🍁                           Izam &                        🍁
                      ☠️The Hunter☠️

Part -20          psycho thriller

☠️☠️☠️

മൂന്നുനാല് ദിവസമായി ഒന്നും കഴിക്കാത്തത്കൊണ്ട് ഡേവിഡ് നന്നായി തളർന്നിരുന്നു.. കണ്ണൊന്നു നേരെ തുറന്ന് പിടിക്കാൻ പോലും കെൽപ്പില്ലാതെ ആയിരുന്നു.. തൊട്ട്മുന്നിൽ തന്നെ അവശനായി സജീറും ഉണ്ട്... നാവ് അരിഞ്ഞെടുത്തത് കൊണ്ട് വായിലൂടെ രക്തം ഒലിച്ചു ദേഹം മുഴുവൻ പറ്റിപ്പിടിച്ചിരിക്കുന്നു. ആ മുറിയിലാകേ ചോരയുടെ മണം നിറഞ്ഞു.. കൂരിരുൾ നിറഞ്ഞ ആ രാത്രിയിൽ ആ മുറിയിലെ പതിഞ്ഞ ചുവപ്പ് വെളിച്ചം മാത്രം... പക്ഷെ അത് ആ പുറത്തു നിന്നുള്ള ഒരാൾക്കും കാണാൻ പറ്റില്ല... തന്റെ ശരീരത്തിലെ മുറിവിലൂടെ എന്തൊക്കെയോ അരിക്കുന്നത് പോലെ ഡെവിടിന് അറിയാൻ സാധിക്കുന്നുണ്ടെങ്കിലും.. അത് എന്താണെന്ന് മനസ്സിലാകുന്നില്ല... അതിനെ തട്ടിക്കളയാൻ കയ്യോ കാലോ അനക്കാൻ പറ്റുന്നുമില്ല...

കുറച്ചു സമയങ്ങൾക്ക് ശേഷം.. മുറിയുടെ വാതിൽ തുറക്കുന്ന ശബ്ദം കെട്ട് പാതി മയക്കത്തിലായിരുന്ന ഡേവിഡ് എഴുന്നേറ്റു. സജീർ അപ്പോഴും മയക്കത്തിലാണ്.. കയറി വന്ന് നേരിയ പ്രകാശം ഉള്ള സീറോ ബൾബ് ഓണാക്കി മുഖംമൂടിധാരി മേശ മുകളിൽ ഉണ്ടായിരുന്ന ചുറ്റിക എടുത്തു.

നോട്ടം സജീറിൽ പതിഞ്ഞപ്പോൾ അയാൾ ഉറങ്ങുകയാണെന്ന് കണ്ട കില്ലർ , കയറിൽ കൈകൾ കെട്ടിതൂങ്ങി കിടക്കുന്ന അയാളുടെ വയറ്റിലേക്ക് കാല് മടക്കി ആഞ്ഞടിച്ചു... പെട്ടെന്നുണ്ടായ അടിയിൽ അയാൾ ഞെട്ടി എഴുന്നേറ്റു... വയർ മൊത്തത്തിൽ കലങ്ങിയ പോലെ തോന്നി അയാൾക്ക്. കരയാൻ പോലും ശബ്ദം പുറത്തേക്ക് വന്നില്ല. തന്റെ മുന്നിൽ ചുറ്റികയുമായി നിക്കുന്ന കില്ലറേ കണ്ട് ഭയം നിറഞ്ഞ കണ്ണുകൾ ആ മങ്ങിയ വെളിച്ചത്തിലും വ്യക്തമായി കാണമായിരുന്നു.. ഡെവിഡിന്റെ അവസ്ഥയും മറ്റൊന്നായിരുന്നില്ല..

കുറച്ച് സമയത്തേക്ക് ആ മുറി നിശ്ചലമായി... സജീറിന്റെ ചെറിയ തോതിലുള്ള ഞെരക്കം മാത്രം... പെട്ടെന്ന് തന്നേ അനങ്ങാൻ പറ്റാതെ തറയിൽ തളർന്ന് കിടക്കുന്ന ഡേവിഡ്ന്റെ കൈത്തണ്ടയിൽ ചുറ്റിക പതിഞ്ഞിരുന്നു...

ഭീകരമായ നിലവിളിയോടെ ശാന്തമായ ആ അന്തരീക്ഷം മാറിമറിഞ്ഞു... അടിച്ചിടത്ത് തന്നെ വീണ്ടും വീണ്ടും അടിച്ചുകൊണ്ടേ ഇരുന്നു.. ആ ജോയിന്റിലെ എല്ലാ എല്ലുകളും പൊടിഞ്ഞു പൊടിഞ്ഞു പോയിരുന്നു.. അടിക്കുംതോറും ചോര തെറിച്ചു കൊണ്ടിരുന്നു.. അത് കഴിഞ്ഞ് അടുത്ത കയ്യിലും അതുപോലെ തന്നെ പൈശാചികമായി കില്ലർ തന്റെ നരനായാട്ട് നടത്തികൊണ്ടിരുന്നു.... ഡെവിഡിന്റെ കരച്ചിലിന് ശക്തി കൂടി... വേദന സഹിക്കാവുന്നതിലും അപ്പുറം എത്തിയിരുന്നു. ഒന്ന് മരിച്ചു കിട്ടിയിരുന്നെങ്കിൽ എന്ന് വരെ അയാൾ ആഗ്രഹിച്ചു... എന്നാൽ കുറച്ച് ഭാഗത്ത്‌ കൂടി അതേ രീതിയിൽ പെരുമാറിയിട്ട് ആ വേദനയുടെ തീവ്രത അനുഭവിക്കാൻ കില്ലർ അയാളെ വെറുതെ വിട്ടു..

"ഇപ്പൊ നിനക്ക് ഒന്ന് മരിച്ചു പോയിരുന്നെങ്കിൽ എന്ന് തോന്നുന്നുണ്ടല്ലേ.... ഹഹഹഹ " അട്ടഹസിച്ചു കൊണ്ട് കില്ലർ അതേ അടിച്ചു ചതച്ച ഭാഗത്ത് ആഞ്ഞൊരു അടിപൊളി കൂടി കൊടുത്തു... അതിൽ അയാളുടെ ശബ്ദം വളരെ ഉച്ചത്തിൽ ആയി...

പക്ഷെ...

ജോലിയും കഴിഞ്ഞ് ഷാപ്പിൽ കയറി അവിടെ തന്റെ കമ്പനിക്കാരുടെ കൂടെ സംസാരിച്ചും.. ഓരോരുത്തരുടെ കുറ്റം പറഞ്ഞും ഇരുന്ന് നേരം പോയത് വാസുവേട്ടനും വേലായുധേട്ടനും അറിഞ്ഞില്ല. രണ്ട് പേരും അറുപതുകളുടെ നിറവിൽ ജീവിതം ആഘോഷിക്കുന്നവർ ആണ്... സമയം രാത്രി നല്ലോണം വൈകി ആടിപ്പാടി വരുവാണ് രണ്ട് പേരും. അപ്പോഴാണ് അകലെ നിന്ന് ആരോ നിലവിളിക്കുന്ന ശബ്ദം കേൾക്കുന്നത്...

"ടാ വേലായുധ... ആരോ നിലവിളിക്കുന്ന ശബ്ദം അല്ലേടാ ആ കേട്ടത്..."

"അതേലോ.... "

"ഒന്ന് പോയി നോക്കിയാലോടാ..."

"വേണ്ടാട്ടാ... അത് ആ പ്രേതകോട്ടയിൽ നിന്നാവും വെറുതെ പ്രേതങ്ങളുടെ വായിൽ ചെന്ന് കേറണോ... നിനക്കറിയണതല്ലേ ആ കോട്ടയുടെ പ്രശ്നങ്ങൾ..." 

" ശെരിയ... ഈ നേരത്ത് അങ്ങോട്ട് പോയാൽ പിന്നെ തിരിച്ചു വരൽ ഉണ്ടാവില്ല.."

"ആളുകളെ അവിടെ എത്തിക്കാൻ ഉള്ള യക്ഷിയുടെ വിദ്യായാണ് രാത്രികാലങ്ങളിൽ ഉണ്ടാകുന്ന ശബ്ദങ്ങൾ എന്നല്ലേ അന്ന് സ്വാമിമാർ പറഞ്ഞത്... വാ നടക്ക് വേഗം വീട്ടിലേക്ക് എത്താൻ നോക്കാം..."

അവർ മുന്നോട്ട് നടന്നു.... പിന്നെ ആ ശബ്ദം കേൾക്കാതിരുന്നത് ആശ്വാസമായി കരുതി അവർ വേഗം വീട് പറ്റി...


💞💞

രാവിലെ ഇമ്രു ഒറക്കം തൂങ്ങി വർക്ക്‌ഔട്ട്‌ ചെയ്യാൻ പോകുമ്പോൾ ഇസു യൂണിഫോം ഒക്കെ ഇട്ട് സ്റ്റെപ് ഇറങ്ങി പോകുന്നതാണ് കണ്ടത്.. ഒരു നിമിഷം അവൻ ഒന്ന് നിന്നു..
'പടച്ചോനെ ഇന്ന് ഞാൻ നേരം വൈകിയോ' എന്ന് വിചാരിച്ചു വേഗം സ്റ്റെപ്പിന്റെ അടുത്ത് നിന്ന് കുനിഞ്ഞു ഹാളിലെ ചുമരിൽ പറ്റിപ്പിടിച്ചിരിക്കുന്ന ക്ലോക്കിൽ നോക്കിയപ്പോൾ സമയം 7:00

ഇങ്ങേർ ഇതെങ്ങോട്ടാ ഇത്ര നേരത്തെ എന്ന് കരുതി അവൻ താഴേക്ക് ഓടി..

"ഹലോ... എങ്ങോട്ടാണാവോ ഇത്ര നേരത്തെ..."(ഇമ്രു )

"അത്യാവശ്യം ആയി ഒരു സ്ഥലം വരെ പോണം... ആരെങ്കിലും ചോദിച്ചാൽ ഞാൻ പോയി എന്ന് പറഞ്ഞേക്ക് "എന്ന് പറഞ് അവൻ പോയി..

നേരെ പോയി സ്റ്റേഷനിൽ എത്തി വണ്ടി വച് അവൻ പുറത്തേക്കിറങ്ങി.. അപ്പോഴേക്കും പോലീസ് വാഹനവുമായി ശരത് എത്തി.

" എന്താ സാർ ഇത്ര നേരത്തെ എത്തണം എന്ന് പറഞ്ഞത്... കേസിൽ എന്തെങ്കിലും hint കിട്ടിയിട്ടുണ്ടോ... " (ശരത് )

" ആ ഒരു വലിയ hint.. ഇന്നാലേ അമീർ അയച്ച ഒരു ഫോട്ടോയിൽ നിന്നാണ് നമ്മൾ അന്വേഷിക്കുന്ന ഒരു കില്ലർ ആരാണെന്ന് മനസ്സിലായത്... "

അപ്പോഴേക്കും അവർ അമീറിന്റെ വീടിന് മുന്നിൽ എത്തിയിരുന്നു... അമീർ വരുന്ന സമയത്ത് ഇസു ആ ഫോട്ടോ ശരത്തിനെ കാണിച്ചു അത് രണ്ട് പേരുടെ identity കാർഡുകൾ കൊളേജ് ചെയ്തതായിരുന്നു .. ഒരു വശത്ത് ആനന്ദ്.. ജനന തിയതി , blood group A+ മറുഭാഗത്തു ജോൺ എബ്രഹാം ജനനതിയതി, blood group B+..

അത് കണ്ടിട്ടും ശരത് ഒന്നും മനസ്സിലാവാത്ത പോലെ നോക്കുന്നത് കണ്ടപ്പോ ഇസു പറഞ്ഞു തുടങ്ങി...

" ഇത് വച്ച് നോക്കുമ്പോൾ ആനന്തിന്‌ 24 വയസ്സ് A+ blood group.. ജോണിന് 34 വയസ് B+ blood group... നമുക്ക് അന്ന് അനന്ദിനെ പിടിക്കാൻ നോക്കുന്ന സമയത്ത് കിട്ടിയ രക്തം B+ പക്ഷെ ആനന്ദ്ന്റെ A+ ആണ്.. അവനെ കുറിച്ചുള്ള ആദ്യ ഡീറ്റെയിൽസ് കിട്ടിയത് ഒരു സൂപ്പർ മാർക്കറ്റ് ബില്ലിൽ നിന്നാണ്... അതിൽ അവൻ ബില്ല് അടിക്കുമ്പോൾ പറഞ്ഞിരിക്കുന്ന പേര് ജോൺ എന്നാണ്... ആ സ്റ്റാഫിനെ ചോദ്യം ചെയ്തതിൽ നിന്ന് അയാൾക്ക് ഒരു 35 വയസിനടുത്തു പ്രായം ഉണ്ടാവും എന്നാണ് പറഞ്ഞത്... അതുപോലെ തന്നെ ഇന്നാലേ ഞാൻ വഴിയിൽ വച് കണ്ടപ്പോൾ ജോണിന് അന്ന് ആനന്ദിനെ പിടിക്കുമ്പോൾ പറ്റിയ പോലെ , അതേ കയ്യിൽ അതേ സ്ഥലത്ത്‌ ഒരു മുറിവ് കണ്ട്.. പിന്നെ അന്ന് ഉണ്ടായിരുന്ന അതേ smell.... ഇപ്പൊ മനസ്സിലായോ... "

"അപ്പൊ സാർ ഇത് വച് നോക്കുമ്പോൾ ജോൺ ആണ് കില്ലർ... പക്ഷെ അയാൾക്ക് എങ്ങനെ ആനന്ദിന്റെ മുഖം..... അപ്പൊ ആനന്ദ് എവിടെ..?"( ശരത് )

" അതിന്റെ രഹസ്യം നമ്മൾ കണ്ട് പിടിക്കണമ്... അതിനാണ് ഇപ്പൊ പോകുന്നത്.. അവന്റെ വീട്ടിലേക്ക് ജോണിന്റെ... "

അപ്പോഴേക്കും അമീർ വന്നു... അവർ ജോണിന്റെ വീട് ലക്ഷ്യമാക്കി യാത്ര തുടങ്ങി..



തുടരും.....