പിറ്റേന്ന് ബാക്കിയുള്ള മത്സരങ്ങൾ കൂടി കഴിഞ്ഞതോടെ ഫലപ്രഖ്യാപനത്തിനുള്ള സമയമായി..വയ്യാത്തത് കൊണ്ട് ചിന്നുവും ചക്കിയും കോളേജിലേക്ക് പോയില്ല... പകരം റിസൾട്ടറിഞ്ഞാൽ വിളിച്ചു പറയണമെന്നും പറഞ്ഞ് ദിവ്യയെ പറഞ്ഞേല്പിച്ചു ചക്കി.. അതോടൊപ്പം ചിന്നുവിന് ഒരു ഇരട്ടസഹോദരിയുള്ള കാര്യം പറയരുതെന്നും ദിവ്യയോട് പറയുമ്പോൾ ചക്കിയുടെ കുസൃതി സ്വഭാവം അറിയുന്നത് കൊണ്ട് ദിവ്യ സമ്മതിച്ചു..ഫലപ്രഖ്യാപനം പ്രധാന വേദിയിൽ വച്ചായിരുന്നു... അവിടെ ബാലുവിനെയും രാഹുലിനെയും കണ്ടതും ദിവ്യ അവർക്കടുത്തേക്ക് നടന്നു.. രാഹുലവിടെ നഖം തിന്നു തീർക്കുന്നുണ്ട്... ദിവ്യ ബാലുവിനെ തോണ്ടി...\"ഇങ്ങേ�