💞മറന്നിട്ടുമെന്തിനോ💞 - (56)

Part 56

കണ്ണന്റെ മുഖത്തെ ദേഷ്യം കാണെ ഒരാളുടെ മുഖത്ത് മാത്രം സന്തോഷം നിറഞ്ഞു. പതിയെ അത് പുച്ഛത്തിലേക്ക് വഴി മാറി. അയാൾ ആ പുച്ഛത്തോടെ തന്നെ തന്റെ കയ്യിൽ ഉണ്ടായിരുന്ന ആയുഷി എന്ന് പേര് കൊത്തിയ മോതിരത്തിലേക്ക് നോക്കി. എന്നിട്ട് ആയുവിനെ നോക്കിയപ്പോൾ അവളുടെ മുഖത്തെ ആശ്വാസം നിറഞ്ഞ ചിരി കാണെ അയാളുടെ ചൊടികളിലും ഒരു പുഞ്ചിരി വിടർന്നു.

(തുടർന്ന് വായിക്കുക )

ആദി.... നീ.....

വേഗം അവന്റെ ദൃഷ്ടി തന്റെ പേര് പറഞ്ഞ ആളിലേക്ക് മാറി.

നീയെന്തിനാ മോതിരം മാറ്റിയത്.

പാറു അത്ഭുതത്തോടെ അവനോട് ചോദിച്ചു. അവൻ വേഗം തന്നെ അവളുടെ വാ തന്റെ കൈ കൊണ്ട് മൂടി.

പാറുവമ്മേ പതുക്കെ പറയ്‌. ആരേലും കേൾക്കും.

കേൾക്കട്ടെ. നീ എന്തൊക്കെയാ ഈ കാണിച്ച് വെച്ചത് ആദി...

പാറുവമ്മേ ഞാൻ എല്ലാം പറയാം. പക്ഷെ ആദ്യം ഇതൊക്കെ ഒന്ന് കഴിയട്ടെ അത് വരെ എന്നോട് ഒന്നും ചോദിക്കരുത്. പ്ലീസ് ആയുവിനെ ഓർത്തെങ്കിലും.

അവന്റെ മുഖത്തെ ഗൗരവം കണ്ടവൾ പിന്നീട് ഒന്നും ചോദിച്ചില്ല.

കണ്ണന്റെ വീട്ടുകാർ ഒക്കെ പോയതിന് ശേഷം ആദി തന്നെ പാറുവിനെ വിളിച്ച് ആദിയുടെ വീട്ടിൽ കൊണ്ട് വന്നു.

പാറുവമ്മേ നീ ഇങ്ങനെ നോക്കണ്ട ആയുവിന് ആ മോതിരം മാറ്റൽ നടക്കണമെന്ന് ഒട്ടും ആഗ്രഹം ഇല്ലാരുന്നു. അവളുടെ സങ്കടം കാണാൻ വയ്യാത്തത് കൊണ്ടാ ഞാൻ അങ്ങനെ ചെയ്തത്.

ഒന്ന് ആലോചിച്ചപ്പോൾ പാറുവിനും അത് ശെരിയാണെന്ന് തോന്നി. പിന്നെ അവളും ഒന്നും മിണ്ടാൻ പോയില്ല അതിനെ കുറിച്ച്. പക്ഷെ ആദിയുടെ മനസ്സ് അപ്പോഴും താൻ കണ്ടതും കേട്ടതുമായ കാര്യങ്ങളിൽ കുടുങ്ങി കിടന്നു. രാവിലെ കണ്ണനും അശ്വതിയും ഒരുമിച്ച് നിന്ന് സംസാരിക്കുന്നത് കേട്ടത് മുതൽ അവനൊരു വല്ലാത്ത അവസ്ഥയിലായിരുന്നു. കൂടെപിറപ്പിനെ പോലെ കണ്ടവൻ തന്നെ ചതിച്ചിരിക്കുന്നു. അതും തന്റെ ഉറ്റ തോഴിയുടെ ജീവിതം വെച്ച്. ആരോടാണ് താൻ ഇതെല്ലാം തുറന്ന് പറയുക ആരെയാണ് താൻ വിശ്വസിക്കുക. എല്ലാം ആലോചിച്ച് അവന് ശെരിക്കും ഭ്രാന്ത്‌ പിടിക്കാൻ തുടങ്ങിയിരുന്നു. അവസാനം അവൻ മനസ്സിൽ കുറച്ച് കാര്യങ്ങൾ തീരുമാനിച്ചുറപ്പിച്ചു.

_________________________❤️

ആഹാരം കഴിക്കാൻ ഇരുന്നപ്പോൾ ആയുവും കണ്ണനും ഒരുമിച്ചാണ് ഇരുന്നത്.

നീ ഹാപ്പി ആയില്ലേ ആയു.

അതെ കണ്ണേട്ടാ. ഒത്തിരി ഹാപ്പി ആണ്. ഞാൻ വിചാരിച്ചു മോതിരം ഇടേണ്ടി വരുമെന്ന്. എന്തായാലും അങ്ങനെയൊന്നും ഉണ്ടായില്ലല്ലോ. ഭാഗ്യം.

മ്മ്......

പിന്നെ കണ്ണേട്ടാ. കിച്ചേട്ടൻ എന്റെ കയ്യിൽ ഇട്ട് തന്ന മോതിരം പ്രിയാമ്മയോട് തിരിച്ച് തരാൻ പറയണേ.

പറയാം.

പിന്നെയൊന്നും സംസാരിക്കാൻ താല്പര്യമില്ലാത്തത് പോലെ അവൻ കഴിക്കുന്നതിൽ മാത്രം ശ്രെധിച്ചു.

നിശ്ചയം നന്നായി നടക്കാത്തത് കൊണ്ട് തന്നെ കല്യാണം നല്ല ആർഭാടമായി നടത്താൻ തീരുമാനിച്ചുറപ്പിച്ചിട്ടാണ് കണ്ണന്റെ വീട്ടുകാർ പിരിഞ്ഞ് പോയത്. ആ ദിവസം അങ്ങനെ അങ്ങ് കഴിഞ്ഞ് പോയി.

പിന്നീടുള്ള ദിവസങ്ങളിൽ കോളേജും ക്ലാസും ഒക്കെ ആയി ആയു തിരക്കിൽ ആയിരുന്നു. പക്ഷെ കണ്ണനെ ഇടക്കൊക്കെ കാണുമെങ്കിലും അവൾ പരിചിതഭാവം ഒരു പുഞ്ചിരിയിൽ ഒതുക്കുമായിരുന്നു. കിച്ചുവിനെ കാണുമ്പോൾ അവൾ പ്രതീക്ഷയോടെ അവനെ നോക്കും പക്ഷെ അവന്റെ ഭാഗത്ത്‌ നിന്ന് യാതൊരു പ്രതികരണവും ഉണ്ടായില്ല.

അവളുടെ പിജി ഫസ്റ്റ് ഇയറിലെ പരീക്ഷ കഴിഞ്ഞായിരുന്നു കല്യാണം നടത്താൻ തീരുമാനിച്ചിരുന്നത്. അതിനിനി ഒരു മാസം കൂടെ ഒള്ളൂ. എല്ലാവരും കല്യാണ തിരക്കിലേക്ക് ചേക്കേറിയപ്പോൾ ആയു പരീക്ഷാ ചൂടിലേക്ക് മാറിയിരുന്നു. പിന്നീടവളുടെ മനസ്സിൽ എങ്ങനേയും നല്ല മാർക്ക്‌ വാങ്ങി പാസ്സ് ആവണമെന്നേ ഉണ്ടായിരുന്നോളു.

പരീക്ഷകൾ ഒക്കെ വളരെ വേഗം തന്നെ കഴിഞ്ഞു കൊണ്ടിരുന്നു. ഇനി ആകെയുള്ളത് രണ്ട് എക്സാം ആയിരുന്നു. അതിൽ കിച്ചുവിന്റെ സബ്ജെക്ട് എക്സാം ഉള്ള ദിവസം ആയിരുന്നു കല്യാണത്തിന് പുടവ എടുക്കാൻ വേണ്ടി പോവാൻ എല്ലാവരും തീരുമാനിച്ചിരുന്നത്. എക്സാം കഴിഞ്ഞ് ആയുവും കണ്ണനും കൂടെ ഷോപ്പിലേക്ക് ചെല്ലാൻ എല്ലാവരും പറഞ്ഞു. മുതിർന്നവർ എല്ലാവരും രാവിലെ തന്നെ പോയിരുന്നു ഷോപ്പിലേക്ക്‌.

അന്നത്തെ പരീക്ഷ എഴുതി കഴിഞ്ഞ് ആയു കണ്ണന് വേണ്ടി പുറത്തെ വാക മരചുവട്ടിൽ കാത്തിരിക്കുക ആയിരുന്നു. അപ്പോഴാണ് കിച്ചു അവളുടെ അടുത്തേക്ക് വന്നത്.

ആയു....

ഏറെ നാളിന് ശേഷം അവന്റെ നാവിൽ നിന്ന് തന്റെ പേര് കേട്ട സന്തോഷത്തിൽ ആയിരുന്നു ആ പെണ്ണ്. വളരെയേറെ പ്രതീക്ഷയോടെ അവൾ അവന്റെ മുഖത്തേക്ക് നോക്കി നിന്നു. ഇരുവരുടെയും കണ്ണുകൾ ഒരു നിമിഷം കൊരുത്തു. അവളുടെ ആ നീല മിഴികളുടെ ആഴങ്ങളിൽ അവന് സ്വയം നഷ്ടമാവുന്നത് പോലെ തോന്നി. മനസ്സിൽ പല ഓർമ്മകളും വിടരുന്നത് അവൻ അറിഞ്ഞു. ഏറ്റവുമൊടുവിൽ മനസ്സിൽ നിറഞ്ഞത് തന്റെ സ്നേഹിതനെ ഭർത്താവായി സ്വീകരിക്കാൻ സമ്മതിച്ച ആയുവിന്റെ മുഖം ആയിരുന്നു. അപ്പോൾ പ്രണയം മാറി അവിടെ വെറുപ്പ് സ്ഥാനം പിടിച്ചു.

കണ്ണന് പ്രിൻസിപ്പൽ എന്തോ വർക്ക്‌ കൊടുത്തു. അവന് ഇപ്പോഴൊന്നും ഇറങ്ങാൻ പറ്റില്ല . നിന്നെ ഷോപ്പിൽ ആക്കാൻ എന്നോട് പറഞ്ഞു. വാ.

ഇതും പറഞ്ഞവൻ പാർക്കിങ്ങിലേക്ക് പോയി. പുറകെ തന്നെ നിരാശയോടെ ആയുവും. യാത്രയിലുടനീളം അവർ രണ്ട് പേരും നിശബ്ദരായിരുന്നു. ആയുവിന് എന്തോ അസ്വസ്ഥത തോന്നി തുടങ്ങി.

പരസ്പരം ഏറെ സ്നേഹിച്ച രണ്ട് വ്യക്തികൾ ഒരു നിമിഷം കൊണ്ട് അപരിചിതർ ആയി മാറിയാലുള്ള അവസ്ഥ ആലോചിച്ച് നോക്കിയാൽ അറിയാം. ഒരുകാലത്ത് ഒരുമിച്ചിരുന്ന് ഒരായിരം കഥകൾ പറഞ്ഞ് സ്വപ്‌നങ്ങൾ നെയ്തവർ ഇന്ന് അടുത്തടുത്തിരുന്നു ഒരു വാക്ക് ഉരിയാടാൻ ആവാതെ വിഷമിക്കുന്നു. പ്രണയത്തിന്റെ ഓരോ അവസ്ഥകൾ.

ഷോപ്പിൽ എത്തിയപ്പോൾ എൻട്രൻസിൽ തന്നെ ആദി അവർക്കായി കാത്തിരിക്കുന്നുണ്ടായിരുന്നു. കിച്ചുവിനെ കണ്ടപ്പോൾ അവന് എന്തോ ആശ്വാസം തോന്നി. അവൻ കിച്ചുവിന് ഒരു പുഞ്ചിരി സമ്മാനിച്ചു. പിന്നെ അവർ നേരെ ബ്രൈഡൽ സെക്ഷനിലേക്ക് ആണ് പോയത്. അവിടെ ബാക്കിയുള്ളവർ ഒക്കെ ഉണ്ടായിരുന്നു.

ആയുവിന് പുടവ എടുത്തു. ചില്ലി റെഡ് കളറിലുള്ള സാരീ ആണ് എടുത്തത്. അത് കണ്ടപ്പോൾ കിച്ചുവിന് ഓർമ്മ വന്നത് താൻ കണ്ട സ്വപ്നം ആയിരുന്നു. അതിലും അവൾ ആ നിറത്തിലുള്ള സാരീ ആയിരുന്നു ഉടുത്തത്. എന്തോ ഒരു അസ്വസ്ഥത തന്നിൽ വന്ന് മൂടുന്നത് പോലെ അവന് തോന്നി. അവൻ അവിടെ നിന്ന് പോവാൻ ഇറങ്ങിയപ്പോൾ അശ്വതിയുടെ അമ്മ കിച്ചുവിനെ വിളിച്ചു.

മോനെ നീ ഇത് എങ്ങോട്ടാ പോവുന്നെ. അച്ചു മോൾക്ക് പുടവ എടുക്കണ്ടേ. നീ വാ. വന്ന് ഒരെണ്ണം സെലക്ട്‌ ചെയ്യ്.

അത് കേട്ട് നെറ്റി ചുളിച്ച് ആയു കിച്ചുവിനെയും ആശ്വതിയെയും മാറി മാറി നോക്കി. അവൾക്ക് അവര് പറഞ്ഞതിന്റെ പൊരുൾ മനസ്സിലായിരുന്നില്ല.

അശ്വതി ചേച്ചീടെ കല്യാണം ആണോ. (ആയു )

അതെ മോളെ. മോൾടെ കല്യാണം കഴിഞ്ഞ് ഒരാഴ്ചക്കുള്ളിൽ കിച്ചുവിന്റെയും ആശ്വതിയുടെയും വിവാഹം.

ആശ്വതിയുടെ അമ്മ പുഞ്ചിരിയോടെ ആയുവിന് മറുപടി നൽകി.

ആയുവിന് തന്റെ കാതുകളെ വിശ്വസിക്കാൻ പറ്റുന്നുണ്ടായിരുന്നില്ല. അവൾക്ക് കുറച്ച് സമയം വേണ്ടി വന്നു താൻ കേട്ടത് ഉൾക്കൊള്ളാൻ. അറിയാതെ കണ്ണുകൾ നിറഞ്ഞു. ഇനിയൊന്നും കേൾക്കാൻ താല്പര്യമില്ലാത്തത് പോലെ അവൾ ഡ്രസ്സ് ഇടാനായി ‌ ട്രയൽ റൂമിലേക്ക് പോയി.

അവൾ അവിടെ നിന്ന് ഇറങ്ങിയപ്പോൾ കിച്ചു ഉണ്ടായിരുന്നു പുറത്ത്. അവനായി ഒരു പുഞ്ചിരി സമ്മാനിച്ചവൾ അവിടെ നിന്ന് പോവാൻ തുനിഞ്ഞപ്പോൾ കിച്ചു അവളെ വിളിച്ചു.

ആയു..... ഞാൻ....

വേണ്ട കിച്ചുവേട്ടാ.... ഒന്നും പറയണ്ട. ഞാൻ അഭിനയിച്ചതാണെന്നെങ്കിലും പറയാം. പക്ഷെ ഇത്.... വേണ്ട ഇനിയൊന്നും പറയുന്നില്ല. നല്ലൊരു ജീവിതം കിട്ടട്ടെ എന്ന് പ്രാർത്ഥിക്കാം ഞാൻ.

ഇതും പറഞ്ഞ് അവനെ നോക്കാതെ നടന്നകന്നവൾ.

തന്റെ ജീവിതം ദിശയറിയാതെ എവിടേക്കാണ് പോവുന്നതെന്ന് അറിയാതെ അവളുടെ മനസ്സ് വേദനിച്ചു. ഈ വിവാഹത്തിന് താൻ സമ്മതം അറിയിച്ചത് തന്നെ തെറ്റായി തോന്നി ആ പെണ്ണിന്. കണ്ണനെ തന്റെ ഭർത്താവായി സങ്കല്പിക്കേണ്ടി വന്നാൽ താൻ മരിച്ചതിനു തുല്യമാണെന്ന് ആരോ ഉള്ളിലിരുന്നു പറയും പോലെ തോന്നിയവൾക്ക്.

പക്ഷെ അവൾ പറഞ്ഞിട്ട് പോയ വാക്കുകളിൽ കുടുങ്ങി കിടക്കുവായിരുന്നു കിച്ചുവിന്റെ മനസപ്പോൾ.

ഇതെല്ലാം കേട്ട് ആദിയും അവരുടെ അടുത്ത് തന്നെ ഉണ്ടായിരുന്നു. ഇനിയെന്ത് വന്നാലും കുഴപ്പം ഇല്ലെന്ന് വിചാരിച്ചവൻ കിച്ചുവിനോട് താൻ കണ്ടതും കേട്ടതുമായ കാര്യങ്ങൾ പറയാൻ തീരുമാനിച്ചു.

കിച്ചുവേട്ടാ.....

ആദി കിച്ചുവിന്റെ അടുത്തേക്ക് വന്ന് കൊണ്ട് വിളിച്ചു.

ആഹ്.. ടാ പറയ്.

എനിക്ക് കുറച്ച് സംസാരിക്കാൻ ഉണ്ടായിരുന്നു.

പറയെടാ എന്തിനാ ഒരു മുഖവുര.

കിച്ചുവേട്ടാ അത്, കണ്ണേട്ടനും അശ്വതിയും...

കിച്ചു ബേബി....

അശ്വതി ഓടി വന്ന് കിച്ചുവിനെ ഇറുകെ പുണർന്നു.

കിച്ചുവേട്ടൻ ഇവിടെ നിൽക്കുവാണോ. Come അവിടെ ഡ്രസ്സ്‌ സെലക്ട്‌ ചെയ്യാൻ വിളിക്കുന്നു.

ഇതും പറഞ്ഞവന്റെ കൈ പിടിച്ചവൾ അവിടെ നിന്നും പോയി.

ഇനിയെന്ത് ചെയ്യുമെന്നത് ആദിയുടെ മനസ്സിൽ ചോദ്യചിഹ്നമായി നിലകൊണ്ടു. ഏറ്റവുമൊടുവിൽ അവന്റെ മനസ്സിൽ ഒരു മുഖം തെളിഞ്ഞു വന്നു. തന്റെ മനസ്സിലെ കാര്യങ്ങൾ എല്ലാം വിശ്വസിച്ചു പറയാൻ പറ്റുന്ന ഒരാളുടെ മുഖം.

തുടരും........

💞മറന്നിട്ടുമെന്തിനോ💞 - (57)

4.8

6053

8 mins

Part 57 കിച്ചു ബേബി.... അശ്വതി ഓടി വന്ന് കിച്ചുവിനെ ഇറുകെ പുണർന്നു. കിച്ചുവേട്ടൻ ഇവിടെ നിൽക്കുവാണോ. Come അവിടെ ഡ്രസ്സ്‌ സെലക്ട്‌ ചെയ്യാൻ വിളിക്കുന്നു. ഇതും പറഞ്ഞവന്റെ കൈ പിടിച്ചവൾ അവിടെ നിന്നും പോയി. ഇനിയെന്ത് ചെയ്യുമെന്നത് ആദിയുടെ മനസ്സിൽ ചോദ്യചിഹ്നമായി നിലകൊണ്ടു. ഏറ്റവുമൊടുവിൽ അവന്റെ മനസ്സിൽ ഒരു മുഖം തെളിഞ്ഞു വന്നു. തന്റെ മനസ്സിലെ കാര്യങ്ങൾ എല്ലാം വിശ്വസിച്ചു പറയാൻ പറ്റുന്ന ഒരാളുടെ മുഖം. ( തുടർന്ന് വായിക്കുക...... ) അന്ന് തന്നെ സ്വർണവും എ�