💝💝💞💞💞💞💖💞💞💞💞💖💞💞💞💞💝💝
ചടങ്ങുകളിൽ പങ്കെടുക്കാൻ വന്ന പല ചെറുപ്പക്കാരുടെയും കണ്ണുകൾ മീനൂട്ടിയിൽ ഉടക്കിയിരുന്നു. Make-up ഒന്നും ഇല്ലെങ്കിലും കാണാൻ സ്മാർട് ആയ അവളെ ആരായാലും ഒന്ന് നോക്കും.പക്വതയോട് കൂടിയ അവളുടെ ഇടപെടലുകളും വാചാലമായ അവളുടെ സംസാരവും അവരുടെ അമ്മമാർക്കിടയിലും അവളിൽ ഒരു ആകർഷണീയത ഉണ്ടാക്കി.അവരുടെ ചോദ്യശരങ്ങൾ മുഴുവൻ അംബികയോടായിരുന്നു.അതിനു മറുപടിയെന്നോണം ഗൗതമിന് വേണ്ടി തങ്ങൾ കണ്ടെത്തിയ പെൺകുട്ടിയാണ് മീനൂട്ടി എന്നും കൂടാതെ ഇരു കുടുംബങ്ങളും തമ്മിലുള്ള ആത്മബന്ധവും അംബിക എല്ലാവരോടുമായി പറഞ്ഞു.കൂടാതെ മീനൂട്ടിയുടെ അമ്മയായ സുലോചനയെ എല്ലാവർക്കും പരിചയ പ്പെടുത്തുകയും ചെയ്തു.പക്ഷേ ഇതൊന്നും കേട്ട് രസിക്കാതെ കുറച്ച് പേർ  അവിടെ ഉണ്ടായിരുന്നു. മറ്റാരുമല്ല മാധവിൻ്റെ സഹോദരി ആയ വസുന്ധരാ മേനോനും  അവരുടെ മകളായ ദേവിക മേനോനും .കാരണം പണ്ട് മുതൽ തന്നെ അവരുടെ ലക്ഷ്യമായിരുന്നു ഗൗതം.എന്നാൽ അംബികയുടെ ഈ തീരുമാനം അവർക്ക് ഞെട്ടൽ ഉളവാക്കി.ഒരുപാട് പെൺകുട്ടികളുടെ മനം കവർന്ന യുവതാരമായ ഗൗതം ദേവികയുടെയും സ്വപ്ന പുരുഷനായിരുന്നു.അമ്മാവൻ്റെ മകൻ കൂടിയായ ഗൗതം തൻ്റെ മുറചെറുക്കാൻ ആണെന്നും താൻ അവനെയാണ് വിവാഹം കഴിക്കാൻ പോവുന്നതെന്നും ദേവിക സുഹൃത്തുക്കളോടെല്ലാം പറഞ്ഞിരുന്നു.കൂടാതെ അവരുടെ വിവാഹ കാര്യത്തിൽ ഒരു തീരുമാനം എടുക്കാൻ കൂടി വേണ്ടിയാണ് വസുന്ധര ഇന്നീ ചടങ്ങിൽ എത്തിയിരുന്നത്.അത്തരമൊരു സാഹചര്യത്തിലാണ് അംബികയുടെ ഈ തീരുമാനം.  മാധവിൻ്റ ഭൂരിഭാഗം  സ്വത്തിനും അവകാശി ഗൗതം  ആയിരുന്നു.അതുകൊണ്ട് തന്നെയാണ് വർഷങ്ങളായി വസുന്ധര പല കണക്ക് കൂട്ടലുകളും നടത്തിക്കൊണ്ടിരുന്നതും. അതെല്ലാം ആണ് കുറ‌ച്ച് സമയങ്ങൾ കൊണ്ട് വെള്ളത്തിലായിരിക്കുന്നത്.
💝💝💞💞💞💞💖💞💞💞💞💖💞💞💞💞💝💝

(തുടരും)