💘*Queen of Daani*💘

🥀LOVE After NikKaH💝

 

 

Part-6 



ഇഷയെ കൊണ്ട് പൊറുതിമുട്ടി ഷോപ്പിലെ സെറ്റിയില്‍ ഒരു മാഗസിനും കയ്യില്‍ വച്ച ഇരിക്കുകയാണ് ദാനി.. ഇരുന്നു മടുത്തിട്ട് വെറുതെ പുറത്തു കൂടി കണ്ണോടിക്കുമ്പോള്‍ ആണ് ദിലുവും പാത്തുവും അവിടെ വരുന്നതും അവിടെ നിന്ന് പരുങ്ങിക്കളിക്കുന്നതും ദിലു പാത്തുവിനെ ഉന്തി തള്ളി കൊണ്ട് പോകാന്‍ നോക്കുന്നതും ശ്രദ്ധിച്ചിരുന്നു.. വലുതായിട്ടൊന്നും  തോന്നിയില്ലെങ്കിലും എന്ത് കൊണ്ടോ ഇഷയെക്കള്‍ ഭേതം ആകും എന്നൊരു ചിന്ത അവന്‍റെ മനസ്സില്‍ വന്നിരുന്നു.. എന്തൊക്കെയോ ആലോചിച്ചു കൊണ്ടിരുന്ന അവനെ അവസാനം ആലിയുടെ ശബ്ധം ആണ് ചിന്തകളില്‍ നിന്ന് ഉണര്‍ത്തിയത്..

 

ഇവിടന്നു ഓടിപ്പോകാന്‍ തോന്നുന്നുണ്ടോ ഇക്കാക്ക..

നിന്നെ ഓടിക്കാന്‍ തോന്നുന്നുണ്ട്...

എന്നിട്ട് ഇത്തിനേം പറഞ്ഞു വിട്ട് സമാധാനത്തോടെ ഇരിക്കാം എന്ന് അല്ലെ.. തല്‍കാലം ഞാന്‍ സമ്മതിക്കില്ല..

നിന്നെ ഞാന്‍ വീട്ടിന്നു എടുത്തോളാം..

അതല്ലേലും ഞാന്‍ ഉറപ്പിച്ചതാ..

അപ്പൊ രണ്ടും കല്‍പ്പിച്ചാണ്..

അതെ.. മര്യാദക്ക് ഞങ്ങള്‍ പറയുന്നത് കേട്ടൂടെ.. ഇല്ലേ ഈ മാരണത്തിനെ തന്നെ എടുത്തു തലേല്‍ വെക്കേണ്ടി വരും..

എന്‍റെ ലൈഫിലെ പെണ്ണിനെ ഞാന്‍ already കണ്ട് വച്ചിട്ടുണ്ട്.. അത് ദെ അവളാ..

ഇഷയെ ആണ് ദാനി ഉദ്ദേഷിച്ചതെങ്കിലും ആലിയുടെ കണ്ണ് പതിച്ചത് പുറത്ത് നിന്ന് പാത്തുവിനെ ഉന്തി തള്ളി അവിടെ നിന്ന് കൊണ്ട് പോകുന്ന ദിലുവിലാണ്..

എനിക്കിഷ്ടായി..😌(ആലി)

ആരെ..

എന്‍റെ ഭാവി നാത്തൂനെ..

ഞാന്‍ ഇഷയെയാ ഉദേശിച്ചേ.. നീ അവിടെ വേറെ ആരെയെങ്കിലും കണ്ടോ..

ഇച്ചിരി ഈമാന്‍ തോന്നിക്കുന്ന ഒരു ഇത്തിയെ കണ്ട്.. അത് പോലത്തെ ആരെയെങ്കിലും നോക്കിക്കൂടെ ഇക്കാക്ക്.. ഈ സാധനം ഒക്കെ നാത്തൂന്‍ ആയി വന്നാലത്തെ അവസ്ഥ..

അനുഭവിക്ക്..

അനുഭവിക്കാന്‍ ഒന്നും കാണില്ല.. മിക്കവാറും അതിനെ ഞാന്‍ വല്ല ആറ്റിലും താഴ്ത്തും..😬🔥

അതും പറഞ്ഞു അവള്‍ അവിടെ നിന്ന് എണീറ്റ് പോയതും അവന്‍ വെറുതെ ഒന്ന് പുറത്തേക്ക് നോക്ക്.. ഗ്ലാസ്‌ ഡോറിനപ്പുറം ദിലുവിനെ കാണാഞ്ഞിട്ടോ അവന്‍ ചുറ്റും ഒന്ന് നോക്കിയിട്ട് കയ്യിലിരുന്ന മാഗസിനില്‍ തന്നെ കണ്ണ് നട്ടിരുന്നു.

 
**തുടരുന്നു...**
 


*-*-*-*-*-*-*-*-*-*-*-*-*-*-*-*-*-*





പാത്തുവിനെന്തോ ദാനിയെ വല്ലാണ്ട് അങ്ങ് പിടിച്ചിട്ടുണ്ട്.. വീണ്ടും വീണ്ടും ആ കാര്യം  തന്നെ പറഞ്ഞ് ദിലുവിനെ ശല്യപ്പെടുത്തിക്കൊണ്ടിരുന്നതും  അവള്‍  കനപ്പിച്ചു  ഒന്ന് നോക്കി..  ആ ഒരോറ്റ നോട്ടം കൊണ്ട് തന്നെ  കുട്ടി decent ആയി.. 

\"അജുക്ക താഴെ വെയിറ്റ് ചെയ്യുന്നുണ്ട്.. നീ വേഗം വന്നേ ഇനി ആ കുരിപ്പുകളെ കൂടി തേടിപ്പിടിക്കണമല്ലോ..😬\"

\"എന്തിനാ തിരയണേ... ദേ നില്‍ക്കുന്നു..\"

 ഒരു തൂണില്‍ ചുറ്റിപ്പിടിച്ച് നില്‍ക്കുന്ന അഫിയെയും അവന്‍റെ കയ്യില്‍ പിടിച്ച് വലിക്കുന്ന പൊന്നുവിനെയും കാണിച്ചു കൊണ്ട് പാത്തു പറഞ്ഞതും അവളോട് കഴുകന്റെ കണ്ണെന്നും കമന്റ്‌ അടിച്ച് ദിലു അവരുടെ അടുത്തേക്ക് പോയി.. 

അവിടെ രണ്ടും കൂടി പൊരിഞ്ഞ അടി നടക്കുകയാണ്.. മാള്‍ ആണെന്ന വിചാരം ഒന്നും അവര്‍ക്കില്ല. ദിലു ഇടപ്പെട്ട് ഒരുവിധം അത് സോള്‍വ്‌ ചെയ്തപ്പോഴേക്കും അവരെ കാണാഞ്ഞിട്ട്‌ അജു മുകളിലേക്ക് വന്നിരുന്നു..


\"എന്നോട് താഴെ നില്ക്കാന്‍ പറഞ്ഞിട്ട് എല്ലാം കൂടി ഇവിടെ എന്ത് ചെയ്യുവാ..\"

\"ഞാന്‍ വരുവായിരുന്നു.. ഇവരിവിടെ കിടന്നു സീന്‍ ആക്കിയപ്പോ അത് സോള്‍വ്‌ ചെയ്യാന്‍ നിന്നതാ..\"(ദിലു)

\"രണ്ടിനും കേടുപാട് ഒന്നും  ഇല്ലാതെ ജീവനോടെ ഉണ്ടല്ലോ.. അത് തന്നെ വല്ല്യ സമാധാനം.. അല്ല ഇവളും വരുന്നുണ്ടോ..\"

അവന്‍ ഉദേശിച്ചത് നമ്മുടെ പാത്തുവിനെ ആണ്..  അത് കേട്ട് അവള്‍  അവനെ തറപ്പിച്ചൊന്നു നോക്കിയെങ്കിലും അവന്‍ അത് ഗൌനിച്ചതെ ഇല്ല.


\"അവള്‍ ഉള്ളത് കൊണ്ട് മാത്രം ആണ് ഇന്ന് പോയാലോ എന്ന് ചോദിച്ചേ.. അവളെ വല്ലപ്പോഴേ ഇങ്ങനെ ഒഴിഞ്ഞു കിട്ടുള്ളൂ..\"(ദിലു)

\"അപ്പൊ ഇടയ്ക്കിടക്ക് കോളേജില്‍  നിന്ന് ക്ലാസ്സ്‌ cut ചെയ്ത് കറങ്ങാന്‍ പോകുന്നതോ..\"(അഫി)

\"അത് വല്ലപ്പോഴും അല്ലെ.. അല്ല അതെങ്ങനെ ഇക്ക അറിഞ്ഞു..👀\"(ദിലു)

\"നീയൊക്കെ ഒന്ന് കയ്യനക്കിയാല്‍ പോലും ഞാന്‍ അറിയും..\"(അജു)

\"bro വഴി ഞാനും..\"(അഫി)

\"സമ്മതിച്ചു ഗുരുവേ.. ഇത്രേം ഉത്തരവാദിത്തം ഉള്ള രണ്ടു ആങ്ങളമാര്‍.. \"

കൈ കൂപ്പി കൊണ്ട് പറഞ്ഞു നിര്‍ത്തിയതും അഫി ദിലുവിന്റെ തോളില്‍ കയ്യിട്ടു കൊണ്ട് താഴേക്ക് നടന്നു..
പൊന്നുവിന്റെ അടുത്ത് നിന്ന് എസ്കേപ്പ് ആകാന്‍ ഉള്ള അവന്‍റെ  സൈക്കോളജിക്കല്‍ മൂവ് ആണ്. അത് മനസിലാക്കി തന്നെ പൊന്നുവും അവരുടെ പിറകെ വച്ച് പിടിച്ചു..

 
അവരുടെ സംസാരത്തിനിടയില്‍ ഒരിക്കല്‍ പോലും അജു പാത്തുവിനെ ഒന്ന് നോക്കുക പോയിട്ട്  റോഡ്‌ സൈഡില്‍ കണ്ട പരിചയം പോലും കാണിക്കാതെയുള്ള പെരുംമാറ്റം കാരണം അവള്‍ക്ക് ദേഷ്യം ഇരച്ചു കയറുന്നുണ്ടായിരുന്നു.. ഒന്നും പറയാന്‍ നിവര്‍ത്തി ഇല്ലാത്തതു കൊണ്ട് അവള് ദേ‍ഷ്യം മുഴുവന്‍ അവനെ മനസ്സില്‍ പ്രാകി തീര്‍ത്തു.

അജു അവര്‍ മൂന്ന് പേരും കൂടി അടിയിട്ട് പോകുന്നതും നോക്കി ഒരു ചിരിയോടെ തിരിഞ്ഞതും നേരെ മുന്നില്‍ അവനെ ഒറ്റയടിക്ക് കൊല്ലാന്‍ ഉള്ള ദേഷ്യത്തില്‍ നിന്ന് വിറക്കുവാണ് പാത്തു.. 


\"അപ്പൊ പോയാലോ..\"(അജു with നിഷ്കു ചിരി😁)

\"ഞാന്‍ വരുന്നത് ഇഷ്ടം അല്ലല്ലോ..\"(പാത്തു with ultimate കലിപ്പ😡)

\"ആര് പറഞ്ഞു..\"

\"പിന്നെന്തിനാ അവളോട്‌ ചോദിച്ചേ ഞാന്‍ വരുന്നുണ്ടോന്ന്..\"

\"അത് ചുമ്മാ ചോദിച്ചെന്നെ ഉള്ളൂ.. \"

\"അത് എനിക്ക് ഇഷ്ടം ആയില്ല.. ഇനി കൊഞ്ചാന്‍ ഇങ്ങ് വാ ഞാന്‍ അപ്പൊ ശെരിയാക്കി തരാ..\"

അവന്‍റെ തോളിനിട്ടു ഒന്ന് കൊടുത്തിട്ട് അതേ ദേഷ്യത്തില്‍ അവള്‍ താഴേക്ക് പോയി..



💘💘💘💘💘💘💘💘💘💘





പിന്നെയും  പിന്നെയും എന്തൊക്കെയോ വാങ്ങണം എന്ന് പറഞ്ഞു നിന്ന ഇഷയെ  വിധത്തിലാണ് ദാനി പറഞ്ഞു മയക്കി കാറില്‍ കയറ്റിയത്.. എല്ലാം കണ്ട് കളിയാക്കി കൊണ്ട് ആലിയും പിറകെ തന്നെ ഉണ്ട്. ആലി അവരുടെ കൂടെ വരുന്നതിനോട് പക്ഷേ ഇഷയ്ക്ക്  വല്ല്യ താല്‍പ്പര്യം ഉണ്ടായിരുന്നില്ല,  അത് ആലിയോട്  തുറന്നു പറയാനും പറ്റില്ല.. (ദാനിയേ സോപ്പിടാന്‍ ആലി വേണമല്ലോ.. അത് കൊണ്ട്) എങ്കിലും അവള്‍ വീണ്ടും വീണ്ടും ദാനിയോട് ചോദിച്ചു കൊണ്ടിരുന്നു..


ആലിയും നമ്മുടെ  കൂടെ വരുന്നുണ്ടോ..

ആ.. അയാൻ പോയ സ്ഥിതിക്ക് അവളെ ഇവിടെ ഒറ്റയ്ക്ക് വിടാന്‍ പറ്റില്ലല്ലോ..

അതല്ല.. നമുക്ക് പോകുന്ന വഴിക്ക് അവളെ വീട്ടില്‍ ആക്കിയിട്ട് പോയാല്‍ പോരെ.. അവള്‍ ഇക്കൊല്ലം sslc അല്ലെ.. ഒരുപാട് പഠിക്കാന്‍ ഒക്കെ കാണില്ലേ.. ആ സമയത്തിങ്ങനെ കറങ്ങി നടന്നാല്‍ ശെരിയാവില്ലല്ലോ..

അവളവിടെ അടങ്ങി നിന്നോളും നീ അതോര്‍ത്ത് ടെന്‍ഷന്‍ ആകണ്ട..

ഞാന്‍ പറഞ്ഞെന്നെ ഉള്ളൂ..

അതും പറഞ്ഞു അവള്‍ വല്ല്യ  താല്പര്യം ഇല്ലാത്തത് പോലെ ഇരുന്നു.. ഇവരുടെ സംസാരം ഒക്കെ കേട്ടിട്ടും ആലി കേള്‍ക്കാത്തത് പോലെ ചെവിയില്‍ ഹെഡ്സെറ്റും വച്ച് പാട്ട് കേട്ട് കൊണ്ടിരിക്കുകയായിരുന്നു.. 

ആദ്യം എങ്ങോട്ടാ.. (ദാനി)

അങ്ങനെ ഇങ്ങോട്ട് എന്നൊന്നും ഇല്ല.. ചുമ്മാ ഇങ്ങനെ കറങ്ങി നടക്കാം..(ഇഷ)

പെട്രോള്‍ ഇത്തിടെ വക..(ആലി)

അല്ല പിന്നെ..😎 അവളെ ഒഴിവാക്കാന്‍ നോക്കിയതിന് അവള്‍ ഇത്ര എങ്കിലും പറയണ്ടേ.. ഇഷയ്ക്ക് അന്തം ഇല്ലാത്തത് കൊണ്ട് അതവളെ കുത്തി പറഞ്ഞതാണെന്ന് അവള്‍ക്കു മനസിലായില്ലെങ്കിലും ദാനിക്ക് സംഭവം കത്തി.


*-*-*-*-*-

വൈകുന്നേരം വരെ ഓരോ സ്ഥലത്തും പോയി ഇഷ നല്ലോണം മുതലാക്കുന്നുണ്ട്.. എല്ലായിടത്ത് നിന്നും ഫോട്ടോ എടുപ്പിക്കുന്നത് മുഴുവന്‍ ആലിയെ കൊണ്ടാണ്.. ഒരു നിമിഷം അയാന്റെ കൂടെ പോയാല്‍ മതിയായിരുന്നു എന്ന് അവള്‍ക്കു തോന്നി തുടങ്ങി.. അതിനെക്കാള്‍ ഇഷ എത്രയൊക്കെ ക്ലോസ് ആയിട്ടും ഒരു ഭാവമാറ്റവും ഇല്ലാതെ നില്‍ക്കുന്ന ദാനിയെ കണ്ടാണ് അവള്‍ക്കു ദേഷ്യം വന്നത്..  ഒരുവിധം വൈകുന്നേരം ആയപ്പോഴേക്കും ആലി ഒരു വഴിക്ക് ആയിരുന്നു.. ദാനിക്ക് പണി കൊടുക്കാന്‍ ആണേല്‍ പോലും ഇനി  മേലില്‍ ഇഷയെ വിളിക്കില്ലെന്നു അവള്‍ മനസ്സില്‍ തീരുമാനം എടുത്തിരുന്നു.. 

(ശെരിക്കും ഇതിന് തന്നെ ആണ് ദാനി ഇങ്ങനെ ഒക്കെ കാണിച്ചു കൂട്ടുന്നതും.. രണ്ടും ഇനി ഈ ജന്മത്ത് അവന് പാര വയ്ക്കുന്നതിനെ പറ്റി ആലോചിക്ക പോലും ചെയ്യരുത്.. കുറച്ച് കാലം ഇവരുടെ അടുത്ത് പിടിച്ച നില്‍ക്കാനുള്ള ഒരു മുന്‍കരുതല്‍.. പാവം എന്‍റെ ദാനി എന്തൊക്കെ സഹിക്കണം.. എന്തായാലും ഇതിപ്പോ അവര്‍ക്ക് തിരിച്ചു ഒരു പണി കൊടുക്കലും ആയി അവനൊരു ENTERTAINMENTUM ആയി..)

*-*-*-*-*-*-*-*-*-*



ബീച്ചില്‍ ഒരു ബെഞ്ചില്‍ ദാനിയുടെ കൈ ചുറ്റി പിടിച്ചു അവന്‍റെ തോളില്‍ തല ചായ്ച്ചു കിടക്കുകയാണ് ഇഷ..  ദാനിയും എതിര്‍ക്കുകയൊന്നും ചെയ്യാതെ അവളോട്‌ ചേര്‍ന്നിരിക്കുന്നുണ്ട്.. തൊട്ടപുറത്തു ബെഞ്ചിന്റെ അറ്റത്ത് ഇത് നോക്കി \'ഇതിന്നിങ്ങാനും തീരുവോ😒\' എന്ന ഭാവത്തില്‍ ആലിയും ഇരിപ്പുണ്ട്.. ഇഷ മതിവരാതെ ദാനിയോട് എന്തൊക്കെയോ പറഞ്ഞുക്കൊണ്ടിരിക്കുകയാണ്.. അവളുടെ കൊഞ്ചിക്കുഴയലും  ഓവറാക്ടിങ്ങും സഹിക്കാതെ ആലി ദേഷ്യത്തോടെ ഫോണ്‍ എടുത്തുവച്ചു അതില്‍ തോണ്ടി കളിയ്ക്കാന്‍ തുടങ്ങി..



സമയം പെട്ടന്ന് അങ്ങ് പോയല്ലേ.. (ഇഷ)

പിന്നേ..

ഞാന്‍ ഈ അടുത്തൊന്നും ഇത്ര ഹാപ്പി ആയി ഇരുന്നിട്ടില്ല.. 

സണ്‍സെറ്റിന് ഇനിയും സമയം ഉണ്ട്.. നമുക്ക് എവിടേലും മാറി ഇരുന്നാലോ..

കുറച്ചു നേരം കൂടി ഇങ്ങനെ ഇരിക്കാം.. എപ്പോഴും ഒന്നും ഇക്കാനെ ഈ മൂഡില്‍ കിട്ടൂല..

[ലെ ദാനി:- എപ്പോഴും അല്ല ഇനി ഒരിക്കലും കിട്ടൂല] 

ദേ ആലി ഇരിക്കുന്നുണ്ട്.. നീ എണീറ്റെ..(ദാനി)

ആര് നോക്കിയാ നമുക്കെന്താ.. 

അതും പറഞ്ഞു അവള്‍ അവനോട് കുറച്ചുകൂടി ചേര്‍ന്നിരുന്നു.. ഈ പറഞ്ഞ സാധനം എല്ലാം കേട്ട് കൊണ്ട് തൊട്ടപ്പുറത്തിരിക്കുന്നുണ്ട് എന്നവള്‍ മറന്നതാണോ എന്തോ.. എന്തായാലും ആലിക്ക് അവളെ കൊന്നു കടലില്‍ താഴ്ത്താന്‍ ഉള്ള ദേഷ്യം വരുന്നുണ്ട്. എന്നിട്ടും ഒന്നും പറയാന്‍  ഇളക്കാതെ ദേഷ്യം ഉള്ളില്‍ തന്നെ അടക്കി വച്ച് ഫോണില്‍ ചുമ്മാ തോണ്ടിക്കൊണ്ടിരിക്കുന്നതിന്റെ ഇടയിലാണ് അയാന്റെ മെസ്സേജ് വരുന്നത്..

`എങ്ങനെ പോകുന്നു ഇക്കാന്റെ DATE´ എന്ന്.

അതിനവള്‍ വോമിറ്റ് ചെയുന്ന എമോജിക്കൊപ്പം അവര്‍ ഒന്നിച്ചിരിക്കുന്ന ഫോട്ടോ കൂടി അയച്ചു കൊടുത്തു..

`ഇഷ നന്നായി മുതലാക്കുന്നുണ്ടല്ലോ..\'

`ഇക്കാക്ക് എന്തോ പറ്റിയിട്ടുണ്ട്.. അവളോട് ദേഷ്യത്തില്‍ ഒരു വാക്ക് പോലും പറഞ്ഞിട്ടില്ല ഇതുവരെ..  എനിക്ക് അതിനെ കൊല്ലാനുള്ള ദേഷ്യം വരുന്നുണ്ട്..\'\'

``നിന്‍റെ പോലെ അത്ര പെട്ടെന്നൊന്നും ഇക്കാക്ക്‌ ദേഷ്യം വരില്ല ആലി.. അത് കൊണ്ട് മാത്രം ആണ് അവളിപ്പോഴും അങ്ങനെ ഇരിക്കുന്നെ..\'\'

``മിക്കവാറും ഞാന്‍ ഇതിനെ ഈ കടലില്‍ തന്നെ മുക്കി കൊല്ലും..\'\'

``ഞാന്‍ മുന്‍‌കൂര്‍ ജാമ്യം എടുത്തു വയ്ക്കാം ALL THE BEST\'\'

അവള്‍ ദേഷ്യപ്പെടുന്ന എമോജിയും ഇട്ടിട്ടു എന്തേലും വാങ്ങിക്കഴിക്കാന്‍ എന്നും പറഞു അവിടെ നിന്ന് പോയി..



💘💘💘💘💘💘💘💘💘💘




ആലീസേ..


അടുത്ത് തന്നെ ഉണ്ടായിരുന്ന ഒരു സ്ടളില്‍ ലൈനില്‍ നില്‍ക്കുമ്പോ ആണ് പിറകില്‍ നിന്ന് നല്ല പരിചയം ഉള്ള ഒരു ശബ്ദം.. തിരിഞ്ഞു നോക്കിയതും അവളുടെ കട്ട ചങ്ക് പൊന്നു..
ഇന്നലെ വൈകിട്ട് സ്കൂളില്‍ നിന്നും കണ്ടവരാണ് എന്നതിനൊന്നും ഇവിടെ പ്രസക്തി ഇല്ല.. ഇപ്പൊ രണ്ടിന്റേം കെട്ടിപ്പിടുത്തം ഒക്കെ കണ്ടാല്‍ പത്തിരുപ്പത് കൊല്ലം കഴിഞ്ഞു കാണുന്ന പോലെ ആണ്. 


പോന്നൂസേ... നീയെന്ത ഇവിടെ..

അത് തന്നെയാ എനിക്കും ചോദിക്കാന്‍ ഉള്ളേ.. നീയെന്താ ഇവിടെ..

ഇക്കാന്റെ കൂടെ ഇറങ്ങിയതാ.. നീ ആരുടെ കൂടെയ വന്നേ..

എല്ലാരും ഉണ്ട് ഇത്തിയും ഇക്കമാരും പിന്നെ ഇത്തിടെ ഫ്രണ്ടും.

എന്നിട്ട് എവിടെ..

അവര് കുറച്ച് അപ്പുറത്താ.. അവിടെ അതികം ആളുകള്‍ ഒന്നും ഇല്ലാത്തോണ്ട് നേരെ  അങ്ങോട്ട്‌ വിട്ടു.. ഞാന്‍ ഇപ്പൊ എന്തേലും കഴിക്കാന്‍ വാങ്ങാന്‍ വന്നതാ..


നിന്നെ കണ്ടത് നന്നായി ഞാന്‍ ആകെ ബോറടിച്ചു ഇരിക്കുവാര്‍ന്നു.. 

ബീച്ചില്‍ വന്നിട്ട് ബോറടിക്കുവാണെന്നോ..  നിന്നെ കൊണ്ടേ പറ്റൂ.. ഞങ്ങള്‍ അവിടെ കൂട്ടത്തല്ലാ.. നീയും വാ..

ഞാന്‍ ഇക്കാനോട് പറഞ്ഞിട്ട് വരാം..

ചങ്കിനെ കണ്ട സന്തോഷത്തില്‍ വാങ്ങിക്കാന്‍ വന്നതൊക്കെ വിട്ടു നേരെ ദാനിയുടെ അടുത്തേക്ക് തന്നെ പോയി.. 
അവര് വരുന്നത് കണ്ടിട്ടും ഇഷ്യ്ക്ക് കുലുക്കം ഒന്നും ഇല്ല.. ദാനിടെ കൈ വിടാതെ മുറുകെ പിടിച്ചു ഇരിക്കുകയാണ് അവൾ.. അവന്റെ ഭാഷയിൽ അട്ട ഒട്ടിയ പോലെ എന്നും പറയാം... 

ഇക്കാക്കാ.. ഞാന്‍ ഇവള്‍ടെ കൂടെ പോകുവാ.. നിങ്ങള്‍ പോകാന്‍ നേരത്ത് വിളി..(ആലി)

നിങ്ങള്‍ ഇവിടെ ഉണ്ടായിരുന്നോ.. അജുവും ഉണ്ടോ കൂടെ..

ഇഷയുടെ അടുത്ത് നിന്നും അകന്നു മാറി നിന്ന് കൊണ്ട് അവന്‍ പോന്നുവിനോടായി ചോദിച്ചു.

ഉണ്ടല്ലോ.. ഇതാരാ കൂടെ...


ഇഷയെ നോക്കി കണ്ണിറുക്കി കൊണ്ട് ചോദിച്ചതും ദാനി അവളുടെ തലക്കിട്ടൊരു കൊട്ട് കൊടുത്തു.


അതൊക്കെ ഒരാള്‍.. തല്‍കാലം നീ അറിയണ്ട..(ദാനി)

മ്മ്മ്മ്.. നടക്കട്ടെ.. നടക്കട്ടെ..

അവരെ ഒന്ന് കളിയാക്കിക്കൊണ്ട് അവര്‍ കുറച്ചു മാറി ബാക്കിയുള്ളവരുടെ കൂടെ പോയിരുന്നു.. 

ആലിടെ ഫ്രണ്ടിനു ഇക്കാനെ നല്ല പരിജയം ഉണ്ടെന്ന തോന്നുന്നു..(ഇഷ)

അവള്‍ അജുവിന്‍റെ പെങ്ങളും കൂടിയ 

അതിന് ഒന്ന് മൂളി കൊടുത്ത് അവനോട ചെര്‍ന്നിരിക്കാന്‍ നോക്കിയതും കൃത്യം ആയിട്ട് അവള്‍ടെ ഫോണ്‍ റിംഗ് ചെയ്തു..  വിളിച്ച ആളുടെ TIMING മനസ്സില്‍ പ്രാകി കോണ്ട് അവള്‍ ഫോണ്‍ എടുത്തു മാറിയിരുന്നു.

💘💘💘💘💘💘💘💘💘💘




കൊച്ചു കുട്ടികളുടെ പോലെ തിരകളുടെ ഒപ്പം ഓടിക്കളിക്കുകയാണ്  ദിലുവും പാത്തുവും കൂടി.. അഫിയും പൊന്നുവും ഇത് വരെ കൂടെ ഉണ്ടായിരുന്നെങ്കിലും രണ്ടും കൂടി അടി ആകാന്‍ ആയപ്പോ അജു nice ആയിട്ട് പൊന്നുവിനെ എന്തേലും വാങ്ങിക്കാന്‍ പറഞ്ഞു വിട്ടു.. അവരുടെ കൂടെ കളിക്കാൻ ഒന്നും ചെല്ലാതെ അജു nice ആയിട്ട് അവിടെ ഇരുന്ന് പാത്തുവിനെ വായിനോക്കുകയായിരുന്നു.. അവൾക്കും അവന്‍റെ കൂടെ പോയി ഇരിക്കണം എന്നുണ്ടായിരുന്നെങ്കിലും ഒരു സെക്കന്റ്‌ പോലും ദിലു വെറുതെ വിടാത്തത് കൊണ്ട് ഒന്ന്  ഒരുമിച്ചിരിക്കാനോ  അജുവിനോട് മിണ്ടാനോ ഇത്  വരെ അവള്‍ക്ക് പറ്റിയിട്ടില്ല.. 

പൊന്നു  പോയതും അഫിയും വന്നു  അജുവിന്‍റെ അടുത്ത് സ്ഥാനം പിടിച്ചു. അവന്‍  വന്നതോടെ സ്വസ്ഥം ആയി സ്വന്തം പ്രോപര്‍ട്ടി നോക്കിക്കൊണ്ടിരുന അജുവിന്‍റെ സമാധാനവും പോയി.. ഇന്റര്‍നാഷണല്‍ തള്ള് തൊട്ട് പക്കാ ലോക്കല്‍ ചളി വരെ അടിച്ച്  അവന്‍റെ  ചെവി തിന്നുവാണ് അഫി..

\"ഇപ്പോഴാണ് എനിക്ക് എന്തിനാ പൊന്നു നിന്നെ ഇങ്ങനെ എടുത്തിട്ട് അലക്കുന്നതെന്നും ദിലു അവളുടെ അടുത്തോട്ടെ അടുപിക്കാത്തതും എന്തിനാന്നു മനസിലായത്.. ഒന്ന് നന്നായിക്കൂടെടാ നിനക്ക്..\"

BETTER LUCK NEXT TIME

എന്ന് വച്ചാ..

എന്ന് വച്ചാ പിന്നെ നന്നാകാം എന്ന്.. ഇപ്പൊ ഞാൻ കുറച്ച് ബിസിയാ...


അതും പറഞ്ഞു അഫി വീണ്ടും വെള്ളത്തില്‍ കളിയ്ക്കാന്‍ ഇറങ്ങിയപ്പോള്‍ ആണ് പൊന്നു ആലിയേം കൂട്ടി വരുന്നത്..  ദാനി അപ്പുറത്തുണ്ട് എന്നറിഞ്ഞതും അവനെ കണ്ടിട്ട് വരാം എന്നും പറഞ്ഞു അജു അവിടെ നിന്ന് എണീറ്റു.. 
അവൻ പോകുന്നതിന് മുന്നേ തന്നെ ദിലു പൊന്നുവിനെ question ചെയ്യാൻ തുടങ്ങിയത് കണ്ട് ഒരു സെക്കന്റ്‌ അവിടെ തന്നെ നിന്ന്.. രണ്ടും കൂടി കിടന്ന് അടിയിട്ടാല്‍ അഫി നോക്കി നില്‍ക്കാതെ ഉള്ളൂ.. രണ്ടിനേം ജീവനോടെ കിട്ടണം എന്നുണ്ടേ അജു തന്നെ ഇടപെടണം ..

അല്ല ഒരുമിനിറ്റ്.. നിന്നെ പറഞ്ഞു വിട്ടത് എന്തിനായിരുന്നു..(ദിലു)

ഐസ്ക്രീം വാങ്ങിക്കാന്‍..(പൊന്നു )

എന്നിട്ട് എവിടെ...(പാത്തു )

അത് ഇവളെ കണ്ടപ്പോ മറന്നു പോയി😁..(പൊന്നു)

ഫ്ഫാ... പോയി വാങ്ങിച്ചിട്ട് വാടി..(ദിലു)

ഇനി ഇത്തി പൊക്കോ.. എനിക്കെങ്ങും വയ്യ ഇനിയും ആ തല വരെ പോയി വരാന്‍..(പൊന്നു )

ഇവളെ ഒക്കെ..(ദിലു )

ഒന്ന് പോയിട്ട് വാ ഇത്തി.. ഞങ്ങള്‍ കുട്ടികള്‍ ഒന്ന് കളിച്ചോട്ടെ.. നിങ്ങള്‍ പോത്ത് പോലെ വലുതായില്ലേ.. നിങ്ങള്‍ അല്ലെ ഞങ്ങള്‍ടെ കാര്യങ്ങള്‍ ഒക്കെ നോക്കണ്ടേ..(ആലി )

അയ്യോ രണ്ട് ഇള്ള കുട്ടികള്‍ വന്നേക്കുന്നു.. ഒരു കുത്ത് തന്നാലുണ്ടല്ലോ..(ദിലു )

ഞാന്‍ അങ്ങോട്ടും തരും..(ആലി )

ദിലു പറഞ്ഞു നിര്‍ത്തിയതും അതെ ടോണില്‍ ആലിയുടെ മറുപടി എത്തി.. അജുവും അഫിയും അത് കേട്ട് വാ പൊത്തി ചിരിക്കുന്നുണ്ട്.. 

നിനക്ക് പറ്റിയ ആളാ ദിലു.. CARRY ON.. CARRY ON..(അഫി)

നീ എല്ലാവരോടും സംസാരിച്ചു ഉത്തരം മുട്ടിക്കുന്ന പോലെ ഒന്നും ഇവളോട്‌ പറ്റില്ല.. ഇതിച്ചിരി വീര്യം കൂടിയ ഇനമാ..(അജു)


കണ്ടാ ഉണ്ടമുളക് പോലെ ഇരിക്കുമ്പോഴെ എനിക്ക് തോന്നിയതാ..  എന്തായാലും എന്‍റെ അത്രക്കൊന്നും ഒരാളും വരൂല. ഈ കുട്ടിഭൂതത്തിനെ ഞാന്‍ പിന്നെ എടുത്തോളാം.. ഞാന്‍ പോണു...(ദിലു)


ആലിയോട് കൊഞ്ഞനം കുത്തി കാണിച്ചു കൊണ്ട് ദിലു പാത്തുവിനെ പോലും വിളിക്കാതെ അവിടന്ന് പോയി. കിട്ടിയ ഗ്യാപ്പിൽ പാത്തു അജുവും അഫിയും ഒക്കെ ഇരുന്ന ഭാഗത്ത്‌ പോയി ഇരുന്നു.. 
അടുത്ത അടിക്കുള്ള ത്രെഡ് നോക്കി അഫിയും പോയതോടെ ദാനിയെ കാണാൻ എഴുന്നേറ്റ അജു വെറുതെ ഒന്ന് ചുറ്റും നോക്കിയിട്ട് പാത്തുവിന്റെ അടുത്ത് പോയിരുന്നു.. അവനെ ശ്രദ്ധിക്കാതിരിക്കാൻ ആവുന്നതും നോക്കിയെങ്കിലും അവന്റെ സാമീപ്യം അവളിൽ ഒരു പുഞ്ചിരി വിരിയിച്ചു

-*-*-*-*-*

അങ്ങാടിയില്‍ തോറ്റതിന് അമ്മയോട് എന്നപ്പോലെ നേരത്തെ അജുവും അഫിയും കൂടി കളിയാക്കിയതിന്റെ ദേഷ്യം ഐസ്ക്രീം കടയിലെ ആളോട് വിലപ്പേശി അടിയിട്ടു തീര്‍ത്തു കൊണ്ട് തിരിഞ്ഞപ്പോൾ ആണ് പിറകിൽ ഏതോ ഒരു വന്മരത്തില്‍ കൊണ്ട് ഇടിച്ചത്.. ഇടിച്ച ഇടിയില്‍ കയ്യിലുള്ള ഐസ്ക്രീം പകുതിയും താഴെ വീണിരുന്നു.. കുറച്ചൊക്കെ ഡ്രസ്സിലും ആയത് കണ്ട് കലികേറി രണ്ട്  പറയാന്‍ തന്നെ തീരുമാനിച് തല  ഉയര്‍ത്തി നോക്കിയതും മനസിലായി.. ഇടിച്ചത് വന്മരത്തില്‍ അല്ലെന്നു..  തന്നെ ഉറ്റു നോക്കുന്ന ആ hazel മിഴികളില്‍ ഒരു നിമിഷം അവള്‍ തറഞ്ഞു നിന്നെങ്കിലും പിന്നില്‍ നിന്നുള്ള കടക്കാരന്റെ അപശബ്ദം അവളെ പെട്ടന്നു തന്നെ  സ്വബോധത്തിലേക്ക് കൊണ്ട് വന്നു. ഏതോ ഒരു ദുർബല നിമിഷം ചാടിപ്പോയ തന്റെ കോഴികുഞ്ഞിനെ പിടിച്ചു അകത്തിട്ടു അവള്‍ മുഖത്ത് വീണ്ടും ഗൗരവം നിറച്ചു..



💘💘💘💘💘💘💘💘💘💘


ഫോണില്‍ ആരോടോ തര്‍ക്കിച്ചു കൊണ്ടിരിക്കുകയാണ് ഇഷ‍.. ദാനി ഇവള്‍ക്ക് ഇത് തന്നെ ആണോ പണി എന്ന് മനസ്സില്‍ ഓര്‍ത്തു കൊണ്ട് അവിടെ അടുത്തുണ്ടായിരുന്ന ഒരു ചെറിയ കടയിലേക്ക് കയറി.. മൊബൈൽ നോക്കിക്കൊണ്ട് നടന്നതിനാലാവണം നേരെ വന്ന ആരോ ആയി കൂട്ടിയിടിച്ചു അവളുടെ കയ്യിലുണ്ടായിരുന്ന ഐസ്ക്രീം നേരെ അവളുടെ തന്നെ ഡ്രസ്സിലേക്ക് വീണു. ഒരു നിമിഷത്തെ ഞെട്ടല്‍ മാറിയതും ദാനി സോറി പറഞ്ഞു ഓപ്പോസിറ്റ് നില്‍ക്കുന്ന ആളുടെ മുഖത്ത് നോക്കിയതും അവളും തലയുയര്‍ത്തി നോക്കുന്നതും ഒരുമിച്ചായിരുന്നു. ഒരുമാത്രയില്‍ അവന്‍ സ്റ്റക്ക് ആയിനിന്നു.. നേരത്തെ മാളില്‍ വച്ച് കണ്ട അതെ പെണ്‍കുട്ടി.. അവളുടെ ആ ഗൌരവം നിറഞ്ഞ ചെറിയ  കടുംക്കാപ്പി മിഴികളില്‍ ഒരു നിമിഷം അവന്‍ തറഞ്ഞു നിന്ന് പോയെങ്കിലും അതിന് ഒരു സെക്കന്റ്‌ മാത്രമേ ആയുസ്സുണ്ടായുള്ളൂ. അതിന് മുന്നേ അവളുടെ ഉച്ചത്തിലുള്ള സംസാരം അവനെ സ്ഥലകാല ബോധത്തിലേക്ക് തിരിച്ചു കൊണ്ടു വന്നു.. 

 


ഒന്ന് നോക്കി നടന്നൂടെ..


ഞെട്ടിച്ചുളിച്ചു ഡ്രെസ്സിൽ വീണ ഐസ്ക്രീം തുടച്ചു കൊണ്ട് അവൾ ഈർഷ്യയോടെ  ചോദിച്ചു..


I AM SORRY

മനസ്സിനെ നിയന്ത്രിച്ചു കൊണ്ട് വാക്കുകള്‍ക്ക് വേണ്ടിയവന്‍ പരതി..


ഓഹ എല്ലാം ചെയ്തിട്ട് ഒരു സോറി പറഞ്ഞാല്‍ മതിയല്ലോ.. 

(ലെ സഫു; പോയി.. എല്ലാം പോയി.. ദാനിക്ക് അവളോട്‌ എന്തോ തോന്നി തുടങ്ങിയിരുന്നു.. എല്ലാമേ പോയി..😬😑)

തന്റെ മുഖത്ത് ആ രണ്ട് ഉണ്ട കണ്ണ് എന്തിനാടോ.. എന്‍റെ  ഡ്രസ്സ്‌ ഒക്കെ ചീത്തയായി.. 

അവളുടെ ഒന്നും കൂസാത്ത സംസാരവും തന്റേടവും അവനിലും ചെറിയ കൌതുകം നിറഞ്ഞ വാശി നിറച്ചു..

I SAID SORRY😏

sorry പറഞ്ഞ എല്ലാം ആയ്യീന്നാ.. രാവിലെ തന്നെ ഇറങ്ങിക്കോളും മനുഷ്യന്‍റെ ദിവസം കളയാനായിട്ട് ഓരോന്നു..

നിനക്ക് രാവിലെ ആയെ ഉള്ളോ.. ഞങ്ങള്‍ക്ക് വൈകിട്ട് 5 കഴിഞ്ഞു..

അതിനിപ്പോ നിങ്ങള്‍ക്ക് എന്താ.. നിങ്ങളോട് ഇപ്പൊ സമയം ചോദിച്ചോ ഞാന്‍..   എനിക്ക്‌ വഴക്കുണ്ടാക്കാനുള്ള മൂഡ്‌ ഇല്ലാത്തത് കൊണ്ട് മാത്രം ഞാന്‍ ഇപ്പൊ  വെറുതെ വിടുന്നു.. ഇല്ലേല്ലുണ്ടല്ലോ...


അവനെ ഇടിക്കുന്ന പോലെ കാണിച്ചു  ഡ്രെസ്സില്‍ പറ്റിയ ICREAM തുടച്ച് കളഞ്ഞു കൊണ്ട് പോകുന്ന അവളെ ഒരു സെക്കന്റ്‌ നോക്കി നിന്ന്.. നിങ്ങള്‍ ഉദ്ദേശിക്കുന്ന പോലെ പ്രണയാര്‍ദ്രമായിട്ടല്ല.. ഇത് കടിക്കുവോ എന്ന പോലെ..


TO BE CONTINUED....


ഇതാണ് അല്ല ഇതിലും ഭീകരം ആണ് വരാന്‍ കിടക്കുന്നെ.. അങ്ങനെ ആണ് രണ്ടിന്റേം അവസ്ഥ ഇതിനെ ഒക്കെ ഞാന്‍ എങ്ങനെ സെറ്റാക്കാനാ പടച്ചോനെ  😐