ആഹാ.... നിങ്ങൾ രണ്ടാളും ഇവിടെ തന്നെ നിൽക്കുവാണോ. വാ ദേവേട്ടാ മോള് കണ്ണ് തുറന്നു. ആദിയെ കാണണമെന്ന് വാശി പിടിക്കുന്നു അവൾ.

 

ഇതും പറഞ്ഞ് ദേവിക അങ്ങോട്ടേക്ക് വന്നു. അവരുടെ സംസാരം അവിടെ അവസാനിപ്പിച്ച് അവർ ആയുവിനെ കിടത്തിയ റൂമിലേക്ക് പോയി.

 

                            ( തുടർന്ന് വായിക്കുക )

 

 

റൂമിൽ എത്തിയപ്പോൾ ആയുവിന്റെ  അടുത്ത് അരുന്ധതിയും കണ്ണനും ഒഴികെ എല്ലാവരും ഉണ്ടായിരുന്നു. പ്രതീക്ഷിച്ച ആളെ കാണാതെ വന്നപ്പോൾ ആദിയുടെ മുഖത്ത് നിരാശ പടർന്നു. അവൻ മുഖം പ്രസന്നമാക്കി ആയുവിന്റെ അടുത്തേക്ക് പോയി. അവനെ കണ്ട് അവളൊന്ന് പുഞ്ചിരിച്ചു.

 

എന്റെ കുഞ്ഞൂസേ  നീ നല്ല പണിയാ എന്തായാലും കാണിച്ചത്. (ആദി )

 

അവന്റെ സംസാരം കേട്ടവൾ കാര്യം മനസ്സിലാവാതെ നെറ്റി ചുളിച്ചു.

 

ഇന്ന് ഫുൾ കറങ്ങാൻ പോവാനൊക്കെ പ്ലാൻ ചെയ്തതാ ഞാൻ. അപ്പോഴേക്കും നീ എന്നേം കൊണ്ട് ഹോസ്പിറ്റലിലേക്ക് ട്രിപ്പ്‌ വന്നല്ലോ. (ആദി )

 

അവന്റെ കുറുമ്പ് നിറഞ്ഞ സംസാരം കെട്ടവൾക്ക്  ചിരിക്കാതെ ഇരിക്കാൻ ആയില്ല.

 

പോടാ.... ഒന്നുല്ലേലും നിന്നെ ഫ്രീ ആയി ഇവിടെ വരെ കൊണ്ട് വന്നില്ലേ ഞാൻ. (ആയു )

 

ഒരു കണ്ണിറുക്കി ചിരിച്ച് കൊണ്ട് പറയുന്നവളെ കാണെ എല്ലാവരിലും സന്തോഷം നിറഞ്ഞു. അവിടെ അവർ കണ്ടത് അവരുടെ പഴയ ആയുഷിയെ ആയിരുന്നു.

 

ഉവ്വ്... ഫ്രീ ആയി കൊണ്ട് വന്നെങ്കിലും ഫുൾ സസ്പെൻസ് ആയിരുന്നല്ലോ. അതിന്റെ കൂടെ അവൾടെ ഒടുക്കത്തെ ഒരു വിറയലും.

(ആദി )

 

അതിനവൾ നന്നായി ഒന്ന് ചിരിച്ച് കൊടുത്തു.

 

അയ്യാ... കിണിക്കുന്ന കണ്ടില്ലേ പിശാശ്. (ആദി )

 

ആദി.... അച്ഛയോട് ഒന്ന് പറയോ ഡോക്ടറോട് പറഞ്ഞ് ഇവിടെ നിന്ന് ഡിസ്ചാർജ് വാങ്ങാൻ. എനിക്ക് അതിനും വേണ്ടി കുഴപ്പം ഒന്നും ഇല്ലെടാ. (ആയു )

 

അവൾടെ കൊഞ്ചിയുള്ള വർത്താനം കേട്ട് അവനിൽ വാത്സല്യം നിറഞ്ഞു.

 

Achoooda... ആര് പറഞ്ഞു എന്റെ കുഞ്ഞൂസിന് കുഴപ്പം ഒന്നും ഇല്ലെന്ന്. മര്യാദക്ക് അടങ്ങി ഒതുങ്ങി നല്ല കുട്ടിയായി ഇവിടെ കിടക്കാൻ നോക്ക് പെണ്ണേ. ഇന്നൊരു ദിവസം മതി നാളെ ഡിസ്ചാർജ് ചെയ്യാമെന്ന് ഡോക്ടർ പറഞ്ഞു. (ആദി )

 

ആണോ... (ആയു )

 

അതേലോ... (ആദി)

 

അമ്മേ ഞാൻ ഇപ്പോൾ വരാം. വെളിയിൽ കണ്ണേട്ടൻ ഉണ്ടായിരുന്നു ഒന്ന് നോക്കട്ടെ.

 

നിഷയോട് പറഞ്ഞ് പുറത്തേക്ക് ഇറങ്ങാൻ പോയ ആദിയെ ആയു വിളിച്ചു.

 

കണ്ണേട്ടൻ എങ്ങനെ ഇവിടെ വന്നെടാ. (ആയു )

 

അതൊക്കെ ഞാൻ നിനക്ക് പറഞ്ഞ് തരാം ആദ്യം വീട്ടിൽ എത്തട്ടെ. (ആദി )

 

അവൾ തലകുലുക്കി സമ്മതം അറിയിച്ചു. അവൾടെ തലയിലൊന്ന് തഴുകിയിട്ട് ആദി പുറത്തേക്ക് ഇറങ്ങി.

 

പുറത്തേക്ക് ഇറങ്ങിയ അവൻ കണ്ടത് അരുന്ധതിയോട് എന്തോ കയർത്ത് സംസാരിക്കുന്ന രുദ്രനെ ആണ്. കൂടെ തന്നെ വിപിനും ഉണ്ട്.

 

അച്ഛേ... എന്താ പ്രശ്നം.

 

അവരുടെ അടുത്തേക്ക് ചെന്ന് ആദി അന്വേഷിച്ചു.

 

മോനെ... നീ ഒന്ന് പറയ് ഇവരോട്, ഇവിടെ നിന്ന് പോവാൻ. വീണ്ടും വീണ്ടും ഇവര് വരുന്നത് എന്റെ കുഞ്ഞിനെ വിഷമിപ്പിക്കാൻ വേണ്ടിയാണ്. (രുദ്രൻ)

 

ഞാൻ... മോളെ ഒന്ന് കണ്ടിട്ട് പൊയ്ക്കോളാം. (അരുന്ധതി )

 

അവര് കരയുന്നുണ്ടായിരുന്നു.

 

എന്തിന്.... വീണ്ടും എന്റെ കുഞ്ഞിനെ ഓരോന്ന് പറഞ്ഞ് കരയിപ്പിക്കാനോ... (രുദ്രൻ )

 

രുദ്രന് നല്ല ദേഷ്യം വരുന്നുണ്ടായിരുന്നു. അവരവിടെ നിൽക്കുന്ന ഓരോ നിമിഷവും അയാൾക്ക് ഓർമ്മ വരുന്നത് തന്റെ മകൾ അവര് കാരണം അനുഭവിച്ച കാര്യങ്ങൾ ആയിരുന്നു. അരുന്ധതിയുടെ സാമിപ്യം അസഹ്യമായി തോന്നി അയാൾക്ക്.

 

അച്ഛേ... നിങ്ങൾ രണ്ടാളും കുഞ്ഞൂസിന്റെ അടുത്തേക്ക് ചെല്ല്. ഞാൻ ആന്റിയെ പറഞ്ഞ് മനസിലാക്കാം.

 

രുദ്രന്റെ അവസ്ഥ മനസ്സിലാക്കി ആദി വിപിനോട് പറഞ്ഞു. വിപിന്റെ കൂടെ ആയു കിടക്കുന്ന റൂമിലേക്ക് പോകുമ്പോഴും രുദ്രൻ അരുന്ധതിയെ ദേഷ്യത്തോടെ നോക്കുന്നുണ്ടായിരുന്നു.

 

മോ..നെ... ഞാ..ൻ.... (അരുന്ധതി )

 

ആന്റി ഒന്നും പറഞ്ഞ് ബുദ്ധിമുട്ടണമെന്നില്ല... ഞാൻ നിങ്ങളുടെ ഡ്രാമ കാണാൻ വന്നതല്ല. ആയുവിനെ ഇവിടെ കൃത്യ സമയത്ത് എത്തിക്കാൻ സഹായിച്ചതിൽ എനിക്ക് ആന്റിയോട് ഒത്തിരി നന്ദിയുണ്ട്. എന്ന് കരുതി അതിന്റെ പേരും പറഞ്ഞ് അവളെ കാണാൻ ഒന്നും പറ്റില്ല. അതിന് ഞാൻ സമ്മതിച്ചാലും അവൾടെ അച്ഛനും അമ്മയും സമ്മതിക്കില്ലെന്ന് ആന്റിക്ക് നന്നായി അറിയാലോ. (ആദി )

 

താൻ ചെയ്ത തെറ്റ് ഓർത്തെന്ന പോലെ അവരുടെ മുഖം താഴ്ന്നു പോയി. അവൻ വീണ്ടും തുടർന്നു.

 

ഇപ്പോൾ ഞാൻ നിങ്ങളോട് സംസാരിച്ചത് എനിക്ക് നിങ്ങളിൽ നിന്ന് കുറച്ച് കാര്യങ്ങൾ അറിയാനുണ്ട്. അത് എന്തായിരിക്കുമെന്ന് നിങ്ങൾക്ക് അറിയാമല്ലോ. അത് പറഞ്ഞ് കഴിഞ്ഞാൽ ആന്റിക്ക് പോവാം. (ആദി )

 

മോൻ വാ...  ഞാൻ പറയാം.

 

കണ്ണുനീർ തന്റെ സാരിതലപ്പു കൊണ്ട് തുടച്ചവർ നടന്നു. നടത്തം നിർത്തിയത് ഹോസ്പിറ്റലിന് പിന്നിലുള്ള പാർക്കിംഗ് ഏരിയക്ക് അടുത്തുള്ള ഗാർഡനിൽ ആയിരുന്നു. അവർക്ക് പുറകെ തന്നെ ആദിയും ഉണ്ടായിരുന്നു.

 

ഏറെ നേരത്തെ നിശബ്ദതക്ക് ശേഷം അവർ സംസാരത്തിന് തുടക്കം കുറിച്ചു.

 

ഞാൻ പറഞ്ഞിട്ടാണ് ആയു മോൾ കിച്ചുവിനെ ഉപേക്ഷിച്ചത്. (അരുന്ധതി )

 

ആദിയിൽ വല്ല്യ ഞെട്ടൽ ഒന്നും ഉണ്ടായില്ല. അവൻ ഊഹിച്ചിരുന്നു ഇത്. രുദ്രൻ പറഞ്ഞത് വെച്ച് നോക്കിയപ്പോൾ അവന് മനസ്സിലായിരുന്നു ആയുവിന്റെ ഈ മാറ്റത്തിനു പിന്നിൽ കിച്ചുവുമായി ബന്ധമുള്ള എന്തോ ഒന്നുണ്ടെന്ന്.

 

അന്ന് കിച്ചുവിന്റെ പിറന്നാൾ ദിവസം ഞാൻ മോളോട് അമ്പലത്തിൽ വെച്ച് സംസാരിച്ചിരുന്നു.

 

അവരുടെ ഓർമ്മ മൂന്ന് വർഷം പിന്നിലേക്ക് സഞ്ചരിച്ചു.

 

 

✨️✨️✨️✨️✨️✨️✨️✨️✨️✨️✨️✨️✨️✨️✨️✨️

 

 

കിച്ചുവിനെ അന്വേഷിച്ചു ക്ഷേത്രം മുഴുവൻ നടന്നപ്പോഴാണ് അച്ചു മോളെ കണ്ടത്. അവളോട് ചോദിച്ചപ്പോൾ അവൾ പറഞ്ഞു അമ്പലകുളത്തിന് അടുത്തേക്ക് അവൻ പോവുന്നത് കണ്ടെന്ന്.

 

അവന്റെ പിറന്നാൾ ആയത് കൊണ്ട് തന്നെ അന്നത്തെ ദിവസം അവന്റെ പേരിൽ വിശേഷ പൂജകൾ ഉണ്ടായിരുന്നു അതിന്റെ പ്രസാദം കൊടുക്കാൻ വേണ്ടിയാണ് അവനെ അന്വേഷിക്കുന്നത്.

 

അങ്ങനെ അമ്പല കുളത്തിലേക്ക് പോയി കൂടെ തന്നെ അച്ചുവും വന്നു. അവിടെ എത്തിയപ്പോൾ കണ്ട കാഴ്ച്ച കിച്ചുവിന്റെ നെഞ്ചിൽ ചാഞ്ഞിരിക്കുന്ന ആയുഷിയെ ആണ്. അത് കണ്ടപ്പോൾ ആദ്യം മനസ്സിലേക്ക് വന്നത് അമ്മ പറഞ്ഞ വാക്കുകൾ ആയിരുന്നു.

 

 

(നമ്മടെ കുട്ട്യേ വശീകരിക്കാൻ നടക്കുവാ ആ പെണ്ണ്. അതിനവൾ കയ്യും കലാശവും ഒക്കെ കാണിച്ചെന്നിരിക്കും. അവൾക്ക് കിച്ചു മോനെ കാണുമ്പോൾ ഇത്തിരി ഇളക്കം കൂടുന്നുണ്ട്. അതൊക്കെ നമ്മൾ അനുവദിച്ചു കൊടുക്കണമെന്നുണ്ടോ. നമ്മുടെ കുട്ട്യോൾടെ കല്യാണകാര്യം നേരത്തെ ഉറപ്പിച്ചതാണ്.. എന്നാലും ആ പെണ്ണിനെ അതികം അടുപ്പിക്കണ്ട... അതിന്റെയൊക്കെ ഉള്ളിൽ എന്താണെന്ന് ആർക്കറിയാം. പിന്നെ അനുമോളേം അവൾ ഓരോന്ന് പറഞ്ഞ് തിരിച്ച് വെച്ചിരിക്കുവാ. അത് കാരണം അവൾക്ക് എല്ലാരോടും ദേഷ്യവാ. ഇന്ന് നീയും കണ്ടതല്ലേ അവളെന്നോട് എങ്ങനെയാ സംസാരിച്ചതെന്ന്. നാളെ ഇനി അത് പോലെ അവൾ നമ്മുടെ മോനെ പറഞ്ഞ് തിരുത്തില്ലെന്ന് ആര് കണ്ടു. ഇപ്പോഴേ നീയോന്ന് ശ്രെദ്ധിക്കുന്നത് നല്ലതായിരിക്കും അരുന്ധതി അല്ലാതെ കണ്ടവരെ ഒക്കെ വീട്ടിൽ വിളിച്ചിരുത്തി സൽക്കരിക്കുവല്ല വേണ്ടത്, ഇല്ലെങ്കിൽ നിന്റെ മോൻ കൈ വിട്ട് പോവും. അവസാനം അവനെ എല്ലാവരിൽ നിന്നും അകറ്റും അവൾ. എന്നിട്ട് അവന്റെ ജീവിതവും നശിപ്പിക്കും.)

 

അതോർക്കെ അരുന്ധതിക്ക് ആയുവിനോട് ചെറിയ തോതിൽ ദേഷ്യം തോന്നി. സുഭദ്രാ ദേവി പറഞ്ഞതൊക്കെ സത്യം ആയിരിക്കുവോ എന്ന ചിന്ത അവരുടെ മനസ്സിൽ ചോദ്യ ചിഹ്നമായി മാറി. കിച്ചുവിന് ആയുവിനോടുള്ള ചായവ് അവൾ മുതലെടുക്കുവാണെന്ന് അവർക്ക് തോന്നി. ആ ഒരു ചിന്ത ഊട്ടി ഉറപ്പിക്കുന്നതായിരുന്നു പിന്നീട് അശ്വതി പറഞ്ഞ വാക്കുകൾ.

 

ച്ചേ.... ഇവൾക്ക് നാണം ഇല്ലേ. ഇന്നലെ കണ്ണനോടായിരുന്നു ഇവളുടെ ശൃംഗാരം. ഇപ്പോൾ കിച്ചുവേട്ടനെ പിടിച്ചോ. കണ്ട ആണുങ്ങളെയൊക്കെ കൂടെ കൊണ്ട് നടക്കുവാ. ശവം.... അമ്മായി അച്ഛമ്മയുടെ അടുത്തേക്ക് ചെല്ല് ഞാൻ കിച്ചുവേട്ടനെ വിളിച്ചിട്ട് വരാം.

 

അവിടെ നിന്ന് ക്ഷേത്രത്തിലേക്ക് നടക്കുമ്പോൾ അവരുടെ മനസ്സിൽ പല കണക്ക് കൂട്ടലുകളും ഉണ്ടായിരുന്നു.

 

ആയുഷി നീരജിന്റെ കൂടെ പുറത്തേക്ക് ഇറങ്ങിയ സമയം നോക്കി ഞാനും ക്ഷേത്രത്തിൽ നിന്നിറങ്ങി. അവളെ വിളിച്ച്  സംസാരിക്കണമെന്ന് ആവശ്യപെടുമ്പോൾ എന്റെ മനസ്സിൽ മകന്റെ ജീവിതം സുരക്ഷിതമാക്കണം എന്ന ചിന്ത മാത്രമേ ഒള്ളായിരുന്നോളൂ. എന്റെ ആവശ്യപ്രകാരം അവൾ എന്റെ കൂടെ വന്നു.

 

 

✨️✨️✨️✨️✨️✨️✨️✨️✨️✨️✨️✨️✨️✨️✨️✨️

 

 

എന്താ അമ്മേ..... എന്താ സംസാരിക്കാൻ ഉള്ളത്. (ആയു )

 

നീയും കിച്ചുവും തമ്മിൽ എന്താ ബന്ധം.

 

യാതൊരു മുഖവുരുവും ഇല്ലാതെ അവരുടെ ചോദ്യം കേട്ടവൾ ചെറിയതായി പേടിച്ചു. കാരണം തന്റെ പാവം അരുന്ധതി അമ്മയിൽ നിന്നും പതിവിന് വിപരീതമായി അവരുടെ മുഖം ഗൗരവം നിറഞ്ഞതായിരുന്നു.

 

ഞാൻ... കിച്ചേട്ടൻ... എന്റെ ഏട്ടൻ....

(ആയു )

 

കള്ളം പറയാൻ ശ്രെമിക്കണ്ട ആയുഷി...

 

അരുന്ധതിയുടെ ശബ്ദത്തിൽ ദേഷ്യം കലർന്നിരുന്നു.

 

അമ്മേ... ഞാൻ....

 

വേണ്ട ഒന്നും പറയണ്ട. അവന് നിന്നോടുള്ള സ്നേഹം നീ മുതലെടുക്കുവാണ്. നിനക്ക് നാണം ഇല്ലല്ലോ. ഓരോ ആൺകുട്ടികളുടെ പുറകെ നടക്കാൻ. ഇന്നലെ കണ്ണന്റെ  പുറകെ ആയിരുന്നു ഇന്ന് കിച്ചു നാളെ ഇനി ആരാവും.... നിന്നെ ഞാൻ എന്റെ മോളെ പോലെയല്ലേ കണ്ടത് എന്നിട്ടും നീ എന്റെ മക്കളെ ഓരോന്നൊക്കെ പറഞ്ഞ് വശീകരിച്ചല്ലോടി.. ഒന്നുല്ലെങ്കിലും അവന്റെ കല്യാണം ഉറപ്പിച്ചതല്ലേ അതെങ്കിലും ഓർത്തൂടെ നിനക്ക്. കുളപ്പടവിൽ വെച്ച് എന്തായിരുന്നു നിന്റെ അഴിഞ്ഞാട്ടം.

 

ഞാൻ.... അങ്ങനെയൊന്നും....  അല്ല... അമ്മേ എന്നെ ഒന്ന് വിശ്വസിക്ക്. ന്നെ തെറ്റുധരിച്ചതാ അമ്മ.

 

ആയുവിന്റെ കണ്ണുകൾ നിറഞ്ഞു. സ്വന്തം അമ്മയെ പോലെ കണ്ടവരിൽ നിന്നും ഇങ്ങനെയുള്ള വാക്കുകൾ കേൾക്കുമെന്ന് ഒരിക്കലും അവൾ പ്രതീക്ഷിച്ചില്ല. 

 

ഇത്രയും നാളും എനിക്ക് നിന്നെ കുറിച്ചുള്ളത് വെറും തെറ്റ്‌ധാരണ ആയിരുന്നു എന്ന് എനിക്ക് ഇപ്പോൾ മനസ്സിലായി. എന്നാൽ ഇപ്പോൾ അതൊക്കെ മാറി. നിന്റെ യഥാർത്ഥ സ്വഭാവം എനിക്ക് മനസ്സിലായി. ഇനി എന്റെ മോന്റെ പുറകെ നിന്നെ കണ്ട് പോവരുത്.

 

അമ്മേ... ഞാൻ.....

 

വേണ്ടാ.... നിന്നെയൊന്നും പറഞ്ഞിട്ട് കാര്യമില്ല നിന്റെ വീട്ടിലുള്ളവരെ പറഞ്ഞാൽ മതി നിന്നെയൊക്കെ ഇങ്ങനെ അഴിച്ചു വീട്ടിരിക്കുന്നതിനു. തെരുവ് പെണ്ണുങ്ങൾക്ക് പോലും നിന്നെക്കാൾ അന്തസ്സ് ഉണ്ട്,...

 

ആ വാക്കുകൾ കെട്ടവൾ ഞെട്ടി അവരുടെ മുഖത്തേക്ക് നോക്കി. അവരുടെ വാക്കുകൾ കേൾക്കെ ഹൃദയത്തിൽ ആരോ കത്തി കുത്തിയിറക്കുന്ന വേദന തോന്നി ആയുവിന്. 

 

ഒന്ന് നിർത്തുന്നുണ്ടോ.....

 

അരുന്ധതിയുടെ വാക്കുകൾ കേട്ട നീരജിന് അവന്റെ ദേഷ്യം നിയന്ത്രിക്കാൻ കഴിയാതെ അവർക്ക് നേരെ അലറി. എല്ലാം കേട്ടിട്ടും മൗനമായി നിൽക്കുന്ന ആയുവിനെ കാണെ  അവന്റെ മുഖം ദേഷ്യം കൊണ്ട് ഒന്നൂടെ വിറച്ചു.

 

അരുന്ധതി ആയുവിനോട് എന്തോ സംസാരിക്കണമെന്ന് പറഞ്ഞപ്പോൾ അവരുടെ മുഖത്തെ ഭാവം കണ്ട് ചെറിയ സംശയം തോന്നിയാണ് അവർക്ക് പുറകെ വന്നത്. 

 

നീരജ് ആയുവിനെ പിടിച്ചെഴുന്നേൽപ്പിച്ച് അവളെ തന്നോട് ചേർത്ത് പിടിച്ചു. ആ പെണ്ണ് ഇനിയൊന്നും താങ്ങാൻ ശേഷി ഇല്ലെന്ന പോൽ അത്രമേൽ തളർന്നു പോയിരുന്നു. 

 

അവൾക്കല്ല അന്തസ്സില്ലാത്തത് നിങ്ങൾക്കാണ്. ഒന്നുല്ലെങ്കിലും ഇവൾക്ക് നിങ്ങളുടെ മകളുടെ പ്രായം അല്ലെ ഉള്ളത്. ആ ഇവളോട് ഇങ്ങനെയൊക്കെ സംസാരിച്ച നിങ്ങൾക്കല്ലേ സംസ്കാരം ഇല്ലാത്തത്. ഒരു അമ്മയെന്ന നിലയിൽ ഒരു പെൺകുട്ടിയോട് ഇങ്ങനൊക്കെ സംസാരിച്ച നിങ്ങളോടെനിക്ക് അറപ്പ് തോന്നുന്നു.

 

ഞാൻ പറഞ്ഞതാണല്ലേ തെറ്റായി പോയത്. അവൾക്ക് എന്റെ മോനെ കെട്ടിപിടിച്ചു നിൽക്കാൻ നേരം ഈ നാണം ഒന്നും കണ്ടില്ലല്ലോ. ഓഹ്.. അതെങ്ങനെയാ അമ്മമാരുടെ സ്വഭാവം അല്ലെ മക്കളും കാണിക്കു. ഇനി മേലിൽ നീ എന്റെ മകന്റെ അടുത്ത് പോലും വന്ന് പോവരുത്. അവന് നിന്നെ പോലെ ഒരു അഴിഞ്ഞാട്ടകാരിയെ വേണ്ടാ. 

 

പ്രായത്തിനു മൂത്തതായ കൊണ്ട് ഞാൻ നിങ്ങൾക്ക് നേരെ കൈ ഉയർത്തുന്നില്ല. പിന്നെ ഇവളുടെ അമ്മേടെ സ്വഭാവത്തിന് നിങ്ങളുടെ സർട്ടിഫിക്കറ്റ്ന്റെ ആവശ്യം ഇല്ല. നിങ്ങൾ പറഞ്ഞില്ലേ അമ്മേടെ സ്വഭാവം ആണ് മോളും കാണിക്കുന്നതെന്ന് അങ്ങനെയെങ്കിൽ നിങ്ങളുടെ മോളും നിങ്ങടെ സ്വഭാവം ആയിരിക്കും കാണിക്കുന്നത്. വീട്ടിൽ ചെന്ന് വിശദമായി മോളോട് ചോദിച്ചു നോക്ക് അവൾ കാണിച്ച് കൂട്ടുന്നത്.

 

എന്റെ മോളെ എനിക്ക് അറിയാം. ഞാൻ അവളെ നല്ല രീതിയിൽ തന്നെയാണ് വളർത്തുന്നത്. അവൾ ഒരിക്കലും ഇവളെ പോലെയല്ല. ഇനി ഒരിക്കലും നീയോ നിന്റെ വീട്ടിലുള്ളവരോ എന്റെ കുടുംബത്തിന്റെ ഏഴയിലത്തു വന്ന് പോവരുത്. 

 

ഇതും പറഞ്ഞവർ നടന്നകന്നു നീരജിന് പറയാൻ അവസരം പോലും നൽകാതെ.

 

ഒന്ന്... പറയ്... നീരജേട്ടാ...ഞാൻ അങ്ങനെയൊന്നും അല്ലെന്ന്....

 

തന്റെ നെഞ്ചോട് ചേർന്ന് വിങ്ങി പൊട്ടുന്നവളെ എന്ത് പറഞ്ഞ് ആശ്വസിപ്പിക്കണമെന്നറിയാതെ നിസ്സഹായനായി നിൽക്കാനേ നീരജിന് കഴിഞ്ഞോളൂ.

 

 

✨️✨️✨️✨️✨️✨️✨️✨️✨️✨️✨️✨️✨️✨️✨️✨️✨️