മനസിലെ ചോദ്യങ്ങൾക്ക് സ്വയം ഉത്തരം കണ്ടെത്തി ചാരു സമാധാനിച്ചു.
             ***
പിറ്റേന്ന് രാവിലെ ചാരുവും പാറുവും ഒന്നിച്ചാണ് ബസ്സിൽ ജംഗ്ഷനിൽ എത്തിയത്. എതിർ ദിശകളിൽ നിന്ന് എത്തിയ ആ ബസ്സുകളിൽ നിന്ന് ഇറങ്ങി അവർ ഒന്നിച്ചാണ് കോളെജിലേക്ക് നടന്നതും. കഴിഞ്ഞ രാത്രിയിലെ സംശയങ്ങളെ എല്ലാം ആ ഒരു ചെറിയ സമയത്തിനുള്ളിൽ തന്നെ ചാരു മറന്നു കഴിഞ്ഞിരുന്നു. സൗഹൃദങ്ങൾക്കിടയിലെ കൊച്ചു കൊച്ചു തമാശകളും ആയി അവർ കോളേജ് ഗേറ്റ് കടുന്ന് ഉള്ളിലേക്ക് പോയി.

 " അല്ലാ... നീ ഇന്നെന്താ നേരത്തെ?"

ക്ലാസിലേക്ക് കയറുന്നതിനിടെ ചാരു ചോദിച്ചു. 

"ജാനി ഇന്ന് വരില്ലെടാ ... അവളു ലീവാ. അതുകൊണ്ടല്ലേ നേരത്തെ. സാധാരണ അവളെ കാത്തു നിന്നാ ഞാനും വൈകുന്നെ."

" ഓ... അത് പറഞ്ഞപ്പോഴാ ഓർത്തെ ഇന്ന് അനുവും വരില്ലാന്ന് എനിക്ക് മെസ്സേജ് ഇട്ടിരുന്നു." 

പിന്നെയും അവർക്കിടയിലെ സംസാരം തുടർന്നു. കോളേജിൽ തന്നെ മറ്റു കുട്ടികൾ വന്നു തുടങ്ങിയതെ ഉണ്ടായിരുന്നുള്ളൂ. പെട്ടന്നാണ് ചാരുവിൻ്റെ ഫോണിൽ ഒരു നോട്ടിഫിക്കേഷൻ കേട്ടത്. അവൾ ഫോൺ കൈയ്യിൽ എടുത്ത് നോക്കി. ആരോ ഒരു സ്നാപ്  അയച്ച ശബ്ദം ആയിരുന്നു അത്. 
ഫോണിൽ തന്നെ എന്തോ കാര്യമായി നോക്കിയിരുന്ന പാറു അത് ശ്രദ്ധിച്ചിരുന്നില്ല. തൻ്റെ കണ്ണുകളെ വിശ്വസിക്കാൻ കഴിയാതെ ചാരു ഫോണിലേക്ക് നോക്കി.
സിദ്ധാർഥ് അന്നാദ്യമായി ചാരുവിന് സ്നാപ് അയച്ചതായിരുന്നു അത്. അതെന്താണെന്ന് അറിയാനുള്ള ആഗ്രഹം അവളെ കൊണ്ട് അത് പെട്ടന്ന് തന്നെ തുറന്നു നോക്കാൻ പ്രേരിതയാക്കി. 
ഒരു കൊച്ചു പെൺകുട്ടിയുടെ കൂടെ ഒത്തിരി സന്തോഷത്തോടെ സിദ്ധാർഥ് എടുത്ത ഒരു സെൽഫി . ആ ചിത്രത്തിലും ചാരു കൂടുതൽ ശ്രദ്ധിച്ചത് സിദ്ധാർഥിൻ്റെ മനോഹരമായ പുഞ്ചിരി തെന്നെ ആയിരുന്നു.

"ചാരു എന്താടാ നീ ഈ നോക്കുന്നെ?"

 പാറുവിൻ്റെ ചോദ്യം കേട്ട് ചാരു ഉയർന്ന് നോക്കി.

' പാറുവിനോടിപ്പോ എന്താ പറയാ... സാർ സ്നാപ് അവൾക്കും അയച്ചിട്ടുണ്ടാവോ?🙄 ഒരുപക്ഷേ ഇല്ലെങ്കിൽ അവൾക്ക് ഇത് കണ്ടാ സങ്കടം അയലോ... വേണ്ടാ ... പറയണ്ട.'

 " എയ്... ഒന്നും ഇല്ലെടാ... അത് ഒരു സ്നാപ് നോക്കിയതാ..."

ചിന്തകൾ അവസാനിപ്പിച്ച് കൊണ്ട് ചാരു മറുപടി പറഞ്ഞു.

" പറഞ്ഞപോലെ സിദ്ധു സാർ എൻ്റെ സ്നാപ് എല്ലാം നോക്കിയോ എന്തോ... നിക്കേ... ഞാൻ ഒന്ന് നോക്കട്ടെ..."

പാറു ദൃത്തിയിൽ ഫോണിൽ സ്നാപ് എടുത്തു.

 " ചാരൂ...😃 സാർ അത് എല്ലാം കണ്ടെടാ...🤩"

പാറുവിൻ്റെ ആ വാക്കുകളിലെ ആകാംഷ നോക്കി നിന്ന ചാരുവിന് ഒരു ചെറിയ സന്തോഷം തോന്നി.
' ഹൊ...😮‍💨 ആശ്വാസം ആയി . സാർ എന്തായാലും പാറു അയച്ചതും എല്ലാം നോക്കിയല്ലോ.'
ചാരുവിൻ്റെ മനസിൽ ഉണ്ടായിരുന്ന ആ ചെറിയ ഭാരം ഒഴിഞ്ഞു പോയതായി അവൾക്ക് തോന്നി. 
                  ***
മൂന്നു മണിയുടെ ബ്രേക്കിൽ കോളേജിലെ സ്നാക്സ് ഷോപ്പിൽ നിന്നും ചോക്കോ ബാർ വാങ്ങി കഴിക്കുകയായിരുന്നു ചാരുവും കൂട്ടുകാരും. ഭംഗിയിൽ വളർത്തിയ ചെറിയ മുളകൾക്കിടയിൽ അർദ്ധ വൃത്താകൃതിയിൽ കെട്ടിയിട്ട ഇരിപ്പിടത്തിൽ ഇരിന്ന് തമാശകൾ പറഞ്ഞു രസിച്ചിരുന്ന ചാരുവിനെയും കൂട്ടുകാരെയും ദൂരെ നിന്നു കണ്ടു കൊണ്ടാണ് സിദ്ധാർഥ് ആ സ്ഥലത്തേക്ക് വന്നത്. സന ആണ് സിദ്ധാർഥിനെ ആദ്യം കണ്ടത്.

"ഡീ...ദേ നമ്മുടെ സിദ്ധാർഥ് സാർ വരുന്നു..."

"എവിടെ...🤩?"

അടുത്ത് നിന്ന ചാരുവിനെ തട്ടി മാറ്റി പാറു തിരിഞ്ഞു നോക്കി. കൈയ്യിലെ ചോക്കോ ബാർ തട്ടി നീങ്ങി ചാരുവിൻ്റെ കവിളിൽ അവിടവിടെയായി ഐസ് ക്രീം പുരണ്ടു.

 " ആഹാ... എന്തു രസാ ഇപ്പൊ ചാരുനെ കാണാൻ😂"

ഐറയുടെ ആ വാക്കുകൾ അവിടെ ഉണ്ടായിരുന്ന എല്ലാവരുടെയും കാഴ്ചയെ ചാരുവിൻ്റെ മുഖത്ത് എത്തിച്ചു.

" ഡീ ദുഷ്ടെ... മര്യാദക്ക് വൃത്തിയാക്കി താ... "

ചാരു പാറുവിനു മുന്നിൽ അവളുടെ കാഴ്ചയെ മറച്ചു കയറി നിന്നു.

 " ഓ... അവൾടെ ഒരു ചോക്കോ ബാർ... "

പിറുപിറുത്തു കൊണ്ട് പാറു അത് തുടച്ചു കൊടുത്തു. എന്നാൽ ചാരുവിനെ കാണുന്നവർ കളിയാക്കാനായി കുറച്ചു ഐസ് ക്രീം പാറു മുഖത്ത് അവശേഷിപ്പിച്ചിരുന്നു.

 " ദിക്ഷാ... ഒന്ന് വരാവോ?"

 സിദ്ധാർഥ് അല്പം അകലെ ആയി നിന്ന് ചാരുവിനെ അടുത്തേക്ക് വിളിച്ചു. 
അങ്ങനെ ഒരു കാര്യം അവിടെ നിന്ന ആരും പ്രതീക്ഷിച്ചിരുന്നില്ല. ചാരു പെട്ടന്ന് തന്നെ നടന്നു സിദ്ധാർഥിൻ്റെ അടുത്ത് എത്തി.

" എന്താ സാർ..."

ചെറിയ ഒരു പുഞ്ചിരിയോടെ ചാരു ചോദിച്ചു.

" അടുത്ത Monday മുതൽ നിങ്ങൾക്ക് ക്ലാസ് ടെസ്റ്റ് തുടങ്ങാൻ പോകുന്ന കാര്യം അറിഞ്ഞിരുന്നോ?"

" അറിഞ്ഞു സാർ ."

 " Ok... എൻ്റെ കയ്യിൽ proper ആയിട്ട് ഉള്ള നിങ്ങൾടെ notes ഇല്ല. കുറെ സ്ഥലങ്ങളിൽ റഫർ ചെയിതിട്ടാ ഞാൻ ക്ലാസ്സിൽ നിങ്ങൾക്കുള്ള notes തരുന്നത്. So... അത് എല്ലാം കൂടി ഒരുമിച്ചു എനിക്ക് ഒന്ന് കിട്ടിയാൽ കൊള്ളാമെന്നുണ്ട്. താൻ ക്ലാസിൽ notes കറക്റ്റ് ആയി എഴുതി എടുക്കുന്നത് ഞാൻ ശ്രദ്ധിച്ചിരുന്നു. ബുദ്ധിമുട്ടില്ലെങ്കിൽ ആ നോട്ട് എനിക്ക് ഇപ്പൊ ഒന്ന് തരവോ... നിങ്ങളുടെ question paper തയാറാക്കാൻ ആയിരുന്നു."

സിദ്ധാർഥ് പറഞ്ഞു നിർത്തി.

" അതിനെന്താ സാർ ഞാൻ തരാം."

"ഓ... Thank you 😊... ഞാൻ ഇലക്ട്രിക്കൽ ലാബിൽ ഉണ്ടാകും, ഇപ്പൊ ഒന്ന് എടുത്ത് തരാവോ? "

" ഞാൻ കൊണ്ട് വരാം സാർ..."

 "ദിക്ഷാ..."

തിരിഞ്ഞു നടക്കാൻ തുടങ്ങിയ ചാരുവിനെ സിദ്ധാർഥ് ഒന്ന് കൂടി വിളിച്ചു.