ഭാഗം 42
💞പ്രണയിനി💞


അപ്പോഴാണ് ശ്രദ്ധയെ തിരക്കി മാളു അങ്ങോട്ട് വന്നത്..

മഹിയെ കണ്ടതും അവൾ ഒന്ന് ചിരിച്ചു. മഹിയും.

ഗിഫ്റ്റ് ദേ പുന്നാര അനിയത്തിയുടെ കൈയിൽ കൊടുത്താരുന്നു...

ആഹ്... ബെസ്റ്റ് ആളുടെ കൈയില കൊടുത്തേ...

ഇഹ്ഹ് ശ്രദ്ധ ഇളിച്ചു കാണിച്ചു.

ഏഹ് കീരിയും പാമ്പും ഒന്നായോ.... മീനുവിനെ ശ്രദ്ധയുടെ കൂടെ കണ്ടതും മാളു ചോദിച്ചു..

ചെറുതായിട്ട്... മീനു ചിരിച്ചോണ്ട് പറഞ്ഞു.

മ്മ് നടക്കട്ടെ... നിന്നെ കാണാഞ്ഞു തിരക്കി വന്നതാ ഞാൻ...

ഞാൻ അതിനു എവിടെ പോവാൻ...

പറയാൻ പറ്റൂല്ല... അതാണേ..

വോ.... ശ്രദ്ധ പുച്ഛിച്ചു.

മാളു അവളെ നോക്കി ചിരിച്ചു വേദയെയും മഹിയെയും കൂട്ടി ശിവക്ക് അടുത്തേക്ക് നടന്നു.

ശ്രദ്ധയും മീനുവും പോളിംഗ് നടത്തി.


അങ്ങനെ ആ ദിനവും കടന്നു പോയി... എല്ലാവരും തിരിച് പോവാൻ ടൈം ആയപ്പോ ശിഖ വീണ്ടും മുല്ലപെരിയാർ തുറന്നു വിട്ടു.ഒരു കണക്കിന് അവളെ അശ്വസിപ്പിച്ചു തിരിച് വണ്ടി കേറി...

ദിവസങ്ങൾ വേഗം കൊഴിഞ്ഞുകൊണ്ടിരുന്നു. കല്യാണത്തിന്റെ പേരും പറഞ്ഞു ശ്രദ്ധ അടുത്ത 4 ദിവസം കൂടെ റസ്റ്റ്‌ ആക്കി.

ഇതിനിടക്ക് മീനുവിനെയും അപ്പുവിനെയും ഒന്നിപ്പിക്കാൻ ഒരുപാട് ശ്രമങ്ങൾ നടത്തിയെങ്കിലും അതെല്ലാം വെള്ളത്തിൽ വരച്ച വര പോലെ ആയി

മീനുവിന്റെ മൗനവൃതം കാരണം കിട്ടിബോധിച്ചപ്പോൾ അപ്പുവിന് അതൊരു കാര്യമേ അല്ലാണ്ട് ആയി.. സ്വസ്ഥം സമാദാനം എന്ന ലൈൻ ആയിരുന്നു അവൻ.


എന്റെ സച്ചു അയക്ക് ഹൃദയം എന്നൊന്നില്ല എനിക്ക് തോന്നണേ...മതിലിന്റെ മോളിൽ കേറി ഇരുന്നു പുല്ലും കടിച്ചു വാനനിരീക്ഷണം നടത്തുന്ന ശ്രദ്ധക്ക് അരുകിൽ വന്നുകൊണ്ട് മീനു പറഞ്ഞു.

എന്താപ്പോ അങ്ങനെ തോന്നാൻ...

അല്ലേൽ പിന്നെ വടി പോലെ ഒരു പെണ്ണ് ഇവിടെ നിന്നിട്ട് അങ്ങേർക്കെന്താ ഒരു കുലുക്കവും ഇല്ലത്തെ...

ഇനി വടി പോലെ ആയോണ്ട് ആവും.. ശ്രദ്ധ കളിയാക്കും പോലെ പറഞ്ഞു.

മീനു സ്വന്തമായി ഒന്ന് നോക്കി... എനിക്ക് വണ്ണം ഇല്ലേ സച്ചു... ഇനി അതോണ്ടാവോ.... അപ്പുവേട്ടന് തടിയുള്ള പെൺകുട്ടിയോളെ ആവോ ഇഷ്ട്ടം... തടി കൂട്ടാൻ എന്താപ്പോ ചെയ്യാ.... നിഷ്കളങ്കമായ അവളുടെ ചോദ്യം കേട്ട് അവൾക്ക് തലക്ക് കൈ വെച്ചു...

ഇതിനെയൊക്കെ കളിയാക്കാൻ പോയ എന്നെ വേണം ചവിട്ടാൻ.. ഉം.. അവളെ പറഞ്ഞിട്ടും കാര്യം ഇല്ലാ.. ഇത്രയും മന്നബുദ്ധി ആയ ഇവളോട് ഞാൻ ആയല്ലേ പറയാൻ പോയെ... ശ്രദ്ധ ഒന്ന് ആത്മഗതിച്ചതാണേലും ഉറക്കെ ആയി മീനു മുഖം വീർപ്പിച്ചു നിന്നു.

എന്റെ പൊന്നെ ആ ഉണ്ടകവിൾ ഇനിയും വീർപ്പിക്കല്ലേ പൊട്ടി പോവും.

അവൾ ചിണുങ്ങി പോവാൻ നിന്നു.

അയ്യോ പോവല്ലേ.. ഞാൻ വെറുതെ പറഞ്ഞതാ... മതിലിൽ നിന്നും ചാടി ഇറങ്ങിക്കൊണ്ട് ശ്രദ്ധ പറഞ്ഞു..

എങ്കിലും അവൾ പിണങ്ങി തന്നെ നിന്നു.

എന്റെ മീനൂസേ നമുക്ക്‌ അപ്പുക്കുട്ടിച്ചാത്തനെ കുപ്പിയിൽ കേറ്റണ്ടേ നീ വാ..അവർ പടി ഇറങ്ങി തോടിന്റെ അവിടേക്ക് നടന്നു.

അത് പറഞ്ഞതും അവൾ ശ്രദ്ധയെ നോക്കി ചിരിച്ചു.

ഹയ്യ... പെണ്ണിന്റെ ചിരി.. ഇക്കണക്കിനു അപ്പുവേട്ടനെ കെട്ടിച് തരാം എന്ന് പറഞ് വിളിച്ചാൽ നി ആരുടേലും കൂടെ ഇറങ്ങി പോവാല്ലോ...

പോടീ... മീനു അവളുടെ തോളത്ത് അടിച്ചു.

അല്ല ഇന്നെന്താ മതിലിന്റെ മോളിൽ സാദാരണ കൊക്കോവിന്റെ മോളിൽ ആണല്ലോ...

ഓ അവിടെ നീറ് കയ്യേറി... കടിച്ചു കൊന്നു...

ഹ്ഹ.. മീനു വാ പൊത്തി ചിരിച്ചു.

അല്ല നിനക്ക് ക്ലാസ്സ്‌ ഒന്നും ആയില്ലേ... കുറെ ആയല്ലോ ഇവിടെ...

നി എന്നെ പാക്ക് ചെയ്യാൻ നോക്കുവാ... ശ്രദ്ധ മുഖം കൂർപ്പിച്ചു.

അയ്യോ അല്ലേ... ചോദിച്ചതാ....

മ്മ്... ഞാൻ രണ്ടീസം ലീവ് ആക്കി നാളെ പോവും.

അയ്യോ അപ്പെന്റെ അപ്പേട്ടൻ...

അതിനു നിന്റെ അപ്പെട്ടന് എന്ത് പറ്റി..

നീയല്ലേ പറഞ്ഞെ നീ തിരിച് പോവും മുന്നേ എല്ലാം സെറ്റ് ആക്കി തരാം എന്ന്...

ആ നോക്കട്ടെ...

നോക്കിയാൽ പോരാ... ഞാൻ മിണ്ടാതെ നടന്നപ്പോൾ പാലാരി വട്ടത് കണ്ട പരിചയം പോലും കാണിച്ചില്ല.
കോലം മാറ്റി ജീൻസും ടോപ്പും ഇനി കോലം കെട്ടാൻ ഒന്നും ഇല്ലാ... എന്നിട്ടും മൈൻഡ് ഇല്ലാ... അമ്മയും അമ്മായിമ് എല്ലാരും പറഞ്ഞിട്ടും ഒരു കുലുക്കവും ഇല്ലാ...

അവളുടെ പതം പറച്ചിൽ കേട്ട് ശ്രദ്ധക്ക് ചിരി വരുന്നുണ്ടായിരുന്നു.

നി ഒരു കാര്യം ചെയ് എന്റെ കൂടെ അവിടേക്ക് വാ...

എന്നിട്ട് എന്തിനാ..

നമുക്ക്‌ അവിടെ അടിച്ചുപൊളിക്കാം.. പ്രേമം ദുഖമാണുണ്ണി സിംഗിൾ അല്ലോ സുഖപ്രദം..

ഒന്ന് പോ സച്ചു... ഞാൻ പറഞ്ഞതിന് വഴി ഉണ്ടാക്കി...

ഇതിലിപ്പോ ഞാൻ എന്ത് ചെയ്യാനാ മുത്തേ.. ഞാൻ അറിയാവുന്ന പോലെ എല്ലാം ചെയ്തു അവനു കോംപ്ലക്സ് അടിക്കാൻ വിക്കിനെ കാമുകൻ വരെ ആക്കി.. എന്നിട്ടോ അവനു കുലുക്കം ഇല്ലാ... ഞാൻ ഇനി എന്താ പറയാ...

അങ്ങനെ പറയല്ലേ...

നടന്നു നടന്നു അവർ തോട് എത്തി.

ഇത്തവണ നല്ല വെള്ളം ഇണ്ട് അല്ലേ... ശ്രദ്ധ തോട്ടിലേക്ക് നോക്കി പറഞ്ഞു.

മീനു അവളെ മുഖം കൂർപ്പിച്ചു നോക്കി.

ശ്രദ്ധ ചിരിച്ചു.. അപ്പെട്ടന്റെ കാര്യം നമുക്ക്‌ സെറ്റ് ആക്കാം..

മ്മ്... അവൾ മൂളി.

നല്ല ഒഴുക്കും ഉണ്ട്... ബണ്ട് പൊക്കത്തിൽ ആക്കണം എന്ന് അച്ഛൻ പറേണ കേട്ടു..

മ്മ് നല്ല മഴ അല്ലേ അതാ... അല്ല സച്ചു എന്റെ കുറെ നാളത്തെ സംശയം ആണ്...

മ്മ്.. അവൾ ചോദ്യഭാവത്തിൽ മൂളി..

ഈ തോട് എങ്ങോട്ടാ ഒഴുകണെ...

ആറ്റിലോട്ട്... നേരെ അച്ചൻകോവിലോട്ട്...ഇപ്പൊ നല്ല ഒഴുക്ക് അല്ലേ ഒരു 5മിനുട്ട് കൊണ്ട് അച്ചൻകോവിലാർ കാണാം... സച്ചു തമാശ പോലെ പറഞ്ഞു.

ഹോ... മീനു ശ്വാസം വലിച്ചു വിട്ടു..


സച്ചൂ..........

രണ്ടു പേരും തിരിഞ്ഞു നോക്കി. അപ്പുവാണ്... പറങ്കിമാവിൽ കൈകുത്തി ഒരു കൈ ഇടുപ്പിലും വെച് അവരെ നോക്കുവാന്.അപ്പുവിനെ കണ്ടതും മീനുവിന്റെ കണ്ണ് തിളങ്ങി. പക്ഷെ അവൻ അറിയാതെ പോലും അവളെ നോക്കിയില്ല.

എന്തെടുക്കാ അവിടെ മഴ പെയ്തു നല്ല ഒഴുക്കുണ്ട് പോരത്തെന് നല്ല തെറ്റലും ഉണ്ട്...തെറ്റി അതിലെങ്ങാനും വീണാൽ പിന്നെ ആറ്റിൽ തപ്പിയാൽ മതി രണ്ടിനെയും.... ഇങ്ങോട്ട് കേറ്...

കേരമാട്ടേനെ... നി എന്ന പണ്ണുവേ.... ശ്രദ്ധ കളിയായി ചോദിച്ചു.

അങ്ങോട്ട് വന്ന രണ്ടെണ്ണം തരും. ഇവിടെ കേറടി കുട്ടിപിശാശ്ശെ..... അപ്പു കലിപ്പിൽ പറഞ്ഞു.

എന്റെ മോനെ... ജനിച്ചപ്പോൾ തോട്ട് ഇവിടെ ചാടി കളിച് വളർന്നതാ... അത്ര പെട്ടന്ന് ഒന്നും വീഴില്ല..ശ്രദ്ധ തിരികെ നടന്നുകൊണ്ട് പറഞ്ഞു പിന്നാലെ മീനുവും

ആ എത്ര ചാടി കളിച്ചത് ആണേലും. വേണ്ടാ.. ഞാൻ കൃഷ്ണൻ മാമ്മയെ വിളിക്കേണ്ടേൽ ഇങ്ങട്ട് കേറി....

ദാ വന്നു..

രണ്ടു പേരും തോടിന്റെ വരമ്പത്ത് കൂടെ നടന്നു.

എന്റെ മീനു... നി അവനേം വായിനോക്കി നടക്കാതെ നേരെ നടക്കടി.... അപ്പുവിനെ ഇടക്കിടക്ക് ഒളി കണ്ണിട്ട് നോക്കുന്ന മീനുവിനെ കണ്ടതും അവൾ പതിയെ പറഞ്ഞു.

പോടീ... മീനു ചിരിച്ചു.

ആ...... അടുത്ത നിമിഷം മീനു കാല് തെറ്റി തോട്ടിലേക്ക് വീണു...

മീനു... ശ്രദ്ധ സ്റ്റക്ക് ആയി നിന്നു.

മീനുവിന് നീന്തൽ അറിയില്ല.. നല്ല ഒഴുക്ക് ഉണ്ടായതിനാൽ അവൾക്ക് എങ്ങും പിടുത്തവും കിട്ടിയില്ല

സച്ചു... ചാടരുത്....അവളെ രക്ഷിക്കാൻ ചാടാൻ തുടങ്ങിയ ശ്രദ്ധയെ വിലക്കിക്കൊണ്ട് അപ്പു അവിടേക്ക് പാഞ്ഞു തോട്ടിലേക്ക് എടുത്ത് ചാടി.

അച്ഛാ....... ശങ്കാരൻമാമേ..... ഓടി വാ..... മീനു വെള്ളത്തിൽ വീണു.. ശ്രദ്ധ പേടിയോടെ വിളിച്ചു കൂവി.

മീനുവിന്റെ മുടിയിൽ ആണ് അവനു പിടുത്തം കിട്ടിയേ... മുടിക്ക് പിടിച്ചു വലിച്ചു ബണ്ടിലേക്ക് ചേർന്നു നീന്തി.

ശ്രദ്ധ സഹായിച്ചു അവളെ വലിച്ചു കരക്ക് കേറ്റി.. കുറെ വെള്ളം കുടിച് അവളുടെ ബോധം പോയി.

മീനു... മീനു... അവളുടെ കവിളത്തു തട്ടി ശ്രദ്ധ വിളിച്ചു. അനക്കം ഇല്ലാ.. അപ്പു അവളുടെ വൈറ്റിൽ കൈ അമർത്തി കൊണ്ടിരുന്നു. അവൾ കുടിച്ച വെള്ളം വായിക്കൂടെ പുറത്തേക്ക് വന്നു.

മീനുന് ആസ്ത്മ ഉള്ളത് അല്ലേ.... എനിക്ക് പേടി ആവുന്നു... ശ്രദ്ധ പറഞ്ഞതും അപ്പു അവളെ ദേഷ്യത്തിൽ നോക്കി... പല്ലുകൾ തമ്മിൽ അമരുന്നത് അവൾക്ക് നന്നായി കേൾക്കാമായിരുന്നു.. അവൾ പേടിയോടെ അവനെ നോക്കി.

നിന്നോടൊക്കെ ആരാ ഇപ്പൊ ഇങ്ങോട്ട് കെട്ടി എടുക്കാൻ പറഞ്ഞെ.. ദേഷ്യത്തിൽ പറഞ്ഞുകൊണ്ട് അവൻ മീനുവിനെ കോരി എടുത്ത് വരമ്പത്തൂടെ സൂക്ഷിച് നടന്നു

അപ്പോഴേക്കും അച്ഛനും ശങ്കരൻ മാമയും അവിടേക്ക് വന്നു

എന്താ... എന്താ പറ്റിയെ.... ശങ്കാരൻമാമ ആവലാതിയോടെ ചോദിച്ചു.

ഒന്നുമില്ല മാമേ... വെള്ളത്തിൽ വീണതാ...

നിങ്ങളോട് ആരാ പിള്ളേരെ തോട്ടിൽ പോവാൻ പറഞ്ഞെ... അച്ഛൻ ശ്രദ്ധയെ നോക്കി  ദേഷ്യത്തിൽ  ചോദിച്ചു..

അത് പിന്നെ.. ശ്രദ്ധയുടെ കണ്ണ് നിറഞ്ഞു.

മീനുവിനെ ഉമ്മറത്ത് കിടത്തിയപ്പോഴേക്കും അവളിൽ നിന്ന് ചെറിയ ഞരക്കം കേട്ടു... അപ്പു അവളുടെ വൈറ്റിൽ അമർത്തികൊണ്ടിരുന്നു. ശ്രദ്ധ പേടിയോടെ അവളുടെ കൈ തിരുമ്മി കൊടുത്തു അമ്മയും അച്ഛനും ശങ്കാരൻമാമയും കൈയും കാലും തിരുമ്മി കൊടുത്തു.

അച്ഛനും അമ്മയും ഇടക്ക് ഇടക്ക് ഓരോന്ന് പറഞ്ഞു നല്ല വഴക്ക് പറയുന്നുണ്ട്..ശ്രദ്ധ മീനുവിനെ നോക്കി പേടിയോടെ ഇരിക്കുന്നു എന്നല്ലാതെ അവൾ അതൊന്നും കേൾക്കുന്നുണ്ടായിരുന്നില്ല...

മീനു പതിയെ കണ്ണ് തുറന്നു. ശ്വാസം വലിച്ചു... അപ്പുവിന്റെ മുഖത്തെ തെളിച്ചം ശ്രദ്ധ ശ്രദ്ധിച്ചു

മാമേ... ഞാൻ കാർ എടുത്ത് വരാം... ഹോസ്പിറ്റലിൽ പോവാൻ..

വേണ്ടാ അപ്പുവേട്ട... എനിക്ക് കുഴപ്പം ഇല്ലാ... ശ്വാസം എടുക്കുന്നതിനിടയിൽ പറഞ്ഞു.

കലിപ്പിൽ ഒരു നോട്ടം ആയിരുന്നു മറുപടി.

ചെല്ല് മോളെ.. ആസ്ത്മ ഉള്ളത് അല്ലേ.... അമ്മ അവളുടെ തലയിൽ തുവർത്തി കൊണ്ട് പറഞ്ഞു.


അപ്പു ഡ്രസ്സ്‌ പോലും മാറാതെ കാർ എടുത്ത് വരുന്നത് കണ്ട് ശ്രദ്ധ നോക്കി നിന്നു.

സച്ചു നീയും വാ... മീനു അവളുടെ കൈയിൽ പിടിച്ചു.

ഇല്ലടി നീ ചെല്ല്... അവർക്ക് സംസാരിക്കാൻ അവസരം ഒരുക്കാൻ ശ്രദ്ധ പറഞ്ഞു..

നീയും ചെല്ല് സച്ചു.... അച്ഛൻ ദേശിച്ചപ്പോൾ ശ്രദ്ധ തലയാട്ടി..

മീനുവും ശ്രദ്ധയും ബാക്കിൽ കേറി..

മീനുവിന്റെ ശ്വാസ ക്രമം അപ്പോഴും നേരെ ആയിരുന്നില്ല... അവൾ ശ്വാസം എടുക്കാൻ ബുദ്ധി മുട്ടുന്നത് കണ്ട് ശ്രദ്ധ അവളുടെ നെഞ്ച് തടവി കൊടുത്തു..

കാറിനു നല്ല വേഗത ഉണ്ടായിരുന്നതിനാൽ പെട്ടന്ന് ഹോസ്പിറ്റലിൽ എത്തി.



അസ്തമ ഉണ്ടെന്ന് അറിയാലോ അപ്പോൾ ഇങ്ങനെ ഉള്ള സ്ഥലങ്ങൾ ഒഴുവാക്കരുതോ.... പരിചയം ഉള്ള ഡോക്ടർ ആയതിനാൽ അവളെ ശ്വസിച്ചുകൊണ്ട് ആ മധ്യവയസ്‌കൻ പറഞ്ഞു.

അത് പറഞ്ഞാൽ കേൾക്ക എന്നൊന്ന് രക്തത്തിൽ അലിഞ്ഞു ചേർന്നിട്ടില്ലലോ.. പിന്നെങ്ങനെയാ ഡോക്ടർ... അപ്പു അവളെ നോക്കി കടുപ്പിച്ചു പറഞ്ഞതും മീനു അവനെ വായും തുറന്ന് നോക്കി. മീനുവും അപ്പുവും ആണ് അകത്ത് കേറിയത് ശ്രദ്ധ പുറത്ത് നിന്നു..

വെള്ളത്തിൽ ഇറങ്ങിയത് അല്ല..വഴുക്കി വീണതാ... മീനു തല കുനിച്ചു പറഞ്ഞു...

തോട്ടിൽ പോവാൻ നിന്നോടാരാ പറഞ്ഞെ... പരിസരം മറന്നു അപ്പു ചൂടായപ്പോൾ മീനു ഞെട്ടി.

ഡോക്ടർ ചിരിച്ചു.

ഇതാരാ...മീനൂട്ടിയുടെ

അത്.. ഭാ... എന്ത് പറയണം എന്ന് അറിയാതെ മീനു കുഴങ്ങി.

അമ്മാവന്റെ മോൻ ആണ്.. അപ്പു പറഞ്ഞു..

ഓ അപ്പൊ ഇതാണ് മീനൂട്ടി പറഞ്ഞ കക്ഷി ലെ...

ഡോക്ടർ പറയുന്നത് കേട്ട് രണ്ടു പേരും ഒരുപോലെ ഞെട്ടി...

ഇങ്ങേരിത് കുളമാക്കും മീനു മനസിൽ പറഞ്ഞു.

അപ്പു.. അങ്ങനെന്തോ ലെ പേര്... ഡോക്ടർ ചോദിച്ചതും അവൻ തലയാട്ടി.

ആ മീനൂന് ഇവിടെ വന്നാൽ തന്നെ കുറിച്ച  പറയാൻ ഉള്ളു..

എന്റെ കാര്യത്തിൽ തീരുമാനമായി.... മീനു മനസിൽ ഉറപ്പിച്ചു. പറയരുത് എന്നൊക്കെ അവൾ കഥകളിയിലൂടെ പറയാൻ നോക്കുന്നുണ്ടെങ്കിലും അയാൾ ചിരിച്ചുകൊണ്ട് പറഞ്ഞുകൊണ്ടിരുന്നു..


കാത്തിരുപ്പ് ❤️

©sreelekshmysaksha