🍁                              Izam &                           🍁
                          ☠️The Hunter☠️

Part -20             psycho thriller



"അയ്ഷ ഫെബിൻ... മുനീറിന്റെയും റസിയയുടെയും ഒരേ ഒരു മകൾ... ഉപ്പയും ഉമ്മയും love marriage ആയിരുന്നു.. ഉമ്മ അവിടുത്തെ ഒരു വലിയ തറവാട്ടിലെ ആയിരുന്നു.. ഉപ്പ ഇബ്രാഹിം ഉമ്മ റുഖിയ്യ, അവരുടെ ഒരേ ഒരു മകൾ.. അവർ ഇരട്ടകൾ ആയിരുന്നു.. അൻവർ , ഉമ്മനേക്കാളും 10 മിനിറ്റ് മൂത്തത്.. എന്റെ ഉപ്പ ഒരു അനാഥനായിരുന്നു.. ഉമ്മാടെ വീടിനടുത്തുതന്നെ ഒള്ള ഒരു യതീംഖാനയിൽ ആണ് വളർന്നത്.. അവരുടെ സ്നേഹം ഉമ്മാടെ വീട്ടിൽ അറിഞ്ഞപ്പോൾ ആരും സമ്മതിച്ചില്ല.. പിരിയാൻ പറ്റാത്ത വിധം അടുത്തത് കൊണ്ട് അവർ രണ്ടുപേരും നാട് വിട്ടു.... ദൂരെ ഒരിടത്ത് താമസിച്ചു.. എനിക്ക് പത്തുവയസുള്ളപ്പോൾ ഉമ്മാ ഒരു ആക്‌സിഡന്റ്ല് ഞങ്ങളെ വിട്ടുപോയി... പിന്നീട് ഉമ്മ ഇല്ലാത്ത ഒരു കുറവും അറിയിക്കാതെ ആണ് ഉപ്പ എന്നെ വളർത്തിയത്.

 ഞാൻ പി ജി ഫസ്റ്റ് ഇയർ പഠിക്കുമ്പോൾ ആണ് എല്ലാ പ്രശ്നങ്ങളും തുടങ്ങുന്നത്.. ക്ലാസ്സ്‌ തുടങ്ങിയ സമയം.. ഒരു ദിവസം ഞാനും എന്റെ ഫ്രണ്ട് റിയയും കൂടി ക്ലാസിലേക്ക് പോകുന്ന സമയത്ത് ഒരുത്തൻ അറിയാത്ത പോലെ വന്നിടിച്ചിട്ട് സോറി പറയുന്നത് പോലെ എന്റെ ഷോൾഡറിൽ പിടിച്ച് അമർത്തി.. പെട്ടെന്ന് ദേഷ്യം വന്നപ്പോൾ ഞാൻ അവന്റെ കൈ തട്ടിമാറ്റി കരണം നോക്കി ഒന്ന് കൊടുത്തു.. അടിയുടെ ഫോഴ്സ് കൂടിയത് കൊണ്ട് അത്യാവശ്യം നല്ല ശബ്ദം ഉണ്ടായിരുന്നു. രാവിലെ ക്ലാസ്സിലേക്ക് വരുന്ന സമയം ആയതുകൊണ്ട് ധാരാളം പിള്ളേർ അവിടെ ഉണ്ടായിരുന്നു.. എല്ലാവരുടെയും ശ്രദ്ധ ഞങ്ങളുടെ നേരെ ആയി അവന് ആകെ നാണക്കേട് ആയി.. അവൻ എന്നെ തിരിച്ചു അടിക്കാൻ കൈ ഓങ്ങിയതും... 

"വൃത്തികേട് കാണിച്ചിട്ട് തല്ലാൻ വരുന്നോ.. " എന്ന് ചോദിച്ചുകൊണ്ട് റിയയും കൊടുത്തു ഒന്ന്.. അപ്പോഴേക്കും സാറുമാർ വന്ന് എല്ലാവരെയും പറഞ്ഞു വിട്ടു.

അവൻ കോളേജിലെ ഏറ്റവും വൃത്തികെട്ടവൻ ആണ് , പേര് നിഖിൽ. അവന്റെ ചേട്ടൻ ഒരു ബിസ്സിനെസ്സ് മാൻ ആണ്.. ഒരു പക്കാ ക്രിമിനൽ... നിരവധി കേസുകൾ അയക്ക് എതിരെ ഉണ്ടെങ്കിലും എല്ലാം പണത്തിന്റെ ബലം കൊണ്ടും ഗുണ്ടായിസം കൊണ്ടും ഇല്ലാതാക്കി.. സിറ്റിയിൽ സ്റുഡന്റ്സിന്റെ കയ്യിൽ മയക്കുമരുന്ന് എത്തുന്നത് അവനിലൂടെ ആണ്. അത് എല്ലാവർക്കും അറിയാമെങ്കിലും തെളിവൊന്നും ഇല്ല.. അവനെതിരെ കേസ് എടുത്ത ചില പോലീസുകാരെ അവൻ കൊന്നുകളഞ്ഞിട്ടുണ്ട്.. അങ്ങനെ പലരെയും.. 

അന്ന് മുതൽ അവനുമായി പ്രശ്നങ്ങൾ തുടങ്ങിയതാ എല്ലാ ദിവസവും അവൻ ഓരോരോ പ്രശ്നങ്ങൾ ഉണ്ടാക്കിക്കൊണ്ടിരിക്കും.. ഞാൻ അവനെ പേടിക്കാതെ എല്ലാത്തിനും അവനെതിരെ നിന്നു.. ഒരു ദിവസം അവൻ മയക്കുമരുന്ന് ഉപയോഗിച്ച് ബോധം ഇല്ലാതെ ലേഡീസ് ടോയ്ലറ്റ്ൽ കയറി.. അവിടെ ഉണ്ടായിരുന്ന ഒരു കുട്ടിയെ കേറിപ്പിടിച്ചു.. കുറച്ച് പേര് അത് കണ്ടെങ്കിലും അവനെ പേടിച് ആരും സാക്ഷി പറഞ്ഞില്ല.. അന്ന് ഞാൻ അവനെതിരെ സാക്ഷി പറഞ്ഞു.. അതവനിൽ എന്നോടുള്ള ദേഷ്യം വർധിപ്പിച്ചു.. കാശിന്റെ ബലം കൊണ്ടും പോലീസുകാർ ഒക്കെ അവരുടെ ആളുകൾ ആയത്കൊണ്ടും അതൊരു കേസ് ആവാതെ ഒതുക്കിതീർത്തു.. 

പിന്നെ അവന്റെ ലക്ഷ്യം ഞാൻ ആയി. പിന്നെ പിന്നെ അവന് എന്റെ ശരീരം ആയി ആവശ്യം.. പിന്നെ അവന്റെ ആവശ്യം എന്നെ കല്യാണം കഴിക്കണം എന്നായി. ഉപ്പ എന്നെ അവരിൽ നിന്ന് സംരക്ഷിച്ചുകൊണ്ടിരുന്നു.. 

ഒരുദിവസം രാത്രി റിയയുടെ ഉപ്പ എന്നെ വിളിച്ചു.. ക്ലാസ്സ്‌ കഴിഞ്ഞ് അവൾ വീട്ടിൽ എത്തിയില്ല എന്ന് പറഞ്.. ഒരുമിച്ചു ക്ലാസ്സ് കഴിഞ്ഞ് വന്ന ഞങ്ങൾ അവളെ വീട്ടിലേക്കുള്ള വഴിയിലേക്ക് അവൾ പോകുന്നത് കണ്ടിട്ടാണ് ഞാൻ വീട്ടിലേക്ക് കയറിയത്.. പോലീസിൽ അന്വേഷിച്ചെങ്കിലും ഒരു ഉപകാരവും ഉണ്ടായില്ല.. ഒടുവിൽ മൂന്ന് ദിവസം കഴിഞ്ഞ് അവിടെ അടുത്തുള്ള ഒരു ബണ്ടിൽ നിന്ന് റിയയുടെ ബോഡി കിട്ടി.. she was brutally raped . അതും ഒരാളല്ല പലരും ചേർന്ന് എന്റെ റിയയെ... 

ആ ഷോക്കിൽ നിന്ന് റിക്കവർ ആവാൻ കുറെ മാസങ്ങൾ എടുത്തു. ഒരു ദിവസം ഞാൻ കോളേജ് കഴിഞ്ഞു വരുമ്പോൾ കാണുന്നത് മുറ്റത്ത് വെള്ളപുതച് കടക്കുന്ന ഉപ്പാനെയാണ്.. കൊന്നതാ അവര്.. മൊത്തം ഇരുപത്തിയഞ്ചു വെട്ടുണ്ടായിരുന്നു ദേഹത്തു മുഴുവൻ.. കുറച്ച് ദിവസം കഴിഞ്ഞതും അവര് പിന്നെയും എന്നെ തിരക്കി വന്നു.. അന്ന് അവരിൽ നിന്ന് ഓടി രക്ഷപ്പെട്ടതാ.. ഒരാഴ്ചയോളം പലയിടത്തും കറങ്ങിതിരിഞ്ഞ് നടന്നു.. അവരുടെ കണ്ണിൽ പെടാതെ ഒരാഴ്ച കഴിഞ്ഞു.. ഒരു കാരണവശാലും അവർ കണ്ടുപിടിക്കാതിരിക്കാൻ അവിടുന്ന് ട്രെയിൻ കയറി.. ഇവിടെ റെയിൽവേസ്റ്റേഷനിൽ ഇറങ്ങി... രണ്ടു ദിവസം ആയി ഒന്നും കഴിക്കാതിരുന്നത് കൊണ്ടാണ് ഒരു വണ്ടി കണ്ടപ്പോൾ സഹായം ചോദിക്കാം എന്നെ കരുതി പോയത്.. പിന്നെ ഞാൻ കണ്ണു തുറക്കുമ്പോൾ കാണുന്നത് നിന്നെയാണ്.. ഹോസ്പിറ്റലിൽ വച്.. " അവൾ ഇസുനെ നോക്കിക്കൊണ്ട് പറഞ്ഞു നിറുത്തി. അപ്പോഴേക്കും അവളുടെ കണ്ണിൽ നിന്ന് കണ്ണുനീർ ഉതിർന്ന് വീണിരുന്നു.. 

ഇസു അടക്കം കേട്ട് നിന്ന എല്ലാവരിലും ഒരു നോവ് ഉണർത്തി. അയ്ശു കണ്ണിൽ അടിഞ്ഞു കൂടിയ വെള്ളം ആരും കാണാതെ തുടച്ചു. ഇസു തിരിഞ്ഞു നോക്കിയപ്പോൾ അവൻ പുറകിൽ അയിശുന്റെ ഉമ്മയും ഉപ്പയും അടക്കം എല്ലാവരും ഉണ്ടായിരുന്നു.. അവരുടെ മുഖത്തു നിന്ന് മനസ്സ്സിലാക്കാമായിരുന്നു അവർ എല്ലാം കേട്ടെന്ന്. ഉമ്മുമ്മ ഫെബിയെ ചേർത്ത് പിടിച്ച് തലയിൽ തലോടി.. 

"മോൾക്ക് ആരും ഇല്ല എന്ന തോന്നൽ ഒന്നും വേണ്ട.. നീയും ഞങ്ങടെ മോൾ അല്ലെ.. "(ഉമ്മുമ്മ )

"അപ്പൊ നേരത്തെ മോൾ എന്തിനാ വീട്ടിൽ നിന്ന് കരഞ്ഞുകൊണ്ട് ഇറങ്ങി പോയത്.. "അയ്ശുന്റെ ഉമ്മാ ചോദിച്ചു.. 

"അത്.. ഞാൻ ഉമ്മാടെ ഫോട്ടോ കണ്ടു ഹാളിൽ.... "(ഫെബി )

അത് കേട്ട് എല്ലാവരും ഞെട്ടി... 

"ആരുടെ റസിയാടെയോ.... എന്റെ റസിയന്റെ മോൾ ആണോ നീ.. " ഇജുന്റെ ഉമ്മാ ഫെബി ദേഷ്യം അടുത്തേക്ക് വന്ന്കൊണ്ട് ചോദിച്ചു.. അവൾ അതേ എന്നെ തലയാട്ടി.. എല്ലാവർക്കും ഒരുപാട് സന്തോഷം ആയെങ്കിലും റസിയയും മുനീറും ഇനിയില്ല എന്ന ഓർമ അവരിൽ ദുഃഖം നിറച്ചു... അയിശുന്റെ ഉപ്പ അൻവർ മാത്രം വലിയ ബാവ വ്യത്യാസം ഇല്ലാതെ നിൽക്കുന്നത് കണ്ട് ഹൈദർ അയാളുടെ തോളിൽ കൈ വച്ചു.. 

"എന്താടാ നിനക്ക് ഞെട്ടൽ ഒന്നും ഇല്ലാത്തെ.. " 

"എനിക്ക് സംശയം ഉണ്ടായിരുന്നു... ഇതെന്റെ റസിയാന്റെ മോൾ ആണെന്ന്... ഇവളെ കണ്ടപ്പോഴേ എനിക്ക് എന്തോ ഒരു ആത്മബന്ധം തോന്നിയിരുന്നു.. കൂടെ അയ്ശുന്റെ അതേ രൂപം , ഇടക്ക് റസിയാടെ പോലെ ഉള്ള പെരുമാറ്റവും ഞാൻ ശ്രദ്ധിച്ചിരുന്നു.. ഇത്പോലെ മുഖസാതൃശ്യം ഉള്ള ഒരാൾ കൂടി ഉണ്ട്.. എന്റെ വലിയുമ്മുമ്മ.. അതയത് ഉപ്പാടെ ഉമ്മുമ്മ. 

ഉമ്മുമ്മടെ അതേ മുഖം ആണ് അയ്ശുമോൾക്ക് കിട്ടിയിരിക്കുന്നത് എന്നെ ഉപ്പ ഒരിക്കൽ പറഞ്ഞിട്ടുണ്ട്.. ഞങ്ങൾ ഇരട്ടകൾ ആയത് കൊണ്ട് ഞങ്ങളിലൂടെ അത് മക്കൾക്കും കിട്ടി.. " അൻവർ പറഞ് നിറുത്തി.. ഒരുവശത്തു ഫെബിയെ തിരിച്ചു കിട്ടിയതിലുള്ള സന്തോഷവും , മറുവശത്തു കൂടപ്പിറപ്പിനെ നഷ്ട്ടപ്പെട്ട ദുഃഖവും അയാൾക്ക് അനുഭവപ്പെട്ടു.. 

ഇത്രയും നാൾ കൊടുക്കാൻ പറ്റാത്ത സ്നേഹം കൊണ്ട് അവർ ഫെബിയെ പൊതിഞ്ഞു.. തനിക്ക് ഒരു ഇത്തയെ കിട്ടിയതിൽ അയ്ഷുവും ഒരുപാട് സന്തോഷത്തിൽ ആയിരുന്നു.. ഫെബിയെ ഇനി തങ്ങളുടെ വീട്ടിലേക്ക് കൊണ്ടുപോകണം എന്ന് അൻവർ പറഞ്ഞെങ്കിലും അവർ സമ്മതിച്ചില്ല... പിന്നെ പറഞ്ഞു പറഞ് അവസാനം... ഇന്ന് കൂടെ അവിടെ നിന്നിട്ട് നാളെ രാവിലെ പോകാം എന്ന് ഉറപ്പിച്ചു. 

സമയം ഒരുപാട് കഴിഞ്ഞു. എല്ലാവരും ഉറക്കത്തിലേക്ക് വീണു. റൂമിനു പുറത്തുള്ള ബാൽക്കണിയിൽ ആകാശവും നോക്കി നിൽക്കുകയാണ് ഫെബി.. ഒരുപാട് ദുഃഖങ്ങൾക്കിടയിൽ ഇന്നത്തെ ദിവസം ഒരു ചെറിയ സന്തോഷം അവളിൽ പടർത്തിയിരുന്നു.. അതിന്റെ കൂടെ ഇസുനെ കുറിച്ചുള്ള ചിന്തയും... ' ജീവിതത്തിൽ പ്രശ്നങ്ങൾ ഒന്നിന് പുറകെ ഒന്നായി വന്നുകൊണ്ടിരുന്നപ്പോൾ തന്നേ എല്ലാ പ്രശ്നങ്ങളിൽ നിന്നും സംരക്ഷിച്ചു ചേർത്ത്പിടിക്കുന്ന ഒരു രൂപത്തെ സ്വപ്നത്തിൽ കണ്ടിരുന്നത് അവൾ ഓർത്തു.. തനിക്ക് പിന്നീടുള്ള കാലം ജീവിക്കാനുള്ള ഊർജമായി മാറിയിരുന്നു ആ സ്വപ്നം... തനിക്കായി ഒരുത്തൻ വരും , അവൻ തന്നെ സംരക്ഷിക്കും എന്നുള്ള വിശ്വാസത്തിൽ ആ മുഖം മങ്ങിയ ആ രൂപത്തെ അവൾ പ്രണയിച്ചുതുടങ്ങിയിരുന്നു.. പതിയെ പതിയെ ആ മുഖം തനിക്ക് മുന്നിൽ തെളിഞ്ഞു വന്നു.. അങ്ങനെ ആ മുഖം വ്യക്തമായി... ഏത് ഇരുട്ടിൽ കണ്ടാലും ആ മുഖം തിരിച്ചറിയാനാകുന്ന വിധം അവളിൽ അത് ആഴത്തിൽ പതിഞ്ഞു. ഓരോ സ്വപ്നവും കഴിഞ്ഞ് ഒരു ദിവസം ഉറങ്ങി എഴുന്നേറ്റപ്പോൾ അവൾ കണ്ടു.. താൻ കാണാൻ കാത്തിരുന്ന.. താൻ ജീവനെക്കാളേറെ പ്രണയിച്ച തന്റെ പ്രാണനെ , ഒരു പോലീസ് യൂണിഫോമിൽ ' 

അങ്ങനെ കഴിഞ്ഞതെല്ലാം ഓർത്തുകൊണ്ട് നിലവിലേക്ക് നോക്കി നിൽക്കുമ്പോഴാണ് തന്റെ അടുത്ത് ആരൊക്കെയോ വന്ന് നിൽക്കുന്നത് അവൾ അറിഞ്ഞത്.. അവളൊന്നു തല ചെരിച്ചു നോക്കി. ഇസുവും അയ്ഷുവും ഇജുവും ഇമ്രുവും ഷാമിയും കച്ചറ ടീംസ് എല്ലാവരും ഉണ്ടായിരുന്നു തൊട്ട് പുറകിൽ മിന്നുനെയും കൂട്ടി വീൽചെയർ തള്ളിക്കൊണ്ട് ദിയയും വന്നു.. കുറച്ചു നേരം കൂടി എല്ലാവരും ചിരിച്ചു കളിച്ചു നിന്നു... അവളെ ഇനി തനിച്ചാക്കില്ല എന്ന് അവർ ഉറപ്പിച്ചു. 
താൻ ഇനി തനിച്ചല്ല എന്ന് അവളും അറിയുകയായിരുന്നു.. 

☠️☠️☠️

കിടക്കാൻ പോകുമ്പോൾ ആണ് ഇസു nte മൊബൈലിൽ ഒരു മെസ്സേജ് വന്നത്.. അവൻ അത് തുറന്ന് നോക്കി. അമീർ അയച്ചതാണ്.. ഒരു ഫോട്ടോ. അവൻ ആ ഫോട്ടോയിൽ കണ്ണോടിച്ചു. പെട്ടെന്ന് എന്തോ കണ്ടതും അവൻ വലത് കൈ മുഷ്ടി ചുരുട്ടി ഇടത് കൈപത്തിക്കുള്ളിൽ ഇടിച്ചു... 



തുടരും.......