പിറ്റേ ദിവസം  രാവിലെ രണ്ടു പേരെയും യോഗ ചെയ്യിപ്പിക്കാൻ വിളിച്ച് എഴുന്നേൽപ്പിക്കാനുള്ള തന്ത്ര പാടിലാണ് ജാനി .

അമ്മാ , നേരം വെളുത്തിട്ടില്ലല്ലോ ... ഇത്തിരിയും കൂടി കഴിഞ്ഞ് എണീക്കാം.

ഉറക്കം മുറിഞ്ഞത്തിലുള്ള വിഷമത്തിലാണ് ഗൗതം. എന്നാൽ സിതാരയാവട്ടെ ഇതൊന്നും തന്നെ ബാധിക്കുന്നതെ അല്ല എന്ന രീതിയിൽ സുഖമായി കിടന്നുറങ്ങുകയാണ്.

ക്ഷമകെട്ട് ജാനി അവസാനത്തെ അടവും എടുത്തു.

രണ്ടും എണീക്കുന്നോ അതോ ഞാൻ വെള്ളം തലമേൽ കോരി ഒഴിക്കണോ ...

ജാനി കണ്ണ് ചിമ്മി തുറക്കുന്നതിനു മുൻപ് തന്നെ രണ്ടും പേരും സ്ഥലം കാലിയാക്കിയിരുന്നു.

കാലത്തെ ബ്രേക്ക് ഫാസ്റ്റ് കഴിഞ്ഞ് ജാനിയും സിത്തുവും ചെസ്സ് കളിക്കുകയായിരുന്നു. സമ്മർ വെക്കേഷൻ ആയതു കൊണ്ട് രണ്ടു പേർക്കും ഇപ്പോൾ ക്ലാസില്ല .

ജാനി കളിയിൽ മുഴുകിയിരിക്കുകയാണ്. തൊട്ടടുത്തായി സോഫയിൽ  ഇരുന്ന് ഗെയിം കളിക്കുന്ന ഗൗതമിനെ നോക്കി സിതാര കണ്ണു കൊണ്ട് എന്തോ കാണിക്കുന്നുണ്ട്.

അമ്മ എന്താ പപ്പയോട് സംസാരിക്കാതെ ?

സിതാരയുടെ ശല്യം സഹിക്കാൻ കഴിയാത്തെ വന്നപ്പോൾ മടിച്ച് മടിച്ച് ഗൗതം ജാനിയോട് ചോദിച്ചു.

അതിനുള്ള കാരണം നിനക്കറിയില്ലേ, ഗൗതം.

ജാനി മന്ത്രിയെ വെട്ടികൊണ്ട് പറഞ്ഞു.

ഗൗതം സിതാരയെ നോക്കി ദഹിപ്പിക്കുന്നുണ്ട്. കാരണം അവന് അറിയാമായിരുന്നു ജാനി ഇത് തന്നെ പറയുമെന്ന് . സിതാരയുടെ നിർബന്ധം കാരണമാണ് ഇപ്പോൾ ഇങ്ങനെ ചോദിച്ചത്.

അമ്മാ , പപ്പയോടെങ്കിലും സിവോഴ്സിനുള്ള കാരണം പറഞ്ഞൂടെ ... അന്ന് പപ്പ എന്തോരം വിഷമിച്ചുവെന്ന് അറിയോ , അമ്മ എന്തിനാ അങ്ങനെ ചെയ്തേ ...

ഗൗതമിന്റെ ചോദ്യം കേട്ടപ്പോൾ ജാനിക്ക് ദേഷ്യം വന്നു. അവൾ കളി നിർത്തി അവിടെ നിന്നും ദേഷ്യത്തോടെ എണീറ്റു പോയി.

അവൾക്ക് സ്വയം പുച്ഛമാണ് തോന്നിയത് . മഹിക്ക് വിഷമം, എങ്കിൽ താൻ അനുഭവിച്ചത് എന്താണ് . പറഞ്ഞറിയിക്കാൻ കഴിയാത്ത അത്രയും വേദനയോടെയാണ് അവൾ അന്ന് ഡിവോഴ്സ് പേപ്പറിൽ സൈൻ ചെയ്തത്. എന്നിരുന്നാലും മഹിക്ക് സിവോഴ്സിനുള്ള കാരണം അറിയാനുള്ള അവകാശമുണ്ടെന്ന് അവൾക്ക് തോന്നാത്തിരുന്നില്ല.

സിതാര, നിനക്ക് സമാധാനമായില്ലേ ...ഞാൻ അപ്പോഴെ പറഞ്ഞതല്ലേ ഒന്നും ചോദിക്കണ്ടന്ന് ... ഇപ്പോൾ അമ്മയെ ദേഷ്യം പിടിപ്പിച്ചപ്പോൾ നിനക്ക് സമാധാനയില്ലേ ...

ജാനി പോയപ്പോൾ മുതൽ ഗൗതം സിതാരയെ വഴക്ക് പറയുകയാണ്.

സോറി, ചേട്ടായി .ഞാൻ ഇങ്ങനെയൊക്കെ ആവുമെന്ന് വിചാരിച്ചില്ല. ഇനിയും ചീത്ത പറയല്ലേ ... സോറി.

സിതാര കൊഞ്ചി കൊണ്ട് പറഞ്ഞപ്പോൾ ഗൗതമിന്റെ മനസ്സലിഞ്ഞു. നിറയാറായ കണ്ണുക്കളെ ആശ്വാസിപ്പിക്കാൻ എന്ന പോലെ ഗൗതം തന്റെ അനിയത്തിയെ ചേർത്തു പിടിച്ചു.

മക്കളോട് താൻ ഇപ്പോൾ ചെയ്തത് ഒട്ടും ശരിയായില്ലെന്ന് ജാനിക്ക് തോന്നി. കാരണം തന്റെ പ്രവർത്തി അവരുടെ മനസ്സിനെ വേദനിപ്പിച്ചിട്ടുണ്ടാവും എന്ന് ഉറപ്പാണ്. അവരുടെ വിഷമം മാറ്റാനായി അവൾ അവരെയും കൊണ്ട് പുറത്ത് പോയി. രണ്ടു പേർക്കും ഇഷ്ടമുള്ളതെല്ലാം വാങ്ങി കൊടുത്തു.

വളരെ സന്തോഷത്തോട് കൂടിയാണ് മൂന്ന് പേരും വീട്ടിലേക്ക് തിരിച്ചു വന്നത്.

വീടിനകത്തേക്ക് തുള്ളി ചാടി പോയ സിതാര പെട്ടെന്ന് കലങ്ങിയ കണ്ണുകളുമായി തിരികെ വന്ന് ജാനിയെ കെട്ടിപ്പിടിച്ചു.

എന്ത് പറ്റി ,സിത്തു .

എന്നാലവൾ ഒന്നും പറഞ്ഞില്ല. അകത്തേക്ക് കയറിയപ്പോൾ ലീവിങ് റൂമിൽ മഹിയും പുതിയ സിനിമയുടെ ഡയറക്ടറും സംസാരിച്ചിരിക്കുന്നുണ്ട്.

സിതാരയെ അയാൾ നോക്കിയപ്പോൾ ജാനിയുടെ പുറകിലേക്ക് അവൾ മാറി നിന്നു.


🌼 തുടരും🌼


ഇന്ന് ഒരു പാർട്ട് കൂടി വേണോ ...🥰 രണ്ട് ദിവസം കുറച്ച് ബിസിയായിരുന്നു. അതാണ് നോവൽ ഇല്ലാത്തിരുന്നത്. സോറി ...