രഞ്ജിയോട് എന്തൊക്കെയോ പറയുന്നുണ്ടെങ്കിലും അവന്റെ മനസിൽ തന്റെ പ്രണയം നക്ഷ്ടപ്പെടുമോ എന്ന ചിന്തയായിരുന്നു....അവൾ ഇല്ലാതെ തനിക്ക്
ജീവിക്കാൻ കഴിയില്ല എന്ന് ആ നിമിഷനേരം കൊണ്ട് മനസിലാക്കി...

\"എന്താ.. രഞ്ജിത് ഞങ്ങൾ പറയുന്നതൊന്നും നീ കേൾക്കുന്നില്ലേ....? \" തന്റെ അമ്മയുടെ ദേഷ്യം നിറഞ്ഞ സ്വരം കേട്ടതും രഞ്ജിത് അച്ഛനോടും അമ്മയോടും എന്ത് പറയണം എന്നറിയാതെ നിന്നു....ഇവരോടും ഒന്നും പറയാതെ അവൻ അവരുടെ അടുത്ത്
നിന്നും പോയി.... അവൻ പോയതും അവരുടെ അടുത്തേക്ക് സഹദേവനും മഹിതയും (അഗ്നിയുടെ അച്ഛനും അമ്മയും) വന്നത്...

\"എന്താ അവന്റെ തീരുമാനം... അവൻ പെണ്ണ് കാണാലിനു  സമ്മതിച്ചോ...\" സഹദേവൻ..

\"ഇല്ല.. ഏട്ടാ... അവന്റെയുള്ളിൽ ആരോ ഉള്ളതുപോലെ തോന്നുന്നു...അല്ലെങ്കിൽ അവൻ ഞങ്ങളോട് ഒന്നും മിണ്ടാതെ പോയി...\" സുധ

\"ഹ്മ്മ്മ്\" സഹദേവൻ.

\"എന്താ. മഹി..നിന്റെ തീരുമാനം...\" സഹദേവൻ അവന്റെ തോളിൽ പിടിച്ചുകൊണ്ടു ചോദിച്ചു...

\"എന്തായാലും നാളെ രഞ്ജിക്കുവേണ്ടി ഞാൻ കണ്ടെത്തിയ പെണ്ണിനെ നമ്മളെല്ലാവരും പോയി കാണും...\" മഹിയും സുധയും ഇത് പറഞ്ഞ് തങ്ങളുടെ റൂമിലേക്ക് പോയതും സഹദേവനും മഹിതയും ധർമ്മസങ്കടത്തിൽ ആയി... കാരണം അവനൊരു പെണ്ണിനെ സ്നേഹിക്കുന്നുണ്ടെന്ന് മുമ്പ് എപ്പോളോ
മനസിലാക്കിയതാണ്...അവനും അവളും ഒന്നാകണമെന്ന് ഒരുപാട് ആഗ്രഹിച്ചിരുന്നു..കാരണം അവന്റെ ഭാര്യയായി വരുന്നവൾ കുടുംബത്തെ പൊന്നുപോലെ നോക്കുമെന്ന് ഉറപ്പായിരുന്നു...പക്ഷേ....ഇപ്പോ....മഹിയും
സുധയും കണ്ടെത്തിയവൾ എങ്ങനെയുള്ളവൾ ആണെന്ന് അറിയില്ല...

ഓരോന്നും ആലോചിച്ചു റൂമിലെത്തിയതൊന്നും സഹദേവൻ അറിഞ്ഞില്ല....മഹിയുടെ മരുമകളായി വരുന്നവളെ രഞ്ജിത്തിന് പൂർണമായും സ്നേഹിക്കാൻ കഴിയണേ എന്നത് മാത്രമായിരുന്നു പ്രാർത്ഥന..

പിറ്റേന്ന് രാവിലെ...

രഞ്ജിത്തിന്റെ മുഖത്ത് സങ്കടം
നിഴലിച്ചിരുന്നു...ഒരുദിവസം കൊണ്ട് തങ്ങളുടെ പ്രണയം സഫലമാകാതെ
പോകുമോ എന്ന ചിന്തയായിരുന്നു..
ഈ ചിന്തയുള്ളതുകോണ്ട് ഇവരും മൂകമായിരുന്നു...തന്റെ കുടുംബത്തിന്റെ സന്തോഷം ഇല്ലാതെയാക്കി പ്രണയം നേടുന്നത് തന്റെ കുടുംബത്തോട് ചെയ്യുന്ന
വിശ്വാസവഞ്ചന ആയിരിക്കും... ഇനിയൊരു ജന്മം ഉണ്ടെങ്കിൽ തങ്ങളുടെ പ്രണയം സഫലമാക്കാൻ കഴിയണേ എന്ന്..

രഞ്ജിയുടെ മനസ് തന്റെ പ്രണയത്തെ പറ്റി ഓർത്ത് സങ്കടപ്പെടുകയാണ്.. അപ്പോളും ഇവൻ അറിഞ്ഞില്ല.. തന്റെ പ്രണയം തന്നിലേക്ക് തന്നെ എത്തുമെന്ന്..ഈ ജന്മത്തിലുമല്ല ഇനിയുള്ള ജന്മങ്ങളിലെല്ലാം തന്റെ പാതി ഒരേയാൾ ആയിരിക്കുമെന്ന്...

    ആത്മാർത്ഥമായ പ്രണയം ഒരിക്കലും അവസാനിക്കില്ല...കാരണം പ്രണയത്തിനൊരു ഭംഗിയുണ്ട്.. അത് ഹൃദയങ്ങൾ പരസ്പരം ഒന്നായിമിടിക്കാൻ തുടങ്ങുമ്പോളാണ്
പ്രണയത്തിന്റെ ഭംഗി തിരിച്ചറിയാൻ സാധിക്കുക....

🔸🔸🔸🔹🔹🔹

തൊളിൽ ഒരു കൈസ്പർശം അറിഞ്ഞപോളാണ് രഞ്ജി മനസിലാക്കിയത് താൻ ഇത്രനേരം മിഥുവിനെ ഓർത്ത് നിൽക്കുകയായിരുന്നുവെന്ന്.. തന്റെ അരികിൽ നിൽക്കുന്ന അഗ്നിയെ കണ്ടതും തെളിച്ചമില്ലാത്ത ചിരി അവനു നൽകി.. ഇവരെ വിളിക്കാൻ വേണ്ടി കൃഷ്ണ കണ്ടത് രഞ്ജിയുടെ കണ്ണിലെ കണ്ണീർ ആയിരുന്നു... അഗ്നിയോട് സംസാരിക്കുമ്പോളും രഞ്ജി തന്റെ ശബ്‍ദം ഇടാറാതെ ഇരിക്കാൻ ശ്രമിച്ചിരുന്നു.. തന്റെയുള്ളിലെ വിഷമം തന്നിൽ തന്നെ നിലനിൽക്കട്ടെ എന്ന് അവൻ ഉറപ്പിച്ചിരുന്നു...

\"അഗ്നിയേട്ടാ... രഞ്ജിയേട്ടാ...നിങ്ങളോട് താഴെ വരാൻ പറഞ്ഞു അച്ഛനും അമ്മയും...\" കൃഷ്ണ ഇത് പറഞ്ഞ് താഴേക്ക് ചെന്നു.. പിന്നാലെ അഗ്നിയും... തന്റെ  കണ്ണിലെ നീർക്കണം തുടച്ചു രഞ്ജിയും താഴേക്ക് ചെന്നു...

രഞ്ജിയുടെ വരവ് കണ്ടതും മഹിക്കും സുധക്കും ചെറിയ വിഷമം ഉണ്ടാക്കിയെങ്കിലും അവൻ മനസ് തുറന്ന് സന്തോഷിക്കുമെന്ന് ഇവർക്കും ഉറപ്പായിരുന്നു... രഞ്ജി ഇവരെ നോക്കിയതും
മഹി അവനോട് പറഞ്ഞു തുടങ്ങി...

\"ഞങ്ങൾ നിനക്കുവേണ്ടി കണ്ടെത്തിയ പെണ്ണിനെ കാണാൻ പോകുകയാണ്..ഞങ്ങൾക്ക് ഇഷ്ടപെട്ടാൽ അടുത്ത മുഹൂർത്തത്തിൽ നിന്റെയും
അവളുടെയും  വിവാഹം നടത്തും... \"

\"അതിനുമുമ്പ് ഞങ്ങൾക്ക് ഒരു കാര്യം അറിയണം...\" സുധ അവന്റെ കണ്ണിൽ നോക്കിയശേഷം അവനോട് \"നിന്റെ മനസിൽ ആരെങ്കിലും ഉണ്ടോ എന്ന് ചോദിച്ചുവെങ്കിലും അവൻ തലകുനിച്ചു ഇല്ലെന്ന രീതിയിൽ തലയാട്ടി.. എന്തൊകൊണ്ടോ അവന്റെ ആ പ്രവർത്തി അഗ്നിക്കും മനുവിനും കൃഷ്ണക്കും ഇഷ്ടമായില്ല. അവനോട് ചെറിയ ദേഷ്യം തോന്നി...കുറച്ചുനേരം എല്ലാവരും മൗനത്തിലായി.. പടക്കം പൊട്ടുന്ന ശബ്‍ദം കേട്ടാണ് അഗ്നിയും മനുവും കൃഷ്ണയും തലയുർത്തിയത്.. മൂവരും തലയുർത്തി രഞ്ജിയെ നോക്കിയപ്പോളാണ് കണ്ടത് മുഖത്ത് കൈവെച്ചു നിൽക്കുന്നവനെ ആണ് കണ്ടത്..

ഒരുനിമിഷം മൂവരും അവന്റെ മുഖത്ത് അടിച്ചത് എന്ന് ആരെന്ന് അറിയാൻ മുന്നോട്ട് നോക്കി... വർധിച്ചകോപത്തോടെ നിൽക്കുന്ന സുധയെ ആണ് കണ്ടത്...

\" എന്ന് മുതലാ The ഗ്രേറ്റ്‌ ബിസിനസ്‌ മാൻ രഞ്ജിത് മഹാദേവൻ നുണ പറയാൻ തുടങ്ങിയത്..നിന്റെ പേരിലുള്ള ബിസിനസ്‌ എല്ലാം ഈ നിൽക്കുന്ന ആദിക്ക് നൽകിയത് എന്തിനായിരുന്നു...? ബിസിനസ്‌ മാൻ ആയ നീ എങ്ങനെ പ്രൊഫസർ ആയിമാറി...? \" സുധ അവനോട് ചോദ്യങ്ങൾ ചോദിച്ചു...

\"ഇതിനെല്ലാം ഒരു ഉത്തരം.. നിന്റെ പ്രണയത്തിനുവേണ്ടി...നിന്റെ മിഥിലക്ക് വേണ്ടി...കൃത്യമായി പറഞ്ഞാൽ മിഥില ബാലചന്ദ്രൻ എന്ന പെൺകുട്ടിക്ക് വേണ്ടി... എന്ന് മുതലാ അവൾ നിന്റെ മനസിൽ സ്ഥാനം പിടിച്ചത്...\" മഹിയുടെ ചോദ്യം കേട്ടതും പിള്ളേർ സെറ്റ് എല്ലാം ഞെട്ടിനിന്നു.. എന്നാൽ അഗ്നി നോക്കിയത് തന്റെ അച്ഛനും അമ്മയെയും ആണ്....ചിരിച്ചു നിൽക്കുന്ന അച്ഛനെയും അമ്മയെയും കണ്ടത് അഗ്നിക്ക് മനസിലായി.. തന്റെ മാതാപിതാക്കൾക്ക് അറിയാമെന്നു...

\"ഇന്നത്തെ പെണ്ണ് കാണാൻ പോകുന്നുവെന്ന് പറഞ്ഞതും ഇവന്റെയുള്ളിലെ പ്രണയം ഞങ്ങളോട് തുറന്ന് പറയുമെന്ന് ഒരു വിശ്വാസം ഉണ്ടായിരുന്നു... എന്നാൽ ഇവൻ ഞങ്ങളോട് പറഞ്ഞില്ല... \" ഇത് പറഞ്ഞ് തീരുമ്പോളേക്കും സുധയുടെ ശബ്‍ദം ഇടറിയിരുന്നു...

\"തനിക്കൊരു പ്രണയം ഉണ്ടെന്ന് തുറന്ന് പറയാത്ത ഇവനൊക്കെ എന്തിനാ പ്രണയിക്കാൻ പോയത്...\" സഹദേവന്റെ
പറച്ചിൽ കേട്ടതും രഞ്ജി ദയനീയമായ നോട്ടം നൽകിയ ശേഷം പറഞ്ഞു തുടങ്ങി..

  \"മിഥിലയെ ഞാനാദ്യമായി കണ്ടത് ഒരു ബിസിനസ്‌ മീറ്റ് കഴിഞ്ഞ് വരുമ്പോളായിരുന്നു..ആദ്യകാഴ്ച്ചയിൽ തന്നെ എനിക്ക് അവളെ ഇഷ്ടമായി... പിന്നീട് അവൾ അറിയാതെ അവളുടെ പിന്നാലെ
ഞാനുണ്ടായിരുന്നു... SSB കോളേജിൽ അവൾ ഇന്റർവ്യൂവിന് പോകുന്നുണ്ടെന്നറിഞ്ഞതും ഞാനും ആ കോളേജിൽ തന്നെ ഇന്റർവ്യൂ അറ്റൻഡ് ചെയ്യാൻ പോയി...യാതൊരു വിശ്വാസമില്ലായിരുന്നു തനിക്ക് കോളേജിൽ ജോലി കിട്ടുമോ എന്ന്...എനിക്കും അവൾക്കും ഒരേ ഡിപ്പാർട്മെന്റിൽ തന്നെ ജോലി കിട്ടിയപ്പോ വളരെയധികം സന്തോഷമായി....

\"അല്ല.. അങ്കിൾ.. ഇവൻ ഞങ്ങളുടെ കോളേജിൽ പ്രൊഫസർ അല്ലേ.. പിന്നെ എങ്ങനെ രഞ്ജി ഒരു ബിസിനസ്‌ സ്റ്റാർട്ട്‌ ചെയ്തു..രഞ്ജിയുടെ ഉടമസ്ഥതയിലുള്ള ബിസിനസ്‌ ഗ്രൂപ്പ്‌ ഏതാ...അപ്പോ  മംഗലത്തു ഗ്രൂപ്പ്‌ ഓഫ് കമ്പനിസ് ആരുടെ ആണ്..\" അഗ്നിന്റെ അതേ സംശയം മനുവിനും കൃഷ്ണക്കും ഉണ്ടായിരുന്നു...

\"എന്റെ കമ്പനി ആണ് RM കമ്പനീസ്...ചെറുരീതിയിൽ RM ടൂർസ് & ട്രാവൽസ് ആയിരുന്നു തുടങ്ങിയത്..അതിൽ നിന്നും കിട്ടുന്ന വരുമാനം കൊണ്ട് ഒരു കൺസ്ട്രക്ഷൻ കമ്പനി തുടങ്ങി.. പിന്നീട് അങ്ങോട്ട് RM ഗ്രൂപ്പിന്റെ വളർച്ച ആയിരുന്നു...പിന്നീടാണ് മിഥിലയെ കാണുന്നതും എന്റെ കമ്പനി നോക്കിനടത്താൻ ആദിക്ക് ഉത്തരവാദിത്വം നൽകിയത്.. കമ്പനി കാര്യങ്ങൾ നേരിട്ട് ഞാൻ ഇടപ്പെടുന്നില്ലയെങ്കിലും ആദ്യശ്യമായ എന്റെ സഹായങ്ങൾ അവനു ഞാൻ നൽകി..അവന്റെ മിടുക്ക് കൊണ്ട് നമ്മളുടെ കമ്പനി പെട്ടെന്ന് തന്നെ ടോപ് കമ്പനിസിന്റെ ഒപ്പം എത്തി...അപ്പോളും നമ്മളുടെ കുടുംബത്തിന്റെ ബിസിനസ്‌ തകരാൻ പാടില്ല എന്നൊരു ആഗ്രഹമുള്ളതുകൊണ്ട് RM കമ്പനീസ് മംഗലത്തു ഗ്രൂപ്പ് ഓഫ് കമ്പനിസിൽ ലയിച്ചു... ഇപ്പോ എന്റെ കമ്പനിയും മംഗലത്തു ഗ്രൂപ്പ് ഓഫ് കമ്പനിസ് എന്നതിലാണ് അറിയുന്നത്\" രഞ്ജി പറഞ്ഞുനിർത്തിയതും മഹി പറഞ്ഞു തുടങ്ങി...

\"നമ്മളുടെ കമ്പനിയുടെ യഥാർത്ഥ അവകാശി ഞങ്ങളുടെ സഹോദരിയാണ്..ഞങ്ങൾ മൂന്ന് ആങ്ങളമാർക്ക് ഒരേയൊരു പെങ്ങൾ ആയിരുന്നു ഞങ്ങളുടെ കല്യാണി...അവൾ പഠിക്കുന്ന സമയത്തു ഒരാളെ പ്രണയിച്ചിരുന്നു.. അവളുടെ വിവാഹം മറ്റൊരാളായി ഉറപ്പിച്ചതും അവൾ അയാളുടെ കൂടെ ഒളിച്ചോടി... അവളെ തിരഞ്ഞ് ഞങ്ങൾ പലസ്ഥലത്തേക്കും പോയി.. അവളെ പറ്റി ഒരു വിവരം ഇല്ലായിരുന്നു.... അവൾ ഇപ്പോ എവിടെ ആണെന്ന് അറിയില്ല...അവർ തിരികെ വരുന്ന ദിവസം ഈ സ്വത്തുക്കൾ അവർക്ക് ഏൽപ്പിക്കണം..\" മഹിയും സഹദേവനും ഒരേ സ്വരത്തിൽ പറഞ്ഞു....

എന്നാൽ ഇവരും അറിഞ്ഞിരുന്നില്ല
തങ്ങളുടെ സഹോദരി തങ്ങളുടെ അരികിൽ ഉണ്ടെന്ന്.. തങ്ങൾ കാണുന്നതിന് മുമ്പ് തങ്ങളുടെ മക്കൾ അവരെ  കണ്ടിട്ടുണ്ടെന്ന്...

തുടരും......