Part 54



അച്ഛേ എനിക്കൊരു കാര്യം പറയാനുണ്ട്. (ആയു)

എന്താ മോളെ. (രുദ്രൻ )

അത് കണ്ണേട്ടനും ആയിട്ടുള്ള പ്രൊപോസൽ ഫോർവേഡ് ചെയ്തോ എനിക്ക് സമ്മതമാണ്.  (ആയു )

മോളെ നീ എന്തൊക്കെയാ പറയുന്നത്. ഇങ്ങനെ എടുത്ത് ചാടിയൊരു തീരുമാനം എടുക്കണോ. (ദേവിക )

അമ്മാ... ഞാൻ ആലോചിച്ച് തീരുമാനം എടുത്തതാണ്. നിങ്ങൾക്കും ഇഷ്ടമാണെങ്കിൽ എനിക്ക് വേറെ എതിർപ്പൊന്നും ഇല്ല. (ആയു )

ഇതും പറഞ്ഞവൾ അവിടെ നിന്ന് റൂമിലേക്ക് പോയി. അവൾ പറഞ്ഞിട്ട് പോയ വാക്കുകളിൽ ആയിരുന്നു രുദ്രന്റെ മനസ്സപ്പോൾ.


                      (തുടർന്ന് വായിക്കുക)


തന്റെ മകളുടെ പെട്ടെന്നുള്ള മാറ്റത്തിൽ രുദ്രനും ദേവികയും അതിശയിച്ചു പോയി.

ആയുവിന് എന്ത് പറ്റി ഏട്ടാ. (ദേവിക )

ദേവിക തന്റെ മനസ്സിലെ സംശയം മറ കൂടാതെ രുദ്രനോട് ചോദിച്ചു.

നിനക്ക് തോന്നുന്നുണ്ടോ അവൾ കിച്ചുവിനെ മറന്നെന്ന്. (രുദ്രൻ )

കിച്ചുവിനെ മറന്നോ എന്ന് ചോദിച്ചാൽ എനിക്ക് അറിയില്ലേട്ടാ പക്ഷെ അവൾക്കൊരിക്കലും കണ്ണനെ ഭർത്താവായി കാണാൻ സാധിക്കില്ല. (ദേവിക )

കിച്ചുവിനെ മറന്നിട്ടും ഇല്ലെടോ. എന്റെ കുഞ്ഞിനെ എനിക്ക് അറിയാമെടോ അവൾക്ക് ഈ ജന്മം അവനെ മറക്കാൻ സാധിക്കില്ല. (രുദ്രൻ )

രുദ്രന്റെ വാക്കുകൾക്ക് വല്ലാത്ത ഉറപ്പുണ്ടെന്ന് ദേവികക്ക് തോന്നി.

ഇനിയെന്ത് വേണമെന്ന് ഞാൻ തീരുമാനിച്ചോളാം. (രുദ്രൻ )

എന്തോ മനസ്സിൽ ഊട്ടി ഉറപ്പിച്ചെന്നത് പോലെ അയാൾ പറഞ്ഞു.

രുദ്രേട്ടാ...

ദേവികയുടെ വിളിയാണ് അയാളെ ചിന്തകളിൽ നിന്ന് ഉണർത്തിയത് അദ്ദേഹം എന്തെന്ന ഭാവത്തിൽ അവരെ നോക്കി.

രുദ്രേട്ടാ... എന്ത്‌ തീരുമാനം ആയാലും ശെരി നമ്മളുടെ മോൾടെ കണ്ണ് നിറയരുത്.

ഒരു അമ്മേടെ ആകുലതയും ദൈന്യതയും അവരുടെ മുഖത്ത് അദ്ദേഹത്തിന് കാണാൻ സാധിച്ചു.

ഇല്ലെടോ. എന്റെ മോളെ വേദനിപ്പിക്കുന്നതൊന്നും ഞാൻ ചെയ്യില്ല. പകരം അവളെ വേദനിപ്പിക്കാനും ഞാൻ ആരെയും അനുവദിക്കില്ല.

ഒരു വല്ലാത്ത ഭാവത്തോടെ ദൂരേക്ക് ദൃഷ്ടിയൂന്നി രുദ്രൻ പറഞ്ഞു. ആ വാക്കുകൾ നൽകിയ ആശ്വാസത്തിൽ ദേവികയുടെ മുഖത്തും ശാന്തത കൈവരിച്ചു.

ആയുവിന്റെ തീരുമാനം രുദ്രൻ തന്നെ കണ്ണന്റെ വീട്ടിൽ അറിയിച്ചു. സുപ്രിയക്ക് വളരെയധികം സന്തോഷം നൽകിയിരുന്നു ഈ വാർത്ത. പക്ഷെ ആ സാധു സ്ത്രീ അറിഞ്ഞില്ല തന്റെ മകന്റെ കാപട്യത്തിൽ വീണ് പോയതാണ് ആ പാവം പെണ്ണെന്ന്.

പിന്നീട് എല്ലാം വളരെ പെട്ടെന്നായിരുന്നു നടന്നത്. വേഗം തന്നെ രണ്ട് വീട്ടുകാരും ഒത്തുകൂടി നല്ലൊരു മുഹൂർത്തം നോക്കി നിശ്ചയം നടത്താൻ തീരുമാനിച്ചു. എല്ലാവരും അവളുടെ ഈ മാറ്റത്തെ അംഗീകരിച്ചപ്പോൾ പാറു മാത്രം അതിൽനിന്നും അവളെ പിൻതിരിപ്പിക്കാൻ ശ്രെമിച്ചു കൊണ്ടിരുന്നു. ഒരാളെ മനസ്സിൽ വെച്ച് മറ്റൊരാളെ എങ്ങനെ സ്വീകരിക്കാൻ പറ്റും. ഏതൊരു പെണ്ണിനും താൻ സ്നേഹിക്കുന്ന പുരുഷന്റെ കൂടെ ജീവിക്കാൻ ആവും ആഗ്രഹം. ആ ഒരു കാരണം മതിയാരുന്നു ആ വിവാഹത്തെ എതിർക്കാൻ തന്നെ. പക്ഷെ ആയുവിന്റെ മുഖത്തെ സന്തോഷം അവളെ ധർമ്മസങ്കടത്തിൽ ആഴ്ത്തി. അവളുടെ ഈ മാറ്റത്തിൽ ആദി മാത്രം ഒരു അഭിപ്രായവും പറഞ്ഞില്ല അവളുടെ മനസ്സിൽ എന്തോ ഒന്നുണ്ടെന്ന് അവന് മനസ്സിലായിരുന്നു.

______________________________❤️

നിശ്ചയത്തിന്റെ ഒരുക്കങ്ങളെ കുറിച്ച് സംസാരിക്കാൻ വേണ്ടി കണ്ണന്റെ അച്ഛനും അമ്മയും കിച്ചുവിന്റെ വീട്ടിൽ വന്നു. അതിനോടൊപ്പം തന്നെ അവരെ എൻഗേജ്മെന്റിന് ക്ഷെണിക്കാനും കൂടെ ആയിരുന്നു ആ വരവ്. അവിടെ വന്ന് അരുന്ധതിയോട് കല്യാണക്കാര്യം സുപ്രിയ പറഞ്ഞപ്പോൾ അവർക്ക് തിരികെ  ഒരു വരണ്ട പുഞ്ചിരി നൽകി അരുന്ധതി. അവരുടെ ഉള്ളം കുറ്റബോധത്താൽ നീറി കൊണ്ടിരുന്നു.

ഇതേ സമയം ആണ് കിച്ചു കോളേജിലേക്ക് പോവാനായി ഇറങ്ങിയത് അപ്പോൾ സുപ്രിയ അവനോടായി പറഞ്ഞു.

മോനെ കിച്ചൂട്ടാ.....

എന്താ പ്രിയാമ്മേ...

കണ്ണന്റെ കല്യാണത്തിന്റെ കാര്യവാ ഞങ്ങൾ സംസാരിച്ചു കൊണ്ടിരുന്നത്. നിനക്ക് വേണ്ടിയും ഒരു കുട്ടിയെ നോക്കട്ടെ മോനെ.

അവരുടെ സംസാരം കേട്ട് അവൻ ഒന്നും മനസ്സിലാവാതെ നെറ്റി ചുളിച്ച് എല്ലാവരെയും നോക്കി.

പ്രിയാമ്മ എന്തൊക്കെയാ ഈ പറയുന്നേ. ആരുടെ വിവാഹം.

ഇത് കേട്ട് സുപ്രിയ അരുന്ധതിയെ നോക്കി.

അത് പ്രിയേ അവനോടൊന്നും പറഞ്ഞിട്ടില്ല ഇത് വരെ .

സുപ്രിയയുടെ നോട്ടത്തിന്റെ പൊരുൾ മനസ്സിലായെന്ന പോൽ തലതാഴ്ത്തി അരുന്ധതി മറുപടി നൽകി.

ഇതെല്ലാം കേട്ട് കിച്ചുവിന് എന്തോ പൊരുത്തക്കേട് തോന്നിയിരുന്നു. അവൻ കാര്യം എന്തെന്ന് അറിയാനായി തന്റെ അച്ഛന്റെ മുഖത്തേക്ക് നോക്കി. അയാൾ ഒരു ദീർക്ക നിശ്വാസത്തോടെ അവനെയും കൂട്ടി റൂമിലേക്ക് പോയി. എന്നിട്ട് കിച്ചുവിനോട് ആയു കണ്ണനും ആയിട്ടുള്ള വിവാഹത്തിന് സമ്മതിച്ചതും നിശ്ചയം ഉടൻ തന്നെ ഉണ്ടാവുമെന്നും ഒക്കെ പറഞ്ഞു.

എല്ലാം കേട്ട് കഴിഞ്ഞപ്പോൾ അവനിൽ ഒരു മരവിപ്പ് മാത്രം അവശേഷിച്ചു. തന്റെ കൂടെപ്പിറപ്പിനെ പോലെ കരുതിയ ഉറ്റസുഹൃത്തും താൻ പ്രാണനെ പോലെ സ്നേഹിച്ച പെൺകുട്ടിയും ഒരിക്കൽ പോലും അവനത് സങ്കൽപ്പിക്കാൻ പറ്റുന്നുണ്ടായിരുന്നില്ല.

പെട്ടെന്ന് കണ്ണന്റെ വാക്കുകൾ അവന്റെ ചെവിയിൽ മുഴങ്ങി കേട്ടുകൊണ്ടിരുന്നു.

" ആയുവിനോട് പറഞ്ഞിട്ട് ഇത് പോലെ കാര്യങ്ങൾ മുന്നോട്ട് കൊണ്ട് പോയാലോ. അപ്പോൾ നീ സമ്മതിക്കുവോ. "

ഒരുപക്ഷെ കണ്ണൻ ആയുവിനോട് സംസാരിച്ചിട്ട് ആവുമോ അവൾ ഈ വിവാഹത്തിന് സമ്മതം അറിയിച്ചത്.

അവന്റെ മനസ്സിൽ അങ്ങനെയൊരു ചോദ്യം ഉണർന്നു. എന്തായാലും കണ്ണനെ കണ്ട് കാര്യങ്ങൾ അറിയാൻ അവൻ തീരുമാനിച്ചു. അവിടെ നിന്നും കിച്ചു നേരെ പോയത് കണ്ണന്റെ വീട്ടിലേക്ക് ആയിരുന്നു. കണ്ണന്റെ മുറിയിൽ എത്തിയപ്പോൾ കണ്ണൻ കോളേജിലേക്ക് പോവാൻ റെഡി ആവുവായിരുന്നു.

ആഹാ നീ എന്താടാ ഇവിടെ ഈ സമയത്ത്. (കണ്ണൻ )

ഞാൻ അറിഞ്ഞതൊക്കെ സത്യം ആണോ കണ്ണാ. നീയും ആയുവും തമ്മിലുള്ള വിവാഹം തീരുമാനിച്ചോ. (കിച്ചു )

കിച്ചുവിന്റെ ചോദ്യത്തിൽ കണ്ണൻ ഒന്ന് പതറി. പതർച്ച മറച്ചു വെച്ചവൻ മറുപടി നൽകി.

ആഹാ അത് തന്നെയാ എനിക്കും നിന്നോട് ചോദിക്കാൻ ഉള്ളത്. അന്ന് ഞാൻ ഈ പ്രൊപോസൽ മുന്നോട്ട് കൊണ്ട് പോവാമെന്ന് പറഞ്ഞപ്പോൾ മോന് എന്തൊരു ജാഡ ആയിരുന്നു. ഇപ്പോൾ എന്തായി അവസാനം എന്റെ ഐഡിയ തന്നെ പ്രയോഗിച്ചിട്ട് എനിക്ക് സർപ്രൈസ് തന്നല്ലോ മോനെ. (കണ്ണൻ )

ഒരു ചിരിയോടെ പറയുന്ന കണ്ണനെ കാണെ കിച്ചുവിന് സംശയം ഏറി. 

അപ്പോൾ നീ ആയുവിനോട് കാര്യങ്ങൾ ഒന്നും പറഞ്ഞില്ലേ. (കിച്ചു )

എന്ത് കാര്യം. (കണ്ണൻ )

അന്ന് നീ പറഞ്ഞില്ലേ ഈ ആലോചന മുന്നോട്ട് കൊണ്ട് പോയിട്ട് ഞാനും ആയിട്ടുള്ള കല്യാണം നടത്താമെന്ന്. അത് നീ ആയുവിനോട് പറഞ്ഞോ. (കിച്ചു )

ഇല്ലെടാ. അന്ന് നീയല്ലേ അത് വേണ്ടെന്ന് പറഞ്ഞത്. അത്കൊണ്ട് ഞാൻ ആയുവിനോടും പറയാൻ പോയില്ല.(കണ്ണൻ )

അപ്പോൾ പിന്നെ അവൾ എങ്ങനെ വിവാഹത്തിന് സമ്മതിച്ചു. (കിച്ചു )

നീയിത് എന്തൊക്കെയാ കിച്ചു പറയുന്നത് എനിക്ക് ഒന്നും മനസ്സിലാവുന്നില്ല. (കണ്ണൻ )

കണ്ണന്റെ അഭിനയത്തിന് മുന്നിൽ കിച്ചു ആയുവിനെ സംശയിച്ചു. അവൾ സ്വന്തം ഇഷ്ടത്തിനാണ് വിവാഹത്തിന് സമ്മതിച്ചതെന്ന് അവന്റെ മനസ്സിൽ തെറ്റുധാരണ ഉണ്ടാക്കാൻ കണ്ണന് സാധിച്ചു.

____________________________❤️


നിശ്ചയത്തിന്റെ തീയതി തീരുമാനിച്ചതിനു ശേഷം ഇന്നാണ് ആയു കോളേജിലേക്ക് പോയത്. ഉച്ച വരെയുള്ള ക്ലാസ്സ് ഒക്കെ കഴിഞ്ഞു അവൾ ഉച്ചക്ക് ലഞ്ച് കഴിക്കാനായി കാന്റീനിലേക്ക് വന്നപ്പോഴാണ് അവിടെ കിച്ചുവും ഗായത്രിയും കൂടെ ഫുഡ്‌ കഴിക്കുന്നത് കണ്ടത്. ഏറെ നാളായി കാണുന്ന കാഴ്ച്ചയാണിത് പക്ഷെ ഇന്നെന്തോ മനസ്സിൽ ചെറിയ തോതിൽ അസൂയ മുളപൊട്ടുന്നതവൾ അറിഞ്ഞു. വിവാഹം തീരുമാനിച്ചത് അറിഞ്ഞിട്ട് ഇന്നീ നേരം വരെ അവൻ തന്നെ വിളിച്ചിട്ടില്ല എന്തിന് ഒരു മെസ്സേജ് പോലും അയച്ചില്ല. അവൻ പറഞ്ഞിട്ടല്ലേ താൻ ഇങ്ങനെയൊരു പരീക്ഷണത്തിന് മുതിരുന്നത് തന്നെ. എന്നിട്ട് അവന്റെ ഭാഗത്ത്‌ നിന്ന് യാതൊരു സമീപനവും ഇല്ലെന്നുള്ളത് അവളിൽ അത്ഭുതം നിറച്ചു.

കഴിച്ച് കഴിഞ്ഞ് എണീറ്റ കിച്ചു കാണുന്നത് തന്നിൽ തന്നെ മിഴിയൂന്നി നിക്കുന്ന ആയുവിനെ ആണ്. അവളെ കാണെ അവന് ഓർമ്മ വന്നത് കണ്ണനുമായി വിവാഹത്തിന് സമ്മതിച്ചു എന്ന് പ്രിയാമ്മ വന്ന് പറഞ്ഞതാണ്.

അവൻ തന്നെ കണ്ടെന്നു മനസ്സിലാക്കിയ അവൾ വേഗം തന്നെ തിരികെ നടക്കാനൊരുങ്ങി. അപ്പോഴേക്കും കിച്ചു അവളെ വിളിച്ചിരുന്നു.

ആയുഷി.... താൻ ഒരു മിനിറ്റ് നിക്കുവോ. എനിക്ക് കുറച്ച് സംസാരിക്കാൻ ഉണ്ടായിരുന്നു.

Ok എന്ന് പറഞ്ഞ് തലയാട്ടി അവൾ അവിടെ നിന്നു. അവൻ കൈ കഴുകുന്ന വരെ അവൾ അവിടെ വെയിറ്റ് ചെയ്തു. കൈ കഴുകി അവൻ നേരെ അവൾക്കടുത്തേക്ക് വന്നു. അവളെയൊന്ന് നോക്കി അവൻ അടുത്തുള്ള വാകമാര ചോട്ടിലേക്ക് പോയി. അവന് പിന്നാലെ ഒന്നും ഉരിയാടാതെ അവൾ നടന്നു. 

വാകമര ചുവട്ടിലെ സിമന്റ് ബെഞ്ചിൽ അവനിരുന്നു എന്നിട്ട് അവളുടെ മിഴികളിലേക്ക് ദൃഷ്ടി പതിപ്പിച്ചു. അവന്റെ നോട്ടം ചെന്ന് പതിച്ച മാത്രയിൽ തന്നെ അവൾ മിഴികൾ മാറ്റി. ഏറെ നേരത്തെ നിശബ്ദതയെ വകഞ്ഞുമാറ്റി കിച്ചു തന്നെ സംസാരത്തിന് തുടക്കം കുറിച്ചു.

ഞാനറിഞ്ഞു എല്ലാം.

അവൻ എന്താണ് ഉദ്ദേശിച്ചതെന്ന് ആയുവിന് മനസ്സിലായില്ലാരുന്നു.

വിവാഹത്തിന് സമ്മതിച്ച കാര്യം.

അത് കേട്ടപ്പോൾ അവളിൽ ചെറുചിരി വിടർന്നു. കുറുമ്പോട് അവൾ അവനുള്ള മറുപടി നൽകി.

ആഹ്... നല്ലൊരു പ്രൊപോസൽ വന്നപ്പോൾ സമ്മതിച്ചു.

ആഹ്.... ബെസ്റ്റ് ലക്ക് ഫോർ യുവർ ഫ്യൂചർ.

അതും പറഞ്ഞവൻ അവിടെ നിന്നും വേഗം നടന്നകന്നു. അവന്റെ പെരുമാറ്റം കണ്ട് അവൾക്ക് നന്നേ ചിരി വന്നിരുന്നു.

ഇത്രേ ഒക്കെ നടന്നിട്ടും എന്നെയൊന്ന് വിളിക്ക പോലും ചെയ്യാതെ ഗായത്രി മിസ്സിന്റെ കൂടെ ഫുഡും കഴിച്ച് അവസാനം എല്ലാം അറിഞ്ഞെന്നു വന്ന് പറഞ്ഞാൽ ഞാൻ അങ്ങ് സംസാരിക്കണമല്ലേ. ഇനി നിങ്ങൾ എന്നോട് വന്ന് കല്യാണക്കാര്യം സംസാരിക്കാതെ ഞാൻ നിങ്ങളെ ഒരു നോക്ക് കൊണ്ട് പോലും പരിഗണിക്കില്ല കിച്ചുവേട്ടാ.

ഇതും മനസ്സിൽ പറഞ്ഞവൾ അവൻ പോയ വഴിയേ നോക്കി നിന്നു അവന്റെ ഹൃദയം പിടയുന്നതറിയാതെ.

     
                                    തുടരും...........