💞മറന്നിട്ടുമെന്തിനോ💞-(43)

Part 43

അമ്പലത്തിൽ നിന്ന് തൊഴുത് പ്രസാദവും വാങ്ങി ബൈക്ക് പാർക്ക്‌ ചെയ്ത സ്ഥലത്തേക്ക് പോവാൻ ഇറങ്ങിയപ്പോഴാണ് ആയുവിനെ ആരോ വിളിക്കുന്നത് കേട്ടത്. നോക്കിയപ്പോൾ കിച്ചുവേട്ടന്റെ അമ്മയാണ്. അവരെ നോക്കി ഒരു പുഞ്ചിരി സമ്മാനിച്ച് ആയുവിനെ നോക്കിയപ്പോൾ നിലത്തേക്ക് ഊർന്ന് വീഴുന്നതാണ് കണ്ടത്. തുടർന്ന് അവൾടെ ശരീരം വിറക്കുന്നതും കയ്യും കാലും മുഖവും ഒക്കെ കോച്ചിവലിക്കുന്നതും വായിൽ നിന്ന് നുരയും പതയുമൊക്കെ വരുന്നതുമാണ് കാണുന്നത്. ഒരു നിമിഷം വേണ്ടി വന്നു എന്താണ് സംഭവിക്കുന്നതെന്ന് മനസ്സിലാവാൻ വേണ്ടി. വേഗം തന്നെ അവളുടെ അടുത്ത് പോയി അവളെ തന്റെ മടിയിലേക്ക് തലചായ്ച്ചു കിടത്തി. തന്റെ മുന്നിൽ കിടന്ന് പിടയുന്നവളെ കാണെ അവന് ശരീരം തളരുന്നത് പോലെ തോന്നി. അപ്പോഴേക്കും ചുറ്റും ആളുകൾ കൂടിയിരുന്നു.

ആ കുട്ടീടെ കയ്യിൽ എന്തേലും ഇരുമ്പ് കഷ്ണം വെച്ച് കൊടുക്ക്.

ആൾക്കൂട്ടത്തിനിടയിൽ നിന്ന് ആരോ പറയുന്നത് കേട്ട് അവൻ തിടുക്കത്തിൽ ബൈക്കിന്റെ താക്കോലിനായി പരതി. പക്ഷെ ശരീരത്തിനൊപ്പം മനസ്സും തളർന്നിരുന്നു. അപ്പോഴേക്കും ആരോ എന്തോ അവൾടെ കയ്യിൽ വെച്ച് കൊടുത്തിരുന്നു. കുറച്ച് നിമിഷങ്ങൾക്ക് ശേഷം അവൾടെ പിടച്ചിൽ മാറി അവൾ മയക്കത്തിലേക്ക് പോയിരുന്നു.

വേഗം ഈ കുട്ടിയെ ആസ്പത്രിയിൽ എത്തിക്കാൻ നോക്ക്.

കൂടി നിന്നവരിൽ ആരോ പറഞ്ഞു.

💢💢💢💢💢💢💢💢💢💢💢💢💢💢💢💢

കണ്ണാ... ഹോസ്പിറ്റലിൽ കൊണ്ട് പോവാം വേഗം വണ്ടി എടുക്ക്.

ഇതൊക്കെ കണ്ട് നിന്ന അരുന്ധതി അങ്ങോട്ടേക്ക് വന്ന കണ്ണനോടായി പറഞ്ഞു. അവരുടെ കണ്ണുകൾ നിറഞ്ഞിരുന്നു. ആളുകൾ കൂടി നിൽക്കുന്നത് കാരണം അവന് വയ്യാതെ ആയ ആൾടെ മുഖം കാണാൻ പറ്റിയില്ല. പക്ഷെ അതൊരു പെൺകുട്ടി ആണെന്നവന് മനസ്സിലായിരുന്നു. ആളുകളെ വകഞ്ഞു മാറ്റിയവൻ നോക്കിയപ്പോൾ കണ്ടത് ആദിയുടെ മടിയിൽ കിടക്കുന്ന ആയുവിനെ ആണ്. അവളെ കണ്ട് കണ്ണൻ ഒന്ന് പകച്ചു. മറിച്ചൊന്നും പറയാതെ അവൻ വണ്ടി എടുക്കാൻ പോയി. അവളെ എങ്ങനെയും രക്ഷിക്കണമെന്ന് മാത്രമേ അവന്റെ മനസ്സിൽ അപ്പോൾ ഉണ്ടായിരുന്നോളു.

💢💢💢💢💢💢💢💢💢💢💢💢💢💢💢💢

തന്റെ മുന്നിലേക്ക് ഒരു കാർ വന്ന് നിന്നപ്പോൾ ആയുവിനെ നെഞ്ചോട് ചേർത്ത് പിടിച്ചവൻ അവളേം കൊണ്ട് ആ വണ്ടിയിലേക്ക് കേറി. അപ്പോഴവന്റെ മനസ്സിൽ അവന്റെ കുഞ്ഞൂസ് മാത്രമായിരുന്നു. തന്റെ മടിയിൽ ബോധമില്ലാതെ കിടക്കുന്നവളെ കാണെ അവന്റെ കണ്ണുകൾ നിറഞ്ഞു വന്നു.

💢💢💢💢💢💢💢💢💢💢💢💢💢💢💢💢

ഹോസ്പിറ്റലിൽ എത്തി അവളെ നേരെ icu വിലേക്ക് കയറ്റിയിരുന്നു.

ഇതിനിടയിൽ കണ്ണൻ രുദ്രനെ വിളിച്ച് കാര്യം പറഞ്ഞിരുന്നു.

രുദ്രനും ദേവികയും ആദിയുടെ അച്ഛനും അമ്മയും വരുമ്പോൾ കാണുന്നത് ഐ സി യുവിന് മുന്നിൽ തളർന്നിരിക്കുന്ന ആദിയെയാണ്. കുറച്ച് മാറി കണ്ണനും അരുന്ധതിയും ഉണ്ടായിരുന്നു.

മോനെ..... എന്റെ മോള്... അവൾക്ക് എന്താ പറ്റിയത്....

ആദിയുടെ അടുത്തേക്ക് ഓടിപ്പാഞ്ഞു വന്ന് ദേവിക ചോദിച്ചു. അവര് കരഞ്ഞു തളർന്നിരുന്നു.

അറിയില്ല ദേവമ്മേ പെട്ടെന്ന് എന്ത് പറ്റിയതാണെന്ന്.

ദേവേട്ടാ നമ്മടെ മോള്....

ഇതും പറഞ്ഞവർ രുദ്രന്റെ നെഞ്ചിലേക്ക് ചാഞ്ഞു.

അപ്പോഴേക്കും ഐ സി യു ഡോർ തുറന്ന് ഒരു നേഴ്സ് പുറത്തേക്ക് വന്നു.

സിസ്റ്റർ ആയുഷിക്ക് ഇപ്പോൾ എങ്ങനെയുണ്ട്.. ( വിപിൻ )

ആ കുട്ടിക്ക് കുഴപ്പം ഒന്നുമില്ല. ആയുഷിയുടെ പേരെന്റ്സ്നെ ഡോക്ടർ വിളിക്കുന്നു.

Ok സിസ്റ്റർ. (രുദ്രൻ)

രുദ്രനും ദേവികയും ആദിയും കൂടെയാണ് ഡോക്ടർടെ കാബിനിലേക്ക് പോയത്.

ഡോക്ടർ may i.. (രുദ്രൻ )

യെസ് come. നിങ്ങൾ ആയുഷിടെ പേരെന്റ്സ് അല്ലെ.... (Dr )

യെസ് ഡോക്ടർ. (രുദ്രൻ )

ഇത്....

ആദിയെ നോക്കിയായിരുന്നു ഡോക്ടർടെ ചോദ്യം.

ബ്രദർ ആണ്. (ആദി )

മ്മ്... സീ മിസ്റ്റർ.... (Dr )

രുദ്രദേവ്.

Ok , മിസ്റ്റർ രുദ്രദേവ് ആ കുട്ടിക്ക് ഫസ്റ്റ് ടൈം ആണോ ഇങ്ങനെ ഫിറ്റ്‌സ് വരുന്നത്. (Dr )

നോ ഡോക്ടർ. ഇതിന് മുൻപ് 3 തവണ വന്നിട്ടുണ്ട്. അവൾ അതിന്റെ ട്രീറ്റ്മെന്റിൽ ആയിരുന്നു.

രുദ്രന്റെ ഈ വാക്കുകൾ ആദിയിൽ ഞെട്ടൽ ഉളവാക്കി. സംശയത്തോടെ അവൻ അയാളെ നോക്കിയപ്പോൾ അയാൾ അതേയെന്ന് തലയനക്കി കാണിച്ചു. അവന് അതൊരു പുതിയ അറിവായിരുന്നു.

ആ കുട്ടീടെ മെഡിക്കൽ റിപ്പോർട്സ് കയ്യിലുണ്ടോ. (Dr )

രുദ്രൻ കയ്യിൽ കരുതിയ ആയുവിന്റെ മെഡിക്കൽ റിപ്പോർട്സ് ഡോക്ടർക്ക് നൽകി. അതിലൂടെ കണ്ണോടിച്ച ശേഷം അദ്ദേഹം പറഞ്ഞു.

ഇപ്പോൾ ആ കുട്ടീടെ കണ്ടിഷൻ സ്റ്റേബിൾ ആണ് പേടിക്കാനൊന്നും ഇല്ല. ഇപ്പോൾ കഴിക്കുന്ന ടാബ്‌ലറ്റ്സ് തന്നെ continue ചെയ്താൽ മതി. കുറച്ച് കഴിഞ്ഞ് റൂമിലേക്ക് ഷിഫ്റ്റ്‌ ചെയ്യും. പിന്നെ ഇന്നൊരു ദിവസം ഇവിടെ ഒബ്സെർവഷനിൽ കിടക്കട്ടെ. നാളെ ഡിസ്ചാർജ് ചെയ്യാം. (Dr )

താങ്ക് യു ഡോക്ടർ.

പിന്നെ ആ കുട്ടീടെ മെന്റൽ ഹെൽത്ത്‌ വളരെ weak ആണ്. മനസ്സിനെ വിഷമിപ്പിക്കുന്ന കാര്യങ്ങളൊന്നും ആയുഷി ആയി ഷെയർ ചെയ്യാതെ ഇരിക്കുന്നതാവും നല്ലത്.

Ok ഡോക്ടർ ഇനി ശ്രെദ്ധിച്ചോളാം.

ഡോക്ടറെ കണ്ടിട്ട് പുറത്ത് ഇറങ്ങിയപ്പോൾ രുദ്രൻ ദേവികയെ ബാക്കിയുള്ളവരുടെ അടുത്തേക്ക് പറഞ്ഞയിച്ചു. ആദിയെ നോക്കിയപ്പോൾ അവൻ ഈ ലോകത്തൊന്നും അല്ലെന്ന് അയാൾക്ക് അവന്റെ മുഖത്ത് നിന്നും മനസ്സിലായി.

മോനെ.... നിന്റെ മനസ്സിൽ ഒത്തിരി സംശയം ഉണ്ടെന്ന് അറിയാം. എല്ലാം നിന്നോട് പറയാം. ഇനിയും വയ്യ എല്ലാം ഒളിച്ചു വെക്കാൻ.

അവന്റെ തോളിൽ പിടിച്ച് അദ്ദേഹം പറഞ്ഞു.

പറ അച്ഛേ.... ആയുവിന് എന്താ പറ്റിയത്. അവൾക്കെന്താ ഇങ്ങനെയൊക്കെ....(ആദി )

അവൾടെ ജീവിതത്തിൽ നീയറിയാത്ത കുറച്ച് കാര്യങ്ങൾ സംഭവിച്ചു മോനെ. ആരോടും പറയാതെ എന്റെ കുഞ്ഞ് എല്ലാം ഉള്ളിലൊതുക്കി സ്വയം ഉരുകുവായിരുന്നു ഇത്രയും കാലം. ഞങ്ങളെല്ലാം അറിഞ്ഞപ്പോഴേക്കും ഒത്തിരി വൈകി പോയി. (രുദ്രൻ )

അച്ഛേ... എനിക്കൊന്നും മനസ്സിലാവുന്നില്ല. എന്താ അവൾടെ പ്രശ്നം. (ആദി )

നീ ഓർക്കുന്നുണ്ടോ മോനെ അന്ന് നിങ്ങൾ കിച്ചുവിന്റെ പിറന്നാളിന് പോയത്. അവിടെ നിന്ന് വന്ന ശേഷം ന്റെ മോള് വല്ലാതെ മാറിയിരുന്നു. എന്നോടും അവൾടെ അമ്മയോട് പോലും ഒന്നും സംസാരിക്കില്ലായിരുന്നു എപ്പോഴും അവൾടെ റൂമിൽ തന്നെ അടച്ചു പൂട്ടി ഇരിക്കുമായിരുന്നു. ആദ്യമൊക്കെ ഞങ്ങൾ വിചാരിച്ചു കിച്ചുവുമായി വഴക്ക് വല്ലതും ഉണ്ടായിക്കാണുമെന്ന്. അത് കൊണ്ടാണ് അന്ന് ഞങ്ങൾ നിന്നോട് ചോദിച്ചത്. അപ്പോൾ നീ പറഞ്ഞു നിനക്കൊന്നും അറിയില്ലെന്ന്. അന്നത് ഞങ്ങളത്ര കാര്യമാക്കി എടുത്തില്ല. അവര് തമ്മിൽ എന്തേലും പ്രശ്നം ഉണ്ടെങ്കിൽ അത് അവരായി തന്നെ തീർക്കട്ടെ എന്ന് വിചാരിച്ചു. അവൾക്ക് പറയാൻ തോന്നുമ്പോൾ ഞങ്ങളോട് പറയുമെന്ന് വിശ്വസിച്ചു.

പിന്നെ അവൾ പറഞ്ഞു അവൾക്ക് എറണാകുളത്തു പോയി പഠിക്കണമെന്ന്. അവൾടെ ആഗ്രഹങ്ങൾക്കൊന്നും ഞങ്ങളിത് വരെ എതിര് നിന്നിട്ടില്ലെന്ന് നിനക്കറിയില്ലേ അത് കൊണ്ട് തന്നെ അതും സമ്മതിച്ചു.

നിന്നോട് പോലും പറയാതെയാണ് അവളങ്ങനൊരു തീരുമാനം എടുത്തതെന്ന് പിന്നീടാണ് ഞങ്ങൾ അറിഞ്ഞത്.

രുദ്രനൊന്ന് നിശ്വസിച്ചു. എല്ലാം കേട്ട് സ്ഥബ്ധനായി നിന്നു ആദി. അപ്പോൾ അവന്റെ മനസ്സിൽ പഴയ കാലത്തിന്റെ തിരശീലയിൽ ഓർമ്മകൾ തിരി തെളിയിച്ചിരുന്നു.

അവിടെ എത്തി കഴിഞ്ഞും അവൾ അങ്ങനെ തന്നെ ആയിരുന്നു. പഴയ ഉഷാറില്ല ആരോടും ഒന്നും സംസാരിക്കില്ല എപ്പോഴും എന്തോ ആലോചിച്ചിരിക്കും. അങ്ങനെ ഒരു ദിവസം രാവിലെ പതിവ് സമയത്ത് അവളെ കാണാതെ റൂമിലേക്ക് ചെന്ന് നോക്കിയ ഞങ്ങൾ കാണുന്നത് കണ്ണൊക്കെ തുറിച്ച് വായിൽ നിന്ന് നുരയും പതയുമൊക്കെ വന്ന് ബോധം ഇല്ലാതെ കിടക്കുന്ന ഞങ്ങളുടെ കുഞ്ഞിനെയാ.

ആ ഓർമ്മയിൽ അയാളുടെ കണ്ണുകൾ നിറഞ്ഞു.

അന്നാണ് ആദ്യമായി അവൾക്ക് ഫിറ്റ്സ് വരുന്നത്. ഉറക്കം ഇല്ലായ്മയും മാനസിക സംഘർഷവും ഒക്കെ കൊണ്ടാണ് അങ്ങനെ വന്നതെന്ന് ആയിരുന്നു ഡോക്ടർ പറഞ്ഞത്. അവള് മാനസികമായി ഒത്തിരി weak ആണെന്ന് പറഞ്ഞ് അന്നവളെ consult ചെയ്ത ഡോക്ടറാണ് ഒരു psychologist നെ കാണിക്കാൻ പറഞ്ഞത്. പിന്നെ എന്റെ കുഞ്ഞ് ഒരു വർഷത്തോളം കൗൺസിലിംഗ് ഒക്കെ ആയി ചികിത്സയിലായിരുന്നു.

എന്നോട് ഒരു വാക്ക് പറഞ്ഞൂടായിരുന്നോ അച്ഛേ.... ഞാൻ വരില്ലായിരുന്നോ.... (ആദി )

നീ വരുമെന്ന് അവൾക്കും അറിയാം മോനെ. അവള് തന്നെയാ പറഞ്ഞത് ഒന്നും നിന്നെ അറിയിക്കല്ലേ എന്ന്. നിനക്കത് സഹിക്കില്ലെന്ന്. അന്നൊക്കെ അതാണ് ശെരിയെന്ന് തോന്നി നിന്നെ ഒന്നും അറിയിച്ചില്ല. വിപിനെയും നിഷയെയും വിളിച്ച് അറിയിച്ചിരുന്നു.

കൗൺസിലിംഗും മെഡിറ്റേഷനും ഒക്കെ ആയപ്പോഴേക്കും ആയു ഒരുവിധം ok ആയിരുന്നു. പക്ഷെ അപ്പോഴും അവൾ ഞങ്ങളിൽ നിന്ന് മറച്ചു പിടിച്ചിരുന്നു അവളെ ഡിപ്പ്രെഷൻ വരെ കൊണ്ടെത്തിച്ച കാര്യം. പിന്നെ എന്റെ കുഞ്ഞിന് വിഷമം ആയാലോ എന്ന് കരുതി ഞങ്ങൾ അത് ചോദിച്ച് അവളെ ബുദ്ധിമുട്ടിച്ചില്ല.

അങ്ങനെ ചികിത്സക്ക് ശേഷം ഞങ്ങൾക്ക് പഴയ കുഞ്ഞൂസിനെ തിരിച്ച് കിട്ടി. എപ്പോഴും കളിയും ചിരിയും കുറുമ്പും നിറഞ്ഞ ഞങ്ങളുടെ പൊന്ന് മോളെ. പക്ഷെ അവൾടെ ആ മാറ്റത്തിനും ആയുസ്സ് കുറവായിരുന്നു വീണ്ടും അവളെ പഴയതിനേക്കാൾ മോശമായ അവസ്ഥയിലേക്ക് കൊണ്ടെത്തിച്ചത് കിച്ചുവിന്റെ അമ്മയാണ്.

അരുന്ധതി ആന്റിയോ.... (ആദി )

മ്മ്... അതെ മോനെ.

ആദിക്ക് അവൻ കേൾക്കുന്നതൊന്നും വിശ്വസിക്കാൻ കഴിയുന്നുണ്ടായിരുന്നില്ല. തന്റെ കുഞ്ഞൂസ് ഈ കഴിഞ്ഞ കാലം കൊണ്ട് എന്തൊക്കെ അനുഭവിച്ചിരിക്കുന്നു.

ആന്റി എന്തിനാ കുഞ്ഞൂസിനെ കാണാൻ വന്നത്. (ആദി )

അത്... (രുദ്രൻ)

ആഹാ.... നിങ്ങൾ രണ്ടാളും ഇവിടെ തന്നെ നിൽക്കുവാണോ. വാ ദേവേട്ടാ മോള് കണ്ണ് തുറന്നു. ആദിയെ കാണണമെന്ന് വാശി പിടിക്കുന്നു അവൾ.

ഇതും പറഞ്ഞ് ദേവിക അങ്ങോട്ടേക്ക് വന്നു. അവരുടെ സംസാരം അവിടെ അവസാനിപ്പിച്ച് അവർ ആയുവിനെ കിടത്തിയ റൂമിലേക്ക് പോയി.

തുടരും.........

💞മറന്നിട്ടുമെന്തിനോ💞-(44)

4.7

3596

14 mins

Part 44 ആഹാ.... നിങ്ങൾ രണ്ടാളും ഇവിടെ തന്നെ നിൽക്കുവാണോ. വാ ദേവേട്ടാ മോള് കണ്ണ് തുറന്നു. ആദിയെ കാണണമെന്ന് വാശി പിടിക്കുന്നു അവൾ. ഇതും പറഞ്ഞ് ദേവിക അങ്ങോട്ടേക്ക് വന്നു. അവരുടെ സംസാരം അവിടെ അവസാനിപ്പിച്ച് അവർ ആയുവിനെ കിടത്തിയ റൂമിലേക്ക് പോയി. ( തുടർന്ന് വായിക്കുക ) റൂമിൽ എത്തിയപ്പോൾ ആയുവിന്റെ അടുത്ത് അരുന്ധതിയും കണ്ണനും ഒഴികെ എല്ലാവരും ഉണ്ടായിരുന്നു. പ്രതീക്ഷിച്ച ആളെ കാണാതെ വന്നപ്പോൾ ആദിയുടെ മുഖത്ത് നിരാശ പടർന്നു. അവൻ മുഖം പ്രസന്നമാക്കി ആയുവിന്റെ അടുത്തേക്ക് പോയി. അവനെ കണ്ട് അവളൊന്ന് പു�