💘*Queen of Daani*💘

🥀LOVE After NikKaH💝

Part-5

ദിലുവിനെയും അഫിയെയും പറഞ്ഞു വിട്ടതിനു ശേഷം ദാനിയേ തപ്പിക്കൊണ്ട് നടക്കുകയായിരുന്നു അജു.. അവസാനം ഒരു മൂലക്ക് നിന്ന് എങ്ങോട്ടോ നോക്കിക്കൊണ്ട് നില്‍ക്കുന്ന അവനെ കണ്ടതും അജു ശബ്ദം ഉണ്ടാക്കാതെ പിന്നില്‍ കൂടെ പോയി പുറം നോക്കി ഒന്ന്‍ പൊട്ടിച്ചു. ഒന്ന്‍ ഞെട്ടി കൊണ്ട് ദാനി തിരഞ്ഞു നോക്കിയപ്പോള്‍ കുറച്ച് ഗൗരവത്തോടെ നോക്കിക്കൊണ്ട് നില്‍ക്കുന്ന അജുവിനെ കണ്ട് അവന്‍ ഒന്ന് ഇളിച്ചു കൊടുത്തു..

നീ എത്തിയോ..ഞാന്‍ ഇപ്പൊ ഓര്‍ത്തെ ഉള്ളൂ നിന്നെ എന്താ കാണാത്തെ എന്ന്.

ഞാന്‍ എത്തി.. ബാക്കിയുള്ളവര്‍ ഒക്കെ എവിടെ..

ആരെവിടെന്ന്..

പിന്നെ എല്ലാവരേം ഒരുമിച്ച് കാണാം എന്നൊക്കെ പറഞ്ഞിട്ട്..

ആ.. അവന്മാരൊക്കെ ബിസിയാണെന്ന്...
ഒരു ഒഴുക്കൻ മട്ടിൽ അവൻ അത് പറഞ്ഞപ്പോഴേ അജുവിന് മനസിലായി അവൻ ആരേം വിളിച്ചിട്ടില്ല എന്ന്..

നീ എന്നെ കൊണ്ട് അനാവശ്യം വിളിപ്പിക്കരുത്..  ഇതിനായിരുന്നോ ഇന്നലെ മൊത്തം സമാധാനം തരാതെ വിളിചോണ്ടിരുന്നെ..

ഞാന്‍ വിളിച്ചതാ അവര്‍ വരാത്തത് എന്‍റെ കുറ്റം ആണോ.. അല്ല.. നീ ഇന്നലെ ബിസി ആയിരുന്നോ.. കാള്‍ പെട്ടന്ന് cut ആക്കുന്നുണ്ടയിരുന്നല്ലോ..

ഒരുമാതിരി ചിരിയോടെ ദാനി ചോദിച്ചതും പബ്ലിക്‌ പ്ലസ് ആയത് കൊണ്ട് മാത്രം ദാനി രക്ഷപ്പെട്ടു.. ഇല്ലേ അജുവിന്‍റെ കയ്യീന്ന് വയറ് നിറച്ച് കിട്ടിയേനെ..

അത് മനസിലായിട്ടും നീ വിളിക്കതിരുന്നോ.. ഇല്ലല്ലോ..(അജു)

ചൂടാവാതെടാ.. അല്ല എന്തായിരുന്നു ഇത്ര തിരക്ക്..

അറിഞ്ഞിട്ടിപ്പോ എന്തിനാ..

ഒന്നൂല്ല ചുമ്മാ..

അല്ല നീയെന്തേ ഇപ്പൊ പെട്ടന്നിങ്ങോട്ട് പോരാന്‍.. നിന്നെ അവിടന്ന് പിരിച്ചു വിട്ടോ..

നിങ്ങള്‍ ഒക്കെ എന്താടാ ഇങ്ങനെ.. ഇന്നലെ വീട്ടില്‍ കയറി ചെന്നപ്പോ അയാനും ഇത് തന്നെയാ ചോദിച്ചേ..

അത് ഞങ്ങള്‍ക്ക്  നിന്‍റെ സ്വഭാവം നന്നായിട്ട്  അറിയാവുന്നത് കൊണ്ട്.. അല്ലാതെ എന്താ..

എന്നെ പിരിച്ച് വിട്ടതൊന്നും അല്ല.. ഞാന്‍ നിര്‍ത്തി പോന്നതാ..കുറെ ആയില്ലേ അവിടെ.. ഇനി കുറച്ച് കാലം നിങ്ങളുടെ ഒക്കെ കൂടെ ഇവിടെ കൂടാം എന്ന് കരുതി..

സബാഷ്..അപ്പൊ ഇവിടെ ഉള്ളവരുടെ കാര്യം തീരുമാനം ആയി.. എന്നിട്ട് എവിടെ കേറാനാ പ്ലാന്‍..

നമ്മുടെ കോളേജില്‍ തന്നെ..

ആഹാ.. എന്‍റെ പെങ്ങള്‍ അവിടെയ ഇപ്പൊ പഠിക്കുന്നെ.. അല്ല.. നീ അവളെ കണ്ടിട്ടില്ലല്ലോ..

ഇല്ലാതിരിക്കാന്‍ സാധ്യത ഇല്ല.. ആ പൊട്ടിത്തെറി അല്ലെ.. അതിന് അവള്‍ കോള്ളജില്‍ ഒക്കെ എത്തിയോ..

നീ ഉദ്ദേശിച്ച ആളല്ല.. ദിലുവിനെ നീ കണ്ട് കാണാന്‍ വഴിയില്ല.. ഇവിടെ എവിടെയോ തന്നെ ഉണ്ട്.. ഒന്ന് നോക്കി വച്ചോ വേണേല്‍.. കോളേജിൽ നിനക്ക് ഏറ്റവും വല്ല്യ തലവേദന ചിലപ്പോള്‍ അവളാകും...

നിന്റെ അല്ലെ അനിയത്തി.. ആ ഗുണം ഇല്ലാതിരിക്കില്ല.. നീ എല്ലാവരേം കൂട്ടിയിട്ടാണോ വന്നെ..

കൂട്ടിയിട്ടു വന്നതൊന്നും അല്ലടാ.. എല്ലാം കൂടി പിന്നാലെ കൂടിയതാ.. നിന്‍റെ പിറകെയും ഉണ്ടല്ലോ വേതാളങ്ങള്‍..

അവര്‍ക്ക് പിന്നില്‍ സോഫയില്‍ അവരെ തന്നെ നോക്കിക്കൊണ്ട് നില്‍ക്കുന്ന ആലിയെയും അയാനെയും നോക്കിക്കൊണ്ട് അജു പറഞ്ഞതും ദാനിയും ഒന്ന് തിരിഞ്ഞ് നോക്കി..

നിന്‍റെ അതെ അവസ്ഥ തന്നെയാ.. നേരം വെളുത്തപ്പോ തൊട്ട് സമാധാനം തന്നിട്ടില്ല.. ഇനി ഏത് വഴിക്കാ പാര വരാന്നു മാത്രം നോക്കിയാ മതി..

എന്തോ കാര്യമായിട്ട് പ്ലാന്‍ ചെയ്യുന്നുണ്ട്.. നീ നോക്കീം കണ്ടും നിന്നോ..

 വീണ്ടും ഓരോന്ന് സംസാരിച്ചു കൊണ്ടിരിക്കവേ ഇടയ്ക്കപ്പോഴോ അജു നോക്കിയപ്പോ ആലിയുടെ കൂടെ നില്‍ക്കുന്ന ഇഷയെ കണ്ട് എന്തോ മനസിലായ പോലെ ദാനിയെ വിളിച്ചു..

അത് ഇഷ അല്ലെ.. all the ബെസ്റ്റ് മോനെ.. നിനക്കുള്ള പാര ദേ വരുന്നു..

 ഇവരിത് രണ്ടും കല്പ്പിച്ചാണല്ലോ..  ശെരിയാക്കി കൊടുക്കാം..

നീ എന്ത് ചെയ്യാൻ പോവാ..

wait and see..

അവനോട് അവിടെ തന്നെ നില്ക്കാന്‍ പറഞ്ഞിട്ട് ദാനി ഇഷയുടെ നേരെ നടന്നു.. ആലിയും അയാനും ഇന്നിവിടെ എന്തെങ്കിലും നടക്കും എന്ന പോലെ ഇരിക്കുവാണ്.. അവൻ ഒരു പുഞ്ചിരിയോടെ ഇഷയുടെ മുന്നില്‍ നിന്നു..

ഒരു സർപ്രൈസ് താരാന്നു കരുതിയതാ..  no prob  ഞാൻ  പിന്നെ  തന്നോളാ.. കഴിഞ്ഞ പ്രാവശ്യം എന്നോട് ഒരു വാക്ക് പോലും പറയാതെ പോയതാ... പിന്നെ ഒരു കോണ്ടാക്ടും ഇല്ല.. പോട്ടെ വന്നിട്ട് രണ്ട് ദിവസം ആയില്ലേ.. അപ്പൊ എങ്കിലും എന്നെ ഒന്ന്‍ വിളിക്കാ..

ഞാന്‍ നിന്നെ കാണണം എന്ന കരുതി ഇരിക്കുവാര്‍ന്ന്..

ആണോ..ശേ..ഞാന്‍ ഇക്ക വന്നു എന്നറിഞ്ഞ എക്സൈറ്റ്മെന്റില്‍ വന്നതാ..

തോന്നി.. എന്തായാലും വന്ന സ്ഥിതിക്ക് നീ ഇന്ന് ഫ്രീ ആണേല്‍ ഒന്ന് ഔട്ടിങ്ങിന് പോയാലോ..

ഇക്ക എന്നെ കളിയാക്കുവൊന്നും അല്ലല്ലോ..

അല്ലാടി.. നിനക്ക് എന്തേലും വാങ്ങിക്കാനോ മറ്റോ ഉണ്ടേല്‍ പോയിട്ട് വാ.. അപ്പോഴേക്ക് ഞാന്‍ എന്‍റെ ഫ്രണ്ടിനെ ഒന്ന്‍ settle ചെയ്തിട്ട് ഫുഡും കഴിച്ചിട്ട് പോകാ..

എനിക്കെന്തോ ഇപ്പോഴും അങ്ങോട്ട്‌ വിശ്വാസം ആകുന്നില്ല.. ഇക്ക ചുമ പറയുന്നതൊന്നും അല്ലല്ലോ.. ഇക്ക ഇത്  വരെ മര്യാദക്ക് എന്നോട് മിണ്ടിയിട്ട് പോലും ഇല്ല... ഇപ്പൊ ദെ ഔട്ടിങ്ങിന് വിളിക്കുന്നു..

നീ വരുന്നില്ലേ വേണ്ട.. വിട്ടേക്ക്..

ഏയ്.. ആര് പറഞ്ഞു ഇല്ലാന്ന്.. ഇക്ക പോയിട്ട് വാ.. ഞാന്‍ അവിടെ ആലിടെ കൂടെ ഉണ്ടാകും..

എന്‍റെ കൂടെ ആലി ഉണ്ടെന്ന നിന്നോട് ആരാ പറഞ്ഞേ..

അത്.. ഞാന്‍ വരുമ്പോ കണ്ടാര്‍ന്നു.. ദെ അവിടെ..

ശെരി എങ്കി നീ ചെല്ല്..നമുക്ക് ഒരു ഉച്ച ആകുമ്പോഴേക്ക് പോകാം..പുറത്ത് നിന്ന് ഫുഡും കഴിക്കാം..

ശെരി..love you ikka..

love you too..

തുന്നിച്ചേര്‍ത്ത പോലെ ഒരു ചിരിയുമായി അത് പറഞ്ഞതും ഇഷ ചാടി തുള്ളിക്കൊണ്ട് ആലിയുടെ അടുത്തേക്ക് പോയി.. ആലി അവിടെയുള്ള മാഗസിന്‍ ഒക്കെ വച്ച് മുഖം മറക്കാന്‍ നോക്കുന്നുണ്ട്.. അയാന്‍ ഞാന്‍ ഈ നാട്ടുകാരനെ അല്ലെന്ന ഭാവത്തില്‍ ഒപ്പോസിറ്റ് തിരിഞ്ഞ് നില്‍ക്കുവാണ്.. അവരെ നോക്കിയും ഒന്ന്‍ ചിരിച്ച് കൊണ്ട് ദാനി അജുവിന്‍റെ അടുത്തേക്ക് തന്നെ തിരിച്ചു നടന്നു.. അവന്‍റെ ചിരി കൊലച്ചിരി ആണെന്ന് മനസിലായ ആലിയും അയാനും ഭയങ്കര സന്തോഷത്തോടെ അവരുടെ നേരെ വരുന്ന ഇഷയെ നോക്കി പല്ല് കടിച്ചു..

ഇഷയ്ക്ക് കൊടുത്ത അതെ ചിരിയോടെ തന്റെ മുന്നില്‍ നില്‍ക്കുന്ന ദാനിയേ അജു അടിമുടി ഒന്ന് നോക്കി..

ഇജ്ജാതി ആക്ടിംഗ്.. നിനക്ക് വല്ല സിനിമയിലും അഭിനയിച്ചൂടെ.. നാല് കാശെങ്കിലും കിട്ടും..

ആരെങ്കിലും ചാന്‍സ് തന്നിട്ട് വേണ്ടേ.. നിനക്ക് ഇവരീ കാട്ടിക്കൂട്ടുന്നതിന്റെ ഉദ്ദേശം മനസ്സിലായോ..

എന്താ സംശയം.. കല്യാണക്കാര്യം അല്ലെ..

അത് തന്നെ..

നിനക്ക് അങ്ങ്‌ സമ്മതിചൂടെ.. ഇല്ലേ മിക്കവാറും നിനക്ക് അവളെ തന്നെ കെട്ടേണ്ടി വരും..

നിങ്ങള്‍ക്കൊന്നും ഞാന്‍ ഇങ്ങനെ ഫ്രീ ആയിട്ട് നടക്കുനത് തീരെ പിടിക്കുന്നില്ലേ.. പക്ഷെ നിന്‍റെ അടുത്ത് നിന്ന് മാത്രം ഞാന്‍ ഇത് പ്രതീക്ഷിച്ചില്ല..

 പിന്നെ നീ വല്ല സന്യാസതിനും പോകുവാണോ..

അത്രക്കൊന്നും ഇല്ല.. എന്‍റെ മനസ്സിന്‍ ഇഷ്ട്ടപ്പെടുന്ന ഒരാളെ കിട്ടുന്ന വരെ ഇങ്ങനെ അടിച്ച് പൊളിച്ച് നടക്കണം..

എങ്കി ഈ ജന്മം നിനക്ക് കല്യാണം ഉണ്ടാകില്ല.. കോളെജിന്ന് ഒക്കെ എത്രയെണ്ണം നിന്‍റെ പിറകെ നടന്നതാ.. അപ്പോഴും നീ ഇതെ ഡയലോഗ് തന്നെ ആയിരുന്നു.. അടിച്ച് പൊളിച്ച് നടക്കലും മനസ്സിന് ഇഷ്ട്ടപ്പെടുന്ന ഒരാളും..

 എന്‍റെ കാര്യ വിട്.. നിന്റെ കാര്യം എനിക്ക് മനസിലായി തുടങ്ങുന്നുണ്ട്..

എന്ത് മനസിലായി തുടങ്ങുന്നുണ്ട് എന്ന്..

എനിക്ക്‌ നിന്നെ ആദ്യേ സംശയം ഉണ്ടായിരുന്നു.. ഇവിടെ വന്നപ്പോ cofirm ആയി.. ആരാ ആള്..

നിനക്ക് വട്ടാ..

ഉവ്വ.. ദെ മര്യാദക്ക് പറഞ്ഞ ഞാനും മര്യാദക്ക് ആകും..ഇല്ലേ അജുമോനെ.. നിന്നെ നാറ്റിക്കും എന്ന് പറഞ്ഞാ നാറ്റിച്ചിരിക്കും..

ഭീഷണി ആണോ.. നിനക്ക് ആ ഇഷ തന്നെയാ ബെസ്റ്റ്.. എനിക്ക്‌ പോയിട്ട് വേറെ പണിയുണ്ട്..

ഈ ഞായറാഴ്ചയും ജോലിയോ..എങ്കി അത് എന്താകും എന്ന എനിക്ക്‌ ഊഹിക്കാം..

ഇവനെ ഞാനിന്ന്..

അവന്‍റെ കോളറില്‍ പിടിച്ച് കൊണ്ട് പറഞ്ഞതും ആളുകള്‍ നോക്കുന്നത് കണ്ട് കോളറിലെ പിടിവിട്ട് നിന്നെ ഞാന്‍ എടുത്തോളാമെടാ എന്ന ഭാവത്തില്‍ അവിടെ പോയി.. കിട്ടിയതൊന്നും പോരഞ്ഞിട്ട് ആണോ കുറെ കാലം കഴിഞ്ഞു കിട്ടുന്നതായത് കൊണ്ടോ ദാനിയും പിറകെ പോയി.. ഇനി അജു ജീവനോടെ വച്ചാല്‍ അടുത്ത സീനില്‍ കാണാം..😝😝😝

 💘💘💘💘💘💘💘

 ദാനി പുറത്ത് പോകാന്‍ വിളിച്ചതില്‍ പിന്നെ ഇഷ ഭൂമിയില്‍ ഒന്നും അല്ല.. ദാനിടെ കയ്യീന്ന് ഒരെണ്ണം ഉറപ്പയെങ്കിലും മെച്ചം ഉണ്ട്.. ദാനിടെ കൂടെ പുറത്ത് പോകുന്നതിന്റെ സന്തോഷത്തില്‍ ആലിയോടും  അയാനോടും എന്ത് വേണേലും വാങ്ങിക്കോളാൻ പറഞ്ഞിരിക്കുവാണ് ഇഷ.. അവരോടെയ്..😝 അവള്‍ മിക്കവാറും ഒരു ലോണ്‍ എടുക്കേണ്ടി വരും..😌

അയാന്‍ ദാനിടെ കയ്യീന്ന് എങ്ങനെ എസ്കേപ് ആകും എന്നാലോചിച് ടെന്‍ഷന്‍ ആയി ഇരിക്കുകയാണെങ്കിലും  ആലിക്ക് അങ്ങനത്തെ ഒരു വിചാരമേ ഇല്ല.. ഫ്രീ ആയിട്ട് കിട്ടിയ ചാന്‍സില്‍ മാക്സിമം മുതലാക്കാന്‍ നോക്കുകയാണ് കക്ഷി..

BROO.. bro ഒന്നും വാങ്ങിന്നില്ലെങ്കില്‍ അറ്റ്ലീസ്റ്റ് എന്നെ ഒന്ന്‍ ഹെല്പ് ചെയ്യുകയെങ്കിലും ചെയ്തൂടെ.. ചുമ്മാ നഖം കടിച്ച് ഇരിക്കുന്നത് കണ്ടില്ലേ 

നിനക്ക് ഒരു പേടിയും ഇല്ലേ ആലി.. ഇക്കാക്ക് മനസിലായി ഇഷനെ ഇങ്ങോട്ട് വിളിച്ചത് നമ്മള്‍ ആണെന്ന്.. ഇനി ഇക്ക നമ്മളെ കൊല്ലാതെ വിടില്ല..

പേടിയില്ലേ എന്ന ചോദിച്ചാല്‍ ഉണ്ട്.. എനിക്ക്‌ അതല്ല.. എന്ത് കരുതിയിട്ടാ ഇക്ക ഈ സാധനത്തിനെ ഒക്കെ ഔട്ടിങ്ങിന് വിളിച്ചതെന്നാ മനസിലാകാത്തെ..

ഇനി ഇക്കാന്റെ മനസ്സ് മാറുകയെങ്ങനും ചെയ്തോ..

ഏയ്‌ അങ്ങനെ ഒന്നും വരൂല.. ഈ ഭൂതത്തിനെ കെട്ടാന്‍ മാത്രം ഗതി കെട്ടവന്‍ ഒന്നും അല്ല ഇക്കാക്ക.. ഇത് മിക്കവാറും നമ്മളെ കാണിക്കാന്‍ വേണ്ടി ആകും

 ആയാല്‍ മതിയായിരുന്നു.. ഇക്ക എങ്ങാനും ആ സാധനത്തിനെ കെട്ടിയാല്‍ പിന്നെ  ഡെയിലി ആ സാധനത്തിന്‍റെ മുഖം കാണേണ്ടി വരുന്ന അവസ്ഥ.. ഹോ ആലോചിക്കാനേ വയ്യ..

ഇച്ചിരി പതുക്കെ പറ.. ഇത്തി എങ്ങാനും ഇപ്പൊ കേട്ടാ ഈ ടോപ്‌ ഒക്കെ ഇക്ക വാങ്ങിച്ച് തരേണ്ടി വരും പറഞ്ഞേക്കാം..

ഇങ്ങനത്തെ ഒരു സാധനം.. ദെ ആലി ഞാന്‍ പോകുവാ.. എനിക്ക്‌ ഇനീം ഇതിന്‍റെ കാട്ടിക്കൂട്ടല്‍ കണ്ടോണ്ട് നില്ക്കാന്‍ പറ്റൂല.. ഇപ്പൊ തന്നെ കണ്ടോ ഒരു കാര്യവും ഇല്ലാതെ അവിടെ പോയി പ്രശ്നം ഉണ്ടാക്കുന്നത്..

കുറച്ച് മാറി രണ്ട് പേരോട് വഴക്കിടുന്ന ഇഷയെ നോക്കി മുഖം ചുളിച്ച് കൊണ്ട് അയാന്‍ പറഞ്ഞു..

ഇക്ക പോയാല്‍ പിന്നെ ഞാന്‍ എന്ത് ചെയ്യും..

നീ അവരുടെ കൂടെ പൊക്കോ.. എന്നിട്ട് അവളുടെ ഒടുക്കത്തെ ഷോഓഫും കണ്ട് ഇക്കാന്റെ കയ്യിലിരിക്കുന്നതും വാങ്ങിച്ച് ജീവനോടെ ബാക്കി ഉണ്ടേല്‍ നമുക്ക് വീട്ടില്‍ വച്ച് കാണാം..

എടാ എന്നേം കൊണ്ട് പോടാ.. നീ എന്ത് സാധനാ.. തൊരപ്പന്‍..

നീ പോടീ എലിക്കുട്ടി..

അതും പറഞ്ഞു അയാന്‍ അവിടെ നിന്ന് പോയി..

\'ഇത് പോലത്തെ ഒരു പെടിതോണ്ടാനെ ആണല്ലോ പടച്ചോനെ നീ എനിക്ക്‌ എന്‍റെ ഇക്ക ആയിട്ട് തന്നത്.. അവന്‍ പറഞ്ഞ പോലെ ഇക്കാക്ക എങ്ങാനും terrorആകുവോ.. അയാൽ ‍ തീര്‍ന്നു പിന്നെ എന്നെ പെറുക്കി എടുക്കാന്‍ പോലും ആളില്ലല്ലോ 😐😭

അയാന്‍ പോകുന്നതും നോക്കി ഒരു നിമിഷം ആലോചിച്ചു നിന്നെങ്കിലും പിന്നെ വീണ്ടും ശ്രദ്ധ കയ്യിലെ ടോപ്പുകളില്‍ തന്നെ വന്നുനിന്നതും അയാനെ ഒക്കെ മറന്നിട്ട് കണ്ണാടിയുടെ മുന്നില്‍ നിന്ന് ഓരോന്നും വച്ച് നോക്കാന്‍ തുടങ്ങി..

 💘💘💘💘💘💘💘

 
ഇപ്പുറത്ത് ദിലുവും പാത്തുവും തിരക്ക് പിടിച്ച ഷോപ്പിംഗിൽ ആണ്.. ദിലു ഏതെടുത്താലും അത് പാത്തുവിന് പിടിക്കില്ല.. നേരെ തിരിച്ച് പാത്തുവിനു പിടിച്ചത് ദിലുവിനും പിടിക്കില്ല.. അങ്ങനെ രണ്ടും കൂടി ഡിസ്പ്ലേയില്‍ ഉള്ള എല്ലാം എടുത്തിട്ടും ഒരു കാര്യോം ഇല്ലാതെ കുറെ വാരിവലിച്ചിട്ടും നടക്കുവാണ്.. നല്ലതെന്ന് തോന്നിയ ഒരു ഡ്രസ്സ്‌ എടുത്ത് പാത്തുവിനെ കാണിക്കാന്‍ തിരിഞ്ഞപ്പോ ആണ് അതെ ടോപ്പില്‍ വേറെ ഒരു കൈ കൂടി..

അവളെ തുറിച്ചു നോക്കുന്നത് കണ്ട് നെറ്റിച്ചുളിച്ചെങ്കിലും ദിലു എന്തേലും പറയും മുന്നേ അവള്‍ ഡ്രസ്സ്‌ പിടിച്ച് വാങ്ങി..

ഇത് ആദ്യം എടുത്തത് ഞാനാ..

അതിന് ചൂടാകുന്നത് എന്തിനാ പറഞ്ഞാ പോരെ..(ദിലു)

അതിന് മറുപടി ഒന്നും കൊടുക്കാതെ അവള്‍ തിരിഞ്ഞ് നടന്നുപ്പോയി..

ആരാടി അത്.. എന്താ പ്രശനം..(പാത്തു)

ആവോ.. അതിന് പ്രന്താടി.. ഞാന്‍ ഒരു ടോപ്‌ എടുത്തതിനു ആണ്.. അത് അവളാധ്യം കണ്ട് വച്ചതായിരുന്നു പോലും..

കണ്ട് വച്ചല്ലേ ഉള്ളൂ കാശൊന്നും കൊടുത്തില്ലല്ലോ എന്ന് ചോദിച്ചൂടായിരുന്നോ..

എനിക്ക്‌ ആ സാധനത്തിനെ കണ്ടപ്പോ തന്നെ ഇഷ്ടം ആയില്ല.. ഒരുമാതിരി പെയിന്‍റും ബക്കറ്റില്‍ തലകുത്തി വീണ പോലത്തെ ഒരു സാധനം.. രാവിലെ തെന്നെ ഇറങ്ങിക്കോളും ഇങ്ങനെ കുറെയെണ്ണം.. ചുമ്മാ നമ്മുക്ക് പാര ആകാന്‍ വേണ്ടി..(ദിലു)

നീ വിട്..അവരും ഈ ഭൂമിടെ അവകാശികള്‍ അല്ലെ..

അതെനിക്കങ്ങോട്ട് ഇഷ്ട്ടപ്പെട്ടു..

THANK YOU THANK YOU...

അല്ല നമുക്കിവിടന്നു പോവണ്ടേ..

വേണം..

എങ്കി ഏതെങ്കിലും രണ്ട് ടോപ്‌ എടുത്തിട്ട് പോരെടി.. മണിക്കൂര്‍ ഒന്നായി ഇവിടെ കിടന്നു തിരിയാന്‍ തുടങ്ങിയിട്ട്

പറയുന്ന കേട്ടാല്‍ തോന്നും ഞാന്‍ മാത്രം ആണ്‍ കാരണം എന്ന്.. നിനക്കല്ലേ ഞാന്‍ കാണിക്കുന്നതോന്നും ഇഷ്ട്ടപെടാത്തെ..(പാത്തു)

സമ്മതിച്ചു ഞാന്‍ തന്നെ..

വീണ്ടും ഒന്നും രണ്ടും പറയാന്‍ നിന്നാല്‍ അവിടെ കിടന്ന അടി ആകും എന്ന മനസിലായത് കൊണ്ട് ദിലു തന്നെ സമ്മതിച്ചു കൊടുത്തു.. വീണ്ടും ഒരു അര മണിക്കൂര്‍ കഴിഞ്ഞിട്ടാണ് തപ്പി തപ്പി രണ്ടിനും ഇഷ്ട്ടപ്പെട്ട ഡ്രസ്സ്‌ എടുത്തു കഴിയുന്നത്..

പിന്നേയ് ഇനിയെന്താ പരിപാടി..(പാത്തു )

ഷോപ്പിംഗ്‌ കഴിഞ്ഞില്ലേ.. ഇനി ബില്ലടിക്കണം പോകണം..

അതല്ലടി പോത്തെ.. അജുക്ക.. അജുക്കാനെ വിളിക്കണം പുറത്ത് പോകണം എന്നൊക്കെ പറഞ്ഞിട്ട്..

ഓ.. അത്.. അതിന് ആദ്യം നിന്‍റെ ഉമ്മിയെ വിളിക്കണ്ടേ.. എങ്കി ഒരു കാര്യം ചെയ്യ്‌ നീ ഇത് കൊണ്ട് ബില്ല് ആക്കിയിട്ട് വാ.. ഞാന്‍ നിന്‍റെ ഉമ്മിയെ വിളിച്ച് സോപ്പിട്ടിട്ട് അജുക്കനേം കൂട്ടി വരാം..

ശരിയെന്നാ.. ഞാന്‍ ആ ബില്ലിംഗ് കൌണ്ടറിന്‍റെ അവിടെ കാണും.

OK ടാ..

നിക്ക്.. കാഷ് തന്നിട്ട് പോടീ..

ഏറ്റില്ല.. അല്ലെ..

ഇതൊക്കെ ഒത്തിരി പഴയതാ.. ഈ എന്നെ വടിയാക്കണമെങ്കിലേ.. മോള് ഇച്ചിരി കൂടെ വളരണം.. മര്യാദക്ക് കാശ് തന്നിട്ട് പോകാന്‍ നോക്ക്..(പാത്തു )

അങ്ങനെ നല്ല അസ്സലായി നാറിയിട്ടും അതൊന്നും പുറത്ത് കാണിക്കാതെ പാത്തുവിന് ബില്ലടക്കാന്‍ ഉള്ള കാശും കൊടുത്ത് ദിലു ഷോപ്പിന് പുറത്തേക്കിറങ്ങി..

പാത്തുവിന്റെ ഉമ്മിയെ വിളിച്ച് സോപ്പിട്ട് ഒരുവിധം സമ്മതിപ്പിച്ച് എടുത്തപ്പോഴേക്കും അവള്‍ ബില്ലൊക്കെ അടച്ച് വന്നിരുന്നു.. അവള്‍ നേരെ അപ്പുറത്തുള്ള cosmetic കടയില്‍ കയറിയിരുന്നു.. ഇനിയിപ്പോ ഇതും വേണോ എന്ന മട്ടില്‍ ദിലുവും അവളുടെ കൂടെ കയറിച്ചെന്നു..
പാത്തു നമ്മള്‍ നേരത്തെ കണ്ട കാക്കു എന്നും പറഞ്ഞു കാണിച്ചപ്പോള്‍ ആണ് നേരത്തെ അവളോട് ഉടക്കിയ അതെ PAINT ഭൂതത്തിന്റെ കൂടെ നില്‍ക്കുന്ന ദാനിയെ അവള്‍ ശ്രദ്ധിക്കുന്നത്..

മേക്കപ്പിനോട് വല്ല്യ താല്പര്യം ഇല്ലാത്ത പാത്തു ഇപ്പൊ ഇങ്ങോട്ട കയറി വന്നതിന്‍റെ ഉദ്ദേശവും ഇപ്പോഴാണ് അവള്‍ക്ക് കത്തിയത്..

നിനക്ക് ഇത് എന്തിന്റെ കേടാ പാത്തു.. നീയിങ്ങ് വന്നേ..

ഞാന്‍ അതിന് വന്നതൊന്നും അല്ല എനിക്ക്‌ ഒന്ന് രണ്ട് സാധനങ്ങള്‍ വാങ്ങിക്കാന്‍ ഉണ്ട്. അതിന് കേറിയതാ..

ഉവ്വ ഞാന്‍ വിശ്വസിച്ചു..

അവള്‍ പിന്നേം ഓരോന്ന് പറഞ്ഞു അവിടെ നില്ക്കാന്‍ നോക്കിയെങ്കിലും ദിലു ഉന്തിത്തള്ളി അവിടെ നിന്ന് കൊണ്ട് പോയി..

💘💘💘💘💘💘💘💘 

ഇഷയെ കൊണ്ട് പൊറുതിമുട്ടിയിട്ടും ആലി അടുത്ത് നില്‍ക്കുന്നത് കൊണ്ട് മാത്രം ചിരിച്ച് കളിച്ചു കൊണ്ട് നില്‍ക്കുകയന്‍ ദാനി.. അജുവിന് ഓഫീസില്‍ നിന്ന് എന്തോ ഇമ്പോര്‍ട്ടന്റ് കാള്‍ വന്നിട്ട് മാറിയതാണ്.. ആ നേരം കൊണ്ട് ആലിയാണ് ഇഷ ഡ്രസ്സ്‌ എടുക്കാന്‍ വിളിക്കുന്നു എന്നും പറഞ്ഞു പിടിച്ചു വലിച്ചോണ്ട് വന്നത്.. അവിടെ ഒരു രണ്ടു മണിക്കൂര്‍ പോസ്റ്റ്‌ ആക്കിയതും പോരാഞ്ഞ് അവള്‍ക്കിപ്പോ മേക്കപ്പ് വാങ്ങണം എന്നും പറഞ്ഞു അതിനു അവനെ പിടിച്ച് കൂടെ ഇരുത്തിയിട്ടുണ്ട്.. ഇഷയുടെ വെറുപ്പീര് സഹിക്കാതെ ദാനി കുറെ വട്ടം പോകാന്‍ ഒക്കെ നോക്കിയെങ്കിലും ഇഷ വിട്ടാലും ആലി വിടൂല... എന്തായാലും അവന്‍റെ കയ്യീന്ന് കിട്ടും എന്ന ഉറപ്പായപ്പോ രണ്ടും കല്‍പ്പിച്ച് ഇറങ്ങിയതാണ് അവള്‍.. ചുരുക്കി പറഞ്ഞാല്‍ ദാനി നല്ല അസ്സലായി തന്നെ പെട്ടു എന്ന് തന്നെ സാരം..

ഇതിനിടയില്‍ മടുത്ത് പുറത്ത് നോക്കി ഇരിക്കുന്നതിനിടയില്‍ ദിലുവും പാത്തുവും അവിടെ വരുന്നതും അവിടെ ഒന്ന് പരുങ്ങിക്കളിക്കുന്നതും അവന്‍ ശ്രദ്ധിച്ചിരുന്നു.. വലുതായിട്ടൊന്നും തോന്നിയില്ലെങ്കിലും എന്ത് കൊണ്ടോ ഇഷയെക്കള്‍ ഭേതം ആകും എന്നൊരു ചിന്ത അവന്‍റെ മനസ്സില്‍ വന്നിരുന്നു.. എന്തൊക്കെയോ ആലോചിച്ചു കൊണ്ടിരുന്ന അവനെ അവസാനം ആലിയുടെ ശബ്ധം ആണ് ചിന്തകളില്‍ നിന്ന് ഉണര്‍ത്തിയത്..

ഇവിടന്നു ഓടിപ്പോകാന്‍ തോന്നുന്നുണ്ടോ ഇക്കാക്ക..

നിന്നെ ഓടിക്കാന്‍ തോന്നുന്നുണ്ട്...

എന്നിട്ട് ഇത്തിനേം പറഞ്ഞു വിട്ട് സമാധാനത്തോടെ ഇരിക്കാം എന്ന് അല്ലെ.. തല്‍കാലം ഞാന്‍ സമ്മതിക്കില്ല..

നിന്നെ ഞാന്‍ വീട്ടിന്നു എടുത്തോളാം..

അതല്ലേലും ഞാന്‍ ഉറപ്പിച്ചതാ..

അപ്പൊ രണ്ടും കല്‍പ്പിച്ചാണ്..

അതെ.. മര്യാദക്ക് ഞങ്ങള്‍ പറയുന്നത് കേട്ടൂടെ.. ഇല്ലേ ഈ മാരണത്തിനെ തന്നെ എടുത്തു തലേല്‍ വെക്കേണ്ടി വരും..

എന്‍റെ ലൈഫിലെ പെണ്ണിനെ ഞാന്‍ already കണ്ട് വച്ചിട്ടുണ്ട്.. അത് ദെ അവളാ..

ഇഷയെ ആണ് ദാനി ഉദ്ദേഷിച്ചതെങ്കിലും ആലിയുടെ കണ്ണ് പതിച്ചത് പുറത്ത് നിന്ന് പാത്തുവിനെ ഉന്തി തള്ളി അവിടെ നിന്ന് കൊണ്ട് പോകുന്ന ദിലുവിലാണ്..

എനിക്കിഷ്ടായി..😌(ആലി)

ആരെ..

എന്‍റെ ഭാവി നാത്തൂനെ..

ഞാന്‍ ഇഷയെയാ ഉദേശിച്ചേ.. നീ അവിടെ വേറെ ആരെയെങ്കിലും കണ്ടോ..

ഇച്ചിരി ഈമാന്‍ തോന്നിക്കുന്ന ഒരു ഇത്തിയെ കണ്ട്.. അത് പോലത്തെ ആരെയെങ്കിലും നോക്കിക്കൂടെ ഇക്കാക്ക്.. ഈ സാധനം ഒക്കെ നാത്തൂന്‍ ആയി വന്നാലത്തെ അവസ്ഥ..

അനുഭവിക്ക്..

അനുഭവിക്കാന്‍ ഒന്നും കാണില്ല.. മിക്കവാറും അതിനെ ഞാന്‍ വല്ല ആറ്റിലും താഴ്ത്തും..😬🔥

അതും പറഞ്ഞു അവള്‍ അവിടെ നിന്ന് എണീറ്റ് പോയതും അവന്‍ വെറുതെ ഒന്ന് പുറത്തേക്ക് നോക്ക്.. ഗ്ലാസ്‌ ഡോറിനപ്പുറം ദിലുവിനെ കാണാഞ്ഞിട്ടോ അവന്‍ ചുറ്റും ഒന്ന് നോക്കിയിട്ട് കയ്യിലിരുന്ന മാഗസിനില്‍ തന്നെ കണ്ണ് നട്ടിരുന്നു.

തുടരും... 

നായികാ നായകന്‍.. OUR D&D FIRST MEET ഉടന്‍.. 😌💘🔥