💖*SOULMATE*💖

Part-- 9️

✍അർച്ചന

© Copyright work-This work protected in accordance with section 45 of the copyright act 1957 (14 of 1957) and should not  used in full or part without the creators (Archana)prior permission..

______________________________________

"""നീ വരുന്നില്ലേ.... ""

നീരുവിനു ഇവിടെ എത്തി എന്ന് മെസ്സേജ് അയക്കുമ്പോൾ ആണ് കൈസി അതും ചോദിച്ചു അവളുടെ അടുത്തേക്ക് വന്നത്....

""""ആഹ്.. വരുന്നു... """"

ഫോൺ ഓഫ് ആക്കി അവൾ അവന്റെ കൂടെ നടന്നു.....

""സാൻഡ്ര എവിടെ ""

"""അവൾ പോയി.... ""

ചുറ്റും നോക്കി അവൾ ചോദിക്കുന്നത് കെട്ട് അവൻ മറുപടി പറഞ്ഞു....

അവർ ലിഫ്റ്റിൽ കയറി....

ഇങ്ങനെ ഒരു ലിഫ്റ്റ് യാത്രയിൽ ആണ് കൈസിയെ ആദ്യം ആയി കണ്ടത് എന്ന കാര്യം അവൾ ഓർത്തു.....

"""തനിക്ക് ബുദ്ധിമുട്ട് ഉണ്ടോടോ എന്റെ കൂടെ നിൽക്കാൻ..... """

കൈസി അവളെ നോക്കി ചോദിച്ചതും അവൾ ഒന്ന് ഞെട്ടി.... പിന്നേ ഇളിച്ചു കൊണ്ട് ഇല്ലെന്ന് പറഞ്ഞു....

"""അല്ല.... സർ.... എന്തിനാ ഈ ഒരു റൂം എടുത്തത്.... ""

കുറച്ചു കഴിഞ്ഞതും നഖം കടിച്ചു കൊണ്ട് അവൾ ചോദിക്കുന്നത് കെട്ട് അവൻ അവളെ നോക്കി...

അവൾ ഇളിച്ചു കൊടുത്തു....

"""ഒരു കാര്യം ഉണ്ടെന്ന് കൂട്ടിക്കോ..... ""

അവളുടെ കളി കണ്ടു കണ്ണിറുക്കി ചിരിച്ചു അവൻ മറുപടി പറഞ്ഞു....

ലിഫ്റ്റിൽ നിന്ന് ഇറങ്ങി അവന്റെ കൂടെ റൂമിലേക്ക് കയറി..... റൂം ബോയ് ലേഗേജ്‌ ഒക്കെ കൊണ്ട് തന്നതും അവൻ അതൊക്കെ ഷെൽഫിലേക്ക് എടുത്തു വച്ചു......

അവൾ ചുറ്റും നോക്കി....

""വല്യ ബെഡ് ആണ്.... കുഴപ്പം ഇല്ല..... ""

സ്വയം പറഞ്ഞു സമാധാനിച്ചു കൊണ്ട് അവൾ ബാൽക്കണിയിലേക്ക് നടന്നു.....

"""കാഴ്ച കണ്ടു നിൽക്കാതെ പോയി ഫ്രഷ് ആയി വാ.... എന്നിട്ട് ഫുഡ് കഴിക്കാൻ പോകാം... ""

അവൻ പറഞ്ഞതും അവൾ വേഗം തലയാട്ടി റൂമിലേക്ക് കയറി....

അവൻ ഫോൺ എടുത്തു സച്ചുവിനെ വിളിച്ചു.....

അവൻ കാൾ എടുക്കുന്നില്ലെന്ന് കണ്ടതും വീണ്ടും വീണ്ടും വിളിച്ചു കൊണ്ടിരുന്നു....
അവന് ദേഷ്യം വരാൻ തുടങ്ങിയിരുന്നു....

"""സർ.... ""

അവൾ വിളിക്കുന്നത് കെട്ട് അവൻ തിരിഞ്ഞു നോക്കി.....

"""നീ റെഡി ആയില്ലേ.... ഞാൻ ഒന്ന് ഫ്രഷ് ആയി വരാം... വെയിറ്റ് ചെയ്യ്.... """

ദേഷ്യം അടക്കി പിടിച്ചു കൊണ്ട് അവളോടായി പറഞ്ഞു അവൻ പോയി....

അവൾ ബെഡിലേക്ക് വീണു.....

"""അതേ... ഉറങ്ങിയോ.... ""

കൈസി തട്ടി വിളിച്ചതും അവൾ ഒന്ന് ചിണുങ്ങി തിരിഞ്ഞു കിടന്നു....

"""ആലീസ്.... എഴുന്നേറ്റേ.... ഫുഡ് കഴിച്ചു വന്നിട്ട് ഉറങ്ങിക്കോ.... ""

അവൻ അവളെ കുലുക്കി വിളിച്ചു കൊണ്ട് പറഞ്ഞതും പെണ്ണ് കണ്ണ് തുറന്നു അവനെ നോക്കി ചുണ്ട് കൂർപ്പിച്ചു.....

"""ഫുഡ് ഇവിടേക്ക് പറഞ്ഞാൽ മതിയോ.... ""

അവളുടെ മുഖഭാവം കണ്ടു അവൻ ചോദിച്ചതും അവൾ പെട്ടെന്ന് തന്നെ തലയാട്ടി....

അപ്പൊ തന്നെ അവൻ ഫുഡ് ഓഡർ ചെയ്തു.....

"""നീ ഇന്നലെ എന്നോട് എന്തോ ചോദിച്ചില്ലേ.... ""

ഒരു ചെയറിലേക്ക് ഇരുന്നു കൊണ്ട് അവൻ ചോദിച്ചതും അവൾ മുഖം ചുളിച്ചു.....

"""എന്ത് ചോദിച്ചെന്ന്.... "'"

അവൾ തിരിച്ചു ചോദിച്ചതും അവൻ ചിരിയോടെ അവളെ നോക്കി.....

"''ഓർമ ഇല്ലേ... ""

അവൻ വീണ്ടും ചോദിച്ചതും അവൾ ഇല്ലെന്ന് തലയാട്ടി.....

""""Have you ever fallen in love with someone????.... എന്ന് ചോദിച്ചില്ലേ...."""

അവൻ പെട്ടെന്ന് അങ്ങനെ ചോദിച്ചതും അവൾ ഉണ്ടെന്നും ഇല്ലെന്നും തലയാട്ടി.....

"""കേട്ടിരുന്നോ.... ""

അവൾ ചമ്മലോടെ ചോദിച്ചു...

അവൻ കെട്ടിരുന്നെന്ന രീതിയിൽ തലയാട്ടി.....

"""എന്നിട്ട് എന്താ അപ്പൊ മറുപടി പറയാഞ്ഞേ.... ""

വിട്ടുകൊടുക്കാൻ അവളും ഒരുക്കമായിരുന്നില്ല...

"''അപ്പൊ പറയാൻ തോന്നിയില്ല... "'

അവൻ കളിയാലേ പറഞ്ഞു.....

"""അപ്പൊ ഇപ്പൊ പറയാൻ തോന്നുന്നുണ്ടോ...."'

ഒരു കണ്ണിറുക്കി ചിമ്മി നാവ് കടിച്ചു കൊണ്ട് അവൾ ചോദിക്കുന്നത് കേട്ടതും അവൻ ചെറുതായി ഒന്ന് തലയാട്ടി...

കാളിംഗ് ബെൽ അടിക്കുന്നത് കേട്ടതും അവൻ ഇരുന്നിടത്തു നിന്നും എഴുന്നേറ്റു....

"""ഫുഡ് വന്നു....""

അത്രയും പറഞ്ഞു അവൻ ഡോറിനടുത്തേക്ക് പോയി....

അവൾ അവനെ തന്നെ നോക്കി നിന്നു.... വല്ലാത്ത ആകാംക്ഷ നിറഞ്ഞിരുന്നു അവളിൽ....

"""ഫ്രൈഡ്റൈസ് ആണ്.... വേഗം കഴിച്ചു കിടന്നോ.... ഈവനിംഗ് മോഡൽസിനെ സെലക്ട് ചെയ്യാൻ പോകേണ്ടത് ആണ്... ""

അവൻ ഫുഡ് സേർവ് ചെയ്തു കൊണ്ട് പറഞ്ഞു.... അവൾ വേഗം ഭക്ഷണം കഴിച്ചു...

"""കുറച്ചു നേരം റസ്റ്റ്‌ ചെയ്തോ.... ""

ഭക്ഷണം കഴിച്ചു കഴിഞ്ഞതും അവൻ ലാപ്ടോപും എടുത്തു അതും പറഞ്ഞു ബാൽകണിയിലേക്ക് വിട്ടു....

അവൻ പറഞ്ഞു പൂർത്തിയാക്കാതെ പോയ വരികളിൽ ആയിരുന്നു അവളുടെ മനസ് മുഴുവൻ....

വൈകുന്നേരം ആയതും അവൾ എഴുന്നേറ്റു ചുറ്റും നോക്കി.. അവനെ കാണാഞ്ഞതും അവൾ ബാൽക്കണിയിലേക്ക് നടന്നു....

അവിടെ ഉണ്ടായിരുന്ന കൗച്ചിൽ  അവൻ ഇപ്പോഴും ലാപ്ടോപിൽ നോക്കി ഇരിക്കുന്നത് അവൾ കണ്ടു....

"""ആഹ്.... താൻ എഴുന്നേറ്റോ... ""

അവൾ തലയാട്ടി...

"""നമുക്ക് എന്നാൽ ഇന്റർവ്യൂ നടക്കുന്നടുത്തേക്ക് പോയാലോ... ""

അതും പറഞ്ഞു അവൻ ലാപ് അടച്ചു വച്ചു എഴുന്നേറ്റു....

അവൾ വേഗം തന്നെ റെഡി ആയി വന്നു.....

അവന്റെ കൂടെ ഇറങ്ങി.....

കാർ ഒക്കെ അവൻ വിളിച്ചു പറഞ്ഞ പ്രകാരം അവിടെ വന്നിരുന്നു.... അതുകൊണ്ട് തന്നെ വേഗം അതിൽ കയറി....

ASK Designs എന്ന കമ്പനിയുടെ മുന്നിൽ കാർ നിർത്തി...അവന്റെ കൂടെ അവളും ഇറങ്ങി...

                            ***********

"""എനിക്ക് ഇപ്പൊ കല്യാണം ഒന്നും വേണ്ടമ്മാ.... """

നീരു കൊഞ്ചി കൊണ്ട് പറഞ്ഞതും ലേഖ അവളെ തുറിച്ചു നോക്കി....

"""നിനക്ക് വയസ് ഇപ്പൊ എത്ര ആയിന്നാ... ഇനി എപ്പോഴാ കല്യാണം.... മൂക്കിൽ പല്ല് വന്നിട്ടോ..... "''

""""ആഹ്.... ഇനി അത് വന്നിട്ടേ ഞാൻ കല്യണം കഴിക്കുന്നുള്ളൂ....."""

"""എന്ത് വന്നിട്ട്.... ""

ലേഖ സംശയത്തോടെ ചോദിച്ചു....

"""അല്ല.... മൂക്കിൽ പല്ല്.... ""

അതും പറഞ്ഞു അവൾ ഇളിച്ചു കാണിച്ചതും മോഹനൻ പൊട്ടിച്ചിരിച്ചു..

""""ആഹ്... വന്നല്ലോ... നിങ്ങളുടെ പുന്നാര മോൾ പറയുന്നത് കേട്ടോ..... നിങ്ങളാ അവളെ കൊഞ്ചിച്ചു വഷളാക്കുന്നത്.... കല്യാണപ്രായം ആയ പെണ്ണാ...."""'

ലേഖ മോഹനന് നേരെ തിരിഞ്ഞു....

"""അച്ഛാ..... ഇങ്ങനെ ആണേൽ ഞാൻ ഇപ്പൊ തന്നെ തിരിച്ചു പോകുംട്ടോ...."""

അവൾ ചവിട്ടിത്തുള്ളി പറഞ്ഞതും മോഹനൻ അവളെ ചേർത്തു പിടിച്ചു....

ലേഖ മുഖം കോട്ടി അടുക്കളയിലേക്ക് പോയതും മോഹനൻ നീരുവിനെ നോക്കി... അവൾ ഇളിച്ചു കൊണ്ട് അയാളുടെ നെഞ്ചിലേക്ക് ചാഞ്ഞു നിന്നു....

"""നിന്നെ കെട്ടിക്കാൻ ഒക്കെ ആയോടി...""

"""എവിടെ.... ആ അമ്മ വെറുതെ പറയുവാ.... """

അവൾ കണ്ണിറുക്കി കൊണ്ട് പറഞ്ഞു...

"""ഏതേലും മുംബൈ ചെക്കനെ കണ്ടു വച്ചിട്ടുണ്ടോടി..... """

അയാൾ സംശയത്തോടെ അവളെ നോക്കിയതും പെണ്ണ് ചിരിച്ചു കൊടുത്തു....

അവളുടെ ഉള്ളിൽ സച്ചുന്റെ മുഖം തെളിഞ്ഞു.....

"""സമയം ആകുമ്പോൾ പറയാം.... """

അതും പറഞ്ഞു അയാളുടെ കവിളിൽ ഒരു ഉമ്മയും കൊടുത്തു അവൾ റൂമിലേക്ക് കയറി.....

ഡോർ ലോക്ക് ചെയ്തു ബെഡിലേക്ക് ഇരുന്നു....

അവളുടെ കണ്ണുകൾ നിറയുന്നുണ്ടായിരുന്നു.....

***എനിക്ക് അറിയാടാ... അവളെ നമ്മുടെ ലച്ചുനെ പോലെയാ നീ കാണുന്നെ എന്ന്.... പക്ഷേ... അപ്പോഴൊക്കെ എന്റെ ലച്ചുന്റെ മുഖം ആടാ ഞാൻ കാണുന്നെ..... എനിക്ക് പറ്റുന്നില്ലടാ....അവളെ പോലെ നിരഞ്ജനയെ കാണാൻ..... ഞാൻ...***

സച്ചുവിന്റെ ഇടറികൊണ്ടുള്ള ശബ്ദം അവളുടെ ചെവിയിൽ തുളഞ്ഞു കേറി...

കൈസിയോട് ലീവ് വേണം എന്ന് പറയാൻ ചെന്നതാണ്.... അപ്പോഴാണ് അവരുടെ സംസാരം കേൾക്കുന്നത്.... തന്നെക്കുറിച്ച് ആണ് പറയുന്നത് എന്ന് കേട്ടതും അടുത്തേക്ക് പോകാൻ തോന്നിയില്ല.....

ബാക്കി കേൾക്കാൻ കഴിയാതെ തിരിച്ചു റൂമിലേക്ക് വരികയായിരുന്നു....

അവൻ നാട്ടിലേക്ക് പോകാൻ തീരുമാനിച്ചത് തന്നെ താൻ കാരണം ആണ്.... അവനെ എത്രത്തോളം ഇറിറ്റേറ്റ് ചെയ്യാൻ പറ്റുമോ അത് മാത്രമേ  നോക്കിയുള്ളൂ...

അവന്റെ ഉള്ളിൽ മറ്റൊരു പെണ്ണ് ഉണ്ടെന്നുള്ളത് അറിയില്ലായിരുന്നു....

നെഞ്ചിൽ വല്ലാത്ത ഭാരം തോന്നി അവൾക്ക്.... ഇനി മുംബൈക്ക് തിരിച്ചു പോകുന്നില്ലെന്ന് അവൾ ഉറപ്പിച്ചു....
       
                          ***************

കമ്പനിയിൽ എത്തിയതും അവൾക്ക് നിന്ന് തിരിയാൻ സമയം കിട്ടിയിരുന്നില്ല....

കൈസിയുടെ കൂടെ തന്നെ നടന്നു അവൻ പറയുന്ന ഓരോ കാര്യവും റിപ്പോർട്ട് ചെയ്യേണ്ടി വന്നിരുന്നു അവൾക്ക്....

"""ഡോ.... താൻ ക്ഷീണിച്ചോ... ""

ഏറെ നേരത്തിനു ശേഷം അവൻ അടുത്ത് വന്നു ചോദിച്ചതും അവൾ തെളിച്ചമില്ലാത്ത ചിരി നൽകി ഓക്കേ ആണെന്ന് പറഞ്ഞു....

അവൻ അവളെയും കൂട്ടി ഒരു റൂമിലേക്ക് പോയി....

"""ഇവിടെ ഇരുന്നോ.... കുറച്ചു റസ്റ്റ്‌ എടുക്ക്.... ഞാൻ ചായ പറയാം.... """

അത്രയും പറഞ്ഞു അവൻ പോയതും അവൾ അവിടെ ഒരു ചെയറിൽ ഇരുന്നു ടേബിളിലേക്ക് മുഖം അമർത്തി....

"""Madam.... Coffee.... ""

ഒരു പെൺകുട്ടി അതുമായി വന്നതും അവൾ ചിരിയോടെ അത് വാങ്ങി...

പിന്നെയും കുറേ നേരം കഴിഞ്ഞാണ് അവൻ അങ്ങോട്ട്‌ വന്നത്....

"""പോകാം.... ""

അവൻ വന്നു വിളിച്ചതും അവൾ വേഗം ഫയൽസ്‌ ഒക്കെ എടുത്തു കൊണ്ട് അവന്റെ അടുത്തേക്ക് വന്നു....

"""കഴിഞ്ഞോ.... ""

"""ഹാ.... ഇനി നാളെ.... വാ... റൂമിലേക്ക് പോകാം.... """

അവൻ പറഞ്ഞു കൊണ്ട് തിരിഞ്ഞു നടന്നു.... ഒപ്പം തന്നെ അവന് പിറകെ അവളും ചെന്നു....

റൂമിൽ എത്തിയതും അവൻ ഫ്രഷ് ആയി വന്നു.... അവൾ അപ്പോഴേക്കും ഉറക്കം തൂങ്ങി ഇരിക്കുന്നുണ്ടായിരുന്നു...

***ആലി..... ***

അവൻ അവളുടെ അടുത്ത് ചെന്നു ഷോൾഡറിൽ കൈ വച്ചു പതിയെ വിളിച്ചതും അവൾ ഞെട്ടി പിടഞ്ഞു എഴുന്നേറ്റു.....

"""സർ.... ""

അവളുടെ ശബ്ദത്തിൽ വിറയൽ കടന്നിരുന്നു....

അവൻ ചിരിച്ചു കൊണ്ട് നെഞ്ചിൽ കൈ കെട്ടി നിന്നു.....

****Do you love me Aaliii.....****

അവന്റെ ശബ്ദം അത്രമേൽ ആർദ്രമായിരുന്നു....

അവളുടെ കണ്ണുകൾ നിറഞ്ഞൊഴുകുന്നുണ്ടായിരുന്നു.....

***Do you wanna kiss me.... ***

അവൻ കീഴ്ചുണ്ട് കടിച്ചു പിടിച്ചു കൊണ്ട് ചോദിച്ചു....

അവൾക്ക് എന്ത് പറയണം എന്ന് അറിയില്ലായിരുന്നു....

വാ പൊത്തി പിടിച്ചു അവൾ കരഞ്ഞു....

***Aalii..... I think...... I....love....... ***

അത്രയും പറഞ്ഞു അവൻ നിർത്തി....

അവൻ അവൾക്ക് അടുത്തേക്ക് നടന്നടുത്തു.....

****Aalii.... I love you......****

അവളുടെ ചെവിയിൽ മൃദുവായ് ഒന്ന് ചുംബിച്ചു കൊണ്ട് പറഞ്ഞതും അവൾ അവനെ നോക്കി....

***Rohan..... ***

അവൾ ഒരു ഏങ്ങലോടെ വിളിച്ചു....

അവൻ അതേയെന്ന് തലയാട്ടിയതും മറ്റൊന്നും ചിന്തിക്കാതെ അവൾ അവന്റെ നെഞ്ചിലേക്ക് ചാരി അവനെ വിരിഞ്ഞു ചുറ്റിയിരുന്നു......

 

(തുടരും)

ഡൌട്ട് ഉണ്ടാകും എന്നറിയാം.... ഒക്കെ അടുത്ത പാർട്ടിൽ തീർക്കാം....💞