💖*SOULMATE*💖

Part-- 8️

✍അർച്ചന

© Copyright work-This work protected in accordance with section 45 of the copyright act 1957 (14 of 1957) and should not  used in full or part without the creators (Archana)prior permission..

______________________________________

"""സച്ചൂ.... വാ... ഇറങ്ങാം.... നാളെ ദുബായ് വരെ പോകണം..പാക്കിങ് ഒക്കെ ചെയ്യണം.... """"

കൈസി വിളിച്ചതും സച്ചു വേഗം ഇറങ്ങി....

ഓഫീസിന്റെ താക്കോൽ സെക്യൂരിറ്റിക്ക് നൽകി അവർ അപാർട്മെന്റിലേക്ക് വിട്ടു....

"""ഡാ... നീ എന്താ ഒന്നും മിണ്ടാതെ നിൽക്കുന്നെ.... """

റൂമിന്റെ ഡോർ തുറന്നു കയറിയതും സോഫയിലേക്ക് ചാഞ്ഞിരുന്നു എങ്ങോ നോക്കി നിൽക്കുന്ന സച്ചുവിന്റെ അടുത്തായി അവൻ ചെന്നിരുന്നു....

"""എടാ.... ഞാൻ.... ഞാൻ ചെയ്യുന്നത് ശെരിയാണോടാ... ""

"""അതിന് നീ എന്ത് തെറ്റാ ചെയ്തേ.... ഏഹ്.. ""

കൈസി അവനെ നോക്കി ചോദിച്ചു...

""""ഞാൻ... ഞാൻ.. അവളെ... നിരഞ്ജനയെ.... എനിക്ക് എന്തോ... എനിക്ക് ഇവിടെ പറ്റുന്നില്ലടാ... ഞാൻ.. ഞാൻ നാട്ടിൽ പൊക്കോട്ടെ.... """"

അവൻ പറയുന്നത് കേട്ടതും കൈസി ഒന്നും മിണ്ടാതെ റൂമിലേക്ക് കയറി ഡോർ വലിച്ചടച്ചു.....

സച്ചു റൂമിന്റെ ഡോറിലേക്ക് ഒന്ന് നോക്കി..... പിന്നെ കിച്ചണിലേക്ക് ചെന്നു....

ചായ ഉണ്ടാക്കി രണ്ട് കപ്പിലേക്ക് പകർന്നു....

"""ഡാ.... വാതിൽ തുറക്ക്.... """

അവൻ വാതിൽ തട്ടിക്കൊണ്ട് പറഞ്ഞു....

ഏറെ നേരം കഴിഞ്ഞതും അവൻ ഡോർ തുറന്നു...

സിഗരറ്റിന്റെ രൂക്ഷ ഗന്ധം ആ റൂമിൽ നിന്നും പുറത്തേക്ക് പരന്നു....

സച്ചു അവനെ കൂർപ്പിച്ചു നോക്കിയതും അവൻ ഒന്നും മിണ്ടാതെ ബെഡിൽ ചെന്നു കിടന്നു.....

"""ഞാൻ... ഞാൻ നാളെ ദുബായിൽ പോകുവാ..... രണ്ട് ദിവസം കഴിയും വരാൻ..... അത് കഴിഞ്ഞിട്ട് നീ പൊക്കോ എങ്ങോട്ടാണെങ്കിലും.... """"

സച്ചുവിനെ നോക്കാതെ അതും പറഞ്ഞു കൈസി ബാത്‌റൂമിലേക്ക് കയറി പോയി...

സച്ചു ഒന്ന് നിശ്വസിച്ചു കൊണ്ട് ബാൽക്കണിയിലേക്ക് ചെന്നു.....

കണ്ണിറുക്കെ അടച്ചു തുറന്നു.....

*എനിക്ക് പറ്റണില്ല പെണ്ണെ നിന്നെ മറക്കാൻ.....💔*

അവന്റെ കണ്ണുകൾ നിറഞ്ഞു....

ഏറെ നേരം കഴിഞ്ഞതും കൈസിയും അങ്ങോട്ട് ചെന്നു..... സച്ചു കൊണ്ട് വച്ച ചായകപ്പും അവന്റെ കയ്യിൽ ഉണ്ടായിരുന്നു.... ഒന്ന് സച്ചുവിന് നീട്ടി....

അവൻ അത് വാങ്ങി ചുണ്ടോട് ചേർത്തു......

""പോണംന്ന് നിർബന്ധം ആണോ... ""

കൈസി അവനെ നോക്കാതെ തന്നെ ചോദിച്ചു...

"""ഹ്മ്മ്..... പറ്റുന്നില്ല ഇവിടെ.... എന്തോ പോലെ..... മരിച്ചു പോവുംന്ന് വരെ തോന്നുവാ.... ""'

"""ഞാൻ നീരുനോട്‌  സംസാരിക്കാം.... """

"""വേണ്ട... അവൾ ഒന്നും അറിയണ്ട....പിന്നെ നീ വന്നിട്ടേ ഞാൻ പോകുന്നുള്ളൂ... അതുവരെ ആരോടും പറയാൻ നിൽക്കണ്ട....""""

""ഹ്മ്മ്... ""

കൈസി അലസമായി ഒന്ന് മൂളി....

""""ഞാൻ ഇങ്ങോട്ട് തന്നെ വരാം ടാ....... പക്ഷേ ഇപ്പൊ.... എനിക്ക് എന്തോ....ഒറ്റപ്പെടുന്നത് പോലെ ഒക്കെ തോന്നുന്നു..... """"

അവന്റെ വാക്കുകൾ ഇടറിയിരുന്നു....

"""അപ്പോ.... ഞാൻ.... ഞാൻ ഇല്ലേ നിനിക്ക്..... അങ്ങനെ ഞാൻ ഒറ്റപ്പെടുത്തിയോടാ നിന്നെ..... """"

കൈസി അവന്റെ ഷോൾഡറിൽ തള്ളി.... അവൻ പിറകിലേക്ക് വേച്ചു പോയതും കൈസി അവനെ കെട്ടിപിടിച്ചു....

"""""ഹ്മ്മ്.... തോന്നി..... ഞാൻ.... ഞാൻ ഒറ്റക്ക് ആയത് പോലെ തോന്നി.... നീ അവളെ ചേർത്ത് പിടിക്കുമ്പോഴും എന്നെ നോക്കാതെ അവൾക്ക് എന്തെങ്കിലും പറ്റിയോ എന്നൊക്കെ നോക്കുമ്പോൾ ഒക്കെ എനിക്ക് ഒറ്റക്ക് ആയത് പോലെ തോന്നി...... """"""

സച്ചു പതിയെ ഇടർച്ചയോടെ പറഞ്ഞു....

""""ഞാൻ.... അവൾ.... """

കൈസിയുടെ വാക്കുകൾ മുറിഞ്ഞു പോയി.....

"""എനിക്ക് അറിയാടാ... അവളെ നമ്മുടെ ലച്ചുനെ പോലെയാ നീ കാണുന്നെ എന്ന്.... പക്ഷേ... അപ്പോഴൊക്കെ എന്റെ ലച്ചുന്റെ മുഖം ആടാ ഞാൻ കാണുന്നെ..... എനിക്ക് പറ്റുന്നില്ലടാ....അവളെ പോലെ നിരഞ്ജനയെ കാണാൻ..... ഞാൻ...""""

കൈസി ഒന്നും മിണ്ടിയില്ല.....

"""അവൾ പോയില്ലേടാ..... """

ഏറെ നേരത്തിനു ശേഷം കൈസി പതിയെ പറഞ്ഞു.... അവന്റെ വാക്കുകളിൽ വേദന നിറഞ്ഞിരുന്നു...

"""മറക്കാൻ പറ്റുന്നില്ലടാ....ഞാൻ... ഞാൻ ഒന്നും അറിഞ്ഞില്ലല്ലോടാ.... നീ പോലും പറഞ്ഞില്ലല്ലോ..... ഇതുപോലെ എന്നെ ഒറ്റക്ക് ആക്കിയില്ലേ അന്നും... """

സച്ചു വിതുമ്പികൊണ്ട് പറഞ്ഞൂ...

""""നിരഞ്ജനയെ ഫിറ്റ്നസ് ഡിപ്പാർട്മെന്റിലേക്ക് മാറ്റാം.....ടൈം സെറ്റിൽ ചെയ്തു അവളെ രാവിലെയും വൈകുന്നേരവും മാത്രം ആക്കാം.... നീ എന്റെ കൂടെ വീട്ടിൽ നിന്നോ.... പോവാതിരുന്നൂടെടാ... """""

കൈസി അപേക്ഷ നിറഞ്ഞ സ്വരത്തോടെ സച്ചുവിനോടായി പറഞ്ഞു....

സച്ചു ഒന്നും മിണ്ടിയില്ല..... അവിടെ തന്നെ നിന്നു..... കൈസിയും..... താഴെ റോഡിലൂടെ വാഹനങ്ങൾ ചീറിപ്പായുന്നുണ്ട്...... കൈസി ഫോൺ ഓൺ ചെയ്തു.....കിലുക്കാംപെട്ടി പോലെ പൊട്ടിച്ചിരുന്ന ഒരു പെണ്ണിന്റെ മുഖം അതിൽ തെളിഞ്ഞു വന്നു..... അവൻ അതിലേക്ക് നോക്കി കണ്ണുചിമ്മി........

""""ലച്ചൂ......."""

അവൻ പതിയെ വിളിച്ചു..... സച്ചു മുഖം ചെരിച്ചവനെ നോക്കി.....

"""ഇവനും എന്നെ വേണ്ടെന്ന്.... എന്നെ ഒറ്റക്ക് ആക്കി പോകുവാന്ന്.... """

"""എടാ.... ഞാൻ.... """

ഫോണിൽ നോക്കി പരിഭവം പറയുന്ന കൈസിയെ സച്ചു നോക്കി....

കൈസി അവനെ നോക്കുക കൂടെ ചെയ്യാതെ റൂമിലേക്ക് ചെന്നു.....

സച്ചുവിന്റെ കണ്ണുകൾ നിറഞ്ഞു കവിഞ്ഞു... 

               ************************

"""എത്ര ദിവസത്തേക്കാ ട്രിപ്പ്‌.... ""

"""രണ്ട് മൂന്ന് ദിവസത്തിനുള്ളിൽ തിരിച്ചെത്തും എന്നാ പറഞ്ഞത്..... """

നീരുവിന്റെ ചോദ്യത്തിന് എമി മറുപടി പറഞ്ഞു.....

""""നീ പോയാൽ എനിക്ക് എന്തോ പോലെ ആകും.... ആകെ ഒരു ദിവസം മാത്രേ നീ ഇവിടെ എന്റെ കൂടെ ഉണ്ടായിട്ട് ഉള്ളൂ.... എന്നാലും....രണ്ട് ദിവസത്തേക്ക് നീ ഇല്ലെന്ന് പറയുമ്പോൾ.....""""

നീരു ചുണ്ട് ചുളുക്കി.....

എമി ചിരിയോടെ ഡ്രസ്സ്‌ ഒക്കെ ട്രോളി ബാഗിൽ ഒതുക്കി വച്ചു ബെഡിൽ ഇരിക്കുന്ന നീരുവിനടുത്തേക്ക് ചെന്ന് ഇരുന്നു......

"""ഞാൻ നാട്ടിൽ പോകുവാ.... രണ്ട് ദിവസത്തേക്ക്.... നീ വന്നിട്ട് എന്നെ വിളിക്ക്.... അപ്പൊ ഞാനും വരാം.... """

നീരു ചിരിയോടെ പറഞ്ഞതും എമി തലയാട്ടി.....

'''"കൈലാസ് സർ സമ്മതിച്ചോ..... """

"""ഞാൻ പറഞ്ഞിട്ടില്ല..... നാളെ പറയാം.... ""

നീരു താല്പര്യമില്ലാത്തത് പോലെ പറഞ്ഞു...

അപ്പോഴേക്കും കാളിംഗ് ബെൽ അടിക്കുന്നത് കേട്ടു.... നീരുവിനെ ഒന്ന് നോക്കിയ ശേഷം എമി പുറത്തേക്ക് നടന്നു.....

ഡോർ തുറന്നു.... കൈസി ആയിരുന്നു മുന്നിൽ...

""""രാവിലെ 6 മണിക്ക് ആണ് ഫ്ലൈറ്റ്.....5 മണി ആകുമ്പോഴേക്കും എയർപോർട്ടിൽ എത്തണം....കുറച്ചു നേരത്തെ റെഡി ആയി നിന്നോ.... """

അവൻ പറഞ്ഞതും അവൾ തലയാട്ടി....

""""കിച്ചേട്ടാ.... ഞാൻ നാട്ടിൽ പൊക്കോട്ടെ... രണ്ട് ദിവസത്തേക്ക്.... ഇവൾ ഇല്ലാതെ ഇവിടെ നിൽക്കാൻ എന്തോ പോലെ.. രണ്ട് ദിവസം ലീവ് തരുവോ..... """"

നീരു പുറത്തേക്ക് വന്നു കൊണ്ട് ചോദിച്ചതും അവൻ അവളെ കൂർപ്പിച്ചു നോക്കി....

അവൾ ചുണ്ട് ചുളുക്കി.....

"""പ്ലീസ്.... ""

"""ഹ്മ്മ്..... വേഗം വന്നേക്കണം.... "'

"""അതൊക്കെ ആലോചിക്കാം...""

കണ്ണിറുക്കി ചിരിച്ചു കൊണ്ട് അവൾ മറുപടി പറഞ്ഞതും അവൻ അവളുടെ തലയിൽ ഒന്ന് കൊട്ടി.....

"""അപ്പൊ കിടന്നോ... നാളെ നേരത്തെ എഴുന്നേൽക്കാൻ ഉള്ളതല്ലേ.... """

അതും പറഞ്ഞു കൈസി അവന്റെ റൂമിലേക്ക് കയറി....

എമി നീരുവിനെയും കൂട്ടി അകത്തേക്ക് കയറി ഡോർ അടച്ചു.....

                        **************

"""ഡാ.... വണ്ടി എടുക്ക്...."""

കാറിലേക്ക് കയറി കൊണ്ട് കൈസി പറഞ്ഞതും സച്ചു വേഗം ഡ്രൈവിംഗ് സീറ്റിൽ ചെന്നിരുന്നു.....

നീരുവിനോട് യാത്ര പറഞ്ഞു എമിയും കയറി.....

കാർ എയർപോർട്ട് ലക്ഷ്യമാക്കി സഞ്ചരിച്ചു....

"""""സച്ചൂ.... ന്യൂയോർക്കിലെ മോഡലിങ് കോംപറ്റീഷനിലേക്ക് ഉള്ള ചാർട് റെഡി ആക്കണം.... മെഹ്റിനെയും ലൂസിയെയും മാത്രം അല്ല.... രണ്ട് പേരെ കൂടെ ഇവിടെ നിന്ന് തന്നെ ഓക്കേ ആക്കി എടുക്കണം..... ബാക്കി ഉള്ള രണ്ട് പേര് നാളത്തെ ഇന്റർവ്യൂയിലൂടെയും.... അവരുടെ കോസ്ട്യൂമൊക്കെ നീ തന്നെ നോക്കി റെഡി ആക്കണം.... """"

"""ഹ്മ്മ്.... """

സച്ചു ഒന്ന് മൂളുക മാത്രം ചെയ്തു....

മറ്റെന്തോ പറയാൻ നിന്നെങ്കിലും പിന്നെ അത് പൂർത്തിയാക്കാതെ സച്ചുവിനെ ഒന്ന് നോക്കിയ ശേഷം കൈസി പുറത്തോട്ട് നോക്കി ഇരുന്നു...

എയർപോർട്ടിൽ എത്തി ചെക്കിൻ ചെയ്ത ശേഷം സച്ചുവിനോട് യാത്ര പറഞ്ഞു കൈസിയുടെ കൂടെ എമി ഫ്ലൈറ്റിലേക്ക് കയറി...

ആദ്യമായാണ് ഫ്ലൈറ്റിൽ കയറുന്നത്... അതിന്റെ പേടി നല്ലോണം ഉണ്ടെങ്കിലും അവൾ അത് പുറമേ കാണിച്ചില്ല.....

കൈസി അവളുടെ അടുത്ത് ആയി ഇരുന്നു.....

""'ഡോ.... താൻ ഇങ്ങനെ പേടിച്ചു വല്ലതും വരുത്തി വയ്ക്കല്ലേ.... ഫ്ലൈറ്റ് ആണ്... ""

അവൻ ചിരിയോടെ പറഞ്ഞതും അവൾ അവനെ ഒന്ന് തുറിച്ചു നോക്കി...

"""എനിക്ക് പേടി ഒന്നുല്ല....""

ശബ്ദത്തിൽ വിറയൽ കടന്നു വന്നിരുന്നെങ്കിലും അവൾ പറഞ്ഞൊപ്പിച്ചു..... പിന്നെ ചുണ്ട് കോട്ടി....

അവൻ ചിരിച്ചതല്ലാതെ മറ്റൊന്നും ചെയ്തില്ല....

ഫ്ലൈറ്റ് ഉയർന്നു പൊങ്ങിയതും പെണ്ണ് പേടിയോടെ കൈസിയുടെ ഷേർട്ടിൽ ഇറുക്കി പിടിച്ചു....

"""പേടി തീരെ ഇല്ലല്ലേ.... ""

അവൻ അവളുടെ ചെവിയോരം ചോദിച്ചതും അവൾ ഒരു കണ്ണിറുക്കി തുറന്നു അവനെ നോക്കി ഇളിച്ചു കാണിച്ചു....

"""സച്ചു ഏട്ടന് ആരോടെങ്കിലും ഇഷ്ടം ഉണ്ടായിരുന്നോ..... I mean love....???""

അവൾ പതിയെ കൈസിയെ നോക്കി ചോദിച്ചു....

അവൻ അവളെ നോക്കി മുഖം ചുളിച്ചു....

""""അല്ല.... ആൾക്ക് വല്ല തേപ്പും കിട്ടിയത് കൊണ്ടാണോ നീരുനെ അക്സെപ്റ്റ് ചെയ്യാൻ കഴിയാത്തത് എന്ന് തോന്നിയത് കൊണ്ട് ചോദിച്ചതാ..... """

അവൻ ഒന്ന് നിശ്വസിച്ചു.... പിന്നെ ചെറു ചിരിയോടെ അവളെ നോക്കി....

"""ഹ്മ്മ്....ഒരുതരത്തിൽ തേപ്പ് ആണെന്ന് ഒക്കെ പറയാം..... """

അവൻ മുഖം താഴ്ത്തി....

"""അപ്പൊ മറ്റൊരു തരത്തിലോ....?"'

അവൻ അവളെ നോക്കി.... വല്യ ആലോചനയോടെ ആണ് അവൾ ചോദിച്ചത്....

""''അതിന്റെ ഉത്തരം പിന്നെ പറഞ്ഞു തരാം....""

ഫ്ലൈറ്റ് ലാൻഡ് ചെയ്തതും അവൻ ലേഗേജ്‌ എടുത്തു കൊണ്ട് പുറത്തിറങ്ങി.... ഒപ്പം അവളും....

"""Hey... Sandra...."""

"""Hai.... Sir.... How was your flight.... ""

"""Ya.... Its good.... And this is my PA... Alice.... """

കൈസി അവളെ പരിചയപ്പെടുത്തി.... എമി ചിരിയോടെ അവൾക്ക് കൈ കൊടുത്തു.....

സാൻഡ്രയുടെ കൂടെ അവർ കാബിൽ കയറി.....

""""Sir.... The first thing to do is go to the office""""

"""No... we need to be fresh first ... let's come to the office in the evening...""

"""Okey"""

അത്രയും പറഞ്ഞു അവൾ ഹോട്ടൽ പരഡൈസിലേക്ക് പോകാൻ ഡ്രൈവറോട് പറഞ്ഞു........

ഹോട്ടലിന് മുന്നിൽ വണ്ടി നിർത്തിയതും ലേഗേജ്‌ ഒക്കെ എടുത്തു അവർ റിസപ്‌ഷനിലേക്ക് ചെന്നു....

"""Sandra....One room is enough for us ...""

അവൻ പറയുന്നത് കേട്ടതും അവൾ കണ്ണ് തള്ളി അവനെ നോക്കി....

"""എന്താ.... തനിക്ക് എന്നെ വിശ്വാസം ഇല്ലേ.... ""

എന്തോ പറയാൻ തുടങ്ങിയതും അവൻ ചോദിക്കുന്നത് കേട്ട് അവൾ ഇല്ലെന്ന് തലയനക്കി.... പിന്നേ ചുണ്ട് ചുളുക്കി അവനെ നോക്കി.....

അവന്റെ ചുണ്ടിൽ അപ്പോഴും ഒരു കള്ളചിരി നിറഞ്ഞു നിന്നിരുന്നു.....

 

(തുടരും)