മഹി ബീച്ചിന് അടുത്തുള്ള അവരുടെ തന്നെ റിസോർട്ടിൽ കാർ നിർത്തി.

മഹേഷ് സർ , സോന മേഡം ഹണിമൂൺ സ്യൂട്ടിൽ ഉണ്ടെന്ന് പറയാൻ പറഞ്ഞിരുന്നു.

അവർ റിസോർട്ടിനുള്ളിലേക്ക് കയറിയപ്പോൾ തന്നെ റീസെപ്ഷണലിസ്റ്റ് വന്നു പറഞ്ഞു.

മഹിയും ജാനിയും ഒരുമിച്ചാണ് സ്യൂട്ടിലേക്ക് പോയത്.

റൂമിന്റെ ബെൽ അടിച്ച് നിമിഷ നേരം കൊണ്ട് തന്നെ സോന മുറിയുടെ വാതിൽ തുറന്നു. മഹിയുടെ ഒപ്പം ജാനിയെ കണ്ടപ്പോൾ അവളുടെ മുഖം ഇരുണ്ടു. മഹി മാത്രം വരുമെന്നാണ് അവൾ പ്രതീക്ഷിച്ചിരുന്നത്. അതുകൊണ്ടാണ് ഹണിമൂൺ സ്യൂട്ട് ചോദിച്ചു റിസർവ് ചെയ്തത്.

മഹിയും ജാനിയും അകത്തേക്ക് കയറി ഇരുന്നു. ജാനി മുറിയിലൂടെ ഒന്ന് കണ്ണൊടിച്ചു. ഹണിമൂൺ സ്യൂട്ട് ആയതു കൊണ്ട് തന്നെ റൊമാന്റിക് ഫീൽ വരുന്ന രീതിയിലാണ് ആ മുറി ഒരുക്കിയിരിക്കുന്നത്. അവസാനമായി ജാനിയുടെ കണ്ണ് ഉടക്കിയത് സോനയിലാണ് .പാർട്ടി വെയറാണ് വേഷം. ഒറ്റ നോട്ടത്തിൽ വശീകരിക്കാൻ കഴിയുന്ന രീതിയിലാണ് വസ്ത്രധാരണം.

കുറച്ച് അധികം നേരം അവർക്കിടയിൽ മൗനം തള്ളം കെട്ടി നിന്നു.

നിങ്ങളെന്തിനാ വന്നേ ?
സോന അനിഷ്ടത്തോടെ ജാനിയെ നോക്കി ചോദിച്ചു. 

സോനയുടെ ചോദ്യം കേട്ട് ജാനി മഹിയെ നോക്കി. കാരണം ഇവിടെ എന്തിനാ വന്നതെന്ന് മഹിയോട് തന്നെ ചോദിക്കണം. എന്നാൽ മഹി കാര്യമായ എന്തോ ആലോചനയിലാണ്.

പെട്ടെന്നാണ് സ്യൂട്ടിന്റെ കോളിങ് ബെൽ മുഴങ്ങിയത്. സോന വാതിൽ തുറക്കുന്നതിനു മുൻപ് തന്നെ മഹി പോയി വാതിൽ തുറന്നു. ജാനി ആണെങ്കിൽ അവിടെ എന്താണ് നടക്കുന്നത് എന്ന് മനസ്സിലാവാതെ  ചുറ്റം നോക്കിയിരിക്കുകയാണ്.

മഹേഷ് സർ , അഭി സർ ഇത് തരാൻ പറഞ്ഞു.

മഹിയോട് ഇതും പറഞ്ഞ് ഒരു പെൻഡ്രൈവും കൊടുത്ത് വന്ന ആൾ പോയി. സോനയും ജാനിയും പെൻഡ്രൈവിലേക്ക് നന്നായി തന്നെ നോക്കുന്നുണ്ട് .കാരണം രണ്ടു പേർക്കും അതിൽ എന്താണെന്ന് ഒരു പിടിയുമില്ല.

മഹി സോനയോട് ചോദിച്ച് അവളുടെ ലാപ്പിലേക്ക് ആ പെൻഡ്രൈവ് കണക്റ്റ് ചെയ്തു. നാല് വർഷങ്ങൾക്കു മുമ്പുള്ള സി.സി.ടി.വി വിഷ്യൽസാണ് അത്. ജാനി സംശയത്തോടെ മഹിയെ നോക്കി. എന്നാൽ അവൻ ഒന്നും പറഞ്ഞില്ല.

വിഷ്യൽസ് അടങ്ങിയ വീഡിയോ പ്ലേയ് ചെയ്യാൻ തുടങ്ങിയതും സോന തണുപ്പിലും വെട്ടി വിയർക്കാൻ തുടങ്ങി. അവിടെ നിന്ന് ഇറങ്ങി ഓടിയാലോ എന്ന് പോലും അവൾക്ക് തോന്നി. ഒരിക്കലും സോന മഹിയിൽ നിന്ന് ഇങ്ങനെയൊരു നീക്കം പ്രതീക്ഷിച്ചിരുന്നില്ല.

റിസോർട്ടിലെ സെക്യൂരിറ്റി മഹിയെ മുറിയിലേക്ക് താങ്ങി പിടിച്ച് കൊണ്ടു പോവുന്നതും പിന്നീട് ഒരു അര മണിക്കൂറിനു ശേഷം സോന മുറിയിലേക്ക് കയറി പോവുന്നതുമാണ് വിഷ്യൽസിൽ. വീഡിയോയിൽ നിന്ന് മഹി പൂർണ ബോധാവസ്ഥയിൽ അല്ലെന്ന് വ്യക്തമാണ്.

വീഡിയോ പ്ലേയ് ചെയ്തു കഴിഞ്ഞതും മഹിയും ജാനിയും ഒരുപോലെ രൂക്ഷമായി സോനയെ നോക്കി. ജാനി ഇരുന്നിടത്തും നിന്നും എണീറ്റു. നേരെ പോയി സോനയുടെ കരണകുറ്റി നോക്കി ഒന്ന് പൊട്ടിച്ചു. ആ അടിയിൽ അവൾ വേച്ചു പോയി. ജാനിക്ക് വിഷമവും ദേഷ്യവും എല്ലാത്തും കൂടി സഹിക്കാൻ കഴിയാത്ത അവസ്ഥയിലാണ്. മഹിയുടെ മുഖത്തേക്ക് നോക്കാൻ ജാനിക്ക് സ്വയം ലജ്ജ തോന്നി.

ബാക്കി നീ പറയുന്നോ ... അതോ ...ഞാൻ പറയിക്കണോ ...

മഹിയുടെ ശബ്ദം അവിടെ ഉയർന്നു.
സോന വിറയ്ക്കുന്നുണ്ട്. മഹിയെ ഇത്രയും ദേഷ്യത്തോടെ അവൾ ഇതുവരെ കണ്ടിട്ടില്ല.

ഞാ... ഞാൻ ... എനിക്ക് ഒന്നും അറിയില്ല. ഇ... ഈ ... വീഡിയോ ഫേക്കാണ്. എനി ... എനിക്ക് ... ഒന്നും ഓർമയില്ല.

മനസ്സിന്റെ ബലഹീനത അവളുടെ വാക്കുകളിലും പ്രതിധ്വനിച്ചു.

നിനക്ക് ഒന്നും അറിയില്ലല്ലേ ... പറയെടി ...

മഹി സോനയുടെ കഴുത്തിന് കുത്തി പിടിച്ചു ചോദിച്ചു.

ഞാ... ഞാൻ പറയാം ... എന്നെ വിട്ട് ...
സോന മഹിയോട് യാചിച്ചു.

മഹി , അവളെ വിട്. എന്താണെങ്കിലും നമുക്ക് സംസാരിക്കാം.

ജാനി മഹിയുടെ കൈ വിടുവിച്ചു കൊണ്ട് പറഞ്ഞു. മഹിയുടെ കൈ അയഞ്ഞതും ചുമച്ചു കൊണ്ട് സോന ദയനീയമായി ഇരുവരേയും നോക്കി.

ഞാൻ ഒന്നും മനപ്പൂർവം ചെയ്തതല്ല. എനിക്ക് വേറെ നിവർത്തി ഇല്ലായിരുന്നു. അവരെന്നേ ഭീഷണിപ്പെടുത്തി. ഒരിക്കലും നിങ്ങളുടെ ജീവിതം നശിപ്പിക്കണമെന്ന് കരുതിയതല്ല.

സോന കരഞ്ഞു കൊണ്ട് നിലത്തേക്ക് ഊർ നിരുന്നു.

അന്ന് രാത്രി ഷൂട്ടിങ് കഴിഞ്ഞ് ഞാൻ എന്റെ റൂമിലേക്ക് പോവുമ്പോഴാണ് എനിക്ക് കോൾ വന്നത്. മഹിയുടെ റൂമിലേക്ക് പോവാൻ പറഞ്ഞു. അവിടെ ചെന്നപ്പോൾ മഹി അബോധാവസ്ഥയിൽ ബെഡിൽ കിടക്കുന്നുണ്ട്. എനിക്ക് വീണ്ടും കോൾ വന്നു. എന്നോട് ട***x ചെയ്യാൻ പറഞ്ഞു അവർ. വേറെ നിവർത്തിയില്ലായിരുന്നു. അവരുടെ ഉദ്ദേശം പീന്നിട് ആണ് ഞാൻ അറിഞ്ഞത്. ആ സംഭവം ന്യൂസ് ആക്കുകയായിരുന്നു അവരുടെ പ്ലാൻ. മഹിയുടെ സിനിമാ ജീവിതം നശിപ്പിക്കുക എന്നതിലുപരി പല ഉദ്ദേശങ്ങളും അവർക്ക് ഉണ്ടായിരുന്നു. അതിനു വേണ്ടി  അവർക്കുള്ള ഒരു ഇര മാത്രമാണ് ഞാൻ . എന്നാൽ എവിടെയോ അവരുടെ പ്ലാൻ പാളി. മീഡിയയുമായി അവർ റിസോർട്ടിൽ എത്തിയപ്പോൾ മഹി അവിടെ ഉണ്ടായിരുന്നില്ല.

സോന പൊട്ടി കരഞ്ഞു കൊണ്ട് പറഞ്ഞു.

ആർക്ക് ... ആർക്ക് വേണ്ടിയാടി ... നീ ഈ തറവേല കാണിച്ചേ ...

മഹി സോനയ്ക്ക് നേരെ ചീറി. ജാനി ഒന്ന് പ്രതികരിക്കാൻ പോലും കഴിയാത്ത അവസ്ഥയിലാണ്. കാരണം അവളിലെ സ്ത്രീക്ക് സോനയെ മനസ്സിലാക്കാൻ കഴിയുന്നുണ്ടായിരുന്നു.

പെട്ടെന്ന് മഹിയുടെ ഫോൺ ശബ്ദിച്ചു , ഗൗതമാണ്.

പപ്പാ, നിങ്ങൾ എവിടെയാ ... ഒന്ന് വേഗം വായോ... സിതാരയ്ക്ക് നന്നായി പനിക്കുന്നുണ്ട് . അവൾ കരച്ചിലും നിർത്തുന്നില്ല. അമ്മയെ എങ്ങോട്ടാ കൊണ്ടോയെ... ഒന്ന് വേഗം വാ പപ്പാ ...

ഗൗതം ആശങ്കയോടെ പറഞ്ഞു.

മഹി മതി, നമുക്ക് പോവാം ... ഇവളോട് പിന്നെ ചോദിക്കാലോ... വാ മഹി...

ജാനി മഹിയെ നിർബന്ധിച്ച് പിടിച്ചു വലിച്ചു കൊണ്ടു പോയി. പോവുമ്പോൾ മഹി സോനയുടെ ലാപ്പിൽ നിന്ന് പെൻ ഡ്രൈവ് എടുക്കാൻ മറന്നില്ല.

കാറിൽ തിരികെ പോവുമ്പോൾ രണ്ടു പേരും പരസ്പരം മൗനത്തെ കൂട്ട് പിടിച്ചു. എവിടെ നിന്ന് എന്ത് സംസാരിച്ച് തുടങ്ങമെന്ന് രണ്ടു പേർക്കും നിശ്ചയമില്ല.

മഹി... ജാനി ആർദ്രമായി മഹിയെ നോക്കി വിളിച്ചു.

എന്താ ജാനി ... മഹി തിരിച്ച് വിളികേട്ടു. മഹിയെന്ന് ജാനി വീണ്ടും വിളിച്ചു തുടങ്ങിയത്തിൽ മഹിക്ക് നല്ല സന്തോഷമുണ്ട്. അവർക്കിടയിൽ വീണ്ടും വർഷങ്ങൾക്ക് ശേഷം പഴയ സമധാനവും സന്തോഷവും തിരിച്ച് കിട്ടിയതുപോലെ അവർക്ക് പരസ്പരം തോന്നി.

നാല് വർഷം മുൻപത്തെ ആ സി.സി.ടി.വി വിഷ്യൽസ് എങ്ങനെ കിട്ടി. ഇത്രയും കാലമൊന്നും ഒരു റിസോർട്ടിലും സി.സി.ടി.വി വിഷ്യൽസ് സൂക്ഷിക്കില്ലല്ലോ ...

ജാനി സംശയത്തോടെ മഹിയെ നോക്കി ചോദിച്ചു.

അന്ന് സോനയുടെ കൂടെ ആയിരുന്ന ഞാൻ എങ്ങനെ മീഡിയ വന്നപ്പോഴെക്കും അവിടെ നിന്ന് അപ്രതിക്ഷമായി.

മഹി ജാനിയുടെ ചോദ്യത്തിന് ഉത്തരം പറയുന്നതിന് പകരം അവളോട് മറ്റൊരു ചോദ്യം ചോദിച്ചു.

അതും ഇതും തമ്മിൽ എന്താ ബന്ധം ...?
ജാനി ചോദിച്ചു.

ബന്ധമുണ്ട് ജാനി ... നീ ആദ്യം എന്റെ ചോദ്യത്തിനുള്ള ഉത്തരം പറ .
മഹി  പറഞ്ഞു.

അത് ... അന്ന് ഞാൻ നിങ്ങളെ അങ്ങനെ കണ്ടപ്പോൾ തകർന്നു പോയിരുന്നു.
ജാനി പറഞ്ഞു തുടങ്ങി.


🌼തുടരും🌼

(ജാനി ഇനി പറയാൻ പോവുന്ന അന്നത്തെ രാത്രിയിലെ സംഭവങ്ങൾ പ്രസന്റ് പോലെ അടുത്ത ഭാഗത്തിൽ എഴുതാം)

ഈ പാർട്ടിൽ ഇനിയും എഴുതണമെന്നുണ്ട് . എന്നാൽ സമയം തീരെ ലഭിക്കുന്നില്ല. ഈ പാർട്ട് മുഴുവനാക്കാൻ ഇരുന്നാൽ ഇനിയും ഒരുപാട് വൈകും. അതുകൊണ്ട് എഴുത്തിയിടത്തോളം പോസ്റ്റ് ചെയ്യുകയാണ്. സ്റ്റോറി വൈകിക്കുന്നതിൽ വിഷമമുണ്ട്. കഴിവതും അടുത്ത ഭാഗം വേഗം പോസ്റ്റ് ചെയ്യാം.