കൈസി പറഞ്ഞതും സച്ചു പൊട്ടിച്ചിരിച്ചു..... അവന്റെ ചിരി കണ്ടതും എമിയും ചിരിച്ചു പോയിരുന്നു....

നീരു കൈസിയെ കൂർപ്പിച്ചു നോക്കി...

അവൻ എമിയെയും സച്ചുവിനെയും നോക്കി പല്ല് കടിച്ചു....

""""എന്തിനാടാ നീയൊക്കെ ചിരിക്കൂന്നേ.... എന്റെ കൊച്ച് എന്ത് നന്നായിട്ട് പാടിയതാ.....""'

കൈസി ചിരി ഒളിപ്പിച്ചു വച്ചു കൊണ്ട് ചോദിച്ചതും സച്ചു ചിരിയുടെ വോളിയം കുറച്ചു കൂടെ കൂട്ടി....

കൈസി ASK Design's എന്ന് എഴുതിയ കമ്പനിയിലേക്ക് വണ്ടി കയറ്റി.... കാർ പാർക്ക്‌ ചെയ്തതും സച്ചു ഇറങ്ങി... എമിയും നീരുവും കൈസിയും ഇറങ്ങിയതും സച്ചു നീരുവിനെ നോക്കി ചിരിക്കാൻ തുടങ്ങി......

അവൾ പല്ല് കടിച്ചു അവനെ നോക്കി...

എമിയും ചിരിക്കുന്നുണ്ട്.... കൂടെ കൈസിയും....

അപ്പൊ തന്നെ നീരു സച്ചുവിനെ പിടിച്ചു തന്നിലേക്ക് അടുപ്പിച്ചു.... അവന്റെ ചുണ്ടിലേക്ക് അവൾ ചുണ്ട് ചേർത്ത് വച്ചു.....

എമി കണ്ണും തുറന്നു അവരെ നോക്കി.... കൈസി അവരെ ഒന്ന് നോക്കിയ ശേഷം കണ്ണും തള്ളി നിൽക്കുന്ന എമിയുടെ കയ്യും പിടിച്ചു പുറത്തേക്ക് നടന്നു.....


 

(തുടരും)

💖