ശരത്തിന്റെ മുറിയിൽ കട്ടിലിൽ ഇരിക്കുകയാണ് സ്വാതി കൂടെ ചിപ്പയും ഉണ്ട്.കുഞ്ഞിപ്പെണ്ണിന്റെ ബഹളം കാരണം നേരുത്തേ അത്താഴംമുണ്ട് രണ്ടാളും ഇങ്ങു അവളുമായി പോന്നതാണ്.
മടിയിലിരുന്നു കുഞ്ഞിപ്പെണ്ണവളുടെ കണ്ണിലും മൂക്കിലുമൊക്കെ തൊടാൻ നോക്കുന്നുണ്ട്....
സ്വാതിയുടെ കണ്ണുരുട്ടലൊന്നും അവിടെ ഏൽക്കുന്നില്ല... പിന്നെയും കള്ളചിരിയോടെ അവളുടെ മാറിലായി ഒട്ടിക്കിടക്കും..... ഇടയ്ക്കൊന്നു ചിണുങ്ങി അവളെ തലയുയർത്തി നോക്കും..... വീണ്ടും കിടക്കും...

അവളുടെ കളികളസ്വദിക്കവേ രാവിലെ മുതലുള്ള തളർച്ചയും ക്ഷീണവും അവൾ മനഃപൂർവം മറന്നു.....

എന്നാലും എനിക്ക് വിശ്വസിക്കാൻ പറ്റുന്നില്ലടി... നീയിങ്ങനെ എന്റെ ഏട്ടതിയായി ഈ വീട്ടിൽ..സന്തോഷം തോന്നുന്നുണ്ട്. പക്ഷെ രണ്ടു മാസം കഴിയുമ്പോ ഞാനങ്ങു പോകുല്ലേ....

നീയെവിടെ പോണു???

കല്യാണം കഴിഞ്ഞു പോണ കാര്യടി.

ഓ അതിനിപ്പോ എന്താ നിനക്കെപ്പോ വേണേലും ഇങ്ങട്ട് വന്നൂടെ പെണ്ണെ..
ഞാനിവിടെ തന്നെ കാണില്ലേ...

അതല്ലേ പ്രശ്നം. ഏട്ടൻ മടങ്ങി പോകുമ്പോ നിങ്ങളങ്ങു പോകുല്ലേ... ഞാൻ വരുമ്പോ പിന്നിവിടെ ആരാ??

എവടെ പോകുന്നു...?? ഞാനെങ്ങും പോകുല്ലാ..
നിന്റെ ഏട്ടൻ പോകുമായിരിക്കും പക്ഷെ ഞാനുമെന്റെ പീകിരിം എങ്ങോട്ടുമില്ല. അല്ലേടി കുഞ്ഞാപ്പി???

ഒന്നും മനസിലായില്ലെങ്കിലും അവളൊന്നു കുലുങ്ങി ചിരിച്ചോണ്ട് ഒന്നുടെ സ്വാതിയോട് ചേർന്നിരുന്നു...

ഉവ്വ... നിങ്ങളെ രണ്ടാളേം ഇവിടെ നിർത്തി ഏട്ടൻ പോയത് തന്നെ.. ഇപ്പൊ തന്നെ നിന്റെ പുറകെ ചിക്കിച്ചികയുന്നത് ഞാൻ കാണുന്നുണ്ട്..

ചിലപ്പോൾ എല്ലാം എന്നോട് തുറന്നുപറയാനാവും...
ഇത്രേം നാളും അതിനൊന്നും മനസ് വന്നില്ലല്ലോ. അതുകൊണ്ട് അത്ര പെട്ടെന്ന് ഞാൻ അങ്ങേർക്കു പിടി കൊടുക്കൂല്ല..

വാശി നല്ലതാണ് മോളെ.... പക്ഷെ അതെന്റെ ഏട്ടനായൊണ്ട് പറയുവാ... നിന്റെ
എക്സ് പെക്ടഷൻ നേക്കാൾ ഭീകരണനായാൽ.... അതോണ്ട് നിന്റെ പിണക്കമൊന്നും അവിടെ എശുല്ല..

പിന്നെ നമുക്ക് കാണാം..

ആയിക്കോട്ടെ.എന്നാൽ നിങ്ങൾ കിടന്നോടി ഞാൻ പോണു.
ഇനിം ഇവിടിരുന്നാൽ ഏട്ടൻ എന്റെ പരിപ്പെടുക്കും... കുറെ നേരായി ഞാൻ പോയൊന്നു വന്നു നോക്കുന്നു..
പെമ്പറാന്നോത്തിയേം കൊച്ചിനേം കാണാഞ്ഞിട്ട് ചേട്ടായിക്ക് ഇറക്കപ്പൊറുതിയില്ലന്ന് തോന്നണു ....

ഒരു ചിരിയോടെ ചിപ്പ പോകുന്നതും നോക്കി മടിയിൽ കിടന്നുറങ്ങിപ്പോയ കുഞ്ഞിയെ കട്ടിലിലേക്ക് കിടത്തി തിരിയുമ്പോഴേക്കും ശരത് മുറിയിലേക് വന്നിരുന്നു....

മോളുറങ്ങിയോ......??

മ്മ്.

നീ കഴിച്ചോ??

മ്മ്.

നിനക്കെന്താടി വാ തുറന്നു പറഞ്ഞൂടെ... അവളുടെയൊരു മൂളൽ...

കുഞ്ഞുണരുമെന്നതിനാൽ ശബ്ദം താഴ്ത്തിയാണ് പറഞ്ഞതെങ്കിലും അതിലെ കടുപ്പം തിരിച്ചറിഞ്ഞപ്പോൾ അവളൊന്നു ഞെട്ടി... ഇങ്ങനല്ലല്ലോ വരേണ്ടത്??
ഇതിപ്പോ ആളെന്നെ പേടിപ്പിച്ചു നിർത്തിയാൽ ഞാനാരോടു പിണക്കം നടിക്കും.അവൾ ചിന്തയിലാണ്ടു...

നിനക്കുറക്കം വരുന്നുണ്ടോ??

മുഹും ഇല്ല.... അല്ല ഉറക്കം വരുന്നുണ്ട്.

എന്നാൽ കിടക്കാൻ നോക്ക്. പിന്നെ നാളെ എനിക്ക് കുറച്ചു സംസാരിക്കാനുണ്ട്. രാവിലെ എങ്ങും ഓടിക്കളയരുത്.. ഇന്നത്തെ നിന്റെ ഒളിച്ചു കളിയൊക്കെ ഞാൻ കണ്ടു. എന്ന് കരുതി നാളെയും അതാണ് പണിയെങ്കിൽ........

അത്രയും പറഞ്ഞവൻ കിടക്കയിലേക്ക് കയറി കിടന്നു.

അവളൊന്നു ശങ്കിച്ചു നിന്നെങ്കിലും അവനരികിലായി ചരിഞ്ഞു കിടന്നു...

പെട്ടെന്നൊരു കൈ വന്നു അവളുടെ വയറിനെ ചുറ്റിപ്പിടിച്ചു അവനോട് ചേർത്ത് വെച്ചു....

""ആകെയുള്ളൊരു ഭാര്യയാണെ... താഴെയെങ്ങാൻ വീണു പൊട്ടിപോയാലോ??""

കള്ളചിരിയോടെയുള്ള അവന്റെ വാചകങ്ങൾ അവളിലും ചിരി പടർത്തി..
ആദ്യമുണ്ടായിരുന്ന പരിഭ്രമം അവളിൽ നിന്നും വിട്ടകന്നു..
ആ നെഞ്ചോട് ചേർന്ന് കിടക്കാൻ ഒത്തിരി കൊതിച്ചതായതിനാൽ അവളും അവനെ എതിർത്തില്ല.....

ഒരു കയ്യാൽ സ്വാതിയെ ചേർത്ത് പിടിക്കുന്നതിനൊപ്പം മറുകയ്യാൽ തന്റെ മകളെയും അവൻ നെഞ്ചോട് ചേർത്തിരുന്നു......

(തുടരും )