💕 ഇശൽ 💕

✍🏻 ഇനായ 

 

Part  15

 

💙💚💙💚💙💚💙💚💙💚💙💚💙💚💙💚💚💙💚💙💚💙💚💙💚💙💚💙💚💙💚💙

 

"അതൊണ്ടല്ല പിശാഷെ.... ലവൾ പിടിച്ച് തിരിക്കുന്നത് എൻ്റെ കയ്യാ.... അതിൻ്റെ ദീർഗായുസ്സിന് വേണ്ടി പ്രാർഥിച്ചത...."( മിന്നു)

 

 

 

അത് കേട്ടപ്പോ ഞാൻ ഐറാനെ നോക്കി...അവള് എല്ലാർക്കും ഒന്ന് ഇളിച്ച് തന്ന് കയ്യെടുത്ത്... അപ്പൊ ആണ് രണ്ടെണ്ണം ആ റൂമിലേക്ക് ഓടി വന്നത്....

 

 

***

 

അത് വേറാരുമല്ല നമ്മടെ ഫൈസിയും കൃഷും ആണ്....

 

 

" നിക്കാഹ് കഴിഞ്ഞു ട്ടോ...." ( ഫൈസി)

 

 

അത് കേട്ടപ്പോ ഐറാൻ്റേ വിറയൽ കൂടി.....5 കൊല്ലം പ്രേമിച്ച് കെട്ടുന്ന ഇവരെ സ്ഥിതി ഇങ്ങനെ....അപ്പൊ ബാക്കി ഉള്ളൊലെ അവസ്ഥ പറയണോ.... കുറച്ച് കഴിഞ്ഞപ്പോ സറും കുറച്ച് പേരും വന്നു .... സർ ഐറയുടെ കഴുത്തിൽ മഹർ ചാർത്തി.... സർ  ഐറയുടെ നെറ്റിയിൽ മൃദുവായി ഒന്ന് ചുംബിച്ചു..(ക്ലീഷെ😌)അങ്ങനെ ഐറ മറിയം ഐറ ആഷിൽ ആയി....

 

 

 നമ്മക്ക് സാറിനെ നേരത്തെ പരിചയം ഉള്ളത് കാരണം ഞങൾ അങ്ങോട്ട് പൊയി കളിയാക്കി.... അപ്പോഴാണ് ഞാൻ അത് ശ്രദ്ധിച്ചത്... എമിക്കനേം മാഹിക്കനേം അചായനേം കാണുന്നില്ല..... കുറച്ച് അതിലെ തിരിഞ്ഞ് കളിച്ചപ്പോ  അവര് മൂന്നും വേറൊരു ആളോട് സംസാരിച്ച് നിൽക്കാ... ഇവിടേ അവർക്കാരെയാ ഇത്ര പരിചയം.... മുൻപരിചയം ഉള്ള പോലേ ആണ് അവരുടേ സംസാരം ഒക്കെ.... പെട്ടെന്ന് എമിക എന്നേ കണ്ടപ്പോ എന്നോട് അവിടേക്ക് വരാൻ പറഞു... കൂടേ നമ്മടെ ടീംസ് പോന്നു... എന്നേ കണ്ടപ്പോ അയാലോന്ന് ഞെട്ടിയോ.... ആവോ... എനിക്ക് തോന്നിയത് ആവും.... അലേലും ഞാൻ അയാളെ മുമ്പ് കണ്ടതായി പോലും ഓർക്കുന്നില്ല.... എമിക്കാടെ. അടുത്ത പോയി നിന്നു.... എനിക്കൊന്ന് പുഞ്ചിരിച്ച് തന്നപ്പോൾ, വല്യ ചിലവോന്നും ഇല്ലാതൊണ്ട് ഞാനും തിരിച്ച് ചിരിച്ച് കൊടുത്ത്....

 

 

"ഇതാണ് ട്ടോ ഞാൻ പറഞ്ഞ എൻ്റെ പെങ്ങലൂട്ടി.ഇശൽ

പിന്നേ ഇഷൂ ഇത് ആദിക്ക..."(എമി)

 

 

" എടാ നീയങ്ങനെ പറഞ്ഞാൽ അവള്ക്ക് ഏങ്ങനെ മനസ്സിലാവാനാ...

ഞാൻ അൽഹാൻ ആദം..."

 

 

"എനിക്ക് മനസിലായി ആദിക്കാ... അന്ന് ഇവർ ഇടിക്കാൻ പോയ വണ്ടി ഇങ്ങൾതെ അല്ലേ .."

 

 

"അത് ഇവൾക്ക് അറിയാം ഞാൻ ഇവലോഡ് പറഞ്ഞിട്ടുണ്ട്..."( എമി)

 

 

 

"എമിക്കാ ഒന്നിങ്ങട് വരോ ..... എനിക്ക് ഒരുകാര്യം പറയാൻ ഉണ്ട്..."

എന്നും പറഞ്ഞു  ഞാൻ എമിക്കാണെം വിളിച്ച് അതികം ആരും ഇല്ലാത്ത ഒരു ഭാഗത്ത് ക്ക് നിന്നു...

 

 

 

" എന്താടോ..."

 

 

"ഉപ്പച്ചി വിളിച്ചിരുന്നു...."

 

 

"നിന്നെ വിളിച്ചോ... കല്യാണ കാര്യം പറയാൻ ആയിരിക്കും ലെ...ഈ ഉപ്പാക്ക് ഞാൻ പറഞ്ഞത് ഒന്നും  തലേൽകേറില്ലെ😬😬..ഞാൻ ഉപ്പാനോട് പറഞ്ഞിരുന്നതാനല്ലോ നിനക്കിപ്പോ കല്യാണം നോക്കണ്ടാണ്...."

 

 

"എനിക്കറിയില്ല...ഉപ്പ വിളിച്ച് ഉപ്പാടെ ഏതോ ഒരു ഫ്രേണ്ട്നെ മോനുണ്ട് എന്ന് പറഞ്ഞു... ഉപ്പയെന്ത ഇൻ്റെ താൽപര്യങ്ങൾ നോക്കാതെ .... എനിക്ക് ദേഷ്യം വരുന്നുണ്ട്... ദേഷ്യം വന്നു ഞാനെന്തെം പറഞ്ഞാ അതുപ്പാക്ക് സങ്കടാവും... അതാ ഞാനൊന്നും മിണ്ടാതെ നില്ക്കുന്നെ...."

 

 

"ഹ...

ഇജ്ജ് ബേജാറാവല്ലെ പാത്തോ... ഒക്കെ ഞാൻ ശെരിയാക്കി തരാന്നെ... എന്തായാലും ഇത്ര പെട്ടെന്നൊന്നും നിന്നെ കെട്ടിക്കാൻ ഞാൻ സമ്മതിക്കില്ല.... സോ ഡോണ്ട് വറി...."

"

 

എമിക്ക അതും പറഞ്ഞു എന്നെ നോക്കി കണ്ണിറുക്കി... സത്യം പറഞ്ഞാ അപ്പോഴാ എനിക്ക് ഒരു സമാധാനം ആയത്... സത്യം പറഞ്ഞാല് എനിക്ക് ജോലി ആവുന്ന വരേ ഉപ്പ എന്നേ പഠിപ്പിക്കും എന്ന വിശ്വാസം ഒന്നും എനിക്കില്ല.. എന്തായാലും ഒരു ഡിഗ്രീ കഴിയുന്ന വരേ എങ്കിലും പിടിച്ച് നിൽക്കണം... അതിനും എൻ്റെ പുന്നാര ഉപ്പ സമ്മതിക്കൂല്ലാന്നാ തോന്നുന്നേ... എന്തായാലും പടച്ചോൻ തന്നെ തുണ.... പിന്നെ ഞാൻ അവരുടേ അടുത്തേക്ക് നടന്നു.... ഞാൻ അവിടേ എത്തിയപ്പോഴേക്കും നമ്മടെ ചങ്ക്‌സ് ആദിക്കയും ആയി കൂട്ടായിരുന്നു.... അപ്പോഴാ മനസ്സിലായത് ആദിക്ക ആശിൽ സാറേ ബെസ്റ്റ് ഫ്രണ്ട് ആണെന്നു... ആശിൽ സാറിന് ഫ്രണ്ട് എന്ന് പറയാൻ വേറേ ആറും വന്നില്ലാതൊണ്ടും ആധിക്ക പോസ്റ്റ് ആയൊണ്ടും മൂപ്പര് നമ്മളെ കൂടെ അങ്ങ് കൂടി....അപ്പൊ ആണ് ഐസുത്തയും അഹല്യ ചേച്ചിയും വന്നെ... ലേറ്റ് ആയതിന് ഐറ അവരേ തിന്നില്ല എന്നേ ഉള്ളൂ... പെണ്ണിൻ്റെ വായിലിരിക്കുന്നെ മൊത്തം കേട്ട്.. ഹൊ.. ഹോറിബിൾ... ആനി ചേച്ചി പിന്നെ വന്നില്ല.... അവരുടേ ഓർഫനേജിൽ ഏതോ ഒരു കുട്ടീടെ marriage ഉണ്ട് പോലും സോ ചേച്ചിക്ക് വരാൻ കഴിയൂലാ പോലും... ചേച്ചി പിന്നെ കല്യാണത്തിന് വരാം എന്നും പറഞ്ഞാണ് പെണ്ണിനെ അനുനയിപ്പിചത്....

 

 

 

 

💙💚💚💙💚💚💙

 

 

(എമി)

 

 

 

സത്യം പറഞ്ഞാ ഉപ്പാനോഡ് ഞാൻ പറഞ്ഞതാ ഇശുനു ഇപ്പൊ കല്യാണ നോക്കണ്ട എന്ന്... ഉപ്പാൻ്റെ ഒരു ഫ്രണ്ട്... കോപ്പ് 😬😬 ന്തായാലും ഞാൻ സമ്മതിക്കൂലാ... ആദിക്കനെ ഇവിടേ വച്ച് കണ്ടപ്പോ സത്യം പറഞ്ഞാ സർപ്രൈസ്ഡ് ആയി... അപ്പോ ആണ് ആശിൽ സാറേ ഫ്രണ്ട് ആണെന്നു അറിഞ്ഞേ... പിന്നെ ഞങൾ സംസാരിച്ച് ഇരുന്ന്...

 

 

 

 

💙💚💚💙💚💚💙

 

 

 

ഇന്ന് ഹോസ്റ്റലിൽ നിന്നിറങ്ങാൻ ലേറ്റ് ആയി.... അതിനാൽ ഓടുകയാണ് ക്ലാസിലേക്ക്... അപ്പോ ഉണ്ട് ഫൈസി ഓടി വരുന്നു... എന്നേ കണ്ടപ്പോ അടുത്തേക്ക് വന്നു...

 

 

" എന്താ ഇശു ലേറ്റ് ആയെ..."

 

"എണീക്കാൻ വൈകി... അല്ലെടാ നീയെന്താ ഒറ്റക്ക്... ബാക്കി ഉള്ളോർ എവിടെ???

 

 

"ഇന്നു ഞാനും ലേറ്റ് ആയെടി....എന്തായാലും നീ വാ..."

 

 

അങ്ങനെ ഞങൾ ഓരോന്നു പറഞ്ഞ് ക്ലാസ്സിലേക്ക് നടന്നു.... ക്ലാസ്സിലേക്ക് കയറിയപ്പോൾ കണ്ടത് കൃഷിൻ്റെ മുഖത്തേക്ക് ആഞ്ഞടിക്കുന്ന ദച്ചുനെ ആണ്... കാര്യം അറിയാതെ ഞാനും ഫൈസിയും പരസ്പരം നോക്കി....

 

 

(തുടരും)