💓💓💓💓💓 ഭാഗം - 45 💓💓💓💓💓

"She is our angel and from now she is your angel too"

അത്രയും പറഞ്ഞ് സാം റിയയേ നോക്കിയതും അവൻ കണ്ടൂ നിറഞ്ഞ് തുളുമ്പി പെയ്യാൻ വെമ്പി നിൽക്കുന്ന അവളുടെ മിഴികൾ.

അവൻ ഇന്നും മിണ്ടാതെ വേഗം അവളുടെ രണ്ട് കണ്ണുകളിലും അവൻ്റെ ചുണ്ടുകൾ പതിപ്പിച്ചു.

വേണ്ട ഇനി എന്തിൻ്റെ പേരിലും ഇ കണ്ണ് നിരായരുത്. ഞാൻ എൻ്റെ കുഞ്ഞളിയന് വാക്ക് കൊടുത്തത അവൻ്റെ ഈ മാലാഖ കൊച്ചിനെ ഒരു വിഷമവും ഇല്ലാതെ പൊന്ന് പോലെ നോക്കിക്കോളാം എന്ന്. അപ്പോ അത് പാലിക്കാൻ എൻ്റെ വാവ എൻ്റെ കൂടെ കട്ടക്ക് നിന്നോണം കേട്ടല്ലോ.

ഞാൻ കൂടെ കാണും ഇച്ഛാ... പിന്നെ ഇത് സങ്കടം കൊണ്ടല്ല സന്തോഷം കൊണ്ടാ... എനിക്ക് ജീവിതത്തിൽ കിട്ടിയവർ എല്ലാം എന്നെ ഇങ്ങനെ മനസ്സിലാക്കാനും സ്നേഹിക്കാനും മാത്രം അറിയുന്നവർ ആണല്ലോ എന്ന് ഓർത്തപ്പോൾ ഉള്ള സന്തോഷം കൊണ്ട്.

പിന്നെ അല്പ നേരം രണ്ട് പേരും അവരുടെ ഒരുമിച്ചുള്ള നിമിഷങ്ങൾ സുന്ദരമാക്കി ശേഷം പതിയെ നിദ്രയെ പുൽകി.

തുടർന്ന് വായിക്കുക.......💓

പിറ്റേന്ന് രാവിലെ തന്നെ ആയിരുന്നു സാമിനുള്ള ഫ്ലൈറ്റ് അത് കൊണ്ട് അവൻ ഇറങ്ങുന്ന സമയത്ത് തന്നെ എല്ലാവരും ഇറങ്ങാൻ തീരുമാനിച്ചു.

എല്ലാവരും പോവുന്ന കാര്യം ആലോച്ചിച്ചതും പ്രിയക്ക് വല്ലാതെ സങ്കടം വന്നു. അവളുടെ മിഴികളിൽ നിറഞ്ഞു.

അയ്യേ എന്താ പ്രിയേച്ചി ഇത്. ഇങ്ങനെ കരയാൻ ഓക്കേ എന്തിരിക്കുന്നു... അവളുടെ സങ്കടം കണ്ട് റിയ അവളെ ചേർത്ത് പിടിച്ച് ചോദിച്ചു

അറിയില്ലട മൂന്ന് ദിവസമേ നിങ്ങൾ എല്ലാവരും ഇവിടെ ഉണ്ടായിരുന്നുള്ളൂ എങ്കിലും എനിക്കെന്തോ ഒരുപാട് ദിവസം  എല്ലാവരും ഇവിടെ താമസിച്ചിട്ട് ഞങ്ങളെ ഒറ്റക്ക് ആക്കി പെട്ടെന്ന് എല്ലാവരും പോവുന്ന പോലെ തൊന്നുവ.

അത്രെ ഒള്ളോ. അതിന് ഇവിടെ നിന്ന് ആരും മൊത്തത്തിൽ പടിയിറങ്ങി പോവുന്നതല്ലല്ലോ. ഞങ്ങൾ ഇടക്കിടക്ക് വന്ന് ചെച്ചിയേം ചെട്ടനേം ബുദ്ധിമുട്ടിപ്പിച്ചോളാം... അവൾക്ക് മറുപടിയായി യഷ് പറഞ്ഞു.

എന്തായാലും വരണം. അതിൽ ഞങ്ങൾക്ക് ഒരു ബുദ്ധിമുട്ടും ഇല്ല മറിച്ച് സന്തോഷം മാത്രേ ഒള്ളു... രാജ് യഷിൻ്റെയും രോഹിതിൻ്റെയും തോളിൽ കൂടെ കൈ ഇട്ട് കൊണ്ട് പറഞ്ഞു.

അതെ ഇങ്ങനെ സംസാരിച്ച് കൊണ്ട് നിന്നാൽ അളിയൻ്റെ ഫ്ലൈറ്റും പോവും എൻ്റെ ആദ്യത്തെ സെഷനും പോവും. അതുകൊണ്ട് വേഗം ഇറങ്ങാം.

അപ്പോ എങ്ങനെയാ പ്ലാൻ നമ്മൾക്ക് എല്ലാവർക്കും ഒരുമിച്ച് ഇറങ്ങാം.... രാജ് ചോദിച്ചു.

അത് വേണ്ടട ഞാൻ ഇവിടെ നിന്നും മെട്രോയ്ക്ക് പോക്കൊളാം. എന്തിനാ എല്ലാവരും വെറുതെ ബുദ്ധിമുട്ടണെ... സാം

അത് വേണ്ട ചേട്ടാ ആദ്യം നമ്മുക്ക് എല്ലാവർക്കും കൂടെ ആദമിനെ കൊണ്ട് വിടാം എന്നിട്ട് അത് വഴി ഞങ്ങൾ ഹോസ്റ്റലിലേക്ക് പോവാം നിങ്ങൾ നാലാളും എയർ പോർട്ടിലേക്കും പൊക്കൊ... പൊന്നമ്മ

അത് കൊള്ളാം. എയർപോർട്ടിൽ നിന്നും തിരിച്ച് വരുന്ന വഴി ഞങ്ങൾ റിയയെ ഹോസ്റ്റലിൽ ആക്കാം... രാജ്

എന്നാ അങ്ങനെ ആവട്ടെ ഇനി വെറുതെ നിന്ന് ചർച്ചിച്ച് സമയം കളയണ്ട... രോഹിത്

എന്നാ റിയ ഈ ചർച്ചകളിൽ ഒന്നും വല്ലാതെ താൽപര്യം പ്രകടിപ്പിച്ചില്ല. സാമിന് പോവാൻ നേരമായി എന്നത് മാത്രമായിരുന്നു അവളുടെ ഉള്ളിലെ ചിന്ത.

പുറത്ത് കാണിച്ചില്ല എങ്കിലും അവളുടെ ഉള്ളിൽ സാമിനെ പിരിയാൻ പോകുന്നതിൻ്റെ സങ്കടം നല്ലത് പോലെ ഉണ്ടായിരുന്നു.

എല്ലാം തീരുമാനിച്ച് ഉറപ്പിച്ച് അവർ എല്ലാം ഒരുമിച്ച് ഫ്ലാറ്റിൽ നിന്നും ഇറങ്ങി നേരെ ആദമിൻ്റെ കോളേജിൽ പോയി അവനെ അവിടെ കൊണ്ട് ചെന്ന് ആക്കി.

അവൻ പോവുന്നതിന് മുന്നേ സാമിനേ കെട്ടിപിടിച്ചു. എൻ്റെ ചേച്ചിടെ എല്ലാ പീഡനങ്ങളും സഹിക്കാൻ റെഡി ആയിക്കോ അളിയാ എന്നും പറഞ്ഞ് അവൻ സാമിനെ കളിയാക്കി

എന്താടാ കുട്ടി തേവാങ്കെ നീ പറഞ്ഞെ എന്നും ചോദിച്ച് റിയ ആദമിനെ നോക്കി കണ്ണുരുട്ടിയതും

പൊന്നാളിയ വെറുതെ പോണ പോക്കിൽ നിൻ്റെ ചേച്ചിടെ കായിൽ നിന്നും പണി വാങ്ങിക്കണ്ട എന്നും പറഞ്ഞ് സാം ചിരിയോടെ ആദമിൻ്റെ തലയിൽ ഒരു കൊട്ട് കൊട്ടി

പിന്നെ ആദം എല്ലാവരോടും യാത്രയും പറഞ്ഞ് ക്ലാസ്സിലേക്ക് കയറി പോയി.

അവൻ പോയതും നമ്മുടെ വാനര പട രാജിനോടും പ്രിയയൊടും സാമിനോടും യാത്ര പറഞ്ഞ് ഹോസ്റ്റലിലേക്ക് യാത്ര തിരിച്ചു.

പിന്നെ നേരം കളയാതെ അവർ നാല് പേരും എയർപോർട്ടിലേക്കും പോയി. പോവുമ്പോൾ അവർക്കിടയിൽ മൗനം തളം കെട്ടി കിടന്നു.

ഇനിയും ഇങ്ങനെ മൗനമായി ഇരുന്നാൽ തൻ്റെ നിയന്ത്രണം നഷ്ടമാവും എന്ന് മനസ്സിലാക്കിയ റിയ തന്നെ വെറുതെ ഓരോന്ന് സംസാരിച്ചു തുടങ്ങി.

അല്ല പ്രിയെച്ചി എന്നാ ഞങ്ങൾക്ക് ഒരു സന്തോഷ വാർത്ത കേൾക്കാൻ പറ്റുക. അടുത്ത് തന്നെ ഞങ്ങൾക്ക് പുതിയ ഒരു അതിഥിയെ കിട്ടാൻ വല്ല ചാൻസും ഉണ്ടോ.

അത് കേട്ടതും സാം പെട്ടെന്ന് റിയയേ നോക്കി. പ്രിയ ആണെങ്കിൽ അവിടെ ആകെ ഇല്ലാത്ത നാണവും മുഖത്ത് വരുത്തി രാജിനെ നോക്കുന്നു.

എൻ്റെ പൊന്ന് റിയ കൊച്ചെ നാട്ടിലെ പരദൂഷണം അമ്മച്ചിമാർ ഇത് ചോദിക്കാൻ ഇവിടെ ഇല്ലാത്തതിൻ്റെ അ ഒരു കുറചിൽ നീയായിട്ട് തീർക്കുവാണോ.... അവൻ ദയനീയമായി അവളോട് ചോദിച്ചു

അതിന് മറുപടിയായി അവൾ ഒന്ന് ചിരിച്ച് കൊണ്ട് സാമിനെ നോക്കി. അവൻ അവളെ തന്നെ നോക്കി ഇരിക്കുകയായിരുന്നു.

അവൾക്ക് അവനോട് സംസാരിക്കണം എന്നുള്ളത് കൊണ്ട് ആദ്യം അവൾ മുന്നിൽ ഇരിക്കുന്ന പ്രിയയെയും രാജനെയും നോക്കി.

അവർ അവിടെ റിയ കൊറച്ച് മുന്നേ ഇട്ട് കൊടുത്ത പുതിയ അതിഥി എന്ന ടോപിക്കും പിടിച്ചുള്ള ചർച്ചയിൽ മറ്റൊന്നും ശ്രദ്ധിക്കുന്നില്ല എന്ന് കണ്ടതും റിയ പതിയെ സാമിന്  നേരെ തിരിഞ്ഞു.

എന്താ ഇച്ചായ ഇങ്ങനെ നോക്കുന്നെ.

എൻ്റെ വാവ സങ്കടം വല്ലാതെ ഉള്ളിൽ ഒതുക്കാൻ നോക്കുന്നുണ്ട് അല്ലേ.

അവൻ്റെ അ ചോദ്യം കേട്ടതും റിയ സങ്കടത്തോടെ അവനെ നോക്കി.

അത്... പിന്നെ... ഇച്ചായ... ഞാൻ.... അവൾ വാക്കുകൾക്ക് വേണ്ടി പരാതി

എന്തിനാ വാവേ ഇത്രക്ക് സങ്കടം. എല്ലാം നമ്മൾ ഇന്നലെ പറഞ്ഞതല്ലേ. പിന്നെ എന്തിനാ ഇങ്ങനെ വിഷമിക്കുന്നെ. നീ ഇങ്ങനെ സങ്കടപെട്ടാൽ എനിക്കും ആകെ സങ്കടമാവില്ലെ വാവേ. ഞാൻ പറഞ്ഞിട്ടില്ലേ എനിക്ക് എൻ്റെ പുലികുട്ടിയേയ ഇഷ്ടം എന്ന്.

എനിക്കറിയാം ഇച്ച. പക്ഷേ എന്തോ ഇച്ചായൻ പോവാറായപ്പോ മനസ്സിൽ എന്തോ കല്ല് കേറ്റി വച്ച പോലെ ഒരു ഭാരം.

അതൊന്നും ഇല്ല. എൻ്റെ കൊച്ച് നല്ല കൂൾ ആയെ. എന്നിട്ട് ഉഷാറായിട്ട് ഇച്ചായനെ പറഞ്ഞയക്ക്.

പിന്നെ നീ കണ്ടോ ചെന്ന് കഴിഞ്ഞാലും ഞാൻ നിൻ്റെ അടുത്തില്ല എന്നുള്ള തോന്നൽ ഒന്നും നിനക്ക് ഉണ്ടാവില്ല വാവേ. ഞാൻ സമയം ഉള്ളപ്പോൾ ഒക്കെ നിന്നെ വിളിക്കാം. നമ്മുക്ക് ഇങ്ങനെ അകന്ന് നിന്ന് സ്നേഹിക്കാം പെണ്ണേ. അതിനും ഒരു പ്രത്യേക ഫീൽ ആണ് വാവേ.

മ്മമ്... അവൾ ഒന്ന് മൂളിയതല്ലാതെ വേറെ ഒന്നും പറഞ്ഞില്ല.

കുറച്ച് കഴിഞ്ഞതും അവർ എയർ പോർട്ടിൽ എത്തി. സാം അവൻ്റെ ഒരു ബാഗും എടുത്ത്  പ്രിയക്ക് ഷേക്ക് ഹാൻഡ് കൊടുത്ത് കൊണ്ട്  രാജിനെ കെട്ടി പിടിച്ച് പ്രിയായൊടും രാജിനോടും യാത്ര പറഞ്ഞു. പിന്നെ റിയക്ക് നേരെ തിരിഞ്ഞ് അവളോടും യാത്ര പറഞ്ഞ് ഉള്ളിലേക്ക് പോവാൻ തുടങ്ങി.

അവൻ നടന്നു കുറച്ച് മുന്നിലേക്ക് എത്തിയതും പെട്ടെന്നാണ് റിയ ഓടി പോയി അവൻ്റെ മുന്നിൽ നിന്നത്. അവളുടെ ഓട്ടം കണ്ട് കാര്യം മനസ്സിലാവാതെ പ്രിയയും രാജും അവളെ തന്നെ നോക്കി.

സാം അവൻ്റെ മുന്നിൽ കിതച്ച് കൊണ്ട് നിൽക്കുന്ന റിയയെ കണ്ണും മിഴിച്ച് നോക്കി.

എന്താ വാവേ എന്താ പറ്റിയെ.

അത് ഇച്ചായ... ഞാൻ... ഒരു സാധനം തരാൻ... മറന്നു... എന്ന് കിതച്ച് പറഞ്ഞ് കൊണ്ട് റിയ അവളുടെ ജീൻസിൻ്റെ പോക്കറ്റിൽ നിന്നും ഒരു ചെറിയ ഗിഫ്റ്റ് അവൻ്റെ കയ്യിൽ വച്ച് കൊടുത്തു.

അവൻ അത് എന്താണ് എന്ന് മനസ്സിലാവാതെ അവളെ നോക്കിയതും അവൾ കണ്ണ് ചിമ്മി കാണിച്ചു.

ഇത് എൻ്റെ വക ഒരു ചെറിയ ഗിഫ്റ്റ് ആണ്. കാര്യമായിട്ട് ഒന്നും ഇല്ല എന്നാലും ചുമ്മാ ഇരിക്കട്ടെ.

മുന്നേ തരണം എന്ന് കരുതിയത പക്ഷെ പറ്റിയില്ല. അവിടെ ചെന്നിട്ട് എന്നെ വീഡിയോ കോളിൽ വിളിച്ചിട്ട് തുറന്ന് നോക്കിയാൽ മതി എന്നും പറഞ്ഞ് അവനോട് യാത്ര പറഞ്ഞ് അവൾ രാജിൻ്റെ പ്രിയയുടെയും അടുത്തേക്ക് പോയി.

അവൻ ഗിഫ്റ്റ് അവൻ്റെ പോക്കറ്റിൽ ഇട്ടിട്ട് അവൾ പോവുന്നത് ഒന്ന് നോക്കി ഒരു പുഞ്ചിരിയോടെ ഉള്ളിലേക്ക് നടന്ന് പോയി.

അയ്യോ എൻ്റെ കൊച്ചെ നിൻ്റെ ഓട്ടം കണ്ടപ്പോ ഞങ്ങൾ കരുതി ഇവിടെ എന്തെങ്കിലും ഓക്കേ നടക്കും എന്ന്. എന്നാ ഇവിടെ ഒന്നും നടന്നില്ലല്ലോ.

എന്ത് ഒട്ടമാ കുഞ്ഞേ നീ ഒടിയെ. ഹൊ നിനക്ക് ഒളിമ്പിക്സിന് പോവാമായിരുന്നു. എന്തായാലും മടൽ കിട്ടിയേനെ... പ്രിയ റിയ തിരികെ വന്നതും പറഞ്ഞു

ഹൊ മടൽ അല്ല ചൂട്ട്.... പെട്ടെന്ന് അത് കേട്ട് അവളെ കളിയാക്കി രാജ് പറഞ്ഞു.

അതിന് മറുപടിയായി പ്രിയ അവനെ ഒന്ന് കൂർപ്പിച്ച് നോക്കി

ഒരു കയ്യബധം... വെറും ആവേശങ്ങൊണ്ട് പറഞ്ഞ് പോയതാ... കൊല്ലരുത് പ്ലീസ് എന്നുള്ള ഭാവത്തിൽ രാജ് പ്രിയയെ നോക്കി

ഹൊ മതി രണ്ടാളും ഒന്ന് നിർത്തുനുണ്ടോ ഈ കഥകളി. ഞാൻ ഇച്ചായന് ഒരു സാധനം കൊടുക്കാൻ മറന്നു അത് കൊണ്ട് അത് കൊടുക്കാൻ പോയതാ... റിയ രണ്ട് പേരെയും മാറി മാറി നോക്കി കൊണ്ട് പറഞ്ഞു.

ഒരു ഹഗ് എങ്കിലും കാണാം എന്നും പ്രതീക്ഷിച്ച് നിന്നത് വെറുതെ ആയില്ലേ... പ്രിയ തമാശ പോലെ ചോദിച്ചതും റിയ അതിന് മറുപടിയായി ഒരു വാടിയ ചിരി ചിരിച്ചു.

കാരണം അവളും അവനിൽ നിന്ന് അങ്ങനെ ഒരു ചേർത്ത് പിടിക്കൽ മനസ്സിൽ ആഗ്രഹിച്ചിരുന്നു എങ്കിലും സാമിന് അതൊന്നും ഇഷ്ടമല്ല എന്നുള്ളത് കൊണ്ട് അവൾ അവളുടെ ആഗ്രഹം അവളുടെ മനസ്സിൽ തന്നെ മറച്ച് വച്ച് അവൻ പോവുന്നതും നോക്കി നിന്നു.

ഇനിയും അവിടെ നിന്നാൽ റിയക്ക് വല്ലാതെ സങ്കടം ആവും എന്ന് മനസ്സിലാക്കി അവർ വേഗം തന്നെ അവിടെ നിന്ന് റിയയുടെ ഹോസ്റ്റലിലേക്ക് തിരിച്ചു.

കുറച്ച് നേരത്തിനുള്ളിൽ തന്നെ അവർ ഹോസ്റ്റലിൽ എത്തി. അവർ വന്ന സമയത്ത് നമ്മുടെ വാനര പട താഴെ ഹാജർ വച്ചിരുന്നു.

അല്പനേരം അവരുടെ കൂടെ ചിലവഴിച്ചതിന് ശേഷം പിന്നെ കാണാം എന്നും പറഞ്ഞ് പ്രിയയും രാജും തിരികെ പോയി.

______________________________________________

വൈകുന്നേരം ഓരോ വർക്കുകളിൽ ആയിരുന്നു നമ്മുടെ പിള്ളാര്. നാലഞ്ച് ദിവസമെ ഇവിടെ ഇല്ലാതിരിന്നൊള്ളൂ എങ്കിലും റൂമിലേക്ക് വന്നപ്പോ എല്ലാവർക്കും എന്തോ വല്ലാത്ത ഒരു മാറ്റം പോലെ.

ഹൊ ഇനി നാളെ മുതൽ പിന്നെയും കോളേജിൽ പോവണമല്ലോ എന്നോർത്ത് പിറുപിറുക്കുകയാണ് നമ്മുടെ പൊന്നമ്മ.

ദേവു ആണെങ്കിൽ വെറുതെ വീ ടിവിയിൽ  ഇരുന്ന് ഏതൊക്കെയോ കൊറിയൻ സീരീസ് കണ്ട് തകർക്കുന്നു.

ജാനി പിന്നെ അവളുടെ നാന്ദേട്ടനുമായി ഫോണിൽ ആണ്.

( അതാരാ ഈ പുതിയ അവതാരങ്ങൾ : ലെ വായനക്കാർ

ഹൊ അത് ഞാൻ പറയാൻ മറന്നു. ഇപ്പോഴല്ലേ പ്രശ്നങ്ങൾ ഒക്കെ ഒന്ന് ഒതുങ്ങിയത് : ലെ പാറു

അതിനും മാത്രം പറയാൻ ഉണ്ടോ : ലെ വായനക്കാർ

കുറെ ഒന്നും ഇല്ല എന്നാലും ചിലത് ഉണ്ട് നമ്മുടെ പിള്ളാരെ കുറിച്ച് പറയാൻ : ലെ പാറു

ആഹാ പറ എന്നാ കേൾക്കട്ടെ : ലെ വായനക്കാർ

ഓക്കേ 🥰🥰🥰 : പാറു )

ഈ നന്ദേട്ടൻ നമ്മുടെ ജാനിയുടെ അമ്മായി അതായത് അച്ഛൻ്റെ പെങ്ങളുടെ മകനാണ്. ചുരുക്കി പറഞാൽ അവളുടെ മുറ ചെറുക്കൻ ആണ് കക്ഷി.

ചെറുപ്പം മുതലേ പറഞ്ഞ് വച്ചിരിക്കുന്ന ബന്ധം ആണ് ഇവരുടെത്. അത് കൊണ്ട് ഒരു പ്രശ്നവും ഇല്ലാതെ ഇങ്ങനെ സ്വസ്ഥമായി പ്രണയിച്ച് കൊണ്ട് മുന്നേറുന്നു. നന്ദേട്ടൻ നാട്ടിൽ തന്നെ ബാങ്ക് മാനേജർ ആയിട്ട് ജോലി ചെയ്യുന്നു.

ജാനിയേ ഇങ്ങോട്ട് വിട്ട് പഠിപ്പിക്കുന്നതിന് അവളുടെ അച്ഛനും അമ്മക്കും ആദ്യം അത്ര താൽപര്യം ഇല്ലായിരുന്നു എങ്കിലും ഇങ്ങോട്ട് വിടാൻ കാരണം തന്നെ നന്ദേട്ടൻ ആണ്.

പെൺകുട്ടികൾ പുറത്ത് ഒക്കെ പോയി പഠിച്ച് അവരുടെ കാര്യങ്ങൾ സ്വയം ചെയ്യാൻ പ്രാപ്തരാവണം, പല പല ജീവിതങ്ങൾ  നേരിട്ട് കണ്ടറിയണം എന്നൊക്കെയാണ് ആളുടെ ഒരു ഇത്.

പിന്നെ നമ്മുടെ ബാക്കി പിള്ളാരെ പറ്റി പറയുവാൻ ആണെങ്കിൽ നമ്മുടെ യഷിനും ഉണ്ടൊരാൾ. ആളുടെ പേര് മീനാക്ഷി. അവൻ്റെ മാത്രം കുഞ്ചുസ്. രണ്ടാളും കളികൂട്ട്കാരാണ്. മീനു നാട്ടിൽ ഇപ്പൊ ഡിഗ്രീ ആദ്യ വർഷ വിദ്യാർഥിനിയാണ്. ഒരു പാവം പൂച്ചകുട്ടി. പഠിച്ച് ജോലിയൊക്കെ ആയി സെറ്റിൽ ചെയ്തിട്ട് വേണം എല്ലാം സേറ്റാക്കാൻ എന്നാണ് രണ്ടാളുടെയും തീരുമാനം.

പിന്നെ നമ്മുടെ രോഹിത് ആസ്ഥാന കൊഴിയാണ് എങ്കിലും ഇത് വരെ ഒരാളും പെർമനൻ്റ് ആയിട്ട് സെറ്റ് ആയിട്ടില്ല. അത് കൊണ്ട് തന്നെയാണ് പുള്ളി ഇങ്ങനെ നടക്കുന്നതും.

ദേവു ഇത്രയും കാലമായിട്ട്  ആരും അങ്ങനെ മനസ്സിൽ കയറി കൂടാതത് കൊണ്ട് ഇങ്ങനെ സ്വസ്ഥമായി നടക്കുന്നു.

പൊന്നമ്മക്ക് പിന്നെ ഈ വക ഇടവാട് ഒന്നും തന്നെ ഇല്ല. ആളൊരു ഈസി ഗോയിംഗ് ടൈപ്പ് ആണ്. ഇങ്ങനെ എല്ലാവരും കൂടെ ഒരുമിച്ച് അടിച്ച് പൊളിച്ച് നടക്കണം എന്ന് മാത്ര മാണ് ആളുടെ ഒരു ഇത്. ബാക്കി ഒക്കെ അതിൻ്റെ വഴിക്ക് നടക്കും എന്നാണ് പുള്ളികാരിയുടെ വിശ്വാസം.

______________________________________________

ഇന്ന് രാവിലെ വന്നതിന് ശേഷം റിയക്ക് ഒന്നിന്നും വല്ലാതെ ഉഷാർ ഇല്ലായിരുന്നു. പിന്നെ അവൾ വീട്ടിലേക്ക് വിളിച്ച് സംസാരിച്ച് ശേഷം പ്രിയയെ വിളിച്ച് അവർ എത്തിയോ എന്ന് ചോദിച്ചു.

അത് കഴിഞ്ഞ് സാമിന് ചെന്നിട്ട് വിളിക്കാൻ പറഞ്ഞ് മെസ്സേജ് അയച്ചു. അവൻ ചേക്കിൻ ചെയ്തു, ഫോൺ ഓഫ് ആക്കുകയാണ്, എത്തിയിട്ട് വിളിക്കാം എന്നും പറഞ്ഞു അവൾക്ക് തിരിച്ചും മെസ്സേജ് അയച്ചു.

ഉച്ചക്ക് ഫുഡും കഴിച്ച് തല വേദനയാണ് എന്നും പറഞ്ഞ് കേറി കിടന്നതാണ് നമ്മുടെ റിയ. പെട്ടെന്നുള്ള ഫോണിൻ്റെ റിങ് കേട്ടാണ് പുള്ളിക്കാരി എഴുനെറ്റത്.

സാമിൻ്റെ വീഡിയോ കാൾ ആണ് അതെന്ന് കണ്ടതും അവൾ വേഗം എഴുനേറ്റു, എന്നിട്ട് മുടിയൊക്കെ ഒന്ന് നേരെ ആക്കി ഫോൺ എടുത്തു.

റിയ : ഹലോ ഇച്ഛാ... എപ്പൊ എത്തി

സാം : ഞാൻ ഉച്ചയായപ്പോഴേക്കും എത്തി. നാലഞ്ച് ദിവസം മാറി നിന്നത് കൊണ്ട് കുറച്ച് പെൻ്റിങ് വർക്ക് ഉണ്ടായിരുന്നു. അത് കൊണ്ട് വന്നപ്പോ ഫുഡും കഴിച്ച് നേരെ ഓഫീസിലേക്ക് ഒന്ന് പോയി. അതാ അപ്പോ വിളിക്കാഞ്ഞെ

റിയ : ആണോ. എന്നിട്ട് ഇപ്പൊ വർക് ഒക്കെ കഴിഞ്ഞോ

സാം : ഉവ്വ കഴിഞ്ഞു. ഇനി എല്ലാം നാളെ. അല്ല നീ ഉറങ്ങുവായിരുന്നോ

റിയ : ആന്നെ. ഭയങ്കര തലവേദന ആയിരുന്നു ഉച്ചക്ക്. ഇപ്പൊ ശരിയായി.

സാം : ആഹാ ഞാൻ എന്ന തലവേദന പോന്നത് കൊണ്ടാണോ ഇപ്പൊ എൻ്റെ കൊച്ചിന് ഇങ്ങനെ ഒരു തലവേദന... അവൻ അവളെ കളിയാക്കുംപോലെ പറഞ്ഞു

റിയ : ദേ ഇച്ചാ തമാശിക്കല്ലേ... അവൾ അവനെ ചുണ്ട് കൂർപ്പിച്ച് നോക്കി

സാം : ദേ പെണ്ണേ ഇങ്ങനെ നൊക്കല്ലെ. മനുഷ്യൻ്റെ കൺട്രോൾ കളയാൻ ആയിട്ട്. അടുത്ത ഫ്ലൈറ്റ് പിടിച്ച് അങ്ങോട്ട് വരും ഞാൻ

റിയ : ഓ പിന്നെ ചുമ്മാ ഒലിപ്പിക്കാതെ ചുമ്മാ ഇരിക്ക് ഇച്ച

സാം : ഇത് ഒലിപ്പീരോന്നും അല്ല വാവേ. സത്യമാ. ഐ റിയലി മിസ്സ് യു വാവേ. ശരിക്കും ഈ കുറച്ച് മണിക്കൂറുകൾ കൊണ്ട് തന്നെ വല്ലാതെ മിസ്സ് ചെയ്യുന്നു നിന്നെ

റിയ : മിസ്സ് യൂ ടൂ ഇച്ഛാ. വെറുതെ ഇങ്ങനെ ഓരോന്നും പറഞ്ഞ് എന്നേം കൂടെ വിഷമിപിക്കല്ലെ. ഞാൻ ഒരു കണക്കിന പിടിച്ച് നിൽക്കണെ.... അവൾ സങ്കടത്തോടെ പറഞ്ഞു

സാം : അല്ല അത് വിട്. ഞാൻ ആദ്യം നീ തന്ന ഗിഫ്റ്റ് എന്താണ് എന്ന് നോക്കട്ടെ... സാം വിഷയം മാറ്റികൊണ്ട് പറഞ്ഞു.

റിയ : അത് അത്രക്ക് വലിയ സംഭവം ഒന്നും അല്ല ഇച്ചായ. ഞാൻ ചുമ്മാ ഇരുന്നപ്പോ പണ്ട് ചെയ്ത ഒരു സംഭവമാണ്. എന്തോ എൻ്റെ ഒരു ഓർമ്മക്കായി ഇച്ചായന് അത് തരണം എന്ന് തോന്നി.

സാം : ആണോ നോക്കട്ടെ എന്താ സംഭവം എന്നും പറഞ്ഞ് അവൻ അ ചെറിയ ഗിഫ്റ്റ് കവർ തുറന്നു. അതിലെ സംഭവം കണ്ടതും അവൻ്റെ കണ്ണുകളിൽ സന്തോഷം നിറഞ്ഞു. ഒരു ചെറിയ ഹാൻഡ് മെയ്ഡ് മിനി ബുക്ക് ആയിരുന്നു അത്.

 

സാം : ഇത് കൊള്ളാല്ലോ വാവേ. അവൻ അതിലെ ഓരോ പേജുകളും മറിച്ച് നോക്കി കൊണ്ട് അവളോട് പറഞ്ഞു.

റിയ : ശരിക്കും ഇഷ്ടായോ ഇച്ചായ. അത് ഞാൻ തന്നെ ഉണ്ടാക്കിയത. അതിൽ എഴുതിയിരിക്കുന്നത് എൻ്റെ ഓരോ പോട്ടതരങ്ങളും ആഗ്രഹങ്ങളും ആയിരുന്നു.

സാം : അതെന്താ ആയിരുന്നു എന്ന് ഇപ്പൊ അതൊന്നും ഇല്ലെ.. അവൻ അവളെ സംശയത്തോടെ നോക്കി കൊണ്ട് ചോദിച്ചു.

റിയ : അത് പിന്നെ ഇതൊക്കെ എൻ്റെ ജീവിതത്തിൽ ഓരാൾ കടന്ന് വരുന്നതിന് മുന്നേ ഞാൻ കണ്ട സ്വപ്നങ്ങൾ അല്ലേ.

ആരാവും വര എങ്ങനെയാവും എന്നൊന്നും അറിയുന്നതിന് മുന്നേ ചിന്തിച്ച് കൂട്ടിയ ആഗ്രഹങ്ങൾ.

ഇപ്പൊ എനിക്ക് ഇച്ഛായനെ കിട്ടി. ഞാൻ ആഗ്രഹിച്ച പോലെയുള്ള ഒരാൾ ആയത് കൊണ്ട് തന്നെയാവണം ഞാൻ ഇച്ഛായനെ ഇഷ്ടപെട്ടത്.

പക്ഷേ അതിനർത്ഥം എൻ്റെ എല്ലാ ആഗ്രഹങ്ങളും സ്വപ്നങ്ങളും ഞാൻ ഇച്ചായനിൽ അടിച്ചേൽപ്പിക്കണം എന്നല്ലല്ലോ. അത് കൊണ്ടാ ഞാൻ ആയിരുന്നു എന്ന് പറഞ്ഞത്.

സാം : പക്ഷേ എല്ലാ ആഗ്രഹങ്ങളും ഞാൻ സാധിച്ച് തന്നാലോ... അവൻ പുരികം പൊക്കിയും താഴ്ത്തിയും ചോദിച്ച്

റിയ : അങ്ങനെ തന്നാൽ ഓരുപാട് സന്തോഷം. കിട്ടിയില്ലെങ്കിൽ ഒരു സങ്കടവും ഉണ്ടാവില്ല കാരണം ചിലപ്പോ വിധി നമ്മൾ ആഗ്രഹിച്ചതിനേക്കാൾ നല്ലതായിരിക്കും തരുന്നതെങ്കിലോ.

സാം : മ്മം... മതി മതി എൻ്റെ കൊച്ചിൻ്റെ പ്രസംഗം. അതികം ഒന്നും ആലോചിച്ച് അ കുഞ്ഞി തല പുണ്ണാക്കണ്ട. പിന്നെ എനിക്ക് ഗിഫ്റ്റ് ഒരുപാട് ഇഷ്ടപ്പെട്ടു.

അതിന് മറുപടിയായി റിയ അവനെ നോക്കി ചിരിച്ചു😘😘😘

സാം : ഇന്ന് നേരത്തെ ഫുഡ് ഒക്കെ കഴിച്ച് വേഗം കിടന്ന് ഉറങ്ങി കോളണം കേട്ടോ. നാളെ കൊളെജിൽ പോവാൻ ഉള്ളതല്ലേ. പിന്നെ അവിടെ ചെന്നിട്ട് സാന്ദ്രയെ പറ്റി വല്ല ചർച്ചയും വന്നാൽ ഒന്നും അറിഞ്ഞതായി കാണിക്കണ്ട.

ആരെങ്കിലും എന്തെങ്കിലും ചോദിച്ച നിനക്ക് വയ്യാതെ ആയി അത് കൊണ്ട് ഇത്രേം ദിവസം വന്നില്ല... അത് മാത്രം മതി മറുപടി. അവരോടും പറഞ്ഞെക്ക്.

റിയ : ശരി ഇച്ചാ. ആരും അങ്ങനെ ചോദിക്കാൻ വരില്ല എന്നാണ് എൻ്റെ ഒരു ഇത്.

ഹോസ്റ്റലിൽ വന്നിട്ടും ഇത് വരെ ആരും ഒന്നും ചോദിച്ചില്ല. ഞാൻ പറഞ്ഞില്ലേ അവരെ ഒക്കെ ആരും അങ്ങനെ അന്വേഷിക്കില്ല. എന്തെങ്കിലും വേണ്ടാത്ത ആവശ്യം വന്നാലേ അവർക്കൊക്കെ വിലയുള്ളൂ. ഇല്ലെങ്കിൽ വെറും പാഴ് ജന്മങ്ങളാ അവരൊക്കെ. 

സാം : മ്മ്... അപ്പോഴേ ഞാൻ ആകെ ക്ഷീണിച്ചു. ഞാൻ ഇനി രാത്രി വേറെ വിളിക്കില്ല. കുറച്ച് കഴിഞ്ഞ് ഫുഡും കഴിച്ചിട്ട് കിടക്കും കേട്ടോ വാവേ

റിയ : ഓക്കേ ഇച്ചായ... അല്ല ഇച്ചായൻ വീട്ടിലേക്ക് വിളിച്ചായിരുന്നോ

സാം : ഇല്ല വാവേ... അങ്ങനെ സ്ഥിരമായി വിളിക്കുന്ന ശീലം ഒന്നും എനിക്കില്ല.

റിയ : അതെന്ന ഇച്ചായ അങ്ങനെ. ഇടക്ക് ഒന്ന് വിളിച്ച് സംസാരിച്ചു എന്ന് വച്ച് ഒരു കുഴപ്പവുമില്ല. മരിയാതക്ക് ഇപ്പൊ വിളിച്ച് സംസാരിച്ചിട്ട് മതി ബാക്കി ഒക്കെ.

സാം : ആയികൊട്ടെ എൻ്റെ കെട്ടിയോൾ പറഞ്ഞിട്ട് ഇനി ഞാൻ കേട്ടില്ല എന്ന് വേണ്ട. അപ്പോ എല്ലാം പറഞ്ഞ പോലെ നാളെ രാവിലെ വിളിക്കാം.

ഗുഡ് നൈറ്റ് വാവേ ലൗ യൂ ഉമ്മാ🥰🥰🥰

റിയ : ഗുഡ് നൈറ്റ് ഇച്ഛ ലൗ യു ടൂ ഉമ്മ🥰🥰🥰

പിന്നെ അവൾ ഫോൺ കട്ടാക്കി യഷിനെയും രോഹിതിനെയും വീഡിയോ കോൾ ചെയ്തു. സാം സാന്ദ്രയേ പറ്റി ആരോടും ഒന്നും പറയണ്ട എന്ന് പറഞ്ഞ വിവരം അവൾ പിള്ളാരെ അറിയിച്ചു. കുറച്ച് നേരം കൂടി എന്തൊക്കെയോ സംസാരിച്ച ശേഷം ഫോൺ വച്ച് പെൺ പിള്ളെരെല്ലാം ഫുഡും കഴിച്ച് വന്ന് കിടന്ന് ഉറങ്ങി.
______________________________________________

പിറ്റേന്ന് രാവിലെ തന്നെ സാമിൻ്റെ ഫോൺ കെട്ടിട്ടാണ് റിയ ഉണർന്നത്.

സാം : ഗുഡ് മോണിംഗ് വാവേ ഉമ്മ🥰

റിയ : ഗുഡ് മോണിംഗ് ഇച്ച അവൾ ഉറക്ക ചടവൊടെ പറഞ്ഞു

സാം : രാവിലെ നേരത്തെ എഴുനേൽക്കുന്ന ആളാണല്ലോ. ഇന്നെന്തെ എഴുനെറ്റില്ലെ

റിയ : ഇല്ല വൈകി. നല്ല ക്ഷീണം കാരണം ഉറങ്ങി പോയി.

സാം : ഓക്കേ അപ്പോ കോളേജിൽ ഒക്കെ പോയി അടിച്ച് പോളിക്ക്. ഞാൻ പിന്നെ എപ്പോഴെലും വിളിക്കാം.

റിയ : ഓക്കേ ഇച്ചാ.
Have a great day love you 🥰

സാം : love you to my darling🥰

______________________________________________

റിയ ഫോൺ കാട്ടാക്കി എഴുനെറ്റതും പിന്നാലെ നമ്മുടെ പടകൾ എല്ലാം എഴുനേറ്റു.

പിന്നെ എല്ലാം പെട്ടെന്ന് ആയിരുന്നു. ആകെ ഒരു തിരക്കും ബഹളവും. എല്ലാവരും വേഗം ബ്രഷ് ചെയ്യുന്നു, കുളിക്കുന്നു, ഫുഡ് കഴിക്കുന്നു, റെഡി ആവുന്നു, കോളേജിലേക്ക് പോവുന്നു.

കോളേജിലേക്ക് പോവാൻ താഴേക്കി ഇറങ്ങിയപ്പഴാണ് ഗേറ്റിൻ്റെ അവിടെ തങ്ങളെ കാത്ത് നിൽക്കുന്ന നമ്മുടെ യഷിനെയും രോഹിതിനെയും അവർ കണ്ടത്. പിന്നെ അവർ എല്ലാം ഒരുമിച്ച് കോളേജിലേക്ക് പോയി.

കോളേജിൽ ചെന്നപ്പോൾ അങ്ങിങ്ങായി സാന്ദ്രയെ കുറിച്ചുള്ള ചർച്ചകൾ നടക്കുന്നുണ്ട് എങ്കിലും അവരോട് ആരും ഒന്നും ചോദിക്കാനും പോയില്ല. അവരും ഒന്നിലും വലിയ താൽപര്യം കാണിച്ചില്ല.

അങ്ങനെ അവർ ഉച്ചവരെയുള്ള ക്ലാസ്സുകൾ എല്ലാം കഴിഞ്ഞ് ലഞ്ച് ബ്രേക്കിൽ ഫുഡ് അടിക്കാൻ ആയി കാൻ്റീനിലെ പോയി.

ബ്രേക്ക് ആയത് കൊണ്ട് റിയ സാമിന് ഫുഡ് കഴിച്ചോ എന്ന് മെസ്സേജ് അയച്ചതും... ഇല്ല അവൻ മീറ്റിംഗിൽ ആണെന്നും, വൈകീട്ട് വിളിക്കാം എന്നും, അവളോട് ഫുഡ് കഴിക്കാനും പറഞ്ഞ് അവൻ തിരികെ മെസ്സേജ് അയച്ചു.

ഇതിനിടയിൽ ജാനിയും നന്ദേട്ടനെ ഒന്ന് വിളിച്ച് സംസാരിച്ചു. അതെ സമയം പൊന്നമ്മയും ദേവുവും കൂടി വെറുതെ കാൻ്റീനിൽ ഉള്ള എല്ലാവരെയും വീക്ഷിച്ച് ഓരോ കണ്ട് പിടുതങ്ങൾ നടത്തി ഓരോന്നും ചർച്ചിക്കുകയായിരുന്നു.

ആ ചേച്ചി കഴിക്കുന്ന ബിരിയാണിയിൽ പീസ് ഇല്ല. മറ്റേ ചേട്ടൻ്റെ നീല ഷർട്ടിന് ഒരു വെള്ള പാൻ്റ് ആണ് കൂടുതൽ ചേരുന്നത്. അലമാരിയിൽ ഇരിക്കുന്ന പപ്സിൻ്റെ വയസ് പോലെയുള്ള അന്താരാഷ്ട്ര വിഷയങ്ങൾ ആണ് അവർ ചർച്ചിക്കുന്നത്.

അവരവരുടെ പണികൾ കഴിഞ്ഞതും നമ്മുടെ റിയയും, ജാനിയും കൂടെ ഇവരുടെ ചർച്ചകളിൽ പങ്ക് ചേർന്നു.

പിന്നെ ആ ചർച്ചക്ക് വിരാമം ഇട്ടത് നമ്മുടെ ആൺപിള്ളാര് ഫുഡും ആയി വന്നപ്പോഴാണ്.

എടാ നീ ആ സോസും കൂടെ കൊണ്ട് വന്നിട്ട് ഇരിക്കെട... എല്ലാം ടേബിളിൽ വച്ച് ഇരിക്കാൻ പോയ രോഹിതിനേ നോക്കി റിയ പറഞ്ഞു.

ഓക്കേ എന്നും പറഞ്ഞ് രോഹിത് അടുത്ത ടേബിളിൽ നിന്നും സോസും എടുത്ത് തിരിഞ്ഞ് അവരുടെ അടുത്തേക്ക് വരാൻ പോയതും പെട്ടെന്ന് ആരോ റിയ എന്നും കൂവിക്കൊണ്ട് അവരുടെ അടുത്തേക്ക് ഓടി വന്നു.

എന്നാൽ വന്നയാളുടെ ഓട്ടം കുറച്ച് വേഗത്തിൽ ആയതിനാൽ വിചാരിച്ച സ്ഥലത്ത് ബ്രേക്ക് കിട്ടാതെ കക്ഷി നേരെ നമ്മുടെ രോഹിതിൻ്റെ മെത്തേക്ക് ലാൻ്റ് ചെയ്തു. അതിൻ്റെ ആഘാതത്തിൽ അവർ നേരെ ഭൂമിയിലേക്കും പോയി.

ഒരു നിമിഷം എന്താണ് സംഭവിച്ചത് എന്ന് മനസ്സിലാവാതെ അവർ എല്ലാം പരസ്പരം നോക്കി. 

എന്നാ രോഹിത് തൻ്റെ മേലേക്ക് വന്ന് വീണ ആളെ ഒന്ന് തറപ്പിച്ച് നോക്കി നീയോ.... എന്നും ചോദിച്ച് അലറി.

അ ഒരു അലർച്ചയിൽ നമ്മുടെ പിള്ളാർക്ക് വീണ്ടും ബോധം വന്നു.

എഴുനേറ്റു മാറടി മരയോന്ദേ എൻ്റെ മെത്ത് നിന്ന്. രോഹിത് അവൻ്റെ മേലെ കിടക്കുന്ന ശ്രീ നോക്കി വീണ്ടും അലറി.

ഹൊ ഞാൻ മാറുവ. അല്ലാതെ നിങ്ങളുടെ കൂടെ ഇങ്ങനെ കിടക്കാൻ ഒന്നും പോവുന്നില്ല എന്നും പറഞ്ഞ് ശ്രീ അവൻ്റെ മെത്ത് നിന്നും എഴുനേൽക്കാൻ നോക്കിയതും സോസിൽ കൈ തെന്നി പിന്നെയും അവൻ്റെ നെഞ്ചത്ത് തന്നെ ലാൻ്റ് ചെയ്തു.

അമ്മേ എൻ്റെ നടു ഒടിഞ്ഞെ. എന്നെ ഇവൾ കൊല്ലുന്നതിന് മുന്നേ ഈ പിശാശിനെ ആരെങ്കിലും ഒന്ന് പിടിച്ച് മാറ്റട എന്ന് രോഹിത് എല്ലാവരെയും നോക്കി അലറിയതും

അയ്യോ എൻ്റെ മാതാവേ എന്നും പറഞ്ഞ് റിയ ഓടി പോയി ശ്രീയെ പിടിച്ച് രോഹിതിൻ്റെ മേത്ത് നിന്നും എഴുനേൽപ്പിച്ചു.

പിന്നെ യഷ് വേഗം തന്നെ രോഹിതിനെയും എഴുനെൽപ്പിച്ചു.

രണ്ടാളും എഴുനെറ്റതും എല്ലാവരും അവരെ മാറി മാറി നോക്കി. എന്നാ ഇതൊന്നും ശ്രദ്ധിക്കാതെ രോഹിതും ശ്രീയും പരസ്പരം കണ്ണിൽ കണ്ണിൽ നോക്കി നിൽക്കുകയായിരുന്നു.

ആരും തെറ്റിധരിക്കണ്ട അത് ഇഷ്ടത്തോടെ കണ്ണും കണ്ണും കഥകൾ കൈ മാറുന്നതല്ല പകരം സൂക്ഷിച്ച് നോക്കിയാൽ കാണാം രണ്ട് പേരുടെയും കണ്ണുകളിൽ മറ്റ് പല ഭാവങ്ങളും ആയിരുന്നു.

തുടരും........💓

 

എല്ലാവരോടും ഒത്തിരി ഒത്തിരി സ്നേഹം മാത്രം 🥰🥰🥰
പാറു💓