Part 12

അങ്ങനെ വിഷ്ണുവേട്ടനെ നോക്കി സ്കൂൾ ഗേറ്റിന്റെ മുന്നിൽ നില്കുമ്പോഴാ ഒരു ബൈക്ക് മുന്നിൽ കൊണ്ടു വന്നു നിർത്തിയത്. നോക്കിയപ്പോൾ കിച്ചുവേട്ടൻ ആണ്.
പുള്ളി എന്നെ നോക്കി നിക്കുവാണ്.


 നോട്ടത്തിന്റെ അർത്ഥം ബൈക്കിൽ കയറാൻ ആയിരിക്കുമെന്ന് എനിക്ക് മനസ്സിലായി എന്നിട്ടും ഞാൻ മൈൻഡ് ചെയ്യാൻ പോയില്ല. വന്ന് ഇത്രേം നേരം ആയിട്ടും എന്നോട് ഒന്ന് മിണ്ടിയില്ല ഇപ്പം ബൈക്ക് കൊണ്ടു വന്ന് നിർത്തിയേക്കുന്നു😏.


കിച്ചു : ആയുഷി വന്ന് കയറ്. നിന്നെ വീട്ടിൽ കൊണ്ട് പോയി വിടാം.


ആയു : ഇല്ല ഏട്ടാ വിഷ്ണുവേട്ടൻ കൊണ്ട് പോയി വിടുമെന്ന് സാർ പറഞ്ഞു.


കിച്ചു : വിഷ്ണു അവന്റെ അച്ഛന്റെ കൂടെ പോയി. അവന്റെ ബൈക്ക് തന്നിട്ട് പറഞ്ഞു നിന്നെയും ആദിയേയും വീട്ടിൽ കൊണ്ട് പോയി വിടാൻ.


അപ്പോഴേക്കും കണ്ണേട്ടനും ആദിയും കൂടി വിഷ്ണുവേട്ടന്റെ ബൈക്കിൽ വന്നു.


ആദി : എന്താ കുഞ്ഞൂസ്സേ. നീ വെരുന്നില്ലേ. കിച്ചുവേട്ടൻ ഒക്കെ വീട്ടിൽ ആക്കാമെന്ന് പറഞ്ഞു.


കണ്ണൻ : മോളെ ചെന്ന് വണ്ടിയിൽ കേറാൻ നോക്ക്.


അതും പറഞ്ഞു കണ്ണേട്ടനും ആദിയും പോയി. എന്ത് ചെയ്യണമെന്നറിയാതെ ഞാൻ അവിടെ നിന്നു. കിച്ചു ഏട്ടന്റെ കൂടെ ബൈക്കിൽ കേറാനുള്ള അവസരം പാഴാക്കാനും വയ്യാ, സാരി ഉടുത്തു ബൈക്കിൽ കയറാൻ പേടിയും ആണ്. സാരി ഉടുത്തു ഞാൻ ഇത് വരെ ബൈക്കിൽ കേറിട്ടില്ല. എന്തിന് സാരി പോലും ആദ്യമായിട്ട ഉടുക്കുന്നേ.


കിച്ചു : ഒന്ന് വേഗം വരുവോ.....


ആയു : അത്.... കിച്ചു ഏട്ടാ....... ഞാൻ...... എനിക്ക്...


കിച്ചു : എന്താണെന്ന് വെച്ചാൽ തെളിച്ചു പറ കുഞ്ഞേ, നിന്ന് താളം ചവിട്ടാതെ കാര്യം പറയുന്നുണ്ടോ🤦.


ആയു : ഞാൻ ഇത് വരെ ആയിട്ടും സാരി ഉടുത്ത് ബൈക്കിൽ കയറിയിട്ടില്ല. എനിക്ക് one side ഇരിക്കാൻ പേടിയാവുന്നു.


കിച്ചു : നീ പേടിക്കാതെ കേറാൻ നോക്ക്. ഞാൻ പതുക്കെ ഓടിക്കാം.


അങ്ങനെ ഒരുവിധം എങ്ങാനൊക്കെയോ കേറി ഇരുന്നു. ഇരുന്നിട്ട് ഞാൻ കിച്ചു ഏട്ടന്റെ തോളിൽ നന്നായി പിടിച്ചു. ആ സ്പർശനം കൊണ്ടു തന്നെ എന്റെ ഹൃദയം ഡിജെ കളിക്കാൻ തുടങ്ങി. അത് കാരണം ഞാൻ ഇരുന്നു കിടു-കിടാ വിറക്കാൻ തുടങ്ങി.


കിച്ചു : നീ എന്താ ഇരുന്നു വിറക്കുന്നേ.


ആയു : അത്...... ഞാൻ......


കിച്ചു : പേടിച്ചിട്ടാണോ.


ആയു. : ആഹ്.......


കിച്ചു : ഇത്രേം പതുക്കെ പോയാൽ പോരെ ഇനിയും സ്പീഡ് കുറക്കണോ.


ആയു. : ഇത്രേം സ്പീഡ് മതി ഏട്ടാ.


ആയു (ആത്മ) : ഇങ്ങേർക്ക് അറിയില്ലല്ലോ ഇങ്ങേരോട് ചേർന്ന് ഇരിക്കുന്ന കൊണ്ടാണ് ഞാൻ ഇരുന്നു വിറക്കുന്നെ എന്നു😬.


കിച്ചു. : എന്തേലും പറഞ്ഞോ.


ആയു : ഇല്ല ഏട്ടാ....


പിന്നെ യാത്രയിലുടനീളം ഞങ്ങൾ ഒന്നും സംസാരിച്ചില്ല. അദ്ദേഹത്തെ തന്നെ നോക്കി ഇരുന്നു പോയി. ഇത് ശെരിക്കും ഒരു സ്വപ്നം പോലെ തോന്നുന്നു. ഈ മൗനം പോലും എനിക്ക് അത്രമേൽ പ്രിയപ്പെട്ടതായി മാറിയിരിക്കുന്നു. എന്റെ മനസ്സിൽ എന്തെന്നില്ലാത്ത ഒരു സന്തോഷം വന്ന് നിറയുന്ന പോലെ.
അങ്ങനെ വീടുത്തിയത് അറിഞ്ഞില്ല. എന്റെ വീടിന്റെ മുന്നിൽ കണ്ണേട്ടന്റെ ബൈക്ക് ഇരിക്കുന്നുണ്ട്. കിച്ചുവേട്ടനെ ഞാൻ വീട്ടിലേക്ക് വിളിച്ചപ്പോൾ അദ്ദേഹം വന്നില്ല.


കിച്ചു : ടി......... അവനോടു പെട്ടെന്ന് വരാൻ പറ. ഞാൻ ഇവിടെ വെയിറ്റ് ചെയ്യാം.


ആയു : ഏട്ടൻ കേറുന്നില്ലേ


കിച്ചു : ഇല്ല


ആയു (ആത്മ) : ഇയാൾ എന്തൊരു ജാഡ ആണ്😏. വേണേൽ വരട്ടെ, നിന്ന് കാലു കഴക്കുമ്പോൾ കയറി വന്നോളും. കാലു പിടിക്കാൻ ഒന്നും എന്നെ കിട്ടില്ല. ഇച്ചിരി ഗ്ലാമർ കൂടിയത്തിന്റെ കുഴപ്പമാണ് പിശാശിന് 😤.


ഞാൻ വീട്ടിലേക്ക് കയറി ചെന്നപ്പോൾ കണ്ണേട്ടൻ സോഫയിൽ ഇരുന്ന് ചായ കുടിക്കുന്നു. കൂടെ തന്നെ അച്ഛയും ആദിയും ഉണ്ട്.


കണ്ണൻ : നിങ്ങൾ എന്താ താമസിച്ചത്.


ആയു : എന്നോട് ചോദിക്കുന്ന എന്തിനാ ചേട്ടന്റെ കൂട്ടുകാരനോട് പോയി ചോദിക്ക്😏.


കണ്ണൻ : 🙄🙄🙄🙄.


ആദി : എന്തിനാടി നീ ദേഷ്യപ്പെടുന്നെ. കിച്ചു ഏട്ടൻ എന്തേ ?


ആയു : നിന്റെ ചോട്ടൻ വെളിയിൽ നിൽക്കുന്നു. പോയി ചോദിക്ക്😏.


ഇത്രേം ആദിയോട് പറഞ്ഞിട്ടു ഞാൻ അച്ഛയോട് ചോദിച്ചു "അച്ഛാ അമ്മ എന്തേ."


അച്ഛൻ : റൂമിൽ ഉണ്ടെടാ, അവൾ കിടക്കുവാ.


ആയു : ഞാൻ ഒന്ന് നോക്കിയിട്ട് വരാം.


അതും പറഞ്ഞു ഞാൻ അമ്മേടെ അടുത്തേക്ക് പോയി.


♦️♦️♦️♦️♦️♦️♦️♦️♦️♦️♦️♦️♦️


ആദി : കിച്ചു ഏട്ടൻ എന്താ അകത്തേക്ക് വരാത്തത്🤔.


കണ്ണൻ : ഞാൻ പോയി വിളിച്ചിട്ട് വരാം അങ്കിൾ.


അച്ഛൻ (ആയു) : ശെരി മോനെ.


♦️♦️♦️♦️♦️♦️♦️♦️♦️♦️♦️♦️♦️


കണ്ണൻ വെളിയിലേക്ക് ഇറങ്ങാൻ ഡോറിന്റെ അവിടെ എത്തിയപ്പോഴാ കിച്ചു അകത്തേക്ക് കേറാനായി വന്നത്.


കണ്ണൻ : ഞാൻ വിചാരിച്ചു നീ അകത്തേക്ക് വരില്ലെന്ന്. നിന്നെ വിളിക്കാനായി ഞാൻ ദാ വെളിയിലേക്ക് വരുവായിരുന്നു.


കിച്ചു : ഡാ.. ഞാൻ വീട്ടിലേക്ക് വിളിച്ചു പറഞ്ഞതാ, ആന്റിക്കു വയ്യാത്ത കാര്യം. 'അമ്മ പറഞ്ഞു കുറച്ചു കഴിയുമ്പോൾ അവര് ഇങ്ങോട്ട് വരാമെന്നു.


കണ്ണൻ : ആഹ്........ നീ ആയുനെ എന്തേലും പറഞ്ഞോ.


കിച്ചു : ഇല്ലെടാ.... ചെറുതായി ഒന്ന് പറ്റിച്ചു. അതിനാണ് ആ വട്ട് പെണ്ണ് മുഖം വീർപ്പിച്ചു കയറി പോയത്.


ആ ഓർമയിൽ അവന്റെ ചുണ്ടുകളിൽ ഒരു പുഞ്ചിരി വിരിഞ്ഞു.


കണ്ണൻ : എന്താണ് കള്ള കാമുകാ ഒരു ഇളക്കം .


കിച്ചു : എന്ത് 🙊.


കണ്ണൻ : ഓഹ്....... ഒന്നും അറിയത്തില്ല. പാവം ആ കൊച്ചിന്റെ മുന്നിൽ വെച്ച് അതിനെ ഒന്ന് മൈൻഡ് ചെയ്യ പോലും ഇല്ല. അതിന്റെ മുന്നിൽ എവിടെയും ഇല്ലാത്ത പോലെ അവന്റെ ഒരു ഒടുക്കാത്ത ജാഡ. അല്ലാത്തപ്പോഴോ അതിന്റെ ചോര ഊറ്റി കുടിക്കുക. നാണം ഇല്ലല്ലോടാ.


കിച്ചു : 😁😁😁😁


കണ്ണൻ : കൂടുതൽ ഇളിക്കാതെ, വാ ഇങ്ങോട്ടു.


അങ്ങനെ കിച്ചുവും കണ്ണനും അകത്തേക്ക് പോയി. പിന്നെ അവിടെ ആയുന്റെ അച്ഛനും ആയി കത്തിയടി ആയിരുന്നു പണി രണ്ടിനും.


♦️♦️♦️♦️♦️♦️♦️♦️♦️♦️♦️


ആയു അമ്മേടെ റൂമിൽ ചെന്നപ്പോൾ 'അമ്മ നല്ല ഉറക്കം ആയിരുന്നു. പിന്നെ അവൾ അമ്മക്ക് ഒരു ഉമ്മയും കൊടുത്തു നേരെ റൂമിലേക്ക് പോയി. റൂമിൽ ചെന്ന് ഫ്രഷ് ആയപ്പോഴാ അവൾക്കു സമാധാനം ആയത്.എന്നിട്ടു നേരെ ഹാളിലേക്ക് പോയി. അവിടെ എല്ലാരും ഇരുന്നു സംസാരിക്കുവായിരിന്നു.


ആയു (ആത്മ) : ഇങ്ങേരു പോയില്ലേ, വല്യ ജാഡ കാണിച്ചിട്ട് ലാസ്‌റ് അകത്തു കേറി വന്നല്ലേ😏 .


ഞാനും കൂടി ചെന്നപ്പോഴേക്കും അച്ഛാ എല്ലാരേം ഫുഡ് കഴിക്കാൻ വിളിച്ചു. കിച്ചു ഏട്ടനും കണ്ണേട്ടനും ഒത്തിരി ഒഴിയാൻ നോക്കി. പക്ഷെ അച്ഛാ സമ്മതിച്ചില്ല. പിന്നെ ഞങ്ങൾ എല്ലാരും ഫുഡ് കഴിച്ചു . കഴിച്ചു കഴിഞ്ഞു അവര് കുറച്ചു നേരം കൂടി ഇരുന്നു.


ഈ നേരം അത്രേം കിച്ചുവിന്റെ കണ്ണ് ആയുവിൽ തന്നെ ആയിരുന്നു. പക്ഷെ ഒരു നോട്ടം കൊണ്ട് പോലും അവൾ കനിഞ്ഞില്ല. അതവനിൽ ചെറിയൊരു നോവുണർത്തി. പിന്നെ അവർ യാത്ര പറഞ്ഞു പോവാൻ ഇറങ്ങി.


അവര് പോയി കുറച്ചു നേരം കഴിഞ്ഞപ്പോഴേക്കും 'അമ്മ എണീറ്റു . ആൾക്ക് ഇപ്പോൾ നല്ല എനർജി ഉണ്ട്. എന്നാലും ഞാനും അച്ഛയും കൂടി റെസ്റ്റെടുക്കാൻ പറഞ്ഞു പുള്ളിക്കാരിയെ ഒരിടത്തു അടക്കി ഇരുത്തി.പിന്നെ പതിവ് ജോലികളിലേക്ക് തിരിഞ്ഞു.


അങ്ങനെ ഇരിക്കെ സന്ധ്യക്ക്‌ ഒരു 6 മണി ഒക്കെ ആയപ്പോൾ കിച്ചു എട്ടന്റേം കണ്ണേട്ടന്റേം വീട്ടുകാര് വന്നു. പിന്നെ അനു ആയിട്ടായിരുന്നു കത്തിയടി. കുറെ നേരം എല്ലാരും കൂടി ഓരോന്ന് പറഞ്ഞു ഇരുന്നു. രാത്രി ഒരു 8 മണി ആവാറായപ്പോഴാ അവര് പോയത്. പിന്നെ ഞങ്ങൾ ഡിന്നർ കഴിച്ചു.


രാത്രി കിടന്നിട്ടും ആയുവിനു ഉറങ്ങാൻ കഴിഞ്ഞില്ല. ഇന്ന് നടന്നതൊക്കെയും ഒരു സ്വപ്നം പോലെ തോന്നുന്നു അവൾക്ക്. പതിയെ അവൾ ബെഡിൽ നിന്നും എണീറ്റ് തന്റെ ഡയറി എടുത്തു അതിൽ കുറിച്ചിട്ടു


" നിൻ മൗനം പോലും അത്രമേൽ ആഴത്തിൽ, എൻ മനസ്സിൽ പതിയുന്നു പ്രിയനേ......, നിൻ മൗനത്താൽ നീ തീർത്ത വസന്തം എന്നിൽ നിന്നും ഒരിക്കലും മായില്ല, നിനക്കായുള്ള കാത്തിരുപ്പുകൾ പോലും എന്നിലെ പ്രണയത്തിൻ തീവ്രത വർധിപ്പിക്കുന്നു........"


                                      തുടരും......


സ്റ്റോറി വായിക്കുന്നവർ ഇഷ്ടം ആവുന്നുണ്ടേൽ എനിക്കായി രണ്ട് വരി കുറിക്കുക. 🤗