അമ്മാ , ഇനിയും ഞങ്ങളെ തനിച്ചാക്കി പോവോ ... ഇല്ലെന്ന് പറ അമ്മാ...

ജാനി ഗൗതമ്മിനെ ബെഡിൽ പിടിച്ചിരുത്തി. അവനെ ആശ്വാസിപ്പിക്കാനെന്ന പോലെ തലയിൽ തലോടി കൊണ്ടിരുന്നു. അവന്റെ നെറുകയിൽ ഒരു മുത്തം കൊടുത്തു.

അമ്മ പോവില്ലെന്ന് സത്യം ചെയ്യ് .

കരഞ്ഞു തളർന്ന വാടിയ മുഖവുമായി അവൻ ജാനിക്കു നേരെ കൈ നീട്ടി.

തിരിക പോവാനായി തന്നെയാണ് അവൾ വന്നത്. പോവുകയും വേണം, കാരണം ഈ വീട്ടിൽ അവൾക്ക് ഒരു സ്ഥാനമുണ്ടായിരുന്നു , എന്നാൽ ഇന്ന് അതില്ല.

എന്നാൽ ഗൗതമ്മിന്റെ മുഖം കാണുമ്പോൾ അവൾക്ക് പോവുമെന്ന് പറയാനും കഴിയുന്നില്ല.

മനസ്സില്ല മനസ്സോടെ ജാനി ഗൗതമ്മിന്റെ കൈയിൽ കൈ ചേർത്തു കൊണ്ട് സത്യം ചെയ്തു.

ജാനിയുടെ മടിയിൽ തല ചായ്ച്ചു വെച്ച് അവൻ പതിയെ ഉറക്കത്തിലേക്ക് വഴുതി വീണു. 

അമ്മീ...

മുറിയുടെ ഡോർ തുറന്നു കൊണ്ട് സിതാര അകത്തേക്ക് ഓടി വന്നു.

സിത്തു , ശബ്ദം ഉണ്ടാക്കല്ലേ .

ജാനി പതിയെ പറഞ്ഞു.

ചേട്ടായി ഉറങ്ങിയോ, അമ്മീ .
വാ, നമുക്ക് പുറത്തേക്ക് പോവാം .

ജാനിയുടെ കൈ പിടിച്ചു വലിച്ചു കൊണ്ടവൾ പറഞ്ഞു.

ജാനി ഗൗതമ്മിനെ മടിയിൽ നിന്ന് ഇറക്കി കിടത്തി. പുതപ്പ് ഇട്ടു കൊടുത്തു.

അമ്മയും മോളും വീട്ടിലെ പൂന്തോട്ടത്തിൽ കൊച്ച് വർത്താനവും പറഞ്ഞു നടക്കാണ്.

അപ്പോഴാണ് ജിമ്മി അങ്ങോട്ട് ഓടിവന്നത്. ജാനിയുടെ അടുത്ത് എത്തിയ ഉടൻ ജിമ്മി അവളുടെ മേലിൽ ചാടി കയറി. ഒരുപ്പാട് നാളുകൾക്ക് ശേഷം കണ്ടത്തിലുള്ള ജിമ്മിയുടെ സ്നേഹപ്രകടനമാണ്.

മനുഷ്യരെക്കാൾ ഏറെ ചിലപ്പോൾ മൃഗങ്ങൾ സ്നേഹിക്കുമെന്ന് പറഞ്ഞ് കേട്ടിട്ടുണ്ട് എന്നാലിപ്പോൾ അതിൽ യഥാർത്ഥ്യമുണ്ടെന്ന് തോന്നുന്നു.

അമ്മീ ,എന്താ  ആലോച്ചിക്കുന്നേ ...

എന്തോ ആലോച്ചിച്ചു നിൽക്കുന്ന ജാനിയെ നോക്കി സിതാര ചോദിച്ചു.

ഒന്നുമില്ല സിത്തു .

രാത്രി ഡിന്നർ കഴിക്കാൻ ഇരിക്കുമ്പോൾ മഹിയില്ലാത്തിരുന്നത് ജാനിക്ക് വളരെ ആശ്വാസകരമായിരുന്നു. എന്തുകൊണ്ടോ അവനെ അഭിമൂഖികരിക്കാൻ അവൾക്ക് വല്ലാതെ ബുദ്ധിമുട്ട് തോന്നിയിരുന്നു.

എപ്പോഴോ സിതാര മഹിയിന്ന് വരാൻ വൈകുമെന്ന് പറഞ്ഞത് ജാനി കേട്ടിരുന്നു. എന്നാൽ അവൾക്ക് ഉറപ്പാണ് മഹി മനപ്പൂർവം മാറി നിന്നതാണെന്ന് .

ഫ്രഷായി ജാനി വാഷ് റൂമിൽ നിന്ന് ഇറങ്ങിയപ്പോഴാണ് വാതിൽ തുറക്കുന്ന ശബ്ദം കേട്ടത്. നോക്കിയപ്പോൾ സിത്താരയും ഗൗതമുമാണ്.

അമ്മ, ഞങ്ങൾ ഇന്ന് അമ്മയുടെ കൂടെ കിടക്കട്ടെ ...

ഗൗതം ജാനിയോട് ചോദിച്ചു.

അതിനിപ്പോ എന്താ , രണ്ടു പേരും എന്നും അമ്മയുടെ കൂടെ കിടന്നോ .

രണ്ടു പേരും ജാനിയുടെ ഇരു വശങ്ങളിലായി അവളെ കെട്ടിപിടിച്ചു കിടന്നു.

രാത്രി ഏറെ വൈകി എപ്പോഴോ  ആരോ വാതിൽ തുറന്നത് ജാനി അറിഞ്ഞു. മഹിയായിരിക്കും എന്ന് ഉറപ്പുള്ളത് കൊണ്ടവൾ കണ്ണ് തുറന്നില്ല.

സിതാരയുടെ നെറുകയിൽ ഒരു ഉമ്മ നൽകി , പുതപ്പ് വലിച്ചിട്ടു കൊടുത്ത് മഹി റൂമിൽ നിന്ന് പോയി.


🌼 തുടരും🌼