💞മറന്നിട്ടുമെന്തിനോ💞-(51)

Part 51

ഇതേ സമയം കണ്ണൻ ആയുവിനെ കല്യാണത്തിന് സമ്മതിപ്പിക്കാൻ വേണ്ടി മനസ്സിൽ പലതും കണക്ക് കൂട്ടിയിരുന്നു... തന്റെ പദ്ധതികൾ പൂർത്തിയാക്കുന്നതിന്റെ ആദ്യ ചുവടായി കിച്ചുവിനോട് സംസാരിക്കാൻ അവൻ തീരുമാനിച്ചു.

___________________________❤️

കത്തിച്ചു വെച്ച നിലവിളക്കിന് മുന്നിൽ വന്ന് നിന്ന് സദസ്സിനെ വണങ്ങിയവൻ കതിർമണ്ഡപത്തിൽ ഒരുക്കിയ പീഡത്തിൽ ഇരുന്നു. ചുറ്റും തന്നെ മാത്രം വീക്ഷിക്കുന്ന കണ്ണുകളെയൊക്കെ ഒരു പുഞ്ചിരിയോടെ അവൻ നേരിട്ടു. അവന്റെ മുഖത്തെ സന്തോഷത്തിൻ അലയൊലികൾക്ക് മാറ്റേകാനെന്ന പോൽ ആരോ ഉച്ചത്തിൽ വിളിച്ചു പറഞ്ഞു.

മുഹൂർത്തമായി പെണ്ണിനെ വിളിക്കാം....

അത് കേൾക്കാൻ നിന്ന പോലെ താലപ്പൊലിയുടെ അകമ്പടിയോടെ സർവാഭരണവിഭൂഷയായി അവൾ കതിർമണ്ഡപത്തിലേക്ക് ആനയിക്കപ്പെട്ടു. ചുവന്ന കാഞ്ചീപുരം പട്ടുടുത്ത് അതിമനോഹരയായി വരുന്ന ആയുവിനെ ദേവിയെ പോലെ തോന്നിച്ചു.

അവളുടെ മുഖത്തെ പുഞ്ചിരി കാണെ മണ്ഡപത്തിന് സമീപം നിന്ന കിച്ചുവിന്റെ ഉള്ളം വിങ്ങി....

സദസ്സിനെ വണങ്ങി മണ്ഡപത്തിന് വലം വെച്ച് വരന് അടുത്തായുള്ള പീഡത്തിൽ അവളിരുന്നു.

മന്ത്രോചാരണങ്ങൾ അവിടെയാകെ മുഴങ്ങി കേട്ടു. ഏറ്റവുമൊടുവിൽ പൂജാരി പൂജിച്ച മഞ്ഞ ചരടിൽ കോർത്ത ആലിലതാലി വരന്റെ കയ്യിൽ ഏല്പിച്ചു. അവൻ അത് വാങ്ങി ആയുവിന്റെ കഴുത്തിൽ അണിയിച്ചു. ഇനിയെന്നും ആയുഷി ആരവിന് (കണ്ണൻ ) സ്വന്തം. അവൻ അവളുടെ സീമന്തരേഖ അവന്റെ പേരിനാൽ ചുവപ്പിച്ചു... അവളുടെ മൂർദ്ധാവിൽ അവന്റെ ചുണ്ടുകൾ ഏറെ പ്രണയത്തോടെ പതിച്ചു....

Noooooo............

ദീർഘ നേരത്തെ നിദ്രയിൽ നിന്ന് ഞെട്ടി പിടിഞ്ഞു എണീറ്റു കിച്ചു. അവനാകെ വിയർത്തു കുളിച്ചിരുന്നു. തൊണ്ട വറ്റി വരളും പോലെ തോന്നിയവന്. ഒരു നിമിഷം വേണ്ടി വന്നു കിച്ചുവിന് താൻ കണ്ട സ്വപ്നത്തിൽ നിന്ന് മുക്തനാവാൻ.

പെട്ടെന്നാണ് കതകിൽ ആരോ മുട്ടിയത്. മുഖത്തെ വിയർപ്പ് തുള്ളികളെ കരങ്ങളാൽ ഒപ്പിയവൻ വേഗം ചെന്ന് ഡോർ തുറന്നു. നോക്കിയപ്പോൾ ചന്ദ്രശേഖരനും അരുന്ധതിയും ആണ്.

എന്താ മോനെ... നീ എന്തിനാ ബഹളം വെച്ചത്.. (ചന്ദ്രൻ )

ഒ... ഒന്നുമില്ല അച്ഛാ... ഒരു സ്വപ്നം കണ്ടു... (കിച്ചു )

ദുസ്വപ്നം വല്ലതും ആണോ മോനെ. (ചന്ദ്രൻ )

നന്നായി പ്രാർത്ഥിച്ചു കിടക്കണ്ടേ കിച്ചു.

ഇതും പറഞ്ഞ് അരുന്ധതി കിച്ചുവിന്റെ കവിളിൽ തഴുകാനായി കൈ ഉയർത്തിയപ്പോൾ അവനത് തടഞ്ഞു കൊണ്ട് ഡോർ ശക്തിയിൽ അവർക്ക് മുന്നിൽ കൊട്ടിയടച്ചു. അവരുടെ പ്രസന്നമായി ഇരുന്ന മുഖം ഇരുണ്ടു. കണ്ണുകളിൽ നിന്നും നീർമുത്തുകൾ ഉതിർന്നു.

ഇതിനോടകം തന്നെ അരുന്ധതി അറിഞ്ഞിരുന്നു കിച്ചു സത്യങ്ങൾ എല്ലാം അറിഞ്ഞെന്നുള്ളത്.

__________________________❤️

കിച്ചുവിന് എന്തോ വല്ലാത്ത അസ്വസ്ഥത തോന്നി. അവന്റെ മനസ്സിൽ ആയുവിനെ നഷ്ടമാവുമോ എന്ന അഗാരണമായ ഭയം കടന്ന് കൂടി. കണ്ണൻ അവനൊട് പറഞ്ഞ കാര്യങ്ങൾ അവന്റെ മനസ്സിലേക്ക് കടന്ന് വന്നു.

___________________________❤️

അന്ന് സുപ്രിയ അമ്മ കണ്ണന് വേണ്ടി ആയുവിനെ ആലോചിക്കുമെന്ന് സ്വപ്‌നത്തിൽ പോലും വിചാരിച്ച കാര്യം ആയിരുന്നില്ല. അത് കേട്ടപ്പോൾ സകല ദൈവങ്ങളെയും മനസ്സിൽ വിളിച്ച് പ്രാർത്ഥിച്ചിരുന്നു ആയുവിന്റെ അച്ഛൻ സമ്മതിക്കരുതെ എന്ന്. അതിനെ കുറിച്ച് പിന്നീട് ആലോചിക്കാം എന്ന് അദ്ദേഹം പറഞ്ഞത് കേട്ട് കുറച്ചേറെ ആശ്വാസം തോന്നിയിരുന്നു. പക്ഷെ പിന്നെ ആലോചിച്ചപ്പോൾ തോന്നി എത്ര നാൾ ഇങ്ങനെ അവളെ നഷ്ടപ്പെടുമെന്നുള്ള പേടി മനസ്സിൽ വെച്ച് മുന്നോട്ട് പോവും. ഇവിടെ നിന്ന് പോകുന്നതിനു മുൻപ് എത്രയും വേഗം അവളുടെ അച്ഛനോടും അമ്മയോടും സംസാരിക്കണം എന്ന് കരുതി. അപ്പോഴാണ് കണ്ണൻ എന്തോ സംസാരിക്കാൻ ഉണ്ടെന്ന് പറഞ്ഞ് ചെമ്പക മരത്തിന്റെ ചോട്ടിലേക്ക് കൊണ്ട് പോയത്.

കിച്ചു.... ഞാൻ ഒന്നും അറിഞ്ഞില്ലെടാ. അമ്മ ഇങ്ങനൊരു കാര്യം.... (കണ്ണൻ )

അറിയാമെടാ.... നീ പേടിക്കണ്ട ആയു ഇതിന് സമ്മതിക്കില്ല 🙂. (കിച്ചു )

അത് കേട്ടപ്പോൾ കണ്ണന്റെ മുഖം വലിഞ്ഞു മുറുകി. ദേഷ്യം കടിച്ചമർത്തി അവൻ കിച്ചുവിനോടായി പറഞ്ഞു.

അറിയാമെടാ... പക്ഷെ പിന്നീട് ആലോചിച്ചപ്പോൾ എനിക്ക് തോന്നുന്നത് ഈ പ്രൊപോസൽ മുന്നോട്ട് കൊണ്ട് പോവുന്നതല്ലേ നല്ലത്..

ടാ... നീ എന്തൊക്കെയാ പറയുന്നത്..

കിച്ചുവിന് അവന്റെ വാക്കുകൾ കേൾക്കെ ദേഷ്യം വന്നു....

കിച്ചു കൂൾ... ഞാൻ പറയുന്നത് മുഴുവൻ കേൾക്ക്....

കിച്ചുവൊന്നും മറുപടി പറയുന്നില്ലെന്ന് കണ്ട് കണ്ണൻ വീണ്ടും തുടർന്നു.

ഞാൻ ഉദേശിച്ചത്‌ വേറൊന്നും അല്ലെടാ... നിന്റെ അമ്മ അവളോട് പറഞ്ഞ കാര്യങ്ങൾ വെച്ച് ഇനി നീ എന്ത് പറഞ്ഞ് ചെന്നാലും അവൾടെ അച്ഛനും അമ്മയും നിന്റെയും അവളുടെയും കല്യാണം നടത്തി തരുമെന്ന് എനിക്ക് തോന്നുന്നില്ല.

അതും ഈ പ്രൊപോസലും തമ്മിലുള്ള ബന്ധം എന്താ...

കിച്ചുവിന്റെ മുഖത്ത് സംശയം നിഴലിച്ചു.

എടാ... ഇത് മുന്നോട്ട് proceed ചെയ്യാം. എല്ലാവരുടെ മുന്നിലും ഞാൻ കല്യാണചെക്കൻ ആവാം പക്ഷെ അവസാന നിമിഷം ഞാൻ വേറെ എവിടേക്കെങ്കിലും മാറി നിൽക്കാം. പിന്നെ നീ അവളെ താലി ചാർത്തി സ്വീകരിച്ചാൽ മതി. അപ്പോഴത്തെ സിറ്റുവേഷനിൽ അവർക്കും വേറെ വഴി ഉണ്ടാവില്ല ഈ ബന്ധം അംഗീകരിക്കുക അല്ലാതെ. (കണ്ണൻ )

ഇതൊക്കെ തോന്നിവാസം ആണ് കണ്ണാ.... ഇതൊന്നും ശെരിയാവില്ല.... (കിച്ചു )

ഇത് നിന്റെയും ആയുവിന്റെയും നല്ലതിന് വേണ്ടി പറഞ്ഞതാ കിച്ചു... (കണ്ണൻ )

നീ എന്തൊക്കെ പറഞ്ഞാലും ഇതൊന്നും ശെരിയാവില്ല. ഇങ്ങനെ ചെയ്യുവാണെങ്കിൽ കുറച്ച് നിമിഷത്തേക്കെങ്കിലും എല്ലാവരും അവളെ കല്യാണം മുടങ്ങിയ പെൺകുട്ടിയായി കാണും. അവളുടെ അച്ഛനും അമ്മയും അപമാനിതരായി നിൽക്കേണ്ടി വരും. നിനക്ക് അറിയാമല്ലോ കണ്ണാ ആയുവിന് അവൾടെ പേരെന്റ്സ് എത്ര മാത്രം ഇമ്പോർട്ടന്റ ആണെന്നുള്ളത്. മാത്രവുമല്ല ഇത് വളഞ്ഞ വഴിയായി പോവും... അത് കൊണ്ട് ഞാനില്ല.... (കിച്ചു )

പിന്നെന്ത് ചെയ്യാനാ നിന്റെ തീരുമാനം. (കണ്ണൻ )

ഞാൻ അവളുടെ അച്ഛനെ കണ്ട് സംസാരിക്കും. ഞാനായിട്ടല്ല അവളെ ഉപേക്ഷിച്ചത്. അത് കൊണ്ട് അവരെ എങ്ങനെയെങ്കിലും പറഞ്ഞ് സമ്മതിപ്പിക്കും. (കിച്ചു )

കിച്ചുവിന്റെ വാക്കുകളിലെ ആത്മവിശ്വാസവും ദൃഢതയും കണ്ണനെ ചൊടിപ്പിച്ചു.

ആയുവിനോട് പറഞ്ഞിട്ട് ഇത് പോലെ കാര്യങ്ങൾ മുന്നോട്ട് കൊണ്ട് പോയാലോ. അപ്പോൾ നീ സമ്മതിക്കുവോ.... (കണ്ണൻ )

അത് അപ്പോൾ ആലോചിക്കാം.... (കിച്ചു )

ഇതും പറഞ്ഞ് നടന്നുനീങ്ങുന്ന കിച്ചുവിനെ കാണെ ദേഷ്യത്താൽ കണ്ണൻ മുഷ്ടി ചുരുട്ടി പിടിച്ചു.

____________________________❤️

ഇന്ന് താൻ കണ്ട സ്വപ്നത്തിൽ തന്നെ ആയിരുന്നു കിച്ചുവിന്റെ മനസ്സ്. ഒരുപക്ഷെ അത് സത്യമായാലോ ആ ഒരു അവസ്ഥ അവന് ഓർക്കാൻ പോലും പറ്റുന്നുണ്ടായിരുന്നില്ല. എത്രയും വേഗം തന്നെ ആയുവിന്റെ അച്ഛനെ കണ്ട് കാര്യങ്ങൾ പറയാൻ അവൻ തീരുമാനിച്ചു.

____________________________❤️

ഇതേ സമയം ആയുവും ഉറക്കം നഷ്ടപ്പെട്ട് ഓർമ്മകളുടെ ചെപ്പിൽ മുങ്ങി താഴുകയായിരുന്നു. മനസ്സിൽ പ്രണയത്തിന്റെ ഒരായിരം മഴവില്ല് വിരിയിച്ച് ഒറ്റ നിമിഷം കൊണ്ട് മാഞ്ഞു പോയ സ്വപ്നം പോലെ ആയിരുന്നു അവൾക്ക് ആ ഓർമ്മകളൊക്കെ. പെട്ടെന്ന് പുറകിലൊരു കാൽപെരുമാറ്റം കേട്ടവൾ തിരിഞ്ഞു നോക്കി. നീരജ് ആയിരുന്നു അത്.

ഏട്ടൻ ഉറങ്ങിയില്ലേ.... (ആയു )

ഇല്ല.... (നീരജ് )

പിന്നെ കുറച്ചേറെ നേരം നിശബ്ദമായി കടന്ന് പോയി.

ഏട്ടന്റെ അവസ്ഥ മറ്റാരേക്കാളും എനിക്ക് മനസ്സിലാവും...

ആയുവിന്റെ വാക്കുകൾ കേൾക്കെ നീരജിന്റെ നെറ്റി ചുളിഞ്ഞു.

പ്രണയം നഷ്ടപ്പെടുന്നതിന്റെ വേദന.

അവന്റെ മുഖഭാവം കണ്ട് അവൾ തന്നെ പറഞ്ഞു. പക്ഷെ അവളുടെ വാക്കുകൾ കേട്ട് നീരജ് മനോഹരമായി പുഞ്ചിരിച്ചു.

ഒരിക്കലും ഇല്ല ആയു. എന്റെ അവസ്ഥ നിനക്ക് ഒരിക്കലും മനസ്സിലാവില്ല കാരണം നമ്മൾ രണ്ടാളും രണ്ട് സാഹചര്യത്തിലാണ്. എന്റെ കാര്യത്തിൽ എനിക്ക് നിന്നൊട് മാത്രമാണ് ഇഷ്ടം നിനക്ക് തിരിച്ച് ആ ഇഷ്ടം എന്നോടില്ല. പക്ഷെ നീയും കിച്ചുവും അങ്ങനെയല്ല പരസ്പരം ഒത്തിരി ഇഷ്ടപെടുന്നുണ്ട്. അപ്പോൾ ഈ അകൽച്ചക്ക്‌ വേദന കൂടുതൽ ആയിരിക്കും... എന്തിനാണ് വീണ്ടും ഈ ഒളിച്ചു കളി....

അവൻ ഒന്ന് നിശബ്ദനായി.

കിച്ചുവേട്ടന്റെ ജീവിതത്തിൽ ഇനി എനിക്കൊരു സ്ഥാനം ഉണ്ടാവില്ലെന്ന് ഞാൻ അന്നേ തീരുമാനിച്ചതാണ് നീരജേട്ടാ.. ഞാനായി ഒന്നിനും പോവില്ല. പിന്നെ ഇനിയൊരിക്കലും അച്ഛയും അമ്മയും ഈ ബന്ധത്തെ അനുകൂലിക്കില്ല.... അത് എന്നെക്കാൾ നന്നായി ഏട്ടന് അറിയാമായിരിക്കുമല്ലോ.....

മ്മ്...... ശെരിയാണ്, ആയു നിന്റെ അച്ഛനും അമ്മയ്ക്കും കിച്ചുവിനോട് ദേഷ്യമൊന്നും ഇല്ല. അരുന്ധതി ആന്റിയോടാണ് ഇഷ്ടക്കേട്. ഇത് നിന്റെ ജീവിതമാണ്. നീ ഇപ്പോൾ എടുക്കുന്ന തീരുമാനം പിന്നീട് ആലോചിക്കുമ്പോൾ ഇതിനെ കുറിച്ച് ഓർത്ത് നീ ദുഃഖിക്കാൻ ഇട വരുത്തരുത്. എനിക്ക് അത്രേ പറയാനൊള്ളൂ.

അതിനവൾ ഒന്ന് പുഞ്ചിരിച്ചു. അത് കണ്ട് നീരജിന് നല്ല സങ്കടം തോന്നി.

എന്തിനാ ആയു നീ ഇങ്ങനെ ചെയ്യുന്നത് നിന്റെ മനസ്സിൽ എന്താണെന്ന് എനിക്ക് നന്നായി അറിയാം. നിനക്ക് ഒരിക്കലും കിച്ചുവിനെ മറന്ന് മറ്റൊരു ജീവിതം തിരഞ്ഞെടുക്കാൻ പറ്റില്ല. പിന്നെന്തിനാ ഇങ്ങനെ സ്വയം ഉരുകി തീർക്കുന്നത്. നിന്റെ അച്ഛനോട് വേണമെങ്കിൽ ഞാൻ സംസാരിക്കാം.

അതൊന്നും വേണ്ട ഏട്ടാ....

ശെരി ഞാൻ നിന്റെ അച്ഛനോട് ഒന്നും സംസാരിക്കുന്നില്ല. പകരം നീ കിച്ചുവിനോട് സംസാരിക്കണം. നിങ്ങൾ പഴയത് പോലെ ആവണം...

ഏട്ടാ... അതൊന്നും...

പറ്റില്ലെന്ന് പറയണ്ട. ഞാൻ പറഞ്ഞത് അങ്ങോട്ട് ചെയ്യാൻ നോക്ക്.

ഏട്ടാ....

ചിണുങ്ങി കൊണ്ടുള്ള അവളുടെ വിളി കേട്ട് അവന് അതിയായ വാത്സല്യം തോന്നി.

നാളെ രാവിലെ കിച്ചുവിനെ വിളിച്ച് എല്ലാം പറഞ്ഞ് തീർത്തിരിക്കണം. ഇപ്പോൾ നിന്നോട് നിന്റെ ഏട്ടനായി അല്ല ഞാൻ പറയുന്നത് നിന്നെ ട്രീറ്റ്‌ ചെയ്യുന്ന ഡോക്ടർ ആയിട്ടാണ്. അനുസരിച്ചേ പറ്റു.

അതിനവളൊന്ന് തലയാട്ടി.

മ്മ്... എങ്കിൽ ഇവിടെ നിന്ന് മഞ്ഞു കൊള്ളാതെ വേഗം പോയി കിടന്ന് ഉറങ്ങാൻ നോക്ക്.

അവൻ ഗൗരവത്തോടെ പറഞ്ഞത് കേട്ടവൾ കുറുമ്പോടെ അവന്റെ വയറ്റിൽ ഒരു കുത്ത് കൊടുത്തിട്ട് ഓടി.

ടി.....

അവളുടെ ഓട്ടം കണ്ടവൻ അറിയാതെ ചിരിച്ചു പോയി. അപ്പോഴേക്കും അവൾ റൂമിലെത്തിയിരുന്നു. സന്തോഷം കാരണം അവൾക്ക്‌ കിടന്നിട്ട് ഉറങ്ങാൻ സാധിക്കുന്നുണ്ടായിരുന്നില്ല. മനസ്സ് വല്ലാതെ തുടി കൊട്ടുന്നു. പ്രിയപ്പെട്ടവന്റെ ഓർമ്മകളിൽ അവൾ വിവശയായിരുന്നു. ഏതോ ഒരോർമ്മയിൽ തന്റെ പുസ്തക താളിൽ താൻ ഒളിപ്പിച്ചു വെച്ച പ്രണയത്തിൽ ചാലിച്ച അക്ഷരങ്ങളോട് അവൾ കിന്നാരം ചൊല്ലി. അവൾ പോലുമറിയാതെ അവൾടെ തൂലികയിൽ അവനായി അക്ഷരങ്ങൾ വിരിഞ്ഞു.

"" നീ എന്നിൽ ഒരു പൂവായി തളിർക്കുമെങ്കിൽ, ഞാൻ നിന്നിലൊരു മഴയായി പെയ്തൊഴിയും, നീയെന്ന പൂവിൻ സുഗന്ധം ആസ്വദിക്കുന്ന കാറ്റിനോട് പോലും എനിക്ക് അസൂയയാണ്, കാരണം നീ എന്നിൽ വേരുറച്ച പോലെ മറ്റൊന്നിലും വേരുറക്കാൻ ഞാൻ അനുവദിക്കില്ല.........""

ആ അക്ഷരങ്ങളിൽ പോലും അവനോടുള്ള പ്രണയമായിരുന്നു നിറഞ്ഞു നിന്നത്. ആ അക്ഷരങ്ങളിൽ കൂടെ വിരലോടിച്ചിരുന്നവൾ പതിയെ നിദ്രയിലേക്ക് വഴുതി വീണു നല്ലൊരു പുലരിയെ വരവേൽക്കാനായി.

തുടരും.........

ആദ്യം തന്നെ ഒത്തിരി സോറി പറയുന്നു. മനഃപൂർവം സ്റ്റോറി പോസ്റ്റ്‌ ചെയ്യാതെ ഇരുന്നതല്ല ഞാനൊന്ന് മറിഞ്ഞു വീണു കയ്യിൽ പ്ലാസ്റ്റർ ഇട്ടേക്കുവാണ്. അത് കാരണം ടൈപ്പ് ചെയ്യാൻ ബുദ്ധിമുട്ടുണ്ടായിരുന്നു. voice ടൈപ്പ് ചെയ്യാൻ നോക്കി പക്ഷെ ഇരട്ടി പണി കിട്ടി. അവസാനം പതിയെ ടൈപ്പ് ചെയ്ത് പോസ്റ്റ്‌ ചെയ്യാമെന്ന് വിചാരിച്ചു. സ്റ്റോറി അന്വേഷിച്ചു വന്നവരോട് ഒത്തിരി സ്നേഹം 🥰❤️❤️. അപ്പോൾ എല്ലാരും വായിച്ചിട്ട് അഭിപ്രായം പറയണേ.

💞മറന്നിട്ടുമെന്തിനോ💞 - (52)

4.7

4293

5 mins

Part 52 "" നീ എന്നിൽ ഒരു പൂവായി തളിർക്കുമെങ്കിൽ, ഞാൻ നിന്നിലൊരു മഴയായി പെയ്തൊഴിയും, നീയെന്ന പൂവിൻ സുഗന്ധം ആസ്വദിക്കുന്ന കാറ്റിനോട് പോലും എനിക്ക് അസൂയയാണ്, കാരണം നീ എന്നിൽ വേരുറച്ച പോലെ മറ്റൊന്നിലും വേരുറക്കാൻ ഞാൻ അനുവദിക്കില്ല........."" ആ അക്ഷരങ്ങളിൽ പോലും അവനോടുള്ള പ്രണയമായിരുന്നു നിറഞ്ഞു നിന്നത്. ആ അക്ഷരങ്ങളിൽ കൂടെ വിരലോടിച്ചിരുന്നവൾ പതിയെ നിദ്രയിലേക്ക് വഴുതി വീണു നല്ലൊരു പുലരിയെ വരവേൽക്കാനായി. ✨️✨️✨️✨️✨️✨️✨️✨️✨️✨️✨️✨️✨️✨️✨️✨️ അതിരാവിലെ തന്നെ ആയു എഴുന്നേറ്റു. പുതിയൊരു ഉന്മേഷം തനിക്ക് ലഭിച്ചത് പോലെ തോന്നിയവൾക്ക്. വേഗം തന്നെ �