©️copy right work-this work protected in accordance with section 45 of the copy right act 1957 (14 of 1957)and should not used in full or part with the creators (krishnapriya )prior permission........


വെളുപ്പിനെ എഴുന്നേറ്റ് വീട്ടിലേക്കു നടക്കുമ്പോൾ പഴയ ഉത്സാഹമുണ്ടായിരുന്നില്ല.
അച്ഛൻ അരമതിലിലിരുന്നു പത്രം വായിക്കുന്നുണ്ട്.
എന്നെക്കണ്ടപ്പോൾ തന്നെ അമ്മയെ വിളിച്ചൊരു ചായ കൂടി എടുക്കാൻ പറഞ്ഞു വീണ്ടും പത്രത്തിലേക്ക് തന്നെ കണ്ണു നട്ടു.

ഇത്രമാത്രം പോസ്റ്റുമോർട്ടം ചെയ്ത് വായിക്കാൻ പത്രത്തിലെന്താച്ചാ ഉള്ളത്??

കളിയോടെയുള്ള ചോദ്യത്തിനു ഗൗരവം നടിച്ചു പാതി മൊത്തിയ ചായ വലിച്ചു കുടിച്ചു അകത്തേക്ക് നടക്കുമ്പോൾ ഇടം കണ്ണിട്ട് എന്നെ നോക്കുനുണ്ടായിരുന്നു. അമ്മ കൊണ്ടു തന്ന ചായയും കുടിച്ചു കുളിച്ചു മാറ്റി വന്നപ്പോഴേക്കും ചിപ്പയും ശ്രീക്കുട്ടിയും ഹാളിൽ ഇരിപ്പുണ്ട്.

ചിപ്പയോട് സംസാരിക്കുന്നുണ്ടെങ്കിലും അച്ഛൻ ശ്രീക്കുട്ടിയെ ശ്രെദ്ധിക്കുന്നെ ഇല്ലായിരുന്നു.

ഇടിയപ്പം ചെറുതായി കിള്ളി ശ്രീടെ വായിൽ വെച്ചു കൊടുത്തു കൊണ്ട് അമ്മയും അവർക്കരികിൽ ഇരിക്കുന്നുണ്ട്.


ആ നീ വന്നോ. മോള് നിന്നെക്കാണാതെ ബഹളരുന്നു. അതാ ചിപ്പമോൾ കൊണ്ടുവന്നെ.

അമ്മ എന്നെക്കണ്ടതും പറഞ്ഞു. ഞാനൊന്ന് ചിരിച്ചെന്ന് വരുത്തി അവിടെ തന്നെ നിന്നു.

അമ്മാ.........

എന്നെ കണ്ടതും ശ്രീക്കുട്ടി വിളിച്ചതാണ്.
എല്ലാരും ഞെട്ടി നോക്കുന്നുണ്ട്.
അമ്മയുടെ കയ്യിൽ നിന്നും വീഴാൻ പോയ പാത്രം പിടിച്ചത് ചിപ്പയാണ്.
അച്ഛനും വല്ലാത്ത ഒരവസ്ഥയിൽ ആണ്..

എന്നാലൊരു കുലുക്കവുമില്ലാതെ ചിപ്പയുടെ മടിയിൽ നിന്നോരുത്തി ഇറങ്ങി വന്നെന്നെ ചുറ്റി പിടിച്ചു.

കള്ള ചിരിയോടെ അമ്മയെന്നു വീണ്ടും വിളിച്ചു.

എന്നിലും ചിരി വിരിഞ്ഞു.

മറ്റുള്ളവരിൽ നിന്നത് മറക്കാൻ പെട്ട പാട് എനിക്കല്ലേ അറിയൂ.


അവളുമായി മുറിയിൽ വന്നു കട്ടിലിലിരുത്തി പഴയൊരു വീക്കിലി പൊടി തട്ടിയെടുത്തതും പിടിച്ചു ചുമ്മാ ഇരുന്നു....



💙💙💙💙💙💙💙💙💙💙💙💙💙💙💙

കഴിഞ്ഞ രണ്ടു ദിവസങ്ങളും യാതൊരു മാറ്റാവുമില്ലാതെ കഴിഞ്ഞു പോയി.
ശ്രീക്കുട്ടി വീട്ടിൽ തന്നെയായിരുന്നു മുഴുവൻ സമയോം...... എന്റെ അടുത്ത് നിന്ന് മാറുകെ ഇല്ല...

വൈകിട്ട് അത്താഴം കഴിഞ്ഞ് മുറിയിലിരിക്കുമ്പോഴാണ് അച്ഛൻ വന്നത്.



മോളെ.........


എന്താച്ചാ.....

അതു പിന്നെ.... അച്ഛനൊരു കാര്യം പറയാനുണ്ടായിരുന്നു.

പറഞ്ഞോ.....

കേൾക്കാൻ സജ്ജയായി ഞാൻ നിവർന്നിരുന്നു.

അതു പിന്നെ മോഹൻ എന്നെ കാണാൻ വന്നിരുന്നു.
മറ്റൊന്നുമല്ല.ശരത്തിന്റെ കാര്യം പറയാൻ.....
അവൻ ആ പെണ്ണുമായി പിരിഞ്ഞുന്നും ഇത്ര നാളും അവനും മോളും തനിച്ചാരുന്നു വെന്നുമൊക്കെ പറഞ്ഞു.
കൂടെ നിന്നെ അവന് കൊടുക്കുവോന്ന് ചോദിച്ചു........
ആ കുഞ്ഞിന് നീയെന്ന് വെച്ചാൽ ജീവനാ...
അവളുടെ അച്ഛന്റെ അടുത്ത് പോലും ഇത്ര അടുപ്പം കാണില്ല.....
തിരിച്ചവര് പോയാലും ആ കുഞ്ഞു നിന്നെ മറക്കുമെന്ന പ്രതീക്ഷ അവർക്കില്ല.....

പറഞ്ഞു നിർത്തി എന്നെ നോക്കുമ്പോൾ ആ കണ്ണുകളിൽ എന്റെ ഉത്തരത്തിനായുള്ള ആകാംഷ നിറഞ്ഞിരുന്നു.


അച്ഛനെന്തു പറഞ്ഞു?????

നിന്നോട് ചോദിക്കാതെ ഞാനെന്തു പറയാനാ???

അപ്പോൾ അപ്പുവേട്ടനോ????

മോളെ നിന്റെ ഇഷ്ടം നോക്കാതെ നിന്നെയൊരിടത്തേക്ക് അയച്ചു ആത്മാഭിമാനോം കെട്ടിപിടിച്ചിരിക്കാൻ എനിക്ക് പറ്റില്ല.
നീയാർക്കൊപ്പമായാലും സന്തോഷത്തോടെ ജീവിക്കണമെന്നേ ഞാൻ കരുതിയിട്ടുള്ളു.
അപ്പുവിനെ വിവാഹം കഴിച്ചാലും നിനക്കവനെ സ്നേഹിക്കാൻ കഴിയോ??
അതൊരു പാവം ചെക്കനാ.....
എടുത്തു ചാടി ഒരു തീരുമാനം എടുത്ത് നാളെ പിരിയുന്നതിലും നല്ലത് ആലോചിചൊരു നല്ല തീരുമാനം എടുക്കുന്നതല്ലേ......
നിന്റെ മനസ്സ് അറിയാവുന്ന ആളെന്ന നിലക് അച്ഛൻ പറഞ്ഞന്നേ ഒള്ളു....
പിന്നെ ശരത്...... അവനെ മനസിലാക്കുന്നതിൽ ചില പിശക് നിനക്കും സംഭവിച്ചിട്ടുണ്ട്...
വൈകാതെ നീയത് തിരിച്ചറിയും.....


എനിക്ക് സമ്മതമാണ്.....
ശരത്തേട്ടനെ വിവാഹം ചെയ്യാൻ...

പറഞ്ഞു മുഴുവിപ്പിക്കാൻ സമ്മതിക്കാതെയുള്ള എന്റെ മറുപടിയിൽ അച്ഛൻ സംശയപൂർവം ഒന്ന് നോക്കി...
ആ ചിറഞ്ഞു നോട്ടത്തിൽ ഞാൻ പൊട്ടി ചിരിച്ചു പോയി.

അച്ഛൻ പറഞ്ഞത് ശെരിയാ.....
ചിലരെ മനസിലാക്കൻ വൈകി....
തെറ്റുകൾ രണ്ടു പേരുടെ ഭാഗത്തും ഉണ്ട്.
അതിന്നു ഞാൻ മനസിലാക്കുന്നുണ്ട്.
എന്ന് കരുതി ഞാൻ അങ്ങേരോട് പൂർണമായും ക്ഷേമിച്ചിട്ടില്ല 
എന്റെ കണ്ണീരിനു അങ്ങേരോട് പകരം ചോദിക്കും..... നോക്കിക്കോ...
മരുമോനോട് കരുതി ഇരിക്കാൻ പറഞ്ഞോളൂ...

അച്ഛന്റ്റെ ഉള്ളിൽ സംശയം ഉണ്ടെന്നറിയാം. ഒക്കെ പിന്നീട് പറയാം. ആ മനുഷ്യന്റെ മനസ് മാറുന്നെനു മുന്നേ ഞങ്ങടെ കെട്ട് നടത്താൻ നോക്ക്.

അച്ഛൻ ചിരിയോടെ മുറിവിട്ടിറങ്ങി.....

എന്റെ ഓർമകൾ ചിപ്പയുടെ നിശ്ചയരാത്രിയിലേക്ക് നീണ്ടു..

അന്നുറങ്ങാൻ കഴിയാതെ തിരിഞ്ഞും മറിഞ്ഞു കിടന്നപ്പോൾ വെറുതെ പുറത്തേക്കിറങ്ങിയതാണ്.

ശരത്തേട്ടന്റെ മുറിക്കു മുന്നിൽ എത്തിയപ്പോൾ യാദൃശ്ചികമെന്നോണം ഉള്ളിലേക്ക് കയറി.
ആളുടനെ വരില്ലെന്ന ഉറപ്പിൽ യഥേഷ്ടം ആ മുറിക്കുള്ളിൽ സഞ്ചരിക്കുമ്പോൾ അറിയാതെ വന്നുപെട്ടതാണാ ഡയറി...


ആ ഓരോ താളുകളും എനിക്ക് ഓരോ പുതിയ അറിവുകൾ തന്നു.......

എന്നെ സ്നേഹിച്ചിരുന്ന എന്നെ പ്രാണനായിരുന്ന ഒരു ശരത് മോഹനേ കുറിച്ചു....

ഞാൻ പോലുമറിയാതെ എന്നെ മനസിൽ കൊണ്ടു നടന്ന എന്റെ ശരത്തേട്ടനെ കുറിച്ചു.....





(തുടരും)