ഇന്ന് തന്റെ ലോകം തന്നെ അവളിലേക്ക് മാത്രം ചുരുങ്ങുന്നതായി അവന് തോന്നി. അവളെ തന്റേത് മാത്രം ആക്കാൻ അവന്റെ ഉള്ളം വെമ്പൽ കൊണ്ടു.

 

 

ഇതേ സമയം കിച്ചുവിന്റെ വീട്ടിൽ. എല്ലാവരും രാവിലെ തന്നെ എഴുനേറ്റ് റെഡി ആവാൻ തുടങ്ങി.പിന്നെ നേരെ അർജുന്റെ വീട്ടിലേക്ക് പോയി. കിച്ചുവും കണ്ണനും കൂടി എല്ലാം ഓടി നടന്ന് ചെയ്യുന്നുണ്ട്. അതിനിടക്കാണ് കിച്ചു എട്ടാന്ന് വിളിച്ച് ആരോ വന്ന് അവനെ പൂണ്ടടക്കം കെട്ടി പിടിച്ചത്. സ്വബോധം വീണ്ടെടുത്തു അവൻ അവളെ തള്ളി മാറ്റി.

 

 

എന്ത് വൃത്തിക്കേടാ അശ്വതി നീ ഈ കാണിക്കുന്നത്.(കിച്ചു)

 

 

വൃത്തിക്കേടോ..... ഞാൻ കല്യാണം കഴിക്കാൻ പോവുന്ന ആളെ ഒന്ന് കെട്ടി പിടിച്ചത് എങ്ങനെ വൃത്തിക്കേടാവും കിച്ചു ഏട്ടാ.(അശ്വതി)

 

 

കല്യാണം കഴിഞ്ഞിട്ടൊന്നും ഇല്ലല്ലോ. നിനക്കെന്താ അത്രക്ക് ബോധം ഇല്ലേ. ഇത്രേം ആളുകളുടെ മുന്നിൽ വെച്ച് ഇങ്ങനെ ചെയ്യാൻ.(കിച്ചു)

 

 

കിച്ചു മതിയെടാ നീ വാ വെറുതെ ഒരു പ്രശ്നത്തിന് നിൽക്കണ്ട.(കണ്ണൻ)

 

 

നീ ഒന്ന് വിട്ടേ..... ഇന്നത്തോടെ ഇവൾടെ ഒലിപ്പീര് നിർത്തി കൊടുക്കണം.(കിച്ചു)

 

 

കണ്ണൻ എങ്ങനെ ഒക്കെയോ കിച്ചുവിനെ അവിടെ നിന്നും കൊണ്ടു പോയി. ഇതേ സമയം അശ്വതി കണ്ണും നിറച്ചു അവൻ പോയ വഴിയേ തന്നെ നോക്കി നില്കുന്നുണ്ടായിരുന്നു.

 

 

അവിടെ നിന്നും കണ്ണനും കിച്ചുവും നേരെ ബസിലേക്കാണ് വന്നത്. കണ്ണൻ എന്തൊക്കെയോ പറഞ്ഞു കിച്ചുവിന്റെ ദേഷ്യം മാറ്റാൻ ശ്രെമിക്കുന്നുണ്ട്. എല്ലാവരും ബസിൽ കയറിയതിന് ശേഷം ബസ് മുന്നിലേക്ക് എടുത്തു. അവൻ പതിയെ സീറ്റിലേക്ക് ചാരി കണ്ണുകൾ അടച്ചു കിടന്നു. പതിയെ ഓരോന്നും ഓര്മയിലേക്ക് വന്നു. കിച്ചുവിന്റെ 'അമ്മ അരുന്ധതിയുടെ സഹോദര പുത്രിയാണ് അശ്വതി. അമ്മമ്മേടെ ഏറ്റവും വലിയ ആഗ്രഹം ആയിരുന്നു എന്റെയും അശ്വതിയുടേയും വിവാഹം എന്നത്. ഞങ്ങൾ ജനിച്ചപ്പോൾ മുതൽ ഈ വിവാഹം പറഞ്ഞു വെച്ചതാണത്രേ. പക്ഷെ അവളെ ഒരു കൂടപ്പിറപ്പിനെ പോലെ മാത്രമാണ് ഇത്രയും നാൾ കണ്ടിട്ടുള്ളത്. ഇനിയും അങ്ങനെ തന്നെ ആയിരിക്കും. പക്ഷെ അവളെപ്പോഴും തന്നെ കാണുമ്പോൾ ഇങ്ങനെ ഓരോന്ന് കാണിച്ചു കൂട്ടി വഴക്ക് കേൾക്കാറുണ്ട്. എത്ര ഒക്കെ ആട്ടിപ്പായിച്ചാലും പുറകെ തന്നെ കാണും എപ്പോഴും.

 

 

അവളുടെ ഓർമകൾ പോലും അവന് അരോചകരമായി തോന്നി. പിന്നെ പതിയെ ഓർമ്മകൾ അവന്റെ ആയുവിൽ വന്നെത്തി. അതിന്റെ പ്രതിഫലനം എന്ന പോലെ അവന്റെ ചുണ്ടിൽ ഒരു പുഞ്ചിരി സ്‌ഥാനം പിടിച്ചു.

 

 

 

💞💞💞💞💞💞💞💞💞💞💞💞💞💞💞💞💞

 

 

 

അമ്പലത്തിൽ പോയി തിരികെ വന്ന് എല്ലാവരും കഴിക്കാൻ ഇരുന്നു. കഴിച്ചു കഴിഞ്ഞു നേരെ നീലു ചേച്ചിയെ ഒരുങ്ങാൻ കൊണ്ട് പോയി. ചേച്ചിയേ വേറെ ഒരു സാരി ഉടുക്കാൻ അമ്മയും വല്യമ്മയും  ഒക്കെ സഹായിച്ചു. അച്ഛമ്മ കൊടുത്ത ഒരു മാലയും രണ്ട് വളകളും അണിഞ്ഞപ്പോൾ  ചേച്ചി കുറച്ചു കൂടി സുന്ദരിയായി.

 

 

കുറച്ച് നിമിഷങ്ങൾക്ക് ശേഷം മുറ്റത്തേക്ക് വണ്ടികൾ വന്ന് നിൽക്കുന്ന സൗണ്ട് കേട്ടു. സൗണ്ട് കേട്ടപ്പോഴേ ഞാൻ വെളിയിലേക്ക് വന്നു നോക്കി. അജു ഏട്ടന്റെ വീട്ടുകാരും പിന്നെ കുറെ ബന്ധുക്കളും ഒക്കെ ഉണ്ട്. എല്ലാവരും വീടിന്റെ മുന്നിൽ കെട്ടിയ പന്തലിലേക്ക് ഇരുന്നു.

പക്ഷെ എന്റെ മിഴികൾ തേടിയത് എന്റെ കിച്ചു ഏട്ടനെ ആയിരുന്നു. പക്ഷെ നിരാശ ആയിരുന്നു ഫലം. പെട്ടന്നാണ് അനു എന്റെ അടുത്തേക്ക് വന്നത്. പിന്നെ അവളേം കൊണ്ട് ചേച്ചിമാരുടെ അടുത്തേക്ക് പോയി.

 

 

പിന്നെ എല്ലാം പെട്ടെന്നായിരുന്നു, എല്ലാവരുടെയും അനുഗ്രഹത്തോടെ അജു ഏട്ടനും നീലു ചേച്ചിയും പരസ്പരം മോതിരം അണിയിച്ചു കൊടുത്തു. പിന്നെ കല്യാണത്തിന്റെ തീയതി തീരുമാനിച്ചു. എല്ലാം ശുഭമായി തന്നെ നടന്നു. ഇതിനിടയിൽ ഒരു മിന്നായം പോലെ കിച്ചു ഏട്ടനെ കണ്ടിരുന്നു, കൂടെ തന്നെ കണ്ണേട്ടനും ഉണ്ടായിരുന്നു. ഞാൻ നോക്കിയപ്പോഴേക്കും ഏട്ടൻ അപ്രതീക്ഷമായി.

 

 

ഉച്ചക്ക് അവർക്കായി വീട്ടിൽ സദ്യ ഒരുക്കിയിരുന്നു. അത് കഴിക്കാൻ വേണ്ടി അനുവിനേയും കൂട്ടി പോവാൻ പോയപ്പോൾ ആണ് ആദി കിച്ചു ഏട്ടന്റെ കാര്യം പറയാൻ പറഞ്ഞത്. അപ്പോഴേക്കും ആദിയെ നീരജേട്ടൻ വന്ന് വിളിച്ചിരുന്നു, അത് കൊണ്ട് അവൻ വന്നില്ല.  പിന്നെ അവളേയും വിളിച്ചു വീടിന്റെ സൈഡിലെ അരുളി മര ചോട്ടിലേക്ക് പോയി. അവളെ നോക്കിയപ്പോൾ വീടിന്റെ പരിസരം നിരീക്ഷിക്കുന്ന തിരക്കിലാണ്.

 

 

എന്ത് നല്ല സ്ഥലം ആണെടി ഇത്. എനിക്ക് ഇവിടം ഒത്തിരി ഇഷ്ടായി.(അനു)

 

 

അനു......(ആയു)

 

 

ആഹ്..... പറയെടി. നമ്മൾ എന്തിനാ ഇങ്ങോട്ടേക്കു വന്നത്.(അനു)

 

 

എടി... എനിക്ക് നിന്നോട് ഒരു കാര്യം പറയാൻ ഉണ്ട്.(ആയു)

 

 

അത് എനിക്ക് മനസ്സിലായി പെണ്ണേ. അല്ലാതെ നീ എന്നെ ഇങ്ങോട്ടേക്ക് ഒറ്റക്ക് വിളിച്ച് കൊണ്ട് വരില്ലല്ലോ.(അനു)

 

 

ടി..... അത്....... എനിക്ക്..... (ആയു)

 

 

നിന്ന് വിക്കാതെ കാര്യം പറയ് പെണ്ണേ...(അനു)

 

 

ടി..... എനിക്ക്..... നിന്റെ.......(ആയു)

 

 

എന്റെ.....🤨 (അനു)

 

 

എടി..... എനിക്ക് കിച്ചു ഏട്ടനെ ഇഷ്ടാണ്. നീ........

എന്നോട് ദേഷ്യപ്പെടല്ലേടാ... നിന്നോട് കൂട്ടാവുന്നേന് മുന്നേ ഏട്ടനെ കണ്ട് ഇഷ്ടപ്പെട്ടതാ😔.(ആയു) 

 

 

ഓഹോ...... അപ്പം അതിനായിരുന്നല്ലേ എന്നോട് സ്നേഹം നടിച്ച് കൂട്ടയാതൊക്കെ. നിനക്ക് നാണം ഉണ്ടോ ആയുഷി. ഏട്ടന്റെ പ്രായമുള്ള ഒരാൾടെ പുറകെ നടക്കാൻ. ച്ചേ.......😤. (അനു)

 

 

ടാ..... ഞാൻ.....🥺🥺. (ആയു)

 

 

മതി....... നിർത്താൻ നോക്ക് കേട്ടിടത്തോളം ഒക്കെ മതിയായി.😏(അനു)

 

 

എന്തോ പെട്ടെന്ന് അവൾടെ വാക്കുകൾ കേട്ടത്‌ കൊണ്ടാണെന്നു തോന്നുന്നു എന്റെ കണ്ണുകൾ അനുസരണ ഇല്ലാതെ നിറയാൻ തുടങ്ങി. തെറ്റ് ചെയ്ത കുട്ടിയെ പോലെ എന്റെ മുഖം കുനിഞ്ഞു. പെട്ടെന്ന് ആരോ ചിരിക്കുന്ന ശബ്ദം കേട്ട് മുഖം ഉയർത്തി നോക്കിയപ്പോൾ അനു ആണ്.

 

 

എന്റെ ആയു പെണ്ണേ..... നീ ഇത്രേ ഒള്ളൂ. ഞാൻ ഒന്ന് വിരട്ടിയപ്പോഴേക്കും നിന്ന് കരയാൻ തുടങ്ങിയില്ലേ. നാണക്കേട് തന്നെ. (അനു)

 

 

അത് കേട്ടപ്പോഴേക്കും ഞാൻ അവളെ കെട്ടി പിടിച്ചു കരയാൻ തുടങ്ങിയിരുന്നു. കുറച്ച് നേരം കഴിഞ്ഞ് അവളെന്നെ അടർത്തി മാറ്റി എന്റെ മുഖം പിടിച്ചുയർത്തി കണ്ണുകൾ തുടച്ചു തന്നു.

 

 

എന്റെ ആയു എനിക്ക് ഇത് അന്നേ സംശയം ഉണ്ടായിരുന്നു. ഏട്ടനെ കാണുമ്പോൾ ഉള്ള നിന്റെ നോട്ടവും ഒക്കെ കണ്ടപ്പോഴേ എനിക്ക് മനസ്സിലായതാ.  പിന്നെ നീ എന്നോട് പറയാൻ വൈകിയതിന്റെ ഒരു കുഞ്ഞി ശിക്ഷ ആയി കണ്ടാൽ മതി ഇത്.(അനു)

 

 

അപ്പം നിനക്കെന്നെ ഇഷ്ടാണോ.(ആയു)

 

 

ഓഹ്... എടി പൊട്ടി എനിക്ക് നിന്നെ ഒത്തിരി ഇഷ്ടാടി... നീ തന്നെ മതി എന്റെ ഏട്ടന്.(അനു)

 

 

അനു..... കിച്ചു ഏട്ടന് ആരേലും ഇഷ്ടാണോ.(ആയു)

 

 

എന്റെ അറിവിൽ എന്റെ ഏട്ടന് അങ്ങനെ ആരോടും പ്രണയം ഒന്നും ഇല്ലെടി.(അനു)

 

 

ഇല്ലായിരിക്കും അല്ലേ...(ആയു)

 

 

ഇനി അഥവാ ഉണ്ടെങ്കിൽ തന്നെ നമ്മക്ക് അത്  മുടക്കാം പെണ്ണേ. നീ അത് എനിക്ക് വിട്ടേക്ക്. ഇനി എന്റെ കള്ളി പെണ്ണൊന്ന് ചിരിച്ചേ..(അനു)

 

 

😊😊 (ആയു)

 

 

എന്തോ അത് കേട്ടപ്പോൾ ഒത്തിരി സന്തോഷം തോന്നി ഞാൻ അവളെ കെട്ടി പിടിച്ചു ഒരു ഉമ്മയും കൊടുത്തു.

 

 

ഓഹ്.... എടി സാമദ്രോഹി മതി നിന്റെ സ്നേഹപ്രകടനം. വാ ഇങ്ങോട്ട് എനിക്ക് വിശക്കുന്നു. ഇനിയും ഇവിടെ നിന്നാൽ ഫുഡ് തീർന്ന് പോവും.(അനു)

 

 

വാ.....😁😁. (ആയു)

 

 

അങ്ങനെ അവളെയും വിളിച്ച് ഫുഡ് കഴിക്കാൻ പോയി ഇരുന്നു. കഴിക്കാൻ ഇരുന്നപ്പോൾ ഞങ്ങളുടെ ഓപ്പോസിറ്റ് ആയി ഇരുന്നത് കണ്ണേട്ടനും കിച്ചു ഏട്ടനും ആയിരുന്നു. അവരെ കണ്ടപ്പോഴേ അനു എന്നെ കളിയാക്കാൻ തുടങ്ങി.   അപ്പോഴാണ് കിച്ചു ഏട്ടനെ തന്നെ ഒരു പെണ്ണ് നോക്കി ഇരിക്കുന്നത് കണ്ടത്. അത് കണ്ടപ്പോൾ എന്തോപോലെ തോന്നി. ഞാൻ ആ ചേച്ചിയെ അനു ന് കാണിച്ച് കൊടുത്തു.

 

 

ടി....അത് ആരാ ആ ചേച്ചി.(ആയു)

 

 

ഏതാടി...(അനു)

 

 

ദേ.... കിച്ചു ഏട്ടൻ ഇരിക്കുന്നതിന്റെ നാലാമത് ഇരിക്കുന്നത്. കുറേ നേരായി ഏട്ടനെ നോക്കുന്നു.(ആയു)

 

 

ഓഹ്.... അത് അശ്വതി ചേച്ചി ആണ്. പറഞ്ഞു വരുമ്പോൾ കിച്ചു ഏട്ടന്റെ മുറപ്പെണ്ണ്. ആ പിശാശിന് ചേട്ടനിൽ ഒരു നോട്ടം ഉണ്ടെടി. ഏത് സമയം നോക്കിയാലും ചേട്ടന്റെ പുറകെ കാണും.(അനു)

 

 

നിനക്ക് ഇഷ്ടം അല്ലേ ആ ചേച്ചിയെ.(ആയു)

 

 

ആ പിശാശിനെ എനിക്ക് ഇഷ്ടം അല്ലെടി. വെറുതെ ചൊറിയാൻ വരും. പക്ഷെ കിച്ചു ഏട്ടന്റെ മുന്നിൽ വെച്ച് എന്തൊരു സ്നേഹം ആണെന്നോ.(അനു)

 

 

ടി.....കിച്ചു ഏട്ടന് ഇഷ്ടം ആണോടി.(ആയു)

 

 

എന്റെ ദയനീയമായിട്ടുള്ള ചോദ്യം കേട്ടിട്ട് ആണെന്ന് തോന്നുന്നു, അവൾ കഴിക്കുന്ന നിർത്തി എന്നെ നോക്കി.

 

 

എടി.... അങ്ങനെ ഏട്ടന് ഇഷ്ടം ഒന്നും കാണില്ല. എപ്പോഴും ദേഷ്യപ്പെടും, നീ പേടിക്കാതെ അങ്ങനെ വല്ലതും ഉണ്ടെങ്കിൽ നമ്മക്ക് ശെരി ആക്കാം.(അനു)

 

 

അവളെ നോക്കി ഒന്ന് മൂളിയെങ്കിലും എന്തോ ഒരു പേടി മനസ്സിൽ വന്ന് നിറയും പോലെ. ഞാൻ ആ ചേച്ചിയെ ഒന്ന് കൂടി നോക്കി. എന്നെക്കാൾ നല്ല സുന്ദരി ആണ് കാണാൻ. മുഖത്തിന് എന്തോ ഒരു പ്രത്യേകത. മുഖത്തിന്റെ  ഭംഗി കൂട്ടുന്നത് ആ വെള്ളക്കൽ മുഖുത്തി ഉള്ളത് കൊണ്ട് ആണെന്ന് തോന്നി. ഒറ്റ നോക്കിൽ ആർക്കും ഇഷ്ടപ്പെടും. അത് കൂടി ഓർത്തപ്പോൾ, പിന്നെ ഒന്നും കഴിക്കാൻ തോന്നിയില്ല  ഒരുവിധം എന്തൊക്കെയോ കഴിച്ചെന്ന് വരുത്തി എഴുനേറ്റു.

 

 

അപ്പോഴാണ് ആദി എന്നെ തിരക്കി അങ്ങോട്ടേക്ക് വന്നത്. പിന്നെ അവനോട് എല്ലാം വിശദമായി പറഞ്ഞു. അവൻ പറഞ്ഞു എത്രയും വേഗം കിച്ചു ഏട്ടനോട് കാര്യങ്ങൾ തുറന്ന് പറയാൻ. അത് കേട്ട് കൊണ്ട് വന്ന അനുവും അവനെ സപ്പോർട്ട് ചെയ്തു. അങ്ങനെ രണ്ട് പേരുടെയും വാശിക്ക് വഴങ്ങി ഞാൻ കിച്ചു ഏട്ടനോട് ഇന്ന് തന്നെ എന്റെ ഇഷ്ടം പറയാമെന്ന് സമ്മതിച്ചു. അത് കേട്ടപ്പോൾ അവർക്ക് രണ്ടിനും ഒത്തിരി സന്തോഷം ആയെന്ന് രണ്ട് പേരുടെയും മുഖത്ത് നിന്നും വ്യക്തമാണ്. അങ്ങനെ അനു കിച്ചു ഏട്ടനെ വിളിച്ച് കൊണ്ട് ടെറസ്സിലേക്ക് വരാമെന്ന് പറഞ്ഞു പോയി. എന്നേം പിടിച്ചോണ്ടു ആദി ടെറസ്സിലേക്കും പോയി.

 

 

 

💞💞💞💞💞💞💞💞💞💞💞💞💞💞💞💞💞

 

 

കണ്ണനും കിച്ചുവും കൂടി ഓരോന്ന് സംസാരിച്ചു അർജുന്റെ കൂടെ വെളിയിൽ ഇരിക്കുവായിരുന്നു. അപ്പോഴാണ് നീരജ് അങ്ങോട്ടെക്ക് ചെന്നത്.

 

 

അളിയാ.... ദേ അളിയനെ അവര് വിളിക്കുന്നു ഫോട്ടോ എടുക്കാൻ. (നീരജ്)

 

 

ആഹ്... നിങ്ങൾ ഇവിടെ സംസാരിച്ചിരിക്കു. ഞാൻ ഇപ്പം വരാം.(അർജുൻ)

 

 

ഏട്ടൻ ചെല്ലാൻ നോക്ക്. (കണ്ണൻ)

 

 

അർജുന്റെ കൂടെ നീരജും പോയി അവർക്കൊരു ചിരി സമ്മാനിച്ച്.

 

 

ടാ... എനിക്കവനെ അത്രക്കങ്ങോട്ട് പിടിക്കുന്നില്ലാ.(കിച്ചു)

 

 

അത് ഇന്ന് ആയുനെ അവൻ വായിനോക്കി നിന്ന കൊണ്ടല്ലേ നിനക്കു അവനെ പിടിക്കാത്തത് 🤭.(കണ്ണൻ)

 

 

അത് തന്നെ ആണ് കാരണം. എന്തൊരു ചോര ഊറ്റൽ ആയിരുന്നു😤. അത് കണ്ടപ്പോൾ എവിടുന്നില്ലാത്ത കലി വന്നു.(കിച്ചു)

 

 

ആരാ ഈ പറയുന്നേ. അവൾ കാണാതെ നീയും അവൾടെ ചോര ഊറ്റുവല്ലാരുന്നോ മോനെ. എന്നിട്ട് അവൻ നോക്കിയപ്പം പിടിച്ചില്ലെന്ന്. എന്തോന്നെടെ ഇതൊക്കെ.(കണ്ണൻ)

 

 

😁😁😁 (കിച്ചു)

 

 

കൂടുതൽ കിളിക്കല്ലേ, പല്ലടിച്ചു വായിൽ ഇടും.(കണ്ണൻ)

 

 

പോടാ...(കിച്ചു)

 

 

അപ്പോഴാണ് അവിടേക്ക് അനു വന്നത്.

 

 

ഏട്ടാ.... എന്റെ കൂടെ ഒന്ന് വന്നേ..(അനു)

 

 

എവിടേക്കാ മോളെ.(കിച്ചു)

 

 

അതൊക്കെ പറയാം ഒന്ന് വാ ഏട്ടാ.(അനു)

 

 

അനു പറയുന്ന കേട്ടപ്പോൾ കിച്ചു എണീറ്റു കൂടെ തന്നെ കണ്ണനും എണീറ്റു.

 

 

കണ്ണേട്ടൻ ഇത് എങ്ങോട്ട് വരുവാ.(അനു)

 

 

നിങ്ങടെ കൂടെ, അല്ലാതെ ഞാൻ എവിടെ പോവാനാ.(കണ്ണൻ)

 

 

അയ്യടാ.... ഇവിടെ അങ്ങിരുന്നാൽ മതി ഏട്ടൻ.(അനു)

 

 

അയ്യടി മോളെ.... അത് പള്ളിയിൽ പോയി പറഞ്ഞാൽ മതി. ഞാനും വരും നിങ്ങടെ കൂടെ.(കണ്ണൻ)

 

 

കണ്ണേട്ടൻ വരണ്ടാന്ന് പറഞ്ഞില്ലേ.(അനു)

 

 

വരുമെന്ന് പറഞ്ഞില്ലേ.(കണ്ണൻ)

 

 

രണ്ടും ഒന്ന് നിർത്തുന്നുണ്ടോ. കണ്ണൻ കൂടി വരട്ടെ മോളെ. അവൻ ഇവിടെ തനിച്ചിരിക്കണ്ടേ.(കിച്ചു)

 

 

Mm  ശെരി എന്നെങ്കിൽ വേഗം വാ....(അനു)

 

 

അങ്ങനെ അവര് മൂന്ന് പേരും കൂടി ടെറസ്സിലേക്ക് പോയി. ടെറസിന്റെ ഡോറിന്റെ അവിടെ എത്തിയപ്പോൾ കിച്ചുവിനെ അവിടെ ആരോ അന്വേഷിക്കുന്നുണ്ടെന്ന് പറഞ്ഞ് അവനെ അങ്ങോട്ടേക്ക് വിട്ട് അനു കണ്ണന്റെ കയ്യും പിടിച്ച് ആദിടെ അടുത്തേക്ക് പോയി. കണ്ണൻ ഇത് എന്താ ഇവൾ കാണിക്കുന്നേ എന്ന് മനസ്സിലാവാതെ അവൾടെ കൂടെ പോയി. ആദിയും ഡോറിന്റെ ഒരു സൈഡിൽ നില്കുന്നുണ്ടായിരുന്നു അവരെ കണ്ടപ്പോൾ അവൻ അങ്ങോട്ടേക്ക് കൈ കാണിച്ചു വിളിച്ചു.

 

 

ഒന്ന് നിന്നേ രണ്ട് പേരും. എന്താ ഉദ്ദേശം.(കണ്ണൻ)

 

 

ദുരുദ്ദേശം തന്നെ.(അനു)

 

 

അനു നീ കളിക്കാതെ കാര്യം പറയുന്നുണ്ടോ.(കണ്ണൻ)

 

 

അത് കുറച്ചു നേരം കൂടി കഴിഞ്ഞാൽ കണ്ണേട്ടന് കാണാം. അങ്ങോട്ടേക്ക് നോക്ക്.(അനു)

 

 

കണ്ണൻ നോക്കിയപ്പോൾ അവൻ കണ്ടത്. കിച്ചുവിന്റെ അടുത്തേക്ക് ആയു പോവുന്നതാണ്. അവന് അവിടെ നടക്കാൻ പോവുന്ന കാര്യങ്ങൾ ഏകദേശം മനസ്സിലായി. അവൻ അനു നെ ഒന്ന് ഇരുത്തി നോക്കി ആയു എന്താണ് ചെയ്യാൻ പോവുന്നതെന്ന് അറിയാൻ അവളിൽ തന്നെ മിഴികളൂന്നി.

 

 

💞💞💞💞💞💞💞💞💞💞💞💞💞💞💞💞💞

 

 

ഇതേ സമയം കിച്ചു ടെറസിൽ മുഴുവൻ നോക്കുവായിരുന്നു അപ്പോഴാണ് പുറകിൽ ആരുടെയോ കാലൊച്ച കേട്ടത്. തിരിഞ്ഞ് നോക്കാതെ തന്നെ അവന് ആളെ മനസ്സിലായി. തനിക്ക് അത്രമേൽ പരിചിതമായവളുടെ സാമിപ്യം അറിയാൻ അവന് തിരിഞ്ഞു നോക്കേണ്ട ആവശ്യം ഇല്ലായിരുന്നു.

ആയു ആണേൽ വളരെ പേടിച്ച് വിറച്ചാണ് അവന്റെ അരികിലേക്ക് ചെന്നത്. അവൾടെ ഹൃദയമിടിപ്പ് ഉച്ചസ്ഥാനിയിൽ എത്തിയിരുന്നു കൂടാതെ ചെന്നിയിലൂടെ വിയർപ്പ് ഊർന്നിറങ്ങുന്നതും അവൾ അറിയുന്നുണ്ടായിരുന്നു. ഒരു നിമിഷം നിശ്ചലമായി നിന്നിട്ട് മിഴികളടച്ചു ധൈര്യം സംഭരിച്ചു അവൾ അവനെ വിളിച്ചു.

 

 

കിച്ചു ഏട്ടാ.......

 

 

അവൾടെ ശബ്ദം കേട്ട് അവൻ അവൾക്ക് അഭിമുഖമായി തിരിഞ്ഞ് എന്തെന്ന ഭാവത്തിൽ പിരുകങ്ങൾ ഉയർത്തി അവളെ നോക്കി....

                            

 

                                         തുടരും.........

                                          © Pranayini