ശക്തിയും നീയേ ബുദ്ധിയും നീയേ സര്‍വ്വസിദ്ധിവിനായകനും നീയേ
ശാസ്ത്രവും നീയേ മുക്തിയും നീയേ വിഘ്നമകറ്റും ഗണപതിയും നീയേ
കര്‍മ്മ മണ്ഡലങ്ങളിലൊക്കെയും ഒക്കെയും
വഴികാട്ടിയാകുന്നതെന്നും നീയേ
ധര്‍മ്മരക്ഷക്കായി എത്രയോ പടനയിച്ചവനും നീയേ
നിന്‍ പുകഴ് പാടാത്ത ദേവതകളുണ്ടോ
നിന്നെ ഭജിക്കാത്ത ദേവഗണങ്ങളും
ആദിപരാശക്തി ജീവന്‍ പകര്‍ന്നേകിയ അരുമയാം പുത്രനും നീയല്ലയോ
അമ്മയാം പാര്‍വ്വതിക്ക് തുണായായിരുന്നുനീ
യുദ്ധത്തില്‍ ശിരസ്സറ്റു വീണനേരം
ദേവിതന്‍ ക്രോധാഗ്നി തടുക്കുവാനാകഞ്ഞ്
ദേവഗണങ്ങളൊക്കെയും ശിവനെ പ്രാപിച്ച
തും നിനക്കുവേണ്ടി
മാതാക്കളെ വലം വച്ച് മാമ്പഴം നേടിയ
ബുദ്ധിയും സിദ്ധിയും നിനക്കു സ്വന്തം
അനുജന്‍ വേലായുധന്‍െറ രക്ഷക്കായി
താരകാസുരനെ കശക്കിയെറിഞ്ഞതും നിന്‍
യുദ്ധ വൈഭവം
ഉണ്ടെത്രവീരേതിഹാസങ്ങള്‍ നിന്‍ പേരില്‍
ഉണ്ടെത്ര മുഖഭാവങ്ങള്‍ നിന്‍ രൂപത്തിലും
മഹാഭാരതകഥകള്‍ പകര്‍ത്തി നീ അതിവേഗം
ബുദ്ധിയും സിദ്ധിയും ഇരിപ്പിടം നിന്‍ഇടം വലം
ആത്മജ്ഞാനത്തിന്‍െറ പ്രതീകമല്ലോ നീ
മൂഷികവാഹകനാകുന്നതും നീ
എന്തെന്തു വിശേഷങ്ങള്‍ നിന്‍ രൂപകര്‍മ്മത്തില്‍
എന്തെന്തു സൗന്ദര്യം നിന്‍ സ്ഥിതിഭാവത്തില്‍
നീ ഇല്ലയെങ്കില്‍ ലോകമേനിശ്ചലം
നീ ഇല്ല എങ്കില്‍ സര്‍വ്വവും വിനാശകരം
വഴിയിലും മിഴിയിലും നീ ഏകരക്ഷ
ദുരന്തത്തിന്‍ മുന്നില്‍ നീയേ രക്ഷകന്‍
ശരണാര്‍ത്ഥര്‍ക്കെനും നീയേ അവലംബം
വിനായകചതുര്‍ത്ഥിയാം ഈ സുദിനം
രക്ഷയാകട്ടെ കോവിഡിനെ തുരത്താന്‍
നന്ദകുമാര്‍ ചൂരക്കാട്
