Part 57

കിച്ചു ബേബി....

അശ്വതി ഓടി വന്ന് കിച്ചുവിനെ ഇറുകെ പുണർന്നു.

കിച്ചുവേട്ടൻ ഇവിടെ നിൽക്കുവാണോ. Come അവിടെ ഡ്രസ്സ്‌ സെലക്ട്‌ ചെയ്യാൻ വിളിക്കുന്നു.

ഇതും പറഞ്ഞവന്റെ കൈ പിടിച്ചവൾ അവിടെ നിന്നും പോയി.

ഇനിയെന്ത് ചെയ്യുമെന്നത് ആദിയുടെ മനസ്സിൽ ചോദ്യചിഹ്നമായി നിലകൊണ്ടു. ഏറ്റവുമൊടുവിൽ അവന്റെ മനസ്സിൽ ഒരു മുഖം തെളിഞ്ഞു വന്നു. തന്റെ മനസ്സിലെ കാര്യങ്ങൾ എല്ലാം വിശ്വസിച്ചു പറയാൻ പറ്റുന്ന ഒരാളുടെ മുഖം.

                    ( തുടർന്ന് വായിക്കുക...... )

അന്ന് തന്നെ സ്വർണവും എടുത്തിട്ടാണ് ആയുവിന്റെ വീട്ടുകാർ തിരികെ പോയത്.

ആയുവിന്റെ അവസാന പരീക്ഷയും കഴിഞ്ഞു. കല്യാണ ദിവസം അടുക്കും തോറും അവളുടെ ഉള്ളിൽ ആകാരണമായ ഒരു ഭയം വന്ന് ചേക്കേറാൻ തുടങ്ങിയിരുന്നു. ഒരുപാട് തവണ തന്റെ അച്ഛനോട് സത്യങ്ങൾ എല്ലാം തുറന്ന് പറയാൻ അവൾ തീരുമാനിച്ചു പക്ഷെ എപ്പോഴും എന്തെങ്കിലും തടസം വന്ന് പറയാൻ പറ്റാതെ വരും. അവസാന പ്രതീക്ഷയും നഷ്ടപ്പെട്ട് കഴിഞ്ഞിരുന്നു അവളുടെ മനസ്സിൽ. ഇനി തനിക്ക് താൻ സ്വയം തിരഞ്ഞെടുത്ത ജീവിതം ജീവിച്ച് തീർത്തെ പറ്റുവെന്ന് അവൾക്ക് തോന്നി തുടങ്ങിയിരുന്നു.

അങ്ങനെ കല്യാണത്തിന്റെ തലേ ദിവസം വന്നെത്തി. ആയുവിന്റെ വീട് മൊത്തത്തിൽ നല്ല ഭംഗിയിൽ അലങ്കരിച്ചിരുന്നു. വെള്ളയും കടും നീലയും ആയിരുന്നു സ്റ്റേജ് തീം. അതെ നിറത്തിലുള്ള വസ്ത്രങ്ങൾ ആയിരുന്നു എല്ലാവരും ധരിച്ചിരുന്നത്. ആയു ഒരു ഡാർക്ക്‌ ബ്ലൂ സിൽവർ കോമ്പിനേഷനിലുള്ള ഹെവി വർക്ക്‌ ലെഹങ്ക ആയിരുന്നു ധരിച്ചത്. അതിന്റെ കൂടെ ഒരു സിമ്പിൾ ഡയമണ്ട് സെറ്റും മിനിമൽ മേക്കപ്പും. അതിൽ അവൾ അതി സുന്ദരി ആയിരുന്നു. സ്റ്റേജിന് ഒത്ത നടുവിലായി നിൽക്കുമ്പോഴും അവൾക്ക് മനസ്സ് തുറന്ന് സന്തോഷിക്കാൻ ആവുന്നുണ്ടായിരുന്നില്ല.

റിസപ്ഷൻ നടക്കുന്ന സമയം എല്ലാവരുടെ മുന്നിലും ചിരിച്ച്  സന്തോഷം അഭിനയിക്കുമ്പോഴും അവളുടെ ഉള്ളം നീറുന്നത് ആദിക്ക് മനസ്സിലാവുമായിരുന്നു. അല്ലെങ്കിലും ആദിക്കല്ലാതെ മാറ്റാർക്കാണ് അവളെ മനസ്സിലാക്കാൻ സാധിക്കുന്നത്. ഡാൻസും പാട്ടും മേളവുമായി എല്ലാവരും വളരെ സന്തോഷത്തിൽ ആയിരുന്നു.

ആഘോഷം അതിന്റെ മുറക്ക് നടന്നു. അതിനിടയിൽ ആയുവിന് മേഹന്ദി ഇടാനായി ആള് വന്നു. അവൾക്ക് വേണ്ടിയുള്ള ഡിസൈൻ തിരഞ്ഞെടുത്തത് ദേവിക ആയിരുന്നു.

മേഹന്ദി ഇടുന്നത് നോക്കിയിരുന്ന് എപ്പോഴോ അവളുടെ കണ്ണുകൾ നിറഞ്ഞു തൂവി. അപ്പോൾ അവളുടെ മനസ്സിൽ ഓർമ്മ വന്നത് നീലുവിന്റെ വിവാഹത്തിന് താൻ കയ്യിൽ മെഹന്ദി ഇട്ടതാണ്. അന്ന് മാധുര്യം നിറഞ്ഞ പല ഓർമ്മകളും ഇന്ന് തനിക്ക് നോവാണ് നൽകുന്നത്. അറിയാതെ അവൾ ഓർത്ത് പോയി.

അന്ന് രാത്രി ആയുവിനെ എല്ലാവരും നേരത്തെ ഉറങ്ങാൻ പറഞ്ഞു വിട്ടു. പക്ഷെ  അവൾക്ക് ഉറങ്ങാൻ പറ്റുന്നുണ്ടായിരുന്നില്ല. എന്തോ ഒരു നോവ് മനസ്സിനെ പൊതിയുന്നു. ആഗ്രഹിച്ച ജീവിതം കൈപ്പിടിയിൽ നിന്ന് ഉതിർന്ന് പോവുന്നതിന്റെ വേദന അത് അനുഭവിച്ചവർക്ക് മാത്രമെ മനസ്സിലാവൂ.

അവളുടെ റൂമിനോട് ചേർന്നുള്ള ബാൽക്കണിയിലെ സ്വിങ്ങിൽ ഇരുന്ന് വെറുതെ പുറത്തേക്ക് മിഴി നട്ടിരുന്നവൾ. അവൾക്ക് കൂട്ടായി നിലാവും ഉണ്ടായിരുന്നു. ഓരോ ഓർമ്മകൾ മനസ്സിൽ തെളിഞ്ഞു കൊണ്ടിരുന്നു. അതിന്റെയെല്ലാം തുടക്കവും ഒടുക്കവും  അവളുടെ മാത്രം കിച്ചുവേട്ടനിൽ ആയിരുന്നു. തന്നെ പ്രണയിക്കാനും സ്വപ്നം കാണാനും ഒക്കെ പഠിപ്പിച്ചവൻ.

മോളെ നീ ഇത് വരെ ഉറങ്ങിയില്ലേ.

അവന്റെ ഓർമ്മകളിൽ മുഴുകിയിരുന്നവളെ തിരികെ ബോധത്തിലേക്ക് കൊണ്ട് വന്നത് അവളുടെ അമ്മ ദേവികയുടെ ചോദ്യമാണ്. അവരുടെ കൂടെ തന്നെ രുദ്രനും ഉണ്ടായിരുന്നു.

അവരെ രണ്ട് പേരെയും കണ്ടവൾ സ്വിങ്ങിൽ നിന്ന് എണീറ്റു.

എന്ത് പറ്റിയെടാ. കണ്ണൊക്കെ നിറഞ്ഞിരിക്കുന്നു. (രുദ്രൻ )

ഒന്നൂല്ല അച്ഛേ. നാളെ കൂടെ കഴിഞ്ഞാൽ ഞാൻ ഇവിടെ ഉണ്ടാവില്ലല്ലോ.

അത് പറഞ്ഞപ്പോൾ അവളുടെ സ്വരം നേർത്തു പോയിരുന്നു. തൊണ്ടകുഴിയിൽ നിന്നൊരു ഗദ്ഗദം അറിയാതെ പുറത്ത് വന്നു.

അവളുടെ സങ്കടം കണ്ട രുദ്രന്റെയും ദേവികയുടെയും കണ്ണ് നിറഞ്ഞു. രുദ്രൻ അവളെ തന്റെ നെഞ്ചോട് ചേർത്ത് പിടിച്ചു.

മോള് വിഷമിക്കണ്ട. നിനക്ക് എപ്പോൾ വേണമെങ്കിലും ഇങ്ങോട്ട് വരാമല്ലോ പിന്നെന്തിനാ സങ്കടം. അച്ഛയോടും അമ്മയോടും കുസൃതി കാണിക്കുന്ന പോലെ അവിടെ ചെന്നും കാണിക്കരുത്. നിന്നെ നന്നായി നോക്കാൻ പ്രാപ്തിയുള്ള ഒരാളുടെ കയ്യിലേക്കാണ്‌ ഞങ്ങൾ ഏല്പിക്കുന്നത്.

അവളുടെ നെറ്റിയിൽ ചുണ്ട് ചേർത്ത് കൊണ്ട് രുദ്രൻ പറഞ്ഞു. എല്ലാം കേട്ട് നിന്നതല്ലാതെ ആയു ഒന്നും തന്നെ മറുപടി നൽകിയില്ല.

അച്ഛേടെ കുഞ്ഞൂസ് ഒന്നും ആലോചിച്ച് വിഷമിക്കണ്ട. എല്ലാം ശെരിയാവും. അച്ഛ ശെരിയാക്കും.

അയാളുടെ ആ വാക്കുകൾ അവൾ മനസ്സിൽ ഉരുവിട്ട് കൊണ്ടിരുന്നു. അന്നത്തെ രാത്രി ആയു രുദ്രന്റെയും ദേവികയുടെയും കൂടെയാണ് ഉറങ്ങിയത്.

_________________________❤️

രാവിലെ ദേവിക വന്ന് വിളിച്ചെഴുന്നേൽപ്പിച്ചപ്പോൾ അവൾ മനസ്സ് കൊണ്ട് എന്തും നേരിടാൻ തയ്യാറായി കഴിഞ്ഞിരുന്നു. പിന്നീട് എല്ലാം വളരെ പെട്ടെന്ന് നടന്നു. ബ്യൂട്ടീഷ്യൻ വന്നിരുന്നു ആയുവിനെ ഒരുക്കാനായി. ഒരു പീകോക്ക് കളർ സാരി ആയിരുന്നു ആയുവിന്റെ വീട്ടിൽ നിന്നും കല്യാണത്തിനായി എടുത്തത്. അതിന്റെ കൂടെ മിതമായ ആന്റിക്ക് ജ്വലറി സെറ്റും. വളരെ സിംപിൾ ആയിട്ടാണ് അവളെ ഒരുക്കിയത്. അത് അവളുടെ ഭംഗി കൂട്ടിയതെ ഒള്ളു. എത്ര നന്നായി ഒരുങ്ങിയിട്ടും അവളുടെ ആ നീല മിഴികൾക്ക് തിളക്കം കുറവായിരുന്നു. അതിൽ നഷ്ടബോധം മാത്രമായിരുന്നു തെളിഞ്ഞു നിന്നത്.

നേരത്തെ തന്നെ എല്ലാവരും കല്യാണം നടക്കുന്ന കൺവെൻഷൻ സെന്ററിലേക്ക് പോവാൻ ഇറങ്ങി. അവിടേക്ക് പോവുന്ന വഴിക്ക് അടുത്തുള്ള ശിവ പാർവതി ക്ഷേത്രത്തിലും കയറാൻ മറന്നില്ല. തന്റെ ഇഷ്ട ദേവന് മുൻപിൽ കൈകൂപ്പി പ്രാർത്ഥിക്കുമ്പോൾ അവളുടെ മനസ്സിൽ ഒരു പ്രാർത്ഥനയെ ഉണ്ടായിരുന്നോളു. എല്ലാം തനിക്ക് സഹിക്കാൻ ശക്തി നൽകണേയെന്ന്.

തന്റെ ജീവിതത്തിൽ ഇന്ന് വരെ നടന്നതെല്ലാം വിധിയുടെ വിളയാട്ടം ആയിരുന്നു. വിധിയെന്ന രണ്ടക്ഷരത്തിൽ എരിഞ്ഞമരാൻ ഉള്ളത് മാത്രമായിരുന്നു തന്റെ സ്വപ്‌നങ്ങൾ അത്രയും.

എല്ലാം ഓർക്കെ അവളുടെ കണ്ണുകൾ നിറയാൻ തുടങ്ങി. ഇനിയും ഒന്നും താങ്ങാൻ ശേഷി ഇല്ലെന്ന പോലെ ജീവിതം തന്നെ വെറുത്തു പോയിരുന്നവൾ ആ ദിവസങ്ങൾ കൊണ്ട്.

_________________________❤️

വളരെ മനോഹരമായി അലങ്കരിച്ച വിവാഹ മണ്ഡപം. മണ്ഡപത്തിന് ഒത്ത നടുക്കായി ഗണപതിയുടെ വിഗ്രഹവും കത്തിച്ചു വെച്ച നിലവിളക്കും വധു വരന്മാർക്ക് ഇരിക്കാനുള്ള പീഡവും ഒക്കെ വെച്ചിരിക്കുന്നു. ഹാൾ നിറയെ ആളുകളെ കൊണ്ട് നിറഞ്ഞിരിന്നു.



( ഇതാണ് കല്യാണ മണ്ഡപം )

കണ്ണനും വീട്ടുകാരും വന്നപ്പോൾ ചെക്കനെ കാൽ കഴുകി സ്വീകരിക്കാനായി പെണ്ണിന്റെ സഹോദരന്റെ സ്ഥാനത്തു നിന്ന് അച്ചുവാണ് വന്നത്. ചെക്കന് ഹാരം ഇടനായി ആദിയും മുന്നോട്ട് വന്നു. ഈ ചടങ്ങ് ചെയ്യുമ്പോഴും ആദിയുടെ മുഖത്ത് ദേഷ്യം നിറഞ്ഞു നിന്നിരുന്നു. ആ ചടങ്ങ് കഴിഞ്ഞ് അടുത്തതായി കണ്ണനെ മണ്ഡപത്തിലേക്ക് ആനയിച്ചിരുത്തുന്നതായിരുന്നു. അതിന് മുൻപ് അവൻ സദസ്സിനെ വണങ്ങി മുതിർന്നവരുടെയൊക്കെ കാൽ തൊട്ട് അനുഗ്രഹം വാങ്ങി. മണ്ഡപത്തിൽ ഇരിക്കാനായി ഒരുക്കി വെച്ച പീഡത്തിൽ അവനിരുന്നു. പൂജാരിയുടെ മന്ത്രോച്ചാരണങ്ങൾ അവിടെയാകെ മുഴങ്ങി കേട്ടു. ബന്ധുക്കൾ എല്ലാവരും മണ്ഡപത്തിന് ചുറ്റും തന്നെ ഉണ്ടായിരുന്നു.

മുഹൂർത്തം ആയി പെണ്ണിനെ വിളിച്ചോളൂ.

പൂജാരിയുടെ ഈ വാക്കുകൾ കേട്ട് മണ്ഡപത്തിനോട്‌ ചേർന്നുള്ള ഡ്രസ്സിങ് റൂമിലിരുന്ന ആയുവിന്റെ ഹൃദയം പെരുമ്പറ കൊട്ടാൻ തുടങ്ങി. അപ്പോഴേക്കും അവളുടെ അടുത്തേക്ക് ദേവികയും നീരജിന്റെ അമ്മയും ഒക്കെ വന്നു.

താലപൊലിയുടെയും വാദ്യോപകരണങ്ങളുടെയും അകമ്പടിയോടെ സർവ്വാഭരണ വിഭൂഷയായി ആയു മണ്ഡപത്തിലേക്ക് ആനയിക്കപ്പെട്ടു. ആദ്യം അവളുടെ മിഴികൾ പാഞ്ഞത് മണ്ഡപത്തിൽ ഇരിക്കുന്നത് ആരാണെന്ന് അറിയാൻ ആയിരുന്നു. അവിടെ കണ്ണനെ കണ്ടപ്പോൾ ഉള്ളിന്റെ ഉള്ളിൽ ഉണ്ടായിരുന്ന ചെറു പ്രതീക്ഷയും നശിച്ചു പോയിരുന്നു. കിച്ചുവിനെ അവിടെയൊക്കെ നോക്കിയെങ്കിലും അവനെ അവിടെയൊന്നും കണ്ടില്ല.

സദസ്സിനെ വണങ്ങി കണ്ണന് അടുത്തായുള്ള പീഡത്തിൽ ഇരിക്കുമ്പോൾ അവൾക്ക് തന്റെ ശരീരം തളരുന്നത് പോലെ തോന്നി. പൂജാരി കൊടുത്ത പ്രസാദം നെറ്റിയിൽ തൊടുമ്പോൾ അവൾ തനിക്ക് അരികിലായി ഇരിക്കുന്ന കണ്ണനിലേക്ക് മിഴികളൂന്നി. പക്ഷെ അവൻ എല്ലാവരോടും ചിരിച്ച് കളിച്ചിരിക്കുന്നുണ്ട്.

ഏറ്റവുമൊടുവിൽ പൂജാരി മഞ്ഞ ചരടിൽ കോർത്ത ആലിലതാലി കണ്ണന്റെ കയ്യിലേക്ക് ഏൽപ്പിക്കാൻ പോയപ്പോഴാണ് അവിടെയാകെ കിച്ചുവിന്റെ സ്വരം പ്രതിധ്വനിച്ചത്.

ഈ വിവാഹം നടക്കില്ല.

അത് വരെ ചൂട് പിടിച്ച ചിന്തകൾ കേട്ടടങ്ങുന്ന പോലെ തോന്നി ആയുവിന്.

കിച്ചു നീ എന്തൊക്കെയാണ് പറയുന്നേ.

സുപ്രിയ മുന്നോട്ട് വന്ന് കിച്ചുവിനോടായി ചോദിച്ചു. അവരെ ഒരു നോക്ക് കൊണ്ട് പോലും പരിഗണിക്കാതെ കിച്ചു നേരെ കണ്ണന്റെ അടുത്തേക്ക് പോയി എന്നിട്ട് അവനെ പിടിച്ച് എണീപ്പിച്ചു.

നീ പറയ്‌ കണ്ണാ. ഈ വിവാഹം ആണോ ഇവിടെ നടക്കാൻ ഇരുന്നത്.

തന്റെ നേരെയുള്ള കിച്ചുവിന്റെ ചോദ്യത്തിൽ കണ്ണൻ ചെറുതായി പതറി പോയി.

അ.. അതെ.

കിച്ചുവിന്റെ മുഖത്ത് നോക്കാതെ കണ്ണൻ മറുപടി നൽകി. അപ്പോഴേക്കും കിച്ചുവിന്റെ വലതു കരം കണ്ണന്റെ കവിളിൽ പതിഞ്ഞിരുന്നു.

കൂടെപ്പിറപ്പിനെ പോലെ കണ്ടതല്ലേ ഞാൻ നിന്നെ. എന്നിട്ടും നിനക്ക് എങ്ങനെ തോന്നി എന്നോട് ഈ ചതി ചെയ്യാൻ. ഒരു പാവം പെണ്ണിനെ ഓരോന്ന് പറഞ്ഞ് വിശ്വസിപ്പിച്ച് അവളുടെ ജീവിതം നശിപ്പിക്കാൻ ശ്രെമിക്കാൻ. പറയെടാ...

കിച്ചുവിന് അവന്റെ ദേഷ്യത്തെ നിയന്ത്രിക്കാൻ പറ്റുന്നുണ്ടായിരുന്നില്ല. അവൻ വീണ്ടും അടിക്കാനായി കൈ ഉയർത്തിയപ്പോഴേക്കും കണ്ണൻ ആ കയ്യിൽ കേറി പിടിച്ചിരുന്നു. എന്നിട്ട് കിച്ചുവിനെ പുറകിലേക്ക് തള്ളി. ചെറുതായി പുറകിലേക്ക് വേച്ച് പോയെങ്കിലും അവൻ ബാലൻസ് ചെയ്ത് നിന്നു.

എന്തിനായിരുന്നു ഇതൊക്കെ ചെയ്ത് കൂട്ടിയത്.... പറയ്‌....

വീണ്ടും കണ്ണന്റെ ഷിർട്ടിന്റെ കോളരിൽ പിടിച്ച് വലിച്ച് കൊണ്ട് കിച്ചു അവന് നേരെ അലറി...

ഇവൾക്ക് വേണ്ടി.....

ആയുവിനെ ചൂണ്ടി കണ്ണൻ അലറി.

അത് വരെ അവിടെ എന്താണ് നടക്കുന്നതെന്ന് മനസിലാവാതെ ഇരുന്ന ആയു പെട്ടെന്ന് കണ്ണൻ പറഞ്ഞത് കേട്ട് അതിശയിച്ചു പോയി.

എനിക്ക്.... എനിക്ക് വേണ്ടിയോ.

വിശ്വാസം വരാതെയവൾ അവനോട് ചോദിച്ച് പോയി.

അതെ നിനക്ക് വേണ്ടി. നിന്നെ ആദ്യമായി കണ്ട നാൾ മുതൽ ഈ നെഞ്ചിൽ കൊണ്ട് നടക്കാൻ തുടങ്ങിയതാ ഞാൻ.

അവൾക്ക് അടുത്തേക്ക് വന്ന് കവിളിൽ തഴുകി ഒരു വല്ലാത്ത ഭാവത്തോടെ പറയുന്ന കണ്ണനെ കാണെ അവൾക്ക് പേടി തോന്നി. അതിലേറെ വെറുപ്പും.

പക്ഷെ നിനക്ക് അപ്പോഴും കിച്ചുവിനെ മതിയാരുന്നല്ലോ. കിച്ചുവേട്ടൻ കിച്ചുവേട്ടൻ എന്ന് പറഞ്ഞ് എപ്പോഴും അവന്റെ പുറകിൽ. എന്റെ പെണ്ണ് മറ്റൊരുത്തനെ നോക്കുന്നത് എനിക്ക് ഇഷ്ടപ്പെടുവോ. അന്നേ മനസ്സിൽ വിചാരിച്ചതാണ് എങ്ങനേയും നിന്റെ കഴുത്തിൽ താലി കെട്ടുമെന്ന്.

അവന്റെ ഭാവപകർച്ച കണ്ട് എല്ലാവരും സ്തംഭിച്ചു നിൽക്കുകയായിരുന്നു. ആയുവിന് അവൾ കാണുന്നതും കേൾക്കുന്നതും ഒന്നും വിശ്വസിക്കാൻ പറ്റുന്നുണ്ടായിരുന്നില്ല. കണ്ണൻ ഇങ്ങനെയൊക്കെ ചെയ്യുമെന്ന് അവൾ പ്രതീക്ഷിച്ചിരുന്നില്ല.

ആയു നീ എന്ത് നോക്കി നിൽക്കുവാ. വേഗം വാ. മുഹൂർത്തം കഴിയുന്നതിനു മുൻപ് താലി കെട്ടണം.

അവളുടെ കയ്യിൽ പിടിച്ച് ബലമായി മണ്ഡപത്തിലേക്ക് കൊണ്ട് പോവാൻ നോക്കി കണ്ണൻ. അപ്പോഴേക്കും ആദി വന്നവനെ പിടിച്ചു തള്ളി. അവൻ നിലത്തേക്ക് വീണിരുന്നു. എന്നിട്ട് ആയുവിനെ ആദി നെഞ്ചോട് ചേർത്ത് പിടിച്ചു.

നീ ഒറ്റ ഒരുത്തൻ കാരണം ആണ് ഇപ്പോൾ ഇങ്ങനെയൊക്കെ ഉണ്ടായത്.

താഴെ നിന്ന് എണീറ്റ് വന്ന് കിച്ചുവിന്റെ കഴുത്തിൽ പിടിച്ച് കൊണ്ട് കണ്ണൻ അലറി.

അപ്പോഴേക്കും ആരോ വന്നവനെ പിടിച്ച് മാറ്റി അവന്റെ കവിളിൽ ആഞ്ഞടിച്ചു. നോക്കിയപ്പോൾ രുദ്രൻ ആയിരുന്നു അത്.

ഇനി നീ അവനെ തൊട്ട് പോവരുത്. കൊല്ലും നിന്നെ ഞാൻ.. നീ എന്ത് വിചാരിച്ചു എന്റെ കുഞ്ഞിന്റെ ജീവിതം തകർക്കാമെന്നോ.  നിന്റെ ചതി മനസിലാക്കിയിട്ട് കുറച്ച് നാൾ ആയിരുന്നു. നല്ലൊരു അവസരത്തിനായി കാത്തിരുന്നെയാണ് ഞങ്ങൾ. ഇനി എന്റെ മോൾടെ കൺമുന്നിൽ പോലും നിന്നെ കണ്ട് പോവരുത്.

അവന്റെ കണ്ണിൽ പക നിറഞ്ഞു. ഇത്രയും നാൾ കൊണ്ട് താൻ മെനഞ്ഞെടുത്ത കള്ളങ്ങൾ അത്രയും തനിക്ക് നേരെ കൂരമ്പ് പോൽ വന്നു പതിച്ചിരിക്കുന്നു. എല്ലാവരും എല്ലാം അറിഞ്ഞിരിക്കുന്നു. കണ്ണന് എല്ലാവരോടും ദേഷ്യം തോന്നി.

അത്ര നേരം മിണ്ടാതെ നിന്ന കിച്ചു അപ്പോഴാണ് മണ്ഡപത്തിന് ഒരു സൈഡിലായി ഒതുങ്ങി  നിൽക്കുന്ന അശ്വതിയെ കണ്ടത്. അവളുടെ കണ്ണിൽ ഭയം നിറഞ്ഞിരുന്നു.

കിച്ചു അവളുടെ അടുത്തേക്ക് പോയി അവളെ പിടിച്ച് കരണം നോക്കി ഒന്ന് കൊടുത്തു. അവൾ അടിയുടെ ആഘാദത്തിൽ വേച്ചു പോയി ആയുവിന്റെ കാൽ കീഴിൽ ചെന്ന് വീണു.

നിനക്ക് ഇതിലുള്ള പങ്ക് ഞാൻ പറഞ്ഞു തരേണ്ട ആവശ്യം ഇല്ലല്ലോ.

അശ്വതിയോടായി കിച്ചു ചോദിച്ചു.

എല്ലാവരുടെ മുന്നിൽ വെച്ച് അപമാനിതയാവേണ്ടി വന്നത് കാരണം അശ്വതിക്ക്‌ നല്ല ദേഷ്യം തോന്നിയിരുന്നു. അവൾ അടി കിട്ടിയ കവിളിൽ കൈ വെച്ച് ആയുവിനെ നോക്കി. അവളുടെ കണ്ണുകൾ ചോരച്ചുവപ്പാർജിച്ചിരുന്നു.

തന്നെ പകയോടെ ഉറ്റ് നോക്കുന്ന അശ്വതിയെ കാണെ ആയുവിന് എന്തോ അസ്വസ്ഥത തോന്നി. അവൾ വേഗം തന്നെ അശ്വതിയിൽ നിന്ന് നോട്ടം മാറ്റി. അവളുടെ അവസ്ഥ മനസ്സിലാക്കിയ പോലെ ആദി അവളുടെ കൈയിൽ കൈ കോർത്തു പിടിച്ചു. എന്നിട്ട് ഒന്നുമില്ലെന്ന് അവളെ നോക്കി കൺചിമ്മി കാണിച്ചു. അത് പകർന്ന് നൽകിയ ആശ്വാസം കുറച്ചൊന്നുമായിരുന്നില്ല ആയുവിന്. അവൾ തിരികെ പുഞ്ചിരിച്ചു കൊണ്ട് ആദിയെ നോക്കി കൺചിമ്മി കാണിച്ചു.

                               തുടരും..........

ഇനി ഒരു പാർട്ട് കൂടെ ഒള്ളു. ഈ part വായിച്ചിട്ട് അഭിപ്രായം പറയണേ.