💖*SOULMATE*💖

Part-- 5️

✍അർച്ചന

 

© Copyright work-This work protected in accordance with section 45 of the copyright act 1957 (14 of 1957) and should not  used in full or part without the creators (Archana)prior permission..

______________________________________

 

 

"""നീ എന്തിനാ അവരെ നോക്കി വെള്ളം ഇറക്കി നിൽക്കുന്നെ... """

"""ഏഹ്... """

എമി കണ്ണ് കൂർപ്പിച്ചു അവനെ നോക്കി...

""'ഞാൻ നോക്കീട്ട് ഒന്നും ഇല്ല... """

അവൾ അവനെ നോക്കി മുഖം തിരിച്ചു...

"""ഇല്ലേ... "'"

സംശയഭാവത്തോടെ അവളുടെ മുന്നിൽ കയറി നിന്ന് അവൻ ചോദിച്ചതും പെണ്ണ് അവനെ ഒന്ന് നോക്കിയ ശേഷം മുഖം താഴ്ത്തി....

""'അത്... പെട്ടെന്ന്... അങ്ങനെ ഒക്കെ... കണ്ടപ്പോൾ..... ""'

"""കണ്ടപ്പോൾ....""'"

"""കണ്ടപ്പോൾ.... ഇയാളും നോക്കീലേ.... എന്നെ മാത്രം പറയുന്നു.... """

അവൾ അവനെ നോക്കി മുഖം ചുളിച്ചു...

അവൻ ചിരിയടക്കി പിടിച്ചു അവളെ ഒന്ന് നോക്കി തലയാട്ടി....

"""തനിക്ക് ടെൻഷൻ വരുന്നുണ്ടോ... """"

രണ്ട് കൈ വിരലുകളും കൂട്ടി പിടിച്ചു ഞെട്ടുപൊട്ടിച്ചു കൊണ്ട് നിൽക്കുന്നവളെ നോക്കി കൈസി ചോദിച്ചു....

അവൾ ഒന്നും മിണ്ടിയില്ല....

"""വാ... പോകാം... ""

അവൻ മുന്നിൽ നടന്നതും അവൾ അവിടെ തന്നെ  നിന്നു....

""താൻ വരുന്നില്ലേ.... ""

കുറച്ചു ദൂരം ചെന്നതും അവൻ തിരിഞ്ഞു നോക്കി അവളോട് ചോദിച്ചു...

"""അവർ.... """"

അവൾ അതും പറഞ്ഞു പിറകിലേക്ക് കൈ ചൂണ്ടി....

""""അവർ വന്നോളും... നീ വാ..."""

അവൾ അപ്പൊ തന്നെ അവന്റെ അടുത്തേക്ക് നടന്നു.... അവന്റെ കൂടെ കമ്പനിയുടെ ഉള്ളിലേക്ക് കയറി....

ഒരു ഭാഗം മുഴുവൻ ഡിസൈൻ ചെയ്തു വച്ച ഡ്രെസ് ആണ്..... എല്ലാം നല്ല വർക് ഉള്ള ഗൗൺ ആണ്...

അതിന്റെ നേരെ ഓപ്പോസിറ്റ് ആയിട്ട് ജിം പോലെ ഒന്നാണ്....

"""ഇത് എന്തിനാ ഇവിടെ... """

അവൾ അങ്ങോട്ട് ചൂണ്ടി കൊണ്ട് അവനോട് ചോദിച്ചു....

""'മോഡൽസിന്റെ ഫിറ്റ്നസ് നിലനിർത്തണ്ടേ.... """

അവൾ തലയാട്ടി.... പിന്നെയും മുന്നോട്ട് നടന്നു.... മുകളിലേക്ക് സ്റ്റെപ് കയറി....

അവിടെ മുഴുവൻ  ഓരോ ക്യാബിൻ ആണ്.... കുറേ പേര് വർക് ചെയ്യുന്നുണ്ട്...

അവൾ അവിടെ ഒക്കേ ഒന്ന് കണ്ണോടിച്ചു...

"""വാ.... അതാണ്‌ എന്റെ ക്യാബിൻ... ""'

കൈസി മുന്നോട്ട് നടന്നു...അവൾ അവന് പിറകെ ക്യാബിനിലേക്ക് കയറി ചെന്നു....

""തനിക്ക് ഈ ജോലിയിൽ എക്സ്പീരിയൻസ് ഒന്നും ഇല്ലല്ലോ.... അതുകൊണ്ട് ദേ അവിടെ ഇരുന്നോ... തനിക്ക് ലഭിക്കുന്ന വർക്കിൽ എന്തെങ്കിലും ഡൌട്ട് ഉണ്ടെങ്കിൽ എന്നോട് വന്നു ചോദിക്കാം.... ഓക്കേ...""'

അവൻ അതും പറഞ്ഞു അവന്റെ ക്യാബിനിലായ് സെറ്റ് ചെയ്തിട്ടുള്ള മറ്റൊരു റൂം അവൾക്ക് കാണിച്ചു കൊടുത്തു... അവൾ അങ്ങോട്ട് ചെന്നു...

അവൻ കുറച്ചു ഫയൽസും ആയി അവളുടെ അടുത്തേക്ക് ചെന്നു....

""""ഇതിലെ എമൗണ്ട് ഒക്കെ കറക്ട് അല്ലേ എന്ന് ചെക്ക് ചെയ്യണം.... ഇന്ന് ഫസ്റ്റ് ഡെ അല്ലേ.... തലക്കാലം ഇത് ചെയ്‌താൽ മതി.....""""

അവൾ ആ ഫയൽസ്‌ വാങ്ങി.... അവൻ അവന്റെ സീറ്റിലേക്ക് പോയി ഇരുന്നു....

                          *************

"""ഇനി ചിരിക്കുവോ.... """"

നീരു സച്ചുവിന്റെ ഷർട്ടിന്റെ കോളറിൽ മുറുകെ പിടിച്ചു കൊണ്ട് ചോദിച്ചു....

അവൻ അവളെ തുറിച്ചു നോക്കി.... ദേഷ്യം കൊണ്ട് അവന്റെ മുഖം ചുവന്നു വന്നിരുന്നു...

""""ചിരിക്കുവോന്ന്.... """""

അവൾ ഒന്ന് കൂടെ അവനിലേക്ക് ചേർന്ന് നിന്നു.....

"'''മാറി നിൽക്ക്.... """

അവൻ ദേഷ്യം കടിച്ചമർത്തി കൊണ്ട് പറഞ്ഞു....

അവൾ അവനെ നോക്കി ചുണ്ട് കൂർപ്പിച്ചു...

"""മാറിനിൽക്കെടി പുല്ലേ.... """

അവൻ അവളുടെ കൈ കുടഞ്ഞെറിഞ്ഞു ഷർട്ട്‌ ശെരിയാക്കി....

അവൾ ഒന്ന് വേച്ചു പോയെങ്കിലും അവൻ അത് കാണാത്ത മട്ടിൽ അവളിൽ നിന്ന് മുഖം തിരിച്ചു നടന്നു....

"""എടോ... ഞാനും വരുന്നു...... എന്നേം കൂട്ടെടോ... ""

അവൾ അവളുടെ ബാഗും കയ്യിൽ പിടിച്ചു അവന് പിറകെ ഓടി... കാറ്റ് പോലെ വേഗത്തിൽ അവൻ കൈസിയുടെ ക്യാബിൻ ലക്ഷ്യമാക്കി നടന്നു.....

"""""ഡാ..... """

അലറി കൊണ്ട് ക്യാബിൻ ഡോർ തുറന്നു അവൻ അകത്തേക്ക് കയറി....

കൈസി ചിരിയോടെ അവനെ നോക്കി....

""""അവന്റെ ഒരു ഇളി..... നിന്നോട് ഞാൻ അപ്പോഴേ പറഞ്ഞത് അല്ലേ അതിനെ വിളിച്ചു വണ്ടിയിൽ കയറ്റണ്ടെന്ന്.... എന്നിട്ട്..... ക്ഷമയുടെ നെല്ലിപലകയും കണ്ടിട്ടാ ഞാൻ ഇവിടെ നിൽക്കുന്നെ....എനിക്ക് എല്ലാം ഇട്ടെറിഞ്ഞു പോകാൻ അറിയാഞ്ഞിട്ടല്ല.... നിന്റെ..... """""

ബാക്കി പറയാതെ അവൻ നിർത്തി..... കൈസി അവനെ നോക്കി നിൽക്കുകയായിരുന്നു.....

""""സോറി ഡാ.... ഞാൻ.... ""'"

സച്ചുവിന്റെ കണ്ണ് നിറഞ്ഞു..... കൈസി അവനെ നോക്കി കണ്ണ് ചിമ്മി.....

"""പോട്ടെടാ.... അവൾ പാവം അല്ലേ... ഞാൻ പറഞ്ഞോളാം..... ഇനി ഉണ്ടാവില്ല.... ഞാൻ വാക്ക് തരുന്നു... """

കൈസി മുന്നോട്ട് വന്നു അവനെ കെട്ടിപിടിച്ചു..... ക്യാബിനു പുറത്തു നിന്ന് അവരെ നോക്കി നഖം കടിക്കുന്ന നീരുവിനെ അവൻ അമർത്തി നോക്കി...

അവൾ മുഖം ചുളിച്ചു കരയുന്ന പോലെ ആക്കി..... അവൻ ചൂണ്ട് വിരൽ കൊണ്ട് പോകാൻ ആക്ഷൻ കാണിച്ചു.... അപ്പൊ തന്നെ അവൾ തലയാട്ടിക്കൊണ്ട് ഓടി...

""""പെണ്ണിന് കുറച്ചു കൂടുന്നുണ്ട്.... നീ ചെറുതായി പേടിപ്പിച്ചോ... ഇല്ലേൽ ശെരിയാകില്ല.... """

അവനെ നോക്കി ചിരിച്ചു കൊണ്ട് കൈസി പറഞ്ഞതും സച്ചു ചിരിച്ചു...

"""നീ ഒറ്റരാൾ കാരണം ആണ് ഞാൻ അതിനെ ഒന്നും പറയാതെ എല്ലാം സഹിച്ചു നിന്നത്.... ഇനി വരട്ടെ.... എന്തായാലും നിന്റെ പെർമിഷൻ കിട്ടിയല്ലോ..... """"

"""''ഡാ.... ഡാ.... ഞാൻ പറഞ്ഞെന്ന് വച്ചു അതിനെ കരയിപ്പിക്കാൻ എങ്ങാനും നോക്കിയാൽ..... """'

കൈസി വിരൽ ചൂണ്ടി....

""""അതിനൊന്നും ഞാൻ ഉത്തരവാദി അല്ല.... എനിക്ക് പെർമിഷൻ കിട്ടി.... അത് മതി...."""'

അതും പറഞ്ഞു കൈസിയുടെ കവിളിൽ ഒരു ഉമ്മയും കൊടുത്തു സച്ചു പുറത്തേക്ക് ഇറങ്ങി....

സച്ചു പോകുന്നതും നോക്കി ചെറു ചിരിയോടെ അവൻ സീറ്റിലേക്ക് ഇരുന്നു...

അപ്പോഴാണ് അവരെ നോക്കി കണ്ണ് തള്ളി നിൽക്കുന്ന എമിയെ അവൻ കണ്ടത്....

എന്താണെന്ന് പുരികം പൊക്കി ചോദിച്ചതും അവൾ ഒന്നുമില്ലെന്ന് തോൾ പൊക്കി കാണിച്ചു ഫയലിലേക്ക് മുഖം തിരിച്ചു...... അവൻ ചിരിച്ചു.....

                     ****************

"""കിച്ചേട്ടാ.... എമി എവിടെ....""'

ഉച്ചയോട് അടുത്തതും ക്യാബിൻ ഡോർ തള്ളി തുറന്നു തല മാത്രം അകത്തേക്കിട്ട് ചോദിക്കുന്ന നീരുവിനെ അവൻ ഒന്ന് നോക്കി....

പിന്നെ നോട്ടം ടേബിളിൽ തലവച്ചു കിടന്നു ഉറങ്ങുന്ന പെണ്ണിലേക്കും നീണ്ടു....

നീരു അകത്തേക്ക് കടന്നു..... എമിയെ കണ്ടതും അവൾ വാ പൊത്തി ചിരിച്ചു കൊണ്ട് കൈസിയെ നോക്കി.....

അവൻ കൂർപ്പിച്ചു നോക്കിയതും അവൾ ഇളിച്ചു കൊടുത്തു....

"""'ഞാൻ അവളെ ഫുഡ് കഴിക്കാൻ വിളിക്കാൻ വന്നതാ.... കിച്ചേട്ടൻ വരുന്നോ....""

""""ഞാൻ ഇല്ല.... അവളേം വിളിച്ചു പൊക്കോ...ആദ്യം നീ അവളെ ആ ഉറക്കത്തിൽ നിന്ന് എഴുന്നേൽപ്പിക്ക്....""

അവൻ അതും പറഞ്ഞു അവളിലേക്ക് നോക്കി.... നീരു അവൾക്കടുത്തേക്ക് നടന്നു...

"'"'എമി.... എമി.... ""

അവളെ കുലുക്കി വിളിച്ചു... എവിടെ... പെണ്ണ് കുറുകി കൊണ്ട് തിരിഞ്ഞു കിടന്നു.....

""""ഡീ..... ""

ടേബിളിൽ ശക്തിയിൽ അടിച്ചു കൊണ്ട് നീരു അലറിയതും എമി ഞെട്ടിപിടഞ്ഞു എഴുന്നേറ്റു.....

'''''എല്ലാം കറക്റ്റ് ആണ്.... "''

ഫയൽസ് കയ്യിൽ എടുത്തു നീരുവിനു നേരെ നീട്ടിക്കൊണ്ട് അവൾ പറഞ്ഞതും. നീരു പൊട്ടിച്ചിരിച്ചു..... കൈസിയുടെ ചിരി കൂടെ കേട്ടപ്പോൾ അവളുടെ ഉറക്കം തെളിഞ്ഞത്.....

മുഖം ഒന്ന് അമർത്തി തുടച്ചു കൊണ്ട് അവൾ അവരെ രണ്ടാളേം നോക്കി ഒന്ന് ഇളിച്ചു കൊടുത്തു....

""""ആദ്യ ദിവസം തന്നെ  ഉറങ്ങാൻ തുടങ്ങിയാൽ നീ എങ്ങനെ ഇവിടെ തുടർന്നു പോകും....."""""

കൈസി അല്പം സീരിയസ് ആയി ചോദിച്ചതും അവൾ മുഖം താഴ്ത്തി....

'''''സോറി..... ""'

""""ഹ്മ്മ്..."""

അവൻ ഒന്ന് അമർത്തി മൂളി.....

"""'വാ... ഫുഡ് കഴിക്കാം.... ""

നീരു അവളേം വിളിച്ചു നടന്നു.....നേരെ പോയത് ക്യാന്റീനിലേക്ക് ആണ്....

"'"നിനക്ക് എന്താ വേണ്ടത്... ""'

നീരു മുന്നിൽ ഇരുന്നു കണ്ണ് തിരുമ്മുന്ന എമിയോട് ചോദിച്ചു....

'"""സാൻഡ്‌വിച് മതി...."'

ഉറക്കം തെളിയാത്തത് പോലെ അവൾ പതിയെ പറഞ്ഞു.....

""""ഡീ.... നിനക്ക് എന്റെ ബാക്കി കഥ കേൾക്കണ്ടേ....""""

ഉറക്കം തൂങ്ങി ഇരിക്കുന്ന എമിയോട് അവൾ ചോദിച്ചതും പെണ്ണ് പെട്ടെന്ന് തന്നെ റെഡി ആയി വേണമെന്ന് തലയാട്ടി.....

"""ഉഫ്ഫ്.... എന്തൊരു ആക്രാന്തം.... """

നീരു പറഞ്ഞത് കേട്ട് എമി ചിരിച്ചു....

"''അപ്പൊ നമ്മൾ എവിടെയാ നിർത്തിയെ... "'"

മുന്നിൽ കിട്ടിയ സാൻഡ്‌വിച് കടിച്ചു കൊണ്ട് അവൾ ചോദിച്ചു....

"""നിനക്ക് തല്ല് കിട്ടിയിടത്തു.... ""

എമി ചിരിയോടെ പറഞ്ഞു.....

നീരു തലയൊന്നു കുടഞ്ഞു....

""""തല്ല് കിട്ടിയതും ഞാൻ അങ്ങേരെ പിടിച്ചു കിസ്സി.....😌ചെക്കൻ കണ്ണും തള്ളി നിന്നതും വേഗം അവിടുന്ന് സ്കൂട്ട് ആയി....

പിന്നീടുള്ള ദിവസങ്ങളിൽ എന്നെ കാണുമ്പോൾ തന്നെ സച്ചു മുങ്ങും.... പക്ഷേ എങ്ങനെ പോയാലും ഞാൻ അങ്ങേർക്ക് ഡെയിലി ഒരു ഉമ്മ എങ്കിലും കൊടുക്കും.....

പക്ഷേ ഇത്രേം ഉമ്മ ചുളുവിന്‌ കിട്ടിയിട്ടും അങ്ങേര് എന്നെ ഒന്ന് മൈൻഡ് പോലും ചെയ്യുന്നില്ലെടി.... അത് എന്താന്നാ എനിക്ക് മനസിലാക്കാത്തത്.....""""

താടിക്ക് കയ്യും വച്ചു അവൾ ചുണ്ട് ചുളുക്കി പറയുന്നത് കേട്ട് എമി ചിരി കടിച്ചു പിടിച്ചു.....

""""ഇനി നിന്റെ കിസ്സ് കിട്ടാൻ വേണ്ടി ആള് ആക്ട് ചെയ്യുന്നതാണെങ്കിലോ... """

എമി പറയുന്നത് കേട്ട് നീരു കണ്ണുംവിടർത്തി അവളെ നോക്കി....

""""ആയിരിക്കും അല്ലേ..... """

ആക്കാംക്ഷയോടെ ചോദിക്കുന്ന പെണ്ണിനെ കണ്ടതും എമി പൊട്ടിച്ചിരിച്ചു....

"''ഡീ അലവലാതി.... കളിയാക്കിയതാണല്ലേ.... ""'

നീരു പല്ല് കടിച്ചതും എമി ആണെന്ന രീതിയിൽ തലയാട്ടി ചിരിച്ചു....

""""തെണ്ടി..... നിന്നോടൊക്കെ എന്റെ മ്യാരക സ്റ്റോറി പറയാൻ വന്ന എന്നെ പറഞ്ഞാൽ മതിയല്ലോ..... ഹും...""'"

നീരു മുഖം കുനിച്ചിരുന്നു..... എമി ചിരിയോടെ അവളുടെ അടുത്ത് ചെന്നിരുന്നു....

""""നമ്മക്ക് ശെരിയാക്കാടി....സാത്വിക് സർ പാവം ആണെന്ന് തോന്നുന്നു.... നീ ഇങ്ങനെ ലൈസെൻസ് ഇല്ലാതെ പെരുമാറിയാൽ ആർക്കായാലും ദേഷ്യം വരില്ലേ.... നീ കുറച്ചു ഡീസന്റ് ആയാൽ ആള് വന്നു നിന്നോട് ഇഷ്ടം ആണെന്ന് പറഞ്ഞോളും...... """""

നീരു അവളെ തന്നെ നോക്കി....

"""ശെരിക്കും പറയോ.... ""'

"""എന്ത്....""

എമി ചോദിച്ചു....

"""അല്ല.... എന്നെ ഇഷ്ടം ആണെന്ന്... """

മുഖത്തു നാണം വിതറി പെണ്ണ് ചോദിച്ചതും എമി അവളെ വല്ലാത്തൊരു ഭാവത്തിൽ നോക്കി...

"""""നീ ആദ്യം നല്ല കുട്ടി ആകാൻ നോക്ക്.... പാവം സാത്വിക് സാറിനെ ഇങ്ങനെ ഇറിറ്റേറ്റ് ചെയ്യാതെ നിൽക്ക്....""""

""""അങ്ങനെ പറഞ്ഞു കൊടുക്ക് ആലീസേ ഈ മറുതയോട്..... """

സച്ചു കൈസിയുടെ കൂടെ അങ്ങോട്ട് വന്നു കൊണ്ട് പറഞ്ഞു....

""മറുത നിങ്ങടെ കെട്യോൾ.... """

അപ്പൊ തന്നെ നീരു തിരിച്ചു പറഞ്ഞു....

എമി അവളെ ദേഷ്യത്തോടെ നോക്കിയതും നീരു നാവ് കടിച്ചു സോറി എന്ന് അവളോടായി പറഞ്ഞു....

"""പിന്നെ ആലീസ്.... എന്നെ സാത്വിക് സാർ എന്നൊന്നും വിളിക്കണ്ട... സച്ചുന്ന് വിളിച്ചാൽ മതി.... എല്ലാരും അങ്ങനെയാ വിളിക്കാറ്..... ""''

അവൾ തലയാട്ടി....

"""പിന്നെ... ഈ സാധനത്തിന്റെ കൂടെ അധികം കൂട്ട് കൂടാൻ നിൽക്കണ്ട...."""

നീരുവിനെ നോക്കി അവൻ പറഞ്ഞതും നീരു എന്തോ പറയാൻ തുടങ്ങി... അപ്പൊ തന്നെ അവളുടെ കയ്യിൽ എമി അമർത്തി പിടച്ചതും അവൾ കണ്ണുകൾ ഇറുക്കി അടച്ചു എമിയുടെ കയ്യിൽ പിടിച്ചു അമർത്തി....

അവരുടെ കളി കണ്ടു കൈസിക്ക് ചിരി വരുന്നുണ്ടായിരുന്നു.... സച്ചു അവളെ സംശയത്തോടെ നോക്കുന്നുണ്ട്.... എമി അവനെ നോക്കി ഒന്ന് ഇളിച്ചു കൊടുത്തു.....


 

(തുടരും)