©️copy right work-this work protected in accordance with section 45 of the copy right act 1957 (14 of 1957)and should not used in full or part with the creators (krishnapriya )prior permission........

അന്ന് യാദൃശ്ചികമായി ആണ് നിങ്ങളുടെ മുറിയിൽ നിന്നു എനിക്കും ഗൗരിക്കും നീയുപയോഗിച്ച മരുന്നിന്റെ കവർ കിട്ടുന്നത്.
അതിൽ നിന്നായിരുന്നു എല്ലാ അന്വഷങ്ങൾക്കും ഉള്ള തുടക്കം.

ഋതു ആണ് പറഞ്ഞത് അവളുടെ വീട്ടിൽ വെച്ച് നിനക്കുണ്ടായ തലകറക്കത്തെ കുറിച്ചും അവളുടെ മമ്മിയോടൊപ്പം ഹോസ്പിറ്റലിൽ പോയതുമെല്ലാം.

അവരെയൊന്നു കുടഞ്ഞപ്പോൾ ഉള്ള സത്യം എല്ലാം തുറന്നു പറഞ്ഞു.ഗൗതമെട്ടനൊപ്പം ഋതു ജീവിച്ചു കാണാൻ അവർ ഹേമ അമ്മായി പറഞ്ഞത് അനുസരിച്ചതായിരുന്നു.
ഡോക്ടറെ കണ്ട് അങ്ങനെ നുണ പറയിപ്പിച്ചതും അവർ പ്രെസ്ക്രൈബ് ചെയ്ത വിറ്റാമിൻ ടാബ്‌ലെറ്സ് മാറ്റി വാങ്ങിയതും അവരാണ്.
ആ മരുന്നിന്റെ എഫക്ട് ആരുന്നു പിന്നീട്ണ്ടായ തലവേദനക്കും ശര്ദിക്കും കാരണം.

ഒക്കത്തിനും സൂത്രധാരി അമ്മായി ആണെന്ന് അറിഞ്ഞപ്പോൾ എല്ലാവർക്കും ഞെട്ടലായിരുന്നു.
ശ്രീ അങ്കിളിന്റെ അവസ്ഥ പിന്നെ ഊഹിക്കാമല്ലോ....

അവർ പറഞ്ഞതെല്ലാം ദീപു ഏട്ടൻ റെക്കോർഡ് ചെയ്തത് കൊണ്ട് അത് തെളിവാക്കി കേസ് കൊടുത്തു..
ഇപ്പോൾ ജയിലിലാ.

അതൊക്കെ വിട്. എല്ലാം കഴിഞ്ഞ കാര്യമല്ലേ ദേവു. ഇങ്ങനൊക്കെ സംഭവിക്കാനായിരുന്നു വിധി. ഗൗതമേട്ടനെ വിധിച്ചത് ഋതുവിനാ. ദേവൂട്ടന് അവൾ നല്ലൊരമ്മയാണ്.രാവിലെ 
എഴുന്നേറ്റാൽ പിന്നെ മമ്മി ന്ന് വിളിച്ചു ഒരു ബഹളാ.. എന്തിനും ഏതിനും ചെക്കന് അവന്റെ മമ്മി മതി....

ചിരിയോടെ ദച്ചു ഓരോന്നും പറയുമ്പോൾ നെഞ്ച് വിങ്ങുന്നുണ്ടയിരുന്നു ദേവുവിന്.
അറിഞ്ഞോണ്ട് നഷ്ടപ്പെടുത്തിയതാണെങ്കിലും എന്തോ ഉള്ളിലാതോർക്കുമ്പോൾ വല്ലാത്ത നോവ് തോന്നിയിരുന്നു അവൾക്..



എല്ലാരും ഒക്കെ മറന്നു വരുവാ.
നിന്നോട് ചെറിയൊരു ദേഷ്യം കാണും. എന്നാലും ആരും നിന്നെ വെറുതിട്ടില്ല...
അമ്മയ്ക്ക് നിന്നെ കാണാൻ നല്ല മോഹോണ്ട്.
നീ വരണം....


വരാം. പക്ഷെ ഞാൻ വന്നാൽ ഗൗതമിനും ഋതുവിനും അത്......

ബാക്കി പറയാനാവാതെ അവൾ നിർത്തിയപ്പോൾ ദച്ചു സംശയപൂർവം അവളെയൊന്നു നോക്കി.

കാലം മായ്ക്കാത്ത മുറിവുകൾ ഒന്നുമില്ല ദേവു.
പിന്നെ എന്റെ ഏട്ടനെ സംബന്ധിച്ചിടത്തോളം കെട്ടിയ താലിയെം അത് ചാർത്തിയവളേം മൂല്യം കൽപ്പിക്കുന്ന ആളാ അതേത് സാഹചര്യത്തിൽ വിവാഹിതനാക്കേണ്ടി വന്നതായാലും.
നീയവർക്കിടയിൽ ഒരു പ്രോബ്ലം ആകില്ലെന്ന് മറ്റാരേക്കാളും എനിക്കുറപ്പുണ്ട്..

ഏട്ടന്റെ ജീവനാ ഋതു.......അതെനിക്കറിയാം.

ഏതോ ഒരോർമയിൽ ദച്ചു പറഞ്ഞു നിർത്തുമ്പോൾ അറിയാതെ നിറഞ്ഞ കണ്ണുകൾ അവളിൽ നിന്നൊളിപ്പിക്കാനുള്ള ശ്രെത്തിലായിരുന്നു ദേവു.


💖💖💖💖💖💖💖💖💖💖💖💖💖💖💖💖💖


ഊണ് മേശയിൽ പതിവിന് വിപരീതമായി എല്ലാവരും മൗനമായിരുന്നു.

ആൽബിയുടെ കണ്ണുകൾ ദേവുവിനെ നിരീക്ഷിക്കുന്ന തിരക്കിലായിരുന്നു.

ആദ്യം കണ്ടതിനേക്കാൾ അവളുടെ മുഖതെന്തോ ദുഃഖം അവന് തോന്നി.
എന്നാൽ ഇതൊന്നും കാര്യമാക്കാതെ ഓരോന്നും കഴിക്കുന്ന ദച്ചുവിനെ അത്ഭുതജീവി കണക്കെ അവനൊന്നു നോക്കി.

ദർശന എപ്പോഴാ മടങ്ങുന്നത്.

നിശബ്ദത കീറിമുറിച്ചു കൊണ്ടുള്ള അവന്റെ ചോദ്യത്തിനാണ് അവൾ പ്ലേറ്റിൽ നിന്നു മുഖമുയർത്തിയത്.

വൈകിട്ട്. തനിച്ചല്ല. ദേ ഇവളുമായിട്ട്.
ദേവുവിനെ ചൂണ്ടി അവൾ പറഞ്ഞപ്പോൾ അവനൊന്നു ഞെട്ടി.പിന്നൊന്നും മിണ്ടാത്തെ തലതാഴ്ത്തി ഇരുന്നു.

ഇച്ചായനെ നിനക്കെങ്ങനെ പരിചയം ദച്ചു.???

അതോ ഇങ്ങേരെന്റെ സീനിയർ ആരുന്നീടി..
നീയിവിടെ ഉണ്ടെന്ന് അറിഞ്ഞു അന്വഷിച്ചു വന്നു ചാടിയതും ഈ മുന്നിൽ തന്നെ.
അപ്പോൾ കൂടെ കൂട്ടി വന്നതാ അല്ലയോ ഇച്ചായ.

അവനൊന്നമർത്തി മൂളി കൈകഴുകനെഴുന്നേറ്റു.

അപ്പോഴും ചിന്താഭാരത്തോടെ പാത്രത്തിൽ തപ്പിതടയുന്നവളെ നോക്കി മനസിൽ ചിരിച്ചോണ്ട് കഴിച്ചിറക്കുന്ന തിരക്കിലായിരുന്നു ദച്ചു.


(തുടരും)