"ദിക്ഷാ..."

തിരിഞ്ഞു നടക്കാൻ തുടങ്ങിയ ചാരുവിനെ സിദ്ധാർഥ് ഒന്ന് കൂടി വിളിച്ചു.

"എടോ... തൻ്റെ മുഖത്ത് ഐസ് ക്രീം... "

ചാരുവിൻ്റെ കവിളുകളിലേക്ക് നോക്കി സിദ്ധാർഥ് പറഞ്ഞു. അത്രയും നേരം തികച്ചും ഒഫീഷ്യൽ ആയി മാത്രം സംസാരിച്ചിരുന്ന സിദ്ധാർഥിൻ്റെ ശബ്ദത്തിന് ആ സമയം ആർദ്രത കൂടുതൽ ആയി .
ചാരു അവളുടെ കൈകൾ കൊണ്ട് കവിളുകൾ തുടച്ചു . ഒപ്പം തിരിഞ്ഞു പാറുവിനെ നോക്കി നെറ്റി ചുളിക്കുന്നുണ്ടായിരുന്നു. 
ചാരു കാണാതെ ചെറുതായി ഒന്ന് ചിരിച്ചുകൊണ്ട് സിദ്ധാർഥ് തുടർന്നു.

" ഇൻ്റർവെൽ ഇപ്പൊ കഴിയറായില്ലെ... താൻ അതൊന്നു പെട്ടന്ന് എടുത്തിട്ട് വരാവോ?" 

"ദേ... ഇപ്പൊ കൊണ്ട് വരാം സാർ." 

ചാരു തിരികെ കൂട്ടുകാരുടെ അടുത്തേക്ക് പോകാതെ നേരെ ക്ലാസിലേക്ക് നടന്നു.

 " അവളിതേവിടെക്കാ... ഈ പോണേ...🤔🧐?"

സന സംശയത്തോടെ ചാരുവിനെ നോക്കി . 

ക്ലാസിലേക്ക് നടന്ന ചാരുവിൻ്റെ മനസിൽ ചെറിയ ചമ്മലുണ്ടായിരുന്നു.

' ശേയ്... ആ ഐസ് ക്രീം മുഖത്ത് വെച്ചാണല്ലോ ഞാൻ സാറിനോട് സംസാരിച്ചത്. കുഞ്ഞു പിള്ളേരെ പോലെ. സാർ എന്തു വിചാരിച്ചോ എന്തോ... ങാ ... എന്തേലും ആവട്ടെ.'

ചാരു പെട്ടന്ന് തന്നെ നോട്ടുമായി സിദ്ധാർഥ് നിന്ന ലാബിലേക്ക് ചെന്നു.

" സാർ..."

വാതിലിലൂടെ അകത്തേക്ക് നോക്കി ചാരു പതിയെ സിദ്ധാർഥിനെ വിളിച്ചു. ഒരു രജിസ്റ്ററും നോക്കി ലാബിൽ ഒറ്റക്ക് നിൽക്കുകയായിരുന്ന സിദ്ധാർഥ് ചാരുവിൻ്റെ വിളി കേട്ട് പുറത്തേക്ക് വന്നു.

 " ദാ... സാർ "

ചാരു നോട്ട് ബുക്ക് സിദ്ധാർധിന് നേരെ നീട്ടി.

 " ഇത് കംപ്ലീറ്റ് ആണല്ലോ അല്ലെ...?"

" ആണ് സാർ" 

" Ok.. ഇതിൽ ഏതെങ്കിലും ഡൗട്ട് ഉണ്ടോ..."

സിദ്ധാർഥ് നോട്ടിലെ പേജുകൾ മറിച്ച് കൊണ്ട് ചോദിച്ചു.

" സാർ ...സത്യം പറഞ്ഞാൽ ... കുറെ ഉണ്ട്..."

നോട്ടിൽ നിന്ന് മുഖം ഉയർത്തി സിദ്ധാർഥ് ചാരുവിനെ നോക്കി.
സിദ്ധാർഥ് ഒട്ടും പ്രതീക്ഷിക്കാത്ത ഒരു മറുപടി ആയിരുന്നു അത്.

" അയ്യോ... അതെന്ത് പറ്റി.ഞാൻ പറയുന്നതൊന്നും നിങ്ങൾക്ക് മനസ്സിലാകുന്നില്ലേ? ...😕"

" സാർ... actually ഇല്ല... എനിക്ക് തോന്നിയ ഒരു കാര്യം പറഞ്ഞോട്ടെ സാർ?"

ചാരു അവൾക്ക് തോന്നിയ കാര്യങ്ങൾ പറയാൻ മുൻകൂറായി അനുവാദം വാങ്ങി.

" സാർ ... പറയുന്ന ടോപിക്സ് കുറച്ചു കൂടി ഓർഡറിൽ റിപ്പീറ്റ് ചെയ്ത് പറഞ്ഞാ നന്നായിരിക്കും. പിന്നെ..."

ചാരു എന്തോ ഓർത്ത പോലെ ഒന്ന് നിർത്തി .

 " അയ്യോ... സാർ ഞാൻ ഉപദേശിക്കുന്ന ഒന്നും അല്ലാട്ടോ...🙃"

 "😄... അങ്ങനൊന്നും ഇല്ലഡോ... താൻ പറഞ്ഞോ ഇതൊക്കെ ആണ് എനിക്ക് അറിയേണ്ടത്."

സിദ്ധാർഥ് പറഞ്ഞു.

 " Ok സാർ.😊"

 ചാരു തുടർന്നു പറയാൻ തുടങ്ങി.

 " സാർ ബോഡിൽ എഴുതുമ്പോ അവിടവിടെ ആയി എഴുതി ഇടാതെ സ്പേസ് ഒക്കെ കവർ ചെയ്ത് കുറച്ച് കൂടി ചെറുതായിട്ട് എഴുതിയ ബെറ്റർ ആണ്. സാർ നന്നായി വർക് ചെയ്യുന്നുണ്ടെന്ന് മനസിലായി എന്നാലും ക്ലാസ്സിൽ സാർ നല്ല ടെൻഷനിൽ നിക്കുന്ന പോലെയാ ... പഠിപ്പിക്കുന്ന സമയത്ത് മാത്രംം... അല്ലാത്ത ടൈമിൽ നല്ല രസാട്ടോ...☺️"

 ചാരുവിൻ്റെ എല്ലാ വാക്കുകളും ശ്രദ്ധിച്ചു കേട്ട് നിൽക്കുകയായിരുന്നു സിദ്ധാർഥ്.

 " എനിക്ക് നിങ്ങൾക്ക് എങ്ങനെ ആണ് എൻ്റെ ക്ലാസ് എന്ന് അറിയാൻ വയ്യാതെ ഇരിക്കുക ആയിരുന്നു ഞാൻ ... എന്തായാലും താൻ ഇതൊക്കെ പറഞ്ഞത് നന്നായി . ഇപ്പൊ എനിക്ക് കുറച്ചു കൂടി മനസിലായി, അടുത്ത ക്ലാസ് മുതൽ സെറ്റാക്കാം.😉"

 സിദ്ധാർഥ് ചെറുതായി ഒന്ന് കണ്ണടച്ച് കാണിച്ചു.

 "Thangu so much ദിക്ഷാ 😊..."

🙂

മറുപടി ആയി ചാരു ചെറുതായി ഒന്ന് ചിരിച്ചു.

 " ശെരി സാർ ഞാൻ പൊയ്ക്കോട്ടേ...? "

 " Ok ദിക്ഷാ... ബൈ."

സിദ്ധാർധിനോട് യാത്ര പറഞ്ഞു ചാരു തിരിഞ്ഞു നടന്നു. സിദ്ധാർഥ് ലാബിലേക്കും തിരിഞ്ഞു. രണ്ടു മൂന്നു ചുവടുകൾക്ക് ശേഷം ആരോ പിന്നിൽ നിന്ന് തിരിക്കുന്നത് പോലെ ചാരു തിരിഞ്ഞു നോക്കി. അതെ സമയം തന്നെ സിദ്ധാർഥും തിരിഞ്ഞു നിക്കുന്നുണ്ടായിരുന്നു. ഒരു നിമിഷം അവർ രണ്ടു പേരും ഒന്ന് നിശ്ചലമായി മാറി . ആ ദിശയിൽ നിന്നും കണ്ണുകളെ മാറ്റി തിരികെ അവരവരുടെ ദിശകളിലേക്ക് പോകാൻ അവർ നന്നേ ബുദ്ധി മുട്ടി. ക്ലാസിലേക്ക് തിരികെ നടന്ന ചാരുവിൻ്റെ ചുറ്റും ഒരു നൂറു ചോദ്യങ്ങൾ നിൽക്കുന്നതായി അവൾക്ക് തോന്നി.
                   *** 
💕ചാരു💕