സിതാരയുടെ ഭാവമാറ്റം ശ്രദ്ധിച്ചെങ്കിലും അപ്പോൾ ജാനി ഒന്നും ചോദിച്ചില്ല.

ഹേയ്യ് ... ജാൻവി ...
മഹേഷ് നിങ്ങൾ ബന്ധം പിരിഞ്ഞതല്ലേ , പിന്നെയെന്താണ് മുൻ ഭാര്യയിവിടെ ...

നിങ്ങൾ വന്ന കാര്യം നോക്കൂ. അല്ലാതെ ഞങ്ങളുടെ കുടുംബ കാര്യത്തിൽ ഇടപെടേണ്ട ആവശ്യമില്ല.

ചോദ്യം മഹേഷിനോട് ആയിരുന്നെങ്കിലും എടുത്തടിച്ച പോലെയായിരുന്നു ജാനവിയുടെ മറുപടി. അയാളുടെ ചൊറിഞ്ഞുള്ള സംസാരവും  നോട്ടവും അവൾക്ക് തീരെ ഇഷ്ടപ്പെട്ടിരുന്നില്ല.

മഹേഷ്, ദയവായി വീട്ടിൽ വെച്ചുള്ള ഇത്തരം കൂടി കാഴ്ചകൾ ഒഴിവാക്കാണം. സിനിമയെ കുറിച്ചുള്ള ചർച്ചകൾ പുറത്ത് വച്ചാവാം, വീട്ടിൽ വെച്ച് വേണ്ട.

ജാനിയുടെ മഹേഷ് എന്ന വിളിയിൽ ഞെട്ടിയിരിക്കുകയാണ് മഹി .കാരണം തന്റെ ഓർമയിൽ ജാനി മഹിയെന്ന് അല്ലാതെ  ഇതുവരെ പേര് വിളിച്ചിട്ടില്ല. അതു കൂടാതെ  ജാനി  ഇങ്ങനെ പറയുമെന്ന് അവൻ വിചാരിച്ചതുമില്ല.
സിതാരയുടെ അവസ്ഥയാണ് ജാനി പ്രധാനമായും അങ്ങനെ പറയാനുള്ള കാരണം.

സിത്തുവിനെയും ഗൗതമിനെയും കൊണ്ടവൾ റൂമിലേക്ക് പോയി.

തന്റെ റൂമിലേക്ക് പോവാൻ നിന്ന സിത്തുവിനെ അവൾ വിളിച്ച് ബാൽക്കണിയിൽ ഇരുത്തി. ഒപ്പം ഗൗതവും ഉണ്ട്.

സിത്തു , നീ എന്തിനാ അയാളെ കണ്ടപ്പോൾ പേടിച്ചേ ?

ഒന്നൂല്ല അമ്മീ .

സത്യം പറയ് സിത്തു . നീ ആരെയും പേടിക്കണ്ട, എന്തു വന്നാലും നിനക്ക് അമ്മയുണ്ട്. ഒരാളും നിന്നെ ഒന്നും ചെയ്യില്ല.

ജാനി സിതാരയുടെ അടുത്തേക്ക് ഇരുന്നു കൊണ്ട് അവളുടെ തലമുടിയിൽ തലോടി കൊണ്ട് പറഞ്ഞു.

പപ്പയുടെ പുതിയ മൂവിയുടെ പ്രൊജക്റ്റ്‌ തുടങ്ങിയത്തിന് ശേഷം പലപ്പോഴായി അയാൾ ഇവിടെ വരാറുണ്ട്. അയാളുടെ നോട്ടവും പെരുമാറ്റവും എനിക്ക് ഒട്ടും ഇഷ്ടമല്ലായിരുന്നു. ഒരു ദിവസം പപ്പയെ കാണണമെന്ന് പറഞ്ഞയാൾ വീട്ടിൽ വന്നിരുന്നു. പപ്പയിവിടെ ഉണ്ടായിരുന്നില്ല. ചേട്ടായി സ്പെഷ്യൽ ക്ലാസ്സ്‌ കഴിഞ്ഞ് വന്നിട്ടുണ്ടായിരുന്നില്ല. സെർവന്റാണ് അയാളെ വീട്ടിൽ കയറ്റി ഇരുത്തിയത്.

ഞാൻ മുറിയിൽ ഇരുന്ന് നോട്ട്സ് എഴുതുവായിരുന്നു, അമ്മീ . ഡോർ തുറക്കുന്ന ശബ്ദം കേട്ടാണ് നോക്കിയത് , അപ്പോൾ ഒരു വഷളൻ ചിരിയുമായി അയാൾ ഡോർ ലോക്ക് ചെയ്യുന്നതാണ് കണ്ടത്. ഞാൻ ഓളിയിട്ടാൻ നോക്കിയപ്പോൾ അയാളെന്റെ വായ മൂടി. ഞാൻ അവിടെ നിന്നും ഓടി രക്ഷപ്പെട്ടാൻ നോക്കി, പക്ഷേ എനിക്ക് പറ്റിയില്ല. അയാളെന്റെ ശരീരത്തിൽ ആ വൃത്തികെട്ട കൈ കൊണ്ട് തഴുകി .

സിതാരയുടെ കണ്ണുകൾ നിറഞ്ഞു ഒഴുകി കൊണ്ടിരുന്നു. ഗൗതവും ജാനിയും അവളെ ചേർത്തു പിടിച്ചു.

ഞാൻ ആകെ പേടിച്ചു , അമ്മീ . ഭാഗ്യത്തിന് ചേട്ടായി അന്ന് നേർത്തെ വന്നു. താഴെ ഹാളിൽ നിന്ന് ചേട്ടായി എന്നെ വിളിക്കുന്നത് കേട്ടപ്പോൾ അയാൾ മുറിയിൽ നിന്നും ഇറങ്ങി പോയി. പക്ഷേ പോവുമ്പോൾ അയാൾ പറഞ്ഞു \"അങ്കിൾ ആരുമില്ലാത്തപ്പോൾ വരാം, നല്ല കുട്ടിയായിരുന്നാൽ നിനക്ക് കൊള്ളാം\" . അയാൾ എന്നെ എന്തെങ്കിലും ചെയ്യും , അമ്മീ . എനിക്ക് പേടിയാവാ...

ജാനി കണ്ണീർ തുടച്ചു കൊണ്ട് സിത്തുവിനെ ഇറുകെ പുണർന്നു.

അമ്മയുള്ളപ്പോൾ എന്റെ മോളെ ഒരാളും ഒന്നും ചെയ്യില്ല. അമ്മേടെ മോളെ വിട്ടിട്ട് അമ്മ ഇനി ഒരിടത്തേക്കും പോവിലാട്ടോ ... പേടിക്കണ്ട ...

സിതാരയെ ആശ്വാസിപ്പിക്കാനായി ജാനി പറഞ്ഞു.

അന്ന് ആദ്യമായി താനെടുത്ത തീരുമാനം അവൾക്ക് തെറ്റായി തോന്നി. മഹിയോടുള്ള ദേഷ്യത്തിന് , ഒരിക്കലും തന്റെ മക്കളെ മറക്കരുത്തായിരുന്നു. അവർ എന്ത് തെറ്റ് ചെയ്തു. 

രണ്ടു പേരും ഉറങ്ങിയ ശേഷം ജാനി മഹിയുടെ റൂമിലേക്ക് പോയി. എന്നാൽ അവൻ അവിടെയുണ്ടായിരുന്നില്ല. നോക്കിയപ്പോൾ ബാൽക്കണിയിൽ വെറുതെ ഇരിപ്പുണ്ട്.

മഹേഷ്, എനിക്ക് സംസാരിക്കണം.

എന്ത്?

അന്ന് സിവോഴ്സിന്റെ സമയത്ത്, നിങ്ങൾ എന്താ പറഞ്ഞത് എന്ന് ഓർമയുണ്ടോ ? നീ ഇല്ലെങ്കിലും അവർക്ക് ഒരു കുറവുമില്ലാത്തെ എനിക്ക്  നോക്കാൻ പറ്റുമെന്ന് ,അല്ലേ ? എന്നിട്ട് എന്നെങ്കിലും നിങ്ങൾ അവരെ മനസ്സിലാക്കാൻ ശ്രമിച്ചോ... എങ്കിൽ ഇന്ന് സിതാരയ്ക്ക് ഇങ്ങനൊരു അവസ്ഥ വരുമായിരുന്നോ ...

സിതാരയ്ക്ക് എന്താ പറ്റിയത് ... നിന്നോടാ ചോദിച്ചത് ... പറയാൻ ...

അവളുടെ കൈയ്യിൽ പിടിച്ച് തന്നോട് അടിപ്പിച്ചു കൊണ്ടവൻ ചോദിച്ചു.

അയാൾ ... ആ പുതിയ സിനിമയുടെ ഡയറക്ടർ ... സിതാരയെ...

മഹിയുടെ നിശ്വാസം അവളുടെ മുഖത്ത് തട്ടിയപ്പോൾ അവളുടെ ശബ്ദം ഇടറി.

സിതാര പറഞ്ഞതെല്ലാം ജാനി മഹിയോട് പറഞ്ഞു. മഹിയുടെ കണ്ണുകൾ രക്ത വർണ്ണമായി. വിഷമവും ദേഷ്യവുമെല്ലാം കൂടി അവൻ വല്ലാത്തൊരു അവസ്ഥയിൽ എത്തിയിരുന്നു.

നീ പറഞ്ഞല്ലോ, എന്റെ കടമയെ കുറിച്ച് ... ഒരു അമ്മയ്ക്ക് തന്റെ മക്കളിൽ എന്നും അവകാശമുണ്ട്. അച്ഛനും അമ്മയ്ക്കും തുല്യമായി തന്റെ മക്കളിൽ ഉത്തരവാദിത്വവും ഉണ്ട്. ഒരു കാരണവുമില്ലാത്തെ അന്ന് ബന്ധം പിരിയണം എന്ന് നീ ആവശ്യപ്പെട്ടപ്പോൾ പോലും ഞാൻ എതിർത്തിട്ടില്ല. എന്നാൽ സ്വന്തം മക്കളെ പോലും മറന്നു കൊണ്ട് നീ നിന്റെ സുഖം നോക്കി പോയില്ലേ ...


🌼 തുടരും🌼