കുമ്മാട്ടികൾ  ആയിരമുണ്ട്  
കുമ്മാട്ടിക്കളി പിന്നെയുമുണ്ട്
കൂടാനും കുരവയിടാനും 
കുമ്മാട്ടിക്കോ  കൂട്ടരുമുണ്ട്.

ഇല തുന്നിയ ചേലകൾ ഇല്ല 
പുല് ചെത്തി മറച്ചതും  ഇല്ല 
വേഷങ്ങൾ പലവിധമായാൽ
നാണിക്കാൻ വകയില്ലല്ലോ

കുമ്മാട്ടികൾ  പാടാറില്ലാ 
ശീലിച്ചവർ വേറെയുണ്ട്. 
കുമ്മാട്ടികൾ കൊട്ടാറില്ല  കൊട്ടുന്നോർ  വേറെയുണ്ട്

പറയാനൊരു തൊഴിൽ ഇല്ലേലും
കൂടാൻ ഒരു  മടിയില്ലാത്തോർ
കുല  മഹിമകൾ പാടുന്നുണ്ടെ 
ചെന്തമിഴിൻ  ശീലുകൾ പാടും
തമിഴ് നാട്ടിൽ അഞ്ചലി കൂപ്പി
വംഗ തരങ്ങൾ പാടി ബംഗാളിൽ
എതിരെ നിൽപ്പു കുമ്മാട്ടി കൂട്ടങ്ങൾ

കുടവയറില്  പുലി മുഖമെഴുതിയ
കരുമാടികൾ  പുലികളി ആടും 
കൈരളിയുടെ തിരുമുറ്റത്തും
കുമ്മാട്ടികളാടുന്നൂ  പല പല വേഷം  

നാലതിരും തൂണും താങ്ങാൻ
കുമ്മാട്ടികൾ മത്സരമാണ്.  
കേന്ദ്രം വക കുമ്മാട്ടി കളോ 
പുൽത്തൊട്ടിയിൽ പട്ടികളെ പോൽ.

വിരമിക്കൽ  അടുത്തു കഴിഞ്ഞാൽ
അവിഹിതമായ് നേടിയത് എല്ലാം 
രക്ഷിക്കാൻ ന്യായാധിപരും തിരയുന്നു  നല്ലൊരു വേഷം.

ഭക്തൻ്റെ വിലാപത്തിൽ  ഈ തിരുവോണ തിരു നാളിൽ വരവായൊരു   വാമന വേഷം
ഇന്നും തിരയുന്നു പ്രജാപതിയെ.
              ...........................