Part_1

✒️_രാക്ഷസി💔

-----------------------------

(ഈ കഥ സാങ്കൽപിക കഥാപാത്രങ്ങളെ അടിസ്ഥാനമാക്കി തികച്ചും വിനോദത്തിനു വേണ്ടി മാത്രം നിർമ്മിക്കപ്പെട്ടവയാണ്....

ഈ കഥയിൽ ചിത്രികരിച്ചിരിക്കുന്ന
കഥാപാത്രങ്ങൾ, അവരുടെ പേരുകൾ, സ്ഥലങ്ങൾ, സംഭവങ്ങൾ മുതലായവ തികച്ചും സാങ്കൽപികം മാത്രമാണ്.....ആയതിനാൽ ജീവിച്ചിരിക്കുന്നതോ മരിച്ചവരോ ആയ വ്യക്തികൾ, സ്ഥലങ്ങൾ, സംഭവങ്ങൾ എന്നിവയുമായി അവക്ക് യാതൊരു ബന്ധവുമില്ല.....

ഏതെങ്കിലും തരത്തിലുള്ള സാമ്യം തോന്നുന്നുവെങ്കിൽ അത് തികച്ചും യാദ്യശ്ചികം മാത്രമാണ്...... അതിൽ എഴുത്തുകാരിക്കോ കഥയ്ക്കോ പ്രതിലിപിക്കൊ യാതൊരുവിധ ഉത്തരവാദിത്വമോ
ബാധ്യതയോ ഉണ്ടായിരിക്കുന്നതല്ല.....

കൂടാതെ ഈ കഥ ഏതെങ്കിലും വ്യക്തിയെയോ, ജാതി-മത വിഭാഗങ്ങളെയോ, സമുദായത്തെയോ, സ്ഥാപനത്തെയോ, ജനതയേയോ, തൊഴിലിനേയോ വേദനിപ്പിക്കാൻ ഉദ്ദേശിച്ചിട്ടുളളതല്ല.

ഇതിന്റെ ഉളളടക്കത്തെ സംബന്ധിക്കുന്ന കാര്യങ്ങളിൽ വായനക്കാരോ മറ്റ് വ്യക്തികളോ
എടുക്കുന്ന തീരുമാനങ്ങൾ, കാഴ്ച്ചപ്പാടുകൾ എന്നിവ അവരുടെ മാത്രം സ്വതന്ത്രവും വ്യക്തിപരവുമായ തീരുമാനങ്ങളാണ്.....

ആയതുമൂലം ഉണ്ടായേക്കാവുന്ന
പ്രശ്നങ്ങൾക്ക് എഴുത്തുകാരിക്കോ,കഥയ്ക്കോ, പ്രതിലിപിയ്ക്കൊ, ഉത്തരവാദിത്വമോ ബാധ്യതയോ ഉണ്ടായിരിക്കുന്നതല്ല.

  പിന്നെ ഇതെല്ലാം എൻറെ മനസ്സിൽ വിരിഞ്ഞ സാങ്കല്പികമായ കഥയണ് എന്നുകൂടെ ഓർമിപ്പിക്കുന്നു. ഇതിൽ നടക്കുന്ന പലതും അസാധാരണയിൽ അസാധാരണമായവയാണ് സോ അതൊക്കെ ഉൾക്കൊണ്ട് വായിക്കണം.

പേര് കണ്ടാരും പേടിക്കേണ്ട ഹൊറർ ഒന്നുമല്ല. പ്രണയം സ്വാർത്ഥമായതാവുമ്പോൾ അതിൽ ക്രൂരമായ ചിലതും വന്നു ചേരുന്നു. അതേ അതാണ് *❣️🖤A CRUEL LOVE🖤❣️*പാക പിഴവുകൾ ഉണ്ടാകും മെയിൻ അക്ഷരത്തെറ്റുകൾ കഴിവതും ഇല്ലാതെ ഇരിക്കാൻ നോക്കാം. അഥവാ വന്നാൽ ക്ഷമിക്കണം. അപ്പോൾ നമുക്ക് തുടങ്ങാം........

----------------------------------------------------------

  തിരിഞ്ഞു നോക്കാതെ ഓടുന്നതിനിടയിൽ അയാൾ എന്തിലോ തട്ടിയൊന്ന് വീണു. കുറച്ചു ദൂരം പിന്നിട്ടതും അവൻറെ കാലുകൾ മരുഭൂമിയിലെ മണിലിൽ ആഴ്ന്നു. തൻറെ  കാൽ അതിൽ നിന്നും വേർപ്പെടുത്തി ഓടാൻ ആഞ്ഞതും അവൻ അവശതയോടെ നിലത്തേക്ക് വീണു.  അവൻറെ മുഖത്തു രൂപപ്പെട്ട വിയർപ്പ്‌ തുള്ളികളിൽ മണൽ തരികൾ സ്ഥാനം പിടിച്ചു.

അവൻ ചുറ്റും നോക്കി ആരും വരില്ലെന്ന് കണ്ടതും അവനൽപ്പം ആശ്വാസം തോന്നി. അവൻ അവിടെ ഇരുന്നു. വെയിലിൻറെ കാഠിന്യം അധികമായി വന്നു. താനിട്ട ഷർട്ട് പോലും വെള്ളത്തിൽ നനഞ്ഞു നിൽക്കുന്നത് പോലെ വിയർപ്പിൽ മുങ്ങിയിരിക്കുന്നു.

    കാലിൽ പൊള്ളലേറ്റ പോൽ നീറുന്നു. ജീവൻ രക്ഷിക്കാനുള്ള ഓട്ടത്തിനിടയിൽ  അവനതൊന്നും നോക്കിയത് പോലുമില്ല. ചെയ്ത തെറ്റ് അവൻറെ തലക്ക് മുകളിൽ വട്ടമിട്ട് പറന്നു. ഏത് നിമിഷവും തന്നെ തേടി തന്റെ കാലന്മാർ എത്തും. ജയിലിലെ തീവ്രാമായ ശിക്ഷകളേക്കാളും ഭയക്കേണ്ടത് അവനെയാണ്. അവന്റെ മുന്നിൽ പെട്ടാൽ പിന്നെ രക്ഷയില്ല.

      ഓർക്കവേ അവന്റെയുള്ളിൽ ഒരു ഭയം നിറഞ്ഞു നിറയെ മുൾച്ചെടികൾ നിറഞ്ഞ മരുഭൂമിയിലെ ഒരു ഭാഗത്തു അവനിരുന്നു. പെട്ടെന്ന് കഴുത്തിൽ എന്തോ തറച്ച പോലെ തോന്നിയതും അവൻ അനങ്ങാൻ പോലും കഴിയാതെ അങ്ങനെയിരുന്നു. അവൻ കഴുത്തിൽ തൊട്ട് നോക്കി. മൂർച്ചയുള്ള കത്തി കഴുത്തിൽ ആഴ്ന്നിറങ്ങിയിരിക്കുന്നു.

     അവൻ അൽപ്പം ഭയത്തോടെ ചുറ്റും നോക്കി ആരും തന്നെയില്ല. പെട്ടെന്ന് അവിടെയാകെ  പൊടി പാറി മണൽ തരികൾ അന്തരീക്ഷത്തിൽ നിറഞ്ഞു. അവ കണ്ണിൻറെ കാഴ്ച്ചയെ മറച്ചു. അവൻ കണ്ണുകൾ ഇറുകെയടച്ചു.

      ഒന്ന് ശാന്തമായെന്ന് തോന്നിയപ്പോൾ അവൻ കണ്ണുകൾ തുറന്നു. കണ്ണുകൾ തുറന്ന  നിമിഷം പാതാളത്തിലേക്ക് ആഴ്ന്നിറങ്ങി പോയിരുന്നെങ്കിൽ എന്നവൻ ആഗ്രഹിച്ചു. അതേ അവൻ താൻ ആരെയാണോ ഭയന്നത് അയാൾ തനിക്ക് മുന്നിൽ മുട്ട് കുത്തിയിരിക്കുന്നു. ശ്വാസം വിലങ്ങി കഴുത്തിൽ തറഞ്ഞ മൂർച്ചയേറിയ കത്തി. സംസാരിക്കാനുള്ള ശേഷി എടുത്തപോലെ. അവൻ ഊരാൻ നോക്കവേ അവൻറെ ശരീരത്തിൽ നിന്നും കൂടുതൽ രക്തം പൊടിഞ്ഞു. യാചന ഭാവത്തിൽ അവൻ തനിക്ക് മുന്നിൽ കുടിലതയോടെ ഇരിക്കുന്ന അവനെ നോക്കി. ആ കണ്ണിൽ ക്രൂരത മാത്രം.

     "നിന്റെ മരണം അത് നിന്റെ കയ്യിലാണ് അത് വലിച്ചൂരാൻ ശ്രമിക്കുന്തോറും നിന്റെ ശരീരത്തിൽ നിന്നും രക്തം പൊടിഞ്ഞു കൊണ്ടിരുക്കും. അല്ലാത്ത പക്ഷം ആണെങ്കിലും നീ മരിക്കുക തന്നെ ചെയ്യും പക്ഷെ കുറച്ചു നേരം കൂടെ നിനക്ക് ജീവിക്കാം ഏത് വേണമെന്ന് നിനക്ക് തീരുമാനിക്കാം.........."

അവന്റെ ക്രൂരമായ ചിരിയിൽ അവനൊന്ന് ഭയന്നു. തനിക്കിനി രക്ഷയില്ല എന്നവൻ മനസ്സിലാക്കി.

    "ഓർക്കണം രാജ്യദ്രോഹം അത് തെറ്റാണ്....."അവൻ ക്രൂരതയോടെ പറഞ്ഞു കുടിലതയോടെ ചിരിച്ചു.

    അവനൊന്നും സംസാരിക്കാൻ പോലും കഴിഞ്ഞില്ല. അവൻ ഒരു പിടച്ചിലോടെ നിലത്തേക്ക് വീണു. അവൻ ക്രൂരമായ ഒരുതരം ചിരിയോടെ അവിടെ നിന്നും എഴുന്നേറ്റു. കാലുകൾ ഉയർത്തി അവൻ്റെ കഴുത്തിൽ മൃദുവായി ചവിട്ടി. അവൻ വേദനയാൽ കണ്ണുകൾ തുറിച്ചു.

     "പതിയെ കൊല്ലാൻ ആണെനിക്കിഷ്ട്ടം........"

അവൻ്റെ പിടിച്ചിൽ ആസ്വദിച്ചു കൊണ്ട് അവൻ പറഞ്ഞു. ഒരു പിടച്ചിലോടെ അവന്റെ അവസാന ശ്വാസം നിലക്കും വരെ അവൻ നോക്കി നിന്നു. ശേഷം അവൻ അവന്റെ കഴുത്തിൽ നിന്നും ആ കത്തി വലിച്ചൂരി.

    ചോരയുടെ ഗന്ധം നിറഞ്ഞ ആ കത്തി അവൻ നോക്കി. ശേഷം അവൻറെ പിറകിലായി നിൽക്കുന്ന ഗാർഡ്‌സിനെ നോക്കി. അവൻറെ നോട്ടം മനസ്സിലായി എന്നോണം അതിൽ നിന്നുമൊരാൾ അവൻറെ അടുത്തേക്ക് വന്നു.

     നീട്ടിപിടിച്ച അവൻറെ കയ്യിലെ കത്തിയിലേക്ക് കയ്യിൽ കരുതിയ ഒരു ദ്രാവകം ഒഴിച്ചു. അതിൽ ചോര ആ മണൽ തരികളിലേക്ക് ഒറ്റി വീണു.

     അതും ഒരു ആവേശത്തോടെ അവൻ നോക്കി നിന്നു. പിന്നെ അവിടെ കിടക്കുന്ന അവനെ തിരിഞ്ഞു പോലും നോക്കാതെ അവിടെ നിന്നുമവൻ നടന്നകന്നു.

🖤🌺🖤🌺🖤🌺

   " What the******"ആന്റണി ദേഷ്യത്തോടെ ചെയറിൽ നിന്നും എഴുന്നേറ്റു. അവന്റെ പെട്ടെന്നുള്ള പ്രവർത്തിയിൽ അവിടെ ടേബിളിന് മുമ്പിലായി ഇരിക്കുന്ന എല്ലാവരും അവനെ ഉറ്റു നോക്കി.

    "പ്രതിയാണെങ്കിലും അവനെ ഇങ്ങനെ ക്രൂരമായി കൊല്ലുന്നത് ലൈവായി കണ്ടിട്ടും എന്തുകൊണ്ട് നിങ്ങളാരും മിണ്ടുന്നില്ല........"

ആന്റണി എല്ലാവർക്കും നേരെ ചീറി.

    എല്ലാവരും പരസ്പരം ഒന്ന് നോക്കി. ശേഷം ദേഷ്യത്തോടെ നിൽക്കുന്ന ആന്റണിയിലേക്കും. അവരുടെ മൗനം അവനെ കൂടുതൽ ദേഷ്യത്തിലേക്ക് ആഴ്ത്തി കളഞ്ഞു.

      "നോക്ക് മിസ്റ്റർ ആന്റണി അയാൾക്ക് അതിനുള്ള അധികാരമുണ്ട്. അയാൾ ആരാണെന്ന് നിനക്ക് അറിയല്ല..........."

അവിടെ ഇരുന്ന മുതിർന്ന അറേബ്യൻ ഓഫീസർ അവനെ നോക്കി താക്കീത് പോലെ പറഞ്ഞു.

    "എന്താണ് അവനെ കുറിച്ച് മനസ്സിലാക്കാൻ ഉള്ളത്.

     Jk ഗ്രൂപ്പ് എന്ന ബിസ്നെസ്സ് ഗ്രൂപ്പിന്റെ തലവൻ പപ്പ ഐസക്ക് മമ്മ മേരി ജോൺ. അവരൊരു അറ്റാക്കിൽ വ്യക്തമായി പറഞ്ഞാൽ പാക്കിസ്ഥാനിലായിരുന്നു എന്നു പറഞ്ഞു ഇന്ത്യക്കാർ അവരെ ഇല്ലായ്മാ ചെയ്തു ക്രൂരമായി തന്നെ. അവൻ പിന്നീട് വളർന്നത് കേരളത്തിൽ കോട്ടയം ജില്ലയിൽ. പന്ത്രണ്ട് വയസ്സിൽ അവന്റെ പപ്പ ഉണ്ടാക്കിയ   jk മാൻഷനിലേക്ക്. പിന്നെ അവിടെ താമസം.

     അവനു മുന്നിൽ തടസ്സമായി നിൽക്കുന്ന ഒന്നിനെയും അവൻ വെറുതെ വിടില്ല. ഒരുതരം വേട്ടമൃഗം. *ജോഹിൽ ക്രിസ്റ്റിഫർ* ഇരുപത്തിയെട്ട് വയസ്സുള്ള യങ് ബിസ്സ്നെസ് മാൻ. കൈവെക്കാത്ത മേഖലയില്ല.  ഒരേയൊരു മകൻ കോടിക്കണക്കിന് സ്വത്തുക്കളുടെ എല്ലാം ഒരേയൊരു ഉടമ........അതിൽ കൂടുതൽ എന്താണ് അവനെ കുറിച്ചു അറിയേണ്ടത്..........."

ആന്റണി അൽപ്പം പരിഹാസത്തോടെ അവനെ നോക്കി താക്കീതോടെ പറഞ്ഞ ഓഫീസറെ. പിന്നിൽ നിന്നും കയ്യടിക്കുന്നു ശബ്ദം കേട്ടതും എല്ലാവരും അവിടേക്ക് തിരിഞ്ഞു നോക്കി. വാതിലിൽ ചാരി നിന്ന് അവരെയൊക്കെ കുറുകിയ കണ്ണുകളോടെ നിൽക്കുന്ന ക്രിസ്റ്റിയിൽ എല്ലാവരുടെയും നോട്ടം പതിഞ്ഞു. പലരിലും ഭയം നിറഞ്ഞു. ആന്റണിയിൽ ഭാവ വ്യത്യാസം ഒന്നുമില്ല.

     ക്രിസ്റ്റി പതിയെ ആന്റണിയുടെ അടുത്തേക്ക് നടന്നു. അവൻറെ ചുറ്റും നടക്കാൻ തുടങ്ങി.

   "കൊള്ളാം എല്ലാം നിനക്കാറിയാം ഒന്നൊഴിച്ചു........."

അവൻ അൽപ്പം ശാന്തമായ ഭാവത്തിൽ പറഞ്ഞു. അവൻറെ ശാന്തത അവിടെ നിന്നവരിൽ പേടി നിറച്ചു.

      "ഞാൻ നിന്റെയും ഇവിടെ കൂടിയിരിക്കുന്ന എല്ലാവരുടെയും മുകളിൽ ആണെന്ന കാര്യം. നീ പറഞ്ഞ പോലെ പണം കൊണ്ടല്ല ഞാൻ നേടിയെടുത്ത എന്റെ പദവി അതുമാത്രം മതി. ഒരുത്തനെ കൊല്ലാൻ ആരും എന്നെ തടയില്ല......."

അവൻ പറഞ്ഞതും ആന്റണി തൻറെ ചുറ്റും ഇരിക്കുന്ന ആളുകളെ നോക്കി അവരൊക്കെ അവനെ പേടിയോടെയും ബഹുമാനത്തോടെയും നോക്കുന്നു. അത്‌ കാണേ ആന്റണി അവനെയൊന്ന് നോക്കി. ക്രിസ്റ്റി കയ്യിലുള്ള ബോട്ടിലിൽ ചുണ്ടോട് ചേർത്തു സിപ്പ് ചെയ്തു. ആന്റണിയെ അല്പം ദേഷ്യത്തോടെ നോക്കി.

    "ചോര തിളപ്പിന്റെയാണ് പുതിയതല്ലേ വഴിയെ നിനക്ക് ഞാൻ ആരാണെന്ന് മനസ്സിലാവും.........."

അവനെ നോക്കി അൽപ്പം ദേഷ്യത്തോടെ പറഞ്ഞു അവൻ അവിടെ നിന്നും നടന്നു.

🖤🌺🖤🌺🖤🌺🖤🌺

    ഒരു ഗ്രേ കളർ നിറത്തിലുള്ള കാർ ഇരു വലിയ വീടിന് മുമ്പിൽ വന്നു നിന്നു. ഒരുഭാഗത്തു നിറയെ പൂക്കൾ കൊണ്ട് നിറഞ്ഞ ഗാർഡൻ മറുഭാഗത്തു വിശാലമായ കോർട്ട്.........

ഗാർഡ്‌സ്  വന്നു ഡോർ തുറന്നു കൊടുത്തു. അതിൽ നിന്നും ക്രിസ്റ്റി ഇറങ്ങി. ആരെയും നോക്കാതെ വേഗത്തിൽ അകത്തേക്ക് കയറി. അവനിൽ അടക്കാൻ കഴിയാത്ത ദേഷ്യം വന്നു ചേർന്നു.

   അവൻ ഊക്കിൽ മുകളിലേക്ക് കയറിപ്പോയി അവൻറെ പോക്ക് കണ്ട് താഴെ നിന്നിരുന്നവർ എല്ലാവരും അവൻ പോയ വഴിയെ നോക്കി.

    അവൻ കോട്ട് ഊരി ബെഡിലേക്ക് വലിച്ചെറിഞ്ഞു. അവൻറെ ഷർട്ട് ഊരി ആംഗറിൽ തൂക്കി. ഒരു ബാത് ടവ്വൽ മാത്രമെടുത്തു അവൻ കട്ടിലിന്റെ അടുത്തേക്ക് നടന്നു. കട്ടിലിന്റെ പിന്നിലായുള്ള ഭിത്തിയിൽ അമർത്തി.

     വിശാലമായ ആ വലിയ റൂമിൻറെ ഒരു ഫ്ലോറിലെ ഒരു ഭാഗം തുറന്നു വന്നു. അത് പൂർണമായും തുറന്നു. ഒരു സിമിങ് പൂൾ. തെളിഞ്ഞു നിൽക്കുന്ന വെള്ളത്തിലേക്ക് അവനിറങ്ങി. അവന്റെ മനസ്സ് തണുപ്പിക്കാൻ എന്നോണം ഒരുപാട് സമയം അവനവിടെ നിന്നു. പിന്നെ ഒരറ്റത്തേക്ക് നീന്തി. കൈകൾ പിന്നിലേക്ക് വെച്ചു തല തറയിൽ വെച്ചു വെള്ളത്തിൽ നിന്നും കയറാതെ മുകളിലേക്ക് നോക്കി.

      ദേഷ്യത്തോടെ അവൻ അതിൽ നിന്നും കയറി. അവൻറെ ദൃഢമായ ശരീരത്തിൽ നിന്നും വെള്ളത്തുള്ളികൾ ഒറ്റി വീണു കൊണ്ടിരുന്നു.

     പിന്നെ എന്തോ ഓർത്തെന്ന പോലെ ക്രിസ്റ്റി ബാത്രൂമിലേക്ക് കയറി. ഒന്ന് ഫ്രഷായി വന്നപ്പോഴേക്കും ഡോറിൻറെ മറു വശത്തു നിന്നും വിളി വന്നു. അവൻ അലസമായി കിടന്ന മുടികൾ പിന്നിലേക്ക് ആക്കി. ഡോർ തുറന്നു നോക്കി.

     അവിടെ അവൻറെ പി എ കിഷോർ നിക്കുന്നു.

"മിസ്റ്റർ ക്രിസ്റ്റിഫർ ടൈം ഇസ് ഓവർ......."

അവൻ വാച്ചിലേക്ക് നോക്കി പറഞ്ഞു.

   " ക്യാൻസൽ........."

അവനൊരു ഭാവവെത്യാസവും കൂടാതെ പറഞ്ഞു.

   "സർ......."

കിഷോർ അവനെ നോക്കി വിളിച്ചു. അവൻറെ തീഷ്‌ണതയോടെയുള്ള നോട്ടത്തിന് മുന്നിൽ ഒന്നും പറയാൻ കഴിയാതെ അയാൾ അവിടെ നിന്നും വിട വാങ്ങി.

     താഴേക്ക് ഇറങ്ങിയ കിഷോറിന്റെ ഫോൺ റിങ് ചെയ്തു.

     "ടൈം ഇസ് ഓവർ......."

മറുതലക്കൽ നിന്നും ദേഷ്യത്തോടെയുള്ള സംസാരം കേട്ടു.

    "റിയലി സോറി മീറ്റിങ് ക്യാൻസൽ........"

അത്രയും പറഞ്ഞു മറുപടിക്ക് കാത്തു നിൽക്കാതെ കിഷോർ ഫോൺ കട്ട് ചെയ്തു.

    ഉറപ്പിച്ചു വെച്ച മീറ്റിങ് ക്രിസ്റ്റി ആദ്യമായി ആയിരുന്നു ക്യാൻസൽ ചെയ്യുന്നത് എന്തുകൊണ്ടെന്ന് അവനു മനസ്സിലായില്ല.

🌺🖤🌺🖤🌺🖤🌺🖤🌺🖤

    "അനിറ്റ അവൻ jk യുടെ പിഎ എന്തു പറഞ്ഞു."

റോസ്‌ലിൻ റൂമിൽ നിന്നും ഇറങ്ങി വന്നുകൊണ്ട്‌ ചോദിച്ചു. നീല കളറുള്ള മുട്ടിന് മുകളിൽ വരുന്ന ഒരു ഡ്രസ്സ് ആയിരുന്നു അവളുടെ വേഷം. ചുണ്ടുകൾ ചുവപ്പിച്ചു മോഡേണ് വസ്ത്രം ധരിച്ച് കണ്ടാൽ ആരും തന്നെ നോക്കി പോകുന്ന ഒരു സുന്ദരി. അതായിരുന്നു റോസ്‌ലിൻ.

    "മാം jk അത് ക്യാൻസൽ ചെയ്തു........"

അനിറ്റ അൽപ്പം വിറയാർന്ന ശബ്ദത്തോടെ പറഞ്ഞു.

    "വാട്ട്........"

അലർച്ചയോടെ അവൾ ചോദിച്ചു. അവളുടെ ദേഷ്യം കണ്ടു അനിറ്റ എന്തു ചെയ്യണം എന്നറിയാതെ ഒന്ന് പകച്ചു.

   "മാം കിഷോർ ഇപ്പോൾ പറഞ്ഞു. "

അനിറ്റ പറഞ്ഞതും വിശ്വാസം വരാതെ അവൾ ആവിടെയുള്ള സോഫയിൽ ഇരുന്നു ഏറെ നാളായി jk ഗ്രൂപ്പുമായി ഒരു ഡീൽ ഉണ്ടാക്കിയെടുക്കുക എന്നത് അവളുടെ ആഗ്രഹം ആയിരുന്നു. അതാണ് ഇന്നിവിടെ ഇല്ലാതെ ആയതെന്ന്  ഓർത്തപ്പോൾ ദേഷ്യം കൊണ്ടവളുടെ കണ്ണുകൾ നിറഞ്ഞു.

     പെട്ടെന്ന് അനിറ്റയുടെ ഫോൺ റിങ് ചെയ്തു. അവൾ കാൾ അറ്റൻഡ് ചെയ്തു. അത് കിഷോർ ആയിരുന്നു മീറ്റിങ് അരമണിക്കൂറിനുള്ളിൽ നടക്കും അത്രമാത്രം പറഞ്ഞു അവൻ ഫോൺ കട്ട് ചെയ്തു. അനിറ്റ സന്തോഷത്തോടെ വിഷമിച്ചു ഇരിക്കുന്ന അവളെ നോക്കി.

     "മാം കിഷോർ ആയിരുന്നു ഫോണിൽ അവൻ പറഞ്ഞത് മീറ്റിങ് അരമണിക്കൂറിനുള്ളിൽ നടക്കും എന്നായിരുന്നു. "

അനിറ്റ പറഞ്ഞതും റോസ്‌ലിന്റെ ചുണ്ടിൽ ഒരു പുഞ്ചിരി വിരിഞ്ഞു.

     സമയം ഇഴഞ്ഞു നീങ്ങി അരമണിക്കൂറിനുള്ളിൽ വലിയ ആഢംബരമായ വീടിന്റെ മുന്നിൽ ബ്ലാക്ക് കാർ വന്നു നിന്നു.  കാറിൽ നിന്നും ക്രിസ്റ്റി ഇറങ്ങി കൂടെ അവൻറെ രണ്ടു ഗാർട്സും കിഷോറും.

     അവരെ വരവേൽക്കാൻ എന്നപോലെ പ്രവേശന ഭാഗത്തു അനിറ്റ ഉണ്ടായിരുന്നു. അവൾ അവരെ നോക്കിയൊന്ന് പുഞ്ചരിച്ചു തിരികെ ഒന്ന് ചിരിക്കുക പോയിട്ട് നോക്കുക പോലും അവൻ ചെയ്തില്ല.

     മീറ്റിങ് റൂമിൽ കയറി. അവൻ അവിടെയുള്ള സോഫയിലിരുന്നു കയ്യിലെ ബോട്ടിൽ ചുണ്ടോട് ചേർത്തു ഒന്ന് സിപ് ചെയ്തു. റോസ്‌ലിൻ അവിടേക്ക് വന്നു അവൻറെ മുന്നിലുള്ള സോഫയിലിരുന്നു.
ഗ്രെ കളർ ഷർട്ടും അതിന്റെ പുറത്തു കറുത്ത കോട്ടും  കറുത്ത പാന്റും അതായിരുന്നു അവൻറെ വേഷം........

     അവൻ അവളെ നോക്കി. അവൾ ഏതോ മായ ലോകത്തെന്ന പോലെ അവനെ നോക്കിയിരിക്കുന്നു. അതവനിൽ ദേഷ്യം നിറച്ചു. അവൻറെ ഭാവം മാറുന്നത് കണ്ടതും അനിറ്റ അവളെ തട്ടി. അവൾ തലക്ക് കൊട്ട് കൊടുത്തു വിഷയത്തിലേക്ക് കടന്നു.

    അവൾ മുന്നോട്ട് വെച്ച ഡീൽ ഫാഷൻ ഡിസൈൻസിൻറെ ആയിരുന്നു. അവൾ പറയുന്നതെല്ലാം അവൻ കേട്ടിരുന്നു.

    "അപ്പോൾ ആ ഫീൽഡിലാണ് മാമിന് ഡീൽ ഉറപ്പിക്കാൻ താൽപ്പര്യം എന്നാണോ പറഞ്ഞു വരുന്നത്.........."

കിഷോർ അവളെ നോക്കി.

    "യെസ് നിങ്ങളുടെ കമ്പിനിയിൽ നിന്നും സെലക്റ്റ് ചെയ്‍ത ബെസ്റ്റ് ഫാഷൻ ഡിസൈനേഴ്സും പിന്നെ എന്റെ കമ്പിനിയിൽ നിന്നും ഞാൻ തെരഞ്ഞെടുത്ത കുറച്ചു പേരും. അവർ ഒരുമിച്ച് ഒരു മോഡൽ ഇറക്കുന്നു അത് പൂർണമായും വിജയിക്കും എന്നെൻറെ മനസ്സ് പറയുന്നു.........."

അവൾ വർധിച്ച ആത്മവിശ്വാസത്തോടെ പറഞ്ഞു.

    "മിസ്റ്റർ ക്രിസ്റ്റിഫർ ഒന്നും പറഞ്ഞില്ല......."

റോസ്‌ലിൻ പ്രതീക്ഷയോടെ അവന്റെ മുഖത്തേക്ക് നോക്കി.

    "ആത്മവിശ്വാസം കൊള്ളാം പക്ഷെ അതിൽ പിഴവുകൾ വരുത്തിയാൽ നിൻറെ കമ്പിനി എൻറെ കാൽ ചുവട്ടിൽ എത്തിയിരിക്കും.........."

അവൻ ക്രൂരമായ ഒരുതരം ചിരിയോടെ പറഞ്ഞു അവിടെ നിന്നും ഇറങ്ങി.

     അവൻ ഇറങ്ങിയതും ഒരു പുഞ്ചിരിയോടെ റോസ്‌ലിൻ അവിടെ ഇരുന്നു.

   "മാഡം ഈ jk സിംഗിൾ ആണെന്നല്ലേ കേട്ടത് മേഡം ഒന്ന് കൊത്തി നോക്കുന്നോ........"അനിറ്റ ചോദിച്ചതും റോസ്‌ലിന്റെ മുഖം നാണത്താൽ ചുമന്നു. ആ ആഗ്രഹവുമായി മുന്നിലേക്ക് ചെന്നാൽ അവൾ ജീവനോടെ കാണില്ലെന്നറിയാതെ.....

തുടരും.......