Part 13

രാത്രി കിടന്നിട്ടും ആയുവിനു ഉറങ്ങാൻ കഴിഞ്ഞില്ല. ഇന്ന് നടന്നതൊക്കെയും ഒരു സ്വപ്നം പോലെ തോന്നുന്നു അവൾക്ക്. പതിയെ അവൾ ബെഡിൽ നിന്നും എണീറ്റ് തന്റെ ഡയറി എടുത്തു അതിൽ കുറിച്ചിട്ടു


" നിൻ മൗനം പോലും അത്രമേൽ ആഴത്തിൽ, എൻ മനസ്സിൽ പതിയുന്നു പ്രിയനേ......, നിൻ മൗനത്താൽ നീ തീർത്ത വസന്തം എന്നിൽ നിന്നും ഒരിക്കലും മായില്ല, നിനക്കായുള്ള കാത്തിരുപ്പുകൾ പോലും എന്നിലെ പ്രണയത്തിൻ തീവ്രത വർധിപ്പിക്കുന്നു........"


പതിയെ അവൾ നിദ്രയേ പുൽകി.
രാവിലെ എണീറ്റപ്പോൾ മുതൽ ആയു നല്ല സന്തോഷത്തിൽ ആയിരുന്നു. കാരണം ഓണം ആഘോഷിക്കാൻ വേണ്ടി ഇന്ന് അവൾടെ അച്ഛന്റെ വീട്ടിലേക്ക് പോവും എന്ന് ഇന്നലെ അച്ഛൻ പറഞ്ഞത്‌ തന്നെ ആയിരുന്നു കാരണം.
രാവിലെ ചെന്ന് നോക്കിയപ്പോൾ അമ്മ ഉഷാറായിട്ടുണ്ട്. എന്നാലും അച്ഛാ ജോലി ചെയ്യാൻ സമ്മതിച്ചില്ല. അത് കൊണ്ട് തന്നെ ഇന്ന് അച്ഛെടെ വക ആയിരുന്നു ബ്രേക്ഫാസ്റ്റ് . അതും കഴിച്ചു ഞാൻ നേരെ റൂമിലേക്ക് വന്ന് കുളിച്ചു റെഡി ആയി, താഴെ എത്തിയപ്പോൾ അവിടെ അച്ഛയും അമ്മയും റെഡി ആയി ഇരിക്കുന്നുണ്ട്.
പിന്നെ വീട് പൂട്ടി കീ ആദിടെ വീട്ടിൽ ഏല്പിച്ചു ഞങ്ങൾ അച്ഛെടെ നാട്ടിലേക്ക് യാത്ര തിരിച്ചു. പോകുന്നതിന് മുൻപ് കിച്ചു ഏട്ടനെ കാണണം എന്നൊരു ആഗ്രഹം ഉണ്ടായിരുന്നു പക്ഷെ പറ്റിയില്ല ഇനി എന്ന് കാണാൻ പറ്റും എന്ന് പോലും അറിയില്ല. പക്ഷെ ആ കാത്തിരിപ്പിനും ഒരു സുഖമുള്ളതായി തോന്നി. കാരണം പ്രണയമെന്നാൽ എപ്പോഴും സന്തോഷം മാത്രം പോരല്ലോ. പ്രണയത്തിൻ വിരഹ ചുവ പോലും ഇന്നെന്നിൽ ആനന്ദം നിറക്കുന്നതായി എനിക്ക് തോന്നി.


അങ്ങനെ ഏറെ നേരത്തെ യാത്രക്ക് ശേഷം ഞങ്ങൾ അച്ഛേടെ വീട്ടിൽ എത്തി. പാലക്കാട് ജില്ലയിലുള്ള ചെർപ്പുളശ്ശേരിയിൽ ആണ് അച്ഛെടെ വീട്. പ്രകൃതിയുടെ മനോഹാരിത വിളിച്ചോതുന്ന നാട്. എത്ര കണ്ടാലും മതി വരാത്ത കണ്ണെത്താ ദൂരത്തോളം പരന്ന് കിടക്കുന്ന നെൽ പാടങ്ങളും ഒക്കെയാണ് ഇവിടെ എനിക്ക് ഏറ്റവും ഇഷ്ടം.


അച്ഛേടെ വീടിന് മുന്നിൽ വണ്ടി ചെന്ന് നിന്നപ്പോൾ തന്നെ കണ്ടു വീടിന് പുറത്തിരിക്കുന്ന അച്ഛച്ഛനെ. പിന്നെ ഓടി ചെന്ന് കെട്ടിപ്പിടിച്ച് സ്നേഹം പ്രകടിപ്പിച്ചു. അങ്ങനെ വിശേഷം ചോദിക്കൽ ഒക്കെ കഴിഞ്ഞു അകത്തേക്ക് കയറിയപ്പോൾ തന്നെ ആരോ വന്ന് പൂണ്ടടക്കം കെട്ടി പിടിച്ചു. അത് ആരാണെന്ന് മുഖം കാണാതെ തന്നെ മനസിലായാരുന്നു. അച്ഛേടെ ഒരേ ഒരു പെങ്ങളുടെ മകളായ നീലു ചേച്ചി ആയിരുന്നു അത്. പിന്നെ ഞങ്ങൾ തമ്മിലുള്ള സ്നേഹ പ്രകടനം ഒക്കെ കഴിഞ്ഞു റൂമിൽ ചെന്ന് ഫ്രഷ് ആയി ഫുഡ് കഴിക്കാൻ വന്നിരുന്നു.



ഡൈനിങ്ങ് ടേബിളിൽ നോക്കിയപ്പോൾ അച്ചമ്മേടേം വല്യമ്മേടേം സ്‌പെഷ്യൽ വിഭവങ്ങൾ ഒക്കെ നിരത്തി വെച്ചിട്ടുണ്ട്. പിന്നെ അങ്ങോട്ട് തീറ്റിക്കൽ ആയിരുന്നു എല്ലാവരും കൂടി. എല്ലാം കഴിച്ചു പായസവും കുടിച്ചപ്പോഴേക്കും ശെരിക്കും ക്ഷീണിച്ചു പോയിരുന്നു. പിന്നെ ഒരുവിധം എങ്ങനൊക്കെയോ റൂമിൽ വന്നു ബെഡിലേക്ക് ഒരു വീഴ്ച്ച ആയിരുന്നു.


പിന്നെ കണ്ണ് തുറക്കുന്നത് നീലു ചേച്ചി വന്ന് വിളിച്ചപ്പോഴാണ്. സമയം നോക്കിയപ്പോൾ 5:30 ആയിട്ടുണ്ട്. പിന്നെ പോയി ഫ്രഷ് ആയി ഫോൺ എടുത്തു നോക്കിയപ്പോൾ ആദിടെ രണ്ടു മൂന്ന് മിസ്സ് കാൾ ഉണ്ട് പിന്നെ കുറെ മെസ്സേജും.
പിന്നെ ഒന്നും നോക്കിയില്ല അവനെ വിളിച്ചു. റിങ് ഉണ്ട് ഫോൺ എടുക്കുന്നില്ല. അത് കണ്ടപ്പോഴേ മനസ്സിലായി ആള് പിണക്കത്തിൽ ആണെന്ന്. അത് ഓർത്തപ്പോൾ അറിയാതെ ചിരി വന്നു. അങ്ങനെ രണ്ടു മൂന്ന് തവണ വിളിച്ചു അവസാനം കാൾ കണക്ട് ആയി. പക്ഷെ അവൻ ഒന്നും സംസാരിക്കുന്നില്ല.


ആയു : എന്റെ ആധുസ് എന്നോട് പിണക്കത്തിൽ ആണോടാ.


ആദി : നീ കൂടുതൽ സോപ്പ് ഇടണ്ട. നിനക്ക് അവിടെ ഉള്ളവരെ കിട്ടിയപ്പോൾ എന്നെ വേണ്ടല്ലോ. നമ്മളെ ഒന്നും ഓർമ പോലും ഇല്ല.


ആയു : ശെരിയാ....... ഞാൻ നിന്റെ കാര്യം മറന്നേ പോയി. എന്തായാലും വിളിച്ചത് നന്നായി മോനുസേ.


ആദി : നീ ഇതും പറയും ഇതിനപ്പുറവും പറയുമെന്ന് അറിയാടി എനിക്ക്.


ആയു : achoodaaa എന്റെ ചക്കര പിണങ്ങിയോ. ഞാൻ ഉറങ്ങുവായിരുന്നെടാ. ഇപ്പം എഴുന്നേറ്റതെ ഒള്ളൂ.


ആദി. : ദേവമ്മ പറഞ്ഞു. നിന്നെ വിളിച്ചു കിട്ടാത്ത കൊണ്ട് ഞാൻ ദേവമ്മയെ വിളിച്ചാരുന്നു.


ആയു. : ഓഹോ... അതൊക്കെ ഇതിനിടക്ക് നടന്നോ.


ആദി. : പിന്നല്ലാതെ..... അതൊക്കെ പോട്ടെ. നമ്മടെ കഥാനായകൻ അവിടെ ഉണ്ടോ.


ആയു : കഥാനായകനോ😬.


ആദി : ആഹ്‌ന്നെ.... നിന്റെ നീരജേട്ടൻ🙈. നിന്റെ കഥാനായകൻ.


ആയു : ആദി........... നീ കൂടുതൽ കളിയാക്കണ്ട😤😤.


ആദി : ഞാൻ കളിയാക്കിയതല്ലെടി ഒരു സത്യം പറഞ്ഞതല്ലേ😝.


ആയു : നീ പോടാ..... ഞാൻ ഫോൺ വെക്കുവാണ്. ബൈ😏


ആദി : എന്റെ കുഞ്ഞുസ്സേ ഞാൻ വെറുതെ പറഞ്ഞതല്ലേടി. ഇങ്ങനൊക്കെ പറയുമ്പോൾ നിന്റെ ആ കുഞ്ഞി മുഖം ബലൂൺ പോലെ നല്ല ചുവന്ന് വീർത്തു വരുന്നത് കാണൻ എന്ത് രെസാണെന്നോ.


ആയു : രസം അല്ലെടാ സാമ്പാർ ആണ്😏.


ആദി : achooodaa😍.


ആയു : ടാ... എന്റെ നിഷ കുട്ടി എന്തേ.


ആദി : ഇവിടെ ഉണ്ട് ഞാൻ കൊടുക്കാം.


അങ്ങനെ നിഷാമ്മയോടും വിപി അച്ഛയോടും ഒക്കെ സംസാരിച്ചു കഴിഞ്ഞു ഞാൻ ഫോൺ വെച്ചു താഴേക്ക് പോയി.


താഴെ ചെന്നപ്പോൾ അച്ഛമ്മ ഇരുന്നു ടി വി കാണുന്നു. നേരെ ചെന്ന് അച്ചമ്മേടെ മടിയിൽ തല വെച്ചു കിടന്നു ഓരോ വിശേഷവും പറഞ്ഞു കൊണ്ടിരുന്നു.


                                        തുടരും...........