©️copy right work-this work protected in accordance with section 45 of the copy right act 1957 (14 of 1957)and should not used in full or part with the creators (krishnapriya )prior permission........

അമ്പലനടയിൽ വെച്ച് ശരത്തിന്റെ താലിയേറ്റ് വാങ്ങുമ്പോൾ അറിയാതെ രണ്ടു തുള്ളി കണ്ണുനീർ സ്വാതിയുടെ കണ്ണിൽ നിന്നിറ്റു വീണു.
പണ്ടെത്രയോ വട്ടം ശരത്തേട്ടനെ കിട്ടാൻ ഈ നടയിൽ വന്നു പ്രാർത്ഥിച്ചിട്ടുണ്ട്...
ഒടുവിൽ എല്ലാം നഷ്ടപ്പെട്ടു എന്ന തോന്നലിലാണ് പതിവായുണ്ടായിരുന്ന ക്ഷേത്രദർശനം പോലും ഉപേക്ഷിച്ചത്.....

ശ്രീക്കുട്ടി ചിപ്പയുടെ കയ്യിലിരുന്നു കയ്കൊട്ടി ചിരിക്കുന്നുണ്ട്....
അവളുടെ മുഖം കാണവേ ഇതുവരെ ഉണ്ടായിരുന്ന വിഷമതകളൊക്കെ എങ്ങോ മാഞ്ഞു പോയി.

ശരത്തേട്ടന്റെ മുഖത്തേക്ക് നോക്കിയില്ല... അവിടുത്തെ ഭാവമെന്തെന്നറിയാം....
അത്ഭുതമാവാം അല്ലെങ്കിൽ അവിശ്വസനീയതയാവാം... രണ്ടായാലും ഇപ്പൊ അങ്ങോട്ടൊരു ദർശനം നൽകുന്നില്ല....

ഇതേ സമയം ശരത്തിന്റെ ചിന്തകൾ ഭൂതകാലത്തിൽ ചിറകടിക്കുകയായിരുന്നു.

പ്ലസ്ടു പഠിക്കാനായി നാട്ടിലേക്ക് വന്നതും ആദ്യമായൊരു കുറുമ്പി പെണ്ണിനെ കാണുന്നതും അവളവന്റെ മനസിൽ പതിഞ്ഞതും പിന്നെയവൾ തന്റെ സഹോദരിയുടെ ഉറ്റ മിത്രമാണെന്ന് അറിയുന്നതും എല്ലാം ഒരു ചിത്രം കണക്കെ അവനോർമിച്ചു.

വീണ്ടും വർഷങ്ങൾ വേണ്ടി വന്നു അവളോടുള്ള പ്രണയം തിരിച്ചറിയാൻ......
മൗനമായി പ്രണയിക്കാൻ അവനും തുടങ്ങി...

ജോലി കിട്ടിയ നാളുകളിലാണ് അവളോടുള്ള ഇഷ്ട്ടം തുറന്നു പറയാൻ മനസാൽ ഒരുങ്ങിയത്.

അതിനു തിരഞ്ഞെടുത്തതൊ അവളെന്നും പോകാറുള്ള വനദുർഗ ക്ഷേത്രത്തിൽ.....

എന്നാൽ കണക്കുകൂട്ടലുകൾക് വിപരീതമായി കാണേണ്ടി വന്നത് അവളോട് മറ്റൊരുവൻ ഇഷ്ട്ടം പറയുന്നത്.
എതിർത്തു പറയുമെന്ന് കരുതിയെങ്കിലും അവളിൽ നിറഞ്ഞു നിന്ന മൗനം അവന്റെ പ്രതീക്ഷകൾക് മങ്ങലേൽപ്പിച്ചു.

പിന്നീട് വീട്ടിലെത്തുമ്പോൾ അവൾക് വന്ന വിവാഹലോചനയുടെ മാഹാതമ്യം വർണിക്കുന്ന വീട്ടുകാരെക്കൂടി കണ്ടതോടെ സമനില നഷ്ടപ്പെട്ടത് പോലെ തോന്നി ശരത്തിനു.


അവൾക്കും സമ്മതംമാണെന്ന് അറിയുന്ന നിമിഷം വരെ ഉണ്ടായിരുന്നുള്ളു അവന്റെ പ്രതീക്ഷകൾക്കു ആയുസ്..

എപ്പോഴൊക്കെയോ അവൾക്കും തന്നെ ഇഷ്ടമാണെന്ന് തോന്നിയിരുന്നു.... അതൊക്കെ വെറും തോന്നലാണെന്ന് മനസ് മന്ത്രിച്ചപ്പോൾ
ജോലി ക്കാര്യം പറഞ്ഞു വീട്ടിൽ നിന്നും പോയി..

പിന്നെയെപ്പോഴോ അവളുടെ നിശ്ചയമാണെന്നറിഞ്ഞന്നാണ് കീർത്തിയുടെ ഇഷ്ട്ടം അംഗീകരിക്കുന്നത്.

പുറകെ നടന്നപ്പോഴൊക്കെ കീർത്തിയോട് തന്റെ പ്രണയത്തെ പറ്റി പറഞ്ഞിരുന്നു.
സ്വാതിയുടെ വിവാഹവിവരം അറിഞ്ഞപ്പോൾ വീണ്ടും അവളുടെ ഇഷ്ട്ടം മുന്നോട്ട് വെച്ചു.
പലതു പറഞ്ഞോഴിയാൻ നോക്കിയെങ്കിലും ആത്മഹത്യ ചെയ്യുമെന്നു പറഞ്ഞപ്പോൾ മറ്റു നിവൃത്തികൾ ഉണ്ടായിരുന്നില്ല.

അവൾക് എന്നോട് പ്രണയമായിരുന്നില്ല ഒരു ഭ്രാന്തമായ അഭിനിവേശം മാത്രമായിരുന്നു.

നാട്ടിൽ വിവരങ്ങൾ അറിയിക്കാൻ എത്തിയപ്പോഴാണ് സ്വാതിക്ക് എന്നോടുണ്ടായിരുന്ന ഇഷ്ട്ടം അറിയുന്നത്... ആദ്യം സന്തോഷമാണ് തോന്നിയത്... അവളും എന്നെ സ്നേഹിച്ചിരുന്നു എന്ന തോന്നലിൽ...
പക്ഷെ ..... കീർത്തിയുടെ മുഖം നിമിഷനേരത്തെ സന്തോഷം ആളികത്തിച്ചു..

തനിക്ക് വേണ്ടി ചിലപ്പോൾ സ്വാതിയെ ഉപദ്രവിക്കാൻ പോലുംകീർത്തി മടിക്കില്ല എന്ന് ചുരുങ്ങിയ നാളിൽ മനസിലായതായിരുന്നു..

അന്നവളെ ഓരോന്നും പറയുമ്പോൾ വിങ്ങിയത് അവന്റെ നെഞ്ചാണ്...

തിരികെ മടങ്ങും മുമ്പേ സ്വാതിയുടെ അച്ചനെ കണ്ട് തന്റെ നിസ്സഹായവസ്ഥ പറഞ്ഞിട്ടാണ് പോന്നത്.

അവിടുന്ന് പോരുമ്പോൾ അവൻ പുതിയൊരു ശരത് ആയിരുന്നു.. എല്ലാത്തിനോടും . ദേഷ്യംവും വാശിയും മാത്രം.കീർത്തിയെ അംഗീകരിക്കാൻ ശ്രെമിച്ചെങ്കിലും പരസ്പരം പലതും അവർകിടയിൽ അകലങ്ങൾ സൃഷ്ടിച്ചു...

മോള് ഉണ്ടായി കഴിഞ്ഞാണ് പിരിയുന്ന കാര്യം അവൾ സൂചിപ്പിച്ചത്.
കുഞ്ഞിനെ പോലും വേണ്ടെന്ന് പറഞ്ഞപ്പോൾ സന്തോഷമാണ് തോന്നിയത്.

മോളും അവനും മാത്രമായുള്ള ജീവിതമായിരുന്നു പിന്നീട്....
അമ്മയെ ചോദിച്ച കുഞ്ഞിനു ഒരിക്കലും കീർത്തിയുടെ ചിത്രം കാണിക്കാൻ മനസു വന്നില്ല.... പ്രസവിച്ചതിൽ കവിഞ്ഞു യാതൊരു ശ്രധയോ കരുതലോ അവളുടെ ഭാഗത്തു നിന്നും ഉണ്ടായിട്ടില്ല... മുലയൂട്ടാൻ പോലും മടിച്ചു മാറി നിന്ന അവളെ ഓർക്കേ പണ്ടെന്നോ ചിപ്പയുടെ പക്കൽ നിന്നും അടിച്ചു മാറ്റിയ സ്വാതിയുടെ ഫോട്ടോ കാണിച്ചു കൊടുത്തു കുഞ്ഞിന്.
ഒറ്റ വട്ടമേ അവളെ കാണിച്ചുള്ളുവെങ്കിലും ആ ചിത്രം ആ കുഞ്ഞു മനസിൽ അത്രമേൽ പതിഞ്ഞു വെന്ന് തോന്നിയത് അവൾ സ്വാതിയോട് കാണിക്കുന്ന അടുപ്പം കണ്ടപ്പോഴാണ്.

ഒരിക്കലും അവർ തമ്മിൽ കാണില്ലെന്ന വിശ്വാസത്തിൽ ചെയ്ത് അബദ്ധത്തെ ഓർത്തു വേദനിച്ചിട്ടുണ്ട്.....


എന്നാൽ സ്വാതിയെ സ്വീകരിക്കണമെന്ന് പറഞ്ഞു അവളുടെ അച്ചൻ വന്നപ്പോൾ ഒത്തിരി എതിർത്തതാണ്. അവൾക് നല്ലൊരു ബന്ധം കിട്ടുമെന്ന് പറഞ്ഞു ഒഴിവാകാൻ നോക്കിയപ്പോൾ കുഞ്ഞിന്റെ പേരിൽ അദ്ദേഹം വീണ്ടും നിർബന്ധിച്ചു.....
ഒരിയ്ക്കൽ നഷ്ടമായെന്ന് കരുതിയ പ്രണയം വീണ്ടും കൈവെള്ളയിൽ കിട്ടുമ്പോൾ തട്ടിത്തെറുപ്പിക്കാൻ തോന്നിയില്ല...

 അവളുടെ സിന്ധുരചുവപ്പിൽ അതെ പ്രണയശോഭായോടെ അധരം പതിപ്പിക്കുമ്പോൾ തന്റെ പ്രണയം തന്നിൽ വന്നു ചേർന്നതിന്റെ നിർവൃതി ആയിരുന്നു ശരത്തിൽ....


(തുടരും)


ഇഷ്ടായാൽ ഒരു വരി എനിക്കായി കുറിക്കണേ 🤗